مكاتب الآستقدام ، والآتجار بالبشر !!

[سهم فضة]

السلام عليكم


لفت نظري بصراحة انتشار مماتب الاستقدام من زمان


والبعض فا الاونه الاخيره بدون مكتب


يعني استغرب لما يجي سايق او شغالة للبيت تطلب مني انا المستقدم 12000 الف و 10000 الاف ريال


و المصيبة والامر والادهى ، ان اوقات يكون عندهم سواقين او شغالات على كفالة المكتب مشتغلين في قطر سنوات ، ياخذهم المكتب ويكفلهم ويرد يتاجر فيهم !!! يقولك خبره


الان لما اجيب سايق او شغالة واعطيه راتب وتذكره وسكن !!! انت ياراعي المكتب ماخذلي 12000 حق وشو !!! انا ادفع عليه من الالف الى الياء !!! بيقول اجار !!! طيب انت باليوم كم معاملة تخلص ؟ بيقولك بدينا بالحسد ؟ بس امانه اتقو الله في هل قطر

ولما تزخ لي سواق او شغالة مايبي يشتغل وتنقل كفالتة عالمكتب عشان تبيعة على شخص اخر عشان تتكسب من وراه هذا وش يسمى ؟

وترد نفس العملية بعد 3 شهور تقول لهم اذا مابغيتو تشتغلون عنفصو عشان يخلونكم تسافرون واحنا ننهي مده الضمان مالتنا ؟

بعضهم شغال عالتلفون تجاره بشر ينقل هذا و يجيب هذا و يكفل هذا حتى من غير مكتب !!


سؤالي الحين بأمنة (( لما اجيب شخص من بلده وعلى حسابك لك ومااعطيك اياه الا لما تدفع لي عليه فلوس وانا ماخسرت عليه ريال واحد هذا مو اسمه اتجار بالبشر ))

ولا الاتجار بالبشر شلون قايل !!

[khaldoon]

الله يرحم أيام زمان من 15-20 سنة ....المكتب يأخذ خمس الاف ريال من المقيم و اقل طبعا من المواطن و هالمبلغ يشمل رسوم تأشيرة الدولة و هي 300 ريال للمواطن و 1800 ريال للمقيم و يشمل أيضا راتب اول ثلاث شهور للخادمة....

الحين المكتب صار يأخذ رسوم 13500-15500 شامل التأشيرة و انت تدفع راتب الخادمة اللي زمان كان 550 ريال و الحين صار 1460 ريال

[حمد 2002]

سهم + خلدون

الحين الاجارات كم
كم رواتب الشغالين بالمحل
الكهرب والماي
سكن العمال
الفيز والجوازات
البترول
اوريدو
رسوم وعموله المكتب الوسيط بالبلد الاخر الي ايتعامل معاهم المكتب وممكن ينصبون عليه .

وجايين اتطالعون المكاتب ب1000 ولا 2000 ايحصلونهم عموله بعد كمن شهر من جلب العماله من الخارج ..

الله المستعان ..

[khaldoon]

سهم + خلدون

الحين الاجارات كم

الإيجارات بالغرافه 15000-17000..... علشانك بقول 45000.... يعني ثلاث زباين بالشهر يدفعون الايجار كاملا ....واضح انه الايجار يتم تحصيله من زبون او زبونين فقط
كم رواتب الشغالين بالمحل [/
[COLOR="#FF0000"]الفلبينيين و الهنود رواتبهم ان طارت بتكون 1800 ريال و في باص ينقلهم لمعيذر ... بعض الموظفات كانوا خادمات قبل بس عقلهم نظيف صاروا اداريات ...و بتلاقي صاحب المحل واحد عربي

الكهرب والماي
مكتب طول بعرض كم راح يكلف بمساحة صالة كبيره... كم تبي.. ما اعتقد بيكلف اكثر من ايجار الكهرباء و الماء في بيوتنا ... قول الفين ريال مع انه رقم كبير...
سكن العمال

بمعيذر
الفيز والجوازات
أي فيز و جوازات....تقصد لثلاث او اربع موظفات بالمكتب يعني؟.. لانه احنا ندفع رسوم الفيزا للخدم و السواقين
البترول
باص يودي و يجيب العمال..... كم تبي التكاليف... خمس الاف بالشهر مثلا....اكيد ما راح توصل لهالرقم؟

اوريدو
كم سعر خط اورويدو هالايام؟..... يتنزل لهم باقات للموظفين مثلا؟!!!.....
رسوم وعموله المكتب الوسيط بالبلد الاخر الي ايتعامل معاهم المكتب وممكن ينصبون عليه.

وجايين اتطالعون المكاتب ب1000 ولا 2000 ايحصلونهم عموله بعد كمن شهر من جلب العماله من الخارج ..

الله المستعان ..

شكلك فاتح محل استقدام خدم.... سويلي خصم

الله المستعان فعلا ... اللي بعض التجار يبون يطلعون اسعارهم من زبون و الا زبونين ....الرد بالاحمر

[سهم فضة]

والله ياخوي خلدون اتشرف بمشاركتك الله يوفق الجميع في تجارتة ويهنيهم لاكن يخوي الربح بالمعقول سواء كان على جلب العمالة او غيره من التجاره ، كثير امور تجارية اخرى صرت اطلبها من برع بسبب الغلاء هنا ، شبك سيارة شفتة فالموزع ب 2500 واطلبه من برع واصل قطر ماكلف علي 800 ريال !! لن القطعه كبيره وطالبها من اراميكس .

[معماري قطري]

لو فيه قانون دقيق بلا ثغرات وتطبيق صارم وعقاب قوي للمخالف والمستغل ما بتحصل حد يسرق مال الغير

إذا جهة من جهات الدولة حاطة اعلان في الهند في الصيف تطلب سايقين وبتنقل كفالتهم وبرواتب مغرية وهذا حصل وقت بطولة الأسياد 2006 فشنتوقع من البقية؟