على الشباب محاربة تكاليف الزواج الباهظة

[قطري2022]

ان الخاسر الوحيد في هذه البهرجات هو الزوج الضحية الذي يقع في الفخ الذي تنصبه بعض المقبلات على الزواج ، فقد انتشرت ظاهرة التفكير في جمع الاموال من خلال المقدم والمؤخر في حال الاقبال على الطلاق ، نعم هناك فتيات يضربن عصفورين بحجر ، وذلك من خلال تجربة الزواج لمجرد التجربة ، وفي حال الرغبة في الانفصال قد تحصل على مبلغ تستطيع شراء سيارة فارهة به ، او قد تبدا به مشروعا تجاريا او تحفظه لتكوين مستقبلها .

وفي حال الانفصال بعد الزواج ايضا ستكون هي الرابحة والزوج الضحية هو الخاسر الوحيد ، وذلك بعد ان تكبد خسائر طائلة في المقدم وحفلة الزفاف وغيرها ، وبعدها تحصل على المؤخر على طبق من ذهب ، والنتيجة هي ذهاب اموال الزوج هباء منثورا والتي قد تكون عبارة عن قرض مصرفي وسيتم سداده لمدة لاتقل عن خمس سنوات ، وقد يحرم من الزواج نظرا لعجزه المادي الذي تسببت به زوجته الاولى ، بينما هي قد تزوجت من شخص اخر وانجبت ايضا ، بينما الزوج الاول مازال غارقا في ديونه .

لذا ايها الشباب ، لا تضعوا انفسكم محل استغفال من قبل هؤلاء الانواع وقفوا وقفة رجل واحد لمحاربة تلك العقليات التي تفكر في المظاهر وجمع الاموال من كدكم وشقاءكم ، واعلموا ان العبرة فيما بعد حفل الزفاف وليس في الحفل نفسه ، فالهدف من الزواج هو الاستقرار والراحة النفسية وليس بهرجة الحفل ، فكم من حالات طلاق حدثت بعد الخسائر الطائلة التي تكونت بسب الحفل ، بينما من يفكرن في اهدار اموالكم ، ابتعدوا عنهن على الفور الى ان يفقهن بالهدف الحقيقي من الزواج ، وتاكدوا ان من يفضلن المظاهر عليكم لايستحقونكم .

[Rider]

اخوي قطري اتمنى تأجل المواضيع الاجتماعيه والعامة حاليا والله ياخوي الناس الحين مع فيروس كورونا وماحد مركز بمواضيع اخرى

[معماري قطري]

بعض التكاليف توصل لمبلغ يبني بيت أو يشتري شقة حتى فاخرة في دولة تسوى .. والله فكرت فيها وايد وتمنيت كل أعراس عيالي وبناتي اقتصادية بس تجري الرياح بما لا تشتهي السفن

[مرتبش]

أولياء الأمور يتحملون المسؤولية الأكبر .. اللي يشوف عرس بنته يكلف المعرس يقدر يلغي بعض الطلبات ويسهل الزواج

[ابو عبدالله.]

لا يد للبنت او ابوها او امها بالتكاليف

هذه عادات الكل متفق عليها حتى لو مكلفه.

البنت تبي عرس و الام تبي لبنتها مثل باقي البنات و الاب ما يبي يقط بنته بدون عرس. اصلا بياكلون وجهه لو ما ستوى عرس مثل الناس

بأمانه. حد منا بيرضى يسوي عرس بسيط لبنته او اخته

لو تصير بنلقى الشاب يحط اكثر بعرس الرجال يبي المظهر الزين و الفخامه

ما يصير نبي نقلل تاكليف وانت تحط عرضه و عشرين ذبيحه و تصوير و باقات و حلوى تطوف ع الضيوف. و بوفيه حلويات و حاشي على الطاولات الرئيسيه

بتقدر توقف جدام المعازيم بدون ذباح و عرضه. مثلا

حط نفسك مكان البنت بعد. تبي عرس زين و كشخه

و هذا مش قرارها. هذا متطلب ملزم للجميع

عن نفسي لو عندي بنت بتتزوج. مستعد ارجع تكاليف العرس لها و لزوجها بعد فتره عشان يأمنون مستقبلهم ولا يشترون لهم بيت و يبدأون حياتهم بلا ديون

لكن مش مستعد اعطيها شاب ما يعرف ينظم حياته و دخله و صار له سنين يشتغل وهو ما يعرف يجمع لعرسه

لا و يجي بموتر كشخه يبي يخطب وهو فلس. او مديون. يتزوج الموتر احسن دام همه الكشخه

صحيح انا انتقد تكاليف الافراح و اتمنى تتغير للافضل لكن دام الوضع موجود فأشوف ان الشاب لازم يعرف الالتزام و تخطيط مستقبله و موارده دام يدري ان وراه عرس

[ابو عبدالله.]

بعض التكاليف توصل لمبلغ يبني بيت أو يشتري شقة حتى فاخرة في دولة تسوى .. والله فكرت فيها وايد وتمنيت كل أعراس عيالي وبناتي اقتصادية بس تجري الرياح بما لا تشتهي السفن

واحد من شبابنا كلفه مليون و 300 الف غير الترتيبات و الاثاث و التجديد ببيت ابوه
تجيب شقه ثلاث غرف بالوسيل بهالقيمه

هذا موظف حكومي و باني بيت و أجره للاسكان. يعني طالع من بناء و مكلفه. مش تاجر ولا غني. شاب عادي بس انه رتب اموره بقدر المستطاع

عجبني تعليقك معماري لما قلت تجري الرياح بما لا تشتهي السفن

هذا عرف و عادات سواء قبلنا ام لا

الى ان تتغير احنا ملزمين فيها

فالافضل ان ما ننتقد البنت او اهلها و كلنا عندنا بنات و اهل و بنطلب نفس الشي

[قطري2022]

لا يد للبنت او ابوها او امها بالتكاليف

هذه عادات الكل متفق عليها حتى لو مكلفه.

البنت تبي عرس و الام تبي لبنتها مثل باقي البنات و الاب ما يبي يقط بنته بدون عرس. اصلا بياكلون وجهه لو ما ستوى عرس مثل الناس

بأمانه. حد منا بيرضى يسوي عرس بسيط لبنته او اخته

لو تصير بنلقى الشاب يحط اكثر بعرس الرجال يبي المظهر الزين و الفخامه

ما يصير نبي نقلل تاكليف وانت تحط عرضه و عشرين ذبيحه و تصوير و باقات و حلوى تطوف ع الضيوف. و بوفيه حلويات و حاشي على الطاولات الرئيسيه

بتقدر توقف جدام المعازيم بدون ذباح و عرضه. مثلا

حط نفسك مكان البنت بعد. تبي عرس زين و كشخه

و هذا مش قرارها. هذا متطلب ملزم للجميع

عن نفسي لو عندي بنت بتتزوج. مستعد ارجع تكاليف العرس لها و لزوجها بعد فتره عشان يأمنون مستقبلهم ولا يشترون لهم بيت و يبدأون حياتهم بلا ديون

لكن مش مستعد اعطيها شاب ما يعرف ينظم حياته و دخله و صار له سنين يشتغل وهو ما يعرف يجمع لعرسه

لا و يجي بموتر كشخه يبي يخطب وهو فلس. او مديون. يتزوج الموتر احسن دام همه الكشخه

صحيح انا انتقد تكاليف الافراح و اتمنى تتغير للافضل لكن دام الوضع موجود فأشوف ان الشاب لازم يعرف الالتزام و تخطيط مستقبله و موارده دام يدري ان وراه عرس

هلا اخوي الغالي بوعبدالله ، في بنات اهلهم عندهم الخير وماعليهك قصور لكن سوو حفلة عائلية بسيطة ، لازم نغير فكرة ان العرس لازم يكون كبير اوكشخة ونركز ع الاختياز الصحيح وتسهيل اكمال نصف الدين والعفة والستر ومانحط عراقيل ، والتغيير لازم يبتدي بمجموعة من الاشخاص علشان تتعمم الفكرة وتنقبل ، ومازلت اقول الي يقط فلوسه ع سيارة اتم عنده سنتين وثلاث واربع ، احسن من انه يقط نفس المبلغ على ليلة ، بعطيك مثال اخوي بوعبدالله ، مب علشان السرقات اكثرت نقول ان السرقة حلال ، بمعنى مب لان الغلط سايد نروح نقبله ونقول وضع طبيعي

[بوخميس]

من متى صارت هذي التكاليف من الاعراف والتقاليد؟

من 20-30 سنة كانت الاعراس فحوش البيت

كلها عادات دخيله على المجتمع

[وليف الشوق]

تكاليف العرس يقصم ويكسر ظهر المعرس مع مواجهة الديون لاحقا" وعدم النظر للامام وماهي تداعيات تلك الديون مستقبلا" وماهي طريقة تسديد الدين ؟ اقساط شهرية ؟ وكم تلك الاقساط ؟ وعلى كم سنه ؟ وكم الفائدة ؟


اسئلة يجب على كلا الطرفين الاجابة عليها

[قطري2022]

من متى صارت هذي التكاليف من الاعراف والتقاليد؟

من 20-30 سنة كانت الاعراس فحوش البيت

كلها عادات دخيله على المجتمع

ابدعت

[قطري2022]

تكاليف العرس يقصم ويكسر ظهر المعرس مع مواجهة الديون لاحقا" وعدم النظر للامام وماهي تداعيات تلك الديون مستقبلا" وماهي طريقة تسديد الدين ؟ اقساط شهرية ؟ وكم تلك الاقساط ؟ وعلى كم سنه ؟ وكم الفائدة ؟


اسئلة يجب على كلا الطرفين الاجابة عليها

ابدعت

[Rider]

من باب الطرفه وتغير الجو الظاهر الواحد لي يبغي يتزوج بيطلبون منه فحص كورونا في الفترة القادمة ويمكن ماتكون طرفه تكون حقيقه

[ابو عبدالله.]

خلنا نحسبها

قبل 20 سنه كان العرس يكلف فوق 300 الف و انا متزوج 2005 و مكلفني 330 الف و كان الاغلبيه يتزوجون في صالات الفنادق وكل الي قبلي بفنادق
ايامها كانت الرواتب للسينير 13 الف. هذا بالبترول. و الحكومه 7 الاف يعني كان مكلف ايضا مقارنه بالرواتب ايامها

المهور تقريبا 80 الف غير الشبكه و الصباحيه الخ

مع هذا كانوا يدخرون و يتزوجون و غيرهم كان يشتري كروزر ب 140 الف و ينتقد تكاليف الزواج

اسعار هالايام مثل كل شي ثاني. تضخمت فلل سيارات غلاء معيشه فتكاليف الزواج ايضا تضخمت

الميزه عندنا ان الرواتب ايضا تضخمت و الحمد لله اننا بخير و صار الموظف براتب مضاعف ثلاث و اربع مرات عن السابق
العرس تضخم ثلاث و اربع مرات مثل الراتب فنفس الضغوطات هالايام تشابه الزمن الماضي

لكن ضل الشباب يتزوجون و غيرهم يشتري موتر غالي و ينتقد تكاليف الزواج

هي هي نفس السالفه

لي تعليق لاخونا وليف الشوق

الشاب لو بدأ العمل و بدأ ينظم نفسه للمستقبل هل تعتقد انه بيتسلف كثير للزواج

لكن بالمقابل. لو ضل يصرف كل راتبه و مواتر و سفرات و شراء امور ليست ضروريه جدا هل هذا يقدر يرتب للزواج

كل شيء بالدنيا يحتاج تنظيم. عملك راتبك دراستك حياتك اليوميه ما يصير تعرف ان وراك التزام وما تلتزم

بتضل تضيع سنين لين نفقه ان الالتزام هو الحل الطبيعي وهذا من ابسط اساسيات الحياه

عندي امثله كثيره لشباب رتبوا ببساطه و تزوجوا بدون ديون

الي يدخر عشر الاف شهريا و الي اكثر شوي و الي يبيع جزء مناجازته او يوفر بونص الشغل
ثلاث اربع سنين الا هو تقريبا جاهز. و مخلي سلفه السياره بشغله لاخر شي. اذا احتاج

ما كشخوا بلكزس او كروزر اصفار فل ابشن من بدايه حياتهم

ترى هالمواتر للي عنده وفره ماليه مش لشاب مستجد بالعمل و ركضه ورى المواتر و آخر و احدث الموضات و السفر كذا مره مع الشباب

الحين التعليق لاخونا قطري :)

انا معاك انه من الافضل تغيير هالعادات لكن ايضا ما نلقي اللوم على احد لاننا كلنا بنفس الوضع و مفروض علينا

مع هذا لازلت اقول الموتر مش مهم ولا شيء يحتفظ بسعره عشان نقول انه مش غلط نشتريه غالي و يتم ثلاث سنين معانا

عندك هدف اشتغل عليه وهو الادخار للزواج لكن اذا ربع تكلفه الزواج بتحطها ع موتر مكلف يفقد نص قيمته و اكثر فهذا عقبه مش وسيله للتنقل

[وليف الشوق]

من باب الطرفه وتغير الجو الظاهر الواحد لي يبغي يتزوج بيطلبون منه فحص كورونا في الفترة القادمة ويمكن ماتكون طرفه تكون حقيقه

يصير ليش مايصير لان فحص الزواج الحالي اكثره عن الامراض المعديه

[asulaiti]

أولياء الأمور يتحملون المسؤولية الأكبر .. اللي يشوف عرس بنته يكلف المعرس يقدر يلغي بعض الطلبات ويسهل الزواج
لا رد بعد ردك هذا !!

فقط أضيف .. إبعاد الحريم عن مسألة تحديد المهر وترتيب حفل الزواج .. والأمور راح تصير طيبة.

[سعود.]

1. ودك يكون العرس عائلي فقط وليس عام حاله حال ( التمايم ) في البيت
2. او يبلش العرس من بعد صلاه العصر لين صلاه المغرب وبدون عشا ويكون ( عام ) في قاعات الدوله

كذا يقل العزاب والعوانس

[قطري2022]

1. ودك يكون العرس عائلي فقط وليس عام حاله حال ( التمايم ) في البيت
2. او يبلش العرس من بعد صلاه العصر لين صلاه المغرب وبدون عشا ويكون ( عام ) في قاعات الدوله

كذا يقل العزاب والعوانس

ياسلام عليك

[قطري2022]

لا رد بعد ردك هذا !!

فقط أضيف .. إبعاد الحريم عن مسألة تحديد المهر وترتيب حفل الزواج .. والأمور راح تصير طيبة.

فعلا بعض الحريم هم الي وصلو الاعراس لهالتكاليف ، وهم الي حولو القرنقعوه الي مايكلف ميتين ريال لحفلة تتعدى عشر الاف ريال ، وهم الي اخترعوا حفلة الهدية وحفلة توديع العزوبية

[قطري2022]

خلنا نحسبها

قبل 20 سنه كان العرس يكلف فوق 300 الف و انا متزوج 2005 و مكلفني 330 الف و كان الاغلبيه يتزوجون في صالات الفنادق وكل الي قبلي بفنادق
ايامها كانت الرواتب للسينير 13 الف. هذا بالبترول. و الحكومه 7 الاف يعني كان مكلف ايضا مقارنه بالرواتب ايامها

المهور تقريبا 80 الف غير الشبكه و الصباحيه الخ

مع هذا كانوا يدخرون و يتزوجون و غيرهم كان يشتري كروزر ب 140 الف و ينتقد تكاليف الزواج

اسعار هالايام مثل كل شي ثاني. تضخمت فلل سيارات غلاء معيشه فتكاليف الزواج ايضا تضخمت

الميزه عندنا ان الرواتب ايضا تضخمت و الحمد لله اننا بخير و صار الموظف براتب مضاعف ثلاث و اربع مرات عن السابق
العرس تضخم ثلاث و اربع مرات مثل الراتب فنفس الضغوطات هالايام تشابه الزمن الماضي

لكن ضل الشباب يتزوجون و غيرهم يشتري موتر غالي و ينتقد تكاليف الزواج

هي هي نفس السالفه

لي تعليق لاخونا وليف الشوق

الشاب لو بدأ العمل و بدأ ينظم نفسه للمستقبل هل تعتقد انه بيتسلف كثير للزواج

لكن بالمقابل. لو ضل يصرف كل راتبه و مواتر و سفرات و شراء امور ليست ضروريه جدا هل هذا يقدر يرتب للزواج

كل شيء بالدنيا يحتاج تنظيم. عملك راتبك دراستك حياتك اليوميه ما يصير تعرف ان وراك التزام وما تلتزم

بتضل تضيع سنين لين نفقه ان الالتزام هو الحل الطبيعي وهذا من ابسط اساسيات الحياه

عندي امثله كثيره لشباب رتبوا ببساطه و تزوجوا بدون ديون

الي يدخر عشر الاف شهريا و الي اكثر شوي و الي يبيع جزء مناجازته او يوفر بونص الشغل
ثلاث اربع سنين الا هو تقريبا جاهز. و مخلي سلفه السياره بشغله لاخر شي. اذا احتاج

ما كشخوا بلكزس او كروزر اصفار فل ابشن من بدايه حياتهم

ترى هالمواتر للي عنده وفره ماليه مش لشاب مستجد بالعمل و ركضه ورى المواتر و آخر و احدث الموضات و السفر كذا مره مع الشباب

الحين التعليق لاخونا قطري :)

انا معاك انه من الافضل تغيير هالعادات لكن ايضا ما نلقي اللوم على احد لاننا كلنا بنفس الوضع و مفروض علينا

مع هذا لازلت اقول الموتر مش مهم ولا شيء يحتفظ بسعره عشان نقول انه مش غلط نشتريه غالي و يتم ثلاث سنين معانا

عندك هدف اشتغل عليه وهو الادخار للزواج لكن اذا ربع تكلفه الزواج بتحطها ع موتر مكلف يفقد نص قيمته و اكثر فهذا عقبه مش وسيله للتنقل

هلا بالغالي بوعبدالله ، انا اشوف غلط ان الواحد ينطر سنين علشان يتزوج بسبب انه يجمع تكاليف العرس ، لان المفروض الزواج يكون سهل ورخيص مب صعب ويبيله تخطيط دقيق .

ولا مع ان الانسان لازم يحرم نفسه من متع الحياة علشان يجمع نص مليون او اكثر حق زواج بسبب ان احد البشر حط هالمبالغ وليس قانون رباني علشان نطيعه ونطبقه ،.

الزواج لازم يكون اسهل شي في الحياة ، لازم فكرة الزواج تتغير من التركيز على بهرجة الحفل الى التركيز على الاختيار الصحيح والحياة الزوجية السعيدة والخالية من الديون
مب علشان شفنا شباب مستهترين ويقطون فلوسهم في امور تافهة نروح نعمم ع الكل .

وفي نفس الوقت مايصير نعاقب واحد كان مستهتر وعقل ، نعاقبه من خلال تكاليف العرس العالية.

[معماري قطري]

واحد من شبابنا كلفه مليون و 300 الف غير الترتيبات و الاثاث و التجديد ببيت ابوه
تجيب شقه ثلاث غرف بالوسيل بهالقيمه

هذا موظف حكومي و باني بيت و أجره للاسكان. يعني طالع من بناء و مكلفه. مش تاجر ولا غني. شاب عادي بس انه رتب اموره بقدر المستطاع

عجبني تعليقك معماري لما قلت تجري الرياح بما لا تشتهي السفن

هذا عرف و عادات سواء قبلنا ام لا

الى ان تتغير احنا ملزمين فيها

فالافضل ان ما ننتقد البنت او اهلها و كلنا عندنا بنات و اهل و بنطلب نفس الشي

قصدي بها الله يسلمك انا احاول ويعلم الله حاولت في عرس بنتي كل شوي مسوين حفلة تساوي عرس .. خطوبة - حنة أو حَنة - وأخيراً توجوها بالزواج وكل حفلة تعادل زواج في تكلفتها واستعدادها وما كنت اتمنى هالشيء

[معماري قطري]

1. ودك يكون العرس عائلي فقط وليس عام حاله حال ( التمايم ) في البيت
2. او يبلش العرس من بعد صلاه العصر لين صلاه المغرب وبدون عشا ويكون ( عام ) في قاعات الدوله

كذا يقل العزاب والعوانس

كلامك في محله .. قبل أعراسنا هشكل بسيطة وسهلة وكل الزوار معروفين ومن الأهل

حضرت مرة عرس ابن وزير سابق وصاحب شركات كثيرة تقدر تقول عياله الحين كلهم سوبر هوامير والله يزيدهم صدقني بسيط في ساحة مجلسهم عرضة وعشاء وعازمين عدد محدود .. ما تقدر تتذكر كل ربعك أو تعزم الكل

من أيام قبل كورونا بشوي شفت دعوة في الجريدة .. تذكرت هذا اخوي ربعي وعدي بهم من سنين ورحت سلمت بسرعة ومشيت بعد كان العرس على معارفهم وعلى تجهيزاته الكل يسلم ويروح .. والمشكلة في أعراسنا ألحين هم الحريم اللي مبالغاتهم يقتات منها تؤبريني شو بتجنني ومثيلاتهم

[قطري2022]

كلامك في محله .. قبل أعراسنا هشكل بسيطة وسهلة وكل الزوار معروفين ومن الأهل

حضرت مرة عرس ابن وزير سابق وصاحب شركات كثيرة تقدر تقول عياله الحين كلهم سوبر هوامير والله يزيدهم صدقني بسيط في ساحة مجلسهم عرضة وعشاء وعازمين عدد محدود .. ما تقدر تتذكر كل ربعك أو تعزم الكل

من أيام قبل كورونا بشوي شفت دعوة في الجريدة .. تذكرت هذا اخوي ربعي وعدي بهم من سنين ورحت سلمت بسرعة ومشيت بعد كان العرس على معارفهم وعلى تجهيزاته الكل يسلم ويروح .. والمشكلة في أعراسنا ألحين هم الحريم اللي مبالغاتهم يقتات منها تؤبريني شو بتجنني ومثيلاتهم

بالضبططططط ، بعض الحريم مقصة ، اشلون الواحد يرضى ع نفسه انه تمشيه وحدة مقصة؟

[ابو عبدالله.]

قصدي بها الله يسلمك انا احاول ويعلم الله حاولت في عرس بنتي كل شوي مسوين حفلة تساوي عرس .. خطوبة - حنة أو حَنة - وأخيراً توجوها بالزواج وكل حفلة تعادل زواج في تكلفتها واستعدادها وما كنت اتمنى هالشيء

وهذا قصدي بعد. كلنا نتمنى نقلل من البهرجه لكن نرضخ للواقع

انا ابي اي حد بيصير عرس لاهله يعلمني كيف بيقلل التكاليف على المعرس الي بيتقدم لهم

و الله بفرح اذا ما انقص عليه مثل ما يقولون الشباب سواء المعرس او الرجال الي بيزوج بنته او اخته

اذكر واحد يوم بيتزوج طلع ان قريب للبنت مريض و قريب الوفاه و سووا العرس بالبيت بقله من المعازيم. لكن دفع حق اثاث الجناح ببيت ابوه قريب مئه الف بالفيت يعوضون عن حرمان الزوجه من حفله مثل الناس

طبعا تكلف مئات الالاف من مهر و شبكه و سفر. الخ

ضل كم سنه يذكرونه انه ما سوى عرس عدل مع ان السبب كلن يعرفه

[ابو عبدالله.]

كلامك في محله .. قبل أعراسنا هشكل بسيطة وسهلة وكل الزوار معروفين ومن الأهل

حضرت مرة عرس ابن وزير سابق وصاحب شركات كثيرة تقدر تقول عياله الحين كلهم سوبر هوامير والله يزيدهم صدقني بسيط في ساحة مجلسهم عرضة وعشاء وعازمين عدد محدود .. ما تقدر تتذكر كل ربعك أو تعزم الكل

من أيام قبل كورونا بشوي شفت دعوة في الجريدة .. تذكرت هذا اخوي ربعي وعدي بهم من سنين ورحت سلمت بسرعة ومشيت بعد كان العرس على معارفهم وعلى تجهيزاته الكل يسلم ويروح .. والمشكلة في أعراسنا ألحين هم الحريم اللي مبالغاتهم يقتات منها تؤبريني شو بتجنني ومثيلاتهم

ههههه تؤبرني. عجبتني هذه

تؤبرني يدفعك 750 الف حق الديكور بصاله الافراح. بس الديكور مش الطاولات بعد

الي قلته صحيح ياخوي عن البساطه لكنه اماني الاغلبيه ما تقدر تطبقه

البساطه يمكن قبل اكثر من 30 و 35 سنه لكن ولعت بالتسعينات و كانت توصل ربع مليون هذا اذا عرس الرجال بصاله نادي رياضي اذا تذكرون

بعد الالفين زادت و بعد التضخم و اسهم صناعات 2004 خلاص صارت دمبكه هههه

المهم ما بكثر بالتعليق. انا متفق معاكم تماما من ناحيه المبدأ لكن التطبيق شبه مستحيل وهذا موجود بالخليج كله مش بس قطر

الحل الوحيد هو الادخار اولا

اخوي قطري

لما تقول ان الي ما وفر او ضيع فلوسه ما يصير نحرمه من الزواج بسبب التكاليف

قلت لك قبل. كل شي فيه التزام

مثل الي ضيع سنوات يستهزئ وما خلص ثانويه و راتبه اقل من 20 الف من تحت يده طبعا و بعدها يقول ليش ما يعدلون رواتبنا او ما اقدر اكسخ مثل الشباب

مع ان هذا ممكن يدرس ليلي و يخلص و يحسن وظيفته و دخله
وحتى الي بيتزوج وما عنده يرجع يلتزم و يدخر و يرتب للهدف

ببساطه محد. بيرضى يزوجه بنته دام هو اصلا مش ملتزم و يبي يتزوج كيف بيضمن الاب ان الزوج بيلتزم بتوفير حياه زينه لزوجته و عياله

[ابو عبدالله.]

الي فاقدينه بالنقاش هو العنصر النسائي. ما شفنا لهم تعليق

ابي بنات يقولون كم هم يخسرون بالعرس من جيبهم الخاص عشان كلنا نعرف من كلا الطرفين

يقول صديق انه عرض على خطيبته ان يتناصفون فلوس العرس و يسوون حفله مقبوله و يسافرون وكلن بيده 600 الف للمستقبل

قالوا له ما نبي الفلوس نبي مثل الناس بس لا اكثر فتكلف مليون و 300 للعرس بس

في بنت بتقبل عرسها بدون حفله او مثل الناس اذا في علموني ابي اعرف كم وحده ممكن تقبل

[قطري2022]

ههههه تؤبرني. عجبتني هذه

تؤبرني يدفعك 750 الف حق الديكور بصاله الافراح. بس الديكور مش الطاولات بعد

الي قلته صحيح ياخوي عن البساطه لكنه اماني الاغلبيه ما تقدر تطبقه

البساطه يمكن قبل اكثر من 30 و 35 سنه لكن ولعت بالتسعينات و كانت توصل ربع مليون هذا اذا عرس الرجال بصاله نادي رياضي اذا تذكرون

بعد الالفين زادت و بعد التضخم و اسهم صناعات 2004 خلاص صارت دمبكه هههه

المهم ما بكثر بالتعليق. انا متفق معاكم تماما من ناحيه المبدأ لكن التطبيق شبه مستحيل وهذا موجود بالخليج كله مش بس قطر

الحل الوحيد هو الادخار اولا

اخوي قطري

لما تقول ان الي ما وفر او ضيع فلوسه ما يصير نحرمه من الزواج بسبب التكاليف

قلت لك قبل. كل شي فيه التزام

مثل الي ضيع سنوات يستهزئ وما خلص ثانويه و راتبه اقل من 20 الف من تحت يده طبعا و بعدها يقول ليش ما يعدلون رواتبنا او ما اقدر اكسخ مثل الشباب

مع ان هذا ممكن يدرس ليلي و يخلص و يحسن وظيفته و دخله
وحتى الي بيتزوج وما عنده يرجع يلتزم و يدخر و يرتب للهدف

ببساطه محد. بيرضى يزوجه بنته دام هو اصلا مش ملتزم و يبي يتزوج كيف بيضمن الاب ان الزوج بيلتزم بتوفير حياه زينه لزوجته و عياله

اذا الكافر يسلم ويياخذ حقوقة في الاسلام مثل الزكاة او غيره لو كان فقير ، فنروح نحرم اوندمر مستقبل الي كان مستهتر وعقل ؟ لازم نغير نظرة المجتمع للزواج ونقنعهم ان الهدف من الزواج عو الراحة انفسية والاستقرار .
دام عقب الملايين بصير طلاق معناها الي الملايين وفكرك البهرجة غلط ، لاننسى ان يصير غش في الشكل وفي للمعلومات وفي الاخلاق من الطرفين ، والمصيبة اذا البنت غشت زوجها وحيه يبي يطلق عفب مادفعته قريب المليون ، لو كنت مكانه بتنقهر وبتدعي عليها ولا عادي عندك ؟

[قطري2022]

الي فاقدينه بالنقاش هو العنصر النسائي. ما شفنا لهم تعليق

ابي بنات يقولون كم هم يخسرون بالعرس من جيبهم الخاص عشان كلنا نعرف من كلا الطرفين

يقول صديق انه عرض على خطيبته ان يتناصفون فلوس العرس و يسوون حفله مقبوله و يسافرون وكلن بيده 600 الف للمستقبل

قالوا له ما نبي الفلوس نبي مثل الناس بس لا اكثر فتكلف مليون و 300 للعرس بس

في بنت بتقبل عرسها بدون حفله او مثل الناس اذا في علموني ابي اعرف كم وحده ممكن تقبل

تراني مستمتع بالنقاش معاك يابوعبدالله
عموما نقطة الخلاف بيني وبينك هو انك تبي تاكد صحة فكرة التكاليف الي صنعوها بعض الحريم ، ومواكبتها وانا ابي اغلطها وايي اغيز مفهوم الزواج

[وليف الشوق]

متابع بصمت ومستمتع بالموضوع

[ابو عبدالله.]

اذا الكافر يسلم ويياخذ حقوقة في الاسلام مثل الزكاة او غيره لو كان فقير ، فنروح نحرم اوندمر مستقبل الي كان مستهتر وعقل ؟ لازم نغير نظرة المجتمع للزواج ونقنعهم ان الهدف من الزواج عو الراحة انفسية والاستقرار .
دام عقب الملايين بصير طلاق معناها الي الملايين وفكرك البهرجة غلط ، لاننسى ان يصير غش في الشكل وفي للمعلومات وفي الاخلاق من الطرفين ، والمصيبة اذا البنت غشت زوجها وحيه يبي يطلق عفب مادفعته قريب المليون ، لو كنت مكانه بتنقهر وبتدعي عليها ولا عادي عندك ؟

ليش بادره سوء النيه على البنت

ليش ما في شباب يطلع فيهم بلاوي زرقه هههه

الافضل ما ندخل في قلوب الناس و نحط امثله لان كلا الطرفين ممكن يكون زين او شين

انا ما قلت نحرمه. قلت يلتزم و يرتب نفسه مثل ما يلتزم و يرتب لدفعه اولى للكزس. و يجمع للسفر الخ

تعتقد ان الي ما عنده مليون ما يقدر يتزوج بيقدر و بيحصل بنت الحلال بس يجتهد شوي
ادخر نص راتبك و بعد سنه ونص بتتزوج.
سلفه الشغل و سلفه مقبوله من البنك بتتجمع اغلب تكاليف العرس

الحين كورونا يعني مافي زواج و فرصه للادخار :)

[ابو عبدالله.]

متابع بصمت ومستمتع بالموضوع

اي اكيد مستمتع هههههه

يقول لك يمكن تكون البنت مغشوشه هههه فرخه مضروبه ع قوله اخواننا المصريين

اذا الريال سنع مافي بنت بتطلب الطلاق بس جذي

الريال و البنت عندهم فتره الملچه و التقارب متوفر لمعرفه الطرفين بعدها ما في ضمان هههه

اذا بتقولون يمكن تطلع ع حقيقتها بعد الزواج. بعد بعض الشباب يطلعون عحقيقاهم

الي مديون مليونين. عشان مواتر و تجاره و ياجوب اهله جمعوله للزواج و يبقى من راتبه بسبب ديونه السابقه الفين ريال

و الي طلع يحشش في شهر العسل ع باله البنت ما تفهم و الي يشرب اعزكم الله. لا ويقول لها انا جذي تبين ولا كيفك و الي من اول اسبوع ضرب زوجته بس لانها غارت عليه من اتصالات بنات الدوام ليل نهار يكلمونه ياخي بنت صغيره توها متزوجه و تغار. تقعد تكلم بنات جدامها و ضرب واتس اب لين 12 بالليل و بعدها يقول ما ابيها او رجعوا فلوسي اذا بطلق

اسمحوا لي ع هالكلام لكنه حصل

الزواج مب سوني ستيشن تاخذه برخيص واذا تمللت حذفتها بالزباله

ولا زلت عند كلمتي. ابي حد يقول انا بزوج بنتي او اختي بدون هالتكاليف او عرس بالبيت صغير عشان اذا حد بيقول الحريم قاصين ع الرياييل يكون هو مش قاصين عليه هههههه جدع يعني

[ابو عبدالله.]

اخوي قطري سبق و قلت انا معاكم ان يتغير الوضع والله اني جاد لكن بدل النقاش في الاسباب خلنا نتجاوزها للحلول

انت لو تزور اي مركز اجتماعي سواء الاستشارات او الاسره و الطفل او جمعيه خيريه و طرحت عليهم يقودون فكره قياده المجتمع بحمله مطوله لتغيير الفكر بتكاليف الزواج. وحتى عطهم موضوعنا هذا يقرؤونه

و عطهم افكار تستحق التوعيه بها

زواج بلا ديون مثلا. او تكاليفك وفرها لشراء منزل غير حياتك

الجمعيات الخيريه او حتى الدوله ممكن تكافئ الي بيغير نمط عرسه للافضل مثلا الاستعجال بتوفير ارض الاسكان و القرض مخططات مجانيه غير مخطط الاسكان

فنادق تدعم بكم ليله للمتزوجين خصومات من محلات الاثاث. هذا حصل من كم سنه عبر جمعيه خيريه كمساعده زواج للي يدخلون دوره تثقيفيه عن الزواج لو تذكرون

ترى ممكن انت تغير مجتمع كامل لو اجتهدت بفكره و عرفت تسوق لها. مافي شي مستحيل ولو تبي انا مستعد اشاركك بتسويق الفكره

[قطري2022]

اي اكيد مستمتع هههههه

يقول لك يمكن تكون البنت مغشوشه هههه فرخه مضروبه ع قوله اخواننا المصريين

اذا الريال سنع مافي بنت بتطلب الطلاق بس جذي

الريال و البنت عندهم فتره الملچه و التقارب متوفر لمعرفه الطرفين بعدها ما في ضمان هههه

اذا بتقولون يمكن تطلع ع حقيقتها بعد الزواج. بعد بعض الشباب يطلعون عحقيقاهم

الي مديون مليونين. عشان مواتر و تجاره و ياجوب اهله جمعوله للزواج و يبقى من راتبه بسبب ديونه السابقه الفين ريال

و الي طلع يحشش في شهر العسل ع باله البنت ما تفهم و الي يشرب اعزكم الله. لا ويقول لها انا جذي تبين ولا كيفك و الي من اول اسبوع ضرب زوجته بس لانها غارت عليه من اتصالات بنات الدوام ليل نهار يكلمونه ياخي بنت صغيره توها متزوجه و تغار. تقعد تكلم بنات جدامها و ضرب واتس اب لين 12 بالليل و بعدها يقول ما ابيها او رجعوا فلوسي اذا بطلق

اسمحوا لي ع هالكلام لكنه حصل

الزواج مب سوني ستيشن تاخذه برخيص واذا تمللت حذفتها بالزباله

ولا زلت عند كلمتي. ابي حد يقول انا بزوج بنتي او اختي بدون هالتكاليف او عرس بالبيت صغير عشان اذا حد بيقول الحريم قاصين ع الرياييل يكون هو مش قاصين عليه هههههه جدع يعني

في رجال كذابين وفي حريم كذابين ، وفي الحالتين غالبا الرجال هو الي يدفع كل شي والموخر والنفقة ، لكن في الحفل واثتاء شراء تكاليف الزواج مانعرف من الكذاب ، يمكن البنت ويمكن الولد ، من جذي لازم العرس يكون سهل وغير مكلف علشان ماينظلم الرجال لو كان مظلوم

[ابو عبدالله.]

ولو ان كل الي قلته واجب شرعي على الزوج لكن احترم وجهه نظرك

[قطري2022]

ولو ان كل الي قلته واجب شرعي على الزوج لكن احترم وجهه نظرك

حبيب يابوعبدالله ، تدري لو اقتنعت بكلامي بسوي لك عزيمة كبيرة ، واذا انا اقتنعت بكلامك اشتر لي بنتلي لاهنت عهههه

[ابو عبدالله.]

ههههه كان على عيني اشتري لك البنتلي لكن انا بنفسي مبشاريه لين اخلص بناء البيت هههه

والله وبالله اني مقتنع بالفكره لكنها بدون خط واضح للتطبيق فقط لا غير

ترى انااتمنى التغيير اكثر منك. ومن التسعينات رجعت من امريكا و لما الشباب يسالفون عن قياده المراه. اقول كل وحده و كيفها ما لكم شغل ببنات الناس

الي يقول انت متفتح و انت تغيرت وين النخوه و كيفتسوق و ترجع بيتها عشر بالليل

لما اقول ان السايق مش محرم و يشم ريحه عطر الحريم و يرجعها البيت عشر بالليل من بيت ابوها لبيت زوجها. مش حرام يعني

يسكتون لكن. يضلون غير قابلين للتغير الي بدأ بالتسعينات لقياده المرأه

وقتها فضلت ما اناقش عقول ما تتقبل التغيير وكان المجتمع غير جاهز وقتها

الان نضج المجتمع بروحه ما احتجت اسير عكس التيار وقتها خليت رأيي لنفسي و احترمت الاراء و اسباب رفضهم للفكره

اقول لك شي بعد

لما رجعت لقطر بعد منتصف التسعينات ايضا رجعت بفكره مهمه

ان مافي شي يضل كما هو ولا المعيشه تضل ثابته ولا دعم الحكومه سيضل للابد

بعد ما شفت الامريكان الي كل دول العالم تحترمهم عشان جوازهم. يشتغلون بيدهم و يصب لك البنزين بالمحطه عشان ياخذ بخشيش كم دولار
سألت شاب ليش تشتغل بمحطه بترول. قال. عشان احوش و ادفع مصاريف الجامعه

من وقتها قلت لين متى احنا بنضل بأمور سهله و حياه معيشيه رخيصه فأكيد بيجي يوم اشوف قطريين يشتغلون بوظائف بسيطه و الدنيا بتغلى و الامور بتتصعب

فحطيت هدف و التزمت فيه و الحمد لله الله وفق. وهو تنظيم الامور الماليه للمستقبل للزواج و الادخار و رفع مستوى الحياه المعيشيه

ما كانت سهله و فيها فترات تقشف و فترات انتظار لكن الحمدلله الزواج بلا ديون و خليت السلفه لشراء بيت بدل الايجار

الحين انت تعتقد ان الحياه حاليا مب متغيره مستقبلا؟

بتتغير و بتغلى و بدفع ضرايب و فواتير و رسوم بتنحط مستقبلا

و بدأت فعليا بعض الرسوم و الفواتير

بعدين الي بيتزوج بيقول يا ليت نرجع لسنه 2020 كانت المصاريف اهون

[sara jsm]

فقط أضيف .. إبعاد الحريم عن مسألة تحديد المهر وترتيب حفل الزواج .. والأمور راح تصير طيبة.


هاي مختصر الموضوع كله .. أحسنت بارك الله فيك ..

لكن

كلكم تآذنون في خرابه :eek2:

[ابو عبدالله.]

هههههههه