عيادة اسنان دختر مبالغه كبيره في الاسعار اين التسعيرة ؟؟؟؟

[الروقي]

للاسف رحت لعيادة دختر للاسنان في الهلال الي فيها اطباء قطريين للاسف مبالغه كبيره جدا في الاسعار والشغل اقل او نفس مستوى اي عياده اخرى بثلث السعر رحت سويت سنين سحب عصب جلستين كل سن 3500ريال تصوروا يعني 7000ريال وبعد مده اي بعد 6شهور اضطريت اسويها مره ثانيه عند عيادة سمايل وسووا الشغل مره ثانيه من حديد كل سن 1700 ريال سحب عصب وتلبيس تاج فرق للاسف طلع الاطباء القطريين يستغلون الناس بس عشانه طبيب قطري وهو يمكن اقل كفائه من غيره لا وبعد الدكتور الي سوى لي الشغل قطري للاسف نفسه خايسه واسلوبه تعبان وهذي اخر مره اروح لهم السؤال وين التسعيرة الي نشوفها في كل عيادات الاسنان الا هذي العياده لانهم قطريين فوق القانون والله للاسف يبوقون الناس سنين 7000 ريال هذي قيمتها تسوي شغل في عياده اخرى

[S.T.Y.L.E]

احلف اني عرفت الدكتور بدون ماتقول اسمه ، بس مابقول علشان مايسويلي قضيه
من يوم كانوا في رميله نفسيتهم خايسه ، والله العظيم رايح ومتأزم يوم اني رايح لهم وضغط نفسيتي بدال مايخفف علي حسبيالله ونعم الوكيل
واخرتها سويها بالخاص ودفعت ولا اسلوبهم ، ومره سمعت ان في عيادة فتحت كلهم قطريين ويوم عرفت هالاثنين هناك دريت ان بيفشلون

[الروقي]

حتى أنا مالي أقول اسمه للأسف حماية المستهلك المفروض تتدخل حق الإشكال هذي تستغل القطريين يعني لان القطريين يفرحون ان عيال بلدهم أطباء ويحبون يشجعونهم لكن مثل هؤلاء يستغلون الناس يعني انه مافيه مثلهم بالعكس شغلهم فاشل وأسعار مبالغ فيها ونفوس خايفه وفيه عيادات كثيره أفضل معامله وربع السعر بس الي مسؤولين عن تحديد الأسعار ليش يعفون هؤلاء من التسعيرة أكيد فيه واسطه للأسف

[sara jsm]

اخوي ...
الاسنان روح عند الهنوووود لاتروح عند غيرهم والله عن تجربه على مدى 20 سنه لكل العيلة ..
الطبيب القطري اللي في ( العيادات الخاصه) همه المظهر والبرستيج اللي يظهر فيه مع شاي وقهوة .. الخ
وعقب يقبض همجه من جبدك ... خلك على الهنود خاصه الاسنان ..

الله يشافيك ان شاءالله

[eXpert*]

دائماً أبحث عن الجودة والسعر المناسب لك ،، ولا تتخلك العاطفة طبيب مواطن ولا منتج وطني ولا غيره ..

اللي يوفر لي احتياجاتي بالسعر المناسب ياهلا فيه ولو كان من الصين واللي يحرق مصروف جيبي لا مرحبا به ولو كان من ديرتي .

ودائماً أسأل عن قائمة الأسعار قبل لا تسوي أي خدمة وين ما كنت .

[الشرق العربي]

الله المستعان