بطني خربان ،، حياكم

[حمد 2002]

السلام عليكم ورحمه الله وبركاته

قبل كنت اكل سندويجات من المعاصر ومن كنتاكي ومن هالسوالف وبطني نظيف

الحين اكل من اللؤلؤه والمطاعم الفخمه بطني اخترب وطقني القولون شسالفه ؟ :(


ثانيا

قبل كنا نشرب دايركت من ماي الحكومه من اللولب وانعبيه في مطاطير الحليب وكان بطني نظيف ،،

الحين مياه غازية وبطني خربان شسالفه ؟!

تحياتي لكم

[مرتبش]

اول صغير وتتحرك
الحين كبرت وقاعد بلا حركة كل شي باللجوال واكل اكثر ويوصل لكرسيك وهذي النتيجة

[امـ حمد]

نشرب دايركت من ماي الحكومه من اللولب انظف وليس بها مواد حافظه
إما المياه الغازية كلها معبئه بالمواد الحافظه التي تضر المعده والأمعاء،اللهم ديم علينا النعم واحفظها من الزوال يارب العالمين.

[sara jsm]

يبي لك عشرج .. لاتطولها وهي قصيرة :p

[شموخ دائم]

,

,


مرحبا


كل السالفه ان ( كبرنا ) وصرنا نشتكي

شوف الحين الشباب الصغار بعمر ال 10 سنوات الى 18 سنه
ياكل وجبات سريعه ودهون
وما يشتكي من شي
بفضل من الله
والعمر الصغير

الموديل القديم الحين تطلع عيوبه
:)

صار كل شي فيه يصرصر
يبي له شد
:)

مثل الي كبر وصار يدور ماي ( قليل الصوديوم )
وقبل من 30 سنه يشرب ماي الدرام الحليان كله تراب وصدا
الي ترس الكلى
شنو ينظفه الحين

توك تبي تحاسب وتهتم

كلنا كذا

وصلنا متأخر


البطن خربان

الاسنان

العظام

المفاصل

الشعر

الجلد

اهمال السنوات السابقه طلع الحين



:)



,
,
,

[naklan]

ههههههههههههه
الناس شردو يوم قلت بطنك خربان
انا طليت بس بكمامة ضد الغازات
اهربوووووووووووو
:eek2:

[ابوالعبد]

كلامه صحيح صاحب الموضوع بوحمد نفس حالتي قبل اكل من المعاصر ومايصير فيني شي ايام الطفوله واحين اكل من لوؤلؤه او كتارا او اي مطعم. عقبها البطن يعور هههه

[يمامـة]

كلامك واقعي..
لما كنا نشرب من اللوالب من غير فلترة للماي و ستين الف بوز يشرب من نفس اللولب او القلاص
كنا اشحلوننا و اشزييننا ما عرفنا لا جرثومة المعدة
و لا توابعها..

لكن مع الوضع الجديد من مطاطير ماي مغلفة
و كل له قلاصه و اغراضه و قفشته..
مب خالصين من مشاكل المعدة في الجيل
الحالي..

و نقيس الماي على الاكل .. ما عرفنا مطاعم
تقدم لنا اصناف من الاكل و مطاعم عليها مراقبة
كنا ناكل من المعاصر و نقرم من سندويشات الكل
اشدعوة فيران (هاهاها) بس حياتنا كانت اجمل
و اقل ضرر من الجيل الحالي..

[nooora]

صوم الاثنين والخميس ،، اخذ بريك

[معماري قطري]

مواضيعك اختربت يا حمد وزين عرفنا السبب خراب شيء يأثر على شيء

شرايك في المشروبات الغازية تؤثر على الحامل أو لا؟