لاتخجل من فكرتك .. فقد تكون على صواب .. وغيرك هم المخطئين

[قطري2022]

هنالك اشخاص مبدعون بين اسرهم وفي مجتمعاتهم ، لكنهم لايعلمون عن ابداعهم ولم ينتبه لهم من حولهم ، قد يكون من حولهم حاسدون ويريدون قمع المبدعين ، او ان من حولهم محدودي الفكر ولا يستطيعون التفريق بين المبدع والعادي .

وحينما يكبر هؤلاء المبدعون يودون بتصحيح اخطاءهم واخطاء من حولهم دون ان يدركوا انهم من المبدعين، لكنهم لايملكون الثقة بانفسهم ويخافون الانتقاد والتحبيط نظرا لان افكار المبدع قد تخالف بعض العادات والمبادئ الاجتماعية الخاطئة .

لذلك يجب على المبدع ان يثق بنفسه وبافكاره وان يعبر عن اراءه بفن وحذر كي لايوقع نفسه بمشاكل مع افراد بيئته ومجتمعه ، حيث من الخطا السير عكس التيار ، الا في الضرورة القصوى قد سيحتاج الانسان السير بعكس من حوله وخصوصا في الامور المصيرية .

[MAZEN37]

من اروع المواضيع الي قرأتها
تحيه لك وهذا فعلا ملامس للواقع
وللاسف للاسف للاسف

[fmmja]

انا من عشاق الفنون الشعبية

و لو دخلت هالمجال متاكد أني راح ابدع فيه لأني اعشق المجال

لاكن مثل ما قلت اخوي قطري 2022 من الخطاء السير عكس التيار لأن المجتمع اللي حولي يرفض هالمجال جملة و تفصيلا

[ابو عبدالله.]

وايد تجارب مرينا فيها بنفس النمط

يا عكس التيار يا الي حولك ما يتقبلون لاسباب كثيره

اما نحاسه وما يبون غيرهم يطلع فاهم اكثر منهم او انهم لا يتقبلون غير الي تعلموه

التغيير صعب لكن ممكن

يعتمد على طريقه تسويق فكره التغيير و جمع مناصرين يسندون الفكره ضد الرافضين لها يعني كسب التأييد

هذا من وجهه نظري و بأمور انا مريت فيها

بسبب كثره الي يسوون روحهم فاهمين ضاع الي فاهم صح ولازم يتعب اكثر من غيره لاثبات فكرته او جدوى طرحه

احنا نشوف ان الي يقمع المبدع او يقلل من اهميته و يحاربه شيء مقلق

لكن بالحقيقه هي فرصه آلاهيه تحط المبدع ع المحك لاخراج افكاره بأفضل الطرق و بمهنيه عاليه عشان محد ينتقد اي نقطه فيها

ايضا قد تكون سبب لانتقاله لبيئه افضل تخرج ابداعاته. سواء بالعمل او بمن حوله اصدقاء او اقارب الخ

بنظري. ان كل انسان مبدع. والله موقن بهالشيء حتى لو كان غير متعلم او ناطور عند باب شركه

الفارق ان بيئته ما ساعدته على اخراج ابداعه

العقل بقوته يهز جبال لكن ترويضه بالعمل او الصحبه او العائله ممكن تقتل ابداعه فيمشي بنمط روتيني و يعيش كمن حوله

بموضوعك الثاني كانت فكره ممتازه عن تغيير تكاليف الزواج و تناقشنا عن صعوبه هالشيء لكن جلست افكر. ايش يبي اخونا. هل يبي زواج ببلاش؟

لين وصلت ان الفكره حميده لكن ينقصها التسويق للفكره قلت انا مسوي نفسي فاهم. ليش ما افكر كيف ممكن يوصل الرساله بافضل الطرق. فطرحت عليك فكره تسويقها ع الجمعيات و مؤسسات المجتمع المدني لكسب تأييد للفكره و ممكن تنجح والله

[ابو عبدالله.]

بقول لكم عن تجربه احب اذكرها

من سنين رحت مركز طبي و الطبيب قال ما اعطيك اجازه لانك تتبع مركز ثاني. روح لهم

فقدمت شكوى بمكت المديره بالمركز و نسوها اسبوعين و زرتهم مره ثانيه وكنت تعبان بعد و نفس الشيء لين اتصلت المديره فقلت لها

وحدوا نظام الاجازات اون لاين عشان تعرفون من يتلاعب بالاجازات ومنهو الصادق لكن المريض يتنقل بين المراكز عشان ورقه اجازه.

