العمالة الفنية في قطر

[الكاسر007]

السلام عليكم
كيف الحال يا اخواان
عندي موضوع لفت انتباهي لمت سافرت بريطانيا
بخصوص العماله هناك
لاحظت ان أي شخص هناك عنده مهنة معينة لازم يكون عنده رخصة او ليسن
وهذا الليسن ما ياخذه الا بعد عده اختبارات
يعني اللي كهربائي لازم رخصه او شهاده انه يقدر يشتغل
اللي ميكانيكي نفس الكلام
والفيتري وغيره
ليش مافي جهه تتبنى هالشي لان العماله مهنتها حسب التجارب مع الناس ويخرب اكثر من شي لما يوصل للخبرة
ومرت علينا تجارب وياما مع عماله أي كلام بتاع كلوا
التصنيف جميل والرزق على الله واللي يبدع في شغله الله يحبه

[معماري قطري]

صار لي حول سنتين وانا انادي بضرورة هذا الشيء وفوق ذلك ضرورة ايجاد عقاب رادع للي يشتغل شغلة مب شغلته

من شوي يكلمني ولد عمي عن شخص طلب صيانة لمكيف سبلت في بيته من محل تصليح مكيفات وأخطأوا في الاصلاح وصار حريق خرب البيت كله .. مثل هذا متروك بدون حساب ولا عقاب

صحيح بتكون شغلة على الأجهزة المختصة بس هذا واجبهم ومن صميم عملهم والا بنكون كأننا عايشين في غابة وبعدين بتنتعش معاهد تدريب تخصصية وهي اللي المفروض تختبر وتعطي شهادات وتراخيص تحت اشراف الحكومة

[بوخميس]

ليش رخصة وليسن ولويه

(أنا في معلوم) يضبط لك كل شي

[ابو عبدالله.]

فقط الجهات الي تقدم خدمه للمجتمع ترخص
مثل كهرماء و الصحه ترخيص كهربائي و تراخيص مهن طبيه

و مع هذا نلقى كهربائيين بلا رخصه بالباطن يعني

مع اني اتفق مع الطرح في فكره ترخيص المهن بشكل اكبر لكن اعتقد بتحتاج وقت كبير لتطبيقها

[تاجر كشخة]

فعلا على سبيل المثال الكراجات ما عندهم مهنية واحترافية في التصليحات هم هم من قبل 40 سنة نفس العقلية نفسها ونفس الادوات الواحد فيهم يجيك من بلده يتعلم وقس على ذلك النجارة والسباكة وغيرها اقترح يشوفون يد عاملة من الفلبين اكثر احترافية ومصداقية

[الكاسر007]

صار لي حول سنتين وانا انادي بضرورة هذا الشيء وفوق ذلك ضرورة ايجاد عقاب رادع للي يشتغل شغلة مب شغلته

من شوي يكلمني ولد عمي عن شخص طلب صيانة لمكيف سبلت في بيته من محل تصليح مكيفات وأخطأوا في الاصلاح وصار حريق خرب البيت كله .. مثل هذا متروك بدون حساب ولا عقاب

صحيح بتكون شغلة على الأجهزة المختصة بس هذا واجبهم ومن صميم عملهم والا بنكون كأننا عايشين في غابة وبعدين بتنتعش معاهد تدريب تخصصية وهي اللي المفروض تختبر وتعطي شهادات وتراخيص تحت اشراف الحكومة

الله المستعان هذا اللي ماودك تسمعه شي يزعل للأسف انك تسمع هالشي الموضوع موضوع كنترول لا اكثر وليس محاربة الطرف الاخر

[الكاسر007]

ليش رخصة وليسن ولويه

(أنا في معلوم) يضبط لك كل شي

ههههه هالنوعية اللي خربت بيوتنا

[الكاسر007]

فقط الجهات الي تقدم خدمه للمجتمع ترخص
مثل كهرماء و الصحه ترخيص كهربائي و تراخيص مهن طبيه

و مع هذا نلقى كهربائيين بلا رخصه بالباطن يعني

مع اني اتفق مع الطرح في فكره ترخيص المهن بشكل اكبر لكن اعتقد بتحتاج وقت كبير لتطبيقها

