تسجيل الدخول

مشاهدة النسخة كاملة : معلومة طريفة عن نفسك !


شموخ دائم
02-01-2020, 01:09 PM
,

,

مرحبا

موضوع خفيف لكسر الروتين

أنا انولدت في ( سياره ) بين مدينه الخور ومدينه الدوحه على الطريق
:)
يعني مسقط راسي ( سياره بيجو )

الغريب بالموضوع
ان واحد كبير بالسن قالي انت الي انولدت في السياره
وانا كنت ( سائق السياره )
:)
كان زمان اهل قطر هم الي يسوقون ويعملون بكل الوظائف

الي عنده موقف طريف او معلومه طريفه عن نفسه او موقف يذكره ...



,

,
معماري قطري
02-01-2020, 03:52 PM
كان أحد شيابنا رحمة الله عليه يعتبر حارس شخصي للانجليز أيام شبابه وكلامك صحيح كثير كانوا سواقين وتعتبر مهنة رفيعة وقتها
sara jsm
03-01-2020, 12:35 AM
لا اله الا الله ههههههههههه شهالسالفه بعد اخوي شموخ :taunt:
مسكينه والدتك لها الجنة واجر عظيم ياااااارب ..
عيل شمكتوب في شهادة الميلاد ( محل الولادة ) ؟؟


موضوعك تحفه واللي بيملي الموضوع اخونا اللي فوق سوالفه حلوة :p
باحاول اتذكر سالفه رغم ان عندي سالفه شهيرة وانا بعمر الاربع سنوات في مركز الشرطة بس مااقدر اكتبها :shy::shy:

:
لي عودة باذن الله
كل الشكر لك على هالموضوع اللطيف ..
h9466
03-01-2020, 02:14 AM
فعلا موضوع كسر الروتين..
كنت مستعير سيارة صديق أيام الدراسة في الخارج وهذا الصديق يشبهني شوي فاخذت رخيصة سواقته على اساس أنها رخصتي. .وقفوني 2 من شرطة المرور اعطيتهم الرخصة شافوها واسمعهم يتكلمون بصوت واطي الا واحد منهم قال صاحب الرخصة هذا امس موقفينه ..
شموخ دائم
04-01-2020, 03:32 PM
,

,

مرحبا

اخوي معماري

ما نستغني عن مشاركاتك وسوالفك الطيبه

يقولون عندك سوالف وايد طمعانين نسمع

:)


من الأشياء الطريفه أيضا

كنت بالفريج لازم ادور على البيوت ( اكسر ) الليتات على السور الخارجي وعلى الأبواب
ما احب الاضاءه
:)
:)

احب الفريج مظلم

ههههه

,

,
شموخ دائم
04-01-2020, 03:43 PM
,

,


مرحبا

sara jsm

:)

الله يعطيها الصحه والعافيه

كانوا يسموني وانا صغير
( البيجو )
ههههه

لازم تشاركين هذا الموضوع اسمه كشف المستور :)

سبحان الله كل انسان في فتره من حياته مليئه بالتناقضات
والصدف الغريبه والمواقف

ول كم

,

,
سالم الزهران
04-01-2020, 11:21 PM
مساكم الله بالخير جميعاً
واشكر اخونا شموخ على الموضوع الجميل

في الصغر كان في الدكان منطاد صغير معلق وسط الدكان وكنت احسبه للبيع واتاريه جاي دعاية مع حليب بوني تقريباً او الماركة القديمة اللي فيها راس ولد شعرة اصفر.

مسكين يوم جمعت الفلوس طلع مب للبيع ..الله اعلم لو شريته شنو كنت بسوي به.
سالم الزهران
08-01-2020, 07:44 AM
مرة من المرات تعطلت ونا مسافر وكنت قريب من مكة المكرمة، المهم وقف لي واحد و ركبت معه وانا متعب من الطريق ومن التعطيل، المهم سألني من وين وعلمته.. ونت يالاخو من وين : قال انا مينون هههههه هذا اللي ناقصني.

الله يستر عليه ما كذب طلع فيه فخذ من حرب اسمهم الميانين .. والنسبة له مينوني .. لكن الرجل حب يداعب فحذف الياء الأخير. وانها تجري وتكون و الله يرحم ايام التسعينيات وشكثر مواقف تستوي في السفر.
sara jsm
15-01-2020, 09:09 AM
للرفع :)
شموخ دائم
18-01-2020, 06:04 PM
,


,

مرحبا



h9466


منور الغالي

يخلق من الشبه أربعين
:)
دائما الصدف تكون عجيبه أحيانا

منور


,

,
شموخ دائم
18-01-2020, 06:07 PM
,

,


مرحبا



سالم الزهران


منور اخوي

أيام جميله تلك الفتره أيام الصبا والقلوب الطيبه والنيات السليمه

,

,
سالم الزهران
25-07-2020, 03:07 PM
كنت في ماضي الزمان اهوى شراب الشيشه والبكت.. بس علم علي محمد البقري وكسب فيني أجر
sara jsm
11-10-2020, 04:18 PM
مساء الخير ..
نجدد المشاركات ونرفع الموضوع .. :)
:
:
من وانا صغيرة دايما كنت اتهاوش مع الصبيان في الفريج ..
كنت احسهم اعداء لنا ( احنا بنات الفريج ) :strong:
:
ايام حرب الخليج وايد عراقيين وكويتيين جاو قطر واستقروا فيها ..
سنة 94 تقريبا ً كان عندنا واحد في الفريج اسمه ( أحمدو العراقي ) عنده سيكل بس مانشوفه وايد ..
في يوم من الايام كنا نلعب سباق في الشارع وهو قام يخرب علينا ( مستلعن )..
لين وقفت له وماتحركت من مكاني وهو يهدد انه بيدعمني ان ماوخرت ..
:
في لحظة وحدة حسيت دارت فيني الدنيا ماوعيت الا السكان في نص حلجي ..
وشعري متشربك في الصنقل :cry2:
اذكر من قوة الموقف امي اطلعت لي لين الشارع ودخلتني البيت وانا كلي كدمات وركبتي دم
وهي تضربني :happy: وانا مظلومة والله ..
سالم الزهران
12-10-2020, 06:43 AM
^^
هذي فعلاََ معلومة طريفة :)
وقريتها من امس وصرفت علي ضحك وايد.
sara jsm
12-10-2020, 12:29 PM
:waiting: عادي كلنا انضربنا واحنا صغار ..
ya3coub
17-01-2021, 01:25 PM
مساء الخير ..
نجدد المشاركات ونرفع الموضوع .. :)
:
:
من وانا صغيرة دايما كنت اتهاوش مع الصبيان في الفريج ..
كنت احسهم اعداء لنا ( احنا بنات الفريج ) :strong:
:
ايام حرب الخليج وايد عراقيين وكويتيين جاو قطر واستقروا فيها ..
سنة 94 تقريبا ً كان عندنا واحد في الفريج اسمه ( أحمدو العراقي ) عنده سيكل بس مانشوفه وايد ..
في يوم من الايام كنا نلعب سباق في الشارع وهو قام يخرب علينا ( مستلعن )..
لين وقفت له وماتحركت من مكاني وهو يهدد انه بيدعمني ان ماوخرت ..
:
في لحظة وحدة حسيت دارت فيني الدنيا ماوعيت الا السكان في نص حلجي ..
وشعري متشربك في الصنقل :cry2:
اذكر من قوة الموقف امي اطلعت لي لين الشارع ودخلتني البيت وانا كلي كدمات وركبتي دم
وهي تضربني :happy: وانا مظلومة والله ..

قاعد اتخيل escape
sara jsm
12-10-2021, 04:31 PM
مساء الخير ..

من جم من يوم وانا اجهز الغدا تذكرت سالفه وانا صغيرة ..

‏https://i.top4top.io/p_2111w7wrl2.gif (https://top4top.io/)

وانا صغيرة يمكن لي ست سنوات في بيتنا الشعبي القديم .. كنت اقعد الصبح بالمطبخ مع امي الله يحفظها ..
احط لي قطعه كرتونه واقعد عالارض واتريق وهي تطبخ ..
وكذا مرة تكون تطبخ ومسكرة عالجدر وتطلع تكمل شغلها برع المطبخ ..
وتصير هالحركة اللي بالصورة ..

( البخار يرفع الغطى ويرجع ينزله ) :( وكنت اخاااااف واصارخ ( ان في وحش بيطلع من الجدر ) :happy: واحسه يطالعني من فتحة الجدر :cry2:

وامي المسكينه مب متعلمه وماتعرف تشرح لي ان هذا من بخار الاكل .. كانت تفتح الجدر وتقول مافيه شي .. وماتصدقني :(
:
💔
سالم الزهران
12-10-2021, 05:45 PM
مساء الخير
احتمال ترجع لج الحالة خصوصاََ اذا بقيت تظلمينا :pardon:
معماري قطري
12-10-2021, 05:57 PM
مساء الخير ..
نجدد المشاركات ونرفع الموضوع .. :)
:
:
من وانا صغيرة دايما كنت اتهاوش مع الصبيان في الفريج ..
كنت احسهم اعداء لنا ( احنا بنات الفريج ) :strong:
:
ايام حرب الخليج وايد عراقيين وكويتيين جاو قطر واستقروا فيها ..
سنة 94 تقريبا ً كان عندنا واحد في الفريج اسمه ( أحمدو العراقي ) عنده سيكل بس مانشوفه وايد ..
في يوم من الايام كنا نلعب سباق في الشارع وهو قام يخرب علينا ( مستلعن )..
لين وقفت له وماتحركت من مكاني وهو يهدد انه بيدعمني ان ماوخرت ..
:
في لحظة وحدة حسيت دارت فيني الدنيا ماوعيت الا السكان في نص حلجي ..
وشعري متشربك في الصنقل :cry2:
اذكر من قوة الموقف امي اطلعت لي لين الشارع ودخلتني البيت وانا كلي كدمات وركبتي دم
وهي تضربني :happy: وانا مظلومة والله ..

