هل ثبات سعر سهم بلدنا دليل قوة او ضعف؟

[فريج النجادة]

شباب ماذا يعني ثبات سعر
سهم بلدنا
هل هو دليل قوة
و ارتفاع
او دليل ضعف و نزول؟

[معماري قطري]

دليل غموض يضاف لغموض سوقنا

[فريج النجادة]

مع الأسف كلامك صحيح

[المزن الرياني]

دليل ان الصانع اذا وده شي .. بيصير

[فريج النجادة]

يعني فية امل للارتفاع

[الـمـرقاب]

اللي صاير ان محافط محلية قاعده تشتري من اللي يبيعون، علشان مايطيح تحت سعر الاكتتاب
وجهة نظري الشخصية: هذا مؤشر ضعف للسهم، ويدل ان المساهمين فاقدين الثقه في السهم وفي الشركة
مع العلم ان عمليات البيع لازالت مستمرة من تاريخ ادراج الشركة!!!

كان المفروض المحافظ المحلية اللي قاعده اليوم تلم في الاسهم اللي تنباع، تضخ سيولة اول يوم ادراج لرفع السهم
على الاقل 2 او 3%، كان هالشي بيزيد ثقة المساهمين بالسهم وبعدها يخلون السوق هو يحدد مسار السهم

[المزن الرياني]

اللي صاير ان محافط محلية قاعده تشتري من اللي يبيعون، علشان مايطيح تحت سعر الاكتتاب
وجهة نظري الشخصية: هذا مؤشر ضعف للسهم، ويدل ان المساهمين فاقدين الثقه في السهم وفي الشركة
مع العلم ان عمليات البيع لازالت مستمرة من تاريخ ادراج الشركة!!!

كان المفروض المحافظ المحلية اللي قاعده اليوم تلم في الاسهم اللي تنباع، تضخ سيولة اول يوم ادراج لرفع السهم
على الاقل 2 او 3%، كان هالشي بيزيد ثقة المساهمين بالسهم وبعدها يخلون السوق هو يحدد مسار السهم


أحتمال تجميع بس بسياسة تطفيش
ياتبيع بسعر الأكتتاب أو انتظر ارتفاع السهم الي بعلم الغيب

[alhurmsi]

العوامل اللي ماسكه سعر السهم
1- صانع السهم
2- توزيع الأرباح
3- المحافظ المحليه
وليس من صالح مجلس الإدارة هبوط السهم في هذي الفترة حتى لا يفقد قيمته ويهبط تحت سعر الاكتتاب

[المدمر]

قوة قوة مع تحسن السيولة في السوق بيكون افضل بكثير من الان

[الشمال-1]

صبحكم الله بالخير يالربع
هذا السهم غريب ولا مر علي نفس حركته فالسوق
من يوم الادراج هو ثابت سعره ولا يتغير لا في هبوط او ارتفاع
والمشكله انه سهم مب قوي ولين الحين ثابت سعره نفس الاكتتاب