بخصوص توقيت المحلات مع الكورونا وتوصيل الطعام للمنازل

[قطري2022]

عندي فكرة ياشباب وابي ارائكم الكريمة :

1) المحلات نفس الخييايط وغيرهم يفتحون من سبع الصبح لين وحدة الظهر ، وانا اشوف انه غلط لان هالوقت وقت دوام ومانلحق عليهم ، الاحسن يفتحون من العصر لين الليل علشان نلحق نرتاح بعد الدوام ونقضي مشاويرنا .

2) توصيل الاكل للمنازل ، انا اشوفه غير صحي لان ممكن ينتقل الفايروس للاكياس ، وسواقين التوصيل معرضين للاختلاط مع الناس اكثر من الي في المطعم ، وبعضهم مايعرفون النظافة ، اكيد ان الي يشتغلون داخل المطعم مدربين ع النظافة اكثر ، فافضل ان اشخص يروح بتفسه المطعم ، ويخلون التوصيل اختياري ، ننطر ارائكم

[حمــد]

انا اشوف لو يكسورن المطاعم والخياطين وكل المحلات وكل واحد يدير اموره من البيت .. يا جماعه فتره وان شاء الله تعدي على خير .. معليه تحملوا شوي

[Rider]

والله ياخوي بالنسبة للخياطين ومحلات اخرى ماشوف انها ضروريه الحين وبالنسبة للتوقيت انت تقول يفتحون المساء وغيرك يبغونها الصباح وانا اقول المفروض نتاقلم عن الوضع فترة باذن الله وتعدي وننسى كل شي اما المطاعم البلدية مشدده على لي يوصلون الطلبات باخذ الاحتياطات وايضا تعقيم الصندوق لي يوضع فيه الاكل وطبعا ماتقدر تمنع المطاعم او تصكرها فيه ناس ممكن صعب يطبخون فالبيت ... الخ
انا اقول نصبر شي الامور بتزين

[مرتبش]

اجتهادات مني ومناك
السويد ماسكروا المدارس ولا المطاعم .. حظر تجول في دول وحظر جزئي .. اغلاق مناطق او مدن في دول اخرى .. دول سكرت المجمعات وارجعت افتحتها مثل البحرين .. الاجتهادات بسبب صعوبة الموقف.. رئيس اثيوبيا يقول ما اقدر اعطل الاعمال لان اغلب الشعب يعمل باليومية واذا توقف العمل نحميهم من المرض لكنهم بيموتون من الجوع

[fmmja]

كلنا ودنا ترجع الامور مثل اول
لاكن دوام الحال من المحال
الفترة الحالية لازم نتقبل القرارات الصادرة من الدولة
ونتذكر انها مؤقتة يمكن البعض يتضايق او ما تعجبة اوقات فتح المحلات و ايقاف بعض الانشطة التجارية
لاكنها في النهاية لحمايتنا

اذا خلينا في بالنا ان الوضع الحالي مؤقت
وانه كل التعب اللي تبذلة الدولة لحمايتنا

اظن الكل راح يتأقلم

[Rider]

اجتهادات مني ومناك
السويد ماسكروا المدارس ولا المطاعم .. حظر تجول في دول وحظر جزئي .. اغلاق مناطق او مدن في دول اخرى .. دول سكرت المجمعات وارجعت افتحتها مثل البحرين .. الاجتهادات بسبب صعوبة الموقف.. رئيس اثيوبيا يقول ما اقدر اعطل الاعمال لان اغلب الشعب يعمل باليومية واذا توقف العمل نحميهم من المرض لكنهم بيموتون من الجوع

عجبني كلامك اخوي فعلا شفنا دول سكروا المحلات وحظر تجول والحالات التزيد يعني هل هذا هو الحل

[nooora]

الله يعين العروس اليديده شلون تطبخ الحين هههههههههههههههه
راحت ايام الكيمه وجباتي وطلبات من المطاعم ،،،
تعلمي الطبخ وامنعي اكل من المطاعم وساهموا في منع انتشار المرض

[حمــد]

عجبني كلامك اخوي فعلا شفنا دول سكروا المحلات وحظر تجول والحالات التزيد يعني هل هذا هو الحل

بالعكس عندك الاردن سوت منع تجول والحالات في تناقص واليوم في خبر عن رفع منع التجول بشكل تدريجي ..

[سهم فضة]

امانه صج والله من له بارض يخيط ولا يشترى غتره ولا سراويل وفنايل ولا تخيط لها دراعة ولا تفصلزعبايات هالوقت ؟ اللي يطلب من المطعم مادري شيحس فيه وهو يدخل الفايروس لي بيته حتى لو كان ايش الاجراأت اللي تتخذها شركات التوصيل من وقايه ،، صج صج ماعندهم سالفة ياخوي والله حزات اسوي لي روتي وجام و جبن بالليل اتعشى به خفيف ومريح والغدا الحمد لله الخير موجود والعشاء كذلك اللي ماتعرف او يعرف يطبخ يدش عالنت او اليوتيوب ويطبخ لين الله يشوف له من ذا الوصفات .

[nooora]

امانه صج والله من له بارض يخيط ولا يشترى غتره ولا سراويل وفنايل ولا تخيط لها دراعة ولا تفصلزعبايات هالوقت ؟ اللي يطلب من المطعم مادري شيحس فيه وهو يدخل الفايروس لي بيته حتى لو كان ايش الاجراأت اللي تتخذها شركات التوصيل من وقايه ،، صج صج ماعندهم سالفة ياخوي والله حزات اسوي لي روتي وجام و جبن بالليل اتعشى به خفيف ومريح والغدا الحمد لله الخير موجود والعشاء كذلك اللي ماتعرف او يعرف يطبخ يدش عالنت او اليوتيوب ويطبخ لين الله يشوف له من ذا الوصفات .

حريمهم ما يعرفون يطبخون ،،، مسكينه هالخدامه الله يكون في عونها ،،

[Rider]

امانه صج والله من له بارض يخيط ولا يشترى غتره ولا سراويل وفنايل ولا تخيط لها دراعة ولا تفصلزعبايات هالوقت ؟ اللي يطلب من المطعم مادري شيحس فيه وهو يدخل الفايروس لي بيته حتى لو كان ايش الاجراأت اللي تتخذها شركات التوصيل من وقايه ،، صج صج ماعندهم سالفة ياخوي والله حزات اسوي لي روتي وجام و جبن بالليل اتعشى به خفيف ومريح والغدا الحمد لله الخير موجود والعشاء كذلك اللي ماتعرف او يعرف يطبخ يدش عالنت او اليوتيوب ويطبخ لين الله يشوف له من ذا الوصفات .

والله ياخوي مب لهدرجة يكون الخوف قول بسم الله الرحمن الرحيم وباذن الله يصبك شي

[nooora]

تم عزل أكثر من 70 شخصًا في العاصمة الهندية دلهي، بعد تأكد إصابة عامل توصيل بيتزا بفيروس كورونا.

وذكرت صحيفة انديان اكسبريس أنه لم يتم اختبار أي من الأشخاص الـ 72 حتى الآن.

وقال المسؤولون إنهم "جميعا يخضعون للحجر الصحي في المنزل وسيتم اختبارهم إذا ظهرت عليهم أعراض".

ودخلت الهند مرحلتها الثانية من الإغلاق الذي تم تمديده مؤخرًا حتى 3 مايو آيار المقبل.

ويسمح خلال هذه الفترة بتوصيل المواد الغذائية والبقالة للمنازل.

بي بي سي