سمارت هوم او المنزل الذكي

[ابو عبدالله.]

السلام عليكم

من فتره و انا اشوف البعض شاري جوجل هوم او ألكسا امزون

شريت جوجل هوم ميني بحكم ندره الجهاز الاكبر

الجهاز جميل جدا من كل النواحي و مع البحث لقيت اكسسوارات مثل سوكت الكهرباء يشتغل بالاوامر الصوتيه و ريموت يشغل كل انواع الاجهزه بالصوت
مثل المكيف و التلفزيون و غيره كثير

هل فكرنا بالتحول للمنزل الذكي

آيكيا عندهم تشكيلات من الاناره الذكيه و موفره للطاقه و التحكم بالجوال او الصوت عبر جوجل او ألكسا

ستائر و كاميرات مراقبه بأسعار 20 دولار للكاميرا او كاميرا متحركه ب 38 دولار

مع بحث بمواقع قطريه لقيت فارق بأسعار هذه الاكسسوارات توصل الى 20 و 30% لنفس المنتج و بعضها اكثر

لا توجد سوق جيده لامور المنازل الذكيه عندنا

بدول ثانيه حتى باب الكراج و شتر النوافذ و الدش و تحديد حراره الماء بنظام الواي فاي و التحكم بالجوال و الصوت او سنسر يلتقط الحركه

و عندنا للحين نركب نظام كاميرات و انتركم بدائي بتكاليف تتجاوز 30 الف للفيلا

هل توجد جهه بقطر تهتم بدعم المنزل الذكي و توفير الطاقه بأستخدامه ؟


شخصيا بدأت بتعلم انظمه الذكاء المنزلي و أفكر بأستخدامه لبيت الاسكان ان شاء الله

مع اني دفعت تكاليف لنظام الكاميرات و الانتركم و ممكن يكون استخدام الكاميرات بأسلاك افضل من الواي فاي لمنع اي هاكر من الدخول على السستم لا سمح الله

هل تؤيد فكره المنزل الذكي و أيجابياته ؟

هل بدأت فعلا بأستخدام بعض أدواته ؟

هل هناك سلبيات ؟

ما هي الجهه التي يمكن أن تدعم التحول للمنزل الذكي

و تحياتي للجميع

[معماري قطري]

منور يا بو عبدالله وموضوع مهم

صحيح مجال جديد وواسع والمفروض يكون رخيص .. بديت اتعرف عليه عام 2014 في أمريكا الربع شارين ليتات تتلون وتسوي جو وتشتغل بالآي فون .. عجبني .. إحنا الكبار عندنا شوية صعوبة في دخول هالمجال لكن الشباب أسهل لهم يمكن تفكيرنا على نظام الدوس القديم

تمديد الكهرباء للإضاءة شفت يسوونه بشريط لاصق ما يبين ورفيع ورخيص مقارنة بواير سميك وينصبغ فوقه ولا يبين

زرت مزرعة كهربتها طاقة شمسية وبعضها توصيل مباشر بدون بطارية للتكييف ولمضخة المياه .. صراحة عجبتني الفكرة وناوي اطبقها في بيتي الجديد .. عندي مساحة باسوي بيت محمي ومكيف وباسوي حديقة داخلية مكيفة .. مفكر ادخل هواء خارجي عليها مفلتر ومن الحديقة الداخلية ينسحب الهواء عبر بايبات للغرف ومنها يطلع عن طريق مراوح دورات المياه .. الفكرة هي في تأسيس البيت بكل هذي الأشياء

الإنارة مفكر في أفكار كثيرة لها خصوصاً الشريطية والتجميلية ولازم ادمجها في التصميم من الأساس

[معماري قطري]

اللي عندنا لو وجدوا بيكونون هواة وليسوا مختصين ولو بتروح للمختصين بتحصل سعرهم خيالي

[ابو عبدالله.]

صباح النور و السرور

منوره بوجودك معماري

شكلك ناوي تدخل جامد على سمارت هوم ههههه

2014 انا جايب ليت ملون لغرفه الاطفال يشتغل بالريموت ههه

هو بالاساس سمارت هومز كان حكر على شركات مكلفه تركب سستم كامل و غالي جدا لكن من كم سنه بدأت شركات التكنولوجيا تدخل بالموضوع و بأكسسوارات رخيصه بالسعر

هذا سببه توفر التكنولوجيا و مصانع الصين شغاله بجد

تصدق ان كاميرا وحده قيمتها 1300 ريال لنظام المراقبه ببيتي الجديد و كاميرا وايز كام تشتغل بالواي فاي قيمتها 38 دولار
وفوق هذا الوايز كام تتحرك بكل اتجاه بعكس الي بركبها بالبيت. ثابته

اتفق معاك بفكره الزراعه الذكيه بالمنزل لكن الى الان ما اشوف تكييف غرفه محميه. مجدي بتوفير الطاقه او ان تكلفه عمل المحميه عندنا بالدوحه مكلفه نوعا ما ولا تتماشى مع قيمه المنتجات الي بنحصل عليها من المحميه

مسأله التكييف اتمنى ان تحذر من قله جوده التبريد لو عملت بالفكره الي قلت عنها

التكييف ما ينلعب فيه هههه

ايضا تكنولوجيا المكيفات تتطور كل كم سنه

الحين مكيف الروتري ببعض المكيفات اقوى من البستن بمكيفات اخرى و موفر للطاقه اكثر

ولا بتفاجئ اذا قالوا ان المكيفات صارت تصرف اقل من 50% من الطاقه لانها فعليا صارت اقل ب 30% عن السابق

و جايتك تكنولوجيا التبريد بالماء الله يحيينا جميع

[ابو عبدالله.]

اما الاناره

ففعلا موضوعها شيق جدا و اكسسواراتها و التحكم بالجوال و الصوت شيء رائق و توقيت العمل و ايقافه بساعات محدده اتوماتيكيا

الاضاءه صارت رخيصه و اشكال حلوه و موفره جدا للطاقه

غير انها بتحكم اكثر مثل تخفيض شده الاناره او تغيير لونها بحسب الرغبه

وايد غاليين عندنا المحلات

مقارنه معاسعار القطع بالخارج

و فارق السعر بين محلين بالدوحه لمشترك الكهرباء 135 بمحل و الثاني فوق 200 ريال

نفس المشترك و يعمل بالواي فاي

لمبه متلونه بمحل اقل من 100 ريال و محل ثاني ب 149


الي منعني ان اطلبهم من امزون برخيص هو تعليق بأمزون يقول لا يمكن الشحن حاليا

[معماري قطري]

بالعكس يا اخوي التكييف ماي قيم .. يعني لعبتي

الحديقة الداخلية تقدر تقول عنه تلطيف وليس تكييف بالمعنى المفهوم بتكون مفصولة عن البيت بحائط زجاجي وبنفس الوقت مسقوفة بسقف زجاجي وحطيت تفاصيل عنها بالرسم في موضوع مراجعة المخططات المعمارية طولها اعتقد 16 متر وعرضها 7 وارتفاعها متدرج من 13 ونص لين حول 10 سقفها مايل .. الحجم بيكون 1200 متر مكعب تقريباً .. مكيفين 3 طن يكيفون الطبقة السفلية من الهواء لأن مثل الوضع عندي مكيفين من 4 نشغلهم لتكييف صالة مزدوجة الارتفاع بمساحة 13 في 6.1 والتكييف كافي وفوقها مناور سقفية مهندسي التكييف حددوا طاقة أكبر بس طلعت القليلة كافية

الحمد لله مسيطر على الوضع تصميمياً باقي السيطرة تنفيذياً .. مع الخلايا الشمسية وشبكها مع التكييف مباشر وتشغيل التكييف اقل شيء وقت الشمس الموضوع سهل بيكون وهذا لو ما وافق التخطيط على الحمل الكهربي لهذي المنطقة .. في أسوأ الأحوال بتكون منطقة غير مكيفة فقط مفلترة الهواء الداخل لها .. مب شرط الزراعة تحتاج تكييف تحتاج تهوئة

التنفيذ بيكون قريب بإذن الله لبيتي ولبيت ولدي بنفس الوقت ومخلي خطة البناء تستمر لين 6 سنوات عادي عندي وأكيد بانقل التجربة والله يعطيني عمر وأشوف هذا المشروع يكتمل بهدوء

[معماري قطري]

الكيمرات ركب لي صديق قبل وقال لي سعرها يختلف بسرعة بكرة يمكن تحصلها بنص السعر وأكيد كان صادق .. هي سعر وتكنولوجيا واستويت تطلبها بكامل تجهيزاتها حتى الواير المناسب لها .. انا مؤيد لها تنحط في أماكن معينة فقط مثل الحوش بالكامل والمدخل وحتى الشارع جدام البيت حماية للبيت ولمن في الشارع ويمكن الرجوع لها .. داخل البيت ممكن للمطبخ فقط لمتابعة أي تجاوز في النظافة من قبل الخدم

[معماري قطري]

وأكيد بوايرات والهارد دسك يكون في مكان محمي ونبعد عن الانترنت الا لو مضمون ونحتاجه .. وممكن نفعله ونوقفه أي وقت

[مهندس مقيم 2]

تحية لجميع المهتمين ... صديقي شريك في شركة صغيرة تهتم بهالمواضيع و تساعد مالك البيت على اختيار و تصميم و تركيب كل ما يحتاجونه من تكنولوجيا السمارت هوم. الشركة اصبح لها سمعة جيدة في السوق و نفذت مشاريع تجارية و مكتبية و منزلية في الدولة.

اللي مهتم ممكن اعطيه تفاصيل الاتصال و يتواصل معاه.

[معماري قطري]

لو ممكن ارسل رقمه باشوف لو يعطيني تصور لبيتي وهو في التصميم أفضل

[sara jsm]

صبحك الله بالخير اخوي بوعبدالله ..

في معرض بروجكت اللي طاف زرت قسم ( بدون ذكر اسم الشركة ) يعرض كاميرات مراقبه للبيوت ..
وانظمة تشغيل الستاير والاضاءات كلها بالريموت ...
لكن المشكله وين :secret: لين بغيت اشغل ولا واحد يشتغل ويحاولون العمال يشغلونه لكنه يشير ..
والثاني يشتغل ويصكر :taunt::taunt: غسلت ايدي منهم ..
:
وفي شركة ثانيه في طريق سلوى عندهم هالانظمة لكنها مكلفه وايد ..
وشركة ثانيه متخصصة بالاضاءات في شارع المطار تكلفتهم اقل لكن التركيب عندهم سيء ..
:
للاسف ماعندنا تنافس ولا تنوع عشان جذي الاسعار مرتفعه عندنا ..
لكني ماافضله وايد لان مرات وايد تنقطع عندنا الكهرب وتتوقف الحياة عليها :(

[ALJokar]

ما ادري نقدر نقول قلة الشركات وقلة الوعي هنا في قطر او الطلب ماتقدر تحدد.
الحين اغلب الشعب القطري متعلم وفاهم ومع ذلك للاسف عندنا مفهوم البناء من a z مفهوم قديم يبي له ابديت ويواكب ع الاقل الدول المجاوره مثل الكويت او السعودية.

بخصوص سمارت هاوم موجوده بعض الشركات لكن تكلف البيت مابين تقريبا 90 - 150 الف مبلغ مش هين
مابين التحكم في الاضاءه المكيفات الكميرا السماعات الستائر التلفزيون فقط.

ويكون الشغلة من الساس في التمديدات من البداية افضل ويكون لها طبلون كهرباء منفصل.
وفيه الي شغال بالويرلس وهذا مشاكله كثيره ومش عملي للبيت كامل ممكن حق غرفة او غرفتين.

[معماري قطري]

صبحك الله بالخير اخوي بوعبدالله ..

