تذاكر خليجي 24 و نصايح للمنظمين

[Ahmed86]

السلام عليكم

اليوم حاولنا انا و الربع نروح نحضر مباراة المنتخب

اولا ما انكر انا غلطانين في تأخرنا في شراء التذاكر لين اليوم ، لكن عندي الملاحظات التالية من باب النقد البناء:

1- تم اعلان نفاذ التذاكر و واضح فالتلفزيون انه اكثر من 30٪ من الملعب فاضي، ممكن واحد يقول لان التذاكر كانت مشتركه مع مباراة العراق و الامارات كذلك و الجمهور العراقي غادر الملعب بعد انتهاء مباراة منتخبه. حل هالمشكله سهل جدا ، عند خروج الجماهير من الملعب ممكن تطلب منهم يسوون سكان scan لتذاكرهم لاثبات انهم خرجو من الملعب و بالتالي السماح بدخول جماهير بدالهم.

2- مع كامل الاحترام ، لازلنا نشوف بعض الجماهير يتم احضارهم لمشاهدة المباريات و مليء الملعب و هم ليس لهم اي ميول كروية و الكل يعرف انا وش اقصد ، هالجماهير ممكن تخليهم يدخلون في حال ثبت ان الملعب فاضي و ان اللي فعلا جايين يحضرون المباراة ما ملو الملعب

3- ارجو توظيف المتطوعين للتاكد انه كل شخص يجلس في المقعد المخصص له لانها مب حالة تروح و تحصل واحد قاعد مع ربعه و تقوله مكاني و يقولك معليش في واحد ثاني ماخذ مكاني انا بعد و هكذا


بالتوفيق للعنابي و كنت اتمنى اكون في الملعب الفاضي اشوف المباراه !

للامانة نفس هالملاحظات كانت عندي في مونديال كرة اليد ، و ما تغير شي

تحياتي

[Rider]

وزيدك ياخوي اليوم قدام عيوني تقريبا 6 باصات حقت العمال وقدامهم سيارة الخويا مودينهم الملعب ليش اذا شايفين الملعب كبير كان خلوها فالدحيل انا اسف على الكلام لكن من القهر

[معماري قطري]

ملاحظات متوقعة والمفروض ينتبهون لها المسؤولين .. قبل في مباراة الافتتاح حطوا العدد بالضبط واظن عندهم قراءة لعدد الحضور والمنصرفين

[محمد11]

1- تم اعلان نفاذ التذاكر و واضح فالتلفزيون انه اكثر من 30٪ من الملعب فاضي، ممكن واحد يقول لان التذاكر كانت مشتركه مع مباراة العراق و الامارات كذلك و الجمهور العراقي غادر الملعب بعد انتهاء مباراة منتخبه. حل هالمشكله سهل جدا ، عند خروج الجماهير من الملعب ممكن تطلب منهم يسوون سكان scan لتذاكرهم لاثبات انهم خرجو من الملعب و بالتالي السماح بدخول جماهير بدالهم.

تحياتي

يعني اخوي تبغي تثبت ان أن الجماهير راح تنطر بين الشوطين علشان يعرفون من الي طلع ؟؟؟

[محمد11]

2- مع كامل الاحترام ، لازلنا نشوف بعض الجماهير يتم احضارهم لمشاهدة المباريات و مليء الملعب و هم ليس لهم اي ميول كروية و الكل يعرف انا وش اقصد ، هالجماهير ممكن تخليهم يدخلون في حال ثبت ان الملعب فاضي و ان اللي فعلا جايين يحضرون المباراة ما ملو الملعب




لأن طال عمرك احنا الشعب القطري لو يحصله ان يطلب المباراة عن طريق كاردج طلبها ..

شوف الدوري القطري شلون فاضي بعدها تقدر تلوووم الاتحاد القطري ..

اقرب مثال اليوم مباراة قطر واليمن ..
وين الجمهور !!

ف لا تلوم الاتحاد ان يغطي الجمهور بناس ماعندها خلفيه عن الكوره .. لانها تحب تطلع في صورة مشرفه قدام الكاميرات لان وراها كأس 🏆 العالم

[محمد11]

3- ارجو توظيف المتطوعين للتاكد انه كل شخص يجلس في المقعد المخصص له لانها مب حالة تروح و تحصل واحد قاعد مع ربعه و تقوله مكاني و يقولك معليش في واحد ثاني ماخذ مكاني انا بعد و هكذا

تحياتي

للعلم المتطوعين جزاهم الله خير موجودين وحريصين انهم يوصلون كل مشجع مكانه ..
الخلل فينا احنا ..
يعني شخص عمره 30 سنه ومب راضي يفهم ان هذا مهب مكانه .. شلون تفهمه !!
واغلب المتطوعين من الاخوان المقيمين ،، تبيه يروح يكلمه واحد لابس غترة وعقال وقاعد مع عياله !!
اذا هذا البغل مايفهم من البدايه تجيب واحد.مسكين يفهمه ..!!

ياخوي اخيرا احب اقول لك ان الخلل فينا احنا الي مانحترم القوانين او نلتزم بها .. بعدها تقط اللوم على الدوله او الجهه المنظمه في كل شي ..

انا ماقول ان هناك مافي تقصير بالعكس تقصير كبير ولكن المفروض يتعلمون من الاخطاء .. لكن للاسف في ناس تحب تستمر ع الخطأ

وبالتوفيق ان شاءالله ..
والوعد في مباراة قطر مع عيال خنور

[محمد11]

وزيدك ياخوي اليوم قدام عيوني تقريبا 6 باصات حقت العمال وقدامهم سيارة الخويا مودينهم الملعب ليش اذا شايفين الملعب كبير كان خلوها فالدحيل انا اسف على الكلام لكن من القهر

ازيدك من الشعر بيت احنا مره كنا في باص من الباصات كنا شباب الخدمة ..
مافيها شي !!
مع تذاكرنا

[Rider]

ازيدك من الشعر بيت احنا مره كنا في باص من الباصات كنا شباب الخدمة ..
مافيها شي !!
مع تذاكرنا

اخوي مع احترامي لك انا اتكلم عن العمال لي في الباصات مب عن الباصات ياخي لا تجبر الناس يجون غصب علشان بين الملعب مليان ترى نعرف حتى فالدوري هناك جماهير مأجره الفكره ياشيخ نبغي لي يشجع يكون له انتماء مب تعال وجيب ناس وهم مايدر ن وشسالفه وكل وحده له وجهة النظر واحترام ردود الاخرين

[محمد11]

اخوي مع احترامي لك انا اتكلم عن العمال لي في الباصات مب عن الباصات ياخي لا تجبر الناس يجون غصب علشان بين الملعب مليان ترى نعرف حتى فالدوري هناك جماهير مأجره الفكره ياشيخ نبغي لي يشجع يكون له انتماء مب تعال وجيب ناس وهم مايدر ن وشسالفه وكل وحده له وجهة النظر واحترام ردود الاخرين

وفي المقابل ،، ايضا عيب نطلع جدام العالم �� بدون جماهير !!

