المساعد الشخصي الرقمي

مشاهدة النسخة كاملة : نظام الاسكان الحكومي ار ايه يحتاج الى تعديل


قطري2022
09-10-2019, 06:50 AM
كما نعلم ان علاوة السكن للموظف الحكومي هي اربعة الاف ريال ، وفي حال ان استأجر منزلا بقيمة 12 الف ريال تخصم منه الاربعة الاف ريال ويضاف اليها الفرق ليتم دفعه لمالك المنزل المستأجر من قبل الموظف الحكومي .

ولكن لنفرض ان هناك اب لديه ثلاثة ابناء يعملون في القطاع الخاص ويستلم كل فرد منهم علاوة سكن قدرها 12000 ريال من جهات عملهم ، حيث يسكن الجميع في منزل والدهم دون ان تخصم منهم علاوة السكن .

ولنفرض ان هناك اب لديه ثلاثة ابناء يعلمون في القطاع للحكومي ، فتزوج الابن الاول وحول منزل والده على الاسكان الحكومي وتم تسليم ذلك الوالدالايجار الشهري بقيمة 12 الف ريال من الاسكان الحكومي ، ومن ثم يتنازل ذلك الوالد عن هذه الايجارات للابن الاول حيث ذلك جائز شرعا باعتبارها هبة من الاب لابنه ، فيصبح الابن يستلم علاوة الايجار 12 الف ريال بدلا من اربعة الاف مع سكن مجاني .

ثم تزوج الولدين الاخرين ولكن لن يحدث لهما كما حدث للابن الاول ، فاما ان يستلم كل منهما الاربعة الاف اذا اراد السكن في منزل والده ، او ان تخصم منه ويستاجر منزلا غير منزل والده ومن ثم يذهب الايجار كاملا لصاحب المنزل المستاجر ، فهل هناك عدل بين الابن الاول والابنين الاخرين ؟ وهل هناك عدل بين من يعمل في القطاع الخاص والقطاع الحكومي ؟

كما نعلم ليس كل قانون صحيح ، فمن يضع القانون هو الانسان ، والانسان ليس معصوما عن الخطا ، لذلك راينا الكثير من القوانين قد تبدلت بقوانين بديلة افضل منها واكثر منها منطقية .

لذا اقترح ان يتم صرف بدل سكن في القطاع الحكومي كما هو في القطاع الخاص ، وتكون وساطة الاسكان الحكومي اختيارية من المالك او المستاجر او الاثنان معا لضمان حق الطرفان .
sara jsm
09-10-2019, 07:30 AM
هذا اللي بيحول بيت ابوه عالاسكان ماشاءالله ذمته وسيعه ..
اتمنى يراجعون نفسهم اللي ساكنين في املاكهم ويحولون البيت على الاسكان ..
الموضوع فيه حلال وحرام قبل لايكون عدل بين الابناء .. والله شي :)
قطري2022
09-10-2019, 07:49 AM
هلا سارة نورتي
في شيوخ اجازو هالشي بس بشرط ان يكون الولد ساكن في بيت ابوه فعلا
ويمكن في شيوخ حرمو لكن دام في حد حلل وتحليله منطقي فمابيكون فيه اثم باذن الله
بوجبر
09-10-2019, 09:59 AM
الدولة ولله الحمد لم تقصر مع المواطنين

الأكثرية ماشية ع ماذكر ،،،يأخذ 12000 الف ريال ويحطها في الجيب ويحط بنت الناس في قرقور!!!!
سهم فضة
09-10-2019, 10:02 AM
هي فعليا 8000 لو شلنا بدل السكن اللي اخذوه منك 4000


،،



8000 = فالسنة (( 96000 )) هي ماتعادل بيع اجازه (( البعض )) في قطاعات اخرى
،، وماتعادل بدل تذاكرة (( السنوية ))
حمد 2002
09-10-2019, 01:14 PM
هذا اللي بيحول بيت ابوه عالاسكان ماشاءالله ذمته وسيعه ..
اتمنى يراجعون نفسهم اللي ساكنين في املاكهم ويحولون البيت على الاسكان ..
الموضوع فيه حلال وحرام قبل لايكون عدل بين الابناء .. والله شي :)

الاغلب ايسوي كذا والدوله اتعرف وراضيه والله يجزاهم خير ..

