::: الحشيش الصناعي، الرول الصيني الأخضر، أرجو التوضيح ؟! :::

[إعلامي قطر]

..

بسم الله الرحمن الرحيم..

الحشيش الصناعي الصيني 4 متر في 25 متر في ارتفاع 4 سم
ممكن أي حد عن تجربه يفيدني بسعره بالسوق عندنا؟؟؟
واسم المحل أو رقم المحل وأكون له من الشاكرين..

سبب سؤالي إني قاعد أبحث عن كذا رول ولاحظت تفاوت
مخيف جداً في أسعاره بالسوق عندنا مع إنه كله صيني
ونفس الكوالتي تقريباً حسب ملاحظتي..

بالتوفيق للجميع
إن شاء الله..

..

[رُفق المجنّا]

اعتقد تقصد 4 ملم
الاسعار نعم متفاوتة ولكن انا شريت 10 ملم رول كامل 25 في 4 بـ 450 اعتقد
وفيه من يبيع المتر على 30 وانت رايح الى 45
طبعا يجيك الكلام عن بلد المنشأ وانا للامانة ما اهتم كثير لان مهما كانت الجودة فمصيره المطر والشمس

[إعلامي قطر]

..

يعطيك العافيه على ردك الشيخ..

بخصوص تجربتي مع موضوع الحشيش الصناعي
مقاس 4 سم الحمد لله شريت 4 رولات بمبلغ 15 ألف ريال
مع العلم إن بمواقع مثل مزاد قطر وتحديداً بعض الجنسيات
العربيه كانوا عارضين نفس البضاعه بـ 48 ألف وبعضهم
راعاني بالسعر لين مبلغ 34 ألف ريال قطري هههه

أتمنى من القطريين والمقيمين المهتمين بمثل هالشغلات
عدم الاستعجال وعدم الوثوق بسرعه بأي حد وأنصح
الجميع بالسوق الصيني بهذا الخصوص..

وحتى رول الحشيش فيه نوع خلفيته سوده
وفيه نوع خلفيته خضره وواحد منهم كثافته أقل
من الثاني وممكن هالفروقات تأثر حسب سبب
الحاجه للحشيش وهل هو راح يكون منظر ولا
للاستخدام وممارسة كرة القدم مثلاً وإلخ..

بالتوفيق للجميع
إن شاء الله..

..

[معماري قطري]

المشكلة المنتجات الصناعية لكل منتج مواصفات وجودة وأكيد التلاعب في الأسعار عالي خصوصاً المنتجات الصينية والربح فيها خيالي

ما فكرت تجرب العشب الطبيعي .. صج شغلة العناية به ووالله صعب الحكم حاول تطلع على المواصفات والضمانات وخصوصاً اللون ودرجة تغيره وإذا فيه كيماويات ضارة

صعب الحكم

[إعلامي قطر]

المشكلة المنتجات الصناعية لكل منتج مواصفات وجودة وأكيد التلاعب في الأسعار عالي خصوصاً المنتجات الصينية والربح فيها خيالي

ما فكرت تجرب العشب الطبيعي .. صج شغلة العناية به ووالله صعب الحكم حاول تطلع على المواصفات والضمانات وخصوصاً اللون ودرجة تغيره وإذا فيه كيماويات ضارة

صعب الحكم


..

صباحك ورد أخوي معماري ومشكور على الرد والتعليق..

بالنسبه للكيماويات تذكرت مره تحذير من الحشيش الصناعي بس
كان مبالغ فيه أحس وإنه يسبب سرطان وإلخ فشلون الواحد يتأكد؟!

..

[معماري قطري]

..

صباحك ورد أخوي معماري ومشكور على الرد والتعليق..

بالنسبه للكيماويات تذكرت مره تحذير من الحشيش الصناعي بس
كان مبالغ فيه أحس وإنه يسبب سرطان وإلخ فشلون الواحد يتأكد؟!

..

الله أعلم يا اخوي والمفروض هذا واجب مختبراتنا الفتية ولازم يتم منع أي مادة مشكوك فيها أو مضرة