استفسار تشطيب ؟

[بـومحمد]

السلام عليكم
وين تنصحون بمحلات لبلاط الحمامات نفس مستوى كافود ونابينا
ومن وين اخذ بورسلان للبيت شي فاخر ومميز

[معماري قطري]

عليكم السلام ورحمة الله وبركاته

المحلات كثرت وايد والله يعينك .. طريق سلوى يمين ويسار كل شوي محل وكل محل عنده شيء ما عند الباقيين

بعضهم الكبار تحصل عندهم صيدة عرض خاص شيء جيد ورخيص .. معليش فرصة اسوق لمحل ولد عمتي الغانم للسيراميك في سوق عين خالد عندهم اسباني وغيره وأكبر حجم 120 في 60 .. تدمر ونابينا وكثيرين غيرهم

[بـومحمد]

ياهلا بوعبدالله
الغانم احتمال اخذ الاكسوارت من عنده*اسعارهم
معقوله

[سعود.]

نصيحة مجرب ومفرفر السوق كامل وساكن من سنة

روح نابينا عندة كل شي

[وليف الشوق]

انصحك بالاسباني ونصيحه مجرب

[بـومحمد]

تقريباً نابينا خذت منه اغلب الحمامات بس باقي الرئيسي والصاله

[بـومحمد]

اغلب الي خذته اسباني من نابينا

[الكاسر007]

البلاط موب مهم بالنسبة لي كثر اللي يركب البلاط لانك نشتري بلاط غالي والنهاية شغل التركيب أي كلام راح كل شي لامنظر ولافنش لاتسترخص بسعر التركيب نصيحة

[سعود.]

البلاط موب مهم بالنسبة لي كثر اللي يركب البلاط لانك نشتري بلاط غالي والنهاية شغل التركيب أي كلام راح كل شي لامنظر ولافنش لاتسترخص بسعر التركيب نصيحة

صادق

مهم جدآ الدفان يكون ممتاز مرشوش بماي ومدكوك دك متوسط الشدة ونوعية مواد اللصق نوع قوي مش ابو 10 ريال الي دارج بين المبلطين حاليآ .

[بـومحمد]

حاليا في مرحلة الحوائط
واللاصق اخذته من نابينا الكيس 20 كيلو بقيمة 35 ريال

[معماري قطري]

صادق

مهم جدآ الدفان يكون ممتاز مرشوش بماي ومدكوك دك متوسط الشدة ونوعية مواد اللصق نوع قوي مش ابو 10 ريال الي دارج بين المبلطين حاليآ .

لتحط دفان بيكون بيوت للنمل بإذن الله البيت الجديد حتى الحمامات بتكون سكريد بدون حبة رمل أو دفان

[سعود.]

لتحط دفان بيكون بيوت للنمل بإذن الله البيت الجديد حتى الحمامات بتكون سكريد بدون حبة رمل أو دفان

حتى الدور الاول !!!!

[معماري قطري]

حتى الدور الاول !!!!

نعم .. انا حطيت في الحمامات بس وطلع فيها نمل شوي لكن اللي سوينا له قراوت جديد اختفى النمل .. بعضهم اعتمدنا الرش بالمبيد أما باقي البيت الحمد لله ما حصلوا مكان ينخشون فيه .. بعدين كم تكلفة السكريد؟

حق 400 متر بتحتاج ما يقارب ارتفاع 10 سم بالكثير يعني المتر المكعب يسوي لك 10 أمتار مربعة و 40 متر بيكفي للدور كله .. واحد من الإخوان معانا المقاول عطاه سعر غالي للدفان قلت له السكريد بيطلع لك ارخص وحسبها طلع صج يمكن نص القيمة اللي معطيه المقاول

حطيت في موضوع اليوتيوب عن الكويت يصبون خرسانة للحمام سكريد خرسانة خفيفة مع رغوة وسهلة لو يبي يكسر للصيانة هذا لو سوى صيانة بايبات التصريف في العادة لو معمولة صح تعيش طول العمر

[بـومحمد]

انا بسوي نفس ماقلت معماري بس اخلص من الحمامات بصب البيت كامل بس بلغني الكهربائي لازم 15 سم ارتفاع الصبه بيكون للارضيات مع انه الحممات عندي في الدور الاول نازله

[معماري قطري]

انا بسوي نفس ماقلت معماري بس اخلص من الحمامات بصب البيت كامل بس بلغني الكهربائي لازم 15 سم ارتفاع الصبه بيكون للارضيات مع انه الحممات عندي في الدور الاول نازله

الكهربائي شدخله في مستوى ارتفاع الصبة أو التشطيب النهائي .. هذا شغل المبلط وشغل أساسي في التصميم حتى ينوزن الدرج مع الأرضيات كلها فما تحصل عتبة درج مبتدية مثلاً 10 سم وبعدها تنقز العتبة الثانية 16 وتستمر على هالحال .. ضروري موجود استشاري يرتب لك العملية

[معماري قطري]

