اشارات ماقبل اشارات مصرف قطر المركزي ، اقترح الغاؤها

[قطري2022]

هذي الاشارة التي تقع في نهاية شارع حمد الكبير وقبل اشارة مصرف قطر المركزي ، تلك الاشارة تعطل السير اكثر من انها تسرعه ، المستفيد منها فقط من يود ان يتجه يسارا او الدوران للشارع المحاذي ( u turn ) ، وفي الحالتين بامكان السائق الوصول لاشارة المصرف ومن ثم الاتجاه يسارا ، او العودة للشارع المحاذي ومن ثم الاتجاه للامام او لليمين لاشارات الديوان الاميري .

فما يحدث في هذه الاشارة جدا مزعج ، فمثلا تكون اشارة المصرف حمراء والاشارة التي اعنيها خضراء ، فيضطر السائق الذي يود التوجه اماما لاشارة المصرف ان يتوقف ، وبعدها تخضر اشارة المصرف وتحمر الاشارة المعنية التي قبلها ، وهذا الموقف مزعج جدا وليس بمنطقي.

كذلك الحال في الاشارة الصغيرة لبنك قطر التي قبل الاشارة الكبيرة لبنك القطر المطلة على شارع الكورنيش ، لذا ارجو اعادة النظر في هاتين الاشارتين وماشبههما .

[sara jsm]

قبل كنت اقولك مثلك بس عقب لاحظت ان هالاشارات مسوينهم مثل الموج ..
ترتيبهم في الفتح والغلط جذي جنه جايك مد ..
يمكن لان هالمنطقه واااايد زحمة الصبح .. فالاشارات تنظم وتخفف من الزحمة او طريقتها تعطيك الشعور انك تتحرك كل شوي .. ماادري انا مألفه من عندي ومقتنعه :happy: بس الصج شنو ماادري

[معماري قطري]

أمس رحت صوب تقاطع الفروسية متجه شمال وعند التقاطع لفيت يسار اتجاهي غرب .. البشر اللي عند الاشارة غير طبيعيين ملتهفين يلفون والاشارة حمرا .. تعبت الكاميرا وهي تبرق .. بعدين مع اللفة فيه طريق ينتهي ويستوي ضيق .. يضيق من 3 حارات لحارتين واللي يزيد الوضع سوء الناس كلها تدخل الطريق المنتهي وتحاول تلف أول السيد .. والبعض يلفون لأقصى اليسار يبون معيذر .. زين هم عارفين وضع الطريق والمفروض ماخذين مسارهم الصحيح من قبل

طول ما أشغال يجيزون تصاميم طرق هشكل طول ما المشاكل بتستمر وطول ما المرور راقدين عن مخالفة اللي يناقزون من مسار لمسار وتلفلف على العالم بعد المخالفات بتزيد وتزيد

[مرتبش]

الزحمة اخف من اول .. مشواري كان ياخذ ساعة على الاقل من سنة والحين مايزيد على 45 دقيقة ..نفس الطريق ونفس الوقت.
يمكن المترو مسوي شغل او نقل بعض الوزارات للوسيل.. المهم ماعندي اعتراض كبير على الاشارة الواردة اعلاه لأني شفت شوارع لوس انجلس في زيارة مؤخرا وقارنت اشغالنا باشغالهم .. شوارع فيها مليون اشارة ما ابالغ اذا قلت كل 100 متر اشارة يعني مشوار 3 كيلو تقطع فيه 30 اشارة .. مواقف نادرة وبفلوس..يازين اشغال ويازين الدوحة

[SouthK]

أمس رحت صوب تقاطع الفروسية متجه شمال وعند التقاطع لفيت يسار اتجاهي غرب .. البشر اللي عند الاشارة غير طبيعيين ملتهفين يلفون والاشارة حمرا .. تعبت الكاميرا وهي تبرق .. بعدين مع اللفة فيه طريق ينتهي ويستوي ضيق .. يضيق من 3 حارات لحارتين واللي يزيد الوضع سوء الناس كلها تدخل الطريق المنتهي وتحاول تلف أول السيد .. والبعض يلفون لأقصى اليسار يبون معيذر .. زين هم عارفين وضع الطريق والمفروض ماخذين مسارهم الصحيح من قبل

طول ما أشغال يجيزون تصاميم طرق هشكل طول ما المشاكل بتستمر وطول ما المرور راقدين عن مخالفة اللي يناقزون من مسار لمسار وتلفلف على العالم بعد المخالفات بتزيد وتزيد

المنطقة اخوي زحمة وايد الصبح لانها تفتح على الصناعية من صوب و معاها معيذر و منطقة المرة و حتى اللي جاي من صوب طريق سلوى و كل واحد له مكان يبي يوصله بأسرع وقت.

أشغال عندهم أخطاء وايد في تصميم الشوارع و ما تدري اللي يخطط اشلون يفكر. المرور ما يلحق على كل اللي يخالفون .. الاحسن يكون في توعية و عقبها التشديد في التنفيذ!

[معماري قطري]

الزحمة اخف من اول .. مشواري كان ياخذ ساعة على الاقل من سنة والحين مايزيد على 45 دقيقة ..نفس الطريق ونفس الوقت.
يمكن المترو مسوي شغل او نقل بعض الوزارات للوسيل.. المهم ماعندي اعتراض كبير على الاشارة الواردة اعلاه لأني شفت شوارع لوس انجلس في زيارة مؤخرا وقارنت اشغالنا باشغالهم .. شوارع فيها مليون اشارة ما ابالغ اذا قلت كل 100 متر اشارة يعني مشوار 3 كيلو تقطع فيه 30 اشارة .. مواقف نادرة وبفلوس..يازين اشغال ويازين الدوحة

المشاكل القديمة والمؤرقة في مدن قديمة كبرى يصعب حلها وتكلفتها دوم صعبة .. لكن تعال شوف المدن الحديثة أو الأحدث واللي صار لها عقود من الزمان شلون متفادين فيها أخطاء تخطيط الماضي .. انا زرت لوس أنجلوس وسكنت في منطقتين منطقة مكتضة وقديمة ومنطقة حديثة ومخططة صح وكل شيء فيها سهالات .. كذلك زرت وسكنت فترة طويلة في مدينة تامبا وقبلها في ميامي سنين .. المدينتين أكثر حداثة وأفضل تخطيط والزحمة تحصل لكن في أوقات الذروة فقط .. عندنا بسبب تخطيط غلط الزحمة تكون شبه دائمة

[معماري قطري]

المنطقة اخوي زحمة وايد الصبح لانها تفتح على الصناعية من صوب و معاها معيذر و منطقة المرة و حتى اللي جاي من صوب طريق سلوى و كل واحد له مكان يبي يوصله بأسرع وقت.

أشغال عندهم أخطاء وايد في تصميم الشوارع و ما تدري اللي يخطط اشلون يفكر. المرور ما يلحق على كل اللي يخالفون .. الاحسن يكون في توعية و عقبها التشديد في التنفيذ!

طلعت الصورة من قوقل ايرث ولا حطيتها .. هذا التقاطع وفي هذي الجزئية بس مزعج والمفروض يعدل بسرعة

[معماري قطري]

شوف هذي الصورة الجوية من بعيد للتقاطع وعلى اليمين مدخل معيذر جنب بيوت البادي وسوق المعاضيد والشمال جهة المشاهد أو أسفل الصورة والجنوب أعلاها

https://i.imgur.com/mmpKuDP.jpg


وهذي صورة مقربة للتقاطع موضح عليها بالأزرق مسار اللي بيلف جهة معيذر والريان وشلون الطريق يتلاقى مع اللي لاف يمين موضح بالأحمر وبعده بشوي يتقلص من 3 مسارات لمسارين ويسوي ربكة كبيرة قرب اللفة اللي حق معيذر .. هذي بسهولة يشوفونها مسؤولي أشغال والمرور عن بعد بالكاميرات ويقررون شالحلول لها

https://i.imgur.com/O8mHavI.jpg

لو يبون نصيحتي يتلاحقون عمرهم ويكملون المسار المنتهي لباقي الطريق لو قدروا والا يقطعونه بعد اشارات معيذر وهذا ولا شيء مقارنة بالعمل اللي سووه .. كذلك ضروري من المرور محاسبة اللي يبي يلف لمعيذر وياخذ أقصى اليمين وثم يقرر يلف يسار يقطع مسارين

[معماري قطري]

بعد لو أمكن تكبير القوس للفة اللي تدخل على الطريق المسار الموضح بالأحمر بيكون أفضل