ضاع مفتاح السيارة وش الحل

[saeed2005]

ضاع مفتاح السيارة وش الحل طبعا السيارة مسكرة فهل في محل معروف يعمل لك مفتاح جديد وشكرا مقدما

[@north_star@]

مالك الا الوكالة اخوي يطلبونلك مفتاح بناء على رقم الشاصي ويبرمجونه

[المزن الرياني]

شركة المحري
55541317
يجيك لمكان السيارة
كلمة و شوفة.. الله يسهل لك أمورك

[saeed2005]

شركة المحري
55541317
يجيك لمكان السيارة
كلمة و شوفة.. الله يسهل لك أمورك

جزاك الله خيرا

[saeed2005]

اتصلت بهم قال 1300 ريال معقول

[Rider]

اتصلت بهم قال 1300 ريال معقول
ياخوي اذا ضاع المفتاح في البيت دور شوف وين حاطه اخر مره يمكن طاح تحت سرير ولا كبت ولا اي شي مرات تصير صارت معاي مره وبعد الزهق قلت خلني اطل تحت الكبت لقيته ههههههه ا

[مضارب دوسري]

اتصلت بهم قال 1300 ريال معقول

اذا مع ريموت
اي معقول
بس حاول تنزل معاه لين 1100

[khaldoon]

اتصلت بهم قال 1300 ريال معقول

قارن السعر مع سعره في الوكاله ...مع كل ما يلزم من مصاريف لنقل السيارة اليها

[saeed2005]

ياخوي اذا ضاع المفتاح في البيت دور شوف وين حاطه اخر مره يمكن طاح تحت سرير ولا كبت ولا اي شي مرات تصير صارت معاي مره وبعد الزهق قلت خلني اطل تحت الكبت لقيته ههههههه ا

فعلا أخوي الولد الصغير رماه في كيس الله يهديه مشكورين الجميع على ردودكم وتفاعلكم

[البيروني]

فعلا أخوي الولد الصغير رماه في كيس الله يهديه مشكورين الجميع على ردودكم وتفاعلكم

الحمد لله
بس الموضوع صراحه استفدنا منه اذا ضاع المفتاح

[محاسب]

صار نفس الموقف لشخص اعرفه..
طلبه من موقع ب200 ريال
وعمله البرمجه في واحد من المحلاتhttps://uploads.tapatalk-cdn.com/20190911/39fdbc7ba410a21cd6ed198bd2070d1f.jpg

[sara jsm]

اخوي ماعندك الاسبير !؟ معقوله يكون ضايع بعد ..

ماشاءالله اليهال ربي يحفظهم يحذفون كل شي ..
في ميدليه استخدمها حق مفاتيحي كلها .. ولها تطبيق عالجوال ..
اذا ضيعت المفتاح تقدر تخلي الميدليه ترن وتحدد موقعها .. واذا مثلا ضيعت التلفون تضغط عالميدليه ويرن الجوال ..

https://2.top4top.net/p_13493ttos0.jpeg (https://up.top4top.net/)

[alwahesh]

مر غلى اقرب محل مفاتيح واسألهم


اذا انت من اهل الريان ومعيذر عندك محل الاختصاصي او التخصصي للمفاتيح

وقي محل في النجمه شارع المطاعم وفي شارع المطار

[alwahesh]

بس ياليت تحدد نوع السياره او الريموت هل من الوكاله ولا من محلات الزينه

[الحياة الخالدة]

فعلا أخوي الولد الصغير رماه في كيس الله يهديه مشكورين الجميع على ردودكم وتفاعلكم

الرجال الحمد لله لقى المفتاح

بس أنا حبيت أخلي الموضوع مفتوح كم يوم للفائدة العامـــــة

[معماري قطري]

ذكرتوني بسالفة تضييعي مفتاح سيارة أجار في لاس فيغاس وكنت رايح ثلاث ايام وبارجع وأول ما وصلت ضيعته وانا نازل وموقف في مواقف الفندق

رحت بلغت الفندق والمواقف مشتركة مع مول كبير وزحمة سيارات وناس .. الفندق قالوا لي الأمن مكانهم في المجمع ورحت لهم قلت لهم ضايع مفتاح سيارتي بالضبط قلت كار كي وقلت لهم وشي الكار .. قالوا لي محد حصله رجعنا انا وعيالي قلنا ندور يمكن واحنا ننزل الأغراض طاح من يدي .. وندور صوب السيارة وشوي الا أُم عبدالله شافت ورقة على السيارة واني واقف غلط .. وديناها للرسبشن في الفندق وقالت هذي من الأمن بس وقفتكم صحيحة وكلمتهم قالوا لا السالفة ان واحد حصل رموت كار كي وجابه لنا وشيكنا وعرفنا السيارة .. بعد هاللفة قالت لي شد حيلك وروح لهم مرة ثانية .. يوم رحت قلت لهم توني من شوي جايكم وقلتوا ما عندكم .. قالوا انت قلت كي ما قلت رموت كي .. حتى موظفة الفندق استغربت من هالغباء

[عضو قديم]

تخيل عامل الفندق يجيب سيارك من المواقف وانا طبعا مسافر لاحد دول الخليجية قبل الحصار وينسى المفتاح معاه وانت على بالك المفتاح كالعاده يحطونه لك ع الطبلون او في الطفايه وانت وهلك تحركون بالسيارة راجعين الدوحة وفجاءة بعد ما تطقع اكثر من 300 كيلو وتخرج من المراكز وتبي تنزل تصلي الا والمفتاح محد فا تضطر انك تخلي ولدك في السيارة وهي شغاله اذا بغيت تزل تصلي او تاكل شي لان اذا طفيت السياره ماراح تقدر تشغلها وعلى هالحال لين وصلت البيت وكلمت الفندق و طرشوا المفتاح بالد اتش ال

[qatarman8008]

انت ماتحتاج مفتاح مبرمج ب 1300 ليش..!!
انت تحتاج يفتح لك الباب بعشرين ريال ومفتاحك بتطلعه من داخل السيارة ..