شفيكم علينا يا أشغال أهل قطر شوي

[معماري قطري]

ملاحظة لي فترة الاحظها واستوت في ازدياد ملحوظ وهي إن أي مقاول يخلص شغله يخلي حواجز اسمنتية أو بلاستيكية لايثة في الشارع .. صحيح هي على جنب بس ما تبين خصوصاً في الليل

من أيام واحد اصطدم بحاجز بلاستيكي والاصابة جات قوية في عينه .. سيارته لكزس فورويل واخوي بالصدفة وراه يقول إن عينه وايد وايد تأثرت وكلنا نعرف كيف هذي الحواجز سهل يحركها الهواء

ما خلاني أاخر ملاحظتي قلت يمكن عندهم شغل باقي بس آمر على هذي الشوارع شهور ولا تغير الوضع وهي في معيذر كثيرة وفي العزيزية بعد انتهاء مشاريع الطرق هناك .. أكيد مشاريع الطرق مجزأة بس ملاحظتي عن اللي انتهت وما بقت الا الحواجز ذكرى لإنتهاء مشروع

اليوم بالصدفة اشوف صف طويل جنب الرصيف لا عليه نور يوضح إنه حاجز ولا شيء .. إسمنتي كأنه شيطان مختفي متربص بالسيارات .. بعد شوي دخلت زنقة ( زقاق ) داعوس بالقطري لا وفي آخره اشارة بس قبل الاشارة حاطين صف قطع بلاستيكية يفصل الاتجاهين .. صحيح حاطينهم على الخط الوسطي ومحد أصلاً يسوق ومتمرس بيمشي على هذا الخط بس الله أعلم واحد حرك حاجز أو جني أو الهواء ودخل في مساري حول مترين وزين قدرت اتفاداه في اللحيظات الأخيرة

القصد هذي كثرت وايد ولو بتتبرعون لي بمهندس مفتح يحب يشوف باراويه اللي اقصده

[معماري قطري]

القصد من ذكري للسيارة بأنها من أأمن السيارات لكن سايقها اصيب اصابة خطرة واتمنى له الشفاء العاجل واحتمال كبير ما كان متحزم .. الخطأ هنا ليس من السائق ولا الحزام الخطأ من وضع عائق في الطريق قد يتسبب في حادث وجه لوجه أو ما يسمى اصطدام بعائق شبه ثابت

[Dana’1]

أعتقد لو يدفعونهم تعويضات معتبره بالكاش للناس إلي تعرضوا لحادث بسبب إهمالهم للمعدات أو عدم إتخاذ كافة إجراءات السلامة بموقع العمل سواء للعاملين أو مرتادين الطرق و المشاريع
من ثم تقصد من مسؤل الموقع والعاملين عليه خصوصا المسؤل عن أهمال ماتسبب بالحادث
و إذا تكرر الخطأ من نفس المسئول و الموظف يحبس ويدفع تعويض
لكان ضبطوا أمورهم و أهتمو لأقل و أدق التفاصيل

[Rider]

هذا شعار خلاص تعودنا عليه يعني بكره لو بتختفي هالحواجز مب مصدقين وبنشتاق لها هههههههههه

[السكين]

أنا بصراحة أتسائل ليش ما يحطوّا بالحواجز البلاستيكية ماء نفس قبل ؟ وليش صاروا جداً يضيقوا ممر الشوارع رغم أنهم ماخذين جزء كفاية عن حاجتهم للأعمال ؟.

[معماري قطري]

أعتقد لو يدفعونهم تعويضات معتبره بالكاش للناس إلي تعرضوا لحادث بسبب إهمالهم للمعدات أو عدم إتخاذ كافة إجراءات السلامة بموقع العمل سواء للعاملين أو مرتادين الطرق و المشاريع
من ثم تقصد من مسؤل الموقع والعاملين عليه خصوصا المسؤل عن أهمال ماتسبب بالحادث
و إذا تكرر الخطأ من نفس المسئول و الموظف يحبس ويدفع تعويض
لكان ضبطوا أمورهم و أهتمو لأقل و أدق التفاصيل

كلام صحيح الوضع زاد عن حده

وايد نشوف عند لفات أصلاً ضيقة ووايد استوينا نشوفهم في منتصف طريق سرعته 80 وأوقات 100 .. انا اعتبرهم تخزين في الموقع ومسؤولة عنه الادارة الهندسية المتراخية .. شيسوي السايق إذا أوقات شخص يسوق ماخذ مسار مب له ومسكر نص المسار اللي فيه هذا الحاجز .. وأوقات المضايقة هذي فجائية مما قد يتسبب في حادث قوي وأكيد صارت حوادث ما رصدنا منها الا واحد

[معماري قطري]

أنا بصراحة أتسائل ليش ما يحطوّا بالحواجز البلاستيكية ماء نفس قبل ؟ وليش صاروا جداً يضيقوا ممر الشوارع رغم أنهم ماخذين جزء كفاية عن حاجتهم للأعمال ؟.

للأعمال الوضع غير يحطون ليتات تبرق واشارات اللي اقصدها هذي اللي يخزنونها على طرف الطريق احتياط لأن ممكن ينطلب منهم تعديل على شغل منتهي أو استعداد لشغل قادم بس تبقى شهور على نفس الوضع بدون لافتات تحذيرية وبدون أصلاً داعي لوجودها في طرف الشارع .. ممكن تخزن في أي أرض فاضية وشكثر عندنا أراضي فاضية

[معماري قطري]

هذا استهتار بالأرواح والممتلكات ولازم يبي له وقفة

[khaldoon]

أنا بصراحة أتسائل ليش ما يحطوّا بالحواجز البلاستيكية ماء نفس قبل ؟ وليش صاروا جداً يضيقوا ممر الشوارع رغم أنهم ماخذين جزء كفاية عن حاجتهم للأعمال ؟.

البحر يحب الزيادة يا بشمهندس ههههه

[khaldoon]

صراحة موضوع مهم جدا جدا و خطير ..... يشكل خطر على سلامة السيارات و أصحابها....و منظر بشع جدا ما فيه أي جمالية بالموضوع

الحواجز الخرسانية و البلاستيكية مكسره و مستهلكة و العاكس اللي عليها ما عاد يعكس مما يشكل خطر كبير في الليل .... اقرب مثال شوفوا الحواجز الخرسانية اللى على طريق الوعب ....ذكرت لكم هالكلام في احد الملاحظات السلبية

إبقاء الحواجز الخرسانية و البلاستيكيه على طول منظر بشع جدا ويحسسك انه كل شوارع البلد تحت الانشاء في نفس الوقت ....المنظر ما كان حلو مع بطولة كأس الخليج الصراحة

الحواجز البلاستيكية لازم يتم تعبئتها ماء و لو يبون يوفرون يعبونها رمل المهم انها تضل ثابته ما تطير مع الريح و تصير في نص الشارع

أيضا لما توضع كم قطعة من الحواجز الخرسانية فوق بعض على الرصيف بيصيروا أطنان من الوزن مع انه المتر المربع الواحد من الرصيف غير مصمم لهذا الوزن الهائل ابدا بل لو لوزن بسيط جدا لانه مب مكان مزدحم مثل المعارض او السيارات و هذا احد أسباب هبوط الارصفه و بتصير هذه الهبوطات عبارة عن برك ماء مع المطر و هذا الهبوط يعرض اللي يمشي للخطر و أيضا يعيق حركة المشاة على الرصيف و ينزلون للمشي على الشارع نفسه

[معماري قطري]

أنا بصراحة أتسائل ليش ما يحطوّا بالحواجز البلاستيكية ماء نفس قبل ؟ وليش صاروا جداً يضيقوا ممر الشوارع رغم أنهم ماخذين جزء كفاية عن حاجتهم للأعمال ؟.

الجواب على سؤالك لأن حواجزهم رقيقة وكلها مخرمة من تحت وأي ماي بيصبونه بيسيل في الشارع .. وسمعت تبرير من مهندس مدير طرق في أشغال بأن هذي أوامر مدير المرور حتى تصير خفيفة وما تكون صدمتها مؤثرة .. ما ادري من مهندس الأمان والمسؤول ألحين

[معماري قطري]

صراحة موضوع مهم جدا جدا و خطير ..... يشكل خطر على سلامة السيارات و أصحابها....و منظر بشع جدا ما فيه أي جمالية بالموضوع

الحواجز الخرسانية و البلاستيكية مكسره و مستهلكة و العاكس اللي عليها ما عاد يعكس مما يشكل خطر كبير في الليل .... اقرب مثال شوفوا الحواجز الخرسانية اللى على طريق الوعب ....ذكرت لكم هالكلام في احد الملاحظات السلبية

إبقاء الحواجز الخرسانية و البلاستيكيه على طول منظر بشع جدا ويحسسك انه كل شوارع البلد تحت الانشاء في نفس الوقت ....المنظر ما كان حلو مع بطولة كأس الخليج الصراحة

الحواجز البلاستيكية لازم يتم تعبئتها ماء و لو يبون يوفرون يعبونها رمل المهم انها تضل ثابته ما تطير مع الريح و تصير في نص الشارع

أيضا لما توضع كم قطعة من الحواجز الخرسانية فوق بعض على الرصيف بيصيروا أطنان من الوزن مع انه المتر المربع الواحد من الرصيف غير مصمم لهذا الوزن الهائل ابدا بل لو لوزن بسيط جدا لانه مب مكان مزدحم مثل المعارض او السيارات و هذا احد أسباب هبوط الارصفه و بتصير هذه الهبوطات عبارة عن برك ماء مع المطر و هذا الهبوط يعرض اللي يمشي للخطر و أيضا يعيق حركة المشاة على الرصيف و ينزلون للمشي على الشارع نفسه

ما همنا رصيفهم هم من كسلهم يحطونها في الشارع في طرف الشارع وأمس هذا تجرأ وايد حط الحواجز بدون رمل ولا ماء في الوسط بين مسارين عند الإشارات ولو حصلت فرصة باصور وباحط الصورة

[معماري قطري]

هذا شعار خلاص تعودنا عليه يعني بكره لو بتختفي هالحواجز مب مصدقين وبنشتاق لها هههههههههه

هلا اخوي رايدر

الحواجز ضرورية لمكان العمل وباجراءات سلامة هندسية مب عشوائية .. هذي مخزنة على طريق البشر وهذا الشيء يقهر .. حتى اسبوع المفروض ما تبقى بعد افتتاح الشارع تنشال أول بأول

[h9466]

ملاحظتك أخونا العزيز معماري بسيطه مقارنة ياللي شفته وهو يكون الطريق 3 حارات وطريق سريع وفجأة يصير حارتين بالعوازل البلاستيكية والسيارات مسرعة

[الحياة الخالدة]

كلامك صحيح أخوي بوعبدالله
ياكثرهم في شوارعنا .. مادري هم مخلينهم مسمار جحا .. سواء شغلهم خالص والا للحين ما خلصوه
ويتمون مدة طويلة ماتدري هم بيردون والا مب رادين .. ومب معقولة يكونون ناسيينهم ..
يعني غير إنهم يشوهون شكل الشوارع .. الأهم هي النقطة اللي ذكرتها وهي خطورتهم على السائقين
صج أنا استغرب .. معقولة يعني المسؤولين ما يشوفونها .. والا بالنسبة لهم شي عادي
ياليت حد منهم يتكرم هو بنفسه .. أو عالأقل يكلف شخص ثاني يدور على كل المناطق ويشوف كمية الحواجز والكجرة المقطوطة من غير أي داعي

[معماري قطري]

ملاحظتك أخونا العزيز معماري بسيطه مقارنة ياللي شفته وهو يكون الطريق 3 حارات وطريق سريع وفجأة يصير حارتين بالعوازل البلاستيكية والسيارات مسرعة

إذا بدون اشارات وتحذيرات قبل بمسافة هذي جريمة في حق الطريق وشفت بعض المقاولين يسونها لأن العقاب مب رادع والمتابعة مفقودة

[معماري قطري]

كلامك صحيح أخوي بوعبدالله
ياكثرهم في شوارعنا .. مادري هم مخلينهم مسمار جحا .. سواء شغلهم خالص والا للحين ما خلصوه
ويتمون مدة طويلة ماتدري هم بيردون والا مب رادين .. ومب معقولة يكونون ناسيينهم ..
يعني غير إنهم يشوهون شكل الشوارع .. الأهم هي النقطة اللي ذكرتها وهي خطورتهم على السائقين
صج أنا استغرب .. معقولة يعني المسؤولين ما يشوفونها .. والا بالنسبة لهم شي عادي
ياليت حد منهم يتكرم هو بنفسه .. أو عالأقل يكلف شخص ثاني يدور على كل المناطق ويشوف كمية الحواجز والكجرة المقطوطة من غير أي داعي

متبرع اوديهم لو يبون واوضح لهم

يتوقعون محد بيشتكي ولو اشتكى حد عندهم ردود .. صدقيني ما ابالغ لو قلت بشوف عيوني في مدينة تعتبر صغيرة في أمريكا يشتغلون بعد الساعة 9 لين 5 الصبح ويحطون حواجز معتبرة ويشتغلون في التوسعة جهة الجزيرة الوسطى الصبح يرجعون الحواجز في خارج الطريق ويتركون كل الحارات مفتوحة ويكررون العملية في الليل والحواجز مب بلاستيكية خرسانة ثقيلة وبدايته ميلان شوي شوي حتى ما تتسبب في اصطدام مباشر .. بعدين قبل بمسافة لافتات تحذيرية شكثر وليتات .. وفوق هذا سيارة الشرطة دوم واقفة تتابع شيسوون والكل عارف شغله لو حد خالف معروف من يحاسبه

[معماري قطري]

ملاحظتك أخونا العزيز معماري بسيطه مقارنة ياللي شفته وهو يكون الطريق 3 حارات وطريق سريع وفجأة يصير حارتين بالعوازل البلاستيكية والسيارات مسرعة

هي صحيح بسيطة مقارنة ببعض المخالفات الكبيرة بس نهائياً ما لها داعي ومعرفتي بكبار مسؤولين أشغال ما يسمحون بهالشيء بس معقولة ما يمرون في الشوارع اللي امر فيها

[R 7 A L]

لو بنسفيد منها في العزب كان أخذناها
منها نفك الناس من شرها ومنها نستفيد منها

[qatari911]

جات على عليها
اشغال والشركات الثانيه مافيه اي تعاون او تخطيط
لم يسون شارع جديد بعد فتره يتسكر ويرجع يحفرون فيه
اشغال نفسهم او الكهرماء او اوريدو فلازم يكون فيه تعاون كهرماء تخلص شغلها وبعدها اوريدو بعدين اشغال تعدل الطريق بدل الفوضى الي تصير

[راعي الكورفت]

القصد من ذكري للسيارة بأنها من أأمن السيارات لكن سايقها اصيب اصابة خطرة واتمنى له الشفاء العاجل واحتمال كبير ما كان متحزم .. الخطأ هنا ليس من السائق ولا الحزام الخطأ من وضع عائق في الطريق قد يتسبب في حادث وجه لوجه أو ما يسمى اصطدام بعائق شبه ثابت

الله يشفيه يارب.

انا اشوف هالحواجز بشكل شبهه يومي واتعودت عليها لكن عمري مادعمتها لاني منتبه على الشارع.

اغلب الشباب الصغير بالعمر يفتحون السناب ويسوقون ويصورون وانشغاله في الموبايل هوالسبب الرئيسي وراء الحوادث.

[معماري قطري]

لو بنسفيد منها في العزب كان أخذناها
منها نفك الناس من شرها ومنها نستفيد منها

احس انهم مستغنين عنها ومبتلشين فيها .. مقاولينا يفترض متأهلين وعندهم امكانيات ومناطق تخزين ووراهم متابعة ورقابة صارمة من أشغال لكن الواقع عكس ذلك .. يمكن المقاول اللي يسوي هذا الشيء مكتبه سيارته والفاكس في بيته وتلفون العمل جوال وعماله يلقطهم من السوق ومبتلش بهالحواجز وبيخليها سنة في الشارع لين يحصل مشروع ثاني يستفيد منها فيه

[معماري قطري]

الله يشفيه يارب.

انا اشوف هالحواجز بشكل شبهه يومي واتعودت عليها لكن عمري مادعمتها لاني منتبه على الشارع.

اغلب الشباب الصغير بالعمر يفتحون السناب ويسوقون ويصورون وانشغاله في الموبايل هوالسبب الرئيسي وراء الحوادث.

اللي صار له الحادث رجال كبير في أواخر الثلاثينات وصراحة صعب تشوف خيال رصاصي والا قطع بلاستيكية مغبرة ما يبين الأحمر من الأبيض منها عدل في الليل .. بعدين شحادك يالسايق تركز كل هذا التركيز إنت تمشي في الطريق متوقع خلوه من أي بروزات وعوائق تتفاجأ بقطعة محركها الهواء لوسط الشارع والا مسكرة مسار كامل

يكفينا بعض المتخرعين اللي كله بريكات بدون سبب وتكفينا المطبات والحفر والمنهولات المرتفعة .. صحيح في فريجنا منهولين الكل يتفادهم ويدخل المسار المقابل .. منهول سكروه وعدلوه والظاهر شخص اشتكى أما ثاني جدام مدرسة إقرأ قرب بيتي له حول سنتين وللحين محد مر عليه

[بوخالد911]

يفترض الدفعة الأخيرة للشركة المنفذة يتم تأخيرها لحين التأكد من إتمام العمل وعلى أكمل وجه من قبل الاستشاري.

[معماري قطري]

يفترض الدفعة الأخيرة للشركة المنفذة يتم تأخيرها لحين التأكد من إتمام العمل وعلى أكمل وجه من قبل الاستشاري.

ما تنفع هالطريقة .. كل الدوائر الحكومية تتأخر في الدفع وهذا يخلي التجار يرفعون أسعارهم وايد بحيث أما يضمنون يطلعون ربحهم من الدفعات الأُولى أو يكونون صاموا وما افطروا على بصلة .. بعدين تستوي تدخلات وتجاوزات من المسؤولين وان المسؤولين منعوا التجاوز كبار المسؤولين ما يقصرون

إذا يا اخوي شركة فلان ضامنة العطاء بطرق التوائية حتى لو سعرها عالي كل شيء يكون في المخبأ الفوقي بعد

[معماري قطري]

حتى القانون فيه ثغرات شكثر وأوقات مقاول يرفع قضية على الحكومة ويكسبها

[SouthK]

التقصير وارد و خاصة مع غياب الدور الرقابي و التنظيمي من أشغال و مختلف الجهات المسؤولة عن اعمال الطرق .. عادة يتم وضع الحواجز لحماية الاعمال من دخول السيارات او توفير ممنفذ للسيارات اللي تطلع من الموقع.

يوميا اشوف حواجز في مختلف الشوارع و أرجو ان يكون وضع الحواجز مؤقت لان للاسف الحوادث يومية بسبب وجودها في اماكن غير واضحة و احيانا ما يكون الحاجز نفسه ظاهر من مسافة تسمح للسايق بتجاوزه و منا إلى أشغال!

[معماري قطري]

التقصير وارد و خاصة مع غياب الدور الرقابي و التنظيمي من أشغال و مختلف الجهات المسؤولة عن اعمال الطرق .. عادة يتم وضع الحواجز لحماية الاعمال من دخول السيارات او توفير ممنفذ للسيارات اللي تطلع من الموقع.

يوميا اشوف حواجز في مختلف الشوارع و أرجو ان يكون وضع الحواجز مؤقت لان للاسف الحوادث يومية بسبب وجودها في اماكن غير واضحة و احيانا ما يكون الحاجز نفسه ظاهر من مسافة تسمح للسايق بتجاوزه و منا إلى أشغال!

أوقات تكون طالع من لفة ودايس وجنبك سيارة تمشي مثل السلحفاة وتلف عليك يسار شوي شوي تبي تطوفها وتخلص موضوعك تتفاجأ بالحواجز يسارك ماكله جزء حتى لو بسيط من الشارع بس لازم تكون ثاقب البصر وسريع التصرف

ما قصرت وضحت اللي ابي اوضحه .. في أماكن ما تتوقعها ولا لسبب .. والله اليوم شفتها في كم مكان

[SouthK]

أوقات تكون طالع من لفة ودايس وجنبك سيارة تمشي مثل السلحفاة وتلف عليك يسار شوي شوي تبي تطوفها وتخلص موضوعك تتفاجأ بالحواجز يسارك ماكله جزء حتى لو بسيط من الشارع بس لازم تكون ثاقب البصر وسريع التصرف

ما قصرت وضحت اللي ابي اوضحه .. في أماكن ما تتوقعها ولا لسبب .. والله اليوم شفتها في كم مكان

من كم شهر دعمت في حاجز كان عمليا مخشوش عن البشر و الشارع بدون اضاءة و طلعت غلطان في السالفة !!!

اليوم و انا طالع صوب الوسيل من روضة الحمامة لقيتهم مسكرين مسار و فاتحين المسار اللي يوديك على خط الخور الساحلي باتجاه الدوحة .. هو شي جيد ان الاهتمام بتوفير حماية للموقع لكن السيء هو طول قترة الاغلاق بحواجز ذات جودة سيئة و بدون أدنى فاعلية للسلامة العامة.

[معماري قطري]

من كم شهر دعمت في حاجز كان عمليا مخشوش عن البشر و الشارع بدون اضاءة و طلعت غلطان في السالفة !!!

اليوم و انا طالع صوب الوسيل من روضة الحمامة لقيتهم مسكرين مسار و فاتحين المسار اللي يوديك على خط الخور الساحلي باتجاه الدوحة .. هو شي جيد ان الاهتمام بتوفير حماية للموقع لكن السيء هو طول قترة الاغلاق بحواجز ذات جودة سيئة و بدون أدنى فاعلية للسلامة العامة.

شفت شلون يعني شخص يحط عائق في الطريق بدون احتياطات أمان واجبة واشارات تحذيرية واضاءة وبعد يحطون الغلط على اللي صاير له الحادث .. صدقني لو اوروبي ووراه سفارة ومحامين وشغل احترافي يطلع منهم مبلغ محترم

بالنسبة للإغلاقات وقت العمل هذي ضرورية وضروري الحواجز تكون متصلة ومترابطة مع بعض وفيها لو بلاستيكية أقل شيء ماي لو سرعة الطريق معقولة وما عليه شاحنات أو رمل أو خرسانية مناسبة حتى للشاحنات والسرعات العالية

يعجبوني أوقات إنهم يبدون بأقماع تحذيرية هذي لو صدمها أي شخص ينتبه ويلحق يوقف قبل ليوصل للخرسانة .. هندسة أمان الطرق وأمان مواقع البناء هندسة متطورة وقوانينها صارمة ولازم تطبق بحذافيرها .. عند الأمان كل شيء يوقف المفروض

[SouthK]

شفت شلون يعني شخص يحط عائق في الطريق بدون احتياطات أمان واجبة واشارات تحذيرية واضاءة وبعد يحطون الغلط على اللي صاير له الحادث .. صدقني لو اوروبي ووراه سفارة ومحامين وشغل احترافي يطلع منهم مبلغ محترم

بالنسبة للإغلاقات وقت العمل هذي ضرورية وضروري الحواجز تكون متصلة ومترابطة مع بعض وفيها لو بلاستيكية أقل شيء ماي لو سرعة الطريق معقولة وما عليه شاحنات أو رمل أو خرسانية مناسبة حتى للشاحنات والسرعات العالية

يعجبوني أوقات إنهم يبدون بأقماع تحذيرية هذي لو صدمها أي شخص ينتبه ويلحق يوقف قبل ليوصل للخرسانة .. هندسة أمان الطرق وأمان مواقع البناء هندسة متطورة وقوانينها صارمة ولازم تطبق بحذافيرها .. عند الأمان كل شيء يوقف المفروض

اتفق معاك ان في اهمال و ان في مقاولين مهملين و اتفق معاك اكثر في تعامل البعض مع الاوروبيين لكن ما بيدنا غير توضيح القصور و الباقي على الجهات المختصة!