هل هناك سيارات اصفار مضروبة في معارض السيارات؟؟!!

[khaldoon]

اكيد في ناس كثيره تعرف هالموضوع بس الأكيد انه الغالبيه لا تعلم

اذا كنت لا تدري فتلك مصيبة و ان كنت تدري فالمصيبة اعظم


الحين الموضه صارت انه الوكالات تبيع كل الستوك اللي عندها للمعارض علشان ما ترجع السيارات لبلدها الأصلي و ما تلاقي بالوكالة الا سنة 2020 بس

سيارات اصفار في اكبر معارض للسيارات..... أصحاب المعارض يقولون نشتري من الوكالات و نبيع اقل ب 6000 ريال تقريبا

لقيت سيارة بسعر 48000 ريال .... اتصلت على الوكيل علشان اقارن مع سعر الوكاله و اشوف عليها ضمان او لا

الصدمة الصاعقة لي انه قالي هذه السيارة بنفس الموديل سعرها ستاندرد ...بيسك بدون إضافات هو 66000 ريال!!!!

-ايش سبب الفرق الكبير بالسعر؟؟!!
-ما اقدر أتكلم كثير ولا أوضح بس شوف حالة السيارة هل هي ماكلة ماي مطر او أي شي!!!....سيارة كانت مركونه عندنا من قبل
-طيب مازالت تحت الضمان!!
-عزيزي الضمان ما له علاقة ... السياره فعلا تحت الضمان و احنا مستعدين نصلحها
- اها فهمت عليك يعني انتوا السيارة مستعدين تصلحوها طالما هي تحت الضمان حتى لو كلفتكم اكثر من سعرها و انتوا يا وكاله مب خسرانين شي و ماشيين مع قوانين حماية المستهلك و بالاخير تبعثون الفاتورة للشركة الام اللي هي مسؤوله عن جودة سياراتها اللي انتوا تبيعونها لهم
- بالزبط!!!
-طيب تنصحني اشتري من عندهم و الا من عندك؟؟
-شوف يا عزيزي.....عيب علي ابيع السيارة للمعرض و اقولك ما تشتري من عنده!!
-بس انا طالب نصيحك بصفتك الوكيل و كلامك عندي اكثر مصداقية من كلام المعارض.... هالسيارات مضمونه و الا لا؟؟!!
- عزيزي انا اضمنلك السيارات اللي نبيعها في وكالتنا فقط
-شكررررررا

ايش تعليقكم!!!

cc: حماية المستهلك

[هداف]

الوكالات اذا تاخذ منهم كميات كبيره من السيارات المخزنه عندهم يعطونك سعر
منافس وينزلون من سعرها عشرين وثلاثين في الميه بسبب نزول الموديلات الجديده
ومثل ماذكرت علشان مايرجعون يشحنون السيارات لبلد المنشا او لوكيل ثاني يعني يبيع
بسعر الكوست وفي كال الحالات هو مب خسران شي

بخصوص ان السيارات مضروبه لا طبعا :) هذي سياره مب مواد تموينيه ممكن تفسد
وتنتهي صلاحيتها ,,,,, الافضل تروح تفحصها مافيها صبغ او امور فنيه اخرى
وضمانها ساري من الوكاله غصب عليهم من حماية المستهلك ,,, وهذا الشي يعتبر
شي زين ومن صالح المستهلك وليس العكس انه يشتري سياره على الزيرو موديل السنه اللي طافت
بارخص من سعرها بعشرين وثلاثين في الميه

[khaldoon]

الوكالات اذا تاخذ منهم كميات كبيره من السيارات المخزنه عندهم يعطونك سعر
منافس وينزلون من سعرها عشرين وثلاثين في الميه بسبب نزول الموديلات الجديده
ومثل ماذكرت علشان مايرجعون يشحنون السيارات لبلد المنشا او لوكيل ثاني يعني يبيع
بسعر الكوست وفي كال الحالات هو مب خسران شي


متفق تماما معاك طبعا انه سعر الجمله غير عن سعر المفرد...هو أصلا اول ما سألته عن سيارات ستوك قالي كم سيارة تبي و هالكلام ما عليه خلاف و انا عن نفسي كنت ابرر الفرق في السعر بين الوكاله و المعارض انهم يشترون كل الستوك اللي عندهم ....و لاحظت ان بعض المعارض يشتري اغلب او كل الستوك من وكالات بعينها يعني المعارض صارت تتخصص بالستوك لبعض الوكالات دون غيرها

