راي عن تطبيق احتراز

[Grendizer]

السلام عليكم اعضاء المنتدى الكرام

سؤالي هل تستخدم / تستخدمين تطبيق احتراز و ما رأيك بفكرة التطبيق؟

هل تعتقد / تعقدين ان التطبيق يجب ان يكون اجباري على المواطن و المقيم؟

[toyota]

والله انا من وجهة نظري ان التطبيق مهم بصراحه لكن مشكلته على ماسمعت انه يحدد مكانك وين وخط سيرك بالكامل وفي ناس تعتبر هذي خصوصيه

ومايبي حد يعرف وين راح ،، لكن الافضل ان الكل ينزل التطبيق علشان يعرف لا سمح الله اذا كان مخالط حق حد والا لا وانا اتوقع ان التطبيق بيصير

اجباري في المستقبل ..

[sara jsm]

وعليكم السلام
انا سجلت فيه بس للحين مب فاهمته عدل ..
لكن اتوقع اذا حد دخل المستشفى ومشتبه فيه راح يسجل عندهم .. على رقمة الشخصي ..
لكن الشخص المصاب اللي يتجول بينا لاهو يدري ولا احنا ندري عنه ..

[toyota]

صحيح ،، التطبيق بعد التسجيل يعطيك بار كود الاخضر يعني الصحه تمام والاصفر يعني في الحجر والرمادي مشتبه او مخالط والاحمر حالة كورونا مؤكده

الله يكافينا الشر امين ،،، مرتبط التطبيق بالرقم الشخصي اي حد لا سمح الله بعد الفحص اكتشفو ان فيه كورونا يكلمونه ويطرشون له الاسعاف ويتتبعون

عن طريق التطبيق اذا هو منزله وين راح ووين كان في خلال هالفتره علشان يقدرون يحصرون الاعداد اللي خالطهم ،،
اول ماتنزل التطبيق بيعطيك الباركود اللون الاخضر واذا عقب فحصت وطلعت نتيجتك تقدر تشوف الباركود في التطبيق بيتغير اذا لاسمح الله حد صاده شي

[khaldoon]

انا نزلت التطبيق بس ما فهمت بالزبط ليش لازم البلوتوث يضل مفتوح

[لبيبة]

وعليكم السلام ورحمة الله وبركاته،

لا ما أستخدمه لأني ما أطلع بس فكرته جيدة.



انا نزلت التطبيق بس ما فهمت بالزبط ليش لازم البلوتوث يضل مفتوح

البلوتوث علشان يتواصل مع الأجهزة القريبة منك ويعلمك ويعلمهم لو في مخالطين.

[الدوحة قطر]

نزلته ومسحته بصراحة

لان يصرف بطارية الجوال ��

[khaldoon]

وعليكم السلام ورحمة الله وبركاته،

لا ما أستخدمه لأني ما أطلع بس فكرته جيدة.




البلوتوث علشان يتواصل مع الأجهزة القريبة منك ويعلمك ويعلمهم لو في مخالطين.

بارك الله فيكي على التوضيح و كل عام و انت بخير ......مختفية تماما عن المنتدى ...عسى المانع خير

[khaldoon]

نزلته ومسحته بصراحة

لان يصرف بطارية الجوال ï؟½ï؟½

بسبب فتح البلوتوث

[لبيبة]

بارك الله فيكي على التوضيح و كل عام و انت بخير ......مختفية تماما عن المنتدى ...عسى المانع خير

الله يبارك فيك وكل عام وانت بخير. الحمد لله بفضل الله اني بخير ولكن مشاركاتي قليلة لانشغالي في الفترة الحالية. وفعلًا كثرة استخدام البلوتوث تستنزف البطارية.

[ahmedhafez]

التطبيق بصراحة فكرته ممتازة لكن لا اعتقد له الرواج

[sara jsm]

نزلته ومسحته بصراحة

لان يصرف بطارية الجوال ��


الصراحة مستغربه من هالشي .. رغم اني اشحن جوالي مرة وحدة باليوم ..
لكن مع تطبيق احتراز قام يطفي جوالي مرتين في اليوم ويفضي الشاحن ..
توني بس ربطت الموضوعين مع بعض ومسحت التطبيق ..
رغم ان البلوتوث شغال دايما في تلفوني من قبل البرنامج وماعندي معاه مشكله ..

[الدوحة قطر]

مش بس البلتوث يتم شغال حتى خاصية ( السماح بالوصل للموقع ) تتم شغاله هذا معناته ان الـ gps على طول شابك في الجوال واكيد هذا ياثر وايد على استهلاك البطارية .. ( شخصيا ما ارتاح لين اشوف سهم تحديد الموقع شغال على طول لان احس نفسي مراقب :) )

[Rider]

جاء تعميم الان لجميع موظفين الدوله ينزلون التطبيق

[بوخميس]

جاء تعميم الان لجميع موظفين الدوله ينزلون التطبيق

وين التعميم ما شفت حد نشره

[Rider]

وين التعميم ما شفت حد نشره

ياخوي بوخميس التربية والتعليم اليوم مكتوب فالجريده انا من امس جاني ايميل من الشغل واعرف ناس وايد جاهم ايميلات من مقر اعمالهم بتنزيل التطبيق

[مرتبش]

نعم وصلني تعميم من جهة عملي بوجوب تثبيته قبل بكرة الاحد

[شموخ دائم]

,

,


مرحبا

شكرا على الموضوع

له فائده كبيره لما تم تطبيقه على موظفين وسائقين الشركه عندي
خاصه في المنