كيف تقضي على ازعاج الاعلانات التجاريه في الجوال

[khaldoon]

احد مراكز التجميل ناشر اعلان لتخفيف الوزن على الفيس بوك و يقول الإعلان فقط ب 450 ريال..... طبعا على مبدأ اللي يقول ولا تقربوا الصلاة .... و يسكت

يعني اعلان مضلل يوم تتصل عليهم يقولون لا طبعا ما في شي ب 450 ريال ان شاء الله اقل سعر بيكون 3000 ريال .... ما تفهم ايش سالفة ال 450 ريال الا انهم يسحبون رجلك للإعلان

تقول لهم طيب شكرا و ما عندي نية اشترك مب محتاح لهدرجة يعني و السلام عليكم..... تعتقد انه الموضوع انتهى الى هذا الحد..... ههه غلطان ...مسكين انت

بيصيروا كل يوم و الثاني يتصلون عليك ...

-تحب تسجل معانا
-لا شكرا ... انا قولت من قبل شكرا و ارجو ما تتصلوا مرة ثانية و لو سمحتوا امسحوا رقمي من السيستم عندكم

يرجعوا يتصلوا و لما تقول لا البنت تقول بدلع و مياصه واي سيييييييييييييييييييير

مرة بالعربي و مرة بالفلبيني .... ااااه قصدي بالانجليزي

ما في فايدة..... عشرات المسجات كل يوم و الثاني و اتصالات أيضا من فترة لاخرى... و تحلف لهم انك ما تبي و انك غلطان يوم اتصلت فيهم اول مرة تستفسر و تقول لهم انك تلعن اليوم اللي شوفت فيه الإعلان و اتصلت و ريتها يدك انكسرت ولا اتصلت عليهم ذاك اليوم... بس ما في فايده

كل مرة يتصلون اسوي بعدها بلوك بس أيضا ما في فايده....

فتحت مرة التليفون و مسحت فيهم الأرض و بهدلتهم بعنف شديد ولا سألت مكالمة مسجلة و الا مب مسجله اخر همي و ما في فايده

طيب و بعدين..... رجعوا اتصلوا فقلت هم يبون يزهقوني بأنهم يضلوا يتصلوا.... اول ما رديت و عرفت انهم المركز اللعين قولت لهم انا مشغول ممكن تتصلوا كمان عشر دقايق لو سمحتوا .. انا مهتم جدا بالموضوع

طبعا اسوي بلوك... أحيانا يرجعوا يتصلوا من رقم اخر و اقولهم كمان عشر دقايق اتصلوا لو سمحتوا ....مرات يرجعوا يتصلوا و مرات لا ... لو رجعوا اتصلوا اقولهم صراحة مش مهتم ابدا بس ارجوا انكم تتصلوا مرة ثانية يمكن اغير رأيي خلال العشر دقايق القادمة هههههه.... اكيد خفت كثييييير بس ما انتهت تماما.... مثل فكرة انك تقضي على الذباب... ما تقدر بس ممكن تخفف

يعني صرت احاربهم بنفس اسلوبهم.... التزهيق لانهم نشبببببببببه .... ما نفع معاهم أسلوب التهذيب و التحضر و الاعتذار .....

انتوا أيش رأيكم... هل انا غلطان.... ما احد يقولي الموظف ايش ذنبه....الموظف حكيت معاه مليون مرة ألغي الرقم ما في فايدة .... انا ابيهم يحفظون رقمي و يتجنبون الاتصال عليه... ابيهم يحطوني في البلاك ليستد......هل عندكم طرق أخرى لهذه المراكز اللي فاهمه التسويق غلط؟؟!!

هل اعجبتكم الفكره؟

[سهم فضة]

صارت فيني فعلا


وتصير معاي شبه اسبوعيا ووصلت الحالة من ارقام قطرية


تملك معنا شقة في جورجيا // هذا المسج موجود بكذا رقم عندي وكل هذه الارقام تسوق وتعرض لهذه الشركة ونفس المنتج // تملك في جورجيا // يزعجون الناس برسائل sms ... من عده ارقام قطرية ...

[khaldoon]

صارت فيني فعلا


وتصير معاي شبه اسبوعيا ووصلت الحالة من ارقام قطرية


تملك معنا شقة في جورجيا // هذا المسج موجود بكذا رقم عندي وكل هذه الارقام تسوق وتعرض لهذه الشركة ونفس المنتج // تملك في جورجيا // يزعجون الناس برسائل sms ... من عده ارقام قطرية ...

