السوق المركزي

[الغالي!]

السلام عليكم ورحمة الله وبركاته

ظاهرة غريبة واين اجهزة الدولة سوى البلدية او وزارة التجارة او الاقتصاد او الداخلية أين الرقابة
رحت من كم يوم لسوق المركزي مكان الكبرا او الشبرا المهم قلت اشتري بسعر مناسب مثل غيرنا سوى كبار السن او غيرهم حصلت عصابات بدون اقامات وبدون تصاريح فواكه وخضراوات منتهية الصلاحية سوق قذر نصابين عصابات رحت اشتكي في البلدية قال احنا مالنا شغل روح اشتك في وزارة التجارة او الصحة الحين انا اروح ليش وين موظفين الدولة ليش مش كلنا يقوم بشغله كان خاطري اشوف موظف من المذكورين ولكن للأسف ولا احد موجود طلما بعد الجنسيات تدري ان لا حسيب ولا رقيب اكيد راح نشوف هذي الفوضى قهر والله لم الواحد يشوف هذي الأمور

[عضو دائم]

السلام عليكم ورحمة الله وبركاته

ظاهرة غريبة واين اجهزة الدولة سوى البلدية او وزارة التجارة او الاقتصاد او الداخلية أين الرقابة
رحت من كم يوم لسوق المركزي مكان الكبرا او الشبرا المهم قلت اشتري بسعر مناسب مثل غيرنا سوى كبار السن او غيرهم حصلت عصابات بدون اقامات وبدون تصاريح فواكه وخضراوات منتهية الصلاحية سوق قذر نصابين عصابات رحت اشتكي في البلدية قال احنا مالنا شغل روح اشتك في وزارة التجارة او الصحة الحين انا اروح ليش وين موظفين الدولة ليش مش كلنا يقوم بشغله كان خاطري اشوف موظف من المذكورين ولكن للأسف ولا احد موجود طلما بعد الجنسيات تدري ان لا حسيب ولا رقيب اكيد راح نشوف هذي الفوضى قهر والله لم الواحد يشوف هذي الأمور

هناك قصور من اجهزة الدولة حول هذي الظاهرة يجب على كل وزارة ان تقوم بواجبها على اكمل وجه واولهم وزارة الداخلية حول العمالة الهاربة ذكور وإيناث ويكون فية ردع قوي والا بتكثر عندنا الجرائم ..

[معماري قطري]

صادق

في هالبلاد اللي بيشتكي على وضع معين مشواره صعب مع إنه ما له فايدة بالعكس ينبههم لشغلهم

أمريكا كل شيء ينحل فيها عن طريق 911 وأي ملاحظة تتصل وهم يتصرفون .. جيراني عندهم ردحة وطقطقة اتصلت وقلت يصير اروح اطلب منهم تخفيض الصوت قالوا لي لا هذا شغلنا .. ما ابالغ لو قلت أقل من 5 دقايق الا الشرطي عندي وخفضوا الصوت قبل ليوصل أو حد شاف سيارته وخفض الصوت .. ما قال انت كذاب وهالسوالف قال بس ما سمعت صوت تعرف من وين جاي قلت الشقة اللي فوق شقتي لأنهم يركضون وصوت ارجلهم ينسمع بس راح وأنذرهم وبعدها صمت وهدوء

عند بيتي مسوين بيطري ووراه في الحوش حاط كبينة ومجمع كلاب الأجانب فيها مسويها حضانة للي بيسافرون .. انا تأذيت حول 3 سنين وأكثر يمكن ومن جهة لجهة لين رحت البلدية ولقيت ولد عم لي ساعدني .. قال المشكلة ما عندنا سند قانوني .. صراحة بلاد غريبة عجيبة .. قلت لو قطري مربي ماشية في بيته بتجونه .. قال باتابع وباشوف شالحل وعن طريق مسؤولين كبار بعدين دخل هو يطالع الوضع داخل ويقول الريحة شيء لا يطاق وصج بعضهم متوحشين ونباحهم يصم الآذان .. كتب تقريره للمدير وشافوا حل بس اجراءهم خذ حول ست شهور

مرة زحمة في مول وزحمة غريبة وقت أعيادهم علقت 3 ساعات في المواقف وخفت من نزول السكر كلمت الشرطة 911 كان رد عاملة البدالة شنسوي .. تبي نرسل لك اسعاف نقدر .. وضحت وضعي وموقفي وكل اللي طلبته تخف الزحمة شوي أو دورية تنظم المرور .. كلها دقايق الا حرس المول طالعين لابسين وشاح أصفر حتى يبينون عاكس للنور وينضمون السير ودقايق والا انا طالع من هذي الزحمة الخانقة .. بس معناها إنهم كلموا ادارة المول يسوون حل سريع ويمكن غيري كذلك اشتكوا .. عندنا للأسف قوانين كثيرة مقيدة ولا لها آلية ولا حد مجبور يطبقها

[eXpert*]

((( نفتقد لعنصر المبادرة ))) ..

أصبح الواحد فينا يعمل فقط خلال ساعات العمل الرسمي .

ممكن تجد مسؤول في جهة معينة يشوف شئ خاطئ وهو خارج ساعات العمل ولا يرفع تلفونه للادارة المعنية للقيام باللازم ..

بالنسبة للموضوع : دائماً يتكرر هالشئ كل جهة تحذف للاخرى .. المسؤوليات متداخلة بين الجهات ومترابطة بشكل مباشر وغير مباشر ..