هذا النظام للاسف صار متعارف عليه ،،
لو شفتوا بطولة العالم لألعاب القوى ادمر من كاس الخليج

[Ahmed86]

للعلم المتطوعين جزاهم الله خير موجودين وحريصين انهم يوصلون كل مشجع مكانه ..
الخلل فينا احنا ..
يعني شخص عمره 30 سنه ومب راضي يفهم ان هذا مهب مكانه .. شلون تفهمه !!
واغلب المتطوعين من الاخوان المقيمين ،، تبيه يروح يكلمه واحد لابس غترة وعقال وقاعد مع عياله !!
اذا هذا البغل مايفهم من البدايه تجيب واحد.مسكين يفهمه ..!!

ياخوي اخيرا احب اقول لك ان الخلل فينا احنا الي مانحترم القوانين او نلتزم بها .. بعدها تقط اللوم على الدوله او الجهه المنظمه في كل شي ..

انا ماقول ان هناك مافي تقصير بالعكس تقصير كبير ولكن المفروض يتعلمون من الاخطاء .. لكن للاسف في ناس تحب تستمر ع الخطأ

وبالتوفيق ان شاءالله ..
والوعد في مباراة قطر مع عيال خنور

هلا اخوي محمد

اذا المنظم خايف يسوي شغله و يكلم واحد مخالف لأنه لابس غتره ، خله يروح و يقعد في البيت ليش جاي و مسوي زحمه؟ كلامك صحيح انه الخطأ الرئيسي من الجمهور الغير واعي ، لكن الخطأ كذلك من المنظم اللي ما قام بوظيفته.

حضرت كأس العام 2006 ألمانيا و 2014 في البرازيل و 2018 في روسيا و العديد من المباريات المختلفة في اوروبا ، ما قد شفت هذه الظواهر هناك ، و اذا حصلت احد مكاني اكلمه او اكلم المنظم و ينتهي الموضوع مباشرة ، أذكر في اخر مونديال في روسيا احد الجماهير كان معاند ما يبي يقعد في مكانه وناحس الفتاه المنظمة ، جوه و سحبوه برا الملعب.



لأن طال عمرك احنا الشعب القطري لو يحصله ان يطلب المباراة عن طريق كاردج طلبها ..

شوف الدوري القطري شلون فاضي بعدها تقدر تلوووم الاتحاد القطري ..

اقرب مثال اليوم مباراة قطر واليمن ..
وين الجمهور !!

ف لا تلوم الاتحاد ان يغطي الجمهور بناس ماعندها خلفيه عن الكوره .. لانها تحب تطلع في صورة مشرفه قدام الكاميرات لان وراها كأس 🏆 العالم

انا ما عندي مشكله انهم يدخلون هالجماهير الملعب ، بالعكس يمكن يصيرلهم اهتمام في هذه الرياضه مستقبلا و اعتبرها ترفيه لهذه الفئة كذلك ، لكن مب حرام تحرم ناس يبون يدفعون عشان يدخلون و لهم شغف و اهتمام حقيقي بالمتابعه عشان الناس لا تنتقدك انه الملعب فيه اماكن فاضيه؟ في فرق عالمية تلعب و تحصل اماكن في مدرجاتها فاضيه ، عادي يعني.

صارلي هالموقف في كاس اسيا 2011 و الله على ما اقول شهيد ، المباراه النهائية كانت بين استراليا و اليابان في استاد خليفة ، وصلنا قبل المباراه بثلث ساعه عن البوابات ، حصلت البوابات مغلقه و زحمه خانقه و ناس معهم تذاكر يبون يدخلون ، وقفت انا و اللي معي و صار تدافع و حشره فطلعنا من الطابور ، رحنا كلمنا الظابط اللي كان واقف ، قلنا ان حن معنا تذاكر دافعين لها و جايين ندخل ليش قافلين علينا ، قال و الله الملعب مليان داخل (طبعا مليان من الباصات اللي جابوها) !! قلت وتذاكرنا ؟ قال و الله مدري شقولك ، بعد شوي جاني و قال تعالو اذا تبون بكلملكم واحد يدخلكم ، قلتله شكرا ما نبيها منه و فضل من احد ، و للأسف كان جنبنا واحد جاي من استراليا يقول انا مسافر 16 ساعه و معي تذكره عشان اشوف المباراه و ما يبون يدخلوني !!! رحنا شفنا المباراه في البيت و تذاكرنا صورنا معها.

في مونديال اليد الأخير ، نفس الشي ، معي تذاكر و جيت ادخل على الكرسي المحدد لي ، قال و الله معليش اعطينا هذي المقاعد لـوفد من السفاره الفرنسية !!! قلت طيب و الحل ، قال روح اقعد في الدرجة الثانيه اذا تبي ههههههههههه.


نفس ما قلت قبل ، الهدف من هذا الكلام هو النــقــد البنـــاء ، لأنه النقد هو اللي يساهم في التطوير و حل المشاكل ، أما التطبيل و غض الطرف عن المشاكل ما راح يحلها.

[Rider]

وفي المقابل ،، ايضا عيب نطلع جدام العالم ï؟½ï؟½ بدون جماهير !!

هذا النظام للاسف صار متعارف عليه ،،
لو شفتوا بطولة العالم لألعاب القوى ادمر من كاس الخليج

صحيح كلامك اخوي محمد لكن قدام العالم وخاصه دول الحصار لكن لا تجيبن عمال لو شافهم قالوا شوفوا جمهور قطر على الاقل طلاب المدارس الخدمه الوطنيه الوزارات والهيئات المؤسسات كان وزعوا تذاكر على الموظفين يعني الموضوع يبغي شغل

[معماري قطري]

للأسف يا ادارة كرة القدم تحاولون مجتهدين زرع الكورة في قطر بهذي الأشكال .. شعب قطر كله يحب الكورة ويحب يشجع منتخب منه وفيه لكن من بديتوا التجنيس السريع هذي النتيجة

وين قبل أيام الثمانينات كان يمكن واحد اللي مجنس وكان يتكلم عربي .. يذكرها خالد سلمان وتحية خاصة له من بعيد وهو ألحين من اللجنة اللي تستورد وتستكشف لاعبين خارجيين .. ركزوا في الداخل وفيه خير ومعليش مقيمين ومن مواليد قطر لكن من أدغال أفريقيا والبرازيل

[معماري قطري]

لأن طال عمرك احنا الشعب القطري لو يحصله ان يطلب المباراة عن طريق كاردج طلبها ..

شوف الدوري القطري شلون فاضي بعدها تقدر تلوووم الاتحاد القطري ..

اقرب مثال اليوم مباراة قطر واليمن ..
وين الجمهور !!