قالت وين نطبق هالفكره. صعبه لكن قلت لها تبيني اقابل الوزير عن المشكله ولا انتي تقدمينها كأقتراح لهم

قالت والله مش غلط بقدمها لكن هالامور تاخذ سنين لين تطبق

قلت لها الهدف هو التطوير للافضل مش عشان اجازتي. خلها تاخذ كم سنه لكن بيصير تطوير

بعد مده كلمتها وقالت احنا نطور برنامج يشبك الاطباء بالصيدليات فبنشبك الاجازه بالبرنامج نفسه و فعلا تطبقت على الاجازات. الي الحين كلنا سمعنا عن توفرها لاي طبيب و محد يقدر يتلاعب و ياخذ اجازه كل كم يوم من كذا مركز

لو ما تابعت مع المديره كان قبلت بردها و راحت السالفه لكن المثابره و طرح الحلول ينجح الفكره

السلبيه الوحيده ان النساء الحوامل الي ياخذون اجازات بالشهر و الشهرين يمكن يدعون علي لانكشاف كثر الاجازات عندهم بسستم عند كل طبيب و بالوزاره هههه

[قطري2022]

بقول لكم عن تجربه احب اذكرها

من سنين رحت مركز طبي و الطبيب قال ما اعطيك اجازه لانك تتبع مركز ثاني. روح لهم

فقدمت شكوى بمكت المديره بالمركز و نسوها اسبوعين و زرتهم مره ثانيه وكنت تعبان بعد و نفس الشيء لين اتصلت المديره فقلت لها

وحدوا نظام الاجازات اون لاين عشان تعرفون من يتلاعب بالاجازات ومنهو الصادق لكن المريض يتنقل بين المراكز عشان ورقه اجازه.

قالت وين نطبق هالفكره. صعبه لكن قلت لها تبيني اقابل الوزير عن المشكله ولا انتي تقدمينها كأقتراح لهم

قالت والله مش غلط بقدمها لكن هالامور تاخذ سنين لين تطبق

قلت لها الهدف هو التطوير للافضل مش عشان اجازتي. خلها تاخذ كم سنه لكن بيصير تطوير

بعد مده كلمتها وقالت احنا نطور برنامج يشبك الاطباء بالصيدليات فبنشبك الاجازه بالبرنامج نفسه و فعلا تطبقت على الاجازات. الي الحين كلنا سمعنا عن توفرها لاي طبيب و محد يقدر يتلاعب و ياخذ اجازه كل كم يوم من كذا مركز

لو ما تابعت مع المديره كان قبلت بردها و راحت السالفه لكن المثابره و طرح الحلول ينجح الفكره

السلبيه الوحيده ان النساء الحوامل الي ياخذون اجازات بالشهر و الشهرين يمكن يدعون علي لانكشاف كثر الاجازات عندهم بسستم عند كل طبيب و بالوزاره هههه

هههههه عاد دعاوي الحوامل مافيها يما ارحميني
المديرة الي رحت لها هذي عقلها صغير وتحفظ ماتفهم ، من قالت ان صعب طاحت من عيني على طول
رحت مطعم موحود قي احدى الحدائق الكبيرة ، وفي طريق للطلبات الخارجية بالسيارة ، اكتشفت ان الطلب ياخذ عشر دقايق ، والنوظف يمر ع كل السيارات علشان ياخذ الطلبات ، لكن قلت له اقترح ع المدير ان تقرلون حق السيارات يصفون في المواقف الي مقابلتكم دام الطلب ياخذ عشر دقايق ، لان مب كل واخد يحب ينطر عشر دقايق وحدامه سيارات ناطرة ونب مخليته يطلع ، قال مايصير لان المواقف مالة الحديقة مب حق المطعم ، قلت له اشدخلك انت قي الموصوع علشان تقرر انه مايصير ، هذي امور بقودونها المدرا ، كلم مديرك ومالك شغل ، وبعدين المطعم يحق له مواقف لانكم ماجرين من المكان من الخديقة ، عيل زباينكم وين بيصفون ؟ ع الغيوم مثلا ؟ قهرني يوم قال مايصير ، هذي مشكلة الغبي لو سلموه مسوولية ، هذا اشوى انه ياخذ طلبات لو مسوول كان تسكر المطعم عقب ثلاث ايام

[ابو عبدالله.]

هههههه كان تسكر المطعم

صادق

العقليات تقدر تقودها اذا استخدمت طرق القاء و حوار جاذبه

ولازم توصل للعقل الاكبر عشان ماتضيع الجهد و الوقت في نقاش الصغار اولا

لكن كيف بتقنع الحوامل ان نظام الاجازات زين للمجتمع هههههه