هل تاخذ عروض هذه الجهات بجدية؟

[عابر سبيل]

فقط حبيت اعرف مدى استفادتك الفعلية من عروض
• الطيران/ القطرية
• الاتصالت (اوريدو/فودافون)
• بطاقات الائتمان من البنوك (كلن حسب بنكه)
• المراكز التجارية(الميره/كارفور/اللولو الخ الخ)..

ايا منها تاخذه و تتعامل معه بجدية
و استفدت فعلا منه
و اي منها تعتقد انها ( وهمية)
و من غير مجدي اخذها و لا يمكن
الانتفاع منها و انك في الحقيقة ستدفع/ تخسر
اكثربدلا من التوفير؟

[غايه الطواش]

فقط يهمني عروض القطريه :yu:
لان اسعار التذاكر تلسع:fight:
اما عروض المراكز الغدائيه نهائيا ماصدقها لان العروض ف الغالب ترتبط بفتره انتهاء المواد الغذائيه بفتره بسيط ف يكون الزبو ن هو الضحيه او المستهدف :fight:
اما عروض البنوك فأنها مع مقوله (don't trust banker ):deal:

مره اتصلت لي موظفه بنك بخصوص عروض تامين وووووو وتامين على حياتي واذا في حادث واذا مت بكون راتب للورثهomen
قلت لها اذا انت مشتركه انا بشترك ضحكت وقالت وظيفتي اوضح العروض:ok2: قلت لها انزين فلان الفلاني مشترك
CFO مال البنك قالت اي قلت لها طرشي لي نسخه عشان اصدق :deal::nono:
مادري الظاهر انا كنت رايقه ذيك الحزه والا بالعاده اي حد يتصل بخصوص العروض ماعطيه ويه :funny:( الهقوى اني كنت شايره في زحمه:waiting: )
اما عروض اريدو اشتركت في خدمه 400 نت غير محدود وعلى كيفهم الجماعه ارفعوا السعر من غير اخذ راي الكوستمر :nop: تحت بند تحسين الخدمات ويش الي تحسن الله واعلم:con2:

[Rider]

مايهمني شي منها

[برشلوني قطر]

سابقا القطرية كانت عروضها ممتازه...حاليا ماتنفع..

الشي الي حاليا استفيد منه الفيزا...تطلع لي تذاكر مجانيه.

[sara jsm]

كلهم خرابيط :tooth:

[مرتبش]

في الاغلب ماتقدر تستفيد منها .. لو هالشركات توفر مصاريف العروض واعلاناتها وتركز على تخفيض سعر المنتج الكل بيستفيد.

[سهم فضة]

في الاغلب ماتقدر تستفيد منها .. لو هالشركات توفر مصاريف العروض واعلاناتها وتركز على تخفيض سعر المنتج الكل بيستفيد.


اختصرت علي الكثير من الكلام جزاك الله خير

فعلا لو تركز عالخصومات ( الحقيقية ) وتترك العروض و النقاط وغيرها ابرك وتوفر فلوس هالشوو اللي اشوفه عالفاضي .

[سعود.]

من ايام كيوتل الى اوريدو

والاغلب يتشكى وانا اول واحد بس للامانة باقة اوريدو ( قطرنا ) 350 ريال شهري ممتازة داخليا وخارجيا*.

[@north_star@]

للاسف عروض القطرية ما تقدر تستفيد منها لانه معظم العروض بالفترات اللي ما فيها ضغط والناس ما يسافرون اما عروضهم اللي بالفترات اللي فيها ضغط تحصل الذهاب رخيص والعودة نار
وبالنسبة للمراكز التجارية مثل الميرة وكارفور وغيرهم بعض العروض صحيحة وتستفيد منها أما الغالبية سعر العرض قريب جدا من سعه الاصلي بدون عرض ومرات يكدسون البضاعة
بالنص على ساس انها عرض وتشوف سعرها على الرف نفس السعر .

بالنسبة للاتصالات عروضهم مجرد اغراء عشان تاخذ العرض وتحصل نفسك تدفع اكثر وبعض العروض مثل اضافة بيانات انترنت مجانية لازم تخلصها بنفس اليوم وطبعا ما يمديك تخلصها .

واخيرا البطاقات الاتمانية استخدم بطاقة فيزا المصرف prepaid واحط فيها حسب الحاجة .

[qatarman8008]

لاتنسون عروض البنوك والنقاط..
اعرف شباب شهريا يحولون راتبهم كامل عالماستر كارد او الفيزا بس عشان تنحسب له نقاط..
النقاط هذي تجيب تذكرة او تذكرتين اخر السنة..

[qatarman8008]

عروض القطرية تقدر تستفيد منها لما تكون الوجهه بعيدة مثل امريكا و استراليا..
او الهند وباكستان ..
الهنود عندنا لما يحطون عرض عالقطرية تطلع لهم التذكرة بنص السعر تقريبا..
لكن لما تروح تشوف تذاكر تركيا او ماليزيا مثلا تلاقيهم نفس السعر ..

[معماري قطري]

ما استفدت الا من عروض هوتلز دوت كوم يعطون ليالي مجانية

القطرية خصم الشغل حلو ومعقول يطلع لي مبلغ زين وكذلك اوريدو وبطاقة التقاعد تنفع في حتى شراء سيارات وهذا هو العرض الحقيقي من الحكومة وما تقصر

[معماري قطري]

يحليل القطرية عايشين للحين في عصور ما قبل الكمبيوتر

قلت لهم ابي خصم عسكري قالوا جيب كتاب من الشغل أو جيب بطاقتك وصورة من عقد الزواج وشهادات الميلاد .. يا ناس ليش هالتعقيد كل مرة اجيب هذي الصور احفظوها خلاص قالوا ندري وعندنا أسماء العائلة حسب بطاقة القطرية العائلية بس هذي شروط التخفيض .. التخفيض معقول بحدود 10% على كل تذكرة تحصل ليلة اقامة فندقية تقريباً

[عابر سبيل]

كلهم خرابيط :tooth:

بعد هالردود..
هل لازال التعميم هذا موجود!