موضوع تملك في جورجيا و تركيا و احصل على الجنسية توصلني المسجات دايما بشكل اسبوعي بس ما يتصلون و لهالسبب مب قادر اسيطر على الموضوع لاني ما اقدر اسوي بلوك للرقم ...ما يظهر الرقم بس يظهر اسم و اكتفي بحذف المسج من غير ما افتحها و اقرأها

اما انهم يتصلون فعاد هذه المشكله

انا ما اعرف ليش ما في خدمة في اووريدو لمنع الازعاج و الإعلانات الا بأمر من المستهلك او صاحب الخط؟؟!!!.... ليش ما عندهم هذه الخدمة....

[fmmja]

قريت في الأخبار التقنية إلى ان شركات الاتصالات راح تستغني عن خدمة SMS لانها قديمة

و استبدالها بخدمة المراسلة الجديدة باسم “Chat”. وهي تستند إلى معيار RCS أو Rich Communications Services الذي يتم تمكينه من خلال الاتصال بالإنترنت، ويحمل عددًا من الاضافات على معيار الرسائل النصية القصيرة SMS فقيرة التطوير.

قام مدير إدارة منتجات جوجل، Sanaz Ahari، بالتغريد الأسبوع الماضي وقال أنه يمكن للمستخدمين الحصول على خدمة الدردشة الجديدة من خلال تحديث كل من تطبيق رسائل اندرويد و Carrier Services أو خدمات الشبكة. وسيتمكن المستخدمون فقط من استخدام الدردشة للتواصل مع الأشخاص الذين يستخدمون رسائل Samsung أو عملاء Sprint و US Cellular.


Cc OOREDOO

[سعود.]

https://6.top4top.net/p_1455om71z0.jpeg (https://up.top4top.net/)

عن طريق برنامج اوريدو على الجوال

[سليمان احمد]

https://6.top4top.net/p_1455om71z0.jpeg (https://up.top4top.net/)

عن طريق برنامج اوريدو على الجوال


اوريدو نفسهم اللي مسوين خاصية منع الاعلانات ماجابو شي جديد لان البلوك موجود في نظام اغلب التلفونات

واوريدو نفسهم لو تتصل فيهم وتقول لهم انا عندي شركه وابغي اسوي اعلان راح يحولونك على قسم عندهم مختص

وبيقولون لك طريقة الاعلان اللي تبيها بالعربي ولا بالانجليزي وكم عدد الارقام من المشتركين اللي اساسا هم يملكون ارقام

المشتركين وفجأه تختفي الخصوصيه ويبدأ الطمع ويبيعون ارقامنا للي يبدفع فلوس وانا اتحدى اوريدو تنكر هالشي

ف لايمكن ان تتوقف الاعلانات طالما ان المزود الرسمي للخدمه هو من يتاجر بها ويبيعها على الشركات والتجار ف من الاخر

وبالعاميه علتنا باطنيه في امريكا استحاله احد يتصل لك الا اذا انت من زودته برقم ورغبت في تلقي رسائل الدعايات

والاعلانات واقصد ان شركات الهواتف مستحيل تبيع رقمك للشركات يحصلون على رقمك بطريقتهم هذا شي ثاني بس

ان المزود يبيع ارقامك للشركات هذي هي المشكله

[حمــد]

ومع انك تختار حجب الكل ومع ذلك تجيك رسائل الإعلانات المزعجه .. تدرون انا حتى ارقام ارويدوا نفسه حظرتها لانه شهريا يجيني اتصال منهم اذا حاب ترفع باقه اوريدو تي في عندك وانا اقلهم لا شكرا انا اساسا ما ما اتابع الرياضه ويتصلوا بعد شهر ونفس السالفه .. الحين صارلي سنه حاظرهم واضحك عليهم وهم يحاولون الاتصال ويحصلون الخط مشغول :taunt:

[سعود.]