بالنسبة للخسارة فما في خسارة ابدا بسبب الفرق الكبير بين السعر الأصلي في البلد الاصلي و سعرها عند الوكيل ...ما اعتقد كل هالفرق بسبب الشحن

الحمد لله قطر نسبة الجمارك فيها لا تذكر... تعالوا شوفوا ببلادنا الجمارك 300%



بخصوص ان السيارات مضروبه لا طبعا :) هذي سياره مب مواد تموينيه ممكن تفسد
وتنتهي صلاحيتها


هو قالي شوف احنا نبيعها للمعارض و هم عارفين حالتها يعني احنا ما نخمهم و بناء على اتفاق بينا و بينهم و هذا سبب الفرق الكبير بالسعر..... و بعدين انا تكلمت مع موظف بالوكاله يعرف شغله يعني مب شخص عادي يقول شي ما يعرفه بقعدة قهوة ولا اعتقد انه راح يألف هالقصه او يتخيلها و يرمي بلاه على غيره ..ما في دخان من غير نار ...لو الفرق بسيط اتفق معاك الى حد ما ...

طيب خلنا نقول انه كلامك صحيح 100% و انها مب مضروبه ولا هريس .... انت متخيل انه المعرض يشتريها من الوكيل و يبيعها لك اقل ب 18000 ريال!!....و لسه المعرض متربح منك بمبلغ و قدره و عليه ايجارات و موظفين و .... شوف كم تربح الوكاله منك بهالحاله يا مستهلك

,,,,, الافضل تروح تفحصها مافيها صبغ او امور فنيه اخرى

كلام سليم و طبعا هو ما عمم على كل السيارات قالي اسأل المعارض ايش حالة السيارة و ليش في فرق كبير بالسعر

وضمانها ساري من الوكاله غصب عليهم من حماية المستهلك

لا غصب عنهم و لا تفرق معهم يا اخوي لاتي قولت فاتورة التصليح راح تروح للشركة الام بعدين و بناء على تجربة سابقه مع احد الوكالات الأخرى.... حماية المستهلك يضمنون لك انه الوكيل او البائع يصلحلك سياراتك طالما في اتفاق و عقد بينك و بين البائع انه السيارة تحت الضمان ...حماية المستهلك تضمنلك هذا الحق فقط انه يتلزم بالضمان و شروطه....لو السيارة فيها خراب مزمن و هذا حدث معي بسيارة شريتها من الوكاله و حكيت قصتها هنا من قبل الوكاله راح تضل تصلحها لحد ما ينتهي الضمان و بعدها صارت مشكلتك و طبعها الناس في هذه الحاله يريعونها و يرمون مصيبتها على غيرهم و الأمور طيبه
,,, وهذا الشي يعتبر
شي زين ومن صالح المستهلك وليس العكس انه يشتري سياره على الزيرو موديل السنه اللي طافت
بارخص من سعرها بعشرين وثلاثين في الميه

كلامي بالاحمر و اشكرك على مرورك و تعليقك

[ابو عبدالله.]

من زمان نعرف ان المعارض تشتري بسعر اقل بكثير و اول ما يعلن عن موديل اجدد المعارض تبدأ تنزل اكثر

في وكاله سألنا عن سياره موديل سنتها. قالوا خلاص ما في الا الموديل الجديد و بنجيبه بعد شهرين تقريبا

بعنا كل هالنوع للمعارض نفس القصه يعني بس الي نعرفه ان سعر جمله و ممكن يوصل الى عشرين الف و اكثر

ايضا في سيارات موديل سنتها و زيرو تنعرض باقل من عشر الاف فرقيه
سيارات جوائز المسابقات مثل الجمس بيك اب و غيره

صديق شراه بنص سنته بأقل 8 الاف او عشره الاف

و رفيجنا الثاني شراه من الوكيل لان سمع ان ممكن هالمواتر مش وارد قطر و تخوف و دفع زياده و اخذه من الوكاله

المهم ان الموترين عليهم ضمان و زيرو و امورهم طيبه

عموما اذا الموتر متشكك فيه افحصه و اعتقد ان المعارض يطلعون لك ان الموتر مشترينه من الوكيل و بالضمان