في معرض بروجكت اللي طاف زرت قسم ( بدون ذكر اسم الشركة ) يعرض كاميرات مراقبه للبيوت ..
وانظمة تشغيل الستاير والاضاءات كلها بالريموت ...
لكن المشكله وين :secret: لين بغيت اشغل ولا واحد يشتغل ويحاولون العمال يشغلونه لكنه يشير ..
والثاني يشتغل ويصكر :taunt::taunt: غسلت ايدي منهم ..
:
وفي شركة ثانيه في طريق سلوى عندهم هالانظمة لكنها مكلفه وايد ..
وشركة ثانيه متخصصة بالاضاءات في شارع المطار تكلفتهم اقل لكن التركيب عندهم سيء ..
:
للاسف ماعندنا تنافس ولا تنوع عشان جذي الاسعار مرتفعه عندنا ..
لكني ماافضله وايد لان مرات وايد تنقطع عندنا الكهرب وتتوقف الحياة عليها :(

سؤال يراودني

شكثر تبند الكهربة؟ ولو بندت ما بيشتغل نظام عادي ولا نظام ذكي .. سنين عندنا ما تبند ولو بندت يقولون 3 ساعات ويبلغونا قبلها بفترة ووقت الصج ما تبند والا انقطاعها ما ياخذ ساعة

أشوف للستاير اليدوي كفاية للإنارة ممكن مهم بريموت كنترول أو لكل غرفة مفتاح مركزي مثل الفنادق وكل الأزرة الخاصة بالتكييف والانارة قرب السرير .. نظام الكاميرات ضروري ولازم تكون بعيدة عن التخريب وتصور زين وبوايرات أفضل عن الاختراق .. سماعات للبيت كله أو غالبيته شيء مزعج .. لو نبغي سرراوند ساوند في مكان معين ممكن وزين نخطط له بوايرات .. الجلسات معروف مكانها والسماعات تجي خلف الكراسي حتى لو نبغيها مخفية في الحائط ممكن بسهولة

أعتقد فيه أشياء وايد أهم من اللي نشوفه في الدعايات وكل شيء كهربي وفي النهاية خرابات كثيرة ولا بيفيدنا وايد .. ممكن الشيء الحلو اللي نحاول نحصل عليه هو التعتيم الكهربي للنوافذ 100% أو جزئي حسب ما نحب

شيء ثاني تجميلي وهو حساب حساب تلفزيون ال اي دي محفور له في الحائط يعرض الصور كل وقت معين ويبين مثل اللوحة .. ممكن نخزن فيه آلاف الصور سواء مناظر أو خاصة وحتى ممكن يعرضها مع موسيقى وبدون نت وبدون كيبل كل اللي نحتاجه كهرباء ويو اس بي مخزنة عليه الفايلات

[khaldoon]

في اللؤلؤة من سنة 2006 و احنا نركب فيها هوم اوتومويشن سيستم في البورتو ارابيا

ذكرتني في مقطع فيديو كوميدي متداول زمان على النت انه واحد بيعطي كل الأوامر في بيته بصوته ..... شغل المكيف شغل التليفزيون سويلي جو رومانسي افتح الستاره و هكذا يعني الجهاز متعرف على صوته.... راح دكتور الاسنان و خلع ضرسه و تغير صوته و يبي يدخل الجهاز ما تعرف على صوته و الدنيا كابسه مطر بينما الجيران اللي حوليه ما عندهم مشكله مع النظام التقليدي في بيوتهم الخالي من التكنولوجيا

[sara jsm]

والله نكبه ههههههههههههههههه
بس على فكرة في جهاز جذي نسيت اسمه نفس نظام سيري لكن ينحط في البيت ..

:

معماري .. بالنسبه لسؤلك الفرعي عقب باجاوب عليه عشان ماياخذ الموضوع منحنى اخر .. وشكرا :nice:

[ابو عبدالله.]

صبحك الله بالخير اخوي بوعبدالله ..

في معرض بروجكت اللي طاف زرت قسم ( بدون ذكر اسم الشركة ) يعرض كاميرات مراقبه للبيوت ..
وانظمة تشغيل الستاير والاضاءات كلها بالريموت ...
لكن المشكله وين :secret: لين بغيت اشغل ولا واحد يشتغل ويحاولون العمال يشغلونه لكنه يشير ..
والثاني يشتغل ويصكر :taunt::taunt: غسلت ايدي منهم ..
:
وفي شركة ثانيه في طريق سلوى عندهم هالانظمة لكنها مكلفه وايد ..
وشركة ثانيه متخصصة بالاضاءات في شارع المطار تكلفتهم اقل لكن التركيب عندهم سيء ..
:
للاسف ماعندنا تنافس ولا تنوع عشان جذي الاسعار مرتفعه عندنا ..
لكني ماافضله وايد لان مرات وايد تنقطع عندنا الكهرب وتتوقف الحياة عليها :(

مساك بالخير

ما شاء الله ما توقعت هالكثر تعليقات بأول يوم طلع موضوع المنزل الذكي متداول

نعم سمعت و اعرف ان في شركات تركب لكن للاسف مبالغين بالاسعار و يستخدمون اجهزه معينه عشان تطلع ربح جيد

لو استخدموا اجهزه جوجل و آيكيا و غيرهم كانت العمليه ما فيها مبالغه وما يقدرون يحطون فاتوره عاليه

الحين هالشركات العالميه الي تصنع هالاجهزه تفقد سوقها بسبب شركات التكنولوجيا و اجهزتها الرخيصه بالسعر

و الشركات الكبيره عندنا للحين ما سمعنا انها تتعامل مع شركات جوجل و منتجات شركات التكنولوجيا لتستمر بالسوق و تحوله الجديد بالمنازل الذكيه

الي لاحظته ان استخدام شركات عندنا لتركيب انظمه ذكيه غير مجدي. على الاقل لي انا. لانهم كل شوي بيوقف جهاز و تعال للصيانه. و برمجه الخ

ناقص انصاد في تكاليف فوق تكلفه هالانظمه الي يركبونها وهي غاليه اصلا

ذكرتي عن انقطاع الكهربا ,احتمال توقف هالاجهزه. صحيح نسبيا

لكن كل الادوات تعمل يدوي او بريموت او بشبه واي فاي فالبديل مستمر لتشغيل المكيف و التلفزيون و ستاره النوافذ

و قال اخونا معماري الانقطاع جدا بسيط لو حصل

الى الان ما شفت جهاز ما يشتغل لو انقطع الواي فاي كلهم يشتغلون عادي لكن الاوامرالصوتيه او تحكم الجول هو الي ينقطع

[ابو عبدالله.]

ما ادري نقدر نقول قلة الشركات وقلة الوعي هنا في قطر او الطلب ماتقدر تحدد.
الحين اغلب الشعب القطري متعلم وفاهم ومع ذلك للاسف عندنا مفهوم البناء من a z مفهوم قديم يبي له ابديت ويواكب ع الاقل الدول المجاوره مثل الكويت او السعودية.

بخصوص سمارت هاوم موجوده بعض الشركات لكن تكلف البيت مابين تقريبا 90 - 150 الف مبلغ مش هين
مابين التحكم في الاضاءه المكيفات الكميرا السماعات الستائر التلفزيون فقط.

ويكون الشغلة من الساس في التمديدات من البداية افضل ويكون لها طبلون كهرباء منفصل.
وفيه الي شغال بالويرلس وهذا مشاكله كثيره ومش عملي للبيت كامل ممكن حق غرفة او غرفتين.

فعلا اغلب الانظمه الي شفناها عب رشركات متخصصه غاليه جدا

الي لاحظته ان شركات التكنولوجيا و اقصد فيها آيكيا و جوجل و هالنوعيه. حلولهم بسيطه جدا وما تحتاج تركيب توصيلات جديده او محول كهرباء

شيل لمبه و ركب لمبه سمارت

شيل سويچ و ركب سويچ سمارت

كله واي فاي حتى الكاميرا فقط تكون مجهز مخرج كهرباء لها و ارسال الفيديو بالواي فاي على طول و تخزين التسجيل بالكاميرا نفسها ما تحتاج ريسيف مركزي او هارد درايف و سستم كامل بوايرات لكل كاميرا

مع اني افضل الكاميرا بأسلاك حمايه من التهكير

و اتفق معاك تماما اننا مش متطورين مثل بعض دول الخليج في موضوع البناء

الاغلبيه تخاف من تجربه الطرق الحديثه يبون المضمون

[ابو عبدالله.]

سؤال يراودني

شكثر تبند الكهربة؟ ولو بندت ما بيشتغل نظام عادي ولا نظام ذكي .. سنين عندنا ما تبند ولو بندت يقولون 3 ساعات ويبلغونا قبلها بفترة ووقت الصج ما تبند والا انقطاعها ما ياخذ ساعة

أشوف للستاير اليدوي كفاية للإنارة ممكن مهم بريموت كنترول أو لكل غرفة مفتاح مركزي مثل الفنادق وكل الأزرة الخاصة بالتكييف والانارة قرب السرير .. نظام الكاميرات ضروري ولازم تكون بعيدة عن التخريب وتصور زين وبوايرات أفضل عن الاختراق .. سماعات للبيت كله أو غالبيته شيء مزعج .. لو نبغي سرراوند ساوند في مكان معين ممكن وزين نخطط له بوايرات .. الجلسات معروف مكانها والسماعات تجي خلف الكراسي حتى لو نبغيها مخفية في الحائط ممكن بسهولة

أعتقد فيه أشياء وايد أهم من اللي نشوفه في الدعايات وكل شيء كهربي وفي النهاية خرابات كثيرة ولا بيفيدنا وايد .. ممكن الشيء الحلو اللي نحاول نحصل عليه هو التعتيم الكهربي للنوافذ 100% أو جزئي حسب ما نحب

شيء ثاني تجميلي وهو حساب حساب تلفزيون ال اي دي محفور له في الحائط يعرض الصور كل وقت معين ويبين مثل اللوحة .. ممكن نخزن فيه آلاف الصور سواء مناظر أو خاصة وحتى ممكن يعرضها مع موسيقى وبدون نت وبدون كيبل كل اللي نحتاجه كهرباء ويو اس بي مخزنة عليه الفايلات

اغلب النقاط اتفق معاك فيها

نقطه السماعات الحين على واي فاي اشبك و شغل و السماعات الحديثه رخيصه و صوتها قوي وكوالتي

سماعه جوجل هوم ماكس تغني عن سستم السراوند و اقوى و فيها مساعده جوجل و اوامر صوتيه مسويين على خصم ب 300 دولار جوجل هوم ماكس

و السماعات العاديه من شركات ثانيه واي فاي ارخص بكثير و تقدر تركبهم بتي مكان. مخفي او بالسقف او على الطاوله الخ

تعتيم النوافذ مكلف و غير متوفر بالدوحه للاسف

اما مكان التلفزيون محفور فلي تحفظ على الفكره

احتمال تغيير مكان النلفزيون وارد و عمل حفر لمكانه بيحتاج تعديل ايضا

الحين الشاشات فلات كأنه ورقه ما شاء الله

[ابو عبدالله.]

في اللؤلؤة من سنة 2006 و احنا نركب فيها هوم اوتومويشن سيستم في البورتو ارابيا

ذكرتني في مقطع فيديو كوميدي متداول زمان على النت انه واحد بيعطي كل الأوامر في بيته بصوته ..... شغل المكيف شغل التليفزيون سويلي جو رومانسي افتح الستاره و هكذا يعني الجهاز متعرف على صوته.... راح دكتور الاسنان و خلع ضرسه و تغير صوته و يبي يدخل الجهاز ما تعرف على صوته و الدنيا كابسه مطر بينما الجيران اللي حوليه ما عندهم مشكله مع النظام التقليدي في بيوتهم الخالي من التكنولوجيا

هههههه تذكرت الفيديو الي تقول عنه

بتعليقي السابق قلت ان الانظمه الي يركبونها الشركات مكلف نوعا ما بحسب حجم النظام المركب طبعا

ولابد ان تتوجه الشركات عندنا لتخفيض تكاليفهم بأدخال الاجهزه الرخيصه لشركات التكنولوجيا ولا بتطلع من المنافسه و بتدخل شركات اخرى عندنا و تنافسهم بقوه و بيخسرون اغلب حصتهم من السوق

يا ريال الحين اجهزه شركات التكنولوجيا انت تقدر تركبها بنفسك من سهولتها و بشرح يوتيوب تخلص التركيب بسرعه

[ابو عبدالله.]

والله نكبه ههههههههههههههههه
بس على فكرة في جهاز جذي نسيت اسمه نفس نظام سيري لكن ينحط في البيت ..

:

معماري .. بالنسبه لسؤلك الفرعي عقب باجاوب عليه عشان ماياخذ الموضوع منحنى اخر .. وشكرا :nice:

جوجل هوم تقصدين او الكسا مال امزون

الاثنين روعه لكن انا افضل جوجل لان هذا مجالهم و لعبتهم. و كلهم يشبكون على كل الاجهزه الذكيه

و اخذوا راحتهم لو بياخذ الموضوع منحنى آخر. احنا في حظر و نبي نسولف ههههه

[ابو عبدالله.]

تحية لجميع المهتمين ... صديقي شريك في شركة صغيرة تهتم بهالمواضيع و تساعد مالك البيت على اختيار و تصميم و تركيب كل ما يحتاجونه من تكنولوجيا السمارت هوم. الشركة اصبح لها سمعة جيدة في السوق و نفذت مشاريع تجارية و مكتبية و منزلية في الدولة.

اللي مهتم ممكن اعطيه تفاصيل الاتصال و يتواصل معاه.

اذا يبيع بعض الاجهزه الذكيه يا ليت تحط رقمه عشان نستفيد نبي بعض الامور مثل اللمبه متغيره الالوان

[@north_star@]

موضوع جميل وشيق خاصة التكنولوجيا الذكية بالتحكم في معظم الاشياء وهي طبعا اذا تركبت بطريقة حرفية
بتفيدنا وبتوفر من الطاقة والمجهود ولكن للاسف ممكن تحصل أنظمة في قمة الروعة ولكن بالتنفيذ الله لا يراويك
يصير من سمارت الى ستيوبد وتعال رقع عقب ناهيك انه هالنوع من التكنولوجيا اذا ما تركب بالشكل السليم وينعمله
ابديت كل فترة على أيدي ناس متخصصين بيكلفك مبالغ طائلة ومشاكل لها اول ومالها تالي .

[معماري قطري]

اغلب النقاط اتفق معاك فيها

نقطه السماعات الحين على واي فاي اشبك و شغل و السماعات الحديثه رخيصه و صوتها قوي وكوالتي

سماعه جوجل هوم ماكس تغني عن سستم السراوند و اقوى و فيها مساعده جوجل و اوامر صوتيه مسويين على خصم ب 300 دولار جوجل هوم ماكس

و السماعات العاديه من شركات ثانيه واي فاي ارخص بكثير و تقدر تركبهم بتي مكان. مخفي او بالسقف او على الطاوله الخ

تعتيم النوافذ مكلف و غير متوفر بالدوحه للاسف

اما مكان التلفزيون محفور فلي تحفظ على الفكره

احتمال تغيير مكان النلفزيون وارد و عمل حفر لمكانه بيحتاج تعديل ايضا

الحين الشاشات فلات كأنه ورقه ما شاء الله

الفكرة تعملها مثل لوحة بس بدال ما تكون بارزة تكون كأنها لاصقة على الحائط .. مرة شفت لها فيديو وعجبتني بدال ما تكون لوحة فنية جامدة كل يوم تشوف نفس الشيء بتشوف تغيير مستمر .. يمكن حتى عرض لصور العائلة على مدى سنوات

[معماري قطري]

صحيح الحين بعض التلفزيونات يجي رقيق ومستوي ممكن يتثبت على الحائط بس ضروري تعمل حساب وايراته ومكان اليو بي اس وحتى لو برواز حوله بحيث يبين كأنه صورة .. بعدين تخفت اضاءته بحيث يكون صورة أو أقرب للصورة

[معماري قطري]

فعلا اغلب الانظمه الي شفناها عب رشركات متخصصه غاليه جدا

الي لاحظته ان شركات التكنولوجيا و اقصد فيها آيكيا و جوجل و هالنوعيه. حلولهم بسيطه جدا وما تحتاج تركيب توصيلات جديده او محول كهرباء

شيل لمبه و ركب لمبه سمارت

شيل سويچ و ركب سويچ سمارت

كله واي فاي حتى الكاميرا فقط تكون مجهز مخرج كهرباء لها و ارسال الفيديو بالواي فاي على طول و تخزين التسجيل بالكاميرا نفسها ما تحتاج ريسيف مركزي او هارد درايف و سستم كامل بوايرات لكل كاميرا

مع اني افضل الكاميرا بأسلاك حمايه من التهكير

و اتفق معاك تماما اننا مش متطورين مثل بعض دول الخليج في موضوع البناء

الاغلبيه تخاف من تجربه الطرق الحديثه يبون المضمون

مشكلتنا التخطيط ممشي الاستشاريين على قوانين قديمة ما تتغير حتى لو تبغي كهرباء لتشغيل اي جهاز في دورة المياه ممنوع ولازم تلف وتدور

[مهندس مقيم 2]

شكرا للأخوة المهتمين ... ممكن التواصل مع اسلام على 50397974 ... و لو تحط في جوجل ISS Qatar بيطلعلك موقع الشركة iss-qa . com فيه تفاصيل عن شغلهم و مشاريعهم

[مهندس مقيم 2]

لو ممكن ارسل رقمه باشوف لو يعطيني تصور لبيتي وهو في التصميم أفضل

تم الرد في اخر الموضوع أخي معماري

[معماري قطري]

تم الرد في اخر الموضوع أخي معماري

مشكور ما قصرت

[معماري قطري]

شكرا للأخوة المهتمين ... ممكن التواصل مع اسلام على 50397974 ... و لو تحط في جوجل ISS Qatar بيطلعلك موقع الشركة iss-qa . com فيه تفاصيل عن شغلهم و مشاريعهم

دخلت للموقع كل اللي فيه صور من النت لمشاريع عالمية .. نصيحتي لهم يخاطبون العملاء بمشاريع هم عملوها وصور لها وتفاصيل شوي أكثر

[Charisma]

مرحبا

استخدم google home الشاشه .. ورابط فيه التلفزيونات وبعض السكوتات + عدة سنسرات تنباع في فيرجن .

الجهاز جميل وسلس ف الاستخدام والاوامر الصوتيه مافيها معاناه ( منبهات ، الطقس، تشغيل اي مقطع من اليوتيوب ، بحث عن اي POI مع اللوكيشن ، ترجمة ، اي سوال يحاول يجاوبك عليه ) والجهاز قابل للتطوير في كل مره وفي كثير اجهزه حديثه تدعم google home مثل بعض ثلاجات وغسالات lg .

وفي محل ACE عندهم سوكتات تشتغل بريموت تنفع للاناره والابجورات وعمليه جدا .


التركيب والاعداد مايحتاج خبره .. وشخصيا افضل انا اللي اشتغل على هالموضوع وفي كل مره اخذ الجهاز او القطعه اللي ممكن تخدمني واربطها مع نظام google home

[معماري قطري]

مرحبا

استخدم google home الشاشه .. ورابط فيه التلفزيونات وبعض السكوتات + عدة سنسرات تنباع في فيرجن .

الجهاز جميل وسلس ف الاستخدام والاوامر الصوتيه مافيها معاناه ( منبهات ، الطقس، تشغيل اي مقطع من اليوتيوب ، بحث عن اي POI مع اللوكيشن ، ترجمة ، اي سوال يحاول يجاوبك عليه ) والجهاز قابل للتطوير في كل مره وفي كثير اجهزه حديثه تدعم google home مثل بعض ثلاجات وغسالات lg .

وفي محل ACE عندهم سوكتات تشتغل بريموت تنفع للاناره والابجورات وعمليه جدا .


التركيب والاعداد مايحتاج خبره .. وشخصيا افضل انا اللي اشتغل على هالموضوع وفي كل مره اخذ الجهاز او القطعه اللي ممكن تخدمني واربطها مع نظام google home

:app2: هذا اللي نبيه

[ابو عبدالله.]

مرحبا

استخدم google home الشاشه .. ورابط فيه التلفزيونات وبعض السكوتات + عدة سنسرات تنباع في فيرجن .

الجهاز جميل وسلس ف الاستخدام والاوامر الصوتيه مافيها معاناه ( منبهات ، الطقس، تشغيل اي مقطع من اليوتيوب ، بحث عن اي POI مع اللوكيشن ، ترجمة ، اي سوال يحاول يجاوبك عليه ) والجهاز قابل للتطوير في كل مره وفي كثير اجهزه حديثه تدعم google home مثل بعض ثلاجات وغسالات lg .

وفي محل ACE عندهم سوكتات تشتغل بريموت تنفع للاناره والابجورات وعمليه جدا .


التركيب والاعداد مايحتاج خبره .. وشخصيا افضل انا اللي اشتغل على هالموضوع وفي كل مره اخذ الجهاز او القطعه اللي ممكن تخدمني واربطها مع نظام google home

على كثر البحث ما حصلت جوجل هب الي تقصده ابو شاشه ولا هوم ماكس ولا هوم. فقط جوجل ميني

مشكور على ذكر المحلات الي توفر قطع ذكيه ما كنت اعرف ان فيرجن و آيس يبيعونها

ادور لمبات و أضاءه ذكيه لكن ما لقيت شي يستاهل. و آيكيا لمباتهم تحتاج شغل ووريموت و هب اضافي ما عجبني

شكرا على المعلومات كنت محتاجها

[Charisma]

:app2: هذا اللي نبيه

:thumbup1:

[Charisma]

على كثر البحث ما حصلت جوجل هب الي تقصده ابو شاشه ولا هوم ماكس ولا هوم. فقط جوجل ميني

مشكور على ذكر المحلات الي توفر قطع ذكيه ما كنت اعرف ان فيرجن و آيس يبيعونها

ادور لمبات و أضاءه ذكيه لكن ما لقيت شي يستاهل. و آيكيا لمباتهم تحتاج شغل ووريموت و هب اضافي ما عجبني

شكرا على المعلومات كنت محتاجها

موجود بس ماذكر من وين خذيته يا فناك او فيرجن وكان بـ700 تقريبا .. الشاشه افضل من الميني تعرض معلومات دوريه

https://upload.wikimedia.org/wikipedia/commons/thumb/4/49/Google_Home_with_Home_Hub_and_Home_Mini_on_table.j pg/1200px-Google_Home_with_Home_Hub_and_Home_Mini_on_table.j pg

عدة السنسرات ( سنسر فتح باب + حريق + موشن ) بـ ثلاثميه تقريبا ( ينشبك مع قوقل هوم ) من فيرجن


وفي ACE عندهم ثلاث سوكتات بريموت ( تنفع للاضاءه ) عمليه وكانوا مسوين عرض على الباكج بـ 90 ريال تقريبا

حتى لو مالقيت المطلوب من ملحقات ف الدوحه اطلب من النت وتاكد ان السوكت او الملحقات متوافقه مع قوقل هوم او ابل هوم ..


عندك هالملحقات مثلا لابل هوم تغطي كل شي


https://www.apple.com/shop/accessories/all-accessories/homekit


وهالملحقات لقوقل هوم :

https://store.google.com/us/?hl=en-US&regionRedirect=true

مجال السمارت هوم برايي مايحتاج شركه تضرب عليك بمبلغ وقدرة وتلتزم بتغييرات محدوده واضافات محدوده .. المستقبل في هالمجال بين google و apple home لان الاهتمام والتطوير مستمر من الشركتين .. كل انواع السنسرات والسوكتات والاضاءه والتحكم والملحقات موفرينها وراح تطلع عليك بالاخير ارخص بمراحل من انك تسلم بيتك لشركة تضبط لك التحكم بنظام مختلف عن قوقل او ابل بالاضافه الى ان التركيب والضبط سهل جدا والملحقات متوفره بشكل متنوع ومن شركات كثيره تشوف اللي يناسبك منها .


بالتوفيق

[ابو عبدالله.]

جميل جدا

اثريت الموضوع اخوي هههه

لاحظت ان آبل. سوكتات مش مثل الدوحه و اسعار بعض المنتجات اغلى نوعا ما من جوجل

كلا الموقعين ما يوصلون للدوحه و انا اتلعوز مع سالفه ارمكس اضافه الى تكلفه الشحن لما اطلب شغلات كثيره مثل جوجل هب ماكس و سوكتات و لمبات كثيره

غير الكاميرات ابي اربع. من وايز كام الحجم الكبير

للاسف آيس و فيرجن مغلقين الان و مواقعهم بالنت توجهني لموقع الامارات ومش عارف اذا طلب شي بيتحول لمحل الدوحه او لا

فناك موقعم بالنت مغلق ما يفتح معاي ايضا

كل الحلول لا تؤدي الى روما هههه

بننتظر لين الاوضاع تتعدل و يفتحون واذا عندك حل آخر يا ليت تفيدنا اخوي

و اتفقمعاك تماما ان شراء هالامور و تركيبها شخصيا افضل من تكاليف الشركات المتخصصه و انظمه مختلفه عن جوجل و آبل

اذا عندك اي اضافات و تعليقات تثري الموضوع يا ليت تتحفنا ههههه مستمتع جدا بمعلوماتك و يعطيك العافيه

[مهندس مقيم 2]

دخلت للموقع كل اللي فيه صور من النت لمشاريع عالمية .. نصيحتي لهم يخاطبون العملاء بمشاريع هم عملوها وصور لها وتفاصيل شوي أكثر

أخوي لو دخلت على صفحة portfolio بتحصل قائمة بالمشاريع. أتوقع الصور صعب تتوفر على الموقع لحفظ الخصوصية.

[معماري قطري]

أخوي لو دخلت على صفحة portfolio بتحصل قائمة بالمشاريع. أتوقع الصور صعب تتوفر على الموقع لحفظ الخصوصية.

ويصير يحطون صور من النت ما سووها هم؟ هشكل حتى قائمة المشاريع اللي يدعون انهم سووها ما لها مصداقية

[يمامـة]

الموضوع شيق وفيه رفاهية وحركات كوول..