اوريدو نفسهم اللي مسوين خاصية منع الاعلانات ماجابو شي جديد لان البلوك موجود في نظام اغلب التلفونات

واوريدو نفسهم لو تتصل فيهم وتقول لهم انا عندي شركه وابغي اسوي اعلان راح يحولونك على قسم عندهم مختص

وبيقولون لك طريقة الاعلان اللي تبيها بالعربي ولا بالانجليزي وكم عدد الارقام من المشتركين اللي اساسا هم يملكون ارقام

المشتركين وفجأه تختفي الخصوصيه ويبدأ الطمع ويبيعون ارقامنا للي يبدفع فلوس وانا اتحدى اوريدو تنكر هالشي

ف لايمكن ان تتوقف الاعلانات طالما ان المزود الرسمي للخدمه هو من يتاجر بها ويبيعها على الشركات والتجار ف من الاخر

وبالعاميه علتنا باطنيه في امريكا استحاله احد يتصل لك الا اذا انت من زودته برقم ورغبت في تلقي رسائل الدعايات

والاعلانات واقصد ان شركات الهواتف مستحيل تبيع رقمك للشركات يحصلون على رقمك بطريقتهم هذا شي ثاني بس

ان المزود يبيع ارقامك للشركات هذي هي المشكله


ومع انك تختار حجب الكل ومع ذلك تجيك رسائل الإعلانات المزعجه .. تدرون انا حتى ارقام ارويدوا نفسه حظرتها لانه شهريا يجيني اتصال منهم اذا حاب ترفع باقه اوريدو تي في عندك وانا اقلهم لا شكرا انا اساسا ما ما اتابع الرياضه ويتصلوا بعد شهر ونفس السالفه .. الحين صارلي سنه حاظرهم واضحك عليهم وهم يحاولون الاتصال ويحصلون الخط مشغول :taunt:

شفتها من فتره في البرنامج وقلت ابي افيدكم وماجربتها الى الان :shy:
ليش حاطينا اذا ما تحجب الرسايل !!!!

[معماري قطري]

يعرفون من عنده فلوس ويدفع ويروحون له

انا جاني اتصال مال اللغات قلت تبوني ادرس عندكم حاضر كم تعطوني معاش شردوا

[مرتبش]

على هالدعايات المفروض خط الجوال مجاني

[سالم الزهران]

الصراحة انا موقن تماماً ان شركات الاتصالات خصوصاً تضحك على العميل وممكن ببساطة تسرب معلوماته، وممكن تساهم في تتبعه ولا احد يهمهم لان مفهوم الخصوصية في الميدل ايست مضروب جنبه.. لو الشركات هذي محترمة فالمفروض ما تتعاون حتى مع الحكومة على حساب خصوصيات الناس الا بامر قضائي.

لكن الغريب اني ما عاد تلقيت رسائل اعلانية وهذا شيء جداً غريب ولا اعرف السبب. يوصلني رسائل من مدارس العيال ومن الجهات الحكومية بس! لكن الأول حتى لولو هايبر يراسلني.

[khaldoon]

قريت في الأخبار التقنية إلى ان شركات الاتصالات راح تستغني عن خدمة SMS لانها قديمة

و استبدالها بخدمة المراسلة الجديدة باسم “Chat”. وهي تستند إلى معيار RCS أو Rich Communications Services الذي يتم تمكينه من خلال الاتصال بالإنترنت، ويحمل عددًا من الاضافات على معيار الرسائل النصية القصيرة SMS فقيرة التطوير.

قام مدير إدارة منتجات جوجل، Sanaz Ahari، بالتغريد الأسبوع الماضي وقال أنه يمكن للمستخدمين الحصول على خدمة الدردشة الجديدة من خلال تحديث كل من تطبيق رسائل اندرويد و Carrier Services أو خدمات الشبكة. وسيتمكن المستخدمون فقط من استخدام الدردشة للتواصل مع الأشخاص الذين يستخدمون رسائل Samsung أو عملاء Sprint و US Cellular.


Cc OOREDOO


معنى ذلك انها حتصير محدوده جدا على الناس اللي منزلها هذا التطبيق على جوالتها التابعه للاندرويد فقط و ليس على نظام IOS التابع للايفون.... الايفون مب داعم هالموضوع

The world will not end if Apple isn't going to support RCS messaging.

