قانون الاستقدام الجديد

[عضو قديم]

السلام عليكم ورحمة الله وبركاته
حبيت اشارككم تجربتي لاستقدام سائق من الهند مع قانون الاستقدام الجديد

1- تتقدم بطلب استقدام سائق ويكون معاك صورة من جواز السفر للسائق
2- بيوصلك مسج انه تم تقديم الطلب
3- بيوصلك مسج ثاني بالموافقة
4- تدخل على مطراش وتعمل عقد عمل بينك وبين السائق وتحدد الراتب واذا حاب تضيف علاوات فهذا متروك لك
5- تدخل على مركز التاشيرات في الهند عن طريق مطراش (الخدمة موجودة في مطراش) وعلى حسب اقرب منطقة لمنطقة السائق وتحط معلومات السائق ومعلوماتك
6- تحدد تاريخ للفحص الطبي للسائق وتدفع الرسوم تقريبا 479 ريال
7-السائق يروح الفحص ويدفع 129 ريال ويفحص
8- كل عملية فحص بيوصلك مسج اذا نجح في الفحص او لا
9- بعد اجتياز الفحص الطبي تقدر بعدين تحجز لك تذكرة ويجي الدوحة

10- انتظر يوصل السائق بعد اجتياز الفحص لاستكمال باقي الاجراءات

وشكرا لكم

[عضو قديم]

يعني ماعاد في مثل قبل تعمل له فيزا و تحجز لك تذكرة ويوصل الدوحة وبعدين تعمل له افحص طبي
الان في القانون الجديد يعمل الفحص الطبي في بلاده واذا اجتاز الفحص يتم اصدار الفيزا النهائية والتي من خلالها يقدر يدخل الدوحة

قانون ممتاز بصراحة ويسهل عليه امور كثيرة

[khaldoon]

سؤال لو تكرمت.....
مين وين حصلت على صورة للسائق .....
كيف اتفقت معاه انه يشتغل عندك .....
ما ذكرت شي عن دور مكتب الاسقدام.....
هل نقدر نجيب خدم عن طريق مطراش2 بدون الاستعانة بمكاتب استقدام الايدي العاملة....
كم المدة اللي بيلزمها الفحص ....و هو كم فحص أصلا..... عنا بقطر بتودي الخادمة او السائق على القوميسيون و ثاني يوم بتطلع نتيجة شاملة واحده

هل الأوراق المطلوبه هي نفسها اللي كانت تنطلب قبل في بداية عملية الاستقدام و هي صورة عن جوازات سفر العائلة و البطاقات الشخصية و صورة عن عقد الزواج لو بغيت تجيب خادمة و صورة عن عقد ايجار البيت و كتاب من جهة العمل بعدم الممانعه من استقدام خادمة و كشف حساب 6 شهور للحصول على الموافقة المبدائية باستقدام خادمة؟

[عضو قديم]

السائق كان شغال عندي من قبل اخوي خلدون وباقي الامور كلها عن طريق مطراش وانا اخذت موعد فحص بتاريخ 26 هذا الشهر لاجراء الفحص طبعا لازم تحط رقم جوال السائق علشان يوصله مسج بتاريخ الفحص بالاضافه الى اللوكيشن ورقم الاستفسار في الهند من مكتب التاشيرات
اعتقد والله اعلى واعلم ان دور مكاتب الاستقدام توفر لك الخادم و صورة الجواز ويحصل لك الموافقة المبدئية من الجوازات وانت تكمل الباقي
ما عندي اي خلفيه عن طريقة تقديم الطلب بالنسبة للمقيميين

[تاجر كشخة]

شلون يعني ما فيه قمسيون طبي وانا ايش ضمن لي انه سليم وخالي من الامراض

[عضو قديم]

للعلم مكتب خدمات التاشيرات في الخارج هي جهة حكومية تابع لوزارة الداخلية فا اكيد الفحص بيكون تحت اشرافهم فا لاتحاتي ابد

[عضو قديم]

وهذا موقعهم للي حاب يستفسر اكثر

https://www.qatarvisacenter.com/home

[khaldoon]

شلون يعني ما فيه قمسيون طبي وانا ايش ضمن لي انه سليم وخالي من الامراض

لو مش متوثق منهم خارج قطر فعادي اول ما يوصل الدوحة سويله فحص بالقوميسيون الطبي في قطر و امورك طيبه ان شاء الله

[khaldoon]

السائق كان شغال عندي من قبل اخوي خلدون وباقي الامور كلها عن طريق مطراش وانا اخذت موعد فحص بتاريخ 26 هذا الشهر لاجراء الفحص طبعا لازم تحط رقم جوال السائق علشان يوصله مسج بتاريخ الفحص بالاضافه الى اللوكيشن ورقم الاستفسار في الهند من مكتب التاشيرات
اعتقد والله اعلى واعلم ان دور مكاتب الاستقدام توفر لك الخادم و صورة الجواز ويحصل لك الموافقة المبدئية من الجوازات وانت تكمل الباقي
ما عندي اي خلفيه عن طريقة تقديم الطلب بالنسبة للمقيميين

جزاك الله كل خير على التوضيح

[sara jsm]

عجيب والله .. زودنا باللي يصير معاك اخوي ..
جزاك الله خير

[النهار]

جزاك الله كل خير اخوي

[ابو عبدالله.]

يعني تكاليف اضافيه للفحص. غير تكاليف المكتب الي وصلت خمس و ست الاف. مع ان السايق كان يجيبونه ببلاش. الخدامات هم الي يكلفون و الحين السايق

السؤال

اذا وصل و رفض العمل. بضطر ارجعه و افقد قيمه الفحص في بلاده. فقط استرجع رسوم المكتب

كان الفحص بقطر بمئه ريال. الحين قريب خمسميه ببلاده

طيب اذا جبته بفيزا زياره و حولتها لعمل و فحصته بمئه ريال بالدوحه. مش اوفر لي. لا مكتب ولا فحص بخمسميه

[khaldoon]

يعني تكاليف اضافيه للفحص. غير تكاليف المكتب الي وصلت خمس و ست الاف. مع ان السايق كان يجيبونه ببلاش. الخدامات هم الي يكلفون و الحين السايق

السؤال

اذا وصل و رفض العمل. بضطر ارجعه و افقد قيمه الفحص في بلاده. فقط استرجع رسوم المكتب

كان الفحص بقطر بمئه ريال. الحين قريب خمسميه ببلاده

طيب اذا جبته بفيزا زياره و حولتها لعمل و فحصته بمئه ريال بالدوحه. مش اوفر لي. لا مكتب ولا فحص بخمسميه

500 ريال!!!.......يا سلاااااااااااااااااااااام و بالاخير تطلع اشاعات انه الخادمة طلعت رجل مب انثى ..... طيب سؤال هل فعلا يتم التأكد من جنس الخادمة في القوميسيون الطبي حتى تتوقف هذه الاشاعات الى الابد و الا هالقصص هذه حقيقية و بتصير مع بعض العوائل؟ حتى صارت نكت يتندر بها الناس على الواتس اب و الفيس بوك ...ما في دخان من غير نار و الله اعلم لا اقدر أأكد ولا أنفي الموضوع

طيب اللي راح أقوله الحين اكيد انه مب اشاعه لانه صار معنا فعلا..... هو اني جبت خادمة و طلع عندها سرطان مزمن يمكن السيطرة عليه و التعامل معاه و تعرف فيه من زمان ....ببساطه لانه القوميسيون الطبي يسوي قحص للامراص الانتقالات و اللي تسبب عدوى .... دافع رسوم 100 ريال و معطينها شهادة لائقة طبيا و بعدين إقامة و بعدين يطلع عندها سرطان مزمن ....شكرا

[عضو قديم]

تحديث

تم اجراء الفحص الطبي للمستقدم و تم ارسال نتائج الفحص لوزارة الصحة لفحصها
وبعد ذلك يتم اصدار الفيزا النهائية للمستقدم مع دفع رسوم الفيزا وطباعتها

[شموخ دائم]

,

,


مرحبا


شكرا على الموضوع

للعلم اخواني واخواتي الفحص في الهند تحت اشراف ( حكومه قطر )
هناك مراكز فتحتها الدوله حتى تشرف على الفحص والبصمه
في الهند
النيبال
سيرلنكا
الفلبين

نظام جميل

الدوله ضربت عصفورين بحجر بل 3 عصافير
:)
مافي زحام بالقومسيون الطبي
الرسوم على الكفيل
مافي مريض يجي الدوحه ويترحل الى بلده

انا مع هذا النظام اسرع ومافي تضييع وقت
وما يجينا واحد مريض ونرجعه وندور غيره

,

,

[khaldoon]

المكاتب تأخذ رسوم كبيرة جدا على استقدام الخدم و السواقين..... لازم نعرف تفاصيل هذه المبالغ اشلون حسبوها علشان نشوف هي منطقية و الا لا .....و بناء على ايش طالبوا فيها.....و نشوف كم رسوم الفحص الطبي و هل تم حذف هذا البند من المكاتب و الا بندفعه مرتين.... مرة للمكتب و مرة بنفسنا

[الغريب70]

جزاك الله خير على هالمعلومات القيمه وعندي سؤال لو تكرمت
اذا بغيت اجيب خدامه هندية كيف بتكون الطريقه ؟
هل لازم احضر واقدم طلب تاشيرة زياره ولا نفس طريقتك الي تفضلت بها
مع ان الهند من الدول المعفيه من تاشيرة الزياره
اتمنى من الجميع المشاركه والافادة وشكرا

[غريب الدّار]

مع أي قانون يحفظ للناس حقوقهم
بس من المهم أيضاً حفظ حقوق المواطن
فلا يجوز أن يطغى حق على آخر

[عضو قديم]

تحديث
تم الانتهاء من الفحص الطبي واجتيازه ولكن للاسف لا استطيع احضار السائق للدوحة بسبب فيروس كورونا باعتبار ان الهند وبعض الدول الاسيوية تم حضر قزومهم للدوحة بسبب المرض الله يبعد الشر عنكم جميعا ويحفظ لنا قطرنا باميرها وشعبها من مواطنين ومقيمين فيها