كان توقعي صح وانج راعية مشاكل ( بلطجية )
معماري قطري
12-10-2021, 06:01 PM
سالفة ذكرتها لي جدتي الله يرحمها .. كان عمري سنتين وولدت أُمي بتوأم علي وخالد وأول ما شفتهم تقول قلت بيه جماعة
معماري قطري
12-10-2021, 06:06 PM
مساء الخير ..

من جم من يوم وانا اجهز الغدا تذكرت سالفه وانا صغيرة ..

‏https://i.top4top.io/p_2111w7wrl2.gif (https://top4top.io/)

وانا صغيرة يمكن لي ست سنوات في بيتنا الشعبي القديم .. كنت اقعد الصبح بالمطبخ مع امي الله يحفظها ..
احط لي قطعه كرتونه واقعد عالارض واتريق وهي تطبخ ..
وكذا مرة تكون تطبخ ومسكرة عالجدر وتطلع تكمل شغلها برع المطبخ ..
وتصير هالحركة اللي بالصورة ..

( البخار يرفع الغطى ويرجع ينزله ) :( وكنت اخاااااف واصارخ ( ان في وحش بيطلع من الجدر ) :happy: واحسه يطالعني من فتحة الجدر :cry2:

وامي المسكينه مب متعلمه وماتعرف تشرح لي ان هذا من بخار الاكل .. كانت تفتح الجدر وتقول مافيه شي .. وماتصدقني :(
:
��

سالفة صارت لبنتي بغت فلوس قلت روحي داخل اخذي من مخباي وغامرت ودخلت وكان ظلام نور خفيف بس وهي بتطلع جات الغترة على ويهها تحسبها شبح وتدوس له وتدعم الباب وتطيح على الأرض تشتكي من ظهرها .. ما قالت لنا ليش خافت بس ما قدرت تتحرك وخفت عليها طلبت الإسعاف وصورناها أشعة وضحك الدكتور قال هذي خايفة والا ما فيها شيء .. بعدين اعترفت بسالفة الشبح
sara jsm
12-10-2021, 09:05 PM
قاعد اتخيل escape

اتحمل مني :strong


مساء الخير
احتمال ترجع لج الحالة خصوصاََ اذا بقيت تظلمينا :pardon:

ههههههههه محد مظلوم غيري :this:


كان توقعي صح وانج راعية مشاكل ( بلطجية )

حاضرين للفزعه :whistling:


سالفة ذكرتها لي جدتي الله يرحمها .. كان عمري سنتين وولدت أُمي بتوأم علي وخالد وأول ما شفتهم تقول قلت بيه جماعة

:happy::happy: مستغرب من الطقم
sara jsm
12-10-2021, 09:10 PM
سالفة صارت لبنتي بغت فلوس قلت روحي داخل اخذي من مخباي وغامرت ودخلت وكان ظلام نور خفيف بس وهي بتطلع جات الغترة على ويهها تحسبها شبح وتدوس له وتدعم الباب وتطيح على الأرض تشتكي من ظهرها .. ما قالت لنا ليش خافت بس ما قدرت تتحرك وخفت عليها طلبت الإسعاف وصورناها أشعة وضحك الدكتور قال هذي خايفة والا ما فيها شيء .. بعدين اعترفت بسالفة الشبح

انا متاكدة ان هذا قرينك :happy: .. حاطه حارس على مخباتك عشان ماتضيع منك الآنه ..
الف سلامة عليها .. اتوقع اخر مرة تطلب منك فلوس :happy:
sara jsm
12-10-2021, 09:21 PM
معماري ذكرتني بسالفه يوم احنا صغار ..
كانوا اخواني وعيال خالي وخالتي يلعبون لعبه مع الجن ..
( ان شخص واحد يكون منسدح عالارض ويجون حوله اربعه لعيبه يقولون كلمات سريه ويرفعون المنسدح بصبعين بمساعدة الجن )
عاد دايما يخلوني انا الشخص المنسدح :happy: ويرفعوني بصبعين ومن اضحك الجني يزعل ويطيحوني عالارض ..
طبعا لازم يكون الوقت مافيه آذان والغرفه ظلمة والجمهور مايتكلم ولا كلمة :strong ماادري اشلون كنت العب هالالعاب ..
والحين من اسمع ولدي يصفر اقوله اسكت بيجونك الجنانوه :oops:
النهار
12-10-2021, 10:11 PM
للرفع
سالم الزهران
13-10-2021, 07:17 AM
سالفة ذكرتها لي جدتي الله يرحمها .. كان عمري سنتين وولدت أُمي بتوأم علي وخالد وأول ما شفتهم تقول قلت بيه جماعة
معناه توايرك منسمة من ذاك الوقت


