ملاحظاتكم السلبية على السريع - موضوع متجدد

[معماري قطري]

سلبيه موجوده عند البعض

يشرب من علبة الماء النزر اليسير ويترك باقي العلبه

المشكله الاولى: انه ترك الماء ليزيله عنه الاخرون من بعده ويلقون بها في سلة المهملات
المشكله الثانيه: الماء الذي لم يتم شربه راح هدر وهو ماء متعوب عليه وعلى استخراجه وتنظيفه

الحلول:

اللي يسوي هالحركه من باب الادب والذوق يشيل علبة الماء معاه
ومافي اي عذر يتركها في المكان بدون ما يتخلص منها او يتصرف فيها

والحل الافضل انك تخلي العلبه معاك لين ما تشربها وتخلصها
وحل اخر تاخذ العلبه وتسقي فيها شجره او نبته قريبه منك
وتهتم بالقاء الزجاجه في المكان المخصص لها.

تصدقين استحي اخلي الماي وآخذه معاي سواء كنت في مجلس أو في مكتب أو مطعم وأوقات يكون الموضوع فيه شوية إحراج ما اطلع الا مكملها والا أعتذر إني بامشي وأقول باكملها في الطريق

[معماري قطري]

بالاردن لقيت واحد يعرض علي بضاعة من النوع اللي ولا عمرك تفكر فيها.... يوم قولت له شكرا صار يقولي مالك مستعجل و صار يقولي أشياء صحيحه و خاصة جدا عني ...يعني مخاوي جن الأخ ...... تركته و مشيت

على طاري الأُردن عندهم مباحث يعرفون شتفكر فيه وشكلت من شهر وشبتاكل بعد سنة

[طلعة الروح]

تصدقين استحي اخلي الماي وآخذه معاي سواء كنت في مجلس أو في مكتب أو مطعم وأوقات يكون الموضوع فيه شوية إحراج ما اطلع الا مكملها والا أعتذر إني بامشي وأقول باكملها في الطريق

اخوي استاذ معماري في المطعم ممكن نمشيها عادي بس المشكله
لا صرت في صالة بيتكم وتقعد تسوي هالحركات للاسف البعض عنده
هالعادات ولا اللي يصب الشاي بارادته وما يشرب حتى ربعه
ويقوم انزين شحقه تصب وما تشرب ،، لا حول ولا قوة الا بالله
البعض فيه طبع الفسق وعباله يعني صيه بهالحركه
مايدري انه الناس تاخذ عنه انطباع سيء.

[معماري قطري]

اخوي استاذ معماري في المطعم ممكن نمشيها عادي بس المشكله
لا صرت في صالة بيتكم وتقعد تسوي هالحركات للاسف البعض عنده
هالعادات ولا اللي يصب الشاي بارادته وما يشرب حتى ربعه
ويقوم انزين شحقه تصب وما تشرب ،، لا حول ولا قوة الا بالله
البعض فيه طبع الفسق وعباله يعني صيه بهالحركه
مايدري انه الناس تاخذ عنه انطباع سيء.

حتى المطاعم ما استحي آخذ ما تبقى من ماي معاي بعضهم يبيعون الماي بعشر أضعاف قيمته وحرام أشرب شوي وأخلي القرشة بس علشان أحافظ على برستيجي

[طلعة الروح]

حتى المطاعم ما استحي آخذ ما تبقى من ماي معاي بعضهم يبيعون الماي بعشر أضعاف قيمته وحرام أشرب شوي وأخلي القرشة بس علشان أحافظ على برستيجي


والله عفيه عليك.. هذا الصح
صحيح الواحد يعطش وهو ف السياره
مب غلط ابد تاخذ الغرشه وتكملها على راحتك

[khaldoon]

الاشارات الجديدة على طريق دائري الثالث بين إشارات رامادا و إشارات تقاطع بن محمود , إيش الفائدة منها غير الزحمة , بين كل إشارة تقريبا بدون مبالغة 100 متر فقط , الحين الوضع بيكون أسوأ من قبل بس تفتح المدارس , لانه الاشارة تكون حمراء و الثاني خضراء , فاسيارات ماراح تتحرك أصلا

مكان الاشارة الجديدة غلط , مافي منها غير زيادة الزحمة

بارك الله فيك على هذه المشاركة الطيبه

اعتقد الافضل في هذه الحاله انشاء جسور او انفاق لتخفيف التقاطعات و الزحام

[khaldoon]