ومع ذلك ، سيكون بالطبع أسهل كثيرًا إذا قرر عملاق التكنولوجيا المؤثر دعم رسائل RCS ، لأنه بعد ذلك سيكون هناك معيار موحد للرسائل عبر جميع الهواتف وشركات الاتصالات اللاسلكية

كل الشكر و التقدير على هذه المشاركه القيمة و المعلومات الجديده

[khaldoon]

https://6.top4top.net/p_1455om71z0.jpeg (https://up.top4top.net/)

عن طريق برنامج اوريدو على الجوال

يا سلااااااااام عليك... اول مرة اسمع فيها..... هذه يبيلها قعدة ان شاء الله و الغي المزعجين واحد واحد...كل الشكر و التقدير ..الله يسعدك يا رب جد فرحتني فيها

[khaldoon]

اوريدو نفسهم اللي مسوين خاصية منع الاعلانات ماجابو شي جديد لان البلوك موجود في نظام اغلب التلفونات

واوريدو نفسهم لو تتصل فيهم وتقول لهم انا عندي شركه وابغي اسوي اعلان راح يحولونك على قسم عندهم مختص

وبيقولون لك طريقة الاعلان اللي تبيها بالعربي ولا بالانجليزي وكم عدد الارقام من المشتركين اللي اساسا هم يملكون ارقام

المشتركين وفجأه تختفي الخصوصيه ويبدأ الطمع ويبيعون ارقامنا للي يبدفع فلوس وانا اتحدى اوريدو تنكر هالشي

ف لايمكن ان تتوقف الاعلانات طالما ان المزود الرسمي للخدمه هو من يتاجر بها ويبيعها على الشركات والتجار ف من الاخر

وبالعاميه علتنا باطنيه في امريكا استحاله احد يتصل لك الا اذا انت من زودته برقم ورغبت في تلقي رسائل الدعايات

والاعلانات واقصد ان شركات الهواتف مستحيل تبيع رقمك للشركات يحصلون على رقمك بطريقتهم هذا شي ثاني بس

ان المزود يبيع ارقامك للشركات هذي هي المشكله

متفق مع كل ما تفضلت به

احنا نقدر نسوي بلوك عن طريق التليفون فما توصلنا اتصالات منه و لا مسجات بس لازم بعد نسوي بلوك عن طريق الواتس اب ....أيضا لو سويت عن طريق الواتس اب للشخص نفسه بشكل فردي و كان نفس هذا الشخص معاك في قروب واتس اب فأيضا راح يوصلك أي شي منه من خلال القروب و هنا ما راح تقدر تلغيه الا لو كنت انت مدير القروب تسويله حذف ابدي هههه

اما موضوع الاعلانات مثل ما تفضلت فالمحلات تلاقيها تابعه لبعض لنفس الوكيل و بالتالي تليوفنك لما تعطيه لاي احد من خلال الاتصال البريء فيه راح يعمل مشاركه له مع كل المحلات و المطاعم التابعه له

حتى الفنادق العالمية ... اتصل مرة و استفسر وما تروح تلاقيهم كل يوم و الثاني يرسلون لك مسج... اجمل السهرات تقضيها ..... احتفل بليلة رأس السنة... الليلة ليلة باربكيو و الا سي فود.... و بس تبغي تحجز يقولون لك فولي بوكد و لو رحت تلاقي الطاولات فاضيه و لا عمري شوفت فندق فعلا فولي بوكد حتى في ليالي شهر رمضان

[khaldoon]

ومع انك تختار حجب الكل ومع ذلك تجيك رسائل الإعلانات المزعجه .. تدرون انا حتى ارقام ارويدوا نفسه حظرتها لانه شهريا يجيني اتصال منهم اذا حاب ترفع باقه اوريدو تي في عندك وانا اقلهم لا شكرا انا اساسا ما ما اتابع الرياضه ويتصلوا بعد شهر ونفس السالفه .. الحين صارلي سنه حاظرهم واضحك عليهم وهم يحاولون الاتصال ويحصلون الخط مشغول :taunt:


حاليا علاقتي مع اوورديو زي الزفت...... خربانه ع الاخر..... كل ما احد يتصل علي بيزعل مني من الكلام اللي أقوله لهم... السبب بسيط جدا..... تبغي تضخ فلوس زيادة لصالح اووريود يسوون لك اللي تبيه عن طريق التليفون.... يرفعون الباقه ينقولونك من 4 جي الى 5 جي ....الخ..... أي شي ضد زيادة ارباحهم و مصلحتهم يقولون لك راجع أي فرع


والله ان شاء الله الا اسوي مثلك مع اول تليفون يوصلني منهم مستقبلا

[khaldoon]

شفتها من فتره في البرنامج وقلت ابي افيدكم وماجربتها الى الان :shy:
ليش حاطينا اذا ما تحجب الرسايل !!!!

