المساعد الشخصي الرقمي

مشاهدة النسخة كاملة : ما هي افضل طريقة للبيع و الشراء وقت توزيع الارباح


فريج النجادة
14-01-2020, 09:07 AM
ما هي افضل طريقة للبيع و الشراء وقت توزيع الارباح

ولكم جزيل الشكر
معماري قطري
14-01-2020, 01:20 PM
حط أمر وبيع أو حط أمر واشتر ما اتوقع فيه طريقة ثانية
فريج النجادة
15-01-2020, 10:11 AM
هل الافضل الشراء عند اعلان الارباح او الشراء قبل اعتماد الارباح؟
Ahmed86
15-01-2020, 03:14 PM
هلا فيك، حسب خبرتي المتواضعه في السوق ، و الشباب هنا ابخص

لازم تشتري قبل الجمعيه العمومية (يوم توزيع الارباح) بـ 2-3 شهور على الاقل ، لأن اللي يصير يوم توزيع الارباح ان السهم ينزل بنسبة توزيع الارباح

مثلا السهم سعره 10 ريال و اعلنوا ارباحه نص ريال ،، بعد توزيع النص ريال يوم الجمعية ، تلاقيه ثاني يوم نازل لـ 9.5

بعض الاسهم ترجع لسعر الـ 10 خلال ايام و بعضها ما تشوفه الا لين قرب وقت التوزيعات اللي بعدها
حمــد
15-01-2020, 07:31 PM
هذا موسم قطف الثمار مافي مجال للشراء حتى لو في مضاربات سريعه فقط ولكن بحرص
الـمـرقاب
15-01-2020, 08:42 PM
الدخول الحين مغامرة لأن غالبية الاسهم واصله فوق ترقبا للنتايج النهائية والتوزيعات
الافضل الانتظار إلى مابعد التوزيعات
فريج النجادة
22-01-2020, 12:25 PM
الدخول الحين مغامرة لأن غالبية الاسهم واصله فوق ترقبا للنتايج النهائية والتوزيعات
الافضل الانتظار إلى مابعد التوزيعات

يعني نشتري بعد توزيع الارباح و نزل السهم ؟
adell
22-01-2020, 01:39 PM
المشكله ان اذا سهم وزع جيد بعد التوزيع بينزل ال وزعه واكثر فالافضل تشوف الاسهم ال متوقع ان توزع جيد وادخل بها قبل التوزيع لانه راح يرتفع واطلع قبل التوزيع وارجع ادخل بعد التوزيع هاي وجهة نظري في اسهم توزع جيد نفس صناعات وقود الوطني اوريدو اعمال بروه كهرماء
Ahmed86
22-01-2020, 03:06 PM
يعني نشتري بعد توزيع الارباح و نزل السهم ؟

المخاطر اقل اذا اشتريت بعد توزيع الارباح و السهم نازل

و لا تشتري في سهم نتايجه تسود الوجه مهما كان مغري
معماري قطري
22-01-2020, 04:34 PM
المخاطر اقل اذا اشتريت بعد توزيع الارباح و السهم نازل

و لا تشتري في سهم نتايجه تسود الوجه مهما كان مغري

صحيح بس يبغي لك تتربص تحصل السهم بسعر مناسب

الريان وصل خلال شهر 7 اللي راح لحد 3.4 على ما اذكر ورجع وصل ل 4.23 أمس .. إرتفاع بحدود 83 درهم ويمكن وصل أقل خلال السنة .. 83 درهم على السعر الأساسي 3.4 تعطينا 24% خلال ست شهور تقريباً + لو صبرت شوي ممكن تحصل 22.5 درهم تضيفها لحدود 80 درهم اللي جمعتها كقيمة سوقية بتكون مدخل ربح مضمون 22.5 درهم من استثمارك الأساسي 3.4 ريال وهو يعادل 6.6% وبتقدر تبيع بعد التوزيع ممكن بسعر 4 ريالات لو نزل بقيمة التوزيع وكان قبل التوزيع 4.2 وقد يكون قبل التوزيع 5 وكل شيء جايز طول ما فيه دافع واقبال وشراء

بعض الاسهم لؤطة مثل ما يقولون المصريين وسوقنا ألحين مقبل على انتعاش بإذن الله لو الظروف تهيأت أكثر يعني ممكن ما نشوف الأسهم اللي نموها جيد ترجع مثل العام لأسعار سحيقة ويمكن بعد التوزيع تواصل الارتفاع كما حصل مع كثير أسهم قيادية خلال العام
فريج النجادة
29-01-2020, 11:39 AM
ما هي افضل الفرص وقت توزيع الارباح
معماري قطري
29-01-2020, 02:34 PM
ما هي افضل الفرص وقت توزيع الارباح

سؤالك صعب .. الأول أمس كان قريب لمت داون واليوم لمت أب .. يعني اللي شرى أمس على أقل سعر وباع اليوم على أعلى سعر حصل 10% على السريع ومثل هذي الفرص يتصيدون لها المضاربين .. يمكن يستمر الارتفاع ويمكن بكرة يحول لمت داون

اللي دخل على الريان حول 4.2 وهو متوقع يواصل الارتفاع خسر ونزل السهم لكن بإذن الله مع اقتراب التوزيع يوصل لحدود 4.4 أو 4.3 .. ومستحيل حد يجزم باتجاه سهم أو السوق ككل كلها تحليلات وتوقعات