استفسارات تشطيب

[بـومحمد]

السلام عليكم
1- من يعرف محل يفصل مطابخ استيل جوده وسعر مناسب

2- ابي الشروط المهمة والمواصفات المهمه في عقد الجبس للاسقف

3- الي اشتغل مع محل الامانه للديكور يعطينى رايه فيهم

[blueZircon]

3- الامانه للديكور والنعم فيهم وتعاملهم ممتاز واسعارهم معقوله فقط اذا بتشتري بورسلان او سيراميك. ماانصحك تشتري من عندهم رخام لانهم نقعوني بقص الرخام؛ تقريبا تميت اراكض معاهم ست شهور عشان يخلصون قص الرخام وتوصيله.

[معماري قطري]

باتكلم في جزئية عقد الجبس

بما إن الشغلة تخصصية ولكل مختص مواصفاته ومواده أنصحك باستدراج عروض سعر ومواصفات وعينات للمواد وطريقة تركيبها .. مع التصميم وجدول الدفعات والتوقيت

لو عندك تصميم معين تقدر تفرض التصميم وطريقة التركيب مختصرة وتاخذ العينات موقعة مع العقد .. التركيب كله تعليق بأسلاك من أنواع مختلفة وبعضهم يضيفون له شبكة حديد خاص

للمتابعة تقدر تطلب تصوير يومي لسير العمل حتى تتطمن إنه تم حسب المتفق وتفتك من الاستشاري وضروري ما تنسى الضمان والتشطيب ومواصفاته

[بـومحمد]

3- الامانه للديكور والنعم فيهم وتعاملهم ممتاز واسعارهم معقوله فقط اذا بتشتري بورسلان او سيراميك. ماانصحك تشتري من عندهم رخام لانهم نقعوني بقص الرخام؛ تقريبا تميت اراكض معاهم ست شهور عشان يخلصون قص الرخام وتوصيله.
مشكور اخوي على النصيحه

[بـومحمد]

باتكلم في جزئية عقد الجبس

بما إن الشغلة تخصصية ولكل مختص مواصفاته ومواده أنصحك باستدراج عروض سعر ومواصفات وعينات للمواد وطريقة تركيبها .. مع التصميم وجدول الدفعات والتوقيت

لو عندك تصميم معين تقدر تفرض التصميم وطريقة التركيب مختصرة وتاخذ العينات موقعة مع العقد .. التركيب كله تعليق بأسلاك من أنواع مختلفة وبعضهم يضيفون له شبكة حديد خاص

للمتابعة تقدر تطلب تصوير يومي لسير العمل حتى تتطمن إنه تم حسب المتفق وتفتك من الاستشاري وضروري ما تنسى الضمان والتشطيب ومواصفاته
يعطيك العافيه شيخ المهندسين
هل فيه نوعيه ممتازه او سماكه معينه اشترط وجودها منعاً للغش للعلم الجبس عندي اغلبه ساده مافيه نقش او لفل فوق لفل بس كورنيش بس انا خايف من الكركات وتكسر الكورنيش بعد التركيب

[معماري قطري]

يعطيك العافيه شيخ المهندسين
هل فيه نوعيه ممتازه او سماكه معينه اشترط وجودها منعاً للغش للعلم الجبس عندي اغلبه ساده مافيه نقش او لفل فوق لفل بس كورنيش بس انا خايف من الكركات وتكسر الكورنيش بعد التركيب

أكيد الكبار هم الأفضل واشتغلت مع رافكو كم مرة وكله شغلهم جيد ولا يتغير .. السمك للحوائط ضروري حسب المتطلبات واقصد البارتشنات بدون طابوق بعضها تنطلب بدون انتقال صوت وهذي يضطرون يدبلونها للسقف اعتقد 12 ملم كفاية ولأسقف الحمامات والمطابخ النوعية المقاومة للرطوبة لونها أخضر

الكورنيشات حلوة بس الطريقة الحديثة أجمل شوي بدون كورنيش فرزة في الطرف تفصل الحائط عن الجبس وبعضهم يعملها أكبر ويحط اضاءة مخفية

لو عندك ارتفاع عالي سو السقف جبس سيدة والحائط اقسمه ثلاث أقسام حسب الارتفاع ثلثين لحدود فوق الباب بشوي حط كورنيش جبس اللي تحبه وعليه انارة ما تبين لكن النور ينعكس على الجزء المتبقي من الحائط وعلى السقف .. تكون خلطت بين الكلاسيك والحديث .. الثلثين التحتيين من ارتفاع الحائط تقدر تشطبهم صبغ أو ورق جدران أو شد أو تلبيس قشرة خشب واللي فوق تقدر تخليه سادة أبيض أو مائل للأبيض

