(( إستغلال التجار لحاجة الناس ))

[@north_star@]

بسم الله الرحمن الرحيم

إستوقفني إعلان بموقع مزاد عن بيع الكمامات وغيرها بسبب فايروس كورونا ومدى إستغلال بعض الناس أو التجار لحاجة الناس
فعلى سبيل المثال بعض الكمامات كانت قيمتها ما تتعدى ريالين الى 5 ريلات وتحصل ذوي النفوس المريضة يبيعون الحبة على 15 وفي نوعيات أكثر !!!

ونقطة ثانية بالنسبة للمجمعات التجارية ومدى جشع البعض بشراء كميات كبيرة من الكحول والمطهرات فتلاقيه يحاول ياخذ أكبر كمية وما يترك شي حق غيره
والمفروض انه ادارة المجمعات ما تسمح للشخص باكثر من عبوتين الى 3 بالكثير .

ونتمنى من الجهات المختصة محاسبة ذوي الانفس المريضة وخاصة بالمواقع الالكترونية ووقفهم عن استغلال حاجة الناس .

والله يبعد الشر والمرض والوباء عنا وعن جميع المسلمين والناس .

[khaldoon]

مصائب قوم عند قوم فوائد

حسبي الله و نعم الوكيل في كل مستغل ظالم مفتري يهضم حقوق العباد

[qatari911]

الحمد الله قطر لحد الان مافيها شي حسب هالموقع


https://gisanddata.maps.arcgis.com/apps/opsdashboard/index.html#/bda7594740fd40299423467b48e9ecf6

والكمامات وصل سعرها في الكويت 10 دنانير 120 ريال

الخوف من الصيدلايات الي تخش الكمامات الحين علشان تبيعها غالي
غير الناس الي تشتري كميات علشان هي تبيعها


وكل الحالات الي صادوها في الكويت وعمان جايه من ايران ام المصايب

قلتها من قبل في موضوع سابق
فيها ناس تموت على الفلوس فتشتري كل شي علشان تبيعه بزياده

غير ان في قطر الان 7 حالات كلهم جايين من ايران الله يمحيها هي والصين

[@north_star@]

مصائب قوم عند قوم فوائد

حسبي الله و نعم الوكيل في كل مستغل ظالم مفتري يهضم حقوق العباد

نعم حسبنا الله ونعم الوكيل في كل من يستغل حاجة الناس لمصالحه الشخصية

[@north_star@]

قلتها من قبل في موضوع سابق
فيها ناس تموت على الفلوس فتشتري كل شي علشان تبيعه بزياده

غير ان في قطر الان 7 حالات كلهم جايين من ايران الله يمحيها هي والصين

صدقت اخوي هذول ناس عماهم الطمع والجشع حتى في هالظروف والله يستر

[sara jsm]

الحمدلله والشكر ..
الانسانيه الحقيقيه تبين في الحرب او مثل هالظروف ..
خلصنا من سالفه الطماط وخلصنا من سالفه البيض وخلصنا من التذاكر ..
الحين دور الكمامات :pic:
اظن هالاماكن او المواقع بحاجة لرقابه الدولة دام الرقابه الذاتيه معدومة ..

الله يبعد عنا وعنكم الامراض كلها ..

[معماري قطري]

الحمدلله والشكر ..
الانسانيه الحقيقيه تبين في الحرب او مثل هالظروف ..
خلصنا من سالفه الطماط وخلصنا من سالفه البيض وخلصنا من التذاكر ..
الحين دور الكمامات :pic:
اظن هالاماكن او المواقع بحاجة لرقابه الدولة دام الرقابه الذاتيه معدومة ..

الله يبعد عنا وعنكم الامراض كلها ..

رقابة والعقاب طبطبة وخلاص يا شاطر لتعيدها شالفايدة

لازم قانون واعتقد القانون موجود بس يبي له تطبيق والتطبيق معوق

[سالم الزهران]

تصرفات البشر غريبة في وقت الشدايد.. لكن الاونلاين شزينهه.. الاونلاين حسب الاخبار فيه طلب كبير على مواد التعقيم والعزل.. لكن خلونا نفترض اني بشتري 8 كمامات 3m ب15دولار.. ازين من اشتريها من داخل البلد من واحد محتكرهم.. يهمني جداََ أنه يخسر.

اتوقع الشهر هذا بيكون حاسم في موضوع الكورونا.. ورضي الله عن الفاروق يوم قال: وددت لو أن بيني وبين فارس جبل من نار.. والله يرفع هذا البلاء عن المسلمين.

[ابو عبدالله.]

هذه سنه البشر و طبيعتهم و التصيد بكل بلاد وقت الازمات

و بعدين في مستهلكين يبون حد ينصب عليهم و الي عارض البضاعه بالنت هو حر يحط السعر الي يبيه. هذا خياره. اما الصيدليات فهناك تسعيره رسميه لكل شيء ومنها الكمامات اذا تم اخذها من مؤسسه حمد و حددت نسبه للربح وهي بسيطه لبيعها بالصيدليات

العيب في الي ينقاد ورى الاشاعات و ما يتذكر حاجته الا بعد احتكارها و رفع سعرها

كم صار لنا من سمعنا عن كورونا. و توهم العالم يدورون كمامات

غير هذا. تم الاعلان ان الفيروس ليس بالخطوره الي يشاع عنه فمش مطلوب كل هالهلع و الركض وراء الكمامات و المطهرات

الاهم من هذا كله. ان الاغلبيه يتكلمون و يناقشون قضيه الفيروس وهم اصلا ما بحثوا عن معلوماته الرسميه و طرق الوقايه او حتى طرق استخدام الكمام بالطريقه السليمه

بسألكم يا جماعه الخير

حد فيكم شاف مقابله مدير الصحه بقناه الريان عن قضيه الفيروس هل استفدتوا من المعلومات و تطمنتوا

هل زرتوا مواقع الوزاره و الرعايه الاوليه و مركز الامراض الانتقاليه

الي ما زار المواقع ولا بحث عن معلومات رسميه و احترازيه برأيي. ما له حق ينتقد تصيد المحتكرين لاسعار الكمامات. و انا اول واحد فيكم. اذا ما بحثت و تثقفت ما لي حق انتقد لاني اتعمد قله استيعابي للوضع و اكون فريسه للمحتكرين برغبتي

[@north_star@]

الحمدلله والشكر ..
الانسانيه الحقيقيه تبين في الحرب او مثل هالظروف ..
خلصنا من سالفه الطماط وخلصنا من سالفه البيض وخلصنا من التذاكر ..
الحين دور الكمامات :pic:
اظن هالاماكن او المواقع بحاجة لرقابه الدولة دام الرقابه الذاتيه معدومة ..

الله يبعد عنا وعنكم الامراض كلها ..


رقابة والعقاب طبطبة وخلاص يا شاطر لتعيدها شالفايدة

لازم قانون واعتقد القانون موجود بس يبي له تطبيق والتطبيق معوق


تصرفات البشر غريبة في وقت الشدايد.. لكن الاونلاين شزينهه.. الاونلاين حسب الاخبار فيه طلب كبير على مواد التعقيم والعزل.. لكن خلونا نفترض اني بشتري 8 كمامات 3m ب15دولار.. ازين من اشتريها من داخل البلد من واحد محتكرهم.. يهمني جداََ أنه يخسر.

اتوقع الشهر هذا بيكون حاسم في موضوع الكورونا.. ورضي الله عن الفاروق يوم قال: وددت لو أن بيني وبين فارس جبل من نار.. والله يرفع هذا البلاء عن المسلمين.

القوانين موجودة ونتمنى زيادة تفعيلها بشكل يمنع تلك الفئات من إستغلال حاجة الناس لمصالحهم الشخصية

[@north_star@]

هذه سنه البشر و طبيعتهم و التصيد بكل بلاد وقت الازمات

و بعدين في مستهلكين يبون حد ينصب عليهم و الي عارض البضاعه بالنت هو حر يحط السعر الي يبيه. هذا خياره. اما الصيدليات فهناك تسعيره رسميه لكل شيء ومنها الكمامات اذا تم اخذها من مؤسسه حمد و حددت نسبه للربح وهي بسيطه لبيعها بالصيدليات

العيب في الي ينقاد ورى الاشاعات و ما يتذكر حاجته الا بعد احتكارها و رفع سعرها

كم صار لنا من سمعنا عن كورونا. و توهم العالم يدورون كمامات

غير هذا. تم الاعلان ان الفيروس ليس بالخطوره الي يشاع عنه فمش مطلوب كل هالهلع و الركض وراء الكمامات و المطهرات

الاهم من هذا كله. ان الاغلبيه يتكلمون و يناقشون قضيه الفيروس وهم اصلا ما بحثوا عن معلوماته الرسميه و طرق الوقايه او حتى طرق استخدام الكمام بالطريقه السليمه

بسألكم يا جماعه الخير

حد فيكم شاف مقابله مدير الصحه بقناه الريان عن قضيه الفيروس هل استفدتوا من المعلومات و تطمنتوا

هل زرتوا مواقع الوزاره و الرعايه الاوليه و مركز الامراض الانتقاليه

الي ما زار المواقع ولا بحث عن معلومات رسميه و احترازيه برأيي. ما له حق ينتقد تصيد المحتكرين لاسعار الكمامات. و انا اول واحد فيكم. اذا ما بحثت و تثقفت ما لي حق انتقد لاني اتعمد قله استيعابي للوضع و اكون فريسه للمحتكرين برغبتي

كلامك صحيح اخوي وانا قصدي مب الهلع والتهافت على شراء هالمنتجات أو غيرها ولكن القصد تفعيل الرقابة بشكل اكبر ويجب تعاون المستهلكين مع الجهات المعنية
مثل حماية المستهلك وغيرها يعني اذا حصلت تلاعب لا تتردد انك تبلغ عليهم وشكرا لمداخلتك .

[ابو عبدالله.]

كلامك صحيح اخوي وانا قصدي مب الهلع والتهافت على شراء هالمنتجات أو غيرها ولكن القصد تفعيل الرقابة بشكل اكبر ويجب تعاون المستهلكين مع الجهات المعنية
مثل حماية المستهلك وغيرها يعني اذا حصلت تلاعب لا تتردد انك تبلغ عليهم وشكرا لمداخلتك .

من هالناحيه انا اتفق معاك جدا

صارت المضاربات على كل سلعه تنقص او يصير عليها طلب مفاجئ

مع اني ملاحظ ان الكثير صاروا واعين و يبلغون عن هالامور لكن تضل موجوده

[@north_star@]

نصيحة للجميع قبل لا تشتري معقمات الايدي من المواقع شوف كم سعرها بالمجمعات التجارية
اليوم انصدمت من مدى طمع واستغلال بعض البشر ..

كنت اتصفح موقع الكتروني معروف بقطر وبالصدفة شفت معقم يدين حجم 500ملم منتج قطري واحد يبيعهم على 65 ريال
ونفس المنتج متوفر حاليا باللولو وكارفور على 24 ريال سبحان الله يبي يصير مليونير بيوم وليلة .

وأقول لمثل هالفئة من الناس إتقوا الله في خلق الله

[وليف الشوق]

اطلب من كل الجهات المختصه خاصه حماية المستهلك النظر في موضوع زيادة الاسعار في الوقت الحالي وماهي الاسباب التي دفعت الشركة او المؤسسة او التاجر لرفع سعر السلعه خاصه في هذا الوقت
وهل زيادة السعر وتحديده من قبل الشركات جائز او يخضع لرقابة القانون ؟

[@north_star@]

اطلب من كل الجهات المختصه خاصه حماية المستهلك النظر في موضوع زيادة الاسعار في الوقت الحالي وماهي الاسباب التي دفعت الشركة او المؤسسة او التاجر لرفع سعر السلعه خاصه في هذا الوقت
وهل زيادة السعر وتحديده من قبل الشركات جائز او يخضع لرقابة القانون ؟

اللي اعرفه حاليا انه وزارة الاقتصاد حددوا اسعار المعقمات بعد الاسعار الجنونية

[وليف الشوق]

اطلب من كل الجهات المختصه خاصه حماية المستهلك النظر في موضوع زيادة الاسعار في الوقت الحالي وماهي الاسباب التي دفعت الشركة او المؤسسة او التاجر لرفع سعر السلعه خاصه في هذا الوقت
وهل زيادة السعر وتحديده من قبل الشركات جائز او يخضع لرقابة القانون ؟

ياليت جات على الكمامات لكن المصيبه تلقاها في محلات الجوالات في شارع ال شافي واول امس رحت اشتري كفر لللايباد واللي كان سعره بـ 40 ريال والحين شريته بـ 150 ريال
من المسؤول عن جشع محال الجوالات وزيادة اسعارهم ؟ والمصيبه تحديد السعر منهم مش من اي جهه اخرى

[مرتبش]

ياليت جات على الكمامات لكن المصيبه تلقاها في محلات الجوالات في شارع ال شافي واول امس رحت اشتري كفر لللايباد واللي كان سعره بـ 40 ريال والحين شريته بـ 150 ريال
من المسؤول عن جشع محال الجوالات وزيادة اسعارهم ؟ والمصيبه تحديد السعر منهم مش من اي جهه اخرى

في رد لك اخوي في موضوع "رفع الاسعار في حالة الطوارئ" وكنت تشوف ان البايع من حقه يرفع السعر لانها تجارة ..اتمنى رايك تغير بعد هذي التجربة.. عموما كثرة المحلات تحول التنافس الطبيعي على السعر الى نصب واستغلال .. يحاولون يعوضون قلة البيع برفع الاسعار واستغلال عدم معرفة الشخص بسعر السلعة.
زيادة المحلات اللي مامنها فايدة تعني عشرين محل في شارع واحد يقدمون نفس الخدمة وعشرين عامل او اكثر يتحمل المجتمع تكاليفهم من سكن عشوائي غير انساني وزحمة طرق ومستشفيات وغيره.
ليش احنا كدولة معتمدين بشكل مكثف على العمالة ..ليش وصلنا لهالحالة واحنا نقدر نعتمد اكثر على التكنولوجيا

[الحاقول]

السنه في الصيف دخلت احدى الصيدليات في لندن ... واخذت عدد 4 من علب البندول ,,,, لكن موظفه الكاشير قالت فقط علبتين وليس 4 لك