بس لو نظرنا للموضوع نظرة من زاوية ثانية

هل ياترى كيف ممكن نتعامل مع قلة الحركة لو الامور الحياتية من حولنا نوجهها باصواتنا
او همساتنا او تصفقينا ان تصفيرنا او ضحكاتنا؟

[ابو عبدالله.]

كل شيء له سلبيات و أيجابيات و يعتمد على خيار الشخص نفسه

بيستخدم السستم بسلبيه أكيد بيأثر عليه

اذا استخدمه لاغراضه الايجابيه بيكون ممتاز

اذا انا انسان حركي اصلا بكون حارق سعرات قبل لا ادخل البيت اصلا او بالرياضه

اما اذا ما اتحرك وحتى كأس الماي ما اروح اجيبه بنفسي فهذا من البدايه سلبي

السستم ممتاز لاغراض كثيره فلو جاء عامل تنكر الصرف الصحي اعزكم الله بفتح الكاميرا عبر الجوال او جوجل هب و بشوفه لين يخلص بدل ما اطلع كل شوي اشوف

الواحد ما يأمن. مواتره مفتوحه و اغراضنا فيها

عامل تنظيف المسبح بشوفه بالكاميرا وانا بغرفتي او بالصاله

بغير لون اللمبه بالصوت بدل الريموت باليد ما يفرق يعني

بسأل جوجل عن اجابه معينه بالصوت بدل ما اكتب بالجوال و احرق عيني عشان اقرأ الاجابه بخط صغير مثلا

شغل الانوار الخارجيه بالوقت الفلاني او المكيف قبل لا اوصل للبيت عشان تبرد الغرفه. كلها ايجابيات و مفيده جدا

ما اشوف سلبيات حقيقيه او انعدام حركه على الاقل بالنسبه لي شخصيا

المميزات تتجاوز الي ذكرته بكثير كل ما تعاملنا اكثر مع السستم

حتى قوه الاضاءه لممر الغرفه لما احتاج الحمام اعزكم الله انحددها بنسبه معينه خافته عشان ما تبط العين و احنا صاحيين من النوم عشان الحمام بس

في ميزه قله يعرفونها وهي التعرف على الوجه بجهاز جوجل ماكس. و اذا احد بالبيت يبي شي يحطه بمسج و اول ما الجهاز يحدد وجهي ينبهني بوجود مسج من احد افراد العائله و يذكر المسج عشان اعرفه

ميزه اخرى

جوجل هوم يشغل اي قناه اذاعيه لاي بلد تطلبه حتى قناه للقران الكريم مش اغاني وبس

اختي حتى حنفيه الدش تقدرين تضبطين درجه حرارتها بالصوت قبل دخول الشور. بدل ما نفتح الحنفيه و ننتظر لين نخلص كم لتر عشان نضبط درجه الحراره هههه

[sara jsm]

هههههههههههه بوعبدالله تقنيات الشاور شفتها في المتحدة من فترة ..
صج رفاهية لابعد حد وفلوس مالها حد :happy:

الثلاجة والغساله عندي LG واقدر اتحكم فيهم بالجوال لكن مانزلت التطبيق ..
لان بيصير كسل مب طبيعي .. ومرة شفت فرن في الطيب بعد تتحكم فيه بالجوال ..
يدوب تحط الطبخة وتتحكم متى يولع او المدة ... الخ
:
حاليا انا مستمتعه بالكيمرات اللي في البيت .. خاصه اذا حد طق الجرس افتح الجوال واشوف من ..
او سمعت صوت في الحوش او برع على طول وانا في مكاني افتح الكيمرات بالجوال واشوف ..
صج التكنولوجيا نعمة من رب العالمين ..
:
بس انت تروح وترجع على سالفه الليتات ههههههه خاطري اعرف اي لون تختار ههههههه
على فكرة في محل V ماكس عندهم اضاءات بالريموت ويعطيك 4 درجات للابيض .. غير عن اللي في ايكيا الملون .. :nice:

[ALJokar]

شكرا للأخوة المهتمين ... ممكن التواصل مع اسلام على 50397974 ... و لو تحط في جوجل ISS Qatar بيطلعلك موقع الشركة iss-qa . com فيه تفاصيل عن شغلهم و مشاريعهم


كلمته وسعره صراحه صدمة ������������������

[ابو عبدالله.]

هههههههه الليتات لها سالفه عندي و اليهال يموتون عليها

مساء الخير

على سالفه الكاميرا. وايد مفيده

من شوي طلبت ثلاث كاميرات واي فاي تنحط داخل البيت. عجيبه والله

https://youtu.be/akCXeDJxtoE

38 دولار لكن فيها الي ما تلقينه بأي كاميرا ثانيه

حساس تتبع. رؤيه ليليه. تسجيل فيديو. مايك للصوت و سماعه للتحدث مع الي بالغرفه. واي فاي

تحديد وقت التسجيل. تحكم بالصوت عبر جوجل هوم او بالجوال . الخ

اليوم شريت لمبات ملونه من مركز الرعايه التقنيه
و لوني المفضل ازرق خفيف :)

عن باقي الاجهزه. يمكن ما احتاج جهاز للدش او الشور مش مهمه بالنسبه لي ولا الثلاجه لاني عمليا ما احتاج اتحكم بالثلاجه

لكن الكاميرات و السوكتات اشوفها مفيده جدا

الاناره الخارجيه اشوف توقيت لها و اطفي بعضها بالاماكن الي ما تحتاج اناره طول الليل فقط اماكن معينه او مثلا حساس يشغل الليت الخارجي لما حد يتحرك بالمكان

و فيها توفير طاقه نوعا ما و تحذير للي يقرب من الباب الخارجي ايضا لما يشتغل الليت اذا مر احد

الله يفكنا من القطاوه بتخلي اللمبات تجن طول الليل تولع و تطفي ههههه

[ابو عبدالله.]

نسيت شي

في سماعات واي فاي تلغي تكاليف تركيب انظمه صوت الغاليه و حتى لمبات فيها سماعات واي فاي يعني ركب بدون اسلاك و تحدد اي غرفه لتشغيل الصوت او بالصاله فقط او بكل الغرف الخ

ردينا على اللمبات :)

[@north_star@]

هههههههه الليتات لها سالفه عندي و اليهال يموتون عليها

مساء الخير

على سالفه الكاميرا. وايد مفيده

من شوي طلبت ثلاث كاميرات واي فاي تنحط داخل البيت. عجيبه والله

https://youtu.be/akCXeDJxtoE

38 دولار لكن فيها الي ما تلقينه بأي كاميرا ثانيه

حساس تتبع. رؤيه ليليه. تسجيل فيديو. مايك للصوت و سماعه للتحدث مع الي بالغرفه. واي فاي

تحديد وقت التسجيل. تحكم بالصوت عبر جوجل هوم او بالجوال . الخ

اليوم شريت لمبات ملونه من مركز الرعايه التقنيه
و لوني المفضل ازرق خفيف :)

عن باقي الاجهزه. يمكن ما احتاج جهاز للدش او الشور مش مهمه بالنسبه لي ولا الثلاجه لاني عمليا ما احتاج اتحكم بالثلاجه

لكن الكاميرات و السوكتات اشوفها مفيده جدا

الاناره الخارجيه اشوف توقيت لها و اطفي بعضها بالاماكن الي ما تحتاج اناره طول الليل فقط اماكن معينه او مثلا حساس يشغل الليت الخارجي لما حد يتحرك بالمكان

و فيها توفير طاقه نوعا ما و تحذير للي يقرب من الباب الخارجي ايضا لما يشتغل الليت اذا مر احد

الله يفكنا من القطاوه بتخلي اللمبات تجن طول الليل تولع و تطفي ههههه

اذا طلبت الكاميرات من خارج قطر احتمال يحجزونهم ادارة النظم الامنية وما يطلعونهم الا تروح تسوي كتاب وعقب يصدرون موافقة حسب استخدامهم وبعديها تستلمهم عن طريق الشركة اللي تشحن مثل ارامكس او غيرهم

[ابو عبدالله.]

اذا طلبت الكاميرات من خارج قطر احتمال يحجزونهم ادارة النظم الامنية وما يطلعونهم الا تروح تسوي كتاب وعقب يصدرون موافقة حسب استخدامهم وبعديها تستلمهم عن طريق الشركة اللي تشحن مثل ارامكس او غيرهم

راودتني نفس الفكره قبل ما اطلب. و تذكرت سالفه واحد جايب كاميرات و ريسيفر و حجزوها لكن راح لهم و مشوه يمكن وقع تعهد او شي

ان شاء الله تكون سهالات

شكرا على التذكير بنظم المراقبه و سالفتهم

[sara jsm]

على فكرة قبل 3 سنوات امنعوا بيع اغلب كيمرات المراقبه واختفت من السوق ..
حتى كاميرات مراقبه الرضع ولما سالت اكثر من نقطه بيع قالوا سحبوهم لاسباب امنيه ..
فـ جبت لي وحدة من تايلند بنظام الواي فاي باللمس وملون وتقدر تكلم الطفل لو انك في اخر الدنيا ..
و الحين ارجعوا يبيعون كاميرات المراقبه بكل انواعها بشكل عادي .. فااتوقع الطلبات بتمر عادي ..

[ابو عبدالله.]

مثل ما قال اخونا نورث ستار

نظم المراقبه الامنيه حطت اشتراطات معينه للدوله بالكامل و بعدها سمحوا للكاميرات عمليه تنظيميه اكثر منها كمنع

للاعراض الشخصيه ان ضبطت كاميرات يوجهونك الجمارك للنظم الامنيه عشان تسجل دخول كاميرات و تعرف من جابها اذا حصل شيء لا سمح الله او سوء استخدام

ان شاء الله بتدخل و بنستانس بها

اما سالفه كاميرا الاطفال نجحوا فيها بصراحه. راحه بال خصوصا للمرأه العامله. اما الاب فشايل يده :)

[ابو عبدالله.]

توقعوا تشوفون اعلان بيع ثلاث كاميرات عادي يعني هههه

[معماري قطري]

هههههههه الليتات لها سالفه عندي و اليهال يموتون عليها

مساء الخير

على سالفه الكاميرا. وايد مفيده

من شوي طلبت ثلاث كاميرات واي فاي تنحط داخل البيت. عجيبه والله

https://youtu.be/akCXeDJxtoE

38 دولار لكن فيها الي ما تلقينه بأي كاميرا ثانيه

حساس تتبع. رؤيه ليليه. تسجيل فيديو. مايك للصوت و سماعه للتحدث مع الي بالغرفه. واي فاي

تحديد وقت التسجيل. تحكم بالصوت عبر جوجل هوم او بالجوال . الخ

اليوم شريت لمبات ملونه من مركز الرعايه التقنيه
و لوني المفضل ازرق خفيف :)

عن باقي الاجهزه. يمكن ما احتاج جهاز للدش او الشور مش مهمه بالنسبه لي ولا الثلاجه لاني عمليا ما احتاج اتحكم بالثلاجه

لكن الكاميرات و السوكتات اشوفها مفيده جدا

الاناره الخارجيه اشوف توقيت لها و اطفي بعضها بالاماكن الي ما تحتاج اناره طول الليل فقط اماكن معينه او مثلا حساس يشغل الليت الخارجي لما حد يتحرك بالمكان

و فيها توفير طاقه نوعا ما و تحذير للي يقرب من الباب الخارجي ايضا لما يشتغل الليت اذا مر احد

الله يفكنا من القطاوه بتخلي اللمبات تجن طول الليل تولع و تطفي ههههه

الكاميرات ذي غلطة يا بو عبدالله تكشف بيتك بالكامل لأي هكر وأقل شيء لموقع الشركة .. خذ اللي تسجل على هاردسك للرجوع له وقت الحاجة وبوايرات أفضل لك .. واي فاي تحتاج لها يمكن للحوش لمراقبة البيت وقت السفر بس

[sara jsm]

عدل كلام اخوي الصغير معماري ..
ونصيحة لوجه الله الاماكن اللي فيها اهل البيت والحريم المفروض ماينحط فيه كاميرات لاي سبب من الاسباب ..
احنا مسلمين والستر واجب علينا .. وهالزمن يخوف وايد ..
الله يستر علينا وعليكم جميع ..

[ابو عبدالله.]