ف لا تلوم الاتحاد ان يغطي الجمهور بناس ماعندها خلفيه عن الكوره .. لانها تحب تطلع في صورة مشرفه قدام الكاميرات لان وراها كأس 🏆 العالم

كلنا نلوم الاتحاد وهذي حركة ساذجة فشلتنا .. لو خلوا الملعب خالي أفضل .. لا ومركزين عليهم بالتصوير

[معماري قطري]

للعلم المتطوعين جزاهم الله خير موجودين وحريصين انهم يوصلون كل مشجع مكانه ..
الخلل فينا احنا ..
يعني شخص عمره 30 سنه ومب راضي يفهم ان هذا مهب مكانه .. شلون تفهمه !!
واغلب المتطوعين من الاخوان المقيمين ،، تبيه يروح يكلمه واحد لابس غترة وعقال وقاعد مع عياله !!
اذا هذا البغل مايفهم من البدايه تجيب واحد.مسكين يفهمه ..!!

ياخوي اخيرا احب اقول لك ان الخلل فينا احنا الي مانحترم القوانين او نلتزم بها .. بعدها تقط اللوم على الدوله او الجهه المنظمه في كل شي ..

انا ماقول ان هناك مافي تقصير بالعكس تقصير كبير ولكن المفروض يتعلمون من الاخطاء .. لكن للاسف في ناس تحب تستمر ع الخطأ

وبالتوفيق ان شاءالله ..
والوعد في مباراة قطر مع عيال خنور

اعتقد قطر ما فيها بغال البغال تعرفهم زين ولا ودي استرسل

[معماري قطري]

في النهاية راي ينطرح ينطرح بدون تجريح وقذف بهذي الطريقة وحتى من يكون ضده في الراي فيه أدب للحوار والملاحظات لو ما وجدت ما انذكرت لتعدل

[معماري قطري]

خلونا يا اتحاد كرة على الأقل نستمتع بشوفة الملعب واللعب بدون شيء يغث والحلول ما قصروا ذكروها الشباب .. إحنا الشياب حتى من وراء الشاشات اغتثينا

[معماري قطري]

اعتقد قطر ما فيها بغال البغال تعرفهم زين ولا ودي استرسل

بعدين واجب المنظمين فرض القانون حتى لو بالقوة .. عيل حاجز مكان وتذكرة واجي احصله ماخوذ ومحد يعطيني حقي .. ما نبي هالأُمور تتكرر حتى يكون التنظيم 100% ناجح وأكيد لو ما هو شيء يحز في الخاطر ما انذكر

[بوخميس]

انا ما ادري الصراحة ليش الواحد يروح الملعب يشجع المنتخب

اللعيبة مثلاً من الأهل؟ من الجيران؟ من ربع الدراسة؟ من ربع الفريج؟

مافي الا 2 - 3 قطريين والباقي تجميع

شلون تبون جماهير حق ناس ما تحس بانتماء لهم، بس عشانهم لبسوا فانيلة المنتخب؟

نفس منتخب اليد والطايرة وغيرهم حتى اساميهم ما نقدر نحفظها

[Rider]

معماري قطر بوخميس بيض الله وجيهكم على هالكلام لي يقرقع في صدري من سنيين فعلا لحد يزعل ماعاد نحس بطعم هالمنتخب للاسف من فترة بعيده يوم كان يلعب ولد البلد كنا نروح الملعب حتى مبارايات الدوري لكن الحين اروح اشجع من لا هو ولد عمي ولا ولد خالي ولا ولد فريجي واتمنى لحد يدخل في الوطنيه وطبعا حنا مانبغي نتكلم عن كل الالعاب ولحد يقول مافيه قطريين يلعبون في الاندية فيه بس يبغون اهتمام ودعم لانه اذا خلص الثانوية مب مكمل فالكوره عارف انه مستقبله بيضيع والله القلب متروس بس اكتفي

[بوخميس]

معماري قطر بوخميس بيض الله وجيهكم على هالكلام لي يقرقع في صدري من سنيين فعلا لحد يزعل ماعاد نحس بطعم هالمنتخب للاسف من فترة بعيده يوم كان يلعب ولد البلد كنا نروح الملعب حتى مبارايات الدوري لكن الحين اروح اشجع من لا هو ولد عمي ولا ولد خالي ولا ولد فريجي واتمنى لحد يدخل في الوطنيه وطبعا حنا مانبغي نتكلم عن كل الالعاب ولحد يقول مافيه قطريين يلعبون في الاندية فيه بس يبغون اهتمام ودعم لانه اذا خلص الثانوية مب مكمل فالكوره عارف انه مستقبله بيضيع والله القلب متروس بس اكتفي

انا واحد كنت احضر تقريباً كل مباريات العربي في ملعبه، وكنت في الملعب يوم فازوا في آخر بطولة في 1996م، وفي لعيبة كنت اعرفهم، وربع وياي في المدرسة، ولعيبة كنا نلعب وياهم في الفريج

لكن عقب ما سووا لخويا والجيش وبعض الفرق قامت تلعب بـ 11 لاعب أجنبي غسلت يدي من الكورة ولا طبيت الملعب من أكثر من 10 سنين

بالنسبة لي هذي مب رياضة، هذي منافسات رياضية يجيبون لها ناس جاهزين من برا، الرياضة يعني ان المجتمع يمارس الرياضة مب يشوف مباريات في التلفزيون

وقلة عدد السكان مب عذر، كاهي منتخبات البحرين وعمان يلعبون وينافسون بدون اجانب، وفازوا على منتخباتنا المحترفة في اليد

عندكم آيسلندا مثلاً، عدد سكانهم حول 400 ألف وتأهلوا كاس العالم وكاس اوروبا ومدرب العربي ومحترفينه من هالبلد الصغير

لكن مشكلة ربعنا يموتون في الانجازات، مع ان محد يحس بطعمها

[معماري قطري]

انا واحد كنت احضر تقريباً كل مباريات العربي في ملعبه، وكنت في الملعب يوم فازوا في آخر بطولة في 1996م، وفي لعيبة كنت اعرفهم، وربع وياي في المدرسة، ولعيبة كنا نلعب وياهم في الفريج

لكن عقب ما سووا لخويا والجيش وبعض الفرق قامت تلعب بـ 11 لاعب أجنبي غسلت يدي من الكورة ولا طبيت الملعب من أكثر من 10 سنين

بالنسبة لي هذي مب رياضة، هذي منافسات رياضية يجيبون لها ناس جاهزين من برا، الرياضة يعني ان المجتمع يمارس الرياضة مب يشوف مباريات في التلفزيون

وقلة عدد السكان مب عذر، كاهي منتخبات البحرين وعمان يلعبون وينافسون بدون اجانب، وفازوا على منتخباتنا المحترفة في اليد

عندكم آيسلندا مثلاً، عدد سكانهم حول 400 ألف وتأهلوا كاس العالم وكاس اوروبا ومدرب العربي ومحترفينه من هالبلد الصغير

