تجاربكم مع التسوق اونلاين

[مرتبش]

السلام عليكم ورحمة الله
اخواني واخواتي الكرام في ظل الازمة الحالية انتشرت الكثير من المواقع الالكترونية للتسوق والتوصيل بعضها لشركات معروفة مثل الجمعيات وشركات التوصيل والمطاعم وبعضها اول مرة اسمع فيها واشوف اعلاناتها منتشرة في وسائل التواصل .. ياريت نشوف تجاربكم ونصائحكم والمواقع الموثوقة الملتزمة بتقديم خدماتها بشكل مناسب وفي وقت مناسب .

[@north_star@]

السلام عليكم ورحمة الله
اخواني واخواتي الكرام في ظل الازمة الحالية انتشرت الكثير من المواقع الالكترونية للتسوق والتوصيل بعضها لشركات معروفة مثل الجمعيات وشركات التوصيل والمطاعم وبعضها اول مرة اسمع فيها واشوف اعلاناتها منتشرة في وسائل التواصل .. ياريت نشوف تجاربكم ونصائحكم والمواقع الموثوقة الملتزمة بتقديم خدماتها بشكل مناسب وفي وقت مناسب .

وعليكم السلام ورحمة الله وبركاته

انا ما جربتها بس سمعت من البعض إنه في تاخير وما يوصلون بنفس اليوم طبعا لانه جدول التسليم لما يجي دورك والمشكلة اذا كنت محتاج للاغراض بنفس اليوم لازم تروح بنفسك
وبالنسبة للصدليات اون لاين شفت اسعار بعض المنتجات والمكملات الغذائية سعرها غالي فطلبت من مواقع امريكية ووصلت خلال 8 ايام وبربع السعر

[يمامـة]

لقيت العيال يتشكون من ان المواقع اغلقت من اول ضغط عليها والبعض بيفتح بعد يومين لتلقي طلبات يديدة..

الموضوع ذيه كان بعد نص شهر مارس..
فابتعدوا عن استخدام الفكرة ..

ما بلوم المحلات لان الفكرة يديدة.. و مافي استعداد كافي لتطبيقها..

كل الاجراءات المطلوبة في زمن الكورونا كانت مطبقة في الدول المتقدمة من سنين

واللي يحز في النفس.. ان احنا كدول خليجية مب ناقصنا شي علشان تتوفر مثل هالامور عندنا
لكن كنا ننوجع بصمت على امل التطور يبين.. فدخل فيروس كورونا وعرى واقعنا..

[مرتبش]

قلت باطلب كمامات من صيدلية معروفة وعندهم اونلاين وواتساب.. واول مافتحت موقعهم حصلت تنبيه انهم مايوصلون كمامات قلت بسيطة اتصل فيهم مامن جواب والواتساب ردوا علي اليوم الثاني بان الكمامات متوفرة وروح اقرب فرع بتحصل ورحت ماحصلت .
كارفور في موقعهم حاطين التنبيه اياه.. زحمة وموقفين الطلبات الى ان نخلص اللي في يدنا.
شركة جوال والاكترونيات عندهم اونلاين وواتساب.. كنت ابي استفسر عن لون معين مكالمات مايردون والواتساب بعد يومين ردو علي ان الجوال اللي ابغيه متوفر في فرع الخور.. قمت ورحت شارع المطار الساعة 11 الصبح والدنيا زحمة وكل شي فاتح وحصلت الجوال.

فما ادري هالاعلانات حقيقية وحد جربها والا بس ركوب للموجة

[يمامـة]

قلت باطلب كمامات من صيدلية معروفة وعندهم اونلاين وواتساب.. واول مافتحت موقعهم حصلت تنبيه انهم مايوصلون كمامات قلت بسيطة اتصل فيهم مامن جواب والواتساب ردوا علي اليوم الثاني بان الكمامات متوفرة وروح اقرب فرع بتحصل ورحت ماحصلت .
كارفور في موقعهم حاطين التنبيه اياه.. زحمة وموقفين الطلبات الى ان نخلص اللي في يدنا.
شركة جوال والاكترونيات عندهم اونلاين وواتساب.. كنت ابي استفسر عن لون معين مكالمات مايردون والواتساب بعد يومين ردو علي ان الجوال اللي ابغيه متوفر في فرع الخور.. قمت ورحت شارع المطار الساعة 11 الصبح والدنيا زحمة وكل شي فاتح وحصلت الجوال.

فما ادري هالاعلانات حقيقية وحد جربها والا بس ركوب للموجة

هم كانوا جادين في كلامهم.. يظنون توصيل طلب او اثنين..
او انهم بيتعاملون مع طلبات الناس مثل تعاملهم مع مسجات الوتس اب
يردون عليها متى ما بغوا..

الفكرة اكبر و اعمق من الروتين اليومي للتعامل مع الجوال.

[ابو عبدالله.]

للاسف مواقع قطريه لشركات كثيره ما تشتغل اصلا مش بس ما يوصلون

فناك موقعهم ما يفتح و آيس و فيرجن يحولني لمواقع اماراتيه فكيف اطلب اغراص بالتوصيل او اعرف سعر منتج معين

بس موقع قطري واحد طلبت منه و وصلوا لي ثاني يوم البقيه ما استفدت من مواقعهم

اما المطاعم و الصيدليات ما جربت للحين

لو الشركات واثقه من تنافسيه اسعارها و خدماتها كانت بتطور مبيعاتها اولاين و خدمات التوصيل لكن التسوق الالكتروني من الخارج حارق المنافسه بلا احتكار او تعثر الخدمه و التوصيل

[مستر بن]

.
.

