النصائح المهينة

[قطري2022]

إن النصح ليس عيبا ، وكذلك ليس عيبا أن ينصح الإنسان شخصا بعدم فعل تصرف يتصرفه ذلك الناصح ، ف لربما وقع الناصح بذلك الخطأ ولايريد أن يقع به غيره .

لكنني أصادف أشخاصا يلحون بالنصائح على من هم أفهم منهم ، و خصوصا من هم أكبر منهم سنا ، أستغرب من ذلك المنظر ، والأغرب هو أن من يلح بالنصائح قد يكون* فاشلا في حياته و لديه أخطاء جسيمة ارتكبها في حق نفسه وفي حق من حوله ، فهناك من لم يكمل المدرسة ، أو علاقته سيئة بأهل بيته ، وهناك من يكون ظالما أو متكبرا أو كاذبا أو يأكل المال الحرام ، أو من لا يحترم كبير السن ، فلماذا لا يصحح أخطائه *قبل أن يلح على غيره بالنصائح ؟

إفهم أخي الناصح وأختي الناصحة ، إن الإلحاح في النصائح وخصوصا في النصائح البديهية ، يعتبر إهانة في حق من تنصحه ، فقد يكون يعلمها قبل أن تتعلمها أنت ، فاختر من تنصحه ، ولا تنصح كل من تراه أمامك ، فليس كل من قال كلمة يحتاج لنصيحتك ، و ليس كل شخص يتقبل النصيحة أيضا .
*
*
*

[Dana’1]

النصيحه
الدين النصيحه
مايشترط بالناصح الكمال يعني ممكن تلاقي رجل مبتلى بالتدخين لكن ينصح ربعه أو الأصغر منه بعدم التدخين حبا لهم ما وده يطيحون بمرارة هالتجربة
والعمر ماله علاقه ياكم صغير و عقله كبير ومر بتجارب فليش ما يكون له رأي ونصح؟!

لكن بما إن فيه ناس وممكن الكثير منهم ما يحبون الناصحين ...
فالأفضل تُقدم النصيحه للي يطلبها منك

[ابو عبدالله.]

يعتمد ايش تقصد ببديهي

البديهيات اصبحت امور معقده بنظر البعض

يعني تنصح الواحد ما يبذر و يجمع للزواج يقول لك ابي استانس ولاحق ع المسؤوليه. لين يغرز بالديون و يكبر بالسن و السبب ما يقدر ع الزواج بسبب مواتر او لعبه او سفرات يشوفها اهم من البديهيه في الادخار و الزواج

بالعمل تحصل اشخاص من البديهي انه يداوم او يسوي شغله بس وهو التعلم و كسب الخبره و تسيير العمل

تحصله يداوم نصف ساعات الدوام و يعطل شغل عشان ما يعطونه معاملات وبعد كم سنه يشتكي ان الاداره تتعمد تعطيل ترقيات او عدم اعطاءه منصب

خريجين بتخصصات جيده يداوم و يناحس اصحاب الخبره يبي يطلع السلم بسرعه بدل ما ياخذ خبره و النقاش بدبلوماسيه يجلس يناحر الخبره بخلافات تمنع الاخرين من تمرير خبراتهم له ويأخذون موقف دفاعي منه

حتى لو غيرك فاشل بعد عنده شيء تستفيد منه. محد عقيم حتى لو ناطور بعد عنده معلومه ممكن تفيدك

للامانه في شباب يسمعون النصيحه و يطبقونها. وفي الي يراويك الاستماع لكن ما يطبق. هذا تنصحه مريتن ثلاث وبعدها خلاص خله

وفي الي يبي النصيحه و يستفيد لكن بنذاله و تشوف انه ياخذ منك و يروح يطلع فيها او يحاول ياخذ السبق وهذا يحفر حفرته بيده. منها ما يعرف كل المعلومات فقط الي يظن انه عرفها كامله و يبني عليها و ينصدم بعقبه ما يعرف يحلها لان عرف المعلومه بدون خبره المرور فيها و كل حيثياتها

خصوصا اذا صار انه عمل مخالفه قانونيه بدون ما يعرف و يحاججك بأن شغله صحيح

اخر نقطه

اعط كل ذي حق. حقه

تبي تتعلم احترم من هو اخبر منك

تبي تتحسن اقبل نصيحه من تجاوزك و نجح

قدر النصيحه ما دامت تستحق وعامل المعروف بالمعروف

استمع اكثر مما تتكلم

حط مبادئ لنفسك عشان ما تصير امعه او مجوف و تمشي خلف القطيع

وبس والله :)

[قطري2022]

النصيحه
الدين النصيحه
مايشترط بالناصح الكمال يعني ممكن تلاقي رجل مبتلى بالتدخين لكن ينصح ربعه أو الأصغر منه بعدم التدخين حبا لهم ما وده يطيحون بمرارة هالتجربة
والعمر ماله علاقه ياكم صغير و عقله كبير ومر بتجارب فليش ما يكون له رأي ونصح؟!

لكن بما إن فيه ناس وممكن الكثير منهم ما يحبون الناصحين ...
فالأفضل تُقدم النصيحه للي يطلبها منك

صح لسانج ، قلت هالكلام ان النصيحة مب عيب وممكن الواحد طاح في غلطة وينصح غيره لعدم الوقع فيها ، ذي شي منطقي
لكن انا اتكلم عن الي تفكيره محدود وخبرته غلط و يلح بالنصايح او طول قعدته يقعد ينصح اي الي يطلع في ويهه او بطلعه غلطان ويعطيه معلومات غلط ، ونصايحه 99 في المية منها غلط، فهذا تتقبلين منه نصايحه المستمرة الي اغلبها غلط او اغلبها تعرفينها من قبل عشر سنين ؟

[قطري2022]

يعتمد ايش تقصد ببديهي

البديهيات اصبحت امور معقده بنظر البعض

يعني تنصح الواحد ما يبذر و يجمع للزواج يقول لك ابي استانس ولاحق ع المسؤوليه. لين يغرز بالديون و يكبر بالسن و السبب ما يقدر ع الزواج بسبب مواتر او لعبه او سفرات يشوفها اهم من البديهيه في الادخار و الزواج

بالعمل تحصل اشخاص من البديهي انه يداوم او يسوي شغله بس وهو التعلم و كسب الخبره و تسيير العمل

تحصله يداوم نصف ساعات الدوام و يعطل شغل عشان ما يعطونه معاملات وبعد كم سنه يشتكي ان الاداره تتعمد تعطيل ترقيات او عدم اعطاءه منصب

خريجين بتخصصات جيده يداوم و يناحس اصحاب الخبره يبي يطلع السلم بسرعه بدل ما ياخذ خبره و النقاش بدبلوماسيه يجلس يناحر الخبره بخلافات تمنع الاخرين من تمرير خبراتهم له ويأخذون موقف دفاعي منه

حتى لو غيرك فاشل بعد عنده شيء تستفيد منه. محد عقيم حتى لو ناطور بعد عنده معلومه ممكن تفيدك

للامانه في شباب يسمعون النصيحه و يطبقونها. وفي الي يراويك الاستماع لكن ما يطبق. هذا تنصحه مريتن ثلاث وبعدها خلاص خله

وفي الي يبي النصيحه و يستفيد لكن بنذاله و تشوف انه ياخذ منك و يروح يطلع فيها او يحاول ياخذ السبق وهذا يحفر حفرته بيده. منها ما يعرف كل المعلومات فقط الي يظن انه عرفها كامله و يبني عليها و ينصدم بعقبه ما يعرف يحلها لان عرف المعلومه بدون خبره المرور فيها و كل حيثياتها

خصوصا اذا صار انه عمل مخالفه قانونيه بدون ما يعرف و يحاججك بأن شغله صحيح

اخر نقطه

اعط كل ذي حق. حقه

تبي تتعلم احترم من هو اخبر منك

تبي تتحسن اقبل نصيحه من تجاوزك و نجح

قدر النصيحه ما دامت تستحق وعامل المعروف بالمعروف

استمع اكثر مما تتكلم

حط مبادئ لنفسك عشان ما تصير امعه او مجوف و تمشي خلف القطيع

وبس والله :)

هلا بوعبدالله ، كانج مافهمت قصدي ، بس نصايحك الي في نهاية كلامك هي الي تايد كلامي ، نصايح ثمينة .
وعموما انا اقصد الاشخاص الي ذكرتهم في ردي على ديور ، فهل هالناس تتقبل منهم النصايح ؟ لان ذيلة كثرانين

[تاجر كشخة]

وانا اخوك النصايح تنشرى بفلوس والنصايح زينه وما حد ينصحك الا يبي لك الخير الا اذا كان شخص بنصيحته يتعمد اهانتك قدام الناس هذا شي ثاني

[ابو عبدالله.]

صباح الخير

يعني تقصد الناصح الي ما منه فايده ههههه

ما في الا تاخذه على قد عقله. لكن لاحظ ان بعض النصائح تحوي خلفيه مر فيها هذا الشخص حتى لو فاشل ولو تبحث في نصيحته او كيف وصل لها ممكن تاخذ فايده مبطنه

مثلا لو قال لك تحمل من البنك الفلاني ترى عمرك ما تخلص سلفتك و يزيد الدين بدل ما ينقص. لاني مبتلش مع البنك من سنين

هذا لو تبحث في كلامه بتوصل ان البنك يستخدم طرق لرفع الفايده او الرسوم المخفيه. و تتعلم كيف تحذر من بعض البنوك الي تستخدم نفس الاسلوب

و ممكن توصل انك تعرف ان في بنوك تحط نسبه فايده مخفيه تسمى ماركت مارچنت. وهي مقياس نسبه التضخم و تضاف لسلفتك. ممكن توصل 1 او 2% اضافه للفايده الي قالوا لك عنها

هالمعلومات ما قال لك عنها الشخص الي ينصحك و مع ان نصيحته ما فادته شخصيآ و متمشكل فيها. لكن فتح عيونك على بحث لمعلومات اضافيه افادتك كثيرا

يعني ممكن تحصل فايده ورى نصيحته لكن اذا عرفت كيف تحول كلامه العادي الى بحث و جمع معلومات تتجاوز نصيحته

بتفق ان هالنوعيه نصايحهم مب ذاك الزود لكن ممكن نستفيد بطرق غير مباشره منهم

هذه طريقه تفكيري و رأيي