انا عن برنامج اوريدو (نجوم) استفدت منه
والحمد لله..

اما برامج الاشتراكات الشهريه و هلم جرا
اشترك فيها بس احس اني دائما مقصوص
علي فيها..و الدليل اني عمري ما جاتني
اخر الشهر نفس مبلغ الاشتراك دايما ادفع اكثر
مع اني اراقب عدل استخدامي للجوال بس
مدري من وين يطلعون علي بيزات اضافيه

فصرت ادفع و لا حتى ادقق ف الفاتوره..

اما القطريه فعروضهم لم استفد منها بتاتا..

و البنك اللي انا معاه (اسلامي لونه احمر) !؟
استفدت من بطاقته الائتمانية
فحتى لو ما جمعت كفايه لتذاكر لي
و للعائله استخدم نقاطه لتذاكر الخدم و الدريوليه..

بس بعد دايما احس ان هالبرامج تخسرك
اكثر مما تستفيد منها..

ليش ما ادري

[ابو عبدالله.]

صبحكم بالخير

الميره استفيد منها كثير

للحين عروض منتجات رمضان باسعار منخفضه
توفيرا للوقت و المشاوير و الاسعار اشيل جمله
اغلب المنتجات طويله الامد
صابون سائل لليد صابون صحون. صابون ثياب صابون عبايات وملابس اطفال قصدير اكياس قمامه اعزكم الله. و كلينكس و شغلات كثيره . كله بالكراتين اخذهم
لا يقل التوفير عن 30 الى 40%

اضافه الى نقاط الميره فيها استعاده جزء من المبالغ المدفوعه

البنك اسلامي و بطاقتهم بنقاط مع اغلب شركات الطيران. لا صعوبه تلقى مقاعد ولا رسوم مثل القطريه ولا كراسي قليله مخصصه للنقاط. ابد مفتوح ع شركات كثيره. واغلب مشترياتي ع البطاقه. احول فيها فلوس و ادفع. حتى رسوم مدارس العيال و الميره و شركات مثل البلاط و الاطقم وحتى البنزين و قطع الغيار الخ
حتى تذاكر السينما يوم السبت تخصم نصف السعر وتوني عارف هالشي و جربته وفعلا دفعت 350 بدل 700 للتذاكر


اضافه بنكيه وهي ان هالبنك دائما اقل نسبه مرابحه وانا اتابع النسب في البنوك وهو اقلهم 2.64%
اضافه ع عروض التمويل نقاط اضافيه ع بطاقه الفيزا اذا اخذت سلفه


اوريدو ع. باقه شهري لاغلب الجوالات عندي حتى ولدي و نقاط نجوم مفيده جدا بشكل سنوي اطلع ايباد او اثنين للعيال و امور اخرى عبر الشركات المشتركه في نجوم


حبيت اضيف معلومه

تنظيم المشتريات او الاشتراك في انظمه خصومات او توفير مش عيب.
هذه ثقافه استهلاكيه وفيها توفير بالالاف و توصل اكثر بعد
الميره لو بحسب مصروفاتي السنويه. بكون موفر فوق عشر الاف. و نقاط البنك و اوريدو توفر علي تذكرتين اوروبا و اجهزه ايباد و امور اخرى. تتجاوز عشر الاف ايضا
غير امور اخرى ما ذكرتها في التعليق و توفر علي مبالغ اخرى

لكن بالمقابل لابد من الاتزان فما يصير توفر و تخصم وانت ما تخلي شي الا شريته حتى لو ما تحتاجه ولا توفر من الراتب و تسوي لك شيء للعيال او تصرف الي توفره بامور لا تستحق

لا تحرم نفسك ولا تبذر ع الاخر

بالمقابل لا تستهين بثقافه الاستهلاك ففيها احد اسباب رفع المعيشه لاسرتك و امكانيه توجيه التوفير لتجاره او استثمار حتى لو بسيط لكن ينمو مع الوقت

شغله اخيره و اتمنى محد يزعل

لا تتغلى و تذم هالافكار خصوصا اذا عايش ع راتبك ولا توفر ولا تقدر تدير امورك الماليه و تشتري موتر فوق طاقتك و متسلف حدك و معتمد على غيرك

على الاقل حفز الغير على الافكار الايجابيه سواء توفير و ادخار او تغيير للافضل و ثقافه اعلى

دمتم بود

[ابو عبدالله.]

ما استفدت الا من عروض هوتلز دوت كوم يعطون ليالي مجانية

القطرية خصم الشغل حلو ومعقول يطلع لي مبلغ زين وكذلك اوريدو وبطاقة التقاعد تنفع في حتى شراء سيارات وهذا هو العرض الحقيقي من الحكومة وما تقصر


صبحك بالخير

واحد يقول لي
اربط بوكنج دوت كوم مع القطريه

كل ما تحجز تاخذ نقاط من القطريه و من بوكنج. نقاط مضاعفه يعني

ما سويتها لكن علموني عليها هههه

[قطريه ماركه]

القطرية اي نصدق عروضهم لأنه خصومات
كارفور اي يعطوننا كوبونات نشتري منها بين كل فترة و فترة

[sara jsm]

اوكي اوريدو تستفيد من النقاط عقب سنه على كثر ماتدفع وتعبي تنحسب لك النقاط ..
واخر شي تحولها للميرة او السينما او تذاكر ..

اما نقاط الميره من سجلت فيها من 6 شهور وانا كل مااروح ماتقل مشترياتي عن 300 - 400 ريال كل اسبوعين ..
اخر شي يوم اقولهم كم عندي رصيد قالت 30 ريال 🙃
اظن كل 1000 ريال مقابلهم 1 ريال او 10 ريال ماادري اشلون تنحسب ..

بطاقه (( شكرا )) لما اشتري او استخدمها في العاب اليهال عند الكاشير هم يقولون لي عندج هالمبلغ في الرصيد اذا تحبين تستخدمينهم وينخصم ..