انا بجرب و بشوف اني راح استفيد و الا لا... لو ما استفدت يعني لازم اتصل على اوورديو و اشوف ايش السالفه

[khaldoon]

يعرفون من عنده فلوس ويدفع ويروحون له

انا جاني اتصال مال اللغات قلت تبوني ادرس عندكم حاضر كم تعطوني معاش شردوا

ههههههههههههه هذا اللي يقولونه جايين يبيعون الماي في حارة السقايين.... وقعوا مع الشخص الغلط يا الغالي

[khaldoon]

على هالدعايات المفروض خط الجوال مجاني

ايه والله معاك حق.... على الأقل لازم يكون في تعويض عن هذا الازعاج او حتى نقدر نحاسب اوورديو و نشتكي عليها

[khaldoon]

الصراحة انا موقن تماماً ان شركات الاتصالات خصوصاً تضحك على العميل وممكن ببساطة تسرب معلوماته، وممكن تساهم في تتبعه ولا احد يهمهم لان مفهوم الخصوصية في الميدل ايست مضروب جنبه.. لو الشركات هذي محترمة فالمفروض ما تتعاون حتى مع الحكومة على حساب خصوصيات الناس الا بامر قضائي.

لكن الغريب اني ما عاد تلقيت رسائل اعلانية وهذا شيء جداً غريب ولا اعرف السبب. يوصلني رسائل من مدارس العيال ومن الجهات الحكومية بس! لكن الأول حتى لولو هايبر يراسلني.

اعتقد انك لا تتعامل مع الفيس بوك ابدا... الفيس بوك مربوط طبعا مع الواتس اب.... الفيس بوك من خلال لوغاريتمياته يشوف انت ايش تحب و تهتم و يرسلك ... الفيس بوك بالاول كان همه يشوف اهتماماتك و يوفرها لك يعني سويت لايك لاعلان سيارة معينه بيصير يقول هذا المشترك بيهمه السيارات و ليل نهار يبعثلك عن السيارات او عن الطبيخ او عن الدايت او عن التوظيف او البحث عن عقارات او المطاعم او التسوق او دورات تعلم لغة انجليزيه ....الخ

الحين صار الفيسو بوك يبي يتحكم في مزاجك و يقودك مب انه يبي يخدمك و يبي هو يوجهك من خلال اعلاناته المكثفه عليك مع أي حركة تقوم فيها...مع أي لينك بتفتحه و بتدخل عليه من خلال الفيس بوك او الواتس اب و بيصير من خلال هذا اللينك يبعثلك مسجات و إعلانات عن هذا الموضوع

أيضا لو انت مب ليل نهار تعطي تليفونك للمحلات و المطاعم فأنت أيضا بخير و بعيد عن هذا الازعاج و القرف ... انا خايف تكون حسدت نفسك يا الغالي من خلال ما ذكرت بالاعلى ههههه

[sara jsm]

يعرفون من عنده فلوس ويدفع ويروحون له

انا جاني اتصال مال اللغات قلت تبوني ادرس عندكم حاضر كم تعطوني معاش شردوا

ههههههههههههههه عجيب والله

:
:

ممكن استحمل المسجات لكن الاتصالات لا مستحيل ..
اصرفهم بطريقه مهذبه لكن ان تكرر الموضوع ماعندي مشكله اتعامل معاهم بوقاحة ..
اهم شي ماانجبر اسمع عرض ولا اعلان انا مش في حاجته ..

:

اخوي خلدون انت حالتك حاله ههههههههههه والله مترصدين لك

[R 7 A L]

للامانة مستغرب !!

ليش منزعجين
هذا جزاهم انهم يعطونكم خبر سواء تخفيضات او عروض اوغيرها
لاحد يقول لي نصب
حتى اذا نصب يقدر الواحد يعرف

ترى مجرد مسج مادري وين الازعاج الي تحسون فيه حسستوني انكم في جزيرة بروحكم مافيها ازعاج

[معماري قطري]

للامانة مستغرب !!