الله يهديج بس على كيفج حرام :vampire:
حمد 2002
09-10-2019, 01:15 PM
الدولة ولله الحمد لم تقصر مع المواطنين

الأكثرية ماشية ع ماذكر ،،،يأخذ 12000 الف ريال ويحطها في الجيب ويحط بنت الناس في قرقور!!!!

اذا بنت الناس موافقه على هالشيء قبل الملكه = الملجه ..

هنا لازم بنت الناس تسكت ولا أتكلم ..
jajassim
09-10-2019, 01:18 PM
في حالة ra يتم خصم علاوة بدل السكن من الطرفين ( الزوج والزوجة ) ؟
Rider
09-10-2019, 01:40 PM
الاغلب ايسوي كذا والدوله اتعرف وراضيه والله يجزاهم خير ..

الله يهديج بس على كيفج حرام :vampire:

ياخوي حمد الدوله تعرف والله سبحانه يعرف اذا كان فيها شبه حرام وخاصة اذا انت مأجر بيت اخوك او ابوك وانت مب ساكن فيه هذا وش تسميه
يعني عادي تاكل حرام
سعود.
09-10-2019, 02:05 PM
هذا اللي بيحول بيت ابوه عالاسكان ماشاءالله ذمته وسيعه ..
اتمنى يراجعون نفسهم اللي ساكنين في املاكهم ويحولون البيت على الاسكان ..
الموضوع فيه حلال وحرام قبل لايكون عدل بين الابناء .. والله شي :)


من أجمل الردود الي شفتها في المنتدى

كثر الله من امثالك
سعود.
09-10-2019, 02:06 PM
هلا سارة نورتي
في شيوخ اجازو هالشي بس بشرط ان يكون الولد ساكن في بيت ابوه فعلا
ويمكن في شيوخ حرمو لكن دام في حد حلل وتحليله منطقي فمابيكون فيه اثم باذن الله

ممكن اسماء المشايخ
بوجبر
09-10-2019, 02:21 PM
اذا بنت الناس موافقه على هالشيء قبل الملكه = الملجه ..

هنا لازم بنت الناس تسكت ولا أتكلم ..

اذا البنت اجنبية ممكن تقبل،،، قطرية اصل وفصل أهلها لايقبلون

ألحن انت فيةً معللللوم
سهم فضة
09-10-2019, 03:10 PM
رغم اختلاف وجهات النظر ( لكن اذا ماخذ ra ) وهو فعلا ساكن عند والده ماشوف فيها شي خاصة ان في مشايخ اجازوها ، وان جينا للواقع فعلا هو ساكن في بيت والده وليس بيتة ، لكن اذا ساكن في بيته اللي باسمة وياخذ ra هذه اللي ماتجوز ، بس المنطق يقول فعلا هو مش ساكن في منزل ملكة .
سهم فضة
09-10-2019, 03:12 PM
اذا البنت اجنبية ممكن تقبل،،، قطرية اصل وفصل أهلها لايقبلون

ألحن انت فيةً معللللوم

والله كلامك ياخوي بو جبر فيه من الضحك شوي ، اذا كان جنير ماهو سنير ومايقدر يوفر ايجار بيت مستقل ، يعني مايتزوج او اذا تزوج يطلع بدون اصل وفصل ، هذه العقلية هي اللي خلت الكثير من البنات جالسات في بيت اهلهم .
قطري2022
09-10-2019, 03:15 PM
ممكن اسماء المشايخ

اعذرني الغالي بس تقدر تسال اكثر من شيخ ، بس لازم طبعا ان المستاجر يكون ساكن في بيت ابوه علشان تحل له الفلوس
sara jsm
09-10-2019, 03:26 PM
هلا سارة نورتي
في شيوخ اجازو هالشي بس بشرط ان يكون الولد ساكن في بيت ابوه فعلا
ويمكن في شيوخ حرمو لكن دام في حد حلل وتحليله منطقي فمابيكون فيه اثم باذن الله