الكاميرات ذي غلطة يا بو عبدالله تكشف بيتك بالكامل لأي هكر وأقل شيء لموقع الشركة .. خذ اللي تسجل على هاردسك للرجوع له وقت الحاجة وبوايرات أفضل لك .. واي فاي تحتاج لها يمكن للحوش لمراقبة البيت وقت السفر بس

صباح الخيرات

صحيح فيها خطوره لكن ايضا احنا عندنا تخوف كبير من المجهول

دائما كلمه هاكر تخوفنا و كلمه تصوير تثير الرعب اكثر

العمليه مش بالبساطه الي تتوقعونها تعال وهكر و تنفضح

في خطوات قويه لمنع التهكير

باسوورد قوي لشبكه الواي فاي
ربط الكاميرا بجهاز واي فاي داخلي vpr يسجل داخلي مش على النت
وضع باسوورد للكاميرا نفسها
استخدام vbn للواي فاي بالبيت

و طرق اخرى ايضا

هذا غير طريقه استخدام الكاميرا. يعني اطفاءها اذا احنا موجودين بالبيت مثلا

او وضعها بالاماكن الخارجيه مثل ما قلتي

عموما احنا ثقافتنا في موضوع التهكير قليله جدا حتى انا لكن الحلول موجوده و اجراءات التحكم بالامان قويه للي يبي يبحث عنها

قرأت موضوع مفصل عن هالكاميرا و طلع ان احتماليه التهكير قليله جدا و ان احتمال تهكير الجوال اعلى منها بكثير

[ابو عبدالله.]

دام دخلنا بسالفه التهكير بعلمكم بشغله

الهاكر انواع و قدرات فرديه من شخص لشخص

اغلب الهاكر اذا بيدورك يبي يبتزك

كيف يلقاك

اذا وجد عنك معلومات اوليه

حاط لك حسابات سوشل ميديا و تصور حياتك و الرفاهيه و العز كله بتسيل لعاب اي هاكر يفكر يبتز
حاط معلوماتك الشخصيه مثل تاريخ الميلاد و الاسم كامل و العنوان في لنك ان او تويتر الخ

بعطيكم مثال

الحين البنك لو عندك مليون بحسابك ما تلاحظ ان وايد شركات و بنوك تتصل فيك تعرض خدماتها
معلوماتك ممكن تنتقل بين افراد مثل موظفين يبون يفيدون اصدقائهم بشركات و يعطونهم معلومات عنك كزبون محتمل

صارت معاي من زمان و العائله كلها عطتني تخويل بشراء و بيع اسهم صناعات و تجمعت مبالغ بحسابي خلال كم يوم جاتني اتصالات ما تصدقون والله

شركه بيع اجهزه تنظيف المياه للخزان وانا عمري محد اتصل فيني قبلها. لما ضغطت على الهنديه المتصله وقلت اول علميني كيف لقيتي رقمي. قالت عندي اصدقاء ببنك عطوني رقمك عشان اسوق شركتنا

بعدها انهالت الاتصالات من كل جهه

لين وصلت ان وحده عربيه انصلت من دبي مسويه انها بالغط و تبي تدق سوالف و انها تبي تجي الدوحه زياره لو حد بيدفع تذكرتها

عيني عينك استغفر الله

كل هذا بس عشان حسابي بفتره ما صار فيه فلوس

ما بالكم بأني احط معلومات بالسوشل ميديا الي كل العالم ممكن تشوفها و انزل صور لبيت فخم مثلا او سيارات كشخه و انا اصلا معلوماتي الشخصيه متوفره بحسابات لنك ان و تويتر و غيره

هنا انا حطيت لافته عشان الهاكر ينتبه لي بأني ضحيه سهله و واضحه

[يمامـة]

كل شيء له سلبيات و أيجابيات و يعتمد على خيار الشخص نفسه

بيستخدم السستم بسلبيه أكيد بيأثر عليه

اذا استخدمه لاغراضه الايجابيه بيكون ممتاز

اذا انا انسان حركي اصلا بكون حارق سعرات قبل لا ادخل البيت اصلا او بالرياضه

اما اذا ما اتحرك وحتى كأس الماي ما اروح اجيبه بنفسي فهذا من البدايه سلبي

السستم ممتاز لاغراض كثيره فلو جاء عامل تنكر الصرف الصحي اعزكم الله بفتح الكاميرا عبر الجوال او جوجل هب و بشوفه لين يخلص بدل ما اطلع كل شوي اشوف

الواحد ما يأمن. مواتره مفتوحه و اغراضنا فيها

عامل تنظيف المسبح بشوفه بالكاميرا وانا بغرفتي او بالصاله

بغير لون اللمبه بالصوت بدل الريموت باليد ما يفرق يعني

بسأل جوجل عن اجابه معينه بالصوت بدل ما اكتب بالجوال و احرق عيني عشان اقرأ الاجابه بخط صغير مثلا

شغل الانوار الخارجيه بالوقت الفلاني او المكيف قبل لا اوصل للبيت عشان تبرد الغرفه. كلها ايجابيات و مفيده جدا

ما اشوف سلبيات حقيقيه او انعدام حركه على الاقل بالنسبه لي شخصيا

المميزات تتجاوز الي ذكرته بكثير كل ما تعاملنا اكثر مع السستم

حتى قوه الاضاءه لممر الغرفه لما احتاج الحمام اعزكم الله انحددها بنسبه معينه خافته عشان ما تبط العين و احنا صاحيين من النوم عشان الحمام بس

في ميزه قله يعرفونها وهي التعرف على الوجه بجهاز جوجل ماكس. و اذا احد بالبيت يبي شي يحطه بمسج و اول ما الجهاز يحدد وجهي ينبهني بوجود مسج من احد افراد العائله و يذكر المسج عشان اعرفه

ميزه اخرى

جوجل هوم يشغل اي قناه اذاعيه لاي بلد تطلبه حتى قناه للقران الكريم مش اغاني وبس

اختي حتى حنفيه الدش تقدرين تضبطين درجه حرارتها بالصوت قبل دخول الشور. بدل ما نفتح الحنفيه و ننتظر لين نخلص كم لتر عشان نضبط درجه الحراره هههه

صباح ممزوج بمساء الخير

صحيح كلامك كل شي له ايجابيات وله سلبيات..
وعلشان نمشي في السليم لازم من البداية نحدد شنهو الهدف من وضع مثل هالانظمة
وكيفية استخدامها لنا قبل عيالنا علشان تصير ثقافة في البيت..
التغيير قادم قبلنا فيه او رفضناه .. يمكن اليوم تلقاني ارفض مثل هالتقنية في بيتي
لكني ممكن انجبر اعيش وياها في بيت ولدي ويكون جزء من حياة ولدي وعياله..

وبناء عليه انحدد استخدامات هالتقنية داخل البيت وخارج البيت..
فلما اربط جهاز الستريت حق شعري المجعد بجوالي فمن غير المعقول اكون بنفس الغرفة
امشي امسك الجوال علشان افصل الكهربة عنه.. لان الجوال اقرب لي من الستريت..
وعلى نفس المنوال ما يصير اكون في غرفتي ماسكة جوالي العب فيه وبالمرة اطفي الليت من خلاله
طول وقتي!!
فالتقنية هذه ممكن تكون ايجابية لو اني اكون بعيدة عن الستريت مسافات
مثلا اكون في الحوش او عندي ضيوف او في المطبخ مب قادرة اترك الشغلة اللي في يدي
اهنيه استفيد منها وامسك جوالي وافصل الكهربة عنه..
ونفس الشي التحكم بفصل الكهربة عن الليتات في البيت او الحوش او فصل الكهربة عن
اي جهاز شغال في البيت واكون بعيدة عنه اهنيه يبرز اهمية مثل هالتقنية..

مثل ما قلت العالم تطور وراح تصير نقلة نوعية مع انتشار شبكة ال 5g بشكل ما يتخيله الواحد
وهناك منافسات من شركات كثيرة لادخال تقنياتهم الى السوق و الترويج لها..

اليوم مثلا في مستشفى حمد كلنا نشوف الكراسي المتحركة وكيف مرات نضطر توفير
واحد منهم على الرغم من وفرة هالكراسي ولكن بسبب ركنها في مكان يحتاج السؤال من اللي ركنها
اللي ممكن ما يرد على الجوال او تلفون المكتب او يكون اصلا بعيد عن الكرسي..
لكن الحين يتم حصر الاجهزة كلها في اي مكان ومن خلال ربطهم بتشبات خاصة .
بضغطة زر تحدد اماكنهم وهل هي تحت العمل او من غير عمل..

مثل هالامور توفر وقت وجهد وسرعة في انجاز المهام ..
لكن ان نقرى من "البعض" انه مثل هالتقنيات خلته يطفي الليتات وهو منسدح على سريره
وانه يفتح باب غرفته وهو على سريره.. وانه يكح باب الحمام ينفتح تكرمون.. ويتنحنح
الماي ينصب فوق راسه.." مثالك لضبط درجة حرارة الماي شي خرافي وعجيب"
لكن الامور المحددة في ردي
اشوف مثل هالامور رفاهية مضرة ومافيها ايجابية ابدا..لان نتائجها كارثية على حركة الانسان
فمب كل شخص يؤمن بأهمية الرياضة او الحركة حتى لو ما كان متين..

[يمامـة]

الكاميرات ذي غلطة يا بو عبدالله تكشف بيتك بالكامل لأي هكر وأقل شيء لموقع الشركة .. خذ اللي تسجل على هاردسك للرجوع له وقت الحاجة وبوايرات أفضل لك .. واي فاي تحتاج لها يمكن للحوش لمراقبة البيت وقت السفر بس
وحتى نكون دقيقين بشكل عام..
منهو اللي محتاج يخترق شبكة الواي فاي في بيتك ويطلع على التسجيلات او الحركات
المرصودة من خلال الكاميرات؟

وشنهو اللي يحتاجه للقيام بالشي هذا.؟
هل عنده باسوورد الشبكة علشان يقدر يدخل على الاجهزة المشبوكة عليها؟
هل باسوورد نظام المراقبة سهل ؟
هل عنده باسوورد نظام المراقبة المحطوط في البيت؟
هل هو من الاساس قريب من شبكة الواي فاي في بيتك؟
هل تتكلم عن بيتك و نفسك وتحط اللوكيشن في مواقع التواصل؟

ومن ثم اشوف اني مع الراي اللي ينصح بعدم وضع الكاميرات داخل البيوت
ممكن نضطر نحطها في الحوش بسبة مشاكل الخدم و زيادة خدمة توصيل الطلبات
و توفير البيع عن بعد وانخراط الخدم في الشراء منه..
لكن بعد لازم نكون حريصيين ونحاول نطلع بشكل اكبر علشان نحمي نفوسنا
من اختراق انظمتنا او اجهزتنا.. والله يحفظ الجميع..

[sara jsm]

اشوف مثل هالامور رفاهية مضرة ومافيها ايجابية ابدا..لان نتائجها كارثية على حركة الانسان
فمب كل شخص يؤمن بأهمية الرياضة او الحركة حتى لو ما كان متين..

مساء الورد اختي يمامة ..
مرة خذت سويت في فندق الشعله .. ولقيت ايباد يتحكم في اغلب الاشياء بالغرفه ..
من اضاءات او فتح واغلاق الستاير او تغير قنوات التلفزيون وحتى تطلبين وجبات اكل ..
كله مربوط بالايباد .. الموضوع كان مبهر لكن في نفس الوقت مزعج لي اني مااتحرك كلش ..
ومثل ماقلتي نتيجته كارثيه حتى للناس اللي تحب الرياضة بيشوفون الامر سهل وبيتعودون على الكسل ..
حتى الناس اللي مركبه اصانصير والبيت دورين اشوفه اوفر خاصه لو مايستخدمة شخص عاجز او عنده مشاكل صحية ..

:
:
بوعبدالله / يمكن صح كلامك بخصوص الهاكرز لكن مجرد فكرة اني اتصور فيديو وسبحان الله يصير شي غير الهكر او ممكن البيت ينسرق او حادث او اي شي ان ممكن اي جهة امنيه ترجع للتسجيلات هذي بحد ذاتها مزعجة بتصكر شنو ولا بتغطي شنو .. (( انا شوي دراما في هالامور ودايما اتوقع الاسوأ عشان اقنع نفسي او اللي حولي :tooth: ))

[monatee]

الاعلان اليوم طلع لي في الانستقرام

يناسب موضوعكم

[ابو عبدالله.]

صباح ممزوج بمساء الخير

صحيح كلامك كل شي له ايجابيات وله سلبيات..
وعلشان نمشي في السليم لازم من البداية نحدد شنهو الهدف من وضع مثل هالانظمة
وكيفية استخدامها لنا قبل عيالنا علشان تصير ثقافة في البيت..
التغيير قادم قبلنا فيه او رفضناه .. يمكن اليوم تلقاني ارفض مثل هالتقنية في بيتي
لكني ممكن انجبر اعيش وياها في بيت ولدي ويكون جزء من حياة ولدي وعياله..