لكن ما عليه عروض مثل بعض الوكالات فري سيرفس سنه او ضمان ممدد الخ

الوكلاء يوفرون سالفه العروض و فري سيرفس بغرض البيع للافراد اذا باعوا جمله للمعارض فهم يحسبونها عدل

معلومه اخيره

اذكر ان ضريبه السيارات 40% و شفت تعليقات من مسؤولي مبيعات بالجرائد من كم سنه عن ارتفاع اسعار المواتر و غيارها فقالوا ان الوكالات تدفع هالضريبه للدوله. وما ادري عن صحه هالكلام

[وثاب]

عندنا فيه طريقتين يمارسونها اهل المعارض

الاولى
بعد نزول موديل حديث مثلا 2020 ويصير سعره مرتفع بحكم انه توه نازل
يتم سحب جميع المخزون اللي موجود في الوكاله لموديل مثلا 2019 قبل بفتره

بسعر مناسب من الوكيل بحكم بيع بالجمله فينزل في السعر فيجفف الوكيل من النوع فتنضطر انك تروح للمعارض ويقصبون الزبون

الطريقه الثانيه
تكوين تحالفات بين بعض المعارض بحيث يشترون كميات من دون ضمان الوكيل فينزل بالسعر اللي هو سعر الضمان

ويجي الزبون للمعرض ويشوف السعر نازل عن الوكاله بمبلغ لابس فيه بياخذها

واذا راح للوكيل ما يحصل ضمان وهذي فيها لف ودوران وتحايل

[شموخ دائم]

,

,

مرحبا

شكرا على الموضوع

المعارض تقدم خدمه كبيره للسوق المحلي

ليس كل شخص يقدر يشتري من الوكاله

دور المعارض تبيع السيارات بمختلف موديلاتها وانواعها

الجديد والمستخدم

وكل واحد يقدر ( يفحص ) السياراه وياخذ تقرير عن ( حالتها )
يفحصها بالكمبيوتر
او ياخذها الوكاله يفحصونها

وأيضا عندهم سيارات جديده من خارج قطر

وارد عمان
وارد الكويت

متاح عندهم أيضا

وفي معارض بقطر ( سمعتها قويه جدا ) ومعروفه بالسوق

لذلك على الشخص الي بيشتري

يختار المعرض المناسب
ويفحص السياره

ويتوكل على الله يشتري


سوق السيارات مثله مثل أي سوق اخر ممكن يوجد فيه ( غش )
او سياره متعرضه لاضرار ويحاول صاحب السياره يخفيه او يخش العيوب

وهذا خطاء وحرام ويخالف كل القوانين



,

,

[سعود.]

واحد من ربعي سنة 2013 او 2012 ماخذ موتر من معرض اصفار وبعد فتره اكتشف ان التندا فيها ضربه ومعدله اي كلام .

[سليمان احمد]

قبل كم سنه على ما اضن سكرو اعتقد التويوتا او النيسان بعد ما اكشفوا انهم بايعيين مواتر اصفار فيها دعمات ومصلحه

فما بالكم بالمعارض

[Dana’1]

ممكن ليش لا في حوادث تصير وقت نقل المركبات بعضها خفيف شخطة طعجة مره صغيره وبعضه متوسط وكلهن قابله للتصليح وإعادة العرض
لكن المفروض من باب الأمانة يكون لها قسم خاص بالمعرض مع عرض قبل وبعد وكيفه الشخص يشتريها أو لا
أو ممكن يكون هالقسم لأصحاب الأعمال والإستخدام التجاري مكاتب الليموزين التكاسي مكاتب إيجار السيارات إلخ
أهم شي لا يكذبون على العالم و تباع على أساس إنها بـ وضعية المصنع

[معماري قطري]

انا مريت بتجربتين من هذا النوع .. تجربة في أمريكا كانت السيارة موديل 1986 وخذتها 1987 مستعملة بس ماشية حول ال 100 ميل ولا يعتبر ممشى .. البلاد كانت باردة وطقسها حلو لكن التخزين في ساحة مفتوحة وعوامل الجو الأفضل من جونا دمرت السيارة .. بعد فترة استوت مشاكل في المكينة واصلاح مكلف وهوز التبريد انتهت صلاحيته .. التواير كانت يابسة ومن ينزل مطر تزلق في مكانها

السيارة الثانية نافارا نيسان خذتها من قطر من الوكيل كانت موديل 2016 وخذتها سنة 2018 ب 65000 بس كاملة وعليها شوية حركات وصراحة نافعة يمكن لأن قليل يستعملها السايق وهو عنايته بالسيارات ممتازة

أول سنة اشتكى من المساحات وبدلناها كانت يابسة طبعاً من الوقفة في الشمس

[khaldoon]

من زمان نعرف ان المعارض تشتري بسعر اقل بكثير و اول ما يعلن عن موديل اجدد المعارض تبدأ تنزل اكثر

في وكاله سألنا عن سياره موديل سنتها. قالوا خلاص ما في الا الموديل الجديد و بنجيبه بعد شهرين تقريبا

بعنا كل هالنوع للمعارض نفس القصه يعني بس الي نعرفه ان سعر جمله و ممكن يوصل الى عشرين الف و اكثر

ايضا في سيارات موديل سنتها و زيرو تنعرض باقل من عشر الاف فرقيه
سيارات جوائز المسابقات مثل الجمس بيك اب و غيره

طبعا متفق معاك انه سيارات الجوائز دائما قيمتها اقل و اعتقد ما عليها ضمان ...خاصة لما واحد مسكين (اغلبهم هنود اللي يربحون) يربح سياره ليكزس مثلا او شي هو ما له فيه ايش يبي يسوي بهالسياره ولا هو قد مصاريفها و صيانتها و قطعها و بترولها فيبيعها افضل و احسن .. و في ناس و معارض تحضر السحب و دفتر الشيكات بجيبها علشان تقتنص الفرصه و تروح للرابح مباشرة و تشتري منه السياره

صديق شراه بنص سنته بأقل 8 الاف او عشره الاف

و رفيجنا الثاني شراه من الوكيل لان سمع ان ممكن هالمواتر مش وارد قطر و تخوف و دفع زياده و اخذه من الوكاله

انا مثل رفيجك الثاني خوفت من سيارات شكيت انها وارد دبي و شريت من الوكاله بقطر

المهم ان الموترين عليهم ضمان و زيرو و امورهم طيبه

طبعا هم عليهم ضمان قول ثلاث سنوات بس يبدأ الضمان من اول تسجيل بالمرور لأول مالك و لما نشتري منهم بنكون المالك رقم 2 فبيكون باقي من الضمان سنتين او اقل ....

عموما اذا الموتر متشكك فيه افحصه و اعتقد ان المعارض يطلعون لك ان الموتر مشترينه من الوكيل و بالضمان

فعلا هو الكلام الصح...لابد من فحص موتر زيرو..... ما خطر ببالي قبل بس البركه فيكم بالمنتدى

لكن ما عليه عروض مثل بعض الوكالات فري سيرفس سنه او ضمان ممدد الخ

الوكلاء يوفرون سالفه العروض و فري سيرفس بغرض البيع للافراد اذا باعوا جمله للمعارض فهم يحسبونها عدل

معلومه اخيره

اذكر ان ضريبه السيارات 40% و شفت تعليقات من مسؤولي مبيعات بالجرائد من كم سنه عن ارتفاع اسعار المواتر و غيارها فقالوا ان الوكالات تدفع هالضريبه للدوله. وما ادري عن صحه هالكلام


ولا انا ادري اذا هالكلام صحيح او لا يا ريت لو احد أصحاب المعارض يفيدنا

الرد بالاحمر
بارك الله فيك على المشاركة القيمه جدا...كل الشكر و التقدير

[اللوز]

أول سنة اشتكى من المساحات وبدلناها كانت يابسة طبعاً من الوقفة في الشمس

عاد مساحات الواحد يشتكي منها ؟
غريبة

[معماري قطري]

عاد مساحات الواحد يشتكي منها ؟
غريبة

من الوقفة في الشمس تيبس وما تمسح عدل وهذا ينطبق على البريك وعلى كل الهوزات .. بس حظي شاري من الوكالة والسيارة مضمونة ومبدلين هذي القطع وخلوا المساحات ولا شيء والزين القيمة طايحة فوق 30% .. انا نسيت وغلطت في السنة هي موديل 2014 وشريتها 2016 وللحين خادمة بدون مشاكل الحمد لله

[khaldoon]

لي عودة على الموضوع و ارد على مشاركاتكم القيمة بس بغيت أقول شي ع السريع

أي سياره واقفه بالشمس او بدون شمس لفترة سنة او اكثر و من ضمنها سيارات الجوائز لازم تبدل لها عجلات السيارات لان العجلات متوقفه على نقطه معينة لفترة طويله جدا جدا و هالشي راح يسبب ارتجاج للسياره خلال فترة الاستعمال

أيضا لازم نفكر شوي في موضوع الزيت في الماكينة هل متجمد و الا صار فيه شي و طرمبة البنزين و طبعا المساحات .... يعني فعلا لابد من فحص السياره حتى لو كنت اصفار

[khaldoon]

عندنا فيه طريقتين يمارسونها اهل المعارض

الاولى
بعد نزول موديل حديث مثلا 2020 ويصير سعره مرتفع بحكم انه توه نازل
يتم سحب جميع المخزون اللي موجود في الوكاله لموديل مثلا 2019 قبل بفتره بسعر مناسب من الوكيل بحكم بيع بالجمله فينزل في السعر فيجفف الوكيل من النوع فتنضطر انك تروح للمعارض ويقصبون الزبون

كلامك صحيح و الحين اشوف بعض المعارض الكبيره تحتكر الستوك لوكالات معينه .....مثلا قسم الجيدة للسيارات المستعملة تلاقي عندها بس شيفروليه لانها الوكيل و أيضا الهونداي
معرض النخبة عنده باجيرو و صني و بيجو و هكذا

الطريقه الثانيه
تكوين تحالفات بين بعض المعارض بحيث يشترون كميات من دون ضمان الوكيل فينزل بالسعر اللي هو سعر الضمان

ويجي الزبون للمعرض ويشوف السعر نازل عن الوكاله بمبلغ لابس فيه بياخذها

واذا راح للوكيل ما يحصل ضمان وهذي فيها لف ودوران وتحايل

هو كل سيارة يكون مكتوب عليها ضمان او لا بمنتهى الوضوح بس لازم الواحد يعرف كم باقي على الضمان ...غالبا لو في ضمان ما يكون اكثر من سنة او سنة و نص فقط


الرد بالاحمر ...كل الشكر و التقدير

[khaldoon]

,

,

مرحبا

شكرا على الموضوع

حياك الله ...نورت

المعارض تقدم خدمه كبيره للسوق المحلي

ليس كل شخص يقدر يشتري من الوكاله

دور المعارض تبيع السيارات بمختلف موديلاتها وانواعها

الجديد والمستخدم

وكل واحد يقدر ( يفحص ) السياراه وياخذ تقرير عن ( حالتها )
يفحصها بالكمبيوتر
او ياخذها الوكاله يفحصونها

معاك حق الحين مستحيل اشتري سيارة اصفار خارج الوكاله الا لو فحصتها

وأيضا عندهم سيارات جديده من خارج قطر

وارد عمان
وارد الكويت

صراحة اتخوف من السيارات اللي وارد دول خارج قطر.... أخاف اتوهق بموضوع الضمان و ما اعرف اصلحها و الا مواصفات السياره اقل من المواصفات القياسية القطريه و الا تكون مب مرغوبه لو بغيت ابيعها

متاح عندهم أيضا

وفي معارض بقطر ( سمعتها قويه جدا ) ومعروفه بالسوق

لذلك على الشخص الي بيشتري

يختار المعرض المناسب
ويفحص السياره

فعلا معاق حق....تحس بعض المعارض تكش ذبان .....والله يا اخوي اشوف معارض فيها عشرات السياره و تصل لأكثر من مئة سياره من الصيني و حتى الألماني و البريطاني ...يعني كل الأنواع و معارض ثانيه فيها عشرين سياره من افخم الأنواع فقط يعني كل سيارة بمئات الألوف و تنباع و عليها طلب....في معارض تحس انك لازم تشوف السعر و تخصم عشر الاف من السعر المعروض على الأقل و بعدين تفاصل يعني يقولك مثلا السياره بثمانين تسمعها بعقلك سبعين و تقوله اشتري ب 67 الف ههههههه


ويتوكل على الله يشتري


سوق السيارات مثله مثل أي سوق اخر ممكن يوجد فيه ( غش )
او سياره متعرضه لاضرار ويحاول صاحب السياره يخفيه او يخش العيوب

وهذا خطاء وحرام ويخالف كل القوانين



,

,


بارك الله فيك على المشاركه الجميله... ارد بالاحمر

[khaldoon]

واحد من ربعي سنة 2013 او 2012 ماخذ موتر من معرض اصفار وبعد فتره اكتشف ان التندا فيها ضربه ومعدله اي كلام .

والله يا اخوي إصابات جسم السيارة خلال عمليات النقل و التخزين و الصدامات حدث ولا حرج في الوكالات قبل المعارض و لهالسبب تسكرت بعض الوكالات لما انشكف التصليح و الغش التجاري ... يعني ينخبط صدام سيارة و الا أي شي فيها المفروض انهم يصلحونها و يقولون للعميل هذه متصلحه و خصمنا كذا لو بغيت و يتوثق هالشي مية بالمية بالمستندات و الصور و الضمان لو تغير اللون مثلا مستقبلا علشان ما ينكر العميل في المستقبل و ما يكون في أي غش

اما ان الوكاله تصلح و تبيع على انها سيارة سليمة مية بالمية فهذا غش صريح رخيص لا يجب ان يتعامل معها بأي رحمة او تهوان

[khaldoon]

قبل كم سنه على ما اضن سكرو اعتقد التويوتا او النيسان بعد ما اكشفوا انهم بايعيين مواتر اصفار فيها دعمات ومصلحه

فما بالكم بالمعارض

حسبي الله عليهم ....هذا غش صريح غير مقبول و أتمنى بالضرب بيد من حديد على كل من يقوم بهذه الحركات و يبيع المضروب بسعر السليم و يغش العميل

[khaldoon]

ممكن ليش لا في حوادث تصير وقت نقل المركبات بعضها خفيف شخطة طعجة مره صغيره وبعضه متوسط وكلهن قابله للتصليح وإعادة العرض
لكن المفروض من باب الأمانة يكون لها قسم خاص بالمعرض مع عرض قبل وبعد وكيفه الشخص يشتريها أو لا
أو ممكن يكون هالقسم لأصحاب الأعمال والإستخدام التجاري مكاتب الليموزين التكاسي مكاتب إيجار السيارات إلخ
أهم شي لا يكذبون على العالم و تباع على أساس إنها بـ وضعية المصنع

متفق معاكي مية بالمية....لابد من اعلام العميل و عمل خصم له و هو حر يقبل او يرفض....من غشنا فليس منا

[khaldoon]

انا مريت بتجربتين من هذا النوع .. تجربة في أمريكا كانت السيارة موديل 1986 وخذتها 1987 مستعملة بس ماشية حول ال 100 ميل ولا يعتبر ممشى .. البلاد كانت باردة وطقسها حلو لكن التخزين في ساحة مفتوحة وعوامل الجو الأفضل من جونا دمرت السيارة .. بعد فترة استوت مشاكل في المكينة واصلاح مكلف وهوز التبريد انتهت صلاحيته .. التواير كانت يابسة ومن ينزل مطر تزلق في مكانها

السيارة الثانية نافارا نيسان خذتها من قطر من الوكيل كانت موديل 2016 وخذتها سنة 2018 ب 65000 بس كاملة وعليها شوية حركات وصراحة نافعة يمكن لأن قليل يستعملها السايق وهو عنايته بالسيارات ممتازة

أول سنة اشتكى من المساحات وبدلناها كانت يابسة طبعاً من الوقفة في الشمس

والله يا اخوي انا اعاني من نفس المشكله في العجلات و المساحات مع النيسان...اشتريت سيارة موديل 2015 باثفايندر في سنة 2016 ...اضطريت اغير عجلات السياره لانها سببت رجه فيها بسبب وقوفها عام كامل على نقطة ارتكاز واحده وكل سنة اغير المساحات...دائما تنشف

يا ريت شريت باجيرو و الا برادو كان افضل منها

[khaldoon]

عاد مساحات الواحد يشتكي منها ؟
غريبة

نعم المساحات و كل سنة اغيرها في النيسان

[khaldoon]

من الوقفة في الشمس تيبس وما تمسح عدل وهذا ينطبق على البريك وعلى كل الهوزات .. بس حظي شاري من الوكالة والسيارة مضمونة ومبدلين هذي القطع وخلوا المساحات ولا شيء والزين القيمة طايحة فوق 30% .. انا نسيت وغلطت في السنة هي موديل 2014 وشريتها 2016 وللحين خادمة بدون مشاكل الحمد لله

الله يهنيك و يبعد عنك المشاكل و وجع الراس

[معماري قطري]

والله يا اخوي انا اعاني من نفس المشكله في العجلات و المساحات مع النيسان...اشتريت سيارة موديل 2015 باثفايندر في سنة 2016 ...اضطريت اغير عجلات السياره لانها سببت رجه فيها بسبب وقوفها عام كامل على نقطة ارتكاز واحده وكل سنة اغير المساحات...دائما تنشف

يا ريت شريت باجيرو و الا برادو كان افضل منها

وكلاء السيارات زطاطوة وغشاشين والا المفروض يقولون السيارة موقفينها في الشمس .. أحد الوكلاء استورد باصات كشرة مب ذاكر اسمها حق كروة قبل من اللي يستخدمونها الشركات للعمال ورفضت كروة وخسر خزنها كم سنة في حوطة مفتوحة مب مغطاة .. فوق انها كشرة استوت كشرة تربيع والعدد كبير وخسر خسارة كبيرة

ووكيل مستأجر حوطة كبيرة في زرع وسياراته معروفة والكل يستخدمها .. ما ادري ليش يستخسرون يسوون طبيلات وحتى هنغر ما عندهم مشكلة لو حبوا

[معماري قطري]

الله يهنيك و يبعد عنك المشاكل و وجع الراس

وياك

الحمد لله المستعمل توافيق وإذا نيتك تستفيد وتوفر الله يوفقك .. خذت كدلك ماشي شوي اسكاليد كان مستعمل سنتين ونازل فوق نص قيمته واستخدمته 10 سنين وآخر شيء بعته برخيص بس حتى اتخلص منه وأوفر موقف خراباته وصيانته كانت بسيطة جداً وسيارة لها هيبتها .. شراه واحد من بلادكم الطيبة الأُردن والله يوفقه فيه

[style]

وياك

الحمد لله المستعمل توافيق وإذا نيتك تستفيد وتوفر الله يوفقك .. خذت كدلك ماشي شوي اسكاليد كان مستعمل سنتين ونازل فوق نص قيمته واستخدمته 10 سنين وآخر شيء بعته برخيص بس حتى اتخلص منه وأوفر موقف خراباته وصيانته كانت بسيطة جداً وسيارة لها هيبتها .. شراه واحد من بلادكم الطيبة الأُردن والله يوفقه فيه
ماشاء الله في كل شي تعرف،،سيارات ،،سياسه،،بناء ،،قضايا،،حوادث،،تصاميم،،شوارع،،كل شي كل شي ،،universal

[khaldoon]

وكلاء السيارات زطاطوة وغشاشين والا المفروض يقولون السيارة موقفينها في الشمس .. أحد الوكلاء استورد باصات كشرة مب ذاكر اسمها حق كروة قبل من اللي يستخدمونها الشركات للعمال ورفضت كروة وخسر خزنها كم سنة في حوطة مفتوحة مب مغطاة .. فوق انها كشرة استوت كشرة تربيع والعدد كبير وخسر خسارة كبيرة

ووكيل مستأجر حوطة كبيرة في زرع وسياراته معروفة والكل يستخدمها .. ما ادري ليش يستخسرون يسوون طبيلات وحتى هنغر ما عندهم مشكلة لو حبوا

والله يا اخوي انا عندي تخوف و هاجس من أي سيارة موديل بايت اصفار..... هذه يبيلها ضمان من الوكاله فعلا و لازم نكون عارفين انه كل شي مطاط فيها بيكون ناشف و متشقق و بالتالي ما راح يشتغل بالشكل الصحيح و يبيله تغيير و اولهم طبعا العجلات و المساحات و الهوزات و ربرات الشبابيك و الأبواب...علشان ما تنفس و تدخل هواء داخل السياره......

[khaldoon]

وياك

الحمد لله المستعمل توافيق وإذا نيتك تستفيد وتوفر الله يوفقك .. خذت كدلك ماشي شوي اسكاليد كان مستعمل سنتين ونازل فوق نص قيمته واستخدمته 10 سنين وآخر شيء بعته برخيص بس حتى اتخلص منه وأوفر موقف خراباته وصيانته كانت بسيطة جداً وسيارة لها هيبتها .. شراه واحد من بلادكم الطيبة الأُردن والله يوفقه فيه


ادور سيارة بحالة جيدة جدا او ممتازة لبنتي و ليس لي فصعب اجيب لها اسكاليد....تحياتي

[khaldoon]

ماشاء الله في كل شي تعرف،،سيارات ،،سياسه،،بناء ،،قضايا،،حوادث،،تصاميم،،شوارع،،كل شي كل شي ،،universal

الكبير كبير يا ستايل.... و ما شاء الله معماري قطري اخونا الكبير و علمه غزير وما نستغني عن مشاركاته القيمة

[معماري قطري]

ماشاء الله في كل شي تعرف،،سيارات ،،سياسه،،بناء ،،قضايا،،حوادث،،تصاميم،،شوارع،،كل شي كل شي ،،universal

مستهلك الله يسلمك ومجرب مع 55 سنة من العمر

أما التصاميم والشوارع هذي من صميم دراستي وشغلي

وصج تخزين السيارات عندنا اي كلام بعضهم يقطونها في حوطة زرع حتى وقوفها على الحصى تاير مرتفع وتاير نازل يخرب حتى الجامبينات والتواير .. وشفت كمية مهولة قبل في أحد الزروع وسيارات المزادات يخلونها سنوات لين يقررون يبيعونها وهذي خسارة قومية

بعض الجهات توزع سياراتها على منتسبيها كما في السابق البلدية على أيام خالد بن عبدالله الله يغفر له واللجنة الاولمبية عطوا بعض ربعي سيارات جديدة ممولة من قبل المقاول

[معماري قطري]

ادور سيارة بحالة جيدة جدا او ممتازة لبنتي و ليس لي فصعب اجيب لها اسكاليد....تحياتي

سوق السيارات المستعمل طايح والله بعضها رخيصة جداً .. شوف لها مرسدس سي وايد عملية وسعرها زين شوف في قطرسيل أو حتى عندك الهوندا بأنواعها أكورد أو سيفيك عملية وآمنة ومريحة .. الهوندا استخدام هندي أو انجليزي تحصلها استخدام محتشم وبعضهم يسافرون ويحتدون يبيعون

والله يوفقك

عندي الميني للحين ما انباعت نزلت سعرها من 50 لين 35 ولا حد يبيها .. ماشية في العشرينات نسيت كم بالضبط ومعروضة في معرض اوتوهب في مدينة المواتر

[khaldoon]

سوق السيارات المستعمل طايح والله بعضها رخيصة جداً .. شوف لها مرسدس سي وايد عملية وسعرها زين شوف في قطرسيل أو حتى عندك الهوندا بأنواعها أكورد أو سيفيك عملية وآمنة ومريحة .. الهوندا استخدام هندي أو انجليزي تحصلها استخدام محتشم وبعضهم يسافرون ويحتدون يبيعون

والله يوفقك

الله يسعدك و يوفق الجميع .... في ناس وايد تقول لو المرسيدس والبي ام ماضي عليه 6 سنوات و اكثر معناته لحق عليه تصليحاه فجائيه و ابعد عنه اسلم و اغنم

الهوندا رحتها كذا مرة و ما اعرف ليش أسعارها نار...سواء مستعمل و الا جديد.... تخيل الهوندا سيتي تبدأ ب 66 الف ريال.... الله يرحم يوم كنا نشتري الاكورد بهالسعر.... يعني سعرهم اغلى من الياريس و الصني و اللانسر مع انه وكالة التويوتا و النيسان يفترض انهم يكونوا اقوى من وكالة الهوندا

عندي الميني للحين ما انباعت نزلت سعرها من 50 لين 35 ولا حد يبيها .. ماشية في العشرينات نسيت كم بالضبط ومعروضة في معرض اوتوهب في مدينة المواتر

الكلام عن الميني مشجع جدا.... موديل كم و هل فيها مشاكل و الا لا ....انا اعتبرها سيارة حلوه




الرد فوق بالازرق

[جاسم الدوحة]

عندي الميني للحين ما انباعت نزلت سعرها من 50 لين 35 ولا حد يبيها .. ماشية في العشرينات نسيت كم بالضبط ومعروضة في معرض اوتوهب في مدينة المواتر

بإمكانك تسدح شوية معلومات عن الميني

الموديل ، النوع ، المسافة ، الحجم ، اللون .. إلخ