للرفع

ارفعنا بوحدة من قاموسك يا نهار السعد
معماري قطري
13-10-2021, 11:17 AM
للرفع

شفت شلون يالنهار حتى ألعابها وهي صغيرة ما فكرنا نسويها .. يعني اعترفت ومهيأه وهي صغيرة للتعامل حتى مع الجن .. المشكلة سحرت كل إدارة المنتدى
معماري قطري
13-10-2021, 11:21 AM
معناه توايرك منسمة من ذاك الوقت



ارفعنا بوحدة من قاموسك يا نهار السعد

جاوا بعدهم بعد توأم محمد وجاسم .. جاسم توفى عمره أيام ومحمد حول 3 سنين أذكره زين وحلمت به ينظف ابوي الله يرحمه وابوي عليه شوية غبار .. التوأم الثاني شيابنا كانوا يقولون حق ابوي مرتك مبروكة وصكوهم بعين .. والتوائم مختلفين مب متشابهين
معماري قطري
13-10-2021, 11:24 AM
انا متاكدة ان هذا قرينك :happy: .. حاطه حارس على مخباتك عشان ماتضيع منك الآنه ..
الف سلامة عليها .. اتوقع اخر مرة تطلب منك فلوس :happy:

عاد انا مسكين منهوب وهذي ملسونة كله تقول من قال لك تجيب عيال إدفع
sara jsm
13-10-2021, 03:33 PM
شفت شلون يالنهار حتى ألعابها وهي صغيرة ما فكرنا نسويها .. يعني اعترفت ومهيأه وهي صغيرة للتعامل حتى مع الجن .. المشكلة سحرت كل إدارة المنتدى

:sneaky::sneaky: على الاقل انا ماذبحت الحيوانات وشنقتهم
ولا حطيت الجراخيات جدام بيوت الشيبان :anger2:


عاد انا مسكين منهوب وهذي ملسونة كله تقول من قال لك تجيب عيال إدفع

احيّها على الرد ههههههههه هذي فيها من جيناتي :o
سالم الزهران
16-10-2021, 02:07 PM
اقشر كيلو بصل اسرع من تقشير بيضه وحدة:secret:
sara jsm
17-10-2021, 06:17 PM
اقشر كيلو بصل اسرع من تقشير بيضه وحدة:secret:

ههههههههههه تصدق اني مااعرف اكسر البيضه بدون ماينزل معاها قشر بسيط :strong ..
sara jsm
26-11-2021, 11:23 PM
وعد الحر دين .. :)

كنت في الابتدائي يمكن ثالث او رابع .. وصارت سالفه بالمدرسه وطلبتني الادارة اكون شاهدة ..
وقالت لي المديرة بالحرف الواحد (( باجر اشتري لج عروسه كبييييرة )) .. طلعت من عندها وانا اقول حق البنات عن الهدية اللي بتجيني وانها كبيرة … وجاء ثاني يوم وانا واقفه جدام باب الاداره عشان الهديه بس محد عبرني ..
وكل يوم المديرة تدخل وانا واقفه عشان تشوفني ( عشان العروسة الكبيرة ) لكن ولا كانها وعدتني بشيء..

هالسالفه للحين في بالي لان الاطفال ماينسون ولاتوعدونهم بشي لانهم يتمون ينتظرون … :(

:
قبل سنتين كنا متنقصين لجيرانا أكل برمضان ..
وولدي راح وداه لهم .. عاد شافه جارنا المطوع وساله انت تصوم ؟
قاله لا .. قاله انزين باجر صوم وباعطيك هدية ..
وتحمس ولدي وهو صف اول ابتدائي .. وتم صايم لين قبل المغرب بدقايق ..
لكنه ماتحمل وافطر على ماي … قالي باروح لجارنا اقوله اني صمت :unsure:
فقلت له خلاص انت صمت للاجر مب للهديه .. لكنه تم مصر انه يروح ويقول له .. وجارنا من الاساس مادرى عنه بس كان يشجعه ..
ثاني يوم شريت بنفسي هدية وقلت له ان جارنا طرشها :( ..

