المساعد الشخصي الرقمي

مشاهدة النسخة كاملة : ::استفسار وطلب استشاره ::



STAR
03-05-2020, 04:23 PM
السلام عليكم
رمضان كريم وكل عام وانتم بخير

حبيت اخذ رايكم بخصوص مشروع امدينه الاركيه في لوسيل

اشرايكم فيه ؟عرض علي اشتري شقه فندقيه بوغرفتين تحته راح يكون فيه مول وسينما

وللاسف مافي فيو للشقه راح يكون اما يطل ع الطريق الخور الساحلي او ع المباني الي قدامه

اشرايكم فيه كاستثمار فالمستقبل اخذه والا له؟

STAR
03-05-2020, 04:28 PM
103092

STAR
03-05-2020, 04:29 PM
103093



103094

أحمد عراقى
03-05-2020, 05:52 PM
ما انصحك اشتري كاش افضل لك من التقسيط .. ايضا المشروع غير مكتمل يحتاج مدة ... وعند الانتهاء الله اعلم مستوي اسعار السوق كيف بتكون .. اهم شي شوف العائد الأستثماري ..
اذا مو معك كاش يوجد في اللؤللؤه شقق بالتقسيط واستلام فوري ومؤجره تقدر تدفع القسط من الايجار الشهري .. بالتوفيق و ربي يرزقك الصالح

الوسيط العقاري
03-05-2020, 09:07 PM
السلام عليكم
رمضان كريم وكل عام وانتم بخير

حبيت اخذ رايكم بخصوص مشروع امدينه الاركيه في لوسيل

اشرايكم فيه ؟عرض علي اشتري شقه فندقيه بوغرفتين تحته راح يكون فيه مول وسينما

وللاسف مافي فيو للشقه راح يكون اما يطل ع الطريق الخور الساحلي او ع المباني الي قدامه

اشرايكم فيه كاستثمار فالمستقبل اخذه والا له؟

للامانه ما انصحك لايوجد عليها طلب المنطقه بخصوص الشقق

STAR
04-05-2020, 01:04 AM
ما انصحك اشتري كاش افضل لك من التقسيط .. ايضا المشروع غير مكتمل يحتاج مدة ... وعند الانتهاء الله اعلم مستوي اسعار السوق كيف بتكون .. اهم شي شوف العائد الأستثماري ..
اذا مو معك كاش يوجد في اللؤللؤه شقق بالتقسيط واستلام فوري ومؤجره تقدر تدفع القسط من الايجار الشهري .. بالتوفيق و ربي يرزقك الصالح

شكرا اخوي احمد ع المشوره لكن ماعندي مبلغ للؤلؤه
مالقيت شقه بغرفتين تطل ع فيو حلو ب مليون واربعه مئه الف كلهم مليونين وفوق
1,400000
وهذا البادجت تبعي

STAR
04-05-2020, 01:05 AM
شكرا اخوي الوسيط العقاري ع النصيحه بس ليش مافي اقبال؟
قالي انعا شقق خدميه فندقيه وقالي جمبها المسترو وتحته مول وسينما ..ليش ماتنصحني فيه وهل عندك راي اشتري شقه بمكان ثاني للعلم البادجت عندي مايتعدى مليون ونص

أحمد عراقى
04-05-2020, 02:25 AM
شكرا اخوي احمد ع المشوره لكن ماعندي مبلغ للؤلؤه
مالقيت شقه بغرفتين تطل ع فيو حلو ب مليون واربعه مئه الف كلهم مليونين وفوق
1,400000
وهذا البادجت تبعي

تواصل معي خاص عندي لك طلبك الفيو ممتاز ان شاء الله تعجبك

alhurmsi
04-05-2020, 03:07 AM
اذا مضطر في الشراء والأستقرار وتوفير قيمة الأيجار فيكون مجدي على المدى الطويل
اما اذا كانت استثمار فالمتوقع انخفاض الأسعار بعد انتهاء كأس العالم
والأنتظار افضل بحكم انخفاض التداول وعدم اكتمال المدينة الى الآن والله أعلم

مستر بن
04-05-2020, 07:35 AM
.
.

الوسيل بتقوم المدينه بس يبيلها وقت طوييييل

شموخ دائم
04-05-2020, 10:22 AM
,

,


مرحبا

شكرا على الموضوع

في الظروف الحاليه محد بينصحك تشتري وهذا شي طبيعي الان

لان محد يشتري هذه الفتره الا ( صياد العقارات ) الي كل استثماراته في العقار
وعنده عقارات تدخل عليه ويستثمر من العوائد والايجارات الله يزيدهم من فضله

واليوم الأسعار نازله والمعروض كثير ويعتبر فرصه عند 10% من الناس الي شغلتها ومصدر دخلها العقارات
هذولا ما يخافون من العقار وما يتعرضله من هزات لانه طال الزمن او قصر بيرجع قوي زي اول وهذا حال الدنيا

خاصه الان مافي ( تجاره ) تجيب دخل في قطر وكل المشاريع ( تعاني )

