مساعده عاجله مطابخ ايكيا

[مررايم]

مرحبا احتاج منكم مساعد ضروري اش رايكم بطابخ ايكيا لمطبخ داخلي هل تستاهل السعر مع العلم ان سعرها مب رخيص واذا ماتستاهل شنو افضل المحلات مع العلم انا كنت بسوي عند رافكو بس في ظل الظروف الحال متوقفين عن الاستيراد بس الموجود في المحل تاخذ وهذا مش مناسب معاي ...
ارجوا الرد بسرعه لا هنتواااا

[Azizuk]

تكفين ابعدي عن رافكو من باب تجربة معاهم نشفو ريجي وآخر شي كل اللي طلبته تم تركيبة غلط في غلط

اخترت لون معين للأسطح تم تركيب لون غير المتفق عليه

مفصلات الكبتات قالو لي الماني طلع صيني بس على قولتهم ان درجة أولى وعليه ضمان

بس المطابخ الإيطالية اللي تجي من ايطاليا مايقدرون يتلاعبون فيها ام التصنيع المحلي غالي وكله في غش

واتحدى الشركة نفسها تحاسبني على كلامي

لان عندي وثائق تلاعبهم

يوم جيت اخذ الثلاجة مع باقي الأغراض في تلاعب بالأسعار

طلبت ثلاجات من المانع الامريكية فريزر وثلاجة منفصلين

رافكو حاسبوني الوحده 11 الف ريال يعني المجموع 22 الف ريال

ويوم رحت للمانع طلعت الثلاجة ب 6 الاف ريال والفريزر ب 6 الاف ريال يعني المجموع الكلي ب 12 ويوم تناقشت معاهم وحجيتهم قالو ان هالاسعار احنا نأخذها من قسم المشاريع*

اتوقع ان في تلاعب بين قسم المشاريع وبعض الموظفين في رافكو والدليل ان معظم الموظفين في رافكو تبدلو

هذا غير التأخير اللي الحين نتج عنه العذر الوباء والصناعية مقفله ومن هالاعذار

[sara jsm]

اختي مطابخ ايكيا كلها خشب مضغوط mdf
يعني اي قطرة ماي تمت مدة عالسطح او داخل الكبت راح ينتفخ الخشب ..
صح عندهم ضمان لكن ضمانهم مب على كل شي ..

هم كـ شكل روووعه وايد .. واذا تبين نفس الشكل بس المنيوم عندج ( كتشن استديو ) شارع سلوى ..
بضاعتهم من الكويت .. وطبعا الالمنيوم يعيش اكثر من الانسان .. لكن السعر شوي عالي .. المتر اتذكر على 2500 وطالع ..

فـ انتي شوفي المطبخ بيكون استخدام من !؟ اذا بتكونون محافظين عليه فـ ايكيا وايد جميل وارخص من باقي الاماكن ..
وربي يوفقكم

[شموخ دائم]

,

,


مرحبا

شكرا على الموضوع

مافي وقت قبل رمضان الحين

من 3 شهور تقريبا ركبت من ايكيا مطبخ ( داخلي ) شكله ممتاز جدا والفنش والتركيب
وفيه اضاءه ممتازه جدا

الشكل 10\10
الاضاءه 10\10
الفنش 10\10

نجي الحين للمهم
طبعا ما اقدر احكم على المتانه والكوالتي لانه ما صار له كم شهر

مثل ما قالت الخبيره sara
هو خشب مضغوط ومغلف بماده عازله يصلح للاستخدام الخفيف داخلي
مو للخدم والتقطيع القوي والضرب والجدور الكبيره
انا حاط عليه فرن صغير للشاي والقهوه ماركه GLEM والتسخين الخفيف
ومكرويف وفرن ثاني صغير للكيكات والفطاير وهذي الأمور

لذلك انتي تحكمين ( نوع الاستخدام ) يحدد

تبين للشغل الثقيل والخدم روحي المنيوم بدون تفكير مثل الأماكن المعروفه للمطابخ
تبين شكل حلو واستخدام داخلي خفيف روحي ايكيا

تبين وسعر منافس رخيص وتوفير روحي الأماكن مثل نجمه والأماكن هذي

الحاجه والامكانيات تحدد النوع والسعر

وكل شخص حاجته وامكانياته تختلف من شخص الى شخص

بالتوفيق لكم

,

,



,

,

[مررايم]

,

,


مرحبا

شكرا على الموضوع

مافي وقت قبل رمضان الحين

من 3 شهور تقريبا ركبت من ايكيا مطبخ ( داخلي ) شكله ممتاز جدا والفنش والتركيب
وفيه اضاءه ممتازه جدا

الشكل 10\10
الاضاءه 10\10
الفنش 10\10

نجي الحين للمهم
طبعا ما اقدر احكم على المتانه والكوالتي لانه ما صار له كم شهر

مثل ما قالت الخبيره sara
هو خشب مضغوط ومغلف بماده عازله يصلح للاستخدام الخفيف داخلي
مو للخدم والتقطيع القوي والضرب والجدور الكبيره
انا حاط عليه فرن صغير للشاي والقهوه ماركه GLEM والتسخين الخفيف
ومكرويف وفرن ثاني صغير للكيكات والفطاير وهذي الأمور

لذلك انتي تحكمين ( نوع الاستخدام ) يحدد

تبين للشغل الثقيل والخدم روحي المنيوم بدون تفكير مثل الأماكن المعروفه للمطابخ
تبين شكل حلو واستخدام داخلي خفيف روحي ايكيا

تبين وسعر منافس رخيص وتوفير روحي الأماكن مثل نجمه والأماكن هذي

الحاجه والامكانيات تحدد النوع والسعر

وكل شخص حاجته وامكانياته تختلف من شخص الى شخص

بالتوفيق لكم

,

,



,

,


شكراً على ردودكم الصراحه هو مطبخ داخلي للاستخدام الشخصي والخفيف مو للخدم لان عندهم خارجي