لكن مشكلة ربعنا يموتون في الانجازات، مع ان محد يحس بطعمها

عيل تعرف محمد الصديقي وهو من الرعيل الأول في النادي؟

[معماري قطري]

شكله أهلاوي صديقي كثر النسيان عندي

[معماري قطري]

تدرون ليش كل الأندية تجتهد في تطعيم النادي بلاعبين أجانب؟

السالفة وما فيها إن لهم دعم كبير على الراس .. واللجان اللي تنقب في الأدغال عن هؤلاء اللاعبين لهم بدل تمثيل ومخصصات مالية كبيرة وأكثرهم لاعبين قدامى مواطنين

[Ahmed86]

تم الاعلان انه تذاكر مباراه قطر و الامارات بيعت كاملا قبل بضع ايام

اتمنى فعلا اشوف الملعب مليان من جمهور جاي يشجع المنتخب مب جاي يترس الكراسي عشان التصوير

[Ahmed86]

تم الاعلان انه تذاكر مباراه قطر و الامارات بيعت كاملا قبل بضع ايام

اتمنى فعلا اشوف الملعب مليان من جمهور جاي يشجع المنتخب مب جاي يترس الكراسي عشان التصوير

التذاكر وصلت اسعارها في السوق السودا 750ريال ، طبعا السوق السودا هي مزاد قطر و الناس حاطين ارقام جوالاتهم و (على عينك ياتاجر)

و الاتحاد اعلن مرتين ان التذاكر مباعة ، عقب يقولك لا باقي شوي تذاكر في فيلاجيو ، بعد نص ساعه يقولك لا خلاص خلصت تذاكر فيلاجيو هههههههه مب من جدكم !!

يا ريت نتدارك هالمصخره قبل كاس العالم لانه عيب اللي قاعد يصير ، السوق السودا موجوده في كل البلدان لكن مب بالوقاحه هذي

[Rider]

والله ياخوي لا تذاكر ولا وجع راس اقعد فالمجلس وشاي وقهوه وشوف المباراة

[nooora]

الجمهور 95 بالميه كانوا*قطريين

[محمد11]

بالامس حضرت المباراة ،، للاسف للاسف
الخلل ليس ف التنظيم الخلل ف الجمهور الي منا وفينا ،،

المنظم يقول القطري لو سمحت هذا مكان هذا الشخص !!
يقول لك بوغترة وعقال شوف له مكان ثاني انا قعدت خلاص !! جابوا له الامن ( غير قطري ) ماقدر عليه

صاحب الكرسي قعد على ( الدرج ) ..

مثال ثاني .. بعض النسوة من الجنسيات الاجنبية جايين يدورون كراسيهم ،، للاسف قاعدين مكانهم استحوا يقومون الي قاعدين عالكراسي تمو واقفين

اعيد واكرر الخلل ليس ف التنظيم الخلل
في عقلية المشجع الي المفروض يكون يمثل قطر باخلاقه والتزامه بالقوانين

[Ahmed86]

بالامس حضرت المباراة ،، للاسف للاسف
الخلل ليس ف التنظيم الخلل ف الجمهور الي منا وفينا ،،

المنظم يقول القطري لو سمحت هذا مكان هذا الشخص !!
يقول لك بوغترة وعقال شوف له مكان ثاني انا قعدت خلاص !! جابوا له الامن ( غير قطري ) ماقدر عليه

صاحب الكرسي قعد على ( الدرج ) ..

مثال ثاني .. بعض النسوة من الجنسيات الاجنبية جايين يدورون كراسيهم ،، للاسف قاعدين مكانهم استحوا يقومون الي قاعدين عالكراسي تمو واقفين

اعيد واكرر الخلل ليس ف التنظيم الخلل
في عقلية المشجع الي المفروض يكون يمثل قطر باخلاقه والتزامه بالقوانين

مبروكين الفوز يا اخوان و فالنا الكاس ان شاء الله

دبرنا واحد من الربع من كيو بي بتذكرة الله يجزاه خير ، و صار نفس هالموقف قدامي ، جت وحده اظنها بريطانيه تقول لأحد الاخوان الفوضويين ممكن تقوم اخوي لأن هذا مكاني حسب التذكرة، خذا تذكرتها و قعد يصارخ و يقولها انا دورت مكاني و ماحصلته روحي قعدي اي مكان !! انزين شدخلها هي؟! المره تصرقعت

المهم جاه امن الملاعب و شاله هو و ربعه و قعدهم اماكنهم. الموقف تكرر 4 مرات (جنسيات مختلفه) في الاربع ولا خمس صفوف قدامي.

مدري وين الصعوبة انك تقعد حسب تذكرتك ؟ وش الشي الاعجازي في الموضوع؟ يمكن لازم حملة توعوية

44444444444444

[Rider]

مبروكين الفوز يا اخوان و فالنا الكاس ان شاء الله

دبرنا واحد من الربع من كيو بي بتذكرة الله يجزاه خير ، و صار نفس هالموقف قدامي ، جت وحده اظنها بريطانيه تقول لأحد الاخوان الفوضويين ممكن تقوم اخوي لأن هذا مكاني حسب التذكرة، خذا تذكرتها و قعد يصارخ و يقولها انا دورت مكاني و ماحصلته روحي قعدي اي مكان !! انزين شدخلها هي؟! المره تصرقعت

المهم جاه امن الملاعب و شاله هو و ربعه و قعدهم اماكنهم. الموقف تكرر 4 مرات (جنسيات مختلفه) في الاربع ولا خمس صفوف قدامي.

مدري وين الصعوبة انك تقعد حسب تذكرتك ؟ وش الشي الاعجازي في الموضوع؟ يمكن لازم حملة توعوية

44444444444444

هذا لي كرهني اروح المبارايات لي فيه عدد كبير من الجماهير طبعا غير الزحمه مانبغي تنشب مع واحد من هؤلاء الاشخاص

[Ahmed86]

تم طرح التذاكر على موقع كاس الخليج gulfcup2019.qa

المباراه في ملعب الوكره يوم الخميس الساعه 8

[معماري قطري]

مبروكين الفوز يا اخوان و فالنا الكاس ان شاء الله

دبرنا واحد من الربع من كيو بي بتذكرة الله يجزاه خير ، و صار نفس هالموقف قدامي ، جت وحده اظنها بريطانيه تقول لأحد الاخوان الفوضويين ممكن تقوم اخوي لأن هذا مكاني حسب التذكرة، خذا تذكرتها و قعد يصارخ و يقولها انا دورت مكاني و ماحصلته روحي قعدي اي مكان !! انزين شدخلها هي؟! المره تصرقعت

المهم جاه امن الملاعب و شاله هو و ربعه و قعدهم اماكنهم. الموقف تكرر 4 مرات (جنسيات مختلفه) في الاربع ولا خمس صفوف قدامي.

مدري وين الصعوبة انك تقعد حسب تذكرتك ؟ وش الشي الاعجازي في الموضوع؟ يمكن لازم حملة توعوية

44444444444444

قلة يخربون سمعة كثرة للأسف بس المفروض القانون صارم والأمن يسحبونه من أذانيه .. مرة مرتين الكل بيتأدب .. ويبقى الخلل في التنظيم .. في كل مكان القانون ما يكون مفروض غصب تستوي هذي السوالف .. حطوا قانون ممنوع التدخين وناس تجرأوا ولا صار عليهم شيء وشوي شوي يستوي هالشيء عادي

[khaldoon]

صراحة التنمر على خلق الله شي غير مقبول ابدا ابدا......هالشي راح يشوه سمعة البلد في بطولة كأس الخليج و يعطي فرصة للشامتين انهم يتكلمون عن قطر و أهلها ....مصيبة لو هالشي بيصير في بطولة كأس العالم

المفروض في قوات امن و اللي يبي يتنمر لا يتم الاكتفاء بطرده من الملعب بل يوضع على قائمة سوداء من انه يدخل و يشتري تذاكر في المستقبل سواء من النت او غير النت بحيث يكون الشراء عن طريق رقم البطاقة الشخصيه

طبعا اكيد بتقولون بيشتري باسم شخص ثاني..... ما عليه بس المهم انه يكون في قائمة سوداء..... خلي التنمر يصير كابوس بالنسبة للمتنمر

و الأهم من ذلك تغريم المتنمر غرامة كبيره تقص ظهره غير الحبس لمدة شهر على الأقل..... في ناس ما يربيها الا العقوبات بس

[alme3mary]

انا اليوم حجزت خمس تذاكر لمباراة قطر و السعودية من سوق واقف. المشكلة ان الخمس كراسي اعتقد مش هيكونوا مع بعض ولما سألت الشخص اللي يحجزلي قالي بدل داخل الملعب. طبعا هذا الشيء صعب وبيعمل بلبله. خصوصا ان في كرسي لطفل ثلاثة سنوات وطبعا مابيجلس لحاله. او ان اكون ان شالله انا فاهم غلط والكراسي مصفوفة بترقيم مختلف في استاد الجنوب ويكونوا جنب بعض. اتمنى اللي عنده خبره يفيدني. الصفوف (row) متسلسله من B حتى F. ارقام الكراسي واحد وسته وسته وسته وعشرة. نغس البوابة ونفس البلوك.
والشكر مقدما

[Dana’1]

فيه موقع بس تكون على الإنتظار
و للأسف التذاكر تباع بالسوق السودا
المباراة الي فاتت أحدهم شراها من أسيوي يا هند او بنغالي والا باكستاني حدا هالجنسيات بـ150 ريال وطبعا هالسعر متغير ممكن عند شخص ثاني تصل200
وتنظيم مثل هالبطولات زينه وتعطي المنظمين خبره أكثر بالتنظيم بالذات إنهم مقبلين على كأس العالم فضروري يلاقون طريقة يحدون منها ،،
مع العلم إن هالشي يصير حتى في بطولات الأندية الأوربية وتوصل التذكرة لأسعار خياليه !!

**بس إلا ما تكون فيه طريقة لضبط الوضع و إن التذاكر تباع للجميع بنفس السعر حسب المكان

[Ahmed86]

انا اليوم حجزت خمس تذاكر لمباراة قطر و السعودية من سوق واقف. المشكلة ان الخمس كراسي اعتقد مش هيكونوا مع بعض ولما سألت الشخص اللي يحجزلي قالي بدل داخل الملعب. طبعا هذا الشيء صعب وبيعمل بلبله. خصوصا ان في كرسي لطفل ثلاثة سنوات وطبعا مابيجلس لحاله. او ان اكون ان شالله انا فاهم غلط والكراسي مصفوفة بترقيم مختلف في استاد الجنوب ويكونوا جنب بعض. اتمنى اللي عنده خبره يفيدني. الصفوف (row) متسلسله من B حتى F. ارقام الكراسي واحد وسته وسته وسته وعشرة. نغس البوابة ونفس البلوك.
والشكر مقدما

أحسن شي تسويه تقعد في مكانك حسب التذاكر ، عقب تطلب من اللي جنبك اذا يوافق يبدل معك و تعطيه تذكرتك و تاخذ تذكرته لأنه اللي معك قاعدين فأماكن ثانيه ، يمكن هو بعد معه عياله و حاجز كراسي جنب بعض ماله ذنب انه يقعد يتبهدل.

[khaldoon]

بالطياره هل في احد يقدر يجلس في مكان غير مكانه بدون رضا صاحب الكرسي و غصب عنه؟

بالطياره لو كان احد يجلس مكانك و كلمت المضيفه راح تقوله لو سمحت قوم و لو قال انه يبي يجلس علشان يكون مع اهله و انت يا صاحب الكرسي وافقت انك تبدل معاه فالموضوع منتهي بس لو ما وافقت بيقوم غصب عنه..... ليش ما نقدر نسوي هالشي بالملاعب

يعني لما احد الاخوة يقول فوق انه صاحب الكرسي جلس على الأرض لانه احد المتنمرين اخذ مكانه و صاحب هالكرسي لو سألته ايش رأيك بالبطوله و التنظيم .... ايش تتوقع يرد عليك مثلا؟

[Ahmed86]

فيه موقع بس تكون على الإنتظار
و للأسف التذاكر تباع بالسوق السودا
المباراة الي فاتت أحدهم شراها من أسيوي يا هند او بنغالي والا باكستاني حدا هالجنسيات بـ150 ريال وطبعا هالسعر متغير ممكن عند شخص ثاني تصل200
وتنظيم مثل هالبطولات زينه وتعطي المنظمين خبره أكثر بالتنظيم بالذات إنهم مقبلين على كأس العالم فضروري يلاقون طريقة يحدون منها ،،
مع العلم إن هالشي يصير حتى في بطولات الأندية الأوربية وتوصل التذكرة لأسعار خياليه !!

**بس إلا ما تكون فيه طريقة لضبط الوضع و إن التذاكر تباع للجميع بنفس السعر حسب المكان

أبشركم وصل سعر التذاكر 1500 ريال في مزاد قطر ، و اللوم على اللي شاري التذاكر عشان يبيعهم و على اللي يرضى ان الناس يستغلونه و يشتريها بهالسعر. و احقاقا للحق و عشان لا نحمل اللجنة أكثر مما تحتمل ، مشكلة السوق السودا هي مشكلة عالمية و ما حصلولها أي حل مناسب حتى اليوم. لكن هناك حلول ممكن تخفف هذا الشي.