ليش منزعجين
هذا جزاهم انهم يعطونكم خبر سواء تخفيضات او عروض اوغيرها
لاحد يقول لي نصب
حتى اذا نصب يقدر الواحد يعرف

ترى مجرد مسج مادري وين الازعاج الي تحسون فيه حسستوني انكم في جزيرة بروحكم مافيها ازعاج

رسائل مب مشكلة المشكلة لو اتصالات غثيثة وتحسهم لحوحين

[khaldoon]

ههههههههههههههه عجيب والله

:
:

ممكن استحمل المسجات لكن الاتصالات لا مستحيل ..
اصرفهم بطريقه مهذبه لكن ان تكرر الموضوع ماعندي مشكله اتعامل معاهم بوقاحة ..
اهم شي ماانجبر اسمع عرض ولا اعلان انا مش في حاجته ..

:

اخوي خلدون انت حالتك حاله ههههههههههه والله مترصدين لك


المسجات ممكن اتحملها على مضض بس أيضا انا افترض اني أتكلم مع ناس بروفيشنال و بتفهم و متحضرة .... قولت لا شكرا ما ابغي يعطيكم الف عافيه و بعدين؟؟!!!... ليش الاستمرار بالاتصالات و المسجات... يعني مثلا كثرة الالحاح بتخجلوني مثلا و الا بقبل اسوي جلسات ليزر للتنحيف مثلا؟...لا طبعا بل بتزيد و بتصيروا تتصلوا علي كل شوي على اخر التحديثات و التنقنيات اللي عندهم مع انهم كذابين طبعا.... انا اتصلت مرة استفسرت لعوزني بالمسجات و الاتصالات فما بالكم لو تعاملت معاهم كم شهر ....يا سلاااام رحنا وطي والله

انا بالاول أكون مهذب بس بعدين أكون في منتهى قلة الادب و الوقاحة مع الناس اللي ما تبي تفهم ولا تستوعب ولا تبي تنهي الموضوع

الحين بعد الطريقه اللي انا سويتها فيهم ما عادوا يتصلوا.... افكر انا اتصل اقولهم وينكم اشتقلت لكم ههههه

[khaldoon]

للامانة مستغرب !!

ليش منزعجين
هذا جزاهم انهم يعطونكم خبر سواء تخفيضات او عروض اوغيرها
لاحد يقول لي نصب
حتى اذا نصب يقدر الواحد يعرف

ترى مجرد مسج مادري وين الازعاج الي تحسون فيه حسستوني انكم في جزيرة بروحكم مافيها ازعاج

انا مبسوط انك طرحت هذه النقطه.... شوف يا الغالي و احكم بنفسك

في احد الأيام ارسلولي مسج يقولون لو تبي تسوي فيلر....... غثوني بالمسج بس اكتفيت بمسحها و اعتقد اني قدرت اسوي بلوك للرقم

بعدها بخمس دقايق والله وصلتني مسج ثانية من رقم ثاني أيضا عن الفيلر.... هنا حسيت بالتحدي و الاستعباط و قلة الادب... اقسم بالله فتحت عليهم خط و مثل الرشاش ابهدل و اسب و العن فيهم و اقولهم انتوا ما تستحون على دمكم...ما تميزون بين الزباين يعني انا اسمي مذكر على الأقل ابعثولي مسجات تخص الذكور مثل التنحيف و ابعثوا مسجات تخص الاناث بس انتوا لانكم ما تفهمون ولا تميزون لانكم مب بشر ترسلون للجميع... انا ايش علاقتي بالفيلر ... و من هالكلام ...والله العظيم مسحت فيهم الأرض لانهم ما يستحون و لا يفهمون و لا يميزون

هل حسيت سبب الانزعاج الان يا صديقي العزيز؟

[khaldoon]

رسائل مب مشكلة المشكلة لو اتصالات غثيثة وتحسهم لحوحين

قلة ادب و قلة ذوق و الله ياخذهم و يأخذ اللي اخترع التسويق اللي من هالشكل

أصلا حتى الالحاح في انك تعزم على الضيف انه ياكل لا يجوز اكثر من ثلاث و الا اعتبر اكراه.... الله يكرههم و يكره خلقه فيهم

[معماري قطري]