خفت على مشاعره من هالمواقف .. :( عشان جذي اوعدكم بالجوايز ولا تشوفونها ..
متعقده من وانا صغيرة :taunt:
سالم الزهران
27-11-2021, 06:32 AM
:app:
الهدية من المدرسة لها معنى ثاني
أبوماجد
22-03-2022, 07:41 AM
أول كانت بيبان بيوتنا الخارجية عبارة عن باب كبير وداخله باب صغير ندخل ونطلع منه

وفي أحد الأيام كانت بنت الجيران بترجع بيتهم ووصتني الوالدة الله يحفظها أوصلها عند الباب

رُغم أن اللي بينا وبينهم طوفة ، ولما طلعَت هي من الباب الصغير وأغلقت الباب وراها ما انتبهت حق صبعي

وشوي إلا صبعي الإبهام منقطع ومعلّق وماسكته جلدة ، وما مداني أدخل الصالة إلا ابوي الله يرحمه داخل وراي !!

رغم أنه وقت دوام " لكن رحمة ربك سُبحانه" وعلى طول وداني رميلة في الرويال صالون "تويوتا" الزرقا :)

يمكن كان عُمري 6 أو 7 سنوات ، لكن الله يرحمه من نحتاج له كان يتواجد بشكل عجيب "لا إله إلا الله"
sara jsm
22-03-2022, 08:40 AM
استغفر الله العظيم :happy:
اظنك كرهت بنت وبيت جيرانكم كله :strong
أبوماجد
22-03-2022, 09:13 AM
استغفر الله العظيم :happy:
اظنك كرهت بنت وبيت جيرانكم كله :strong

لا لا ههههه واعليّة عليها الفقيرة .. هِي أيضاً كانت ضحية في أحَد الأيام .. وكان يا ما كان في قديم الزمان :

جات جارتنا الله يذكرها بالخير "أُم حمد" تسأل عَن بنيَّتها "نفس البنت اللي سكّرت الباب على يدي" وقاموا يدورونها

هِي وأمي الله يحفظها ، ما لقوها وطلعوا برّع في الحوش ، لقوا شويّة شَعَر على الأرض !!!!! وتموا يمشون وراه

نفس اللي يقَص الثّر !! وقادهم الشعر لين ورا البيت !! لقوا واحد مِن اخواني الصغار ماسك مقَص ويقرّض في شعرها

وهِي وياه يهال وأظنتي قبل أيام المدارس حتى !! وعاد اخذي عتب جارتنا على أُمي المسيكينة اللي ما عاد لها ويه قدامها :)

طبعاً البنت قرعوها "واعلية عليها" لأن المسكينة صارت تقريبا نفس قحطة اللي في درب الزلق !! هههههههههههههههه
سعود.
22-03-2022, 11:21 AM
لا لا ههههه واعليّة عليها الفقيرة .. هِي أيضاً كانت ضحية في أحَد الأيام .. وكان يا ما كان في قديم الزمان :

جات جارتنا الله يذكرها بالخير "أُم حمد" تسأل عَن بنيَّتها "نفس البنت اللي سكّرت الباب على يدي" وقاموا يدورونها

هِي وأمي الله يحفظها ، ما لقوها وطلعوا برّع في الحوش ، لقوا شويّة شَعَر على الأرض !!!!! وتموا يمشون وراه

نفس اللي يقَص الثّر !! وقادهم الشعر لين ورا البيت !! لقوا واحد مِن اخواني الصغار ماسك مقَص ويقرّض في شعرها

وهِي وياه يهال وأظنتي قبل أيام المدارس حتى !! وعاد اخذي عتب جارتنا على أُمي المسيكينة اللي ما عاد لها ويه قدامها :)

طبعاً البنت قرعوها "واعلية عليها" لأن المسكينة صارت تقريبا نفس قحطة اللي في درب الزلق !! هههههههههههههههه


هههههههههههههه ( قحطه )
أبوماجد
22-03-2022, 12:07 PM
هههههههههههههه ( قحطه )

ههههههههههههه بالضبط وحرفياً اخوي الحبيب ســعــــــود :)

انت بَس تخيّل ويه أمها الغاضب مِن الصدمة !! وويه أمي المصدوم أيضاً ولكن مافي أي تأمين وراك !!! ههههههههههههههه
سعود.
22-03-2022, 02:31 PM
ههههههههههههه بالضبط وحرفياً اخوي الحبيب ســعــــــود :)

انت بَس تخيّل ويه أمها الغاضب مِن الصدمة !! وويه أمي المصدوم أيضاً ولكن مافي أي تأمين وراك !!! ههههههههههههههه


هههههههههههه
sara jsm
22-03-2022, 05:21 PM
لا لا ههههه واعليّة عليها الفقيرة .. هِي أيضاً كانت ضحية في أحَد الأيام .. وكان يا ما كان في قديم الزمان :