اذا في أحد من اللجنه المنظمة يقرا الردود ، بعطيكم حلول سهله حسب خبرتي المتواضعه:

- حملة على المواقع اللي تبيع بالسوق السودا بالتعاون مع وزارة الداخلية، كل اللي يبيعون حاطين ارقام جوالاتهم يعني من سستم الداخلية تقدر تصيدهم واحد واحد. توجيه انذار لإدارة موقع مزاد قطر بعدم اظهار هذه الاعلانات. هذا الشي قطر تتميز فيه عن الدول في الخارج لأن جميع ارقام الجوالات مسجله برقم بطاقة شخصية و لذلك يسهل ملاحقتهم مقارنة بالدول الخارجية اللي تقدر تاخذ شريحة من الدكان بدون بطاقة.

- تنظيم حملة اعلامية باستخدام مشاهير التواصل و منصات الاعلام عن جريمة بيع التذاكر في السوق السودا. ولا مانع من تغليظ العقوبة.

- حجز و استلام التذاكر يكون بالبطاقة الشخصية فقط ، و يحق لكل شخص تذكرتين لا اكثر. بالنسبة للي أعدادهم أكثر من اثنين و يبون يجلسون جنب بعض ، في مونديال روسيا ، حجزنا تذاكرنا في قسم معين من الملعب قبل المباراه بفترة ، اللجنة ارسلت لنا ايميلات انه اللي يبون يقعدون جنب بعض يرسلون لنا ارقام تذاكرهم عشان نرتب كراسيهم جنب بعض. و فعلا هذا اللي صار.

- أدري ممكن تاخذ وقت ، لكن يجب التأكد من تطابق رقم البطاقة الشخصية مع التذكرة عند بوابة الدخول. و عشان ما تسبب زحمه ، كثر عدد المتطوعين اللي يشيكون التذاكر عند المدخل.

الحلول أعلاه لا تحل المشكلة كليا ، لأنه في ناس فعلا شارين التذاكر عشان يحضرون و ما تمكنو يحضرون و يبون يعطون التذاكر لعيال عمهم ولا ربعهم ، و صعب يروح على كاونتر عشان يحولها بإسم ولد عمه، يعني السالفة فيها عنوه ما تسوى ممكن تخلي الواحد يهون يحضر الملعب.

قطر تتميز ان عدد السكان محدود و المعلومات عن الجميع متوفرة و لذلك يمكن السيطره على هذا السوق او الحد منه بشكل كبير

موفقين و فالنا الكاس ان شاء الله

[بوخالد911]

بالأمس وصلتني مقاطع عن طوابير طويلة من مجمعات تجارية وسوق واقف
واتضح غالبيتهم من العمالة الوافدة (( اللي مالهم في الغنم تيس !!! ))

هم تجار السوق السودة , ويجب التصدي لهم وبقوة
سعر التذكرة قفز من 150 ريال الى 1500 !!!!!!!!!!!!!!!!!

[khaldoon]

بخصوص السوق السودا ليش ما يصدر قانون لا يحق لاحد انه يبيع التذاكر او ان يستبدلها او انه يهديها لاحد (يهديها لاحد ممكن حذفها) بحيث لا فائدة من اللي يفكر يبيعها و اللي يقول اضطريت الغي الحضور لامر طارئ يثبت ذلك لاحقا انه ما حضر المباراه يعني ما تم قطع التذكره مع سبب و اثبات مقنع و ممكن يسترجع ثمن التذكره لو قيمتها تستحق ذلك

و التذكره تباع مرة واحده من الجهات المعنيه او المخوله بذلك و بنطبع على التذكره الرقم الوطني لصاحب التذكره اما بالنسبه لمن هو من خارج قطر فبينطبع رقم جواز سفره كوسيلة اثبات شخصيه و بس

لو احد اشترى و ما حضر و بدون سبب يتم وضعه في قائمة سوداء

لو احد الجهات المخربه فكرت تشتري كمية كبيره من التذاكر و تخلي الملعب يظهر فاضي ولا احد يحضر أيضا لا يسمح ببيع عدد كبير من التذاكر لجهة واحده و بتنحط على البلاك ليست

[khaldoon]

بالأمس وصلتني مقاطع عن طوابير طويلة من مجمعات تجارية وسوق واقف
واتضح غالبيتهم من العمالة الوافدة (( اللي مالهم في الغنم تيس !!! ))

هم تجار السوق السودة , ويجب التصدي لهم وبقوة
سعر التذكرة قفز من 150 ريال الى 1500 !!!!!!!!!!!!!!!!!

اللي يبي يترزق من خلال السوق السودا لازم يفهم انه يخرب مشروع وطني بالمقام الأول و شوفوا عاد ايش العقوبه المستحقه لهذه الاشكال

اول شي يتسفر بعدين تفهمونه غلطه

[معماري قطري]

بالأمس وصلتني مقاطع عن طوابير طويلة من مجمعات تجارية وسوق واقف
واتضح غالبيتهم من العمالة الوافدة (( اللي مالهم في الغنم تيس !!! ))

هم تجار السوق السودة , ويجب التصدي لهم وبقوة
سعر التذكرة قفز من 150 ريال الى 1500 !!!!!!!!!!!!!!!!!

إذا لجان وسفرات طويلة لدول العالم اللي نظمت بطولات سابقة وللحين ما حصلوا حلول لهذي المشاكل الوضع بيكون صعب .. بروحها ملاعبنا استيعابها متوسط للمشاركات العالمية

أتمنى يسوون عروض للمباريات خارجية في ملاعب ثانية نقل تلفزيوني راقي بشاشات كبيرة وتذاكر ثانية أقل درجة عن ملعب المباراة

[Ahmed86]

إذا لجان وسفرات طويلة لدول العالم اللي نظمت بطولات سابقة وللحين ما حصلوا حلول لهذي المشاكل الوضع بيكون صعب .. بروحها ملاعبنا استيعابها متوسط للمشاركات العالمية

أتمنى يسوون عروض للمباريات خارجية في ملاعب ثانية نقل تلفزيوني راقي بشاشات كبيرة وتذاكر ثانية أقل درجة عن ملعب المباراة

المشكلة بتتفاقم في المشاركات العالمية ، لأن السوق السودا في مباريات مثل كأس العالم يشترون التذاكر من موقع الفيفا و يسوقونها في مواقع على الانترنت صعب توصل من خلالها لمالك التذكرة الأصلي. و مثل ما ذكرت في مشاركتي السابقه للحين مافي حل جذري للمشكلة.

لكن في بطولات نفس كأس الخليج ممكن تحل هذه المشكله بشكل كبير بالحلول اللي ذكرتها فوق.

و لازم تحط في بالك انه مب لازم تخلي طريقة الشراء و الدخول للملعب صعبه جدا لدرجة انك تنفر الجمهور الحاضر و تخلي تجربته سيئة ، هذي المعادله اللي تحاول الاندية الكبرى انها تحلها.