للرفع
لاهمية الموضوع وقد اشارك قريبآ فيه

بارك الله فيكي اختي ما قصرتي

كل الشكر و الاحترام و التقدير

[khaldoon]

سلبيه موجوده عند البعض

اللي يلقي كمامته بلا مبالاه على الارض بعد الخروج من السوق
يعطيك فكره عن طبيعة واخلاق الشخص ويعطي صوره غير حضاريه للمكان


الحل:
اول شي الكمام مب وسيله عشان ترميها اول ماتخلص منها
المفروض تظل مستمر بارتداءها لين ماتركب السياره وتحرك
ثاني شي كيس صغير تحطه تحت كرسي العبري وخله فيه وقت ماتبي تفصخ الكمامه

والله كلامك صحيح..... للاسف بعض الناس ما عندها لا ذوق و لا اخلاق ....لو في كاميرات منتشره في كل مكان و تصور الناس اللي ترمي الكمامات و القاذورات بالشارع ......الخ و يتم محاسبتهم بيكون الوضع افضل

بمعنى ايجاد اليه لتفعيل قانون المحافظة على نظافة المدن و الشوارع و المرافق العامة

[khaldoon]

سلبيه موجوده عند البعض

يشرب من علبة الماء النزر اليسير ويترك باقي العلبه

المشكله الاولى: انه ترك الماء ليزيله عنه الاخرون من بعده ويلقون بها في سلة المهملات
المشكله الثانيه: الماء الذي لم يتم شربه راح هدر وهو ماء متعوب عليه وعلى استخراجه وتنظيفه

الحلول:

اللي يسوي هالحركه من باب الادب والذوق يشيل علبة الماء معاه
ومافي اي عذر يتركها في المكان بدون ما يتخلص منها او يتصرف فيها

والحل الافضل انك تخلي العلبه معاك لين ما تشربها وتخلصها
وحل اخر تاخذ العلبه وتسقي فيها شجره او نبته قريبه منك
وتهتم بالقاء الزجاجه في المكان المخصص لها.


تعالي شوفيهم ايام التراويح في المساجد.... يتركون عبوات الماء على ارض المسجد و معتمدين على عمال النظافه ينظفون وراهم...... الدين عندهم صلاة فقط بلا اخلاق و لا ذوق و لا احترام للغير

[khaldoon]

سلبيه لاحظتها من كم يوم:

كانت اشارة المرور قد اصبحت حمراء والسياره اللي جايه على يساري لم تتوقف ولم تنتظر رغم تأكده من كونها اصبحت حمراء
بفتره كافيه

والله ستر عليه وعلى باقي الموجودين وبنفس الوقت استغربت جدا ان الرادار ماصوره ولا شفت وميض الكاميرا.

الحل؛

المفروض ان يتم تخفيف السرعه بمجرد انك شفت اللون الاصفر في الاشاره وتقدر
هل ستستطيع ان تكمل السير ام يتوجب عليك التوقف لا محاله.

قطع الاشارة الحمراء هو شروع في القتل سواء للسائق المتهور انه يقتل نفسه او انه يتسبب في قتل غيره ..... زمان ما سمعت اخبار عن قطع الاشاره الحمراء .... هل الناس غير الملتزمة سابقا تأدبت و الا شسالفة ما ادري

[khaldoon]

تصدقين استحي اخلي الماي وآخذه معاي سواء كنت في مجلس أو في مكتب أو مطعم وأوقات يكون الموضوع فيه شوية إحراج ما اطلع الا مكملها والا أعتذر إني بامشي وأقول باكملها في الطريق

يا اخوي انت في قمة الذوق و الاخلاق و الله يكثر من امثالك و لا يحرمنا التواصل معاك

[طلعة الروح]

ملاحظة رقم 1

اليوم كنت في احد فروع سدرة في وقود..... لقيت اربع مقيمن واقفين على الدور عند الكاشير.....جاء واحد لابس قطري و انا متأكد انه مب قطري جاء يشتري علبة دخان و متخطيهم كلهم ... الحلو انه دفع عن طريق الفيزا يعني مب كاش و طلع من سدرة و سيارته أصلا كورولا.