واذا ساكن في بيت ابوه هو ساكن ببلاش مب دافع شي حق ابوه !!؟
يعني اللي يسوي جذي قاعد يخدع الدولة ولا الدين ولا يستهبل !؟ :whistling:

:


الاغلب ايسوي كذا والدوله اتعرف وراضيه والله يجزاهم خير ..
الله يهديج بس على كيفج حرام :vampire:

الواحد يرجع لدينه وذمته في مثل هالامور ..
واذا الناس كلهم سوا جذي يعني صح !!!؟ الا لان فئة كبيرة اختلط عليها الحلال والحرام ..
وعقب يقولون ليش انتشرت الامراض بين الناس .. راجعوا اللي تاكلونه ..
الله يهدي الجميع ويصلح الحال .
:

من أجمل الردود الي شفتها في المنتدى

كثر الله من امثالك

الله يرحم والديك اخوي
قطري2022
09-10-2019, 03:28 PM
ممكن اسماء المشايخ

اعذرني الغالي بس تقدر تسال اكثر من شيخ ، بس لازم طبعا ان المستاجر يكون ساكن في بيت ابوه علشان تحل له الفلوس
رحال
09-10-2019, 03:44 PM
ماعندكم سالفه*
حمد 2002
09-10-2019, 08:21 PM
اذا البنت اجنبية ممكن تقبل،،، قطرية اصل وفصل أهلها لايقبلون

ألحن انت فيةً معللللوم

يعني اذا الوحده سكنت في بيت اهل زوجها مع امه وابوه يطلع ماعندها اصل وفصل او بمعنى اصح مب بنت قبايل .. منطقك قريب اخوي ..
اذا هي ماتبي تسكن مع اهلي تسمحلي الحرمه بدالها حرمه بس الأم والابو مايتعوضون ..
حمد 2002
09-10-2019, 08:24 PM
واذا ساكن في بيت ابوه هو ساكن ببلاش مب دافع شي حق ابوه !!؟
يعني اللي يسوي جذي قاعد يخدع الدولة ولا الدين ولا يستهبل !؟ :whistling:

:



الواحد يرجع لدينه وذمته في مثل هالامور ..
واذا الناس كلهم سوا جذي يعني صح !!!؟ الا لان فئة كبيرة اختلط عليها الحلال والحرام ..
وعقب يقولون ليش انتشرت الامراض بين الناس .. راجعوا اللي تاكلونه ..
الله يهدي الجميع ويصلح الحال .
:


الله يرحم والديك اخوي

انا اخذ فلوس وماجر بيت ابوي وابوي وامي وزوجتي ساكنين معاي ..

حلال ولا حرام
sara jsm
09-10-2019, 11:24 PM
انا اخذ فلوس وماجر بيت ابوي وابوي وامي وزوجتي ساكنين معاي ..

حلال ولا حرام


اسال المطوع اللي حلل لكم الموضوع :p

:
:

عموما الواحد من قراره نفسه ومن الوازع الديني والضمير الداخلي يحدد هالامور ..
لان الحلال بين والحرام بين والامور اللي فيها اختلاف الواحد يحكم ايمانه فيها افضل ..
حمد 2002
09-10-2019, 11:27 PM
اسال المطوع اللي حلل لكم الموضوع :p

:
:

عموما الواحد من قراره نفسه ومن الوازع الديني والضمير الداخلي يحدد هالامور ..
لان الحلال بين والحرام بين والامور اللي فيها اختلاف الواحد يحكم ايمانه فيها افضل ..

الله يعز الحكومه ..
QaTaR_OnE
10-10-2019, 12:19 AM
فيه موضوع اتمنى مناقشته .. وهو قسط الاسكان .. الكل عارف انه على 35 سنه

وفي حالة تقاعد الموظف تنخصم جميع العلاوات ويبقى بس الاساسي والاجتماعية

وعلاوه السكن تنقطع اللي هي 4000 ريال .. لا أعرف سبب قطع علاوة السكن بما أن قسط الاسكان ساري

من المفترض ان تستمر علاوه الاسكان لتغطيه (قسط الاسكان) بدلاً من خصمها من راتب التقاعد

اتمنى ايصال الفكرة للمسؤولين
قطري2022
10-10-2019, 04:56 AM
يعطيكم العافية ياجماعة ، واشكركم على ارائكم الكريمة ، بس بالنسبة للاقتراح في نهاية موضوعي عن ان بدل للسكن لموظف الوزارات يكون 12 او 13 الف نفس الي في بعض القطاعات الخاصة ، بدل ما ان الواحد يدهل بيت ابوه ع الاسكان واللفة الطويلة ، ابي اعرف رايكم فيه
سعود.
10-10-2019, 04:59 AM
اعذرني الغالي بس تقدر تسال اكثر من شيخ ، بس لازم طبعا ان المستاجر يكون ساكن في بيت ابوه علشان تحل له الفلوس


تفضل اخوي

https://www.al-sharq.com/article/21/12/2015/%D9%81%D8%AA%D9%88%D9%89-%D8%A8%D8%B9%D8%AF%D9%85-%D8%AC%D9%88%D8%A7%D8%B2-%D8%A7%D9%84%D8%AA%D8%AD%D8%A7%D9%8A%D9%84-%D9%88%D8%A7%D9%84%D8%B5%D9%88%D8%B1%D9%8A%D8%A9-%D9%81%D9%8A-%D8%B9%D9%82%D8%AF-%D8%A5%D8%AC%D8%A7%D8%B1%D8%A9-%D9%85%D8%B3%D9%83%D9%86-%D9%84%D9%84%D9%85%D9%88%D8%B8%D9%81%D9%8A%D9%86
بوجبر
10-10-2019, 06:32 AM
والله كلامك ياخوي بو جبر فيه من الضحك شوي ، اذا كان جنير ماهو سنير ومايقدر يوفر ايجار بيت مستقل ، يعني مايتزوج او اذا تزوج يطلع بدون اصل وفصل ، هذه العقلية هي اللي خلت الكثير من البنات جالسات في بيت اهلهم .

الجنير عرفنا أسبابة،،،،،لكن السنير ايش عذرة !!!!
سهم فضة
10-10-2019, 02:18 PM
الجنير عرفنا أسبابة،،،،،لكن السنير ايش عذرة !!!!

(( على على حسب نظرك يابو جبر ان الجنير ماياخذ بنت قبايل و الاصل والفصل لنة جنير و مايصير يحط بنت العرب في بيت اهله ،، السنير طال عمرك البعض منهم يستفيد من مبلغ بدل السكن فالصرف على بنت الاصل والفصل + البعض يحوش لاستكمال بيته اللي كلنا نعرف ان 1.200.000 ماتكفي لتشطيب البيت والاثاث يادوبها عظم وبلاستر ، والبعض ياخذ بها سيارة لبنت العرب عشان السايق او لها اذا كانت تسوق ، والاسباب و الاعذار كثيره لكن هذا ما استحضرني الان ، وهذا من واقع شفتة من بعض الزملاء .
ابو عبدالله.
11-10-2019, 08:01 AM
كان الاجدر ان الابناء يسعون لوظائف افضل و يطورون انفسهم و رواتبهم بدل الدخول في بحث لمخرج شرعي لاستلام ار ايه

العقل ممكن نستخدمه لامور خلاقه و مفيده

كلا الزوجين مثل ما ذكر اخونا جاسم يفقد بدل السكن و الفائده من ار ايه الفين او اربع الاف فقط بحسب سينير او جينير

لو الزوجين اشتروا بيت صغير او فيلا و ضغطوا انفسهم كم سنه كان صاروا ملاك و راتب الاثنين يقسط للبنك

اتمنى محد يقول صعبه و الي بيقولها. برد عليه ان ارض ام صلال ب مليون و 400 و بنائها 700 الف
فيلا جديده تنبني بسنه او اقل و قسط كل واحد اقل من عشرين الف