هالامور الواحد مايعتمد عليها على حساب معيشته او يوفر من خلالها لانك قاعد تدفع وكل ماتدفع زيادة تحصل ريالين زيادة ..

:

اخوي بوعبدالله / احترم رايك لكن منتجات الميرة مش في ذاك المستوى ان الواحد يشتري منهم بالكميات ..
يمكن القصدير اوكي لكن الفاين يتنتف ويلصق في اليد .. ولا اكياس القمامة الله يعزكم جنه قرطاس صفيحة رقيق حده .. هذولا لو كرتون بعشر ماخذته .. في النهايه انا اشوف ان هم مايقدمون للزبون الا اللي طايح بجبدهم ..

[ابو عبدالله.]

اوكي اوريدو تستفيد من النقاط عقب سنه على كثر ماتدفع وتعبي تنحسب لك النقاط ..
واخر شي تحولها للميرة او السينما او تذاكر ..

اما نقاط الميره من سجلت فيها من 6 شهور وانا كل مااروح ماتقل مشترياتي عن 300 - 400 ريال كل اسبوعين ..
اخر شي يوم اقولهم كم عندي رصيد قالت 30 ريال ��
اظن كل 1000 ريال مقابلهم 1 ريال او 10 ريال ماادري اشلون تنحسب ..

بطاقه (( شكرا )) لما اشتري او استخدمها في العاب اليهال عند الكاشير هم يقولون لي عندج هالمبلغ في الرصيد اذا تحبين تستخدمينهم وينخصم ..

هالامور الواحد مايعتمد عليها على حساب معيشته او يوفر من خلالها لانك قاعد تدفع وكل ماتدفع زيادة تحصل ريالين زيادة ..

:

اخوي بوعبدالله / احترم رايك لكن منتجات الميرة مش في ذاك المستوى ان الواحد يشتري منهم بالكميات ..
يمكن القصدير اوكي لكن الفاين يتنتف ويلصق في اليد .. ولا اكياس القمامة الله يعزكم جنه قرطاس صفيحة رقيق حده .. هذولا لو كرتون بعشر ماخذته .. في النهايه انا اشوف ان هم مايقدمون للزبون الا اللي طايح بجبدهم ..

احترم رايك اختي ساره

لكن معاي ماشيه مضبوط
شامبو عبايات اخذه ب 36 ريال. بيرسل
و العرض اخذه ب 33 و معاه لتر مجانا. فآخذ 4 كراتين 12 حبه ومعاه 12 لتر مجانا
ديتول ب 34 ريال و لقيت صناعه قطريه ب 16 و كوالتي زين. و العرض صار ب 10 ريال. و اخذ 40 حبه لسنه كامله تقريبا

صابون بيرل 6 كيلو ب 42 ريال و بالعرض 30 اخذ 20 حبه
اكياس قمامه اعزكم الله انواع و اخذ النوع الي يستحمل و كل عرض فيه لخبطه. بعضهم نفس السعر و اقل بعدد الاكياس و كلهم ملفوفين ربطات و عروض
نوع معين عدد اكثر و اكبر بالحجم يفرق ع البقيه 25% بعدد الاكياس يعني اخذ 500 كيس بخصم 25%

الكلينكس بعرض معين صناعه قطريه. لوسيل ست حبات بعشر ريال و البقيه خمس حبات ب 18 لين 26 ريال
اخذ 35 شده يعني فوق 200 علبه

مره شريت اغراض بالفين ريال و حسبت كم فارق السعر خارج العرض. طلع الف ريال اكثر بدون العروض

هذه كم شغله. وما ذكرت باقي الشغلات

حتى اكياس الساندوش للاطفال اشتري ب 600 و 700 حبه في كم نوع وفي نوع تركي افضلهم و ارخصهم

لو نركز ببعد العروض الدائمه بنلقى امور غريبه

حفاضات اطفال 40 حبه بسعر. و شده 56 حبه بسعر. ولو نقسم العدد ع السعر بنحصل شده 40 حبه ارخص
مع ان بالعاده لما تشتري اكثر يخفضون الشركات السعر. لكن مع التثبت نلقى انهم يرفعون السعر للحجم الاكبر لانهم يعرفون الزبون بيظن ان الاكبر ارخص ككميه

في امور كثيره اخذها من الميره و ما يوسع المجال لحصرها انا بس ذكرت امثله

[sara jsm]

ماشاءالله لا اله الا الله عليك اخوي بوعبدالله ..
انت تشتري لين سنه :strong انا حدي شهرين ..
ويمكن الاستهلاك عندك كبير عشان جذي هالعروض تفيدك ..
:
الله يوفقك وسياستك عجيبه :thumbup:

[ابو عبدالله.]

ههههه قبل من سنين ما كنت جذي لكن لما شفت مبالغ تنصرف قلت ارتبها

اذكر الشباب يروحون الحسا و اوصيهم بشغلات مثلا 6 كراتين قصدير
كل كارتون فيه ست حبات حجم عائلي يعني اكثر من سنتين استخدام و الحبه ب 32 ريال بس
كانت عندنا فوق الخمسين للحبه

على فكره. في شركه قطريه تبيع مياه غراش و دائما اطلب خمسين كرتون
الكرتون 40 غرشه حجم 330 ملي. و الكارتون بعشر ريال و قبل كنت اخذ من الميره الكارتون ب 18 ريال
تقريبا نص السعر الحين

للفائده. هالامور في البدايه تحتاج اطلاع بعدها خلاص تعرف ايش تبي و تمر الميره و تشيل و تدفع

وتقل عدد مرات الزياده للميره بشراء الجمله و توفير وقت و جهد و مشاوير و زحمه الكاشير

[ابو عبدالله.]