وصف التصرف متروك لتقديركم .....بس من علمه هالشي؟... وليش صار تصرفه جزء من ثقافتنا في البلد؟

اترك لكم التعليق


بغض النظر عن انه شخص لابس زي معين وما يمثل غير نفسه

انا ياما صارت لي وانا واقفه انطر دوري بالكاشير يجون اجانب ويتقدمون علي
وياخذون دوري طبعا بعض الناس يتعمدون والبعض يسوي نفسه مب منتبه للي واقف وراه
طبعا مهمة الكاشير انه يقوله لو سمحت انطر دورك ورا ساعات الواحد يمشيها بمزاجه
وساعات ... تضطر انك تكلمه وتبلغه انك جاي قبله

[طلعة الروح]

ملاحظة رقم 3

على طول نلاقي لوحات ارشادية تقول انه غرامة البصاق في الأماكن العامة تصل الى 500 ريال قطري.... و مع ذلك هالعادة الوسخة موجوده في كل شارع و في كل مكان و للأسف تلاقيها و بقوة على الجدران الخارجية للمساجد في الأماكن الشعبية....... القانون موجود بس بدون تفعيل..... تماما مثل عندك تليفون خالص شحنه ما يشتغل و ما فيه حياة ولا روح

عاده قذره ووسخه نفس ما تفضلت
يوميا نشوف العماله عند الاشارات يفتح باب سيارته ويلخم بدون حيا ولا مستحى
ثقافة الوساخه هذي غير شكل
ولا يراعي الناس اللي تشوف المنظر المقزز
المفروض البلديه وهي الجهه المختصه تسوي اعلانات ارشاديه عن كيفية الابلاغ عن الحالات هذي بدون خوف من المحاسبه او
التصوير اللي في غير محله عشان يكون كل شي واضح للي يبي يبلغ عنهم

[معماري قطري]

يا اخوي انت في قمة الذوق و الاخلاق و الله يكثر من امثالك و لا يحرمنا التواصل معاك

تقدير النعمة يا اخوي من أسس ديننا الحنيف والإسراف في أي شيء إثم على صاحبه

بعض الأوقات نجلس في مجلس فيه خير والكل فاتح الله عليه نتناقش شنطلب عشاء .. أوقات نوصل لقرار ناخذ من مخبز قريب خبز مع روب أو جبن ويطلع الحمد لله وجبة خفيفة وحارة وغير عن أي وجبة .. يكون الطلب شوي كثيرين يكونون متحفظين بس وقت ما يوصل ما تحصل شيء يبقى منه

انا قليل اشرب ماء معلب في البيت دوم شربي للماء يكون من الفخار ( الحِب ) ويكون معقم بالغلي قبل لا يصب في الحب .. كثيرين من عيالي اتبعوا طريقتي والماي طعمه غير عن المعلب ولي سنين ماشي على هذي الطريقة

[معماري قطري]

عاده قذره ووسخه نفس ما تفضلت
يوميا نشوف العماله عند الاشارات يفتح باب سيارته ويلخم بدون حيا ولا مستحى
ثقافة الوساخه هذي غير شكل
ولا يراعي الناس اللي تشوف المنظر المقزز
المفروض البلديه وهي الجهه المختصه تسوي اعلانات ارشاديه عن كيفية الابلاغ عن الحالات هذي بدون خوف من المحاسبه او
التصوير اللي في غير محله عشان يكون كل شي واضح للي يبي يبلغ عنهم

إختي تطبيق القانون يحتاج قوة وفرض بس هم شاطرين على القطري أما ذيلا يتربعون عندنا ويخالفون براحتهم محد يحاسبهم .. لو يخلون الغرامة 10 ريالات ويصورون والكيمرات موجودة في كل الطرقات تكشف النملة لو كانت حامل وكم وزنها والمراقبين موجودين يدققون أمنياً .. بس توجيه ويضيفون تحرير المخالفة للسيارة اللي فيها أشخاص يسوون هذي الحركة بتشوفين محد يسويها صدقيني 10 ريالات مفروضة وتتابعها عيون القانون أفضل من 500 ريال بس تهديد أجوف

هذي بيطبقونها قبل كاس العالم بكم يوم ووقته أما ألحين الموجودين بشر مب قد المستوى المنشود

[معماري قطري]

والله عفيه عليك.. هذا الصح
صحيح الواحد يعطش وهو ف السياره
مب غلط ابد تاخذ الغرشه وتكملها على راحتك

أوقات نفكر في عيون الناس وصدقيني ولا حد مهتم الا فضولي حده

[مرتبش]

على طاري الماي
الشركاتخاصة الصغيرة مايوفرون ماي لعمالهم.. تشوف العمال من الصبح عند براد المسجد او البراد الوحيد في الفريج يشفطون كل الماي البارد.. ياخي وفر ترمس 5 او 10جالون ماي بارد لعمالك وانت منزلهم الموقع وخلهم يرتاحون شوي

[khaldoon]

للرفع و لي عودة عليه ان شاء الله