وبناء عليه انحدد استخدامات هالتقنية داخل البيت وخارج البيت..
فلما اربط جهاز الستريت حق شعري المجعد بجوالي فمن غير المعقول اكون بنفس الغرفة
امشي امسك الجوال علشان افصل الكهربة عنه.. لان الجوال اقرب لي من الستريت..
وعلى نفس المنوال ما يصير اكون في غرفتي ماسكة جوالي العب فيه وبالمرة اطفي الليت من خلاله
طول وقتي!!
فالتقنية هذه ممكن تكون ايجابية لو اني اكون بعيدة عن الستريت مسافات
مثلا اكون في الحوش او عندي ضيوف او في المطبخ مب قادرة اترك الشغلة اللي في يدي
اهنيه استفيد منها وامسك جوالي وافصل الكهربة عنه..
ونفس الشي التحكم بفصل الكهربة عن الليتات في البيت او الحوش او فصل الكهربة عن
اي جهاز شغال في البيت واكون بعيدة عنه اهنيه يبرز اهمية مثل هالتقنية..

مثل ما قلت العالم تطور وراح تصير نقلة نوعية مع انتشار شبكة ال 5g بشكل ما يتخيله الواحد
وهناك منافسات من شركات كثيرة لادخال تقنياتهم الى السوق و الترويج لها..

اليوم مثلا في مستشفى حمد كلنا نشوف الكراسي المتحركة وكيف مرات نضطر توفير
واحد منهم على الرغم من وفرة هالكراسي ولكن بسبب ركنها في مكان يحتاج السؤال من اللي ركنها
اللي ممكن ما يرد على الجوال او تلفون المكتب او يكون اصلا بعيد عن الكرسي..
لكن الحين يتم حصر الاجهزة كلها في اي مكان ومن خلال ربطهم بتشبات خاصة .
بضغطة زر تحدد اماكنهم وهل هي تحت العمل او من غير عمل..

مثل هالامور توفر وقت وجهد وسرعة في انجاز المهام ..
لكن ان نقرى من "البعض" انه مثل هالتقنيات خلته يطفي الليتات وهو منسدح على سريره
وانه يفتح باب غرفته وهو على سريره.. وانه يكح باب الحمام ينفتح تكرمون.. ويتنحنح
الماي ينصب فوق راسه.." مثالك لضبط درجة حرارة الماي شي خرافي وعجيب"
لكن الامور المحددة في ردي
اشوف مثل هالامور رفاهية مضرة ومافيها ايجابية ابدا..لان نتائجها كارثية على حركة الانسان
فمب كل شخص يؤمن بأهمية الرياضة او الحركة حتى لو ما كان متين..

مساء الورد

اتفق معاك اختي

بالنهايه التكنولوجيا تتوفر و على الانسان ان يحدد استخداماتها بالشكل الصحيح

بعض الامور تبدأ كرفاهيه و تتحول لأساسيات مثل الجوال
لما طلع ايفون ثري
كثير ما تقبلوا فكره جوال ذكي و يكفيهم النوكيا لكن مع الوقت اصبح الجوال الذكي دارج و توسعت خدماته ببرامج حديثه و صارت حاجه الناس له اكبر

انا اتصور المنزل الذكي سيتطور بقوه خلال فتره قادمه

بدل نظام سماعات بالجبس و مكلف بتنحط سماعات مثل جوجل. صغيره و قويه وبدون اسلاك و تحكم اكثر و تشغيل عبر الجوال او النت

محابس المياه بتشتغل بالسنسر موجوده حاليا لكن الغالبيه ما يفكرون بها لكن بتزيد بعد فتره كنوع من الترشيد للماء

السخانات اتصور بتتبدل بسخان كهربائي فوري مش سخان بتانكي يضل يعمل طول اليوم لابقاء الماء ساخن

بيسخن وقت فتح الماء فقط وهذه موجوده ايضا لكن اغلبنا متعود ع السخان المركزي قالوها الشباب. احنا متعودين ع نظام البيوت من زمن الاباء لكن بيجي وقت و تتغير الافكار مع كل جيل

و احتمال تصير موضه ان كل شيء بالريموت و الجوال و الواي فاي. و بنرجع نصحح استخدام هالتكنولوجيا بعد ما نشوف سلبيات التجربه و ايجابياتها

بالنسبه لي انا احب التكنولوجيا من زمان و احب اكون محدث لعقليتي بما هو جديد و ابحث تفاصيله طبعا اذا لقيت وقت

[ابو عبدالله.]

مساء الورد اختي يمامة ..
مرة خذت سويت في فندق الشعله .. ولقيت ايباد يتحكم في اغلب الاشياء بالغرفه ..
من اضاءات او فتح واغلاق الستاير او تغير قنوات التلفزيون وحتى تطلبين وجبات اكل ..
كله مربوط بالايباد .. الموضوع كان مبهر لكن في نفس الوقت مزعج لي اني مااتحرك كلش ..
ومثل ماقلتي نتيجته كارثيه حتى للناس اللي تحب الرياضة بيشوفون الامر سهل وبيتعودون على الكسل ..
حتى الناس اللي مركبه اصانصير والبيت دورين اشوفه اوفر خاصه لو مايستخدمة شخص عاجز او عنده مشاكل صحية ..

:
:
بوعبدالله / يمكن صح كلامك بخصوص الهاكرز لكن مجرد فكرة اني اتصور فيديو وسبحان الله يصير شي غير الهكر او ممكن البيت ينسرق او حادث او اي شي ان ممكن اي جهة امنيه ترجع للتسجيلات هذي بحد ذاتها مزعجة بتصكر شنو ولا بتغطي شنو .. (( انا شوي دراما في هالامور ودايما اتوقع الاسوأ عشان اقنع نفسي او اللي حولي :tooth: ))


بعلق على الجزئية الي لي

كل شي له حل

لو انسرق البيت مش شرطي بيشوف التسجيلات. بتكون شرطيه :) و بتقطع الي تحتاجه وقت السرقه مش كل الفيديو

ما الومك لان كل البنات يتحسسون من موضوع الكاميرات لكن ايضا تتوقف اذا احنا موجودين بالبيت و تشتغل اذا طلعنا

الان نعتبر الكاميرا واي فاي غير مقبوله نفسيا لكن لما تصير دارجه و تنعرف مستويات الامان لها بنتقبلها اكثر

ما اعتبر سمارت هوم مبالغه حاليا. مثل الاصنصير لفيلا دورين و بنت هاوس. دام بصحتنا ما نحتاجه ولو احتجناه مستقبلا بتكون تكنولوجيا الاصنصير افضل و بيركب بحجم ما يحتاج أساس و اعمده و محرك كبير. و الان اصلا موجود بتقنيه مثل الاصنصير الي بمطعم قرب نادي قطر. كله زجاج و خفيف و يركب بدون اعمده و خرسانه اسمنتيه و هالشغلات الكبيره

الى الان انا استكشف حاجتي الفعليه لسمارت هوم من مساعد جوجل و سوكتات و لمبات وكل الي اخذته استخدمه فعليا لكن باقي الامور بنتظر لبيتي الجديد ان شاء الله. بكون متمكن و مطلع لما احتاجه و اشتري المهم و النافع

[معماري قطري]

دام دخلنا بسالفه التهكير بعلمكم بشغله

الهاكر انواع و قدرات فرديه من شخص لشخص

اغلب الهاكر اذا بيدورك يبي يبتزك

كيف يلقاك

اذا وجد عنك معلومات اوليه

حاط لك حسابات سوشل ميديا و تصور حياتك و الرفاهيه و العز كله بتسيل لعاب اي هاكر يفكر يبتز
حاط معلوماتك الشخصيه مثل تاريخ الميلاد و الاسم كامل و العنوان في لنك ان او تويتر الخ

بعطيكم مثال

الحين البنك لو عندك مليون بحسابك ما تلاحظ ان وايد شركات و بنوك تتصل فيك تعرض خدماتها
معلوماتك ممكن تنتقل بين افراد مثل موظفين يبون يفيدون اصدقائهم بشركات و يعطونهم معلومات عنك كزبون محتمل

صارت معاي من زمان و العائله كلها عطتني تخويل بشراء و بيع اسهم صناعات و تجمعت مبالغ بحسابي خلال كم يوم جاتني اتصالات ما تصدقون والله

شركه بيع اجهزه تنظيف المياه للخزان وانا عمري محد اتصل فيني قبلها. لما ضغطت على الهنديه المتصله وقلت اول علميني كيف لقيتي رقمي. قالت عندي اصدقاء ببنك عطوني رقمك عشان اسوق شركتنا

بعدها انهالت الاتصالات من كل جهه

لين وصلت ان وحده عربيه انصلت من دبي مسويه انها بالغط و تبي تدق سوالف و انها تبي تجي الدوحه زياره لو حد بيدفع تذكرتها

عيني عينك استغفر الله

كل هذا بس عشان حسابي بفتره ما صار فيه فلوس

ما بالكم بأني احط معلومات بالسوشل ميديا الي كل العالم ممكن تشوفها و انزل صور لبيت فخم مثلا او سيارات كشخه و انا اصلا معلوماتي الشخصيه متوفره بحسابات لنك ان و تويتر و غيره

هنا انا حطيت لافته عشان الهاكر ينتبه لي بأني ضحيه سهله و واضحه

بالنسبة للبنوك ونشر الرقم المسئلة مب مسئلة دعاية أو تهكير المسئلة مسئلة لوبيات وناس ما عندها ذمة ولا فيه حساب ولا عقاب رادع يردعهم

أما الهكر بعضهم قادرين يخترقون أي شبكة داخلية أو خارجية ما يصعب عليهم شيء

[ابو عبدالله.]

الاعلان اليوم طلع لي في الانستقرام

يناسب موضوعكم

يا هلا

هالشركه اعرف مسؤول فيها و استفيد من معلومات التطور بالمكيفات وهو الي فادني بموضوع الضمان و تطور المكيفات كل كم سنه و افضليه الروتري عن البستن

مكيفاتهم ضمانها خمس سنوات على كل شي مش بس الكمبرسر حتى الجهاز الداخلي بالغرفه
تستحمل حراره ستين درجه ما يفصل

و الان اشوف الصوره و توني اعرف انه بالواي فاي ايضا

[معماري قطري]

بعلق على الجزئية الي لي

كل شي له حل

لو انسرق البيت مش شرطي بيشوف التسجيلات. بتكون شرطيه :) و بتقطع الي تحتاجه وقت السرقه مش كل الفيديو

ما الومك لان كل البنات يتحسسون من موضوع الكاميرات لكن ايضا تتوقف اذا احنا موجودين بالبيت و تشتغل اذا طلعنا

الان نعتبر الكاميرا واي فاي غير مقبوله نفسيا لكن لما تصير دارجه و تنعرف مستويات الامان لها بنتقبلها اكثر

ما اعتبر سمارت هوم مبالغه حاليا. مثل الاصنصير لفيلا دورين و بنت هاوس. دام بصحتنا ما نحتاجه ولو احتجناه مستقبلا بتكون تكنولوجيا الاصنصير افضل و بيركب بحجم ما يحتاج أساس و اعمده و محرك كبير. و الان اصلا موجود بتقنيه مثل الاصنصير الي بمطعم قرب نادي قطر. كله زجاج و خفيف و يركب بدون اعمده و خرسانه اسمنتيه و هالشغلات الكبيره

الى الان انا استكشف حاجتي الفعليه لسمارت هوم من مساعد جوجل و سوكتات و لمبات وكل الي اخذته استخدمه فعليا لكن باقي الامور بنتظر لبيتي الجديد ان شاء الله. بكون متمكن و مطلع لما احتاجه و اشتري المهم و النافع

الله يستر على شرطتنا تقول لهم حرامي في بيتي يقولون جيبه وقدم شكوى شلون تبيهم يجيبون شرطية وتشوف الفلم .. إذا جاوا بيتي بعد الحاح وبعد تهديدي انهم اذا ما جاوا باستعمل السلاح .. جاء فريق جرايم وبكيمرة خاصة فلاشها ينور الفريج صوروا اللي كانوا يشتغلون فوق سطح ملحق بيتي ولا سووا لهم شيء ثاني يوم مطلعينهم وراكبين مرة ثانية عينك عينك وشايلين أغراضهم من سطح الملحق

واحد يبغي يطلع عامل من كراج يملكه في الصناعية والعامل رافض كلم الشرطة قالوا ما نقدر نسوي شيء بدون أمر النيابة

[ابو عبدالله.]

