شايف خير (*'_'*)

[سالم الزهران]

مرحبا.. اليوم إجازة والبارحة شايف حلم عجيب.. رغم أني لست من النوع المرتبط بأحلامه لكني أجد في اغلبها متعة/فكرة متعوب عليها :)

طبعاََ نذكر أنفسنا أن الحلم الذي يستوقفك أو يأتي على غير العادة فمن الأدب النبوي أن لا تخبر به الا من تثق فيه، لكن هناك أحلام يغلب عليها الظرافة هي سبب كتابة هذا الموضوع (للقراءة والترويح) لمن رغب.. ودمتم.

[معماري قطري]

أدلو بدلوك واعترف شحلمت فيه

[معماري قطري]

هبي اجازة .. الأهل يحنون يبون يروحون الكويت وانا افكر في مسقط أو صلالة عمري ما رحتها

[sara jsm]

انا اليوم حلمت في الشيخ جوعان ..
كنا بنسافر وصادفناه بالمطار وعيالي راحوا يسلمون عليه ..
ويوم استاذنت ريلي اني اروح اسلم ... رن تلفوني وقعدت من النوم :eek2: ماخلاني لا بالحلم ولا بالصج :p

[معماري قطري]

انا اليوم حلمت في الشيخ جوعان ..
كنا بنسافر وصادفناه بالمطار وعيالي راحوا يسلمون عليه ..
ويوم استاذنت ريلي اني اروح اسلم ... رن تلفوني وقعدت من النوم :eek2: ماخلاني لا بالحلم ولا بالصج :p

بتييج فلوس وبتعطين واحد محتاج

[sara jsm]

قول والله !!!؟؟؟
انا محتاجة باعطيهم لي ههههههههههههه

[سالم الزهران]

أدلو بدلوك واعترف شحلمت فيه

حياك الله خونا العود اللطيف بو عبدالله..
طال عمرك والمتابعين حلمت اني ساير الفضاء :) على قولتهم، واذا انا في ذاك الكوكب الرمادي.. وله جبال تلوح من بعيد والدنيا كلها تضاريس غريبه.. بس يبين انك فعلاََ بكوكب.. المهم ونا امشي جفت ذاك الكامب واروح له احصل ثلاثه قدامهم قدور مثل البوفيه.. وروح لهم وما صرف لي غير الأول وعطاني شوية مرق!! الباقين رفضوا ؟

المهم خرجت من عندهم و كأني تذكرت الصلاة.. وقمت أذنت واعتقد أني ما وصلت نص الأذان و انقطع الحلم!

الحاصل يوم قعدت قلت لو اني سويت مسابقة من الكوكب الاغبر ههههه حالي من حال الريال ذاك :tomato:

[سالم الزهران]

بتييج فلوس وبتعطين واحد محتاج

أضغاث أحلااااااام

[sara jsm]

يوم الحلم فيه فلوس قلت اضغاث احلام .. وانت يوم رايح الكوكب الرمادي عادي يعني :waiting:

:

الحمد لله اني من النوع اللي احلم في كل غفوة ..
شنو تفسير الفيل اللي يركض في الدور الثاني :ok:

[سالم الزهران]

يوم الحلم فيه فلوس قلت اضغاث احلام .. وانت يوم رايح الكوكب الرمادي عادي يعني :waiting:

:

الحمد لله اني من النوع اللي احلم في كل غفوة ..
شنو تفسير الفيل اللي يركض في الدور الثاني :ok:

معناه المقاول مالكم لاعب في المونه يا أختي:funny:

[معماري قطري]

حياك الله خونا العود اللطيف بو عبدالله..
طال عمرك والمتابعين حلمت اني ساير الفضاء :) على قولتهم، واذا انا في ذاك الكوكب الرمادي.. وله جبال تلوح من بعيد والدنيا كلها تضاريس غريبه.. بس يبين انك فعلاََ بكوكب.. المهم ونا امشي جفت ذاك الكامب واروح له احصل ثلاثه قدامهم قدور مثل البوفيه.. وروح لهم وما صرف لي غير الأول وعطاني شوية مرق!! الباقين رفضوا ؟

المهم خرجت من عندهم و كأني تذكرت الصلاة.. وقمت أذنت واعتقد أني ما وصلت نص الأذان و انقطع الحلم!

الحاصل يوم قعدت قلت لو اني سويت مسابقة من الكوكب الاغبر ههههه حالي من حال الريال ذاك :tomato:

حلمك يخوف شوي يا بو زيد .. شكله تحذير لك بانك بديت تضعف دينياً والله أعلم

[معماري قطري]

معناه المقاول مالكم لاعب في المونه يا أختي:funny:

يجوز مقاولهم مخرب ولا يدرون

[معماري قطري]

يوم الحلم فيه فلوس قلت اضغاث احلام .. وانت يوم رايح الكوكب الرمادي عادي يعني :waiting:

:

الحمد لله اني من النوع اللي احلم في كل غفوة ..
شنو تفسير الفيل اللي يركض في الدور الثاني :ok:

الله يرزقج يالشيخة سارة وتسمعين أخبار سارّة

[سالم الزهران]

حلمك يخوف شوي يا بو زيد .. شكله تحذير لك بانك بديت تضعف دينياً والله أعلم

الله يرحم الحال.. الضعف بادي من زمان ونا اخوك.. وهي مثل الفيزيا يوم تكون قوة تتدافع مع قوى ثانية تأثر عليها.. المهم يبقى كل يوم دعوة نرفعها ان الله يمن علينا بالهداية وان يقبضنا على عمل صالح.

[سالم الزهران]

البارحة.. شفت اني جالس بالدوام المعتاد وجاني خبر إني تخرجت من كلية موجودة فعلاََ بنفس المنطقة. المهم عجبني الخبر واقول لنفسي انا متى التحقت! والله زين تخلص كلية ونت تشتغل وبسهولة...واشوف نفسي فرحان واقول لنفسي من زمان ما سويت شيء يسوى.. خل اقول للأهل و أفرحهم.

المهم اشوف نفسي مع واحد من اخواني مسافرين سياحة.. وفيه شارع كبير فيه محلات.. ولفت نظري محل في خزائن خشبية بيضاء و سرر.. حاطهم بالدور الثاني والواجهة زجاجية. قلت لاخوي فرصة خلني أشوف الغرف لو صناعتها مضمونه نجيب منها.

دخلت وشفت شغل خشب مية بالمية، قلت هذا الشغل لو اصدره البلاد احط ضمانه عشر سنين؟ المهم أدور على البائع مب لاقيه.. مع اني اسمعه يتفاوض مع ناس! وانتهى حلم البارح

ويتراواى لي البلد اللي سافرت لها تركيا... والله أعلم.

[سالم الزهران]

البارحه.. حلمت إني داخل المسجد وأشوف ثلاثة أشخاص فقط أعرفهم في الواقع وهم إمام المسجد ومعه ولد صغير وأحد الجيران مصري الجنسية ومحافظ على الصف الأول.. أولاََ الإمام رحب فيني بطريقة مبالغ فيها.. الشيء الثاني الأهم أن الأخ المصري اعطاني المصحف ويبغيني أختبره في سورة.. (...) ، السورة ما عرفتها والمصري تركني ورد لي بسرعة وطلبته يبدأ القراءة.. فيوم بدأ قرأ من سورة المائدة.
انتهى
.............

السؤال: هل جهلي بالسورة سببه مني أنا ومن تقصيري.. أو أني اعيش بزمن تغيرت فيه الثوابت أو على الأقل تم تحريفها! الله أعلم

[sara jsm]

بوزيد لاتاخذ كل حلم على انه اشارة او ممكن من وراه شي ..
صارلي كذا سنه احلم اني اكون في مكان او بيت مسكون بالجن ..
وابدا اقرا ايه الكرسي والمعوذات بصوت عااااالي وجميل وهم يتخبطون في البيبان والدرايش ..
وكل مازاد الصوت كل ماعدت الايه بصوت عالي
بس ولامرة فكرت افسره .. لكن يزورني هالحلم كل فترة ..

شو رايك ؟

[R 7 A L]

دايم اتحلم اني اصير غني واحصل شنطة فيها ملايين
صار لي 20 سنه ماتغير شي ولا ريال جاني
حتى الاسهم تخسرت في مواشي

[معماري قطري]

ما شاء الله أحلامك وايد بو زيد انا من زمان ما حلمت

[سالم الزهران]

بوزيد لاتاخذ كل حلم على انه اشارة او ممكن من وراه شي ..
صارلي كذا سنه احلم اني اكون في مكان او بيت مسكون بالجن ..
وابدا اقرا ايه الكرسي والمعوذات بصوت عااااالي وجميل وهم يتخبطون في البيبان والدرايش ..
وكل مازاد الصوت كل ماعدت الايه بصوت عالي
بس ولامرة فكرت افسره .. لكن يزورني هالحلم كل فترة ..

شو رايك ؟

انا من كثر احلم صرت فارز الاحلام مالتي.. اللي طيب واللي غريب واللي غثاء..فالحلم بالنسبة لي شيء طبيعي ما ابنيه عليه حاجات.. بس ممكن اتذكر به أمور ثانية.

أنا والله جاد ما اتغشمر بس اخونا المصري هذا كنت اعزمه من فترة لفترة بس صار لي مدة ما عزمته.. فطرى لي مصري وسورة المايدة! أقول ياربي هي العزيمة ابطت ولا شلون؟

ومن ناحية ثانية المصري في الحلم قال لي اسم كتاب انا متوقف عن قراءته من مده (على أنه اسم سورة) ؟ هل يعني أرجع كمل الكتاب ولا شلون! .. هذي طريقة تفكيري اللي فيك تسمينها بسيطة او اللي يكون.. بس الحلم احياناََ يستوقفني!

أما حلمك انتي فأرجو لك الخير وأظنك من المحافظات على الأوراد والله يعمر بيتكم بالبركة.

[سالم الزهران]

دايم اتحلم اني اصير غني واحصل شنطة فيها ملايين
صار لي 20 سنه ماتغير شي ولا ريال جاني
حتى الاسهم تخسرت في مواشي

هي الفلوس اللي ما قط تحلمت بها... وفقك يا رحال و تصدق يالأمير قرقش مافي الجيب ياتيك ما في الغيب

[سالم الزهران]

ما شاء الله أحلامك وايد بو زيد انا من زمان ما حلمت

حياك بوعبدالله، جيب شجرة الكرز وقربها من السرير و راح تشوف نفسك في مصر عند الأهرام هههه

[معماري قطري]

صبحكم الله بالخير ومبروكة عليكم هذي الأجواء الحلوة

حلمت بسالم البارحة وكأنه جاي قطر ومعاه شلة شباب كلهم مبتسمين وملتحين .. كنا نسولف والبقية كأني أعرفهم من زمان .. العادة أحلامي شريرة بس هالمرة حلمت بناس طيبين

[نفسي عزيزه]

تفسير الحلم :

قطر بتصالح مع السعوديه :thumbup:

[معماري قطري]

تفسير الحلم :

قطر بتصالح مع السعوديه :thumbup:

إن شاء الله

[معماري قطري]

قبل نتمنى السعودية تتصالح مع نفسها

[sara jsm]

تفسير الحلم :
قطر بتصالح مع السعوديه :thumbup:

ليكون على كيفك :playball:

:
يمكن لانه مسندرك مسجات من جذي حلمت فيه :tooth:
حتى انا مرة حلمت فيه .. بس ماصار شي هههههههههه

[الحياة الخالدة]

هههههههه إن شاء الله خير
أخونا سالم يستاهل كل خير

[معماري قطري]

ليكون على كيفك :playball:

:
يمكن لانه مسندرك مسجات من جذي حلمت فيه :tooth:
حتى انا مرة حلمت فيه .. بس ماصار شي هههههههههه

يمكن وتوني كلمته من شوي

بس الحلم حلو وفيه ابتسامات كبيرة وهذا اللي مفرحني

[معماري قطري]

هههههههه إن شاء الله خير
أخونا سالم يستاهل كل خير

ايه والله يا اختي انسان خير مثل غالبية أو حتى كل اخواننا في المنتدى

[نفسي عزيزه]

ليكون على كيفك :playball:

:
يمكن لانه مسندرك مسجات من جذي حلمت فيه :tooth:
حتى انا مرة حلمت فيه .. بس ماصار شي هههههههههه

اي على كيفي اعرف افسر احلام ترى شاخط كتاب ابن سيرين والنابلسي وبن شاهين والاحسائي بعد :dance

اذا حلمتي قولي حلمج عشان اخرررعج اخلبصج اخليج ماتنامين من التفسير نياهاهاها :happy:

[sara jsm]

والله خراط .. كم مرة قلتلك وتقولي ماادري بس ان شاءالله خير ..
لاتقعد تشلخ عالعالم :spider: اي والله اعرف :thumbdown:

[نفسي عزيزه]

انا محتر منج كل تحريني يالله تحلمين بكابوس وتجيني وافسره لج واخرعج زوووووود اخليج تنامين فالحوش مع قطاوتج هههههههههههههههههههههههههههههههههههههه


الخلا :anger3:

[سالم الزهران]

صبحكم الله بالخير ومبروكة عليكم هذي الأجواء الحلوة

حلمت بسالم البارحة وكأنه جاي قطر ومعاه شلة شباب كلهم مبتسمين وملتحين .. كنا نسولف والبقية كأني أعرفهم من زمان .. العادة أحلامي شريرة بس هالمرة حلمت بناس طيبين

أرحب اخوي بو عبدالله، حيرني موضوعك واحرجني وبالجنوبي نقول احرجتاني

الله يجمعنا على خير وستر و علوم غانمة

[سالم الزهران]

تفسير الحلم :

قطر بتصالح مع السعوديه :thumbup:

قطر تصلح بشروطها، قطر قاومت ناس ظلموها وظلمونا وظلموا المسلمين
لو ما واجهتهم قطر كنا في موقف حرج ، و وقفة قطر بتوفيق من الله سبحانه
هذا الشيء اذا نويتموه في قلوبكم تنجحون ، وان اتكل الانسان على نفسه باء بالخذلان
الله يستعمل قطر واهلها في طاعته ويلهمكم دايماً ابتغاء الحق وما يرضي الله اولاً.

حفظك الله بو نفس الغالي شيخ الرويس

[سالم الزهران]

الاخت الحياة والاخت سارة .. رفع الله قدركم

[نفسي عزيزه]

قطر تصلح بشروطها، قطر قاومت ناس ظلموها وظلمونا وظلموا المسلمين
لو ما واجهتهم قطر كنا في موقف حرج ، و وقفة قطر بتوفيق من الله سبحانه
هذا الشيء اذا نويتموه في قلوبكم تنجحون ، وان اتكل الانسان على نفسه باء بالخذلان
الله يستعمل قطر واهلها في طاعته ويلهمكم دايماً ابتغاء الحق وما يرضي الله اولاً.

حفظك الله بو نفس الغالي شيخ الرويس

حبيب قلبي ياولد المملكه الله يجمعنا على خير وشرف لنا ناس شرواك يالغالي

[سالم الزهران]

حبيب قلبي ياولد المملكه الله يجمعنا على خير وشرف لنا ناس شرواك يالغالي

حبك الله الذي حبيتنا لاجله وزادك طيب
ما يعز الناس يبو نفس غير اللي عزيزن طبعه
واشهدك انك جيد و من دولة نفخر بشعبها

[@north_star@]

اسفرت وانورت اخوي سالم وين هالغيبة ؟ وعسى المانع خير ان شاء الله

[سالم الزهران]

ارحب يالنورث، منورة بوجودك يالحبيب، طال عمرك منشغل في بيت توي مستلمه وتشوفني محتاس مدري شلون ارتب الحوش وربنا يعين ،، يبغي لنا هكر يسحب لنا رصيد واحد توه متقاعد والافضل يكون مهندس :nop:

[@north_star@]

ارحب يالنورث، منورة بوجودك يالحبيب، طال عمرك منشغل في بيت توي مستلمه وتشوفني محتاس مدري شلون ارتب الحوش وربنا يعين ،، يبغي لنا هكر يسحب لنا رصيد واحد توه متقاعد والافضل يكون مهندس :nop:

ههههههههههههههه .. عسى الله يباركلك في بيتك الجديد ويجعله من منازل السعادة وربي يعينك على الترتيب

[sara jsm]

ارحب يالنورث، منورة بوجودك يالحبيب، طال عمرك منشغل في بيت توي مستلمه وتشوفني محتاس مدري شلون ارتب الحوش وربنا يعين ،، يبغي لنا هكر يسحب لنا رصيد واحد توه متقاعد والافضل يكون مهندس :nop:

ليش هكر ؟؟؟ عندي منه شيك موقع على بياض :shy:
قول الرقم اللي تبيه وبيوصلك باجر ..
عشان يحرم يحلم فيك انت وربعك لا ويقول متبسمين .. :secret:

[معماري قطري]

أرحب اخوي بو عبدالله، حيرني موضوعك واحرجني وبالجنوبي نقول احرجتاني

الله يجمعنا على خير وستر و علوم غانمة

الحلم حلو يا بو زيد مب محرج بالعكس

[معماري قطري]

ليش هكر ؟؟؟ عندي منه شيك موقع على بياض :shy:
قول الرقم اللي تبيه وبيوصلك باجر ..
عشان يحرم يحلم فيك انت وربعك لا ويقول متبسمين .. :secret:


مسكين المتقاعد يفكر في صيانة المرسدس حد بيسلفه؟

[سالم الزهران]

مساك الله بالخير ابو عبدالله وكل من قرأ هذه المشاركة..
عندنا موضوع للأحلام (شايف خير) لو انك كاتب هناك .. عموماًً اشكرك حطيتني تحت الاضواء ذكرتني الانيق اللي كان معنا ونحاش و خلانا.

[sara jsm]

الله يرده بالسلامة ان شاءالله ..

[معماري قطري]

مساك الله بالخير ابو عبدالله وكل من قرأ هذه المشاركة..
عندنا موضوع للأحلام (شايف خير) لو انك كاتب هناك .. عموماًً اشكرك حطيتني تحت الاضواء ذكرتني الانيق اللي كان معنا ونحاش و خلانا.

لو حد من المشرفين يقدر يدمجه معاه زين والله ما ادري ليش فاتتني

إن شاء الله الليلة احلم ان اليمن فازت على العراق

[معماري قطري]

مشكورين وما قصرتوا مشرفينا الأعزاء

[سالم الزهران]

الحلم حلو يا بو زيد مب محرج بالعكس

عشت يا معمارينا ، احلم وناخوك يمكن تصير احلامنا هي المكان اللي نتقابل فيه لاصار الواقع صعب.

[سالم الزهران]

خذ الحلم الطازه .. البارحة اشوف اثنين جالسين يطالعون خريطة قدامهم ، الخريطة فيها صورة حقيقية حق معالم وناس مزدحمين فيها .. الاثنين الجالسين لابسين بدل رسمية .. قربت منهم واذا اللي ع اليمين أردوغان وصاحب الشمال عباس اللي ما يخفاك.

المهم اردوغان يقوله وريني صورة الأقصى .. يقوم ابو شمال يوريه صورة ازدحام بمكان غير المسجد الأقصى ونا شايفه قدامي يغلط أو يتعمد يتوه اردوغان. .. قام اردوغان رفع صوته ورفع راسه ويشوفني ونا اطالعهم .. فقمت رحت صوبه وقلت انت تبي المسجد الاقصى ،، هذا هو .. ونا أشر له بصبعي في الخريطة .. الا اشوف ابو شمال يحط صبعه على معلم يبين لي انه ميدان قوس النصر اللي بباريس ! المهم انقطع الحلم .

مشكلة الاحلام ما فيها تكملة خصوصاً الزينة.

[سالم الزهران]

البارحة شفت ان الرئيس عمر البشير (فك الله عنه) قد عاد للحكم و أشوف زعماء الانقلاب البرهان وحميدتي وبقية تلاميذ قرقاش مجمعين في حلقة وهم جالسين والبشير يلف عليهم (مدري شيقولهم)؟

لكن فعلاً تذكرت هروب الرئيس السوداني البطل السابق جعفر نميري بعد ان حبسوه في انقلاب الرائد هاشم العطا و تمكن من الهروب وعاد بكتيبة دبابات ليستعيد بها الخرطوم ثم الحكم ثم الكرامة السودانية و بعد اعدم هاشم العطاء و زعيم الحزب الشيوعي السوداني في تلك الحقبة عبدالخالق المحجوب.

رجع النميري للحكم اقوى من أول مره و قفل مقاهي السيوعيين وحانلتهم ومنع الاتجار بالمشروب و غيره مما كانت الشيوعيه تنشره في بلاد المسلمين.

فهل يكرمنا الله بعودة البشير او بضابط شريف يعيد السودان الى الحرية بعد أن تم بيعه في ابو ظبي! ليس حباً في البشير وان كنت احترمه وليس شغفاً بالسياسة لكن ما حصل في السودان هو نموذج مصغر لما حصل في مصر و لكن مع فارق ان السودانيين كانوا سذجاً و صادقين في تغييرهم للنظام و هذا تم لكن السذاجة في تصديقهم لوهم انهم فعلاً هم من اسقط حكم المؤتمر الوطني وحكم البشير بينما الذين اسقطوه هم حميدتي وجماعته من المرتزقة!

وسيخرج الشعب السوداني كله بالضرائب و بالخسارة و بفقدان الكرامة والاستقلال وحتى حرية التعبير التي كنا تغبطهم عليها.

[سالم الزهران]

البارحه حلمت بواحد من اخواني الصغار وكأنه واقع بمشكلة ... اليوم عقب العصر اتصل بي اخو دنيا وفي مقام الاخ وسبحان الله .. ما اطرى شيء في البداية لكن اقسمت عليه وفعلاً اشتكى من مشاكل تواجهه.. الله المستعان ..

[SouthK]

اذا على الحلوم ففيها علوم .. امس حلمان اني اسابق و صادني الرادار و ما وعيت إلا انا و الموتر طايحين في البحر صوب نادي الواحة القديم .. حلم أكشن!

[سالم الزهران]

ان شاء الله تحصل لك حكمة ومعرفة اخوي ساوث لان اللي يطيح في البحر طايح في علم...

[سالم الزهران]

البارحة جفت جدي وعمي رحمهم الله.. عمي بالذات كان يضحك.. وأرى أني في الحلم طلعت جوالي ابغي أصورهم.. وفعلاََ صورتهم لكن يتخيل لي كنت حزين ما مداني أصور عمي رحمه الله وهو يضحك..

يعني ونا اتحلم عارف نفسي اني اتحلم وابي اصور بعد الحلم! مسكين أنا شلون لاعبه فيني الأحلام.

رحم الله أمواتنا وأموات المسلمين وأرجو أن يكون لهم من وقتنا ودعائنا ما يصلهم في دار البرزخ.

[معماري قطري]

اللهم آمين الله يرحم موتانا وموتاكم وموتى المسلمين

قبل كم يوم قبل رمضان حلمت اني التقيت واحد يستوي ولد عم جدي وهو أصغر مني بسنين بس متكبر علي إنه ولد عم جدي من جيل جدي يعني .. التقيته عند باب بيت يبغي يدخله ووراه كان اخوه الأصغر منه وانا ثالثهم .. يقولون بنسلم على سعيدة .. سعيدة هذي الله يرحمها حتى لو تسألني شسم أُم فلان ما اذكره لكن جاني في الحلم وتصدقون ما ادري انها متوفية أو متشكك .. أشوفهم دخلوا قبلي ووصلوها وسلم الأول كان يحاول يحب راسها بس رفعت راسها وحب خشمها وكانت ضعيفة شوي وطويلة أطول منه وبيضاء بياضها قوي

تفسير الحلم حسب تحليلي إن الله بيعطي اللي حب خشمها عمرها وبيرزقه الجنة معاها وأعتقد الخشم هو البداية ورمزها وبداية الحياة الآخرة .. بعد كم يوم سئلت ام عبدالله عنها قالت اسمها صحيح سعيدة وتوفت من فترة الله يرحمها

[سالم الزهران]

حلمت بمعماري
البارح حلمت اني استمع لخطبة في مسجد صغير والخطيب اجوفه أخونا معماري حفظه الله، كان صوته منخفض وأجوفه يقرأ من جواله.. الخطبة كانت جميلة اجوف اني منسجم والمسيد كله مركز وموضوعها حول المسلمين باليمن وأحوالهم الصعبة.

المهم أني شكيت في الوضوء وطرى لي ادش دورة المياه وطلعت المسيد وانقطع الحلم..
جزاك الله خير يبو عبدالله خذنا معك نص الخطبة :unsure:

عسى المساجد تفتح بس

[معماري قطري]

حلمت بمعماري
البارح حلمت اني استمع لخطبة في مسجد صغير والخطيب اجوفه أخونا معماري حفظه الله، كان صوته منخفض وأجوفه يقرأ من جواله.. الخطبة كانت جميلة اجوف اني منسجم والمسيد كله مركز وموضوعها حول المسلمين باليمن وأحوالهم الصعبة.

المهم أني شكيت في الوضوء وطرى لي ادش دورة المياه وطلعت المسيد وانقطع الحلم..
جزاك الله خير يبو عبدالله خذنا معك نص الخطبة :unsure:

عسى المساجد تفتح بس

واضح حلمك مطوع فاشل يقرأ من جوال

[سالم الزهران]

خطبتك كانت زينه..وافسرها انك تقدم خدمات لناس ما تعرفهم واجرك كبير اذا استصحبت النية الطيبة.. وفق الله يا صديقي المعماري

[sara jsm]

واضح حلمك مطوع فاشل يقرأ من جوال

صحيح :tooth:


خطبتك كانت زينه..وافسرها انك تقدم خدمات لناس ما تعرفهم واجرك كبير اذا استصحبت النية الطيبة.. وفق الله يا صديقي المعماري

في هذي معاك حق والله .. الله يحفظه بوعبدالله ( بعيدا عن فلوسي اللي عنده ) لكنه انسان خدوم لابعد حد ..
يعطيك وينصحك بزيادة وهو صاحب القلب الابيض .. والجيب الازرق :unsure:

[sara jsm]

حلمت اني كنت في مطبخ بيت ابوي ..
واطبخ ( ورق عنب / باستا / ملفوف / شوربه ) ..
وكل مااطفي نار الجدور يولعون من نفسهم فعرفت ان الموضوع فيه انّ ..
قمت اقرا المعوذات بس كنت شبه مخنوقه مب قادرة اعلي صوتي ..
كأن في شيطان زانطني .. وامسك جوالي ادور سورة البقرة ابي اقراها بصوتي لكن النت ماكان يشبك ..
:
دايما احلم ان الجن يلعوزني واقاومه بقراءة القران ..
كان شعور متعب :( ومزعج

[شموخ دائم]

,

,


مرحبا


شكرا على الموضوع


يا اخوي انا ما احلم ابد من 10 سنين ما حلمت ولا دقيقه
مادري منقص الشريط عندي ولا شنو المشكله

خاطري احلم مثل خلق الله

:)


,

,

[سالم الزهران]

والله ياخوي شموخ اني اغبط اللي حلومه قليلة.. ومرحبا بك لو جفت حلم اسدحه هنا. :)

[sara jsm]

يا اخوي انا ما احلم ابد من 10 سنين ما حلمت ولا دقيقه
مادري منقص الشريط عندي ولا شنو المشكله,


منقص الشريط :funny:
يمكن ماتفكر قبل النوم او انك ترقد بعد تعب واجهاد وتروح في سابع نومه ..
وهالشي بعد زين ترى .. مب مثلي مسلسل :unsure:

[نفسي عزيزه]

انا لو اتغط عيني بس خمس دقايق احلم ههههههه

احلم بثعابين وقطاوه وان الثعبان يبي يلدغني قريب مني واجيب له سيف واقطعه تقطيع

المشكله ثاني يوم اشوف ثعبان غيره هههههههههههههه

شيبون فيني وعلي علي :this:

والله مره حلمت على بالي صج من قوة الحلم ثعبان يمكن كبر البيت ضخم وجبت له سكين قصيته من اوله الى اخره وانا اقرى سورة البقره بالحلم وانا لاني اقراها فالواقع يوميا فمن جذي اعتقد احلم فيها


الله كريم

اشتقنا على ايام زمان نرقد لاحلوم ولاشي فجأه الا قاعد الصبح الله يرحم ذاك الزمان

[سالم الزهران]

حلمك يدل انك ريال طيب يبو نفس و واصل طيبك وعفوك عن الناس وابشر بالخير..لو عقبتك الخدمة دوس لايك وفعل زورار الجرس. :unsure:

[sara jsm]

والله مره حلمت على بالي صج من قوة الحلم ثعبان يمكن كبر البيت ضخم وجبت له سكين قصيته من اوله الى اخره وانا اقرى سورة البقره بالحلم وانا لاني اقراها فالواقع يوميا فمن جذي اعتقد احلم فيها

خف علينا يالنينجا :funny:

اشتقنا على ايام زمان نرقد لاحلوم ولاشي فجأه الا قاعد الصبح الله يرحم ذاك الزمان

بعد هاي فيها قبل ولا بعد .. عبالك تحديث جوال :taunt:

[نفسي عزيزه]

حلمك يدل انك ريال طيب يبو نفس و واصل طيبك وعفوك عن الناس وابشر بالخير..لو عقبتك الخدمة دوس لايك وفعل زورار الجرس. :unsure:

فديت قلبك

والله واحشنا يالزهران

متى بناكل مندى مع بعض :o احس قريب

[نفسي عزيزه]

بعد هاي فيها قبل ولا بعد .. عبالك تحديث جوال :taunt:

احس فيج كرونا ممكن تجيبين عصى معاج افحصج :oops:

[sara jsm]

احس فيج كرونا ممكن تجيبين عصى معاج افحصج :oops:

باجيب لك عجرا :anger2:

[سالم الزهران]

فديت قلبك

والله واحشنا يالزهران

متى بناكل مندى مع بعض :o احس قريب

فداك اللاش يبو علي.. دعواتي لك بالتوفيق والسعادة والله يجمعنا مع الطيبين اللي مثلكم في خير.

[sara jsm]

مساء الخير ..

حلمت البارحة اني بعت بيتي على احد جيراني ..
وكان مستانس عالبيت وقاعد يرتبه ويعدل فيه وانا اصيح ..
واطالع الحوش والشجر ومقعدنا واشهق من الصياح طول الوقت ..
وهو مبتسم ولاهامه :cry2: فقررت اني مااعطيه خرايط البيت ولا ضمانات اغراض البيت :tooth: لعانه ..

[سالم الزهران]

عيل ما تضحيتوا ببيتكم يا اخت سارة.. ما ذبحتوا من يوم سكنتوا.. طلعي الفلوس حسبي الله عليج من زطية :o

[sara jsm]

ذبحت ديايه ماتكفي !!؟ :sneaky:

[سالم الزهران]

قبل ليلتين حلمت اني قاعد بمجلس وفيه واحد من علماء الشرع من اهل القصيم، اشوفه كأنه محترق نصفه الله يكفي المسلمين الشر. حتى اني دعيت له بالشفاء وبحسن الختام.. ويوم جيت اقوم كان دعست على طرف صبعه وانتبهت وكنت بعتذر له بس سحب يده وكأنه ما حس او ما شعر بالضغط على صبعه.
:
:
العلماء في هذا الزمن موقفهم صعب والثابت على الحق الله يعينه

[سالم الزهران]

صباح الخير
البارحة اشوف نفسي اسبح في قناة من قنوات فينيس، الا أمر من عند ناس عرب بل خليجيين ويقولون لي ليش تسبح الارض قريبة حنا قاعدين نمشي! فعلاََ وقفت الا ارجولي تصل الأرض ومشيت وطلعت.

و مثل ما يصير بالاحلام ما دريت الا وجه جو بايدن في وجهي.. بس مبين انه شاب وعيونه تبرق، الحاصل أنه ما رد علي و لا يبغي اقرب منه وكأنه خايف.

انتهى الحلم وقبل لا ينتهي كأننا خرجنا لمكان وأشوف الخواجه هذا اللي انا ناديته باسم الريس الامريكي مرتين ولا رد علي.. اشوفه حتى هو خرج على غير هدي يعني كل ابونا مضيعين..وانتهى الحلم العجيب.
...
تعليق: الصراحة بداية الحلم ماهي راكبة مول على واحد مثلي :) بس الاحلام مالها حد ممكن تشوف نفسك 007.

الله يعين اللي احلامه مثل احلامي، لكن لو بحاول اشتغل مثل الناس اللي يعتقدون في الاحلام وسوالفها، وهذا من السخافة بمكان، لكن ربما فعلاََ أمريكا تبغي تخرج من الشرق الأوسط من المناطق اللي ورطت نفسها فيها، وتبقى مثل أول تحصد التمر وتترك النوى، أمريكا تشوهت صورتها كثير بعدما حمت مجرمين مثل مبس والسيسي وصارت هذه العلاقات محرجة لها.. واليوم قضايا كثيرة مرفوعة ضد هذيلا المجرمين وحتى لو اعتقدنا أنها نوع من تصفية الحسابات للوبيات اللي بأمريكا وداعميها من الممولين العالميين مثل دولتي الحصار الرئيسيتين.

اتمنى والأماني (عِذاب) أن جو بايدن يطنش مبس ع الأقل اولاََ لأنه خمه وغبي وثانياََ لأنه مفلس وثالثاََ لأنه مجرم مرفوع ضده قضايا.

أمريكا شبعت حروب والشرق الاوسط راح صوب التطبيع واظن اسرائيل بتاخذ زمام القيادة وتتفرغ أمريكا حق مشاكلها. هل يسوونها الأمريكان؟ لا أعلم ولا أظن لكن هي أمنيات.

[sara jsm]

انت شكلك وايد متاثر بالانتخابات الامريكية ..
حط قناة ناشونال جغرافيك وابشر بالدواب والحيايا في احلامك :nice:

:

اليوم الفجر حلمت حلم جمممميل من كثر ماهو حلو اتمنى لو يتحقق :)
بس ماابي اكتبه عشان الحسد :oops:

[سالم الزهران]

هلا بك اخت سارة، ما اتابع اي قناة اخبارية، الاخبار والصور والتعليقات نحصلها في الاشعارات في الجوال.

[سالم الزهران]

صباح الخير
رأيت البارحة أني أفتح باب الكعبة للشيخ أبي إسحاق الحويني أطال الله عمره وسدد عمله.

الغريب بمجرد فتحي للباب رأيت سجادات صلاة داخل الكعبة ربما 5 أو 6 سجادات أغلبها تواجه الجدار الذي على يمين الباب ما عدا واحدة مواجهتني، أي أنها مستقبلة الباب.. لفتت نظري لكن تركت الأمر للشيخ العالم الحويني. لفت نظري أن السجادات لونها أخضر باهت كأنها قديمة.

وقمت من رقادي ونا اسمع قراءة المسجد لصلاة الفجر.

اسأل الله العظيم أن يمكن كل مسلم من زيارة بيته الحرام خصوصاََ الممنوعين من المشايخ وكبار السن، وأسأل الله الذي جلت قدرته وتناهت حكمته أن يهلك طاغية مصر والحجاز والشام واليمن وأن يبارك في أعمار علمائنا والصالحين من أمراء المسلمين
آمين

[سالم الزهران]

مساء الخير
البارحه اجوف نفسي شريت غرفتين قديمة بحوش بمكان خلف عماير، وكان واقف معي واحد من ربعنا في المنتدى، كان مب مقتنع في المشترى بس انا كنت فرحان حدي واقوله اكثر من هذي ما ابي.

[مستر بن]

مساء الخير
البارحه اجوف نفسي شريت غرفتين قديمة بحوش بمكان خلف عماير، وكان واقف معي واحد من ربعنا في المنتدى، كان مب مقتنع في المشترى بس انا كنت فرحان حدي واقوله اكثر من هذي ما ابي.


.
.

سلفني حلم زيين . . . .

[طلعة الروح]

شفت قطوتين يتمسحون فيني من الجانبين

[سالم الزهران]

.
.

سلفني حلم زيين . . . .

الأيام ذي لا تتسلف مني احلامي قرمبع، اخرهم شويت بقره وشردت وهي نص استوى مدري وين طلعت لي ؛)

[سالم الزهران]

شفت قطوتين يتمسحون فيني من الجانبين

أظن بتنعزمون الاسبوع هذا :con2:

[sara jsm]

مساء الخير
البارحه اجوف نفسي شريت غرفتين قديمة بحوش بمكان خلف عماير، وكان واقف معي واحد من ربعنا في المنتدى، كان مب مقتنع في المشترى بس انا كنت فرحان حدي واقوله اكثر من هذي ما ابي.


هاي اكيد معماري هو اللي مايعجبه شي ههههههههههههه

:

حلمت الفجر .. ان واحد من الاعضاء صابغ بيته كله ابيض في ابيض ..
وكنت واقفه مع ريلي نشوف بيته وكان طالع حلو بس كنت متوترة انه يطلع ويشوفنا :whistling:

[نفسي عزيزه]

بشارة خير اللون الابيض والاخضر اما الاصفر هم وغم واوجاع

[sara jsm]

نفسي عزيزة حلمت فيك لابس اصفر وعمامة كركمية وتدور بين المقابر :secret:

[سالم الزهران]

بو نفس انا بطرش لك عجوز من عندنا تنضل ودها بيت سارة واذا خلصت عطها ميتين ريال.. :nice:

[sara jsm]

هههههههههههههه*
اكيد بتطرش ام عباس ولا الشيخ الروحاني :funny:

[سالم الزهران]

الحلم
رأيت أمرأة غريبة تصافحني، وانا مفهي.
التفسير
لقطني الرادار ونا مداوم.

[sara jsm]

الحلم
رأيت أمرأة غريبة تصافحني، وانا مفهي.
التفسير
لقطني الرادار ونا مداوم.

هههههههههههه اشوه صافحتك
لو شي اكبر كان انت مسجون الحين :happy:

[سالم الزهران]

السلام عليكم
البارح بعد انقطاع حلمت أني قدام بيت أخونا معماري، واشوف انه مسوي مساحة مثل الرصيف بس رخام ابيض ما بين حد الأزفلت وحد الحوش، عرصها يمكن ثلاث أمتار، ورغم اني ما شفت معماري بالحلم و لكن اشوف بنات صغار يمكن ثلاث سنين اعمارهم وفيهم اصغر من هالسن يلعبون في هذي المساحة البيضاء، وانا ازعل واقول معماري تارك الباب مفتوح والبنات برع!

بعد اشوف اني ابغي أأجر سيارة و يتحول المشهد مع عامل هندي او بنقالي واشوفه يجيب السيارة من رأس جبل وفيه عشوائيات وطرق ضيقه.. فقلت لنفسي من متى الدوحة فيها جبل؟

آخر الحلم صادفت ولد عمي واشوفه لابس ثوب جديد و اكمام الثوب كأنها أجمل من الثوب،، وتفاجأت بمقابلته ، قال لي لا أنا ما اروح الا لخياط فلان صرت زبون.

انتهى الحلم، واعتقد الزين فيه أوله.. والباقي من همومنا والله المستعان.. وشكراََ

[sara jsm]

اعرف تفسير الحلم ..
معماري بيبني بيته وبيخلص وبيتزوج 3 :oops:
ودام الباب مفتوح فاكيد بيتزوج ويطلق حسب الفلوس اللي عنده ..
والباقي من هموم حياتك :happy:

[سالم الزهران]

اعرف تفسير الحلم ..
معماري بيبني بيته وبيخلص وبيتزوج 3 :oops:
ودام الباب مفتوح فاكيد بيتزوج ويطلق حسب الفلوس اللي عنده ..
والباقي من هموم حياتك :happy:

اذا هذا تفسيرك فهي كلها أضغاث أحلام

[sara jsm]

:anger3:

[سالم الزهران]

:anger3:

:deal:
لو غير معماري أصدقج

[سالم الزهران]

مساء الخير
البارحة شفت اني خارج من البيت حقنا اللي بمدينة ثانية مب اللي نسكنه، ورايح اقضي اغراض وتفاجأت اني بعدت عن مكاني لدرجة اني وصلت طريق سفر بعيد. قابلت رجل طالع من الفرضة معه سمك وكان يقول لي اذا تبي روح شوف واحد اسمه فلان.
كنسلت وجيت راجع واشوف محلات مثل العرايش الصغيرة نفس طريقة المحلات او السوق الصغير اللي يبنونه في قرى صيد السمك. لكن المحلات فيها بضاعة ولكن بدون ناس ولا حتى اللي يبيعون.
قمت نويت ارد للبيت، لكن حسبت المسافة الا هي بعيدة.. وقلت اذاََ راح أكمل سفر وأرد البيت (جا فبالي اللي انا ساكنه الحين) طالما وصلت هالمكان.
..................

لو بفسر أو بفكر في هالمنام، فعلاََ انا تراجعت عن شغلات كنت اسويها وتخص بيتنا الثاني و قل اهتمامي وصادني احباط لان احياناََ من الصعب تستمر تسوي شغلات مالها ثمرة.. اظن لو نركز على بيوتنا الحالية وايد أبرك.

[sara jsm]

الرجل اللي قابلته ومعاه السمج هذا نفسي عزيزة نازل من الطراد ..
هو الوحيد اللي ساكن بالعريش :unsure: وزين انك ماسمعت كلامة ..
الله يعلم كان بيطرشك على من يخطفونك escape ..
السمج بالمنام رزق لكن بوهباش ماعطاك منه .. فمالك رزق بينا

[سالم الزهران]

السلام عليكم
البارح شفت حلم كأني خارج من بيتي وحصلت في الشارع سيارة كبر سيارة توزيع اللبن او البيبسي المهم انها عودة ومتروسة بضاعة معروضها داخلها واغلبها ملابس واشياء مالت زينة..

ركبت السيارة واشوف فجأة جوني الناس يبغون يشوفون وقام واحد رفع علبة سألني عن سعرها قلت له جب اللي تجيبه، عطاني عشرة ريال وقام الناس يشترون وعقب ما راحوا رجعت البيت واشوف كن البيت صار بعيد عن بيوت الجيران. ومن حواليني كله ارض فضاء ما فيها أحد..

[sara jsm]

هاي يعني انك تغرد خارج السرب كالعادة :looking:

[سالم الزهران]

صادقة يا ساره، وفي الواقع تحصلين اللي يخلينا نتعامل مع الناس هو العمل، البيوت حتي لو لصقت في بعضها تبقى جزر معزولة.. مع استثناءات بسيطة.

[sara jsm]

حلمانه ان في شايب عطاني مله نحاس فيها كنار ..
خذتها من ايده ورحت وقفت تحت المطر وكانت الدنيا ليل ..

ماادري شنو تفسيره بس ان شاءالله فلوس :strong

[سالم الزهران]

الكنار هالوقت مب وقته لكن في حلمك اظنه وعود طويلة المدة، والمطر وروحتك له ارتباطك بالله واستنزال رحمته ولطفه والظلام أو الليل هذا في الحلم عادي ويعبر عن الحياة بشكل عام لانها غامضة.. والله الموفق.

اذا تبين تفسير in detail لازم تفعلين اشتراك الشهر بخمس واربعين ريال.

[سالم الزهران]

صباح الخير
البارح شفت اني رايح المانيا وقاعد انطر الولد بشارع مدري وين، قمت نزلت اتمشى في الشارع لقيت محل يبع غتر وثياب واللي شغالين فيه ملابسهم خليجية، الادهى من ذلك اني ركبت بباص سياحي لونه فضي يبرق، ونزلني عند حديقة الحيوان اللي بالدوحة لدرجة اني يوم نزلت قدام بوابتها وتلفت يمين ويسار وعرفت المكان قلت وين وديتنا انت، هذا المكان اعرفه.

[sara jsm]

دامك نزلت عند حديقه الحيوان يعني صوب معماري ..
فاكيد معماري فاتح له محل رجالي في اوروبا وانت كشفته :taunt:

[سالم الزهران]

صباح الخير
البارحة الساعة اثنين قعدت من حلم عجيب جداََ، أجوف جبال معروفة في الحجاز عليها شجر أبيض ضخم مثل شجر الأرز.. وفروعه كلها بدون أوراق!
المهم جاء في بالي بعض اللمحات ونا افكر في الحلم هذي وان شاء الله خير.

اولها.. الأشجار عادةََ ما تنبت رؤوس الجبال.. لكن لو تأملت في معناها نجد أنها بمثابة الإعلان عن نبأ مهم بحيث يستطيع الناس رؤيته.

أما الشجر بدون أوراق فهي تدل على تغير الحال.. مثل تغير الفصول بالنسبة للأشجار.

في نفسي أمور كثيرة انتظرها، وأبرزها هلاك بعض الظلمة و يمكن أن يكون لكل إنسان شيء في نفسه ينتظره أو يتمناه.. وانا دائماََ متفائل بأن تستريح العباد والبلاد من بعض الظلمة وندعو الله أن لا يبقي حاكماََ ظالماََ على وجه الأرض

[سالم الزهران]

صباح الخير
حلمت أني رايح لبيتي القديم وأشوف فيه أشغال في الشارع ويوم قربت من البيت حصلت الحوش اللي على الشارع مهدوم كله واشوف سيارة واقفة داخل الحوش ومقابلة للشارع وفيها رجال.

لفيت ودخلت الحوش ووقف قدامه ونزلت وهو نزل وطلع الأخ هذا أحد اقربائي اللي بيننا خلاف وما بيننا تواصل، لكنه يوم نزل مبتسم حسيت اللي نزل ولدي أو انسان قطعة مني وسلمت عليه وعلى رأسه وانا في الواقع ما اسلم الا على رأس كبار السن، وبالذات هو ما بيينا فارق سن.
؛

ياليت بعض الأحلام تتحقق ونا واحد من الناس يمكن مب مستفيد مباشرة لأن اغلب هذيلا الأقارب اختلفت معهم لوجود خلافات كبيره بينهم كإخوة وبعضهم سبب الخلاف معهم مناصحتنا له أن يعطف على اخوانه ولا يختلف معهم لأسباب دنيويه تافهة.

[sara jsm]

بوزيد انت وايد متعلق بالماضي .. دايما تحلم في بيتكم القديم ..
او ان هالشخص يفكر فيك ووده يتواصل معاك رغم خلافكم ..
بادر انت اذا يعز عليك ..

[سالم الزهران]

بوزيد انت وايد متعلق بالماضي .. دايما تحلم في بيتكم القديم ..
او ان هالشخص يفكر فيك ووده يتواصل معاك رغم خلافكم ..
بادر انت اذا يعز عليك ..

تخيلي يا اخت سارة اني معلم واحد عن الحلم ذيه اليوم في الواتس، قال لي.. أزين لك انه حلم مب حقيقة! فهذيلا الناس ما اقول الا الله يهديهم الله يصلحهم، والله نحن اللي شقينا بهم ولا هم غافلين ولا نزكي انفسنا، لكن نبي بس من الواحد يمشي خطوة ف الاتجاه الصحيح وصوب الحق.. ونحن نعاونه

[sara jsm]

حلمت ان واحد من الأعضاء حطوا في بيته ( محطة المترو )
وشكلهم عطوه تعويض كبير عن الموقع لانه كان شايف نفسه ..
بس انا دخلت بيته غصباً عنه وركبت المترو بعد :pic:

ياريت يبتدون بالمشروع عندنا :(