هذا اذا كلش محد عاونهم ولا عندهم مقدم

و اتكلم عن ارض فوق 500 متر و بناء 400 متر

عن فارق بدل سكن بالحكومي و الخاص بحط تعليق جديد
ابو عبدالله.
11-10-2019, 08:14 AM
عفوا. بالنسبه لسلف الزوجين اقساط خمس سنوات فقط و اذا مده اطول يقل القسط عن 18 الف

الحين بدل السكن

الخاص يوصل عندهم 14 الف مش 12 الف
و زوجته شغاله بالحكومه تاخذ بدل سكن كامل مثل الرجل يعني اكثر من الزوجه الي زوجها شغال حكومي

القضيه ممكن تؤخذ سلبيا لكن هذا قانون الموارد يحدد بدل السكن للزوجين اذا بالحكومه

القطاع الخاص يرغب بالمنافسه و يعطي بدل سكن اكثر وهذا حقه

انا كشخص طامح. بسعى للانتقال للقطاع الخاص ما دمت راغب برواتبهم و بتعب و بداوم للعصر دام هذا هدفي

ما يصير اداوم حكومي و ارغب براتب قطاع خاص بجهد اكثر بدون ما اتعب

التعب يروح و تبقى ثماره تقطف و ممكن نحقق بامتيازات هالوظائف خلال سنوات قليله الي ما يتحقق بامتيازات الراتب الحكومي لسنوات طويله

اتكلم عن ادخار و استثمار
تعليم خاص
تأمين صحي
خبرات متعدده و عاليه التقنيه

البعض يعرف يصطاد فرص وظيفيه و البعض لا

و نصيحتي ان نثقف انفسنا عن سوق العمل

الخاص ما يحتاج خبره نادره في وظائف كثيره
خدمات المكاتب
اي تي
عقود و مشتريات
سكرتاريه
امن و سلامه
اتش ار
اقسام التدريب و التطوير
و غيرهم كثير

وايد وظائف متشابهه مع الحكومي و ممكن اصطيادها و الفوز بامتيازات الخاص
ابو عبدالله.
11-10-2019, 08:25 AM
يعطيكم العافية ياجماعة ، واشكركم على ارائكم الكريمة ، بس بالنسبة للاقتراح في نهاية موضوعي عن ان بدل للسكن لموظف الوزارات يكون 12 او 13 الف نفس الي في بعض القطاعات الخاصة ، بدل ما ان الواحد يدهل بيت ابوه ع الاسكان واللفة الطويلة ، ابي اعرف رايكم فيه

انا مع زياده بدل السكن للحكومي
لان الكم الف لا تكفي فعليا لا للعازب ولا المتزوج

بدل السكن امتياز وظيفي بفقد مع امتيازات الوظيفه بعد التقاعد

لكن لو تم اضافه بدل السكن مع راتب التقاعد يخصم 5% مع خصم التقاعد منك عشان يدخل في راتب التقاعد وهالشي نتمنى يصير
سهم فضة
11-10-2019, 11:08 PM
عين العقل ابو عبدالله
ابو عبدالله.
12-10-2019, 08:39 AM
صبحكم بالخير

الي نعرفه بنقوله سهم فضه

المشكله مش في تطوير العمل و تصيد وظيفه براتب زين و امتيازات

المشكله ان كثير من الي توفقوا بوظائف زينه اهدروا الفائده من هالوظائف

من يشتغلون و راتب زين. طلع رنج او لكزس وكل سنتين بدل موتره
ما يقعد الا في كوفي و شيشه بمئه و خمسين و يعزم الربع و الفاتوره الف او حولها
ساعه رولكس فوق 30 الف الخ

ما يركب الا بزنس كلاس و سفرات و فنادق ما يحجزونها مدراءهم بالشغل

يشتغل له كم سنه. و وقت الزواج ما عنده بالتوفير الا خمسين الف

و البنات نفس الشي و اكثر بعد خصوصا بالمواتر الي فوق 500 الف و المشتريات و الاكسسوارات

من يدخلون بسالفه الزواج وهم اصلا مديونين بالبنك فوق نص مليون و بعضهم 800 الف و اكثر