المطاعم والصيدليات امورهم طيبه . . .
لكن باقي المواقع ماجربتها . .

[ahmedhafez]

فى الواقع الفكرة ممتاز المهم التنفيذ بشكل جيد

[راشد محمد]

للاسف اغلب المحلات ما عندها مواقع ..اغلبهم معتمد على الطلب بالواتساب ..

[سالم الزهران]

يمكن المشاركة خارجه عن المقصود لكن الصج اني موقف التسوق كله اللي مباشرة من المحلات واللي من مواقع الاونلاين. ولو افترضنا اني ما بحاسب في اي شيء.. وباخذه بلاش.. السؤال وش ابغي به و وين أوديه؟ وارجو ان اوفق في تقليل موضوع التسوق قد ما اقدر.

[وليف الشوق]

للاسف ماعدت اثق في المواقع لان السلعه اللي توصلني غير اللي في الصورة الا من رحم ربي

[Rider]

بعضها للاسف مواقع مجرد شو اعلامي واذا طلبت يكون هناك تاخير او تنطر دورك

[يمامـة]

يمكن المشاركة خارجه عن المقصود لكن الصج اني موقف التسوق كله اللي مباشرة من المحلات واللي من مواقع الاونلاين. ولو افترضنا اني ما بحاسب في اي شيء.. وباخذه بلاش.. السؤال وش ابغي به و وين أوديه؟ وارجو ان اوفق في تقليل موضوع التسوق قد ما اقدر.

كلامك صحيح لو انت بالفعل مب محتاج للغرض حتى لو ببلاش..
بس مرات تكون بحاجة للغرض ..وخاصة مع ازمة كورونا
وحاجتنا للتموين الغذائي بما ان الغالبية مطلوب منهم عدم الخروج..
وهذا غير مكينة تخترب غسالة ينتهي عمرها.. فوط تنتهي صلاحيتها.. نقص في الملابس بسبة كثرة الاستهلاك..

اما التسوق من باب تسلية النفس هالشي
بالفعل لازم نبتعد عنه..

[طلعة الروح]

المشكله في طلبات الاون لاين ان اغلب الاماكن فيها رسوم توصيل الخدمه
وتكون من ظ،ظ* ريالات وطالع واذا مندوب مثلا راح ياخذ من ظ¤ظ* ريال وطالع
الواحد اذا يبي يوفر يشتري من الجمعيه دايركت
هذا بالنسبة للاغراض اما الاكل الجاهز ع حسب
تقدر تاخذ تيك اوي واكيد الموازنه مطلوبه
وكذا شي اشوف جودته في محلاتنا احسن
من المواقع العالميه مب ضروري يكون بمستوى جوده

[معماري قطري]

اللي بيطلب شيء معروف ووكيله مبالغ في سعره والا ما يوجد بيوصله بسرعة وأرخص في الغالب .. مهم يعرف كم سعره وشنهي مواصفاته

[طلعة الروح]

الجوده ثم السعر ثم تكاليف الشحن والتوصيل

في امور كنت اطلبها اون لاين مع انها ماتستاهل

احسن شي تسال نفسك قبل ماتاخذ قرار الشراء

وتفتح مواقع ثانيه وتقارن لان احيانا تبي شي يكون ملائم

لذوقك اكثر ف طبيعي تشوف كل الخيارات قبل ماتروح وتشتري

اون لاين ولا تسوق عادي

في شركات تتعامل مع مندوبين وتدفع ع التوصيل من اربعين ريال وطالع

يمكن سعر المنتج بالطلب اقل من التوصيل

لازم افكر هل المنتج نادر لهالدرجه عشان اتعنى وادفع عليه رسوم توصيل

وهل فعلا ماله بديل عشان ما اطلبه الا من هالمنصه؟

[سالم الزهران]

انا أحس السلع والتجارة في هذا العالم وسيلة لاخذ اموال الناس او اجبارهم على الانفاق في غير ضرورة... انظر معي من هالمؤشرين:
الأول بشكل عام، يصنعون كل شيء يخطر على بالك، يوهمونك ان هذي الجزمة تبينك أطول.. هذا القطعة داخل الحذاء تنشط الدورة الدموية.

هذا الكريم يخلي شعرك مدري شلون.. عندهم لكل مشكلة حل.

المؤشر الثاني، لو نويت تشتري مثلاََ قطعة غيار لجهاز او سيارة من مصنع معتمد.. تحصل سعرها واصلة لك بخمس مية (مثلاََ)، وتحصل نفس السلعة لو بتغير عنوان الشحن لاندونيسيا تصير كلها ب اربعين دولار؟ رغم ان اندونيسيا ابعد من الشرق الاوسط ل أوروبا؟

هم يوفرون القطعة نفسها للآسيوي بسعر ولك انت بسعر وللألماني بسعر.

الاندونيسي مستفيد الرخص والأوروبي مستفيد الضمان ساري.. ونت يبو عرب لا رخص ولا ضمان.

مع الأسف اذا منت محدود ع الاونلاين لا تروح له واحذر منه كله خداع