اجازة رعاية احدى الوالدين قانون الموارد البشريه

[الروقي]

السلام عليكم ورحمة الله
اخواني الاعزاء ممكن اي واحد عنده فكره ماهي الطريقه لتقديم اجازة رعاية احدى الوالدين او مايسمى رعاية عاجز لدي الوالده الله يشفيها ويشفي مرضى المسلمين عندها تقرير بانها تحتاج لاحد ان يقوم برعايتها بشكل دائم ولديها تقرير من مستشفى حمد بذلك ممكن اي واحد عنده فكره يعلمني كيف الطريقه لتقديمها اكون شاكر له جهة العمل في الداخليه مدني انتظر ردود الطيبين
شكرا لكم جميعا

[qatari911]

وافق مجلس الوزراء على مشروع قرار مجلس الوزراء بشأن إجازة رعاية أحد الوالدين أو الأقارب.

ويقضي المشروع بأنه يجوز منح الموظف القطري إجازة لرعاية أحد الوالدين أو الأقارب حتى الدرجة الثانية منذوي الإعاقة أو المصابين بأمراض تستوجب ملازمتهم بصفة دائمة بناء على تقرير من الجهة الطبية المختصة .

جاء ذلك خلال الاجتماع العادي الذي ترأسه معالي الشيخ عبدالله بن ناصر بن خليفة آل ثاني ، رئيس مجلس الوزراء وعقده المجلس صباح اليوم بمقره في الديوان الأميري.

https://al-sharq.com/article/24/04/2019/%d9%85%d8%ac%d9%84%d8%b3-%d8%a7%d9%84%d9%88%d8%b2%d8%b1%d8%a7%d8%a1-%d9%8a%d9%88%d8%a7%d9%81%d9%82-%d8%b9%d9%84%d9%89-%d9%85%d8%b4%d8%b1%d9%88%d8%b9-%d8%a8%d8%b4%d8%a3%d9%86-%d8%a5%d8%ac%d8%a7%d8%b2%d8%a9-%d8%b1%d8%b9%d8%a7%d9%8a%d8%a9-%d8%a3%d8%ad%d8%af-%d8%a7%d9%84%d9%88%d8%a7%d9%84%d8%af%d9%8a%d9%86-%d8%a3%d9%88-%d8%a7%d9%84%d8%a3%d9%82%d8%a7%d8%b1%d8%a8



ان شاء الله يفيدونك الاعضاء

[الروقي]

جزاك الله خير اخوي qatari911

[الامير]

نبي نعرف احد قدم وعطو الاجازه رعايه الوالدين ولا بعد واسطاات ع القانون .....

[style]

لفه طويله مريت فيها يمكن اكثر من ثلاث شهور ولجنه ومقابله
فالنهاية يتم الرفض
لاتعب نفسك ،،واللي يقول واسطات نعم واسطات

[فريج النجادة]

الى الان لم يتم اعتماد الاجازة مع الاسف

[الروقي]

الله المستعان ليش اصبح كل شي عندنا بالواسطه وماتقدر تاخذ حقك الابالواسطه شنو صار لاحول ولاقوة الابالله

[الروقي]

اخوي style من وين التقديم من العمل نفسه ولا من وين وكيف الصيغه الله يسلمك وشنو المطلوب مع الكتاب
انتضر منك الرد اخي العزيز

[وليف الشوق]

الى الان لم يتم اعتماد الاجازة مع الاسف

غلطان اخوي وانا اعرف حالات استفادت من اجازة رعاية اطفالها المعاقين واللي اعرفه تروح لوزارة التنمية الادارية وهناك تقدم كتاب ويرسلون كتاب لرئاسة مجلس الوزراء ومن هناك يجي خطاب الاجازة بالموافقه

[الروقي]

غلطان اخوي وانا اعرف حالات استفادت من اجازة راعية اطفالها المعاقين واللي اعرفه تروح لوزارة التنمية الادارية وهناك تقدم كتاب ويرسلون كتاب لرئاسة مجلس الوزراء ومن هناك يجي خطاب الاجازة بالموافقه

شكرا اخوي
بس ممكن تفيدني شنو المطلوب والكتاب موجه لمن

[style]

غلطان اخوي وانا اعرف حالات استفادت من اجازة رعاية اطفالها المعاقين واللي اعرفه تروح لوزارة التنمية الادارية وهناك تقدم كتاب ويرسلون كتاب لرئاسة مجلس الوزراء ومن هناك يجي خطاب الاجازة بالموافقه
بدون لجنه وبدون مقابله وموعد لمقابله اللجنه؟
هل انت مريت بهالشي ولا سمعت ههههههه
ناقصة تفاصيل وأيد الشيخ
انت شكلك العهدة على الراوي
لو ان الموضوع بهالسهواله ،،الكل بيقدم عيل

[وليف الشوق]

بدون لجنه وبدون مقابله وموعد لمقابله اللجنه؟
هل انت مريت بهالشي ولا سمعت ههههههه
ناقصة تفاصيل وأيد الشيخ
انت شكلك العهدة على الراوي
لو ان الموضوع بهالسهواله ،،الكل بيقدم عيل

ماراح ارد عليك اخوي اذا كان اسلوبك بهالطريقة واعتذر عن الرد لكن انا مريت بهالشي ومن واقع تجربة

[برشلوني قطر]

شكرا اخوي
بس ممكن تفيدني شنو المطلوب والكتاب موجه لمن


شوف اخوي اذا كانت الاجراءات مثل اجازة الامومة. بعطيك الخطوات من واقع تجربة

اول شي تاخذ التقارير من مستشفى حمد وترجمهم من مكان معتمد مثل مكتبة الجامعة وتودي الاصل مع الترجمة لجهة العمل..وبعدها يخاطبون الموارد البشرية والموارد البشرية ترسل كتاب للصحه .. طبعا الصحه عندهم لجنة لذي الامور وياخذون لك موعد وعادة مواعيدهم تتأخر لكثرة الحالات..وتدخل اللجنه وبعدها بكم يوم تطلع تاخذ الرد يا بالموافقة او الرفض ويردون ع جهة عملك وبعدها يرفعونه للوزير في حالة الموافقة ويتم الاعتماد.

موفق ياخوي والله يسهل امورك

[style]

ماراح ارد عليك اخوي اذا كان اسلوبك بهالطريقة واعتذر عن الرد لكن انا مريت بهالشي ومن واقع تجربة
اقراء المشاركه اللي بعد مشاركتك ،،،أما انك تقول كتاب للوزير وبعدها الموافقة لا ياخوي،،،هذا تآليف الله يسلمك اللي تقوله

[برشلوني قطر]

تفضل اخوي هذا التعميم والشرح كامل لاجازة رعاية الوالدين

ويبتدي العمل بالقانون من تاريخ 10/2/2020 ماحطيت الكتاب الرئيسي لسبب مكتوب عليه




https://www10.0zz0.com/2020/01/20/06/957799501.jpg (https://www.0zz0.com)

https://www10.0zz0.com/2020/01/20/06/759317939.jpg (https://www.0zz0.com)

https://www9.0zz0.com/2020/01/20/06/593296000.jpg (https://www.0zz0.com)

[ممنوع اللمس]

يتطبق على العساكر والمدنيين او بس المدنيين الي عنده خبره يفيدنا