جات جارتنا الله يذكرها بالخير "أُم حمد" تسأل عَن بنيَّتها "نفس البنت اللي سكّرت الباب على يدي" وقاموا يدورونها

هِي وأمي الله يحفظها ، ما لقوها وطلعوا برّع في الحوش ، لقوا شويّة شَعَر على الأرض !!!!! وتموا يمشون وراه

نفس اللي يقَص الثّر !! وقادهم الشعر لين ورا البيت !! لقوا واحد مِن اخواني الصغار ماسك مقَص ويقرّض في شعرها

وهِي وياه يهال وأظنتي قبل أيام المدارس حتى !! وعاد اخذي عتب جارتنا على أُمي المسيكينة اللي ما عاد لها ويه قدامها :)

طبعاً البنت قرعوها "واعلية عليها" لأن المسكينة صارت تقريبا نفس قحطة اللي في درب الزلق !! هههههههههههههههه

ياررررربي :no:
الحمدلله انكم مب جيرانه ..
صج صدمة مع كف هههههههههه
أبوماجد
23-03-2022, 01:32 PM
ياررررربي :no:
الحمدلله انكم مب جيرانه ..
صج صدمة مع كف هههههههههه

تصدقين عاد .. أنا متحسف بعد ولا كنت حطيت صمغ سوبر قلو في شعرك بدل المقص !! crazy

يا بنت الحلال قريت الموضوع وخصوصاً لعبكم وانتوا صغار مع الينانوة !! وتضربين الأولاد !! لا ويسمونكم جنس لطيف بعد :looking:
sara jsm
23-03-2022, 06:59 PM
تصدقين عاد .. أنا متحسف بعد ولا كنت حطيت صمغ سوبر قلو في شعرك بدل المقص !! crazy

يا بنت الحلال قريت الموضوع وخصوصاً لعبكم وانتوا صغار مع الينانوة !! وتضربين الأولاد !! لا ويسمونكم جنس لطيف بعد :looking:

مينونه اكون لطيفه معاكم واصير قحطة رقم 2 :sneaky:
محد يقدر علي في الفريج .. صبيوه على قولتهم :shy:
أبوماجد
24-03-2022, 09:06 AM
مينونه اكون لطيفه معاكم واصير قحطة رقم 2 :sneaky:
محد يقدر علي في الفريج .. صبيوه على قولتهم :shy:

بصراحة معاك حق للأمانة لأن الطيبة شي والسذاجة شي ثاني ؛

ولكن للطفولة برائة عجيبة وتلقائية وعفويّة ، وما لم يكون الطفل تحت جناح والديه يروح فيها

وكان ياما كان في قديم الزمان ... لما بديت أسوق السيارة كنت أحب الطرق الطويلة وأسَرّي فيها بالليل

أول سيارة سقتها كانت بيكم نيسان عراوي ، وكنت طالع في الليل على طريق الشمال وطبعا ما كانت فيه إنارات

فقط ضوء المركبة ، وأنا متجه شمال كنت مسرع وحاط القير في رابع ( طبعا ما كان في خامس ) وقبل لفة الخور

لمحت سوادة على الخط وكل ما أقترب وأقترب تبين لي بأنه آدمي يقطع الشارع !! لفيت يمين لَف معاي !!! لفيت شمال

أيضاً لَف معاي !! وعلى سنتي أقترب أكثر وأكثر شفته مَد يديه الثنتين وشخَص بعيونه (بَحلَق) وكأنه ناطر صدمة السيارة !!

"والحمد لله" كنت في حاسيتي رَغم الرُّعب والفزع الشديد جداً وأدركت في لحظتها بأنه متيبّس وغير قادر على الحركة !!

لفيت يمين شوي شوي وأمر جنبه بسلام "يالله فضلك ورحمتك يالله" وشلت رجلي من على ريس السيَارة وبعد لحظات

شفت في المنظرة الوسطية وراي ولقيته لا يزال متجمّد مكانه !! شوي وأشوفه يتلفت يمين وشمال ويرررركض وكأن

ردّت فيه الروح !! الله ستر علي وعليه ورحمني أنا ويّاه ولا كنت باروح فيها !! لأن في يوم من الأيام وفي أحَد الفرجان

دست على قطو ركض قدامي فجأة وفنقش لكن تميت حوالي 3 أيام ما هنأ لي نوم !! والسؤال كيف لو كان آدمي ؟؟!!
sara jsm
24-03-2022, 10:10 AM
:happy: :happy:

ذكرتني بوماجد لما كنت اتدرب عالسواقه كنت ( ماشاءالله علي ) سريعه في التعليم ..
وفي مرة رحنا المحطة نعبي بترول .. وللاسف ماكنت مركزة وين فتحته البترول ..
كل مااضغط تفتح لي البانه هههههههه واحاول اكون ثابته عالكلج والبريك لين بالغلط تحركت رجولي ودست بترول والله كنت بادوس عامل المحطة بس نقز مثل الغزال ونط الجهه الثانية .. و ربك ستر لان المدربه تحتها بريك احتياطي :strong
قالت لي شووو بدك تروحيه للرجااال :this:
:
الحمدلله الحين السيارات صار متطورة أكثر :o
توشيبا
24-03-2022, 10:25 AM
انا كنت اكشخ واروح للمدرسه

واكتشف اني لابس الثوب فوق جلابيه النوم

بعد تكرار الحاله ضبطت نفسي وعرفت علاج فعال





اخذت جلابيه نوم لون ابيض ككككككككككككككككككككك:fight:
توشيبا
24-03-2022, 10:30 AM
,

,

مرحبا

موضوع خفيف لكسر الروتين

أنا انولدت في ( سياره ) بين مدينه الخور ومدينه الدوحه على الطريق
:)
يعني مسقط راسي ( سياره بيجو )

الغريب بالموضوع
ان واحد كبير بالسن قالي انت الي انولدت في السياره
وانا كنت ( سائق السياره )
:)
كان زمان اهل قطر هم الي يسوقون ويعملون بكل الوظائف

الي عنده موقف طريف او معلومه طريفه عن نفسه او موقف يذكره ...



,

,


اخ لو تعرف وين مولود انا

يارجل حتى شهاده ميلاد والله ماعندي

رحت اقدم ابغي اطلع شهاده طلع لي مكتوب وين مكان المولد فيه كتبت مع اسم الممرضه

جاني رفض وتهديد بعدم ازعاجهم في الصحه

^
في السعوديه مكان ميلادي بس وين فيه بالضبط هاذي المصيبه
أبوماجد
24-03-2022, 10:36 AM
:happy: :happy:

ذكرتني بوماجد لما كنت اتدرب عالسواقه كنت ( ماشاءالله علي ) سريعه في التعليم ..
وفي مرة رحنا المحطة نعبي بترول .. وللاسف ماكنت مركزة وين فتحته البترول ..
كل مااضغط تفتح لي البانه هههههههه واحاول اكون ثابته عالكلج والبريك لين بالغلط تحركت رجولي ودست بترول والله كنت بادوس عامل المحطة بس نقز مثل الغزال ونط الجهه الثانية .. و ربك ستر لان المدربه تحتها بريك احتياطي :strong
قالت لي شووو بدك تروحيه للرجااال :this:
:
الحمدلله الحين السيارات صار متطورة أكثر :o

ههههههههههههههههه ، الحمد لله "رحمة ربّك"

أما سالفة زر البترول والبانة تتكرر مع كل سيارة جديدة أو مُستعارة أو مأجرة :)

ما لها حَل أبداً :(
أبوماجد
24-03-2022, 10:41 AM
انا كنت اكشخ واروح للمدرسه

واكتشف اني لابس الثوب فوق جلابيه النوم

بعد تكرار الحاله ضبطت نفسي وعرفت علاج فعال





اخذت جلابيه نوم لون ابيض ككككككككككككككككككككك:fight:

سالفة الميلاد أخوي ( تـــوشــيــبــــــا ) عجيبة فعلاً ، ولكــن سالفة الجلابية ( ما فيك حيلة ) هههههههههههههه عسى الله يسعدك "فعلا تُحفة" :app2:
سالم الزهران
29-03-2022, 09:51 PM
انا كنت اكشخ واروح للمدرسه

واكتشف اني لابس الثوب فوق جلابيه النوم

بعد تكرار الحاله ضبطت نفسي وعرفت علاج فعال





اخذت جلابيه نوم لون ابيض ككككككككككككككككككككك:fight:

هههههههههخ توشيبا فلازم تكون بطل
أبوماجد
30-03-2022, 09:40 AM
احنا مِن أهل منطقة شرق ومن الناس اللي عاشوا بالقرب مِن المناطق الساحلية ، كانت البيوت صغيرة نسبياً

ولكن ياهي كبيرة في عيونا يوم كنا صغار ، ومحوَر البيت كان جدّتي مِن ابوي الله يرحمهم وبعدها ابوي وعَمامي

ثم العيال وهُم احنا وعيال العم ، سُبحان الله لما يطرح البركة في شي فمهما قل أو صغر ( راح يزيد ويكبر) بالبركة،

كثير مِن القصص والسوالف صارت ومنها سالفة خبرتني عنها أمي الله يحفظها ، أن الوالد الله يرحمه كان يحب