ماشاءالله لا اله الا الله عليك اخوي بوعبدالله ..
انت تشتري لين سنه :strong انا حدي شهرين ..
ويمكن الاستهلاك عندك كبير عشان جذي هالعروض تفيدك ..
:
الله يوفقك وسياستك عجيبه :thumbup:


يوفقنا جميعا ان شاء الله

لما عدد الابناء يزيد و الخدم و حجم البيت تكون المشتريات ضخمه و ادارتها فن خصوصا اذا الاب هو الي يدير اغلب الامور الماليه و المستلزمات

غصب نصير بروفشنال بأداره الوقت و المال و المسؤوليات و اتمنى في تعليقاتي شي مفيد للجميع

[عابر سبيل]

يوفقنا جميعا ان شاء الله

لما عدد الابناء يزيد و الخدم و حجم البيت تكون المشتريات ضخمه و ادارتها فن خصوصا اذا الاب هو الي يدير اغلب الامور الماليه و المستلزمات

غصب نصير بروفشنال بأداره الوقت و المال و المسؤوليات و اتمنى في تعليقاتي شي مفيد للجميع

اي بالله انها افادتنا يابوعبدالله
وانا اول المستفيدين
و حقيقة لما طرحت الموضوع ما تخيلت
اني بحصل هالكم من التفاعل النوعي و المفيد
من الجميع و لا بقصور بكل المشاركات و المشاركين..

لكنك خدمتنا اكثر و نورتنا الله يجزاك كل خير..

السؤال يابوعبدالله لما انك جبت طاري الخدم..
الخوف لما يشوفون الاغراض كثيره و متوفره
يسيؤون استخدامها و لا يحسبون حساب..

لذلك انا شخصيا اخذ على قد اسبوع/اسبوعين
مع اني -مثلا- عندي فريزرين كبار .. بس ما اخذ
كميات من اللحوم و الدجاج و المجمدات تترسهم ..
و هكذا باقي الاغراض.

فانت شلون عندكم الكونترول؟

[sara jsm]

يوفقنا جميعا ان شاء الله

لما عدد الابناء يزيد و الخدم و حجم البيت تكون المشتريات ضخمه و ادارتها فن خصوصا اذا الاب هو الي يدير اغلب الامور الماليه و المستلزمات

غصب نصير بروفشنال بأداره الوقت و المال و المسؤوليات و اتمنى في تعليقاتي شي مفيد للجميع

ماشاءالله الله يحفظهم ويخليهم لك ..
كنت باسئلك بس سبقني اخوي عابر :confused: عن الخدم !!؟

[معماري قطري]

ماشاءالله لا اله الا الله عليك اخوي بوعبدالله ..
انت تشتري لين سنه :strong انا حدي شهرين ..
ويمكن الاستهلاك عندك كبير عشان جذي هالعروض تفيدك ..
:
الله يوفقك وسياستك عجيبه :thumbup:

أي واحد كنيته بو عبدالله خطير

وانتي جوائزج بعد سخية كله كوبونات :yes:

[ابو عبدالله.]

اي بالله انها افادتنا يابوعبدالله
وانا اول المستفيدين
و حقيقة لما طرحت الموضوع ما تخيلت
اني بحصل هالكم من التفاعل النوعي و المفيد
من الجميع و لا بقصور بكل المشاركات و المشاركين..

لكنك خدمتنا اكثر و نورتنا الله يجزاك كل خير..

السؤال يابوعبدالله لما انك جبت طاري الخدم..
الخوف لما يشوفون الاغراض كثيره و متوفره
يسيؤون استخدامها و لا يحسبون حساب..

لذلك انا شخصيا اخذ على قد اسبوع/اسبوعين
مع اني -مثلا- عندي فريزرين كبار .. بس ما اخذ
كميات من اللحوم و الدجاج و المجمدات تترسهم ..
و هكذا باقي الاغراض.

فانت شلون عندكم الكونترول؟

صباح الخير

الخدم استخدامهم عادي جدا.

ما اشوف هدر بصراحه.

اذا انت لاحظت هدر بشيء شوف كيف يستخدمونه و بتعرف ليش و تنصحهم.

الا حالات معينه سمعت عنها. وهي الخدامات يعطون هنود من اغراض البيت
واحد صاد خدامته مطلعه جدر مليان عيش غير مطبوخ. و حط يده بالجدر لقى سوبرماركت داخله ههه
صابون ع معجون اسنان ع شامبو ع معجون طماطم. الخ

اخوي حتى لو في هدر بسيط. لاحظ انك اخذت اغراض بنص القيمه او اقل

مثل صابون فيري. سعره 15 ريال. للتر ونص و سووه بعشر و الحين بخمس ريال

حتى لو في هدر ما لاحظته بعد انت مستفيد من الجمله و السعر

و سالفه الهدر تعتمد ع الافراد

ممكن سواقك يدور بالموتر بدون علمك و يخلص البترول بيومين و تعبي بمئتين و يخسرك الي وفرته بالجمعيه كله

لكن اذا تعرف صرفيته البترول وانها كل ثلاث ايام و يجيك كذا مره يبي بترول كل يومين. بتكلمه و بيعرف انك لاحظت و بيقلل لعبته

اذا الاب فاهم و يعرف يتصرف بيحاسبون ع الهدر. لكن اذا افچ ولا يركز ولا يشتري الاغراض بنفسه و معتمد ع الخدم فأكيد بيهدرون و يسرقون بعد


قريب لي. يطرش السواق يشتري اغراض البيت و لقى بالفاتوره 3 جبن قلاص والي جابه واحد بس

طلع السايق يبيع سندويشات للهنود الي حولهم ومن فلوسه يشتري التموين ههههه

[ابو عبدالله.]