السوق السودا طريقة سريعة للتكسب و لذلك صعب القضاء عليها ، اذكر اني كنت محظوظ و فزت في قرعة مباراه نهائية لأحد بطولات التنس الكبرى ، التذكره اخذتها رسميا بحول 80 باوند (400 ريال) من الموقع الرسمي ووصل سعرها في السوق السودا حول 12 الف ريال !!

[fmmja]

السوق السودا سببها صعوبة الحصول على التذاكر بسبب طول الانتظار سواء من مراكز البيع أو الشراء اون لاين

ليش ما يحطون حوالي 40 كشك في كورنيش كتارا و يوسعون على الناس و الجو حلو هالايام و يريحون خلق الله

و اللي يبيع في السوق السوداء خله يصور مع تذاكره .

[Dana’1]

أبشركم وصل سعر التذاكر 1500 ريال في مزاد قطر ، و اللوم على اللي شاري التذاكر عشان يبيعهم و على اللي يرضى ان الناس يستغلونه و يشتريها بهالسعر. و احقاقا للحق و عشان لا نحمل اللجنة أكثر مما تحتمل ، مشكلة السوق السودا هي مشكلة عالمية و ما حصلولها أي حل مناسب حتى اليوم. لكن هناك حلول ممكن تخفف هذا الشي.

اذا في أحد من اللجنه المنظمة يقرا الردود ، بعطيكم حلول سهله حسب خبرتي المتواضعه:

- حملة على المواقع اللي تبيع بالسوق السودا بالتعاون مع وزارة الداخلية، كل اللي يبيعون حاطين ارقام جوالاتهم يعني من سستم الداخلية تقدر تصيدهم واحد واحد. توجيه انذار لإدارة موقع مزاد قطر بعدم اظهار هذه الاعلانات. هذا الشي قطر تتميز فيه عن الدول في الخارج لأن جميع ارقام الجوالات مسجله برقم بطاقة شخصية و لذلك يسهل ملاحقتهم مقارنة بالدول الخارجية اللي تقدر تاخذ شريحة من الدكان بدون بطاقة.

- تنظيم حملة اعلامية باستخدام مشاهير التواصل و منصات الاعلام عن جريمة بيع التذاكر في السوق السودا. ولا مانع من تغليظ العقوبة.

- حجز و استلام التذاكر يكون بالبطاقة الشخصية فقط ، و يحق لكل شخص تذكرتين لا اكثر. بالنسبة للي أعدادهم أكثر من اثنين و يبون يجلسون جنب بعض ، في مونديال روسيا ، حجزنا تذاكرنا في قسم معين من الملعب قبل المباراه بفترة ، اللجنة ارسلت لنا ايميلات انه اللي يبون يقعدون جنب بعض يرسلون لنا ارقام تذاكرهم عشان نرتب كراسيهم جنب بعض. و فعلا هذا اللي صار.

- أدري ممكن تاخذ وقت ، لكن يجب التأكد من تطابق رقم البطاقة الشخصية مع التذكرة عند بوابة الدخول. و عشان ما تسبب زحمه ، كثر عدد المتطوعين اللي يشيكون التذاكر عند المدخل.

الحلول أعلاه لا تحل المشكلة كليا ، لأنه في ناس فعلا شارين التذاكر عشان يحضرون و ما تمكنو يحضرون و يبون يعطون التذاكر لعيال عمهم ولا ربعهم ، و صعب يروح على كاونتر عشان يحولها بإسم ولد عمه، يعني السالفة فيها عنوه ما تسوى ممكن تخلي الواحد يهون يحضر الملعب.

قطر تتميز ان عدد السكان محدود و المعلومات عن الجميع متوفرة و لذلك يمكن السيطره على هذا السوق او الحد منه بشكل كبير

موفقين و فالنا الكاس ان شاء الله


نعم هالشي يصير من قبل يعني الي شراها بـ150 كانت بين قطر و الإمارات
الحين طبيعي السعر ارتفع و وصل 1500 لأنها قبل النهائي

بصراحه ما أعرف إذا فيه قانون رسمي من الفيفا أو غيرها من الجهات الأمنية الرسمية تجرم هالطريقة
لأن الحل بيكون أسهل لو كان فيه تجريم وعقوبة واضحة للجميع في حال تمت المتاجرة بالتذاكر
غير كذا بيتم الأمر صعب السيطرة عليه إن كان بـ قطر و إلا بأي دوله بالعالم بتنظم مثل هالبطولات

[Rider]

والله مادام وصلنا للمرحلة هاذي ليش مايكون شراء التذاكر بالبطاقة الشخصية للقطريين اولا لانهم يبغون يحضرون المباراة وبعدين يفتح المجال لغير القطريين طبعا هذا مب تعصب ولا عنصرية لكن علشان نحد من السوق السوادء

[Ahmed86]

نعم هالشي يصير من قبل يعني الي شراها بـ150 كانت بين قطر و الإمارات
الحين طبيعي السعر ارتفع و وصل 1500 لأنها قبل النهائي

بصراحه ما أعرف إذا فيه قانون رسمي من الفيفا أو غيرها من الجهات الأمنية الرسمية تجرم هالطريقة
لأن الحل بيكون أسهل لو كان فيه تجريم وعقوبة واضحة للجميع في حال تمت المتاجرة بالتذاكر
غير كذا بيتم الأمر صعب السيطرة عليه إن كان بـ قطر و إلا بأي دوله بالعالم بتنظم مثل هالبطولات

على تذكرة كاس الخليج اللي شريتها مكتوب بالانجليزي "إن اعادة بيع ، شراء ، نقل التذكرة بأي وسيلة غير وكيل تسويق التذاكر الرسمي قد تؤدي إلى إلغاء التذكرة بدون الحصول على تعويض و في بعض الظروف قد يعتبر أختراق للقوانين المعمول بها"

على تذاكر كأس العالم للأنديه (عن طريق الفيفا) مكتوب:
" You may not sell, offer for sale, resell, offer at auctions, donate, act as a commercial Ticket agent for another party, or otherwise transfer your Ticket in any way that is not expressly permitted by FIFA.

و بالنسبة للعقوبات ، بالاضافة الى سحب التذكره و عدم التعويض عنها و التعميم على اسمه ، ممكن يرفعون عليه قضية و يبلغون حكومته :

f) file suit to enforce the relevant terms, laws and regulations and claim damages, if appropriate; and/or

g) notify governmental authorities of any such violation.

الشروط و الاحكام موجوده كامله في الرابط أدناه بالعربي و الانجليزي:

https://resources.fifa.com/image/upload/ticket-transfer-and-resale-terms-x9916.pdf?cloudid=al7lzxiquvhnksucjp4g

[Dana’1]

على تذكرة كاس الخليج اللي شريتها مكتوب بالانجليزي "إن اعادة بيع ، شراء ، نقل التذكرة بأي وسيلة غير وكيل تسويق التذاكر الرسمي قد تؤدي إلى إلغاء التذكرة بدون الحصول على تعويض و في بعض الظروف قد يعتبر أختراق للقوانين المعمول بها"

على تذاكر كأس العالم للأنديه (عن طريق الفيفا) مكتوب:
" You may not sell, offer for sale, resell, offer at auctions, donate, act as a commercial Ticket agent for another party, or otherwise transfer your Ticket in any way that is not expressly permitted by FIFA.