النظافة بشكل مُبالغ فيه ، وفي أحَد الأيام وهُو كاشخ وطالع للشغل، شوي إلا رجَع للحجرة وقد راشقَة عليه "تكرمون"

حمامة مِن حمام ولد عمي الكبير !! وكان الله يرحمه معصّب جداً، ويقوم وياخذ الصجمة ويطلع في حوش البيت

ويثوّر على حمام ولد عَمّي كل ابوهم وحدة ورا الثانية !! والوالدة تحاول وياه وطبعاً "اذن مِن طين وأذن مِن عجين"

وهو يقول لها "ليش يرشقون عَلي؟" ههههههههه الله يرحمهم ؛ مسكين ولد عَمي زعل على شان الحَمَام :cry2:
سالم الزهران
15-06-2022, 08:33 PM
مساء الخير

من الكوارث اللي جفتها ونا صغير يوم سافرت عند عمامي اللي ساكنين بالمدن، إني وجدت مرة كتالوج مال خيايط كله صور موديلات نسائية، لا أخفيكم إنه تمنيت أشتكي عليهم من كثر ما أنا شايفه منكر كبير.

كنا نختلف عن حالنا اليوم، الآن نتجنب فضول النظر بمجاهدة نفس، ذاك الوقت كانت فطرتنا نقية ونفوسنا ما باقي تلوثت وتبلدت بالحضارة والمادية.
sara jsm
16-06-2022, 04:42 PM
كتالوج مال خيايط كله صور موديلات نسائية،

هالكتالوج بالذات عمرهم ماضبطوا موديل من داخله ..
بس محطوط عالفاضي هههههههه

:

الله يرحمه شموخ دائم .. نزل هالموضوع ولا عاد شفنا مشاركته ..
نبي معماري يتحفنا بسوالف ميامي :pic:
الشرق العربي
29-08-2022, 08:52 PM
وانا صغيرة كنت راقدة . المهم قطع الكهرب و البيت كلو ظلام مافي اي بصيص ضوء
المهم صحيت قعدت اصارخ
اقووووول انا انعميت
هههههههههه
سالم الزهران
31-08-2022, 04:48 PM
ونا صغير مسكت قطو صغير بعد ولا فكيته حتى حزة النوم، جلست ماسك فيه،، لكني رقدت و شرد القطو.. الله فكه :)
sara jsm
01-09-2022, 05:23 PM
وانا صغيرة كنت راقدة . المهم قطع الكهرب و البيت كلو ظلام مافي اي بصيص ضوء
المهم صحيت قعدت اصارخ
اقووووول انا انعميت
هههههههههه


:happy: :happy:

انا صارلي العكس ( لما كنت البس نظارة )
كنت رايحة حفله وحاطه عدسات ورجعت ونمت من التعب ..
لما قعدت وشفت اني اشوف الدنيا بوضوح استانست عبالي رجع لي نظري :happy: الحمدلله والشكر
سالم الزهران
08-09-2022, 05:25 PM
مساء الخير
أول مرة سافرت وغبت عن بيتنا فترة طويلة كان ف بيت خالي جهاز حاسوب وكان على طلعته في وسط التسعينيات، فحصلت برنامج الرسام وقدرت ارسم شكل بيتنا باستخدام المربعات، حتى السماء والنجوم رسمتها وبنفس الموقع اللي تظهر فيه.. العجيب كنت أتأثر بالرسمة واجلس اتأملها.
سالم الزهران
22-09-2024, 05:39 PM
مساء الخير
أول مرة سافرت وغبت عن بيتنا فترة طويلة كان ف بيت خالي جهاز حاسوب وكان على طلعته في وسط التسعينيات، فحصلت برنامج الرسام وقدرت ارسم شكل بيتنا باستخدام المربعات، حتى السماء والنجوم رسمتها وبنفس الموقع اللي تظهر فيه.. العجيب كنت أتأثر بالرسمة واجلس اتأملها.

مشاهدة أي بيت قديم او مسجد تثير الذكريات، رمضانات كان الافطار بالحوش، صلوات و شيّاب زعلانين بسبب وبغير سبب و اي سيارة مسرعة ممكن يوقفونه ويزفونه، مجتمع تلقائي مجتمع حباب مجتمع يحافظ على نفسه رغم غياب وسائل الاتصال والاعلام الهدام، مجتمع لا يتم تجاوز الابو ولا الأم. مجتمع فيه الجيران.. رحم الله الجيران ومساهماتهم وطيبتهم.
النهار
01-10-2024, 08:08 AM
:happy: :happy:

انا صارلي العكس ( لما كنت البس نظارة )
كنت رايحة حفله وحاطه عدسات ورجعت ونمت من التعب ..
لما قعدت وشفت اني اشوف الدنيا بوضوح استانست عبالي رجع لي نظري :happy: الحمدلله والشكر

:funny: