المقاول طلع نصاب ! احد مر بهاي التجربة من قبل

[koketa]

السلام عليكم

جبت مقاول يركب حجر للبيت وطلع نصاب

وللأسف صدقناه وأعطيناه فلوس وأعطانا شيك ضمان بس ما يبي يكمل الشغل

هاي شلون أتصرف معاه ؟

مع العلم ما في عقد للاسف وهاي غلطتي

[sara jsm]

سبحان الله كلهم حرامية في هالمجال ..
اكيد في طريقه او حل بالعقل ..

ارتفع ضغطي من اول الصبح حسبي الله عليهم كلهم ..
وعلى كل واحد ياكل حرام عساه يصرفه على عافيته .. :anger3:

[معماري قطري]

هذي عقليات العرب خصوصاً السوريين .. بيقول انا متفق على مساحة معينة وبتكون مكتوبة في العقد وكملتها وتبون اكمل الباقي هذا سعري .. هذي صارت لكثيرين وللأسف ما فيه توعية كافية ولو دخلتي القضاء بيطلعون الحق معاه

دوم انصح بعمل العقد عن طريق استشاري يقيس المساحات بالضبط ويتأكد منها ويحددها بدقة في العقد .. لو جبنا هذا المتقيول يقيس هو بيحدد مساحة أقل بحدود 10% .. وبعدين بيبدأ لي الذراع مثل ما يقولون

قريت عقد كل بنوده مع المالك الا هذي الثغرة ومن ضمن البنود ان المقاول مسؤول عن اكمال الشغل لكل الواجهات وهو مسؤول عن القياسات بس مع بعض الأجزاء البسيطة وقف وقال انا غلطان في القياس وابي مبلغ اضافي ولفوا على المالك الاستشاري ومقاول الحجر ودفعوه

للأسف انتوا يا ملاك تحطون فلوسكم في يد حرامية

السالفة ما توقف عند هذا الحد الغش يستوي في نوعية الحجر وخلطه بأنواع تعبانه وفي اطالة أمد الشغل وفي التخريب وفي التركيب التعيس غير عن المتفق عليه

يبي لهم Association وترخيص ومتابعة جهات نظامية حكومية أما مخلين السالفة سالفة حارة كل من ايده اله مب متطورين في هالناحية كلش

[سالم الزهران]

الآن الشغل اللي سواه شلون جودته.. هل ممكن تستحملونه عشان شغله الزين.. او ممكن شغله تعبان فعلى هذا الاساس انتم طالبوه يصحح شغله او يرد مقابل يتناسب مع مستوى التنفيذ.

يعني اذا الاختلاف سبة انه توقف يكمل الشغل فهو يتوقع انكم تكلمونه عن هذا الشيء ومتجهز له.

لكن انتم كلموه وخاصموه على شغله اللي انجزه

يقولون اذا غاوى بك ادلال أغو به

[ALJokar]

لو فيه تشهير عندنا ومافيه قانون كان زين حتى لو كانت شركة معروفة يذكرها لان بعضهم يعطي شغله ع مقاول الباطن.
حاليا متلعوز مع مقاولي وهو في البداية متأخر ع جدوله الاعمال تقريبا شهر المفروض يبدأ في الدفان ويشتغل وكل يوم جايب لي عامل عاملين ومرات مايجي احد نهائيا وانا عارف انه بستطاعة يقدر يلحق بسرعة لكن انا ما ابي شغل بسرعة مره وحده لان تجي في اغلاط.
وش الحل معاه حتى الاستشاري يكتب في تقاريره ولافي فايدة كنه منطنش مش هامه التاخير.

[ALJokar]

ياليت اعطينا التفاصيل ع الخاص

[معماري قطري]

لو فيه تشهير عندنا ومافيه قانون كان زين حتى لو كانت شركة معروفة يذكرها لان بعضهم يعطي شغله ع مقاول الباطن.
حاليا متلعوز مع مقاولي وهو في البداية متأخر ع جدوله الاعمال تقريبا شهر المفروض يبدأ في الدفان ويشتغل وكل يوم جايب لي عامل عاملين ومرات مايجي احد نهائيا وانا عارف انه بستطاعة يقدر يلحق بسرعة لكن انا ما ابي شغل بسرعة مره وحده لان تجي في اغلاط.
وش الحل معاه حتى الاستشاري يكتب في تقاريره ولافي فايدة كنه منطنش مش هامه التاخير.

ما فيه حساب وعقاب رادع ويدري إن الشغل ماشي كذا في قطر

[SouthK]

الله يعينك يا الغالي لكن ما لك إلا تشوف اخونا الجوكر يمكن يكون عنده الحل.

[شموخ دائم]

,

,


مرحبا

أولا : قدمو شيك الضمان للبنك اودعه في حسابك
( بيرجع مافي رصيد ) اطلب من البنك ( يختم عليه راجع )

بيجيه اشعار
بيرجع لك يبي ( حل ودي )


ثانيا : جيب شخص ( فاهم ) يقيم الشغل الي تم بما يرضي الله ويعطيكم عرض سعر لتكمله الشغل



ثالثا : اجلسوا معاه اذا لك فلوس ووافق يرجعها ( خير وبركه )
اذا ما وافق قدم قضيه شيك ( بدون رصيد ) في اقرب مركز لك

99% بينحل الموضوع ( ودي ) بسبب انك ماسك شيك الضمان بيدك

من الضروري الي يتكلم معاه يكون فاهم زين ( شخص عنده خبره )

وبينحل ان شاء الله ودي

وسو عقد جديد مع شركه
وليس مع اشخاص بدون عقود


أخيرا
ليس من الضروره يكون حرامي او نصاب 90% من الي يشتغلون في الحجر ما يعرف يحسب الكميات
وياخذها بالتقريب ويتورط

المشاكل معروفه للحجر

نوع الحجر وعدم تشابه القطع
تشرب الماء ( يبقع ) اسمنت او براغي
عدم الاتفاق على الديكور والفريمات وسعرها
تأخير ومافي انجاز
اختلاف على طريقه التركيب
السقالات عليه او لا
مافي غرامه تأخير يوم يشتغل و10 ما يشتغل
تشطيب وقطع الحجر ليس بالطريقه المحترفه وفنش تعبان عماله سيئه
عدم تحضير الحائط بشكل صحيح قبل الشغل ولايوجد ( بيتومين ) اسود

[بوخالد911]

بالنسبة لي
توفقت مع سوري أثناء تركيب الحجر لبيتي من 3 سنوات

كان ملتزم بالوقت ويراعيني بالدفعات