استفسار افتوني الله يجزاكم خير

[دولة قطر.]

السلام عليكم ورحمة الله وبركاتة

عندي استفسار اذا ابي تمويل 200 الي 300 الف غير البنوك وين تنصحوني عندي مشروع صغير وراس ماله بسيط ولكن احتاج 300 الف وماهي الضمانات التي يحتاجونها عطوني ارأكم لو سمحتووو

وجزاكم الله عنا خير الجزاء

[وليف الشوق]

نصيحتي لك ومن واقع تجربة غير التعامل مع البنوك لاتاخذ قرض وانا اقولها والله شاهد

وبالنسبة للمشروعات بكل انواعها وأحجامها راجع بنك التنميه لعل وعسى تلقى المشورة والنصيحه منهم وماراح يقصرون

[بوخميس]

في شركات تمويل تقدر تتورق عن طريقهم

يعني تشتري منهم سيارة وتبيعها، مثل الاولى والجزيرة والاجارة وأعيان

[شموخ دائم]

,

,


مرحبا


اخوي الكريم

الأفضل تشارك احد بدل السلفه يعني انت عليك المشروع والجهد و هو يحط ال 200 الف
بس راح يكون النسبه اكثر للشريك يعني 70% الى 30 لك بشرط يكون مشروعك مضمون ودارسه صح و الربح ولا تخسر الناس معاك
ويكون مشاركه وليس سلفه
وهو الأفضل

في ناس لديها فلوس وتبي حد يتاجر فيه بدون مخاطر ومغامرات
لو شرحت المشروع بطريقه صحيحه لاي مستثمر واقتنع فيه ممكن يشارك معاك


الطريقه الثانيه
تحط انت 150 والشريك 150 وتتقاسمون الربح 50%

الطريقه الاخيره
تاخذها سلف من شخص قريب منك
وتعطيه ضمانات ( شيكات ) بنفس المبلغ
وهذا اصعب الطرق وما نحبها لان التاجر ما يشتغل بالسلف
لو خسر يكون نهايته
المفروض يشارك ولا يتسلف



التاجر الشاطر يشتغل ب 50 من راس المال

التويجر يشتغل بكل راس ماله

التاجر التقليد يشتغل بالديون وهذا اخس أنواع التجار




,

,