أي واحد كنيته بو عبدالله خطير

وانتي جوائزج بعد سخية كله كوبونات :yes:

قول لا اله الا الله معماري

لو اطلع سوالفي كلها. يمكن انضرب بعين بعيد الشر :)

والله يا جماعه السالفه بسيطه و نمط معيشه بثقافه استهلاكيه لا غير

شرايكم نحسبها بالعقل

الحين احنا برواتب زينه مقارنه مع باقي الدول ولا ضرايب ولا عقبات معيشيه مثل مصاريف للصحه و التعليم الخ

لكن نشوف قله وعي او عدم اهتمام بأن ممكن هالامور تتغير مستقبلا و تتصعب

فليش ما نضبط مصاريفنا و نوجه الوفره الماليه لتحسين الدخل و فتح تجاره او استثمار الخ

للامانه. من ضبط المصاريف الي تكلمنا عنها. و مصاريف ثانيه صار في توفير مبالغ اقل ما نقول عنها. عشرات الالاف
ممكن تكون كافيه لسفره سنويه لاوروبا. دون مبالغه والله

اتكلم عن توفير حتى في اغذيه الحلال بالعزبه. الرودس لو ب 23 للربطه انا اطلب من مزرعه بالشمال وحجمها 50% اكبر و سعر اقل بريال و ريالين فيتوفر لي ايام زياده لعلف الحلال و اشتري كميه تكفي ثلاث شهور ففعليا انا ادفع لشهرين وكم يوم و يطلع لي نص شهر و اكثر ببلاش

وايد امور تشوفونها و سعرها الاصلي اقل من النص

لو تشتري تيدر بثلاث الاف مستعمل. ترى تكلفه عمل الجديد الف و ثمان فقط
الماي الاخضر حق رادييتر الموتر تشتريه فوق الثلاثين وهو جمله بسبع ريال
بطاريه الموتر بخمسميه مثلا وتلقى انواع بضمان سنه ب 320 ريال
رفيجي عنده محل اكسسوارات و عرفت هالسوالف

اغلب المنتجات عندنا مبالغ في سعرها بالمفرد لكن الجمله اقل بكثير

و بعض الامور تلقاها بسعر لكن لو تعرف وين تنباع بمحلات الاختصاص بتلقاها اقل بكثير

هناك خدع في امور ما نشوفها

الشباب يركبون مراوح للنيسان بسبب ضعف تبريد المكيف و يوصل سعر التركيب 800 الى 1500 بحسب نوع المراوح

لكن قليل الي يعرف ان النيسان مكيفه يحتاج زين معين ينحط مع الغاز وهذا يقل مع الوقت و يضعف تبريده

بس حط الزيت و شوف التبريد. بتسكر المكيف من البرد

و محلات تركيب المراوحةرزقهم من قله وعي المستهلك بموضوع الزيت للمكيف لا غير. ولا يحتاج مراوح زياده

ثقافتنا الاستهلاكيه قليله اة سطحيه جدا مقارنه مع الاروربي و الامريكي
هذولا من كثر الثقافه عندهم ينزلون باليوتيوب كيف تسوي كذا بنفسك و كيف تصنع كبينه رحلات بنفسك
و كيف تغير بلاط البيت او اطقم الحمامات اعزكم الله وحتى خشب الباركيه

احنا بسبب الوفره الماديه اذا كانت وفره اصلا ما نفكر الا في كيف نفاصل الهندي اذا نبيه يركب او يصلح شي

ولا حتى تركب معاه تشوف دينمه البرشر اذا فعلا خربانه ولا بس تبي تضغط ع رز الريست و ترجع تشتغل بدون صيانه

[sara jsm]

ماشاءالله عليك اخوي بوعبدالله ..
ملم بكل الجوانب الله يحفظك ..

فعلا كل بوعبدالله خطير :thumbup1:

[ابو عبدالله.]

صباح الخير

لا لا والله مش ملم بكل الجوانب ولا تفتحين لحد الباب ينقز ويقول بتاع كلو هههه

ربعنا حق الطنايز جاهزين

الي من كل الجوانب معماري مب انا ��

[بوخالد911]

البنوك : لاااااااااااااااااااااااااااااا
هدفهم ربحهم فقط والزبون آخررررررررررررر همهم

أوريدوو : نعم وليس مطلقا

الطيران : نص ونص

[sara jsm]

صباح الخير

لا لا والله مش ملم بكل الجوانب ولا تفتحين لحد الباب ينقز ويقول بتاع كلو هههه

ربعنا حق الطنايز جاهزين

الي من كل الجوانب معماري مب انا ��

ماهو معماري بعد بوعبدالله :happy:
:
بالعكس مافيها طنازه ودنا نكون مثلك ..
انت في النهايه حاط خطه مثاليه للي وده يطبق .. وانا الصراحة استفدت من هالموضوع وايد ..
غيرت فكرتي في بعض النقاط .. وطبقتها من اليوم :pic:

:

الف شكر لاخوي عابر سبيل على فتح هالموضوع ..
الردود اثرت الموضوع بشكل طيب ومفيد 🌷

[الدوحة قطر]

1 - القطرية اكثر من مره استفت من عروضها واخرها قبل كم يوم خذت اربع تذاكر حق لندن ( 2 كبار + 2 صغار ) حق شهر 10 الجاي وطلع علي المبلغ 13 الف ( اتوقع سعر جيد بالنسبه حق الاسعار الي اوصلت له التذاكر في السنين الاخيرة )

2 - اتوقع بعد الباقات الشهرية وايد افتكينا من الفواتير الفلكية الي كانت مرات تسبب خلل في الميزانية الشهرية

3 - بطاقات الائتمان بصراحة محللها صح وتقريبا كل مشترياتي الشهرية منها واستفت وايد من النقاط وكل سنه او سنتين تقريبا اخذ تذكرة او تذكرتين ( ملاحظة بطاقتي الائتمانية من المصرف )

4 - عروض المجمعات والمحلات التجارية اكيد الواحد يستفيد منها ( بس اهم شي الواحد ينتبه على المواد الغذائية او بالاصح الاشياء الي لها تاريخ صلاحية لان وايد مرات الاشياء الي بتنتهي صلاحيتها قريب يسون عليها عروض )

[معماري قطري]

ههههه قبل من سنين ما كنت جذي لكن لما شفت مبالغ تنصرف قلت ارتبها

اذكر الشباب يروحون الحسا و اوصيهم بشغلات مثلا 6 كراتين قصدير
كل كارتون فيه ست حبات حجم عائلي يعني اكثر من سنتين استخدام و الحبه ب 32 ريال بس
كانت عندنا فوق الخمسين للحبه