امامك خيارين

الأسهم
و
العقار


اما 90% من الناس العاديه ما راح يشتري ولا ينصح بالعقار واصلا ما عنده عقارات ولا يمتلك الخبره اللازمه



انا افضل العقار ( راي شخصي )

بالنسبه للوسيل بنصحك بشغلات بسيطه ولست خبير فيها حضرت معارض العقار
واعرف اكثر المشاريع فيها
وشفت المنطققه زين

في شارع في لوسيل اسمه ( البوليفار ) محلات ومطاعم وهو بيكون ( شانزلزيه قطر )
وفوقه مكاتب وهو ملك شركه الديار وهو ليس للبيع ولكن للايجار

اذا قدرت تشتري شقه قريبه منه خلفه مباشره ويوصله مشي او شقه مطله عليه فهو نعم الخيار


النصيحه الثانيه
لاتشتري شقه فندقيه واشتري شقه عاديه ايجار شهري او سنوي وتكون ( غرفتين نوم فقط )
الطلب والايجارات تكون على ستوديو او غرفتين نوم
والطلب على 3 غرف نوم يكون قليل بقطر وسعر ايجارها غالي

الشقق الفندقيه تكون فترات طويله فاضيه تنسكن كم يوم وتفضى كم يوم ( وهلم جرى ) حتى لو قيل لك عكس ذلك ( في الحقيقه ) الوضع صادم بعد الشراء للأسف
ومحد يلتزم ما قيل قبل الشراء

انصحك بالشقق العاديه افضل للايجار واسهل تعدد استخدامها وعندك مرونه اكثر

بالنسبه للشقه

ما انصحك ناحيه الملعب ( ابدا ) وقريب خط الخور او محاذي له هذي منطقه ( غير مناسبه ) وتعتبر بعيده عن لوسيل ( قلب لوسيل ) هذي الأطراف
والملعب ماله ميزه كاس العالم شهر وبيتم الملعب فاضي اكثر السنوات الا من بعض المباريات هنا وهناك

الي بيسكن بالشقه بيكون موظف يبي قريب منه الخدمات الاساسيه من محلات ومول ومدرسه
سوبرماركت او حديقه

افضل منطقه هي ( قريب البحر ) غاليه ولكنها الأفضل من ناحيه الاطلاله
ولها زبونها

وعندك منطقه مول الفاندوم بلاس حواليه وقريب منه اذا في شي متاح ( ماعندي معلومه )
شنو معروض للبيع هناك ولكن المول عامل جذب ممتاز لاي شقق وهو ارقى مول تقريبا

االان المتاح ( الياسمين ) هذا المشروع
فيه شارع تجاري ممتاز جدا والشقق الي واقع عليه فوق المحلات ( خيار ممتاز )
او مطله على الحديقه الهلاليه

لاتشتري شقه مالها اطلاله على شارع مهم واسع او حديقه لا تأخذ شقه محصوره بين مباني
ولا في مول قريب منها او شارع تجاري ( الوصول له مشي ) هذا افضل ميزه للايجار وتفضل مؤجره على طول
بسبب موقعها وتكون على شارع واسع

احنا اليوم نختار موقع مميز ونشتري فيه لان بيجيب لي ايجار ثابت وبيكون مرغوب اكثر
لو في شقق كثيره معروضه للايجار وشخص يبحث عن شقه بيختار افضلهم موقع وافضلهم مميزات و اطلاله
وافضلهم من ناحيه كل شي قريب منه

طيب واذا ما لقيت موقع مميز !!

انتظر لين الاقي عماره زينه معروضه للبيع اشتري فيها ( كل كم شهر يدخل مشروع جديد للبيع )
أحيانا الانسان اذا قرر يشتري ( يستعجل الفكره ) وهذا خطاء التروي زين

ولاحد يقولك ( الشقق راحت ماباقي الا كم شقه ) هذا تسويق معروف بكل المشاريع

ندور ونشوف المتاح وننتظر لين نلاقي شس ( يستاهل ) نقول عنه عقار


أخيرا
نحرص يكون في ( موقف سياره ) من ضمن السعر ومسجل في الملكيه للشقه والعقد
ونحرص يكون مميزات في العماره ( استقبال ) وصاله جم وحمام سباحه وعدد اصنصيرات كافي

نسئل عن ( سعر الخدمات ) السنويه للمبنى !!! ما بعد البيع

السعر في ( الياسمين ) غرفتين نوم ممكن يكون بحدود مليون و300 الف والاستلام بعد سنه
وفي اقصاد عليها ( مع الأثاث )

اذا الإمكانيات في حدود مليون و300 او مليون و400 فالشارع التجاري في الياسمين خيار ممتاز
وتكون شقه عاديه وليس فندقيه اذا هناك شي معروض اليوم

أتوقع السعر الايجار بيكون بين 6500 الى 8000 ريال



النصيحه الاخيره لاتشتري شقه معاد بيعها لان فايدتها تكون راحت
دائما المالك الأول له ميزه يربح في البيع مستقبلا

الا

الا

اذا لقيت شي رخيص وبيعه ممتازه وهذا نادر للأسف

وعذرا على الاطاله

:)

,

,