ازعاج كلب الجيران

[قلب الحدث]

السلام عليكم

الله يعزكم يا اخوان جيرانا عندهم كلب مأذينا بصوته ونحن ساكنين بمجمع فيلل والفيلل قراب من بعض والصوت مزعج
شنو الاجراء القانوني لو رفض التخلي عن الكلب؟؟

[سعود.]

الاجراء انك تدعم الكلب :ok:

للامانه ماعرف يمكن الربع يفيدونك

[رجل تعليم]

الله يكون بعونكم اخوي
فعلا فيه ناس ما يعطون الجار حقه كأنهم لم يتعلموا في المدرسة اي درس من دروس التربية الإسلامية
الله يهديهم والله ينبهم لعيوبهم وينبهنا جميعا .
اشرحوا لهم الامر بلين وتعقل عسى الله ان ينير بصيرتهم
والله يبعد الخلاف عنكم ويجعلكم عونا وسندا لبعضكم البعض

[وليف الشوق]

طيب اتصل في البلديه واستفسر منهم لعل وعسى يقولون لك ان الحيوانات اكرمك الله مكانها في العزب والمزارع وليس البيوت او كلم جارك وخبره عن الازعاج او روح اقرب مركز شرطة تابع لمنطقتك واعمل شكوى غير رسميه مجرد اخذ تعهد وابلاغ صاحب الكلب بأبعاد الكلب عن مناطق العائلات من قبل الجهات المختصه والصراحه ماله حق في هالازعاج الغير مبرر

[Rider]

اذا اجنبي اشقر القانون معاه الكلب عندهم مقدس واحد من العائلة ولو شتكيت عليه بتطلع انت الغلطان ههههه وبدل ياخوي تدخل بمشاكل مع الجيران كلمه أنت وكم واحد من جيرانك بالعقل وشوف ردت فعله يمكن يستحي

[sara jsm]

الله يكون في عونك يااخوي ..
افضل حل اذا تقدر غير درايشك وحط يوبي في سي ..
لان مثل ماقالوا الاخوان هالحيوان مقدس عند وايد ناس ..

[قلب الحدث]

السلام عليكم

شكرا لردود الاخوان الجار مش اجنبي والمكشلة الله يعزكم ان الكلب كلب شوارع ياريت كلب مال حراسة منسوي كتاب ويوقع عليه الجيران ومنطرشه اله بس الحين بحالة ما استجاب مادري نكلم من مابي اوصل الامور للشرطة ومادري اصلا لو هاي من اختصاصهم ولا في جهة ثانية اختصاصها هل امور

[حمد 2002]

اتصل بالشرطة 999 واشتكي على جارك وبيادبونه لك

[MAZEN37]

اول شيء تشتكي للجار
ثانيا تشتكي لادارة المجمع وتشوف سياسة وقوانيين المجمع

[S.T.Y.L.E]

والله نفس سؤالي ، لكن انا فبيت والجيران مادري اذا انهم اجانب او عرب عندهم كلب تكرمون مزعج
قلت بسكت اسبوع اذا مانفع ببلغ عليهم يارب يسوون شي ، مب حاله لا رقاد واليهال يخافون

[R 7 A L]

راح يفيدك بوعبدالله
معماري قطر له تجربة سابقة هههه