على فكره. في شركه قطريه تبيع مياه غراش و دائما اطلب خمسين كرتون
الكرتون 40 غرشه حجم 330 ملي. و الكارتون بعشر ريال و قبل كنت اخذ من الميره الكارتون ب 18 ريال
تقريبا نص السعر الحين

للفائده. هالامور في البدايه تحتاج اطلاع بعدها خلاص تعرف ايش تبي و تمر الميره و تشيل و تدفع

وتقل عدد مرات الزياده للميره بشراء الجمله و توفير وقت و جهد و مشاوير و زحمه الكاشير

ذكرتني بكوستكو في أمريكا أو شركة التكلفة يبيعون كله أحجام كبيرة ولازم تسوي اشتراك معاهم حتى تقدر تشتري .. كان ورا شقتي بمسافة بسيطة بالسيارة

[معماري قطري]

ماهو معماري بعد بوعبدالله :happy:
:
بالعكس مافيها طنازه ودنا نكون مثلك ..
انت في النهايه حاط خطه مثاليه للي وده يطبق .. وانا الصراحة استفدت من هالموضوع وايد ..
غيرت فكرتي في بعض النقاط .. وطبقتها من اليوم :pic:

:

الف شكر لاخوي عابر سبيل على فتح هالموضوع ..
الردود اثرت الموضوع بشكل طيب ومفيد ��

مشكورين على التهمة الحلوة .. الأمريكان يقولون اولد از غولد والواحد المتعلم كثر ما يطلع ويتابع لازم يلم بأُمور كثيرة بس أكيد تبقى أشياء خافية عليه

انا تعلمت منكم كثير حتى من معلمتنا أبله سارة ومنك يا بو عبدالله أكيد كل واحد له خبرات ومجال مطلع عليه

[معماري قطري]

قول لا اله الا الله معماري

لو اطلع سوالفي كلها. يمكن انضرب بعين بعيد الشر :)

والله يا جماعه السالفه بسيطه و نمط معيشه بثقافه استهلاكيه لا غير

شرايكم نحسبها بالعقل

الحين احنا برواتب زينه مقارنه مع باقي الدول ولا ضرايب ولا عقبات معيشيه مثل مصاريف للصحه و التعليم الخ

لكن نشوف قله وعي او عدم اهتمام بأن ممكن هالامور تتغير مستقبلا و تتصعب

فليش ما نضبط مصاريفنا و نوجه الوفره الماليه لتحسين الدخل و فتح تجاره او استثمار الخ

للامانه. من ضبط المصاريف الي تكلمنا عنها. و مصاريف ثانيه صار في توفير مبالغ اقل ما نقول عنها. عشرات الالاف
ممكن تكون كافيه لسفره سنويه لاوروبا. دون مبالغه والله

اتكلم عن توفير حتى في اغذيه الحلال بالعزبه. الرودس لو ب 23 للربطه انا اطلب من مزرعه بالشمال وحجمها 50% اكبر و سعر اقل بريال و ريالين فيتوفر لي ايام زياده لعلف الحلال و اشتري كميه تكفي ثلاث شهور ففعليا انا ادفع لشهرين وكم يوم و يطلع لي نص شهر و اكثر ببلاش

وايد امور تشوفونها و سعرها الاصلي اقل من النص

لو تشتري تيدر بثلاث الاف مستعمل. ترى تكلفه عمل الجديد الف و ثمان فقط
الماي الاخضر حق رادييتر الموتر تشتريه فوق الثلاثين وهو جمله بسبع ريال
بطاريه الموتر بخمسميه مثلا وتلقى انواع بضمان سنه ب 320 ريال
رفيجي عنده محل اكسسوارات و عرفت هالسوالف

اغلب المنتجات عندنا مبالغ في سعرها بالمفرد لكن الجمله اقل بكثير

و بعض الامور تلقاها بسعر لكن لو تعرف وين تنباع بمحلات الاختصاص بتلقاها اقل بكثير

هناك خدع في امور ما نشوفها

الشباب يركبون مراوح للنيسان بسبب ضعف تبريد المكيف و يوصل سعر التركيب 800 الى 1500 بحسب نوع المراوح

لكن قليل الي يعرف ان النيسان مكيفه يحتاج زين معين ينحط مع الغاز وهذا يقل مع الوقت و يضعف تبريده

بس حط الزيت و شوف التبريد. بتسكر المكيف من البرد

و محلات تركيب المراوحةرزقهم من قله وعي المستهلك بموضوع الزيت للمكيف لا غير. ولا يحتاج مراوح زياده

ثقافتنا الاستهلاكيه قليله اة سطحيه جدا مقارنه مع الاروربي و الامريكي
هذولا من كثر الثقافه عندهم ينزلون باليوتيوب كيف تسوي كذا بنفسك و كيف تصنع كبينه رحلات بنفسك
و كيف تغير بلاط البيت او اطقم الحمامات اعزكم الله وحتى خشب الباركيه

احنا بسبب الوفره الماديه اذا كانت وفره اصلا ما نفكر الا في كيف نفاصل الهندي اذا نبيه يركب او يصلح شي

ولا حتى تركب معاه تشوف دينمه البرشر اذا فعلا خربانه ولا بس تبي تضغط ع رز الريست و ترجع تشتغل بدون صيانه

ما شاء الله عليك يا اخوي بو عبدالله

انا دوم ادعي للكل واذكر الله واتمنى لكم التوفيق .. صج تجاربك طيبة وزين تتكلم عنها وتوجه الغالبية .. صج التوفير ضروري والرواتب ما شاء الله فوق الزينة وضروري الواحد يتعلم كيف يوفر مبلغ معقول لإستخدامه

[ابو عبدالله.]

