لماذا لايتم محاسبة وكالات السيارات

[محمد11]

لماذا لايتم محاسبة وكالات السيارات التي لا توفر قطع غيار السيارات الاستهلاكية ، مثل السفايف والدرامويل وغيرها ..

يعني امس وكالة المرسيدس ماعندها سفايف لل G class
انتظر اسبوعين !!
معقوله..
وللاسف 70% من قطع غيراها كل طلب اوردر !!

ليش !!

[جاسم الدوحة]

وكالة كيو أوتو (أودي و فولكسواغن)
أظن ما عندهم إلا سفايف
وكل قطع الغيار يطلبونها طلب
وتوصل خلال 21 يوم ، غير أيام الفحص والتركيب

تغربلت وياهم 4 مرات
(القطع مختلفة) للسيارة نفسها

[معماري قطري]

عالم ثالث ما همهم الا الكورة والملاعب لاحقين فيها العالم اللي فوق الأول بس والباقي نوت امبورتانت

[style]

لماذا لايتم محاسبة وكالات السيارات التي لا توفر قطع غيار السيارات الاستهلاكية ، مثل السفايف والدرامويل وغيرها ..

يعني امس وكالة المرسيدس ماعندها سفايف لل g class
انتظر اسبوعين !!
معقوله..
وللاسف 70% من قطع غيراها كل طلب اوردر !!

ليش !!
شركه فعلا تعبانه جدا جدا في صيانه مابعد البيع ،،السياره لها وزنها ومن أفخم السيارات مثلها كمثل آلبي ام دبليو والأودي وسيارات البورش
لكن اداره الشركه لخدمه مابعد البيع اقييمها ( zero)

[وحيد-الشوق]

عشان جذي الناس عندنا مايشترون الا تويوتا

الله يكون بالعون

[الغالي!]

شركه فعلا تعبانه جدا جدا في صيانه مابعد البيع ،،السياره لها وزنها ومن أفخم السيارات مثلها كمثل آلبي ام دبليو والأودي وسيارات البورش
لكن اداره الشركه لخدمه مابعد البيع اقييمها ( zero)

كل السيارات هذي خدمة الصيانه تعباااانه حتى الفردان فرع الصناعيه تعبااان والقطع تتأخر الغريب لم تشتكي في حماية المستهلك دون فايدة

[وليف الشوق]

انا من اسمع كلمة طلبيه او اوردر ينجن جنوني والله المستعان

بهالطريقة اذا كتبت عن سلبيات بعض شركات السيارات لايزعلون
ولا يحملوني مسؤوليه اني امدح تويوتا لانها موفره قطع الغيار بأستمرار وبدون معاناة

[سالم الزهران]

هذي مشكلة عامة .. لكن ربعنا بدو يتجهون للشراء أونلاين.. عاد انا مدري يتطمن أن القطعة هي نفسها خصوصاً انها من السوق الأوروبي.. شغالين من الايباي و اسعار مميزة، ممكن الواحد يجرب اذا بيجلس على مواعيد الوكالة.

[eXpert*]

اعتقد في قرار من حمايةا لمستهلك اذا الوكيل ما قدر يوفر لك قطع الغيار في مدة معينة واجب عليه يسلمك سيارة بديله الى حين وصول قطع الغيار المطلوبة .

طبعاً الكلام لقطع الغيار الرئيسية التي قد يتعذر من قيادة المركبة بدونها .

[بوخالد911]

اعتقد في قرار من حمايةا لمستهلك اذا الوكيل ما قدر يوفر لك قطع الغيار في مدة معينة واجب عليه يسلمك سيارة بديله الى حين وصول قطع الغيار المطلوبة .

طبعاً الكلام لقطع الغيار الرئيسية التي قد يتعذر من قيادة المركبة بدونها .

المدة هي 14 يوم

[ali]

الله المستعان
شريت فورد f150
امشكله كهربائيه ولازم قطع وشغل قعد الموتر عندهم شهرين وزياده
وبعد شهر وهواش معاهم عطوني سياره بديله
للامانه طلعته من عندهم للمعرض وبعته ورجعت للنيسان وريحت راسي

[SouthK]

مشكلة عدم توفر قطع الغيار في الكثير من الشركات اسبابها وايد و اغلبها من داخل الشركة كالتنيسق بين قسم المخازن و القسم المسؤول عن المشتريات (ما اعرف وشو يسمونه).

لي عودة بإذن الله.