انا مبسوط انك طرحت هذه النقطه.... شوف يا الغالي و احكم بنفسك

في احد الأيام ارسلولي مسج يقولون لو تبي تسوي فيلر....... غثوني بالمسج بس اكتفيت بمسحها و اعتقد اني قدرت اسوي بلوك للرقم

بعدها بخمس دقايق والله وصلتني مسج ثانية من رقم ثاني أيضا عن الفيلر.... هنا حسيت بالتحدي و الاستعباط و قلة الادب... اقسم بالله فتحت عليهم خط و مثل الرشاش ابهدل و اسب و العن فيهم و اقولهم انتوا ما تستحون على دمكم...ما تميزون بين الزباين يعني انا اسمي مذكر على الأقل ابعثولي مسجات تخص الذكور مثل التنحيف و ابعثوا مسجات تخص الاناث بس انتوا لانكم ما تفهمون ولا تميزون لانكم مب بشر ترسلون للجميع... انا ايش علاقتي بالفيلر ... و من هالكلام ...والله العظيم مسحت فيهم الأرض لانهم ما يستحون و لا يفهمون و لا يميزون

هل حسيت سبب الانزعاج الان يا صديقي العزيز؟

عرفت المشكلة ألحين

أكيد يقولون هذي خلدون وحدة مدلعة وتدليع لإسم خلود .. ما لك الا تغير اسمك crazy

[معماري قطري]

قلة ادب و قلة ذوق و الله ياخذهم و يأخذ اللي اخترع التسويق اللي من هالشكل

أصلا حتى الالحاح في انك تعزم على الضيف انه ياكل لا يجوز اكثر من ثلاث و الا اعتبر اكراه.... الله يكرههم و يكره خلقه فيهم

أُسلوب غبي ومضيعة وقت لهم ولغيرهم

المشكلة هذي الطريقة تمشي على بعض الناس

من أيام كلموا أُم العيال شركة تنظيفات ويدعون إنهم بيسوون عرض مجاني قلت له أرجوج لتخلينهم يجون أقلها تجسس على البيت وكشف محتوياته والا كانت في طور الإتفاق

[khaldoon]

عرفت المشكلة ألحين

أكيد يقولون هذي خلدون وحدة مدلعة وتدليع لإسم خلود .. ما لك الا تغير اسمك crazy
ههههههههههههههههههههههههههههههههههههههههه

[khaldoon]

أُسلوب غبي ومضيعة وقت لهم ولغيرهم

المشكلة هذي الطريقة تمشي على بعض الناس

من أيام كلموا أُم العيال شركة تنظيفات ويدعون إنهم بيسوون عرض مجاني قلت له أرجوج لتخلينهم يجون أقلها تجسس على البيت وكشف محتوياته والا كانت في طور الإتفاق

لو خليت شركة التنظيفات يدخلون البيت بيسوون لك عرض لمدة لا تقل عن اربع ساعات و بيقلون لك انه الهوز تبع المكنسة العجيبة اللي عندهم هو نفسه الهوز اللي يستخدمونه رواد الفضاء في وكالة ناسا و انه هوز قوي جدا جدا و بيرشون لك ملح او سكر على السجاد او الموكيت و بيكنسوه علشان تشوف قوة المكنسة العجيبه و بيقولون لك كلام عجيب... انت لما تصحى من النوم يكون ريقك ناشف ليش.... علشان في حشرة دخلت بالفم و هالحشرة عايشة في السرير و المخدة و هم بيشفطونها بالمكنسة اللي كمان راح تكنس الستاير و الكنب

يعني بعد ما يغثوك بعرضهم علشان تنبهر بالمكنسه العجيبة اللي هي يعني عشرة بواحد و طبعا صعب جدا جدا جدا تركيبها يبيلها دكتوراه صدقني ما تفهم شي و انا اقولهم انا ما فهمت اشلون تفك و تركب اشلون الخدامة راح تفهم.....يقولي انا مستعد اجي كل يوم افهمها ههههههه

بيقولون لك سعرها بس 14000 ريال.... يا بلاش انت الكسبان و اعطينا تليفونات اصدقائك و قرايبك نسوي نفس العرض عندهم

[sara jsm]

ههههههههههههههههههههه
ههههههههههههههههههههههههه والله صح خلدون كل كلمة كتبتها صح

الله يلوع جبودهم .. قبل شركات التجميل يتصلون ان لج هديه مجانيه من صديقتج ..
والمشكله يطلبوني بالاسم الثلاثي هههههههههههه الله يغربلهم ..
الحمدلله من غيرت رقمي وماقمت اعطيه الا للمقربيين افتكيت من هالغثى ..

[معماري قطري]

الله المستعان لازم فيه لباقة وحدود أدب

[R 7 A L]

رسائل مب مشكلة المشكلة لو اتصالات غثيثة وتحسهم لحوحين

لا اذا اتصالات مشكلة خاصة وقت النوم

بوعبدالله اكيد للحين تذكر شلون هالطريقة في امريكا
مايتصلون هناك الا الفترة الصباحية
مادري هني نفسهم ولا لا؟

[R 7 A L]

انا مبسوط انك طرحت هذه النقطه.... شوف يا الغالي و احكم بنفسك

في احد الأيام ارسلولي مسج يقولون لو تبي تسوي فيلر....... غثوني بالمسج بس اكتفيت بمسحها و اعتقد اني قدرت اسوي بلوك للرقم

بعدها بخمس دقايق والله وصلتني مسج ثانية من رقم ثاني أيضا عن الفيلر.... هنا حسيت بالتحدي و الاستعباط و قلة الادب... اقسم بالله فتحت عليهم خط و مثل الرشاش ابهدل و اسب و العن فيهم و اقولهم انتوا ما تستحون على دمكم...ما تميزون بين الزباين يعني انا اسمي مذكر على الأقل ابعثولي مسجات تخص الذكور مثل التنحيف و ابعثوا مسجات تخص الاناث بس انتوا لانكم ما تفهمون ولا تميزون لانكم مب بشر ترسلون للجميع... انا ايش علاقتي بالفيلر ... و من هالكلام ...والله العظيم مسحت فيهم الأرض لانهم ما يستحون و لا يفهمون و لا يميزون

هل حسيت سبب الانزعاج الان يا صديقي العزيز؟

مع اني ما اعرف وش معنى فيلر
الا اني تذكر مركز صحي سويت عندهم من كم سنه تنظيف اسنان ولليوم يرسلون لي خصومات ليزر كامل ههههه

[khaldoon]

ههههههههههههههههههههه
ههههههههههههههههههههههههه والله صح خلدون كل كلمة كتبتها صح

الله يلوع جبودهم .. قبل شركات التجميل يتصلون ان لج هديه مجانيه من صديقتج ..
والمشكله يطلبوني بالاسم الثلاثي هههههههههههه الله يغربلهم ..
الحمدلله من غيرت رقمي وماقمت اعطيه الا للمقربيين افتكيت من هالغثى ..

الله يسعدك دايما .. فعلا كانوا يسوونها دايما.... يتصلون على البنات و يعرضون عليهم المنتج الخاص فيهم و لو البنت رفضت و أبدت عدم اهتمام يطلبون منها تعطيهم أسماء و ارقام تليفونات صديقاتها علشان يعرضون عليهم المنتج و نفس الشي مع الشباب في العروض المختلفه

على فكرة اختي مرة أعطت تليفوني لاحد و سويتله بلوك و نبهت عليها انها لو عادتها مرة ثانية راح اعطيها هي بلوك على التليفون و الفيس بوك هههههه

[khaldoon]

الله المستعان لازم فيه لباقة وحدود أدب

ايه والله انك صادق بس مين يحس و يفهم

[khaldoon]

مع اني ما اعرف وش معنى فيلر
الا اني تذكر مركز صحي سويت عندهم من كم سنه تنظيف اسنان ولليوم يرسلون لي خصومات ليزر كامل ههههه

الفيلر هو عبارة عن علاج تجميلي لأحد أعضاء الجسم دون اللجوء للتدخل الجراحي عن طريق الحقن، حيث يعمل على التخلص من العيوب التي تحدث للجلد، وله دور كبير في استعادة امتلاء الوجه الطبيعي للوصول إلى بشرة أكثر شباباً وحيوية وخالية من أي تجاعيد أو عيوب، ويستعمل الفيلر لتعبئة العديد من مناطق الجسم كالفم والذقن والأنف، بالإضافة إلى قدرته على علاج الهالات السوداء تحت العين.

طبعا في فنانين و مشاهير يسوون فيلر للظهور بمظهر اكثر شبابا