ماهو معماري بعد بوعبدالله :happy:
:
بالعكس مافيها طنازه ودنا نكون مثلك ..
انت في النهايه حاط خطه مثاليه للي وده يطبق .. وانا الصراحة استفدت من هالموضوع وايد ..
غيرت فكرتي في بعض النقاط .. وطبقتها من اليوم :pic:

:

الف شكر لاخوي عابر سبيل على فتح هالموضوع ..
الردود اثرت الموضوع بشكل طيب ومفيد ��

مساء الخير

كنت اقصد الشباب بيتغشمرون و بيقولون بتاع كلو ��

كلنا نتعلم من بعض و انا بعد استفدت من تعليقات كثيره

الحمد لله انك لقيتي امور مفيده

انا ملاحظ ان الشباب و البنات تغيروا عن قبل. صار في جيل بدأ يوعى على امور مفقوده سابقا

قبل في ناس تتسلف عشان تسافر و الحين ما اسمع عن هالسوالف

صارت فوره في توجيه المدخول للافضل و البحث عن الاساسيات اكثر من الكماليات و اقصد. قبل شباب يبون مواتر وهم متزوجين ببيت الاب
الحين كذا شخص يسالفون معاي عن شرى ارض او بيت قبل لا تطلع ارض الاسكان او الي ما له ارض يبي يشتري و يبني من راتبه مش قرض الاسكان

العدد مب بسيط والله وايد يبحثون ويخططون حتى البنات ومنهم في جهه عملي الي تسأل و شرت و الي عندها مليون و تسأل عن احسن تمويل عشان تشتري عقار

والي شرت فيلا و تقسط

العقليات تغيرت. لكن الي فاقدينه هو تنظيم المصروفات مثل الي تكلمنا عنها من الميره لين بطاقات البنك و نقاط الاميال و نجوم

في امور اخرى ما تطرقنا لها

وهي تخفيض الفاقد واقصد اصطياد مصاريف من فواتير و رسوم تنسحب منا بدون ما نعرف

بتتفاجأون من المبالغ المفقوده
شركات اتصالات تسحب سنويا مبالغ بالخطأ
شركات سيارات ما توضح الضمان
وسطاء اسهم يضيعون عشرات الالاف على العميل بالخطأ
حتى الاجهزه المنزليه. غساله او جهاز مشي رياضي الخ

وايد احصل اخطاء استرجع منها مبالغ ما تصدقونها

وسيط اسهم لما صدت خطأ بيع اسهم عوضوني ربع مليون ريال والله

سياره ضمانها خمس سنوات ظهرت اعطال خلال هالسنوات كنت بدفع فيها 18 الف ريال ولولا متابعتي مع حمايه المستهلك كنت بدفعها
جهاز مشي رياضي اخترب و تصليحه فوق 500 ريال و غيرها غساله بنفس المبلغ تقريبا
سياره ثانيه تغيير درامويلات و سفايف بالوكاله فوق 4000 ريال و برع تورنا و سفايف 900

انا اسمي هالمصاريف فاقد
اذا شركه اتصال تدفعني 800 و 800 على جوالين عشان انترنت خارج الدوله واصيد ان النت فتحته بعد تفعيل باقه الدولي و يلغون ال 1600 ريال الي بالخطأ. لا والله بركز بالفاقد و بوفر كل هالمبالغ الي ذكرتها

[ابو عبدالله.]

ذكرتني بكوستكو في أمريكا أو شركة التكلفة يبيعون كله أحجام كبيرة ولازم تسوي اشتراك معاهم حتى تقدر تشتري .. كان ورا شقتي بمسافة بسيطة بالسيارة


هالفكره ناجحه برع لكن عندنا مش مطبقه صح
يعني محل جمله لما مريت صدفه من جمبه و تذكرت انه مسوي دعايه بالسناب و شغلات الحسا يبيع نفسها

بس سألت عن كم شغله لقيت نفس الميره و اغلى شوي لبعض الامور
ما عندهم عروض للصابون و الكلينكس القطري حتى في شغلات تنباع ربطه بالميره. عندهم مفكوكه ربطتها و تباع بالحبه

الي في امريكا مثل ما ذكرت و اولدي و وول مارت و كنج سوبر و كي مارت يسوون جمله لاغراض وايد هذولا فعلا توفير

[ابو عبدالله.]

1 - القطرية اكثر من مره استفت من عروضها واخرها قبل كم يوم خذت اربع تذاكر حق لندن ( 2 كبار + 2 صغار ) حق شهر 10 الجاي وطلع علي المبلغ 13 الف ( اتوقع سعر جيد بالنسبه حق الاسعار الي اوصلت له التذاكر في السنين الاخيرة )

2 - اتوقع بعد الباقات الشهرية وايد افتكينا من الفواتير الفلكية الي كانت مرات تسبب خلل في الميزانية الشهرية

3 - بطاقات الائتمان بصراحة محللها صح وتقريبا كل مشترياتي الشهرية منها واستفت وايد من النقاط وكل سنه او سنتين تقريبا اخذ تذكرة او تذكرتين ( ملاحظة بطاقتي الائتمانية من المصرف )

4 - عروض المجمعات والمحلات التجارية اكيد الواحد يستفيد منها ( بس اهم شي الواحد ينتبه على المواد الغذائية او بالاصح الاشياء الي لها تاريخ صلاحية لان وايد مرات الاشياء الي بتنتهي صلاحيتها قريب يسون عليها عروض )

متفق معاك اخوي
بس النقطه الاخيره بوضح شي لها

اغلب العروض مش قريب تنتهي صلاحيتها و اقصد الاغذيه

انا اقرأ معلومات المنتج. اولها التاريخ
وللامانه بس منتج واحد شريته من شهر ونص ينتهي بنص شهر عشره اما البقيه كلهم ست شهور واكثر. تقريبا
كمثال. اللبنه التركيه و الفاصوليا المعلبه و القشطه المعلبه

الفاصوليا الي نسميها لوبه. سعر العلبه ريالين ونص و الجمله بريال ونص وانا بالعاده اشتري سبع درازن و تاريخها لين اخر 2020 فمؤكد بتخلص مع الاستخدام قبل نهايه تاريخها

وبعد ننصح بقراءه التاريخ دائما مثل ما تفضلت

[ابو عبدالله.]