و بالنسبة للعقوبات ، بالاضافة الى سحب التذكره و عدم التعويض عنها و التعميم على اسمه ، ممكن يرفعون عليه قضية و يبلغون حكومته :

f) file suit to enforce the relevant terms, laws and regulations and claim damages, if appropriate; and/or

g) notify governmental authorities of any such violation.

الشروط و الاحكام موجوده كامله في الرابط أدناه بالعربي و الانجليزي:

https://resources.fifa.com/image/upload/ticket-transfer-and-resale-terms-x9916.pdf?cloudid=al7lzxiquvhnksucjp4g

هالشي يسهل عملهم كمنظمين ناقص بس العمل به وتنفيذ العقوبات

بالتوفيق

[Ahmed86]

102868

[بوخميس]

في قطر ما عندنا قانون يجرم إعادة بيع التذاكر

اللجنة المنظمة حدها تكنسل التذاكر المعاد بيعها، بس هي مب جريمة ولا عليها عقوبة في القانون القطري

[sara jsm]

الصراحة انا عمري مادخلت ملعب غير ملعب الجامعه ..
لكن شنهي المتعه من حضور مباراة ممكن تشوفها منقوله في سوق واقف او كتارا او القهاوي .. وحتى التلفزيون في البيت .. تدفع مبلغ وقدره على كرسي وياتشوف البلنتي او ماتشوفه :tease: ..

فـ غريبه تكون اسعار هالتذاكر جذي وهي مباراة منقوله ..
توني ادري ان التذكرة ب 30 والله احسبه ب10 :shy:

[مرتبش]

مافي طريقة الا تسجيل رقم البطاقة او الجواز على التذكرة والمطابقة وقت دخول الملعب.

[معماري قطري]

المشكلة بتتفاقم في المشاركات العالمية ، لأن السوق السودا في مباريات مثل كأس العالم يشترون التذاكر من موقع الفيفا و يسوقونها في مواقع على الانترنت صعب توصل من خلالها لمالك التذكرة الأصلي. و مثل ما ذكرت في مشاركتي السابقه للحين مافي حل جذري للمشكلة.

لكن في بطولات نفس كأس الخليج ممكن تحل هذه المشكله بشكل كبير بالحلول اللي ذكرتها فوق.

و لازم تحط في بالك انه مب لازم تخلي طريقة الشراء و الدخول للملعب صعبه جدا لدرجة انك تنفر الجمهور الحاضر و تخلي تجربته سيئة ، هذي المعادله اللي تحاول الاندية الكبرى انها تحلها.

السوق السودا طريقة سريعة للتكسب و لذلك صعب القضاء عليها ، اذكر اني كنت محظوظ و فزت في قرعة مباراه نهائية لأحد بطولات التنس الكبرى ، التذكره اخذتها رسميا بحول 80 باوند (400 ريال) من الموقع الرسمي ووصل سعرها في السوق السودا حول 12 الف ريال !!

مشكور على التوضيح يا اخوي

فيه حلول أكيد لو سووا مثلاً بيع التذكرة عن طريق موقعهم فقط الكتروني أو شخصي وتنباع لإسم معين ما يجوز يتغير الا عن طريقهم .. يعني اللي بيتاجر ويضارب بالتذكرة تستوي قيمتها 0 ولا يقدر يستفيد منها الشخص اللي اغتش وشراها لكن لو اللي شراها لأي ظرف فكر يرجعها للمسوق تنقبل حتى قبل بيوم وتنباع لأي شخص ثاني وهنا نضمن امتلاء المقاعد أو شبه امتلاءها .. ونضمن إن سعر التذكرة واحد ما يتغير

[معماري قطري]

الصراحة انا عمري مادخلت ملعب غير ملعب الجامعه ..
لكن شنهي المتعه من حضور مباراة ممكن تشوفها منقوله في سوق واقف او كتارا او القهاوي .. وحتى التلفزيون في البيت .. تدفع مبلغ وقدره على كرسي وياتشوف البلنتي او ماتشوفه :tease: ..

فـ غريبه تكون اسعار هالتذاكر جذي وهي مباراة منقوله ..
توني ادري ان التذكرة ب 30 والله احسبه ب10 :shy:

غلفج يا سارة حتى في الميلس

ما فيه أحسن من البيت عاد هناك واحد عريض واوفرسايز قاعد جدام واحد ومغطي عليه والا واحد له شهر ما تسبح ولا يعرف العطر ولا مزيل العرق .. وما اتوقع ربعنا منهم قصدي أي ناس ثانيين .. ربعنا كأنهم معاريس ما شاء الله عليهم قهروا دول بو حصرة يا علهم الحسرة

[معماري قطري]

على تذكرة كاس الخليج اللي شريتها مكتوب بالانجليزي "إن اعادة بيع ، شراء ، نقل التذكرة بأي وسيلة غير وكيل تسويق التذاكر الرسمي قد تؤدي إلى إلغاء التذكرة بدون الحصول على تعويض و في بعض الظروف قد يعتبر أختراق للقوانين المعمول بها"

على تذاكر كأس العالم للأنديه (عن طريق الفيفا) مكتوب:
" You may not sell, offer for sale, resell, offer at auctions, donate, act as a commercial Ticket agent for another party, or otherwise transfer your Ticket in any way that is not expressly permitted by FIFA.

و بالنسبة للعقوبات ، بالاضافة الى سحب التذكره و عدم التعويض عنها و التعميم على اسمه ، ممكن يرفعون عليه قضية و يبلغون حكومته :

f) file suit to enforce the relevant terms, laws and regulations and claim damages, if appropriate; and/or

g) notify governmental authorities of any such violation.

الشروط و الاحكام موجوده كامله في الرابط أدناه بالعربي و الانجليزي:

https://resources.fifa.com/image/upload/ticket-transfer-and-resale-terms-x9916.pdf?cloudid=al7lzxiquvhnksucjp4g

بل كل هذا والناس تبيع؟

عيل يطابقون الرقم الشخصي أو رقم الجواز ويفتكون واللي عنده ظرف وما يقدر يحضر ويبي يرجع تذكرته يسمحون له وممكن يخصمون من قيمتها قليل ويعطونه الباقي وهم يستفيدون من اعادة بيعها لشخص مضمون بيحضر

[nooora]

جمهورنا كان عظيم في مباراة قطر والامارات ،،
الحارس الحماراتي كان مرعوب من اصوات الجماهير ...
خسروا مرتين ،،،،
A Two-time loser