بالنسبة للبنوك ونشر الرقم المسئلة مب مسئلة دعاية أو تهكير المسئلة مسئلة لوبيات وناس ما عندها ذمة ولا فيه حساب ولا عقاب رادع يردعهم

أما الهكر بعضهم قادرين يخترقون أي شبكة داخلية أو خارجية ما يصعب عليهم شيء

تقصد بعض بشر قد يسيئون استخدام وظيفتهم صح. :)

عن الهاكر ما يدري عنك اصلا واذا درى عن طريق معلوماتك بالسوشل ميديا ما بيقدر يخترق اذا اتبعت اجراءات سليمه للحمايه

تضل نفطه جدال لاننا قليلي خبره بالحمايه و افضل السبل لها سواء بالبرمجه او العادات السليمه لاستخدام سمارت هوم سستمز

[معماري قطري]

وحتى نكون دقيقين بشكل عام..
منهو اللي محتاج يخترق شبكة الواي فاي في بيتك ويطلع على التسجيلات او الحركات
المرصودة من خلال الكاميرات؟

وشنهو اللي يحتاجه للقيام بالشي هذا.؟
هل عنده باسوورد الشبكة علشان يقدر يدخل على الاجهزة المشبوكة عليها؟
هل باسوورد نظام المراقبة سهل ؟
هل عنده باسوورد نظام المراقبة المحطوط في البيت؟
هل هو من الاساس قريب من شبكة الواي فاي في بيتك؟
هل تتكلم عن بيتك و نفسك وتحط اللوكيشن في مواقع التواصل؟

ومن ثم اشوف اني مع الراي اللي ينصح بعدم وضع الكاميرات داخل البيوت
ممكن نضطر نحطها في الحوش بسبة مشاكل الخدم و زيادة خدمة توصيل الطلبات
و توفير البيع عن بعد وانخراط الخدم في الشراء منه..
لكن بعد لازم نكون حريصيين ونحاول نطلع بشكل اكبر علشان نحمي نفوسنا
من اختراق انظمتنا او اجهزتنا.. والله يحفظ الجميع..

شفت مقاطع للشركات المصنعة لهذي الكاميرات تجمع معلومات وتعتبر وسيلة تجسس مهما حطيتي من باسوورد ان شاء الله مليون حرف ورقم

[ابو عبدالله.]

الله يستر على شرطتنا تقول لهم حرامي في بيتي يقولون جيبه وقدم شكوى شلون تبيهم يجيبون شرطية وتشوف الفلم .. إذا جاوا بيتي بعد الحاح وبعد تهديدي انهم اذا ما جاوا باستعمل السلاح .. جاء فريق جرايم وبكيمرة خاصة فلاشها ينور الفريج صوروا اللي كانوا يشتغلون فوق سطح ملحق بيتي ولا سووا لهم شيء ثاني يوم مطلعينهم وراكبين مرة ثانية عينك عينك وشايلين أغراضهم من سطح الملحق

واحد يبغي يطلع عامل من كراج يملكه في الصناعية والعامل رافض كلم الشرطة قالوا ما نقدر نسوي شيء بدون أمر النيابة

غريبه. مع ان عسى ما نكلم الشرطه يجون و يمسكون

وسالفه العامل مش الشرطه تجيه لانه ما ارتكب جريمه. لكن الابعاد لهم دور بأخذه اذا اشتكيت عليه عندهم و طلبت ابعاده

ما اقدر اعلق اكثر لاني ما اعرف تفاصيل هالسالفتين الي قلت عنهم

[معماري قطري]

تقصد بعض بشر قد يسيئون استخدام وظيفتهم صح. :)

عن الهاكر ما يدري عنك اصلا واذا درى عن طريق معلوماتك بالسوشل ميديا ما بيقدر يخترق اذا اتبعت اجراءات سليمه للحمايه

تضل نفطه جدال لاننا قليلي خبره بالحمايه و افضل السبل لها سواء بالبرمجه او العادات السليمه لاستخدام سمارت هوم سستمز

انا ماشي على نصيحة زكية زكريا كشكشها متعرضهاش واشوف تبسيط النظام بوايرات بدون شبكة وتسجيل أفضل ويكون مكان الهارددسك محمي

[معماري قطري]

غريبه. مع ان عسى ما نكلم الشرطه يجون و يمسكون

وسالفه العامل مش الشرطه تجيه لانه ما ارتكب جريمه. لكن الابعاد لهم دور بأخذه اذا اشتكيت عليه عندهم و طلبت ابعاده

ما اقدر اعلق اكثر لاني ما اعرف تفاصيل هالسالفتين الي قلت عنهم

والله انا اقول اللي صار معاي بالضبط وهذي تجربتي مع شرطتنا وانا الحمد لله عسكري متقاعد ورتبة يعني يفترض يعتبروني من منضومة الأمن

الإبعاد انت تبلغ عنه وهم يمكن يصيدونه ويمكن يعيث فساد في الأرض .. هذا كان متحدي الكل ولا طلع ولا جاوا الشرطة يطلعونه وكان صعب حد يحتك معاه الا بالقوة

[ابو عبدالله.]

شفت مقاطع للشركات المصنعة لهذي الكاميرات تجمع معلومات وتعتبر وسيلة تجسس مهما حطيتي من باسوورد ان شاء الله مليون حرف ورقم

يمكن تقصد شركات الحمايه بدول ثانيه

تصير ان موظفين بشركات للحمايه يعطون اصدقائهم باسوورد فتح الباب او اغلاق الانذار عشان يسرقون لكن هذولا شركات ضخمه اذا بتتعاقد معاهم. برع قطر اقصد

لكن شركه تنتج كاميرا وايز كام وبايعه اكثر من عشره ملون كاميرا ما اعتقد يتجسسون على كل المشترين هذولا مش شركه حمايه للمنازل. فقط منتجين لكاميرات

مجرد رأي

[ابو عبدالله.]

انا ماشي على نصيحة زكية زكريا كشكشها متعرضهاش واشوف تبسيط النظام بوايرات بدون شبكة وتسجيل أفضل ويكون مكان الهارددسك محمي

انا بعد اشوفها افضل بدل المحاتاه ان الكاميرا بالواي فاي. على الاقل الان لكن مستقبلا يمكن نغير نظرتنا عنها

يعني الامهات الي حاطين كاميرا بالنت لاطفالهم خلاص يحذفون الكاميرا هههههههه

[ابو عبدالله.]

انا بروح اشغل الليت الازرق و شغل جوجل هوم على اغاني موزارت ما قبل النوم ههههههه

[durra]

قبل ما تدخل نظام المنازل الذكية انصح بمشاهدة ��

https://youtu.be/-P0rSnt2HSU

[معماري قطري]

انا بعد اشوفها افضل بدل المحاتاه ان الكاميرا بالواي فاي. على الاقل الان لكن مستقبلا يمكن نغير نظرتنا عنها

يعني الامهات الي حاطين كاميرا بالنت لاطفالهم خلاص يحذفون الكاميرا هههههههه

أكيد في حالات تنفع .. واحد من الربع ركب وبالغ في التركيب وبنى سور عالي .. رفيج ولده ساكن قريب منهم وولده يشرح لرفيجه مكان البيت قال رفيجه اووه بيت المخابرات .. مار صوب البيت وحسبه لأحد مباني المخابرات أو صاحب البيت مهم جداً .. اللي مركبهم كاميرات ممتدة وسوداء نفس اللي في البنوك ما تدري وين تصور .. مبالغة يمكن تنقلب ضد صاحب البيت

[معماري قطري]

قبل ما تدخل نظام المنازل الذكية انصح بمشاهدة ï؟½ï؟½

https://youtu.be/-P0rSnt2HSU

مشكور وضحت اللي اتكلم عنه محد يقدر يصير سمارتر ذان ذا انترنت

[ابو عبدالله.]

ممتاز. تعلمنا اكثر عن الحمايه

انا لاحظت ان الاغلبيه ما كانوا حاطين باسوورد لكل جهاز

و ايضا الضغط على رابط من الهاكر

العمليه تحتاج اكثر من شراء الاجهزه تحتاج قراءه مواضيع عن الحمايه و معلومات اي جهاز نشتريه و طرق تقويه حمايته

استخدام باسوورد ثنائي تو ستب

اشكرك على الفيديو. نبهنا اكثر عن الحمايه و مخاطر التهاون بهذه الاجهزه

[مرتبش]

لن ارهن حياتي للانترنت.. الانترنت تقومني من النوم وتجهز لي ريوقي وتعرف اذا الثلاجة ناقصة اغراض والملابس ما انغسلت.. لانه هذا كله تسويق يبون يدخلون في تفاصيل حياتنا واستهلاكنا ويبيعون اكثر

[ابو عبدالله.]

صحيح نوعا ما اخوي

لكن كل الي حولنا يسوق. الجوال يعرف كل تفاصيل حياتنا و التلفزيون يعرفون كم نسبه المشاهده و اي قناه واي مسلسل و اي دعايه تشوف وايش الي يجذبك

الانترنت يعرف عنا اكثر ما نعرف عن انفسنا

ما تفرق اذا الثلاجه بتعرف ايش ناكل و اي صنف نحب

ايضا ما يتحكمون بنا احنا مستهلكين و لازم نكون مثقفين ولا ننجرف وراء كل شيء

قديما و الى الان احنا مستهلكين. و وكالات السيارات كانت تسوق و دعايه و تخفيض كم الف و الناس تراكض وراهم. هي هي نفس العمليه اللهم التسويق صار على علم و دراسه اكثر

لكن بالنهايه انا اتفق مع الاراء ان هناك حذر مطلوب من ناحيه الكاميرا او سرقه الباسوورد الخ

[يمامـة]

شفت مقاطع للشركات المصنعة لهذي الكاميرات تجمع معلومات وتعتبر وسيلة تجسس مهما حطيتي من باسوورد ان شاء الله مليون حرف ورقم

فكرة ان الشركات تجسس علينا..
ترى جوالك ينشر عنك معلومات انت تنساها عن نفيك
مجرد ما تسكره وتروح ترقد اخوي معماري..

الاهم في الموضوع ان الكاميرات مافيها وسيلة
يخترقون ستر البيوت.
اما غير جذيه شنهو اللي ممكن تجمعه شركات
المصنعة شنهي نوعية المعلومات اللي بيجمعونها عنا؟
ممكن تعطيني مثال علشان استوعب الفكرة ما عليك امر؟

[يمامـة]

مساء الورد اختي يمامة ..
مرة خذت سويت في فندق الشعله .. ولقيت ايباد يتحكم في اغلب الاشياء بالغرفه ..
من اضاءات او فتح واغلاق الستاير او تغير قنوات التلفزيون وحتى تطلبين وجبات اكل ..
كله مربوط بالايباد .. الموضوع كان مبهر لكن في نفس الوقت مزعج لي اني مااتحرك كلش ..
ومثل ماقلتي نتيجته كارثيه حتى للناس اللي تحب الرياضة بيشوفون الامر سهل وبيتعودون على الكسل ..
حتى الناس اللي مركبه اصانصير والبيت دورين اشوفه اوفر خاصه لو مايستخدمة شخص عاجز او عنده مشاكل صحية ..

:
:


مساء الرياحين ياسارة..
اتفق معاج..
التطور حلو وجميل وعجيب..
بس مثل ماقلتي لما تساعد الواحد يصير تمبل
الحياة راح تصعب على النفسيات .
ومبارك عليج الشهر.

[يمامـة]

مساء الورد

اتفق معاك اختي

بالنهايه التكنولوجيا تتوفر و على الانسان ان يحدد استخداماتها بالشكل الصحيح

بعض الامور تبدأ كرفاهيه و تتحول لأساسيات مثل الجوال
لما طلع ايفون ثري
كثير ما تقبلوا فكره جوال ذكي و يكفيهم النوكيا لكن مع الوقت اصبح الجوال الذكي دارج و توسعت خدماته ببرامج حديثه و صارت حاجه الناس له اكبر

انا اتصور المنزل الذكي سيتطور بقوه خلال فتره قادمه

بدل نظام سماعات بالجبس و مكلف بتنحط سماعات مثل جوجل. صغيره و قويه وبدون اسلاك و تحكم اكثر و تشغيل عبر الجوال او النت

محابس المياه بتشتغل بالسنسر موجوده حاليا لكن الغالبيه ما يفكرون بها لكن بتزيد بعد فتره كنوع من الترشيد للماء

السخانات اتصور بتتبدل بسخان كهربائي فوري مش سخان بتانكي يضل يعمل طول اليوم لابقاء الماء ساخن

بيسخن وقت فتح الماء فقط وهذه موجوده ايضا لكن اغلبنا متعود ع السخان المركزي قالوها الشباب. احنا متعودين ع نظام البيوت من زمن الاباء لكن بيجي وقت و تتغير الافكار مع كل جيل

و احتمال تصير موضه ان كل شيء بالريموت و الجوال و الواي فاي. و بنرجع نصحح استخدام هالتكنولوجيا بعد ما نشوف سلبيات التجربه و ايجابياتها

بالنسبه لي انا احب التكنولوجيا من زمان و احب اكون محدث لعقليتي بما هو جديد و ابحث تفاصيله طبعا اذا لقيت وقت

ما اختلف معاك في نقاط وايدة.
بس جزئية ان حياتتا تتساهل لدرجة اني ما اتحرك من مكاني
لابسط الامور الحياتية " الموضوع مرعب"
اما الامور الثانية
برمجة الليتات الخارجية
برمجة الكهربة
برمجة درجة حرارة الماي
امور تعود علينا بمنافع كبيرة..
اما اضبط ليتات غرفتي و بحس " هسس"
تتبطل او تنطفي الليتات او تشتغل السماعات
وتصفق صفقة وحدة يشتغل موزارت
صفقتين ابوبكر سالم
٣ صفقات جاستن بيبر
الامر ذيه مخوفني..