ما شاء الله عليك يا اخوي بو عبدالله

انا دوم ادعي للكل واذكر الله واتمنى لكم التوفيق .. صج تجاربك طيبة وزين تتكلم عنها وتوجه الغالبية .. صج التوفير ضروري والرواتب ما شاء الله فوق الزينة وضروري الواحد يتعلم كيف يوفر مبلغ معقول لإستخدامه


كلها ثقافه اخوي معماري
سواء التعلم او اداره الوقت او الدخل او الادخار و الاستثمار

في شي ما ذكرناه عن نقاشاتنا

مش بس انك نصحت او افدت شخص بمعلومه

في امور مخفيه للعين

اولا انت افدت كثير من الناس لان الموضوع باقي و يقرأ مع الوقت مش بس المحاوين حاليا
ثانيا نشرت فكر و توعيه أثرت على شخص و اسرته لسنوات طويله و ممن تكون سبب في تغيير جذري لحياتهم المعيشيه. و اقصد توفير و ادخار و استثمار و حسن اداره و تقليل الاسراف وحتى دعمت اقتصاد بلدك بسبب تطور هالاسر للافضل من تقليل الفاقد الى تحسين المعيشه
ثالثا
توجد عين ساهره تقول انا في عون عبدي ما دام في عون اخيه

لو اذكر لك كيف امور تسلك معاي كل ما اعنت حد بموضوع ولو نصيحه بسيطه. ما تطول السالفه مرات بعد يوم او ايام تتحسن عندي امور و عقبات كنت اظنها ما تنحل او يطلع لي شيء افضل من الي كنت ناوي اسويه

رابعا
كم تسوى دعوه مستجابه حد يدعو لك بها

وهذه ما ودي اذكرها لكن ان شاء الله تكون دافع للكل يخليها بباله

مره كتبت في النت عن الانتقال لبنك اسلامي و افضل الطرق و اوفرها

دارت نقاشات و تواصل بالايميل ما بذكر منها الا سالفه وحده

وحده كانت تسأل عشان زوجها مديون فوق المليون ايام الرواتب زمان

مع النقاش توصلت لترتيب و اختفت بعدها

بعد مده ارسلت ايميل والله ما اقول الا الحق

تشكرت الله يجزاها خير و قالت دعيت لك وانا بالعمره و الله فك زوجي من الربا و انتقل لبنك اسلامي

حزتها والله خنقتني العبره وانا اقرأ رسالتها

الله يذخرها لنا دنيا و آخره. قولوا آمين

و بس والله ما نبي نطول بالتعليق âک؛ï¸ڈ

[نووون]

يعطيكم العافية جميع ..

موضوع طيب ونحتاج نتوعى فيه أكثر وأكثر ..

عندي زميلة في المكتب من جنسية عربية معاشها 6000 ريال بس وهي المعيلة الوحيدة لعيالها الثلاثة

وفاكة راسي شلون عايشة بهالستة وتسافر بلادها كل سنتين والتذاكر غااالية تاكل راتب شهر ونص غير مصاريف الاجازة

.. اكتشفت انها في مصاريف العيشة تعتمد على العروض .. قبل لا تروح الجمعية تقعد اتمخمخ اخر الدوام وتفتح مواقع العروض والخصومات!

أكيد أغلبكم مايدري انه فيه مواقع خاصة للعروض والخصومات في الهايبرماكتس

http://qataridiscounts.com/

هذا واحد منهم

وفيه غيرهم بس ماعرفهم

المهم هي تاخذ حاجتها من العيشة والمواد الأساسية من العروض عشان يوفي معاها المعاش... والحمدلله حالها مستور

[ابو عبدالله.]

مساء الخير اختي نون

كل من المخاليق في دربه ساري

الي يبي يعيش. بيعيش

لو راتبك سته بتعيشين واذا خمسين الف بعد بتعيشين

لما عربيه راتبها سته و توفر الفين بس
تذاكرهم بطيران عربي وهذولا يطيرون دايركت فوق دول الحصار و تكلفتهم ارخص و الرحله مش خمس نجوم لكن توصلهم

تذكره دوحه بيروت كم ندفع فيها لو ع القطريه

لكن يقول لي واحد. تطير ع اللبنانيه بالف و ميتين بس
فالي يبي يطير رخيص بيحصل لكن مثل ما تفضلتي لازم يبحث و يحاول بجهد

كل ما قل الراتب بتجتهدين اكثر في التوفير و الصرف

لكن اذا في بحبوحه الراتب فيقل الجهد في البحث و نتكل على الراحه و ندفع اكثر

وين حدود الراحه بنظرك

هني تتفرق الاراء

مثلا لو انتي ما تبين عوار راس او البحث عن افضل عروض و تفضلين ان تدفعين كم الف سنويا ع المنتجات بسعرها العادي

غيرك يشوف الراحه انه يجتهد و يوفر ولو ع المدى الطويل و يستثمر الي يوفره لزياده الدخل مستقبلا
و بعد سنوات او بعد التقاعد يكون عنده دخل اضافي يرفع مستواه المعيشي
هذه الراحه بمنظوره هو

شخص اخر بيقول اصرف ما في الجيب يجيك ما في الغيب
هذه نظرته

غيره ما يبحث عن توفير لكن يجتهد في فتح تجاره مربحه تغنيه عن البحث عن التوفير مثلا

بالنهايه. قناعات و قدرات و ارزاق

عن نفسي على يقين بأن كل ما ذكرت طرق سليمه للعيش لكن اخترت امارس كل هالامور بنفس الوقت

في امور اجتهد بالتوفير. و ببعض الامور احط فلوسي بالشمس و اجلس بالضل و اخليها تخدمني
و احيانا استثمر

ما اسعى للترقيات و زياده الراتب مثل بعض زملاء العمل لان عندي قناعه بان الي مكتوب بيجيني. لكن اجتهد بالعمل اكثر منهم و احاول ابقى في الرياده و اعتبرها مفتاح الترقي بدل التنافس غير الشريف

البعض يشوفني ضعيف بالتنافس وهذا رأيه و قناعته لكنه يضل بالمشاكل وانا اترقى و لله الحمد وهذه قناعتي


اخيرا. اتفق معاك اننا نحتاج توعيه و ثقافه استهلاكيه للمجتمع :)