الكهربائي دوم يبي له سعة أكبر حتى يقدر يمدد براحته لكن لازم تطلب من المبلط أو مقاول التبليط تحديد هذي المستويات كلها يرسم لك خطوط على الحائط لمستوى السكريد وبعده مستوى البلاط أو الرخام ونفس الشيء يرسم لك الدرج رسم بمستوياته على الحايط جنبه بعد أخذ المقاسات .. شغل الكهربائي يلتزم بالمستويات وما يفتي ويحدد على كيفه

[معماري قطري]

نصيحة لأي شخص مقدم على عقد جديد يكتبها بوضوح في العقد نوع محتويات الارضيات والتشطيب وله الخيار بين دفان وهو أسوأ الخيارات ومشاكله المستقبلية كثيرة منها يمكن يجي الدفان ملوث بالأرضة وتبين بعدين ممكن بعد عشر سنوات بتآكل الخشب في البيت ولو انتشرت لها أضرار كبيرة حتى صحية .. بعض الدفان يجي فيه بيض نمل عادي ويفقس ويطلع في البيت .. الدفان تنتشر فيه أي رطوبة متسربة وتبقى وترشح على الجدران وتخرب الصبغ .. الدفان ممكن تستوي فيه هبوطات حتى لو بسيطة وكراكات يدخل من خلالها النمل الجديد ويترعرع في بيوت تحت البلاط مناسبة له

انا ما ابيع دفان ولا ابيع سكريد ولا لي فايدة والفايدة للي بيبني .. وبتحصلون مقاولين يحبون الدجل وبعضهم بيقولون الرمل خفيف والسكريد ثقيل حتى ممكن يسبب انهيار وبعضهم بيقولون مكلف وايد وايد

[بـومحمد]

الكهربائي شدخله في مستوى ارتفاع الصبة أو التشطيب النهائي .. هذا شغل المبلط وشغل أساسي في التصميم حتى ينوزن الدرج مع الأرضيات كلها فما تحصل عتبة درج مبتدية مثلاً 10 سم وبعدها تنقز العتبة الثانية 16 وتستمر على هالحال .. ضروري موجود استشاري يرتب لك العملية
مهو مقاول الكهرباء هو البايب فيتر فهو يتكلم علشان دفان الحممامات مع البيت بيخلص على 17 cm مع البلاط

[معماري قطري]

مهو مقاول الكهرباء هو البايب فيتر فهو يتكلم علشان دفان الحممامات مع البيت بيخلص على 17 cm مع البلاط

اللي ينطبق على مقاول الكهرباء ينطبق على البايب فيتر وزن البلاط شغلة مقاول التبليط ولازم يحدد المستويات قبل حتى ما تستوي خربطة والباقي لازم يلتزمون بمستوياته .. إذا تركت الموضوع للبايب فيتر هو ممكن يسوي بايباته مرتفعة بعدين يجيك مقاول التبليط ويقول لك لازم نرفع ونضطر نزيد الدرج ممكن عتبة أو عتبة نسويها أعلى من غيرها .. وأظن قصدي واضح خل مقاول التبليط يحدد خطوط مستويات التشطيب وخل البقية يلتزمون بها ولا تسمع فتاويهم

[بـومحمد]

اللي ينطبق على مقاول الكهرباء ينطبق على البايب فيتر وزن البلاط شغلة مقاول التبليط ولازم يحدد المستويات قبل حتى ما تستوي خربطة والباقي لازم يلتزمون بمستوياته .. إذا تركت الموضوع للبايب فيتر هو ممكن يسوي بايباته مرتفعة بعدين يجيك مقاول التبليط ويقول لك لازم نرفع ونضطر نزيد الدرج ممكن عتبة أو عتبة نسويها أعلى من غيرها .. وأظن قصدي واضح خل مقاول التبليط يحدد خطوط مستويات التشطيب وخل البقية يلتزمون بها ولا تسمع فتاويهم
وضحة الفكره شكراً على التنبيه وجاري التنفيذ

[معماري قطري]

المصمم دوم يحط احتياط للتمديدات بحدود 10 سم لجميع الأرضيات .. لأرضية الحمام البعض يسويها نازلة عن بقية الارضيات 35 سم للتمديدات والبعض يسويها أقل بشوي .. النازلة وايد تسبب لك مشكلة نزول الماي بقوة ويسوي صوت مزعج لكنها مريحة للبايبفيتر .. فيه حلول يعرفونها مهندسين الميكانيكل وبعض البايبفيترية الشاطرين لمشكلة الصوت وهي تركيب صفايات خاصة بنظام اغلاق بعد نزول الماي .. هذي اسأل عنها محلات الأدوات الصحية ممكن تحصلها وفرصة تبدلها قبل الشغل

بعد نصيحة لو تحاول تخلي مستوى بلاط أرضية الحمام نازل 1 سم عن الغرفة بيكون لو تسرب ماي أو انفتح بيب الماي يتصرف في الصفاية ولا يدخل الغرفة .. بعد تقدر تسوي قطعة رخام عند الباب بارتفاع 1 سم فوق مستوى أرضية البلاط وبزاوية لافة ( مبرومة - منحنية ) حتى ما تجرح أو تزعج الرجل .. وبنفس الوقت تمنع الماي من التسرب وبنفس الوقت يصك الباب معاها .. حطيت لها تفصيل في موضوع مراجعة المخططات المعمارية