الحل واحد من اثنين :

1) توضيح صلاحية كل جهة بشكل مفصل ومعلن كي نعرف من جهى الاختصاص .

2) عمل لجنة مشتركة مابين جميع الجهات المترابطة وتكون مسؤولية بحل الامور هذه بالاتفاق .

[يمامـة]

سوق الحراج

و الشبرا

تحس مسؤولين مستفيدين من المصخرة
اللي حاصلة فيها..

بالذمة البلدية ما تمر صوب الحراج ليلة الجمعة
و يوم الجمعة..

هل هالمناظر تليق بدولة تبني ملاعب فخمة
فيها غرف فندقية و منشاءات رياضية فخمة؟

و نفس الشي صوب السوق المركزي!!!

[ماجد البدر]

اتوقع المفتشين يبون زيادة وعلاوه علشان يشتغلون وشفتات ومن فجر

تم الإرسال من SM-N950F باستخدام Tapatalk

[مرتبش]

مفتشين البلدية اتوقع نظامهم حملات وبس
حملة على سوق معين.. حملة قبل القرنقعوه على محلات المكسرات (بحضور الجريدة الموقرة).. حملة على مطاعم معينة.. وفي الفرجان نظامهم لازم تشتكي على جارك علشان مايغسل حوشه ويعفس الشارع او مخلفات بنيان تتم بالشهور محد يشيلها بس تشتكي ويتنظف المكان.. المقاولين اللي يحفرون عند البيوت محد يشوفهم بس تشتكي يركض المقاول ويسكر الحفرة

[الغالي!]

هناك قصور من اجهزة الدولة حول هذي الظاهرة يجب على كل وزارة ان تقوم بواجبها على اكمل وجه واولهم وزارة الداخلية حول العمالة الهاربة ذكور وإيناث ويكون فية ردع قوي والا بتكثر عندنا الجرائم ..
وزارة الداخليه شغالين في تطوير الزحمه ونظام المخالفات وحقوق العمال

[الغالي!]

((( نفتقد لعنصر المبادرة ))) ..

أصبح الواحد فينا يعمل فقط خلال ساعات العمل الرسمي .

ممكن تجد مسؤول في جهة معينة يشوف شئ خاطئ وهو خارج ساعات العمل ولا يرفع تلفونه للادارة المعنية للقيام باللازم ..

بالنسبة للموضوع : دائماً يتكرر هالشئ كل جهة تحذف للاخرى .. المسؤوليات متداخلة بين الجهات ومترابطة بشكل مباشر وغير مباشر ..

الحل واحد من اثنين :

1) توضيح صلاحية كل جهة بشكل مفصل ومعلن كي نعرف من جهى الاختصاص .

2) عمل لجنة مشتركة مابين جميع الجهات المترابطة وتكون مسؤولية بحل الامور هذه بالاتفاق .
والله انك صادق عندنا انتهى الدوام أنسى أتدخل ماادري متى نوصل الى الإنسان الفعال في المجتمع

[الغالي!]

مفتشين البلدية اتوقع نظامهم حملات وبس
حملة على سوق معين.. حملة قبل القرنقعوه على محلات المكسرات (بحضور الجريدة الموقرة).. حملة على مطاعم معينة.. وفي الفرجان نظامهم لازم تشتكي على جارك علشان مايغسل حوشه ويعفس الشارع او مخلفات بنيان تتم بالشهور محد يشيلها بس تشتكي ويتنظف المكان.. المقاولين اللي يحفرون عند البيوت محد يشوفهم بس تشتكي يركض المقاول ويسكر الحفرة
والله لو كل موظف قام بدوره كان الدول بخير

[النهار]

سوق الحراج

و الشبرا

تحس مسؤولين مستفيدين من المصخرة
اللي حاصلة فيها..

بالذمة البلدية ما تمر صوب الحراج ليلة الجمعة
و يوم الجمعة..

هل هالمناظر تليق بدولة تبني ملاعب فخمة
فيها غرف فندقية و منشاءات رياضية فخمة؟

و نفس الشي صوب السوق المركزي!!!

هههههههههههه
ايش فيج عليهم ياليمامه ترى هاذي سوق حراج مهب مول
قريبا قريبا بيتم نقل هذالسوق صوب بروه الوكره

[marwa2005]

مفروض يتم الابلاغ عنهم ليتم توقيفهم

[رُفق المجنّا]

الداخلية لولا مطراش كان الله أعلم

أغلب الشركات الوهمية لا تسألون عن أصحابها وشكراً

[معماري قطري]

هههههههههههه
ايش فيج عليهم ياليمامه ترى هاذي سوق حراج مهب مول
قريبا قريبا بيتم نقل هذالسوق صوب بروه الوكره

كانوا في ميامي يسوون مثل هذا السوق بس مؤقت يسمونه فلي ماركت يبيعون فيه المستعمل من كل شيء وبعض الجديد .. اللي يبيعون ناس عاديين مب تجار ويكون في مكان مفتوح ومظلات بدائية وكراسي بلاستيك يسهل شيلها واللي يتسوقون واقفين تحت الشمس أو المطر .. كنا نروح نشتري سمج وربيان ربيانهم الوحدة عن عشر من ربيانا جامبو شرمب

يسوونه في العادة في الويك اند