تضيع الحسبه و يستلفون اكثر كلا الجنسين لان كل شخص يبي يطلع بمنظر الغني و شغال بجهه محترمه فلازم الفخفخه اكثر

فمن بدايه حياتهم العمليه و الزوجيه مضيعين الوفره الماليه من رواتبهم

بعدها لازم سكن مستقل و اهدار ثلث او ربع الراتب على الايجارات

بعضهم طالع من بيت ابوه بحياه معيشيه بسيطه و مفروض ان يقدر قيمه هالراتب و يعرف كيف يدخر لكن ينغرون بغيرهم و الرفاهيه المربوطه بالديون و السلفيات

اهني انا اشوف موظف الحكومه افضل في ترتيب حياته الماديه لانه ع الاقل ما ضيع وفره غيره مضيعها بلا فائده

انا ما انتقد هالاشخاص على طريقه حياتهم. هم حرين. لكن متحسف ان ممكن يتحولون الى مليونيريه خلال كم سنه و يتملكون و يتزوجون بدون ديون و بعدها اشتر الي تبيه

تعرف كم شخص منهم ممكن يتحول الى ناشط تجاريا او يدعم جمعيات خيريه و يكفل اسر و ايتام او يتملك كم عقار خلال 15 سنه

حتى اقاربهم الي حولهم ممكن يفيضون عليهم من الخير بعد التحول الى مستوى مادي عالي لو نظموا حياتهم الماديه اول كم سنه بس
بوجبر
12-10-2019, 11:29 AM
صبحكم بالخير

الي نعرفه بنقوله سهم فضه

المشكله مش في تطوير العمل و تصيد وظيفه براتب زين و امتيازات

المشكله ان كثير من الي توفقوا بوظائف زينه اهدروا الفائده من هالوظائف

من يشتغلون و راتب زين. طلع رنج او لكزس وكل سنتين بدل موتره
ما يقعد الا في كوفي و شيشه بمئه و خمسين و يعزم الربع و الفاتوره الف او حولها
ساعه رولكس فوق 30 الف الخ

ما يركب الا بزنس كلاس و سفرات و فنادق ما يحجزونها مدراءهم بالشغل

يشتغل له كم سنه. و وقت الزواج ما عنده بالتوفير الا خمسين الف

و البنات نفس الشي و اكثر بعد خصوصا بالمواتر الي فوق 500 الف و المشتريات و الاكسسوارات

من يدخلون بسالفه الزواج وهم اصلا مديونين بالبنك فوق نص مليون و بعضهم 800 الف و اكثر

تضيع الحسبه و يستلفون اكثر كلا الجنسين لان كل شخص يبي يطلع بمنظر الغني و شغال بجهه محترمه فلازم الفخفخه اكثر

فمن بدايه حياتهم العمليه و الزوجيه مضيعين الوفره الماليه من رواتبهم

بعدها لازم سكن مستقل و اهدار ثلث او ربع الراتب على الايجارات

بعضهم طالع من بيت ابوه بحياه معيشيه بسيطه و مفروض ان يقدر قيمه هالراتب و يعرف كيف يدخر لكن ينغرون بغيرهم و الرفاهيه المربوطه بالديون و السلفيات

اهني انا اشوف موظف الحكومه افضل في ترتيب حياته الماديه لانه ع الاقل ما ضيع وفره غيره مضيعها بلا فائده

انا ما انتقد هالاشخاص على طريقه حياتهم. هم حرين. لكن متحسف ان ممكن يتحولون الى مليونيريه خلال كم سنه و يتملكون و يتزوجون بدون ديون و بعدها اشتر الي تبيه

تعرف كم شخص منهم ممكن يتحول الى ناشط تجاريا او يدعم جمعيات خيريه و يكفل اسر و ايتام او يتملك كم عقار خلال 15 سنه

حتى اقاربهم الي حولهم ممكن يفيضون عليهم من الخير بعد التحول الى مستوى مادي عالي لو نظموا حياتهم الماديه اول كم سنه بس


كلام عقلاني ومتميز مثل صاحبة

جزاك الله خير بوعبدالله
بوجبر
12-10-2019, 11:34 AM
(( على على حسب نظرك يابو جبر ان الجنير ماياخذ بنت قبايل و الاصل والفصل لنة جنير و مايصير يحط بنت العرب في بيت اهله ،، السنير طال عمرك البعض منهم يستفيد من مبلغ بدل السكن فالصرف على بنت الاصل والفصل + البعض يحوش لاستكمال بيته اللي كلنا نعرف ان 1.200.000 ماتكفي لتشطيب البيت والاثاث يادوبها عظم وبلاستر ، والبعض ياخذ بها سيارة لبنت العرب عشان السايق او لها اذا كانت تسوق ، والاسباب و الاعذار كثيره لكن هذا ما استحضرني الان ، وهذا من واقع شفتة من بعض الزملاء .

شكرا لحكومتنا الرشيده لانشاء محكمة الاسرة وذالك لرفع الظلم عن الزوجة في مثل الحالات اللي ذكرتها سابقا:waiting:
وليف الشوق
12-10-2019, 02:08 PM
طيب شرايكم في (( مقيم )) والدوله مأجره له بيت ra واهو اصلاً مأجر البيت على ناس واهو ساكن في بيت اخوه ويستلم ايجار الفيلا من اللي مسكنهم 😳 هالشي حلال ولا حرام ؟
jajassim
13-10-2019, 11:26 AM
طبعاً ، حرام ،،،
حمد 2002
14-10-2019, 09:35 AM
طيب شرايكم في (( مقيم )) والدوله مأجره له بيت ra واهو اصلاً مأجر البيت على ناس واهو ساكن في بيت اخوه ويستلم ايجار الفيلا من اللي مسكنهم 😳 هالشي حلال ولا حرام ؟

بلغ عليه الجهات المختصه وخله يعيش مع اخوه للأبد ..
سليمان احمد
15-10-2019, 11:18 PM
اذكر فيه موضوع قبل ثمان سنوات في المنتدى واعتقد في قسم الشريعه كان فيه عضو ناسي اسمه اعتقد هو المشرف وقتها

كان عنده موضوع اسأله خاصه توجه للشيخ علي السالوس حفظه الله وانا شخصيا سالته والسوال والاجابه عرضت في

المنتدى وكانت الطريقه انك تعرض السؤال والعضو مادري المشرف بعد مايعرض السؤال ينزلها في المنتدى وكان سؤالي

ما ايكم في من يعمل عقد وهمي لأستئجار بيت وهومايسمى بالار اي وبذلك يحصل على. مبلغ اجار نصف سنوي وهو

غير ساكن في البيت الذي قدم. العقد على انه يسكنها قال في الاجابه المال حرام لانه مبني على عقد غير صحيح وبذلك يحرم

عليه الاجار الذي ياخذه من وزارة الاسكان علما باني اوضحت له ان الدوله على علم بذلك وقال حرام انتهت اجابته
ابو عبدالله.
16-10-2019, 12:38 PM
انا اشوفها حرام الا اذا حد اخذ فتوى هذا كلام ثاني وكل شخص له وضعه ما يصير الفتوى تعمم ان وجدت اصلا

الي يبي يقدر يجرب الاتفاق مع البنك في شراء فيلا و ادخالها على ار ايه. البنك ياخذ الايجار كمالك و اخيرا يتملكها الشخص بعد انتهاء الاقساط. يمكن هذه تكون حلال و يسأل مفتي افضل
وليف الشوق
17-10-2019, 06:37 AM
بلغ عليه الجهات المختصه وخله يعيش مع اخوه للأبد ..
الدوله المفروض او الجهه المختصه اهي اللي تكشف هالامر لاني مب عارف الشكوى حلال او حرام ؟ بكرى يدعي علي ومن يفيدني والافضل اني ابتعد عن الشبهات في اني ابلغ عليه او اخليه والمفروض على الجهه المعنيه بالموضوع اهي اللي تكشف امره وتقرر اذا كان ممنوع هالشي او مجاز قانوناً