[بـومحمد]

نصايحك يابوعبدالله لازم نزل فيها كتاب يكون مرجع الله يجعله في ميزان حسناتك

[معماري قطري]

نصايحك يابوعبدالله لازم نزل فيها كتاب يكون مرجع الله يجعله في ميزان حسناتك

آمين والله يرحم والديك وييسر بنيانك

[$الملياردير$]

هلا اخوي شوف سراميك الخليج بيعجبك ان شاء الله

[Azizuk]

ثلاث محلات عملاقه بالسوق غيرهم لا دور والا تضيع وقتك

( نابينا ) تنين السوق انا اسميه

( كافود ) بضاعة ممتازة

( المتحدة / بورسلنوسا ) وهو ارقى محل في البضاعة وفي التعامل


نصيحة مجرب بالسوق

المحلات الثانية زينه بس متعبين يوعدك ويايتاخر عليك او يايقول لك خلصت البضاعة تعال غير النوع

[معماري قطري]

ثلاث محلات عملاقه بالسوق غيرهم لا دور والا تضيع وقتك

( نابينا ) تنين السوق انا اسميه

( كافود ) بضاعة ممتازة

( المتحدة / بورسلنوسا ) وهو ارقى محل في البضاعة وفي التعامل


نصيحة مجرب بالسوق

المحلات الثانية زينه بس متعبين يوعدك ويايتاخر عليك او يايقول لك خلصت البضاعة تعال غير النوع

مؤيد

وضيف لهم العمودي وتدمر تدمر تدمر الأسعار تدميراً

[معماري قطري]

يا حلو الجو يا بو سعود ما ودك نروح السينما

[بـومحمد]

ثلاث محلات عملاقه بالسوق غيرهم لا دور والا تضيع وقتك

( نابينا ) تنين السوق انا اسميه

( كافود ) بضاعة ممتازة

( المتحدة / بورسلنوسا ) وهو ارقى محل في البضاعة وفي التعامل


نصيحة مجرب بالسوق

المحلات الثانية زينه بس متعبين يوعدك ويايتاخر عليك او يايقول لك خلصت البضاعة تعال غير النوع

المتحده مريت النوعيات الي ابيه يامخلصه او موقف تصنيعها

[بـومحمد]

مؤيد

وضيف لهم العمودي وتدمر تدمر تدمر الأسعار تدميراً

باقي تدمر نمر عليه والله المستعان

[بـومحمد]

يا حلو الجو يا بو سعود ما ودك نروح السينما

السينما مره وحده 😷

[معماري قطري]

السينما مره وحده ��

ههه عارف انها مسكرة خلاص وبوسعود رفيج آخر فلم حبيت اذكره بس

[Azizuk]

ههه عارف انها مسكرة خلاص وبوسعود رفيج آخر فلم حبيت اذكره بس


هلا بوعبدالله كان زين نقدر نروح اَي مكان انا ماقدر اشبر برا الحجر :rolleyes2: محجور على يابوعبدالله ادعي لنا بس نخلص على خير ماباقي الا كم يوم ان شاءالله ونفتك
كوفيد 19 ماخله حد في حاله دمر العالم سبحانك يارب

[بـومحمد]

اجر ان شاء الله اخوي

[معماري قطري]

هلا بوعبدالله كان زين نقدر نروح اَي مكان انا ماقدر اشبر برا الحجر :rolleyes2: محجور على يابوعبدالله ادعي لنا بس نخلص على خير ماباقي الا كم يوم ان شاءالله ونفتك
كوفيد 19 ماخله حد في حاله دمر العالم سبحانك يارب

الله يحفظك ويحفظ المسلمين من هالوباء

عاد السينمات مسكرة هههه صج 14 يوم ملل احنا شوي نكسر الملل بطلعة بسيطة حتى لو بالسيارة .. ولدي جاء قبل الحجر بيوم والحمد لله اليوم محتفل باكماله 14 يوم وكان مريض شوي بس احتقان بسيط وشفى لكن ما تقربناه

[Azizuk]

اجر ان شاء الله اخوي

الله يجزاك خير

[Azizuk]

الله يحفظك ويحفظ المسلمين من هالوباء

عاد السينمات مسكرة هههه صج 14 يوم ملل احنا شوي نكسر الملل بطلعة بسيطة حتى لو بالسيارة .. ولدي جاء قبل الحجر بيوم والحمد لله اليوم محتفل باكماله 14 يوم وكان مريض شوي بس احتقان بسيط وشفى لكن ما تقربناه


الحمدالله على سلامة الولد يابوعبدالله

[معماري قطري]

الحمدالله على سلامة الولد يابوعبدالله

الله يسلمك يا اخوي

صايع كله برا الخوف عليه من الخطر هنا أكثر