لوصدر قرار بيوم واحد بينشخلون صدقني مافي شي صعب القانون ينظم كل شي

[الكاسر007]

فعلا على سبيل المثال الكراجات ما عندهم مهنية واحترافية في التصليحات هم هم من قبل 40 سنة نفس العقلية نفسها ونفس الادوات الواحد فيهم يجيك من بلده يتعلم وقس على ذلك النجارة والسباكة وغيرها اقترح يشوفون يد عاملة من الفلبين اكثر احترافية ومصداقية

صدقت اخوي بامريكا عشان تشتغل ميكانيكي لازم تروح معهد يعطيك شهادة وعدة وشغل والمفتش اذا مر ماعنده رخصة بياكل هوا
البوفلبن الميزة الوحيدة اذا مايعرف يشتغل يقول معرف موب نفس الباقين

[nooora]

عدل كلامك تكون هناك رخصة لكل مهنة ،، يجون خدم من القرى ما يعرفون شي ويربون في العيال

[معماري قطري]

الله المستعان هذا اللي ماودك تسمعه شي يزعل للأسف انك تسمع هالشي الموضوع موضوع كنترول لا اكثر وليس محاربة الطرف الاخر

كل شيء المفروض له قانون وله ضوابط وعقوبات لو تم تجاوزها

حتى أبسط شيء في وكالات السيارات ( بعضها ) يشغلون فيه مختصين فقط .. لو تم التطبيق بتكون حتى معاهد صغيرة مختصة هي اللي ترخص أو الجامعات وعندنا جامعات تقنية تخصصية كثيرة ولازم تؤدي خدمة للمجتمع وبمقابل مب ببلاش بس المفروض بعد مقابل معقول

أحد المقاولين باكستاني شيبة طيب وحبوب ولغته على قد الحال .. من عيال فريجنا ( فريج الغانم اللي للحين يسمونه يديد ) .. المهم هذا ربى عياله كلهم على هذي الصنعة لكن أصغرهم دخله كلية تقنية سيريلانكية في قطر وخذ دبلوم هندسة .. يعجبني بلبل عربي وانجليزي وفاهم ويناقش نقاش هندسي .. هذا اختياري ولو اضطروا الكل حسب القانون بنحصل خدمات زينة بسعر يمكن أغلى شوي بس مضمون فيه أمان وفيه ضمان وفيه جودة

هذا يقودنا لضرورة وجود جمعيات أو ما يسمى ب Association ما ادري ترجمتها بالضبط شلون وهذي تجمع قدامى المهنة وخبراؤها وايجاد قوانين وتصنيف لمن هم فيها وخبرات قانونية وفنية .. مثل تركيب الحجر لو لهم جمعية تحت اشراف الدولة وادارة واشتراكات تدفع للتوثيق للعقود ما بنحصل مقيول حجر يلعب علينا ويسوي 80% من الشغل ويقول ما اتفقت على كل الواجهات والكمية المحددة خلصت وهذي الأعذار اللي يطيحون فيها الغالبية

تجمع للمحامين وللأطباء وممكن حتى فرعي لكل تخصصات الطب وعندنا جمعية المهندسين القطريين بس ما لها حس لا منشورات الكترونية ولا أخبار ولا فعاليات .. عندنا المدارس ممكن تساعد وزارة التربية ( أمحق تربية ) كانت تربية قبل .. المهم هذي ممكن استغلالها وقت العصر كمقرات للتدريب العملي لكل التخصصات هذي

[معماري قطري]

كنت اشتغل في جهة حكومية يجي فيها عامل الشاي شكله وصخ ولباسه ولا ابي اقول الغمص في عينه .. ورحت لجهة مشابهة بس ادارتهم راقية وقوية يوم جاني عامل الشاي والا ذاك اللي ملبسينه غترة وعقال وصديري عنابي ونظيف العامل وحتى حركاته وانتباهه مجيد لشغله للغاية .. عاد سئلت المدير اللي رايح له قال لي عمالنا كلهم نوديهم دورة الشيراتون حتى طباخينا .. عاد عندهم دوام متواصل واقامة في العمل وتدليع على الأخير فرق عن ربعنا اللي انا شغال معاهم

[معماري قطري]

أكيد فيه اشياء بمقدور أي ادارة تطورها وتنميها وفيه أُمور عامة للناس كلهم وللخدمات المقدمة لهم لازم هذي تفرض عليهم قوانين دنيا يلتزمون بها

[الكاسر007]

أكيد فيه اشياء بمقدور أي ادارة تطورها وتنميها وفيه أُمور عامة للناس كلهم وللخدمات المقدمة لهم لازم هذي تفرض عليهم قوانين دنيا يلتزمون بها

صدقت ومنا للجهة المختصة والله يصلح الحال

[khaldoon]

السلام عليكم
كيف الحال يا اخواان
عندي موضوع لفت انتباهي لمت سافرت بريطانيا
بخصوص العماله هناك
لاحظت ان أي شخص هناك عنده مهنة معينة لازم يكون عنده رخصة او ليسن
وهذا الليسن ما ياخذه الا بعد عده اختبارات
يعني اللي كهربائي لازم رخصه او شهاده انه يقدر يشتغل
اللي ميكانيكي نفس الكلام
والفيتري وغيره
ليش مافي جهه تتبنى هالشي لان العماله مهنتها حسب التجارب مع الناس ويخرب اكثر من شي لما يوصل للخبرة
ومرت علينا تجارب وياما مع عماله أي كلام بتاع كلوا
التصنيف جميل والرزق على الله واللي يبدع في شغله الله يحبه

بس يتشاطرون على المهندسين في القطاع الخاص مب العام بعد و تاركين العماله السائبه..... أي واحد بيشتغل ميكانيكي و بنشرجي و كهربائي بيوت و سيارات و كل الأدوات الكهربائيه و كل شي بيصلحه بالبيت ب 250 ريال و طالع و بدون ضمان و بيخرب على طول ..و لا عزاء لك و روح اشتري جديد

أيضا هناك وظائف لمن لا وظيفة له ....لازم أي واحد يمارس المهنة.... أي مهنة في قطر يكون حاصل على شهادة معتمدة من الدوله تسمح له بممارسة هذه المهنة.... نقطه و سطر جديد

[ابو عبدالله.]

لوصدر قرار بيوم واحد بينشخلون صدقني مافي شي صعب القانون ينظم كل شي

التنظيم يحتاج تشريعات و جهه و موظفين يتفرغون لدراسه الاوضاع و تحديد الشروط. و توفير البدائل لحين تنظيم المهن و رخصها

و سنوات لكشف السلبيات من التنظيم و تطويره

المشكله ان تنظيم الرخص يرفع الاسعار و رواتب المرخصين للحرف و يقل عددهم و تتعطل عشان يجيك واحد و يتشرط عليك بعد

الحين و مب مفتكين احنا ههههه

السخانه عندي تفصل الكهرباء السايق جاب واحد يقول غير السخانه كامله و الاسلاك و شغل يد

طردته و جبت واحد بنفسي. قال غير الكويل بس. وذاك بغى يدفعني فوق 400 ريال عالفاضي

تخيل لو في رخص لهم و يقل عددهم. و يقول لك برأيي الفني لازم تغير كل شي. وانا مرخص و فاهم و ما اشتغل الا جذي و اذا مب عاجبك انتظر غيري كم يوم عشان تلقاه و يجيك

بيتفقون بوهناد ع تسعيره و تشرط

[معماري قطري]

التنظيم يحتاج تشريعات و جهه و موظفين يتفرغون لدراسه الاوضاع و تحديد الشروط. و توفير البدائل لحين تنظيم المهن و رخصها

و سنوات لكشف السلبيات من التنظيم و تطويره

المشكله ان تنظيم الرخص يرفع الاسعار و رواتب المرخصين للحرف و يقل عددهم و تتعطل عشان يجيك واحد و يتشرط عليك بعد

الحين و مب مفتكين احنا ههههه

السخانه عندي تفصل الكهرباء السايق جاب واحد يقول غير السخانه كامله و الاسلاك و شغل يد

طردته و جبت واحد بنفسي. قال غير الكويل بس. وذاك بغى يدفعني فوق 400 ريال عالفاضي

تخيل لو في رخص لهم و يقل عددهم. و يقول لك برأيي الفني لازم تغير كل شي. وانا مرخص و فاهم و ما اشتغل الا جذي و اذا مب عاجبك انتظر غيري كم يوم عشان تلقاه و يجيك

بيتفقون بوهناد ع تسعيره و تشرط

تنظيم العملية مب معناه قيود تعجيزية

بعض المهن الوضع فيها سهل وبعضها أكيد تحتاج دراسات ووقت وتحضير .. إحنا لو خلينا لكل مهنة جمعية خاصة بها تستشرف لنا القوانين الخاصة بالترخيص وتعدل عليها باستمرار حسب الحاجة بيكون الوضع أفضل

بنفس الوقت فيه مهن كثيرة تنظمها جهات مختصة مثل الصحة والتعليم والكهرباء وغيرها كثير .. وبنفس الوقت فيه مهن وأُمور سهلة تقدر تطورها كهواية وتمارسها .. المرور في الفترة الأخيرة لاحظ ضرورة تصنيف سيارات النقل الثقيلة 3 طن وفوق مثل المازدا الطويلة ونوعياتها على إن ضروري لها ليسن ثقيل والمرور مؤدي واجبه في هذي التصنيفات والترخيص حتى للسيارات سووا فحص فني .. المفروض هذا يطبق في كل مجال .. حتى الاختبارات الخاصة ببعض التراخيص ضرورية لتبيين الجيد من الرديء والغير مناسب بتاتاً

مثال بسيط .. وثقت في واحد قال لي بص حضرتك حأنئل لك الأرقام من تلفون سامسونغ لآيفون بس صعبة شوي وروح وتعال لي .. سوى لي قصة ويوم رجعت حصلت أرقام وايد ملغية وأسماء بدون أرقام وملخبط لي ويبي 100 ريال تهاوشت معاه وهزأته وطلعت عنه .. ورحت عند هندي سواه في دقايق وانا اشوف .. مثل ذيلا ضروري لهم ترخيص ولازم تكون عندهم خبرات .. صحيح اختبارهم يحتاج لناس مختصين يختبرونهم ويرخصونهم

عمال التكييف .. شكثر منا تورطوا معاهم وكثير حرامية .. يشتغل في شركة والا خاص لازم له ترخيص يحدد خبراته ومقدرته بالضبط

واحد من الربع مهندس الله يذكره بالخير التزم بدورة تدريبية وخلص وجانا حاط شعار على صدره pmp اللي هو بروجكت مانجر بروفشنال وكان مستانس مع إن له خبرة تفوق 20 سنة .. مدرسنا في الجامعة شيبة شعره كله أبيض ومقرب يتقاعد قال انا باروح دورة صيفية 3 شهور ولاية ثانية بعيدة باخذ كورس في برمجة آلة حاسبة كانت اتش بي .. وياخذ عليها شهادة .. هذي التراخيص تطور المجتمع وتنظمه ومب ضروري القائمين عليها يكونون كوادر كلهم مخصصين 100% لها بس .. ممكن لبعض الأشخاص بالاضافة لعملهم وللبعض اللي في هيئات وادارات كبيرة شيخسرون لو خصصوا عدد معين .. هذا إجراء ماشي في كل العالم المتحضر

[معماري قطري]

من سفاهة التصنيفات عندنا نحصل اسم مهندس يخلونه يسوي أي شيء هندسي ونسوا إن الهندسة تخصصات .. واحد فتح شركة وعنده مهندز العجيبة يعتبر نفسه شامل وفاهم في كل شيء وانا مستعد اجزم إنه ما خلص هندسة ومشتغل فورمان ويفتي حسب خبرة الاحتكاك مع الشغل

أُمور كثيرة يناحسني فيها مناحس بس مع إنها من صميم اختصاصي وهذا الإختبار يثبت مقدرته العلمية ويحدد له عمل على قده والمفروض ما يتدخل في أُمور هندسية .. لو بقينا على هالحال بنبقى دوم في مشاكل والغالبية يتعلمون فينا ويروحون دولة قريبة يخلصون اختباراتهم وتراخيصهم ويعيشون جوهم

[SouthK]

عندي مواقف وايد مع الفنيين اللي "انا في معلوم" .. في منهم اللي مستواه ممتاز و في منهم اللي يتفلسف و غيره اللي يعفس .. آخر نوعين اقبضه الباب و ما اعطيه ريال لكن الغالبية ما يسوون جذي و بكل بساطة العامل يستغل جهل المواطن و يتكسب من وراه!

لو تم تطبيق قانون الرخص المهنية تأكدوا ان الاقتصاد بيوقف و أغلب الممارسين للمهن الفنية بيختفون لأن اغلبهم غير مؤهل!

قبل ما يتم اصدار قوانين للرخص على الاقل تحديد معايير و انظمة تقييم المواد اللي تدخل البلاد سواء مواد بناء أو اجهزة كهربائية مع وضع ما يسمى بالكود القطري اسوة بالكود السعودي و غيره من الانظمة الفنية على شرط ان المشرفين عليه يكونون من المؤهلين و انا أشك عندنا ناس مؤهلة لكن نقول لو!!!!

عقب يتم انشاء معاهد فنية لتأهيل الكوادر الفنية المحلية و وضع معايير تقييم لمستوى المتقدمين للرخص.

في نقطة احب اضيفها ان في حال فرض نظام رخص مهنية بيرتفع سعر كل المواد الموجودة مع تكلفة التركيب و هذا شي ما راح اقول اكيد لكن نتيجة طبيعية لفرض قوانين و معايير سليمة .. يمكن الافضل و خاصة في قطاع الخدمات ان الواحد يكون ملم بعض الاساسيات و يخدم نفسه بنفسه.

هذا مجرد رأي شخصي!

[khaldoon]

في نقطة احب اضيفها ان في حال فرض نظام رخص مهنية بيرتفع سعر كل المواد الموجودة مع تكلفة التركيب و هذا شي ما راح اقول اكيد لكن نتيجة طبيعية لفرض قوانين و معايير سليمة .. يمكن الافضل و خاصة في قطاع الخدمات ان الواحد يكون ملم بعض الاساسيات و يخدم نفسه بنفسه.

هذا مجرد رأي شخصي!

كلامك صحيح و منطقي جدا و هذا المفروض.... بس هل ارتفعت رواتب المهندسين المصنفين علشان يتم تمييزهم عن المهندسين اللي معبين البلد و مب مصنفين؟..... اكيد لا لم ترتفع ولا صار شي من هالشكل للأسف الشديد..... حصلنا تصنيف ع الفاضي ...... اللي مب معاه تصنيف عايش احسن من اللي معاه تصنيف ولا يفكر أصلا انه يحصل على تصنيف لانه مب بحاجة له .... و سلملي ع التصنيف

[SouthK]

كلامك صحيح و منطقي جدا و هذا المفروض.... بس هل ارتفعت رواتب المهندسين المصنفين علشان يتم تمييزهم عن المهندسين اللي معبين البلد و مب مصنفين؟..... اكيد لا لم ترتفع ولا صار شي من هالشكل للأسف الشديد..... حصلنا تصنيف ع الفاضي ...... اللي مب معاه تصنيف عايش احسن من اللي معاه تصنيف ولا يفكر أصلا انه يحصل على تصنيف لانه مب بحاجة له .... و سلملي ع التصنيف

مسألة الرواتب ما باغي اتكلم فيها .. في مهندسين في القطاع الخاص ياخذون اكثر مني و اسمي مهندس في القطاع الحكومي .. مسألة الترخيص ممكن تكو ناجبارية لما يكون هناك عقليات تقدر المهارة مب الربح ..

حاليا ما عندنا قوانين ضرائب من أي نوع عدا نسب بسيطة من الارباح التجارية و ما ننسى الغلاء الكبير في مختلف نواحي الحياة من مأكل إلى مسكن و تنقلات .. كل هذا ممكن يصير اسهل لو تم تنظيمه .. مب شرط تلاقي محترفين لأن المحترف ما راح يجيك و يضيع وقته في سوق صغير و بسيط لكن تقدر تطور في الموجود و ترفع من مستوى الخدمات .. بس اذا انوجدت النية و التفكير و التخطيط السليم.