[sara jsm]

:happy: :happy: لو في صفقات اسلامية افضل ..
علينا وعليج يتبارك اختي العزيزة

[ابو عبدالله.]

هههههه صرنا نصفق و نمتن

مساكم بالخير

ملاحظ ان التطور مقبول مع نوع من الحذر. اما من الاعتماديه الكامله و نتمبل او من سرقه معلومات او فيديو

لكن العمليه مقبوله كمبدأ

مش قلق لاني ما وصلت اي من هالمراحل. لا الاعتماديه او فيديو وكاميرات

التجربه تكشف اكثر و تعمق المعلومات و التفاصيل الى ان نصل لافضل مستوى ممكن من حجم الاعتماد و الحمايه المطلوبه

على فكره. في قنوات اذاعيه سواء للقرآن او اذاعات اغلب الدول على جوجل هوم غير مساعد جوجل مثل الجوال اضافه للتحكم بالصوت مش اضغط بأصبعي عشان اشغل او اطفي

[معماري قطري]

ما اختلف معاك في نقاط وايدة.
بس جزئية ان حياتتا تتساهل لدرجة اني ما اتحرك من مكاني
لابسط الامور الحياتية " الموضوع مرعب"
اما الامور الثانية
برمجة الليتات الخارجية
برمجة الكهربة
برمجة درجة حرارة الماي
امور تعود علينا بمنافع كبيرة..
اما اضبط ليتات غرفتي و بحس " هسس"
تتبطل او تنطفي الليتات او تشتغل السماعات
وتصفق صفقة وحدة يشتغل موزارت
صفقتين ابوبكر سالم
ظ£ صفقات جاستن بيبر
الامر ذيه مخوفني..

ههههههه طلعتي تعرفين الربع كلهم

[معماري قطري]

:happy: :happy: لو في صفقات اسلامية افضل ..
علينا وعليج يتبارك اختي العزيزة

جنني تلفزيون قطر كلما بغيت اتابع برنامج تثقيفي اسلامي يشغلون لي الموسيقى الفموية اوووه او لا لا واممممممم اتعب نفسياً من هالخلفيات لو يخلونها بدون أفضل

يعني الموسيقى حرام زين هم مسبلين بنفسهم مع هالأصوات

[monatee]

كنه ماعندهم سالفه مع هذا القرار

[ابو عبدالله.]

مساكم بالخير جميعا

ما شاء الله سبقتونا بالخبر الجميل

تنظيم الاتصالات تسمح بالشبكات الداخليه للمنازل

لدعم ربط الاجهزه المنزليه بشبكه داخليه لاسلكيه

يعني نربط كل اجهزتنا بشبكه غير مربوطه بالانترنت او نسميها واي فاي داخلي يعزز الامان من التهكير عبر الانترنت

مثل هذا السماح يفتح الباب بتركيب شبكه رخيصه داخليه و تركيب اجهزه السمارت هوم منخفضه التكلفه بدل الاعتماد على الشركات المتخصصه الاعلى بالتكلفه

كان هذا هو الهاجس الوحيد عندي من ربط الاجهزه عبر واي فاي الانترنت و احتماليه تهكيرها

اعتقد أني سأبدأ بالشوبنج لشبكات داخليه من امازون :)

[monatee]

مساكم بالخير جميعا

ما شاء الله سبقتونا بالخبر الجميل

تنظيم الاتصالات تسمح بالشبكات الداخليه للمنازل

لدعم ربط الاجهزه المنزليه بشبكه داخليه لاسلكيه

يعني نربط كل اجهزتنا بشبكه غير مربوطه بالانترنت او نسميها واي فاي داخلي يعزز الامان من التهكير عبر الانترنت

مثل هذا السماح يفتح الباب بتركيب شبكه رخيصه داخليه و تركيب اجهزه السمارت هوم منخفضه التكلفه بدل الاعتماد على الشركات المتخصصه الاعلى بالتكلفه

كان هذا هو الهاجس الوحيد عندي من ربط الاجهزه عبر واي فاي الانترنت و احتماليه تهكيرها

اعتقد أني سأبدأ بالشوبنج لشبكات داخليه من امازون :)


الخبر مو واضح عندي
هل هو اجباري للي بيركب مثل هالامور تكون الشبكه داخليه وغير مربوطه بالانترنت ؟
واذا اي ، ليش يجبروني ؟ حتى لو حمايه من التهكير
عيل الحين اشلون بفتح المكيف والليتات وانا في الدوام ؟ :playball:

او ياريت توضح لنا القرار عدل

[sara jsm]

امس قريت الخبر ثلاث مرات بس مبهم شوي ..
نبي تفاصيل اكثر واكيده ..

[ابو عبدالله.]

مساء الخير

الخبر ما حدد منع اي شيء. فقط بالسماح بتركيب شبكات داخليه للافراد. في المنازل بدون حاجه لترخيص

الترخيص للشركات الي تركب لنا الشبكات عشان يكون شغلهم قانوني. هم عندهم رخص عمل لكن مش لشبكات المنازل. الان سمح لهم بهذا الشيء

احنا كأفراد ما يمنوعون شبكات بيوتنا سواء مربوطه بالنت ام لا

احنا حرين

عشان تتضح الصوره

انا ابي اسوي سيرفر لبيتي و كل اجهزه البيت فيها صور و فيديوهات خاصه فأجمع كل محتويات اجهزتي بهارد درايف واحد عشان اذا انكسر ايباد ما اتحسف على الصور و الذكريات الي فيه. فأنزل كل محتوياته على السيرفر او الهارد دريف المنزلي و اقدر اتصفح المحتويات بأي جهاز آخر عادي و مخزنه للابد بشبكتي الخاصه مهما غيرت من اجهزه فمعلوماتي مخزنه خلاص

انا عندي كاميرات وايرلس مابي احد يدخل عليها بالنت فهي بشبكه منفصله بلا نت و تخزن بالشبكه لو برجع و افتش بالتسجيلات

هذه امثله لشبكه منفصه عن النت

لكن غيري يبي نفس المواصفات لكن مربوطه بالنت و يقدر يدخل على معلوماته المخزنه بالبيت و ينزل ملف معين على جواله. بعد بيقدر عادي

او يتحكم بأي جهاز منزلي وهو بالشغل طبعا مع وضع ادوات الامان من باسووردات لكل جهاز او دبل فيريفيكيشن كود الخ

الخيارين متوفرين لاي شخص. شبكه منفصله او متصله بالنت

السالفه كلها ان تنظمت العمليه لوضع شبكات مثل الشركات لكن منزليه و مجلس الاتصالات يعرف من عنده شبكه لانها تشغل نطاق لاسلكي مثل الشركات و القانون اعطى صلاحيه منح موافقات لاي نطاق لاسلكي للمجلس

هالشي ممتاز بأنهم وعوا على اهميه منح مجال للافراد لاستخدام هالشبكات و مميزات تدعم السمارت هوم و ربط اجهزه المنزل. مش بس سمارت هوم حتى الكمبيوترات و التابلت و تخزين المعلومات الخ

[ابو عبدالله.]

مناتي الخبر الي بالمرفقات يمكن ما ذكر تفاصيل لكن بالجريده كان واضح اكثر

و هو لدعم شبكات المنازل و التحكم بأجهزه مثل السخانات و المكيفات و غيرها.

انا ممكن اسوي شبكه و اتحكم بها بجوالي وانا بالبيت فقط لما اربط جوالي بشبكه واي فاي منزليه تربط كل الاجهزه وحتى عيالي يربطون ايباداتهم بالشبكه و يتحكمون بغرفهم و الاضاءه و المكيف و السخان الخ

كلن و غرفته

لكن اذا ابي ميزه التحكم وانا برع البيت بوصل شبكتي المنزليه بالنت و بتحكم وانا برع البيت

الخيارين متاحين لي

بعلمك بشغله

انا بشبكه منفصله عن النت لكن بحط جهاز روتر مشبوك بالنت فأقدر اتصل به من جوالي و اتحكم بأن الروتر يوصل شبكتي المنزليه بالنت و بعدها ادخل بجوالي على الشبكه الداخليه لكن اول ما اخلص اتصل بالروتر و اعطيه امر بقطع النت عن شبكه المنزل فتتحول الى منفصله و محد بيهكر منزلي

الخيارات موجوده اوصل و افصل متى ما ابي

حتى لو متصله بالنت على طول هناك طرق للحمايه من التهكير

[monatee]

الحين اتضحت الصوره :app2:

زبدة الكلام ، قبل الموضوع عشوائي والحين منظم
وعن طريق شركات مرخصه

الصراحه شرحك وين والخبر وين :unsure:

يعطيك العافيه

[ابو عبدالله.]

ههههه المرفق الي محطوط قصير الشرح لكن بالشرق و الرايه شوي اوضح

معنى الخبر ان دخول السمارت هوم اصبح اكثر جاذبيه و منظم و سينتشر بشكل كبير مثل ما انتشر الجوال الذكي بحياتنا

احنا محظوظين ان عندنا ظ¥ جي و شبكات قويه و نت و كهرباء لا تنقطع مثل كثير من الدول

الحمد لله

[معماري قطري]

مشكور يا بو عبدالله نورتنا

الاعلان صج غامض ويحتاج ترجمة وخارطة طريق ما ادري ليش يحبون التعقيد وين زكية زكريا تقول لهم كشكشوها متعرضوهاش

[الحياة الخالدة]

مشكور يا بو عبدالله نورتنا

الاعلان صج غامض ويحتاج ترجمة وخارطة طريق ما ادري ليش يحبون التعقيد وين زكية زكريا تقول لهم كشكشوها متعرضوهاش

زكية زكريا مات
الله يرحم أموات المسلمين

[معماري قطري]

زكية زكريا مات
الله يرحم أموات المسلمين

اللهم آمين .. توني أعرف متى توفى؟ شكله قريب

[الحياة الخالدة]

اللهم آمين .. توني أعرف متى توفى؟ شكله قريب

صحيح .. أنا قريت الخبر بالصدفة من يومين
وطلع مسيحي بعد

والسموحة على الخروج عن الموضوع

[معماري قطري]

صحيح .. أنا قريت الخبر بالصدفة من يومين
وطلع مسيحي بعد

والسموحة على الخروج عن الموضوع

مشكورة وبالعكس زين علمتيني كان بالنسبة لي محبوب ومقالبه تضحك

[ابو عبدالله.]

مساكم بالخير

انا بعد توني اعرف انه توفى


عن خبر الشبكات المنزليه نوعا ما فيه وضوح لكن كان يحتاج تنوير اكثر و شرح حتى يستفيد منه القارئ و المستهلك

السؤال

هل بيسمح لنا كأفراد بتركيب شبكه بدون الحاجه لشركه مرخصه تركب لنا

اذا انا اعرف اركبها بنفسي ليش بحتاج لشركه قد تكلفني اكثر من ثلاث او اربع اضعاف التكلفه الفعليه

اجهزه الشبكات متوفره بالقطع او بالطلب بالنت مثل اجهزه السمارت هوم

يا ليت يسوون تحقيق صحفي عن آليات هذه الموافقه و امكانيه لجوء المستهلك للمجلس مباشره كأخطار بتركيب شبكه منزليه كخيار ثاني غير استخدام شركه للتركيب

سؤال ثاني

رخص العمل من المنزل مثل التغليف و انشاء مواقع انترنت يمكن اضافه رخصه تركيب شبكات منزليه كتوسع للرخص المنزليه المحدده ببضع رخص فقط

في شباب شاطرين في الاي تي و ممكن نعطيهم فرصه العمل بتركيب الشبكات و السمارت هوم عبر رخص العمل من المنزل

يا ليت مجلس الاتصالات و وزاره الاقتصاد يدرسون هذا الخيار

[sara jsm]

الله يعطيك العافيه اخوي بوعبدالله
ماقصرت كفيت ووفيت ..

[ابو عبدالله.]

مساء الخيرات

مشكوره. حاضرين نفيد و نستفيد

[بـومحمد]

تواصلوا مع المهندس معتز شركة راحة للتجاره والمقاولات

[يمامـة]

ههههههه طلعتي تعرفين الربع كلهم
شنسوي هذي سوات العولمة..