[معماري قطري]

الجبس العادي سهل أي محل جبس صغير يسويه بسهولة والهنود والبنغال شاطرين فيه والباكستانيين بعد .. تقدر تجرب غرفة صغيرة قبل وبعدين تتفق على الباقي

[Q0T0R]

بالنسبه للمطابخ

موجود ثلاث شركات ss تعاملت معهم وكل شركه تقول الزود عندي وشغلهم مرتب ونظيف ومضمونين توريد وتركيب

بالنسبه للجبس امره سهل ما يحتاج شركه كبيره ولا شيء خصوصا اذا التصميم موجود اذا غير متوفر التصميم نقوم بعمله، وافضل فنيين حق الجبس النيباليين وبعدهم الهنود وعندي الاثنين اذا تريد وشغلهم ممتاز ورهيب حتى الجوينت ما يبين واستخدام السلك زائد السي شانل عشان تضمن السقف ما يهبط مع الوقت والجبس في السوق الحين نوعيات عماني وتركي

الامانه للديكور اذا سيراميك او بورسلان فا بضاعتهم ممتازة وسعرهم معقول اذا جرانيت او رخام السعر بالنسبه لي ك مقاول غالي فا اتعامل مع الورش الموجوده في الصناعيه مباشرة خصوصا ان لي تعامل معهم والتعامل معهم كريدت بعد

الامانه للديكور اذا ك شغل تركيب فا هم ممتازين واسم على مسمى للامانه بس مشغولييييييين ، اذا تبي هنود راجستان لتركيب سيراميك رخام حجر جرانيت موجود عندي وشغلهم ممتااااااز

طريقة تعاملي سهله وسعرها معقول وموفره وخامات اصليه وممتازه

اولا نحدد موعد واشوف الشغل ومعي الفنيين واقولك تكلفة التركيب منفصله عن تكلفة المواد والخامات المطلوبه

اخذ المقاسات واشوف شنو المواد المطلوبة تقريبا واخيرك فيه مواد سعرها رخيص ومتوسط وغاليه يعني على سبيل المثال الماده الاصقه للحجر او السيراميك فيه منتج محلي ب ظ© ريال الكيس كيمكون وفيه محلي ب ظ¢ظ¥ ريال الكيس سودامكو وفيه ايطالي ب ظ£ظ¥ ريال وفيه ايطالي لك وللزمن ب ظ§ظ* ريال الكيس ايطالي شركة مابي لو صار زلزال ما يتاثر حتى واذا عندك وقت نروح مع بعض نشتري المواد عشان تتاكد بنفسك وبالمره تاخذ خبره ماعندك وقت اشتري المواد بالنيابه عنك وارفق الفاتوره موضح فيه كل شيء وتشيك على المواد بعد نقلها وتخزينها

بعد الاتفاق اشتري المواد ونخزنها في مكان آآمن ما عندك ناطور اوفر لك

بعدها نبدأ العمل على بركة الله وشغل مضمون وممكن تجيب اي شخص يشيك علي الشغل وطبعا لازم في كل مرحله من الشغل حضورك شخصيا او ارسال صور وفيديوهات توضح الشغل عشان احيانا ممكن تتوقع شيء معين في التصميم وعند تنفيذه في الواقع يختلف شيء بسيط جدا جدا فا للاسف بعد الانتهاء الكلي للمشروع والعميل من الاساس ماعنده وقت يتابع فا عند الانتهاء يحضر يعاين الشغل ويستلمه فا يحصل ها الاختلاف البسيط واذا ما لاحظه لازم اقوله احيانا يقول مايهم واحيانا يطلب تعديل الشغل !! فا يفضل متابعة مالك المشروع اول باول

[بـومحمد]

أكيد الكبار هم الأفضل واشتغلت مع رافكو كم مرة وكله شغلهم جيد ولا يتغير .. السمك للحوائط ضروري حسب المتطلبات واقصد البارتشنات بدون طابوق بعضها تنطلب بدون انتقال صوت وهذي يضطرون يدبلونها للسقف اعتقد 12 ملم كفاية ولأسقف الحمامات والمطابخ النوعية المقاومة للرطوبة لونها أخضر

الكورنيشات حلوة بس الطريقة الحديثة أجمل شوي بدون كورنيش فرزة في الطرف تفصل الحائط عن الجبس وبعضهم يعملها أكبر ويحط اضاءة مخفية

لو عندك ارتفاع عالي سو السقف جبس سيدة والحائط اقسمه ثلاث أقسام حسب الارتفاع ثلثين لحدود فوق الباب بشوي حط كورنيش جبس اللي تحبه وعليه انارة ما تبين لكن النور ينعكس على الجزء المتبقي من الحائط وعلى السقف .. تكون خلطت بين الكلاسيك والحديث .. الثلثين التحتيين من ارتفاع الحائط تقدر تشطبهم صبغ أو ورق جدران أو شد أو تلبيس قشرة خشب واللي فوق تقدر تخليه سادة أبيض أو مائل للأبيض
اشكرك اخوي عطيتني فكره حلوه جاري التخطيط له

[بـومحمد]

بالنسبه للمطابخ

موجود ثلاث شركات ss تعاملت معهم وكل شركه تقول الزود عندي وشغلهم مرتب ونظيف ومضمونين توريد وتركيب

بالنسبه للجبس امره سهل ما يحتاج شركه كبيره ولا شيء خصوصا اذا التصميم موجود اذا غير متوفر التصميم نقوم بعمله، وافضل فنيين حق الجبس النيباليين وبعدهم الهنود وعندي الاثنين اذا تريد وشغلهم ممتاز ورهيب حتى الجوينت ما يبين واستخدام السلك زائد السي شانل عشان تضمن السقف ما يهبط مع الوقت والجبس في السوق الحين نوعيات عماني وتركي

الامانه للديكور اذا سيراميك او بورسلان فا بضاعتهم ممتازة وسعرهم معقول اذا جرانيت او رخام السعر بالنسبه لي ك مقاول غالي فا اتعامل مع الورش الموجوده في الصناعيه مباشرة خصوصا ان لي تعامل معهم والتعامل معهم كريدت بعد

الامانه للديكور اذا ك شغل تركيب فا هم ممتازين واسم على مسمى للامانه بس مشغولييييييين ، اذا تبي هنود راجستان لتركيب سيراميك رخام حجر جرانيت موجود عندي وشغلهم ممتااااااز

طريقة تعاملي سهله وسعرها معقول وموفره وخامات اصليه وممتازه

اولا نحدد موعد واشوف الشغل ومعي الفنيين واقولك تكلفة التركيب منفصله عن تكلفة المواد والخامات المطلوبه

اخذ المقاسات واشوف شنو المواد المطلوبة تقريبا واخيرك فيه مواد سعرها رخيص ومتوسط وغاليه يعني على سبيل المثال الماده الاصقه للحجر او السيراميك فيه منتج محلي ب ظ© ريال الكيس كيمكون وفيه محلي ب ظ¢ظ¥ ريال الكيس سودامكو وفيه ايطالي ب ظ£ظ¥ ريال وفيه ايطالي لك وللزمن ب ظ§ظ* ريال الكيس ايطالي شركة مابي لو صار زلزال ما يتاثر حتى واذا عندك وقت نروح مع بعض نشتري المواد عشان تتاكد بنفسك وبالمره تاخذ خبره ماعندك وقت اشتري المواد بالنيابه عنك وارفق الفاتوره موضح فيه كل شيء وتشيك على المواد بعد نقلها وتخزينها

بعد الاتفاق اشتري المواد ونخزنها في مكان آآمن ما عندك ناطور اوفر لك

بعدها نبدأ العمل على بركة الله وشغل مضمون وممكن تجيب اي شخص يشيك علي الشغل وطبعا لازم في كل مرحله من الشغل حضورك شخصيا او ارسال صور وفيديوهات توضح الشغل عشان احيانا ممكن تتوقع شيء معين في التصميم وعند تنفيذه في الواقع يختلف شيء بسيط جدا جدا فا للاسف بعد الانتهاء الكلي للمشروع والعميل من الاساس ماعنده وقت يتابع فا عند الانتهاء يحضر يعاين الشغل ويستلمه فا يحصل ها الاختلاف البسيط واذا ما لاحظه لازم اقوله احيانا يقول مايهم واحيانا يطلب تعديل الشغل !! فا يفضل متابعة مالك المشروع اول باول
ولا تهون اخوي ارسل ارقام شركات المطابخ مع اسماهم
وارسل رقمك ان شاء الله نشتغل مع بعض في امور التشطيبات

[Q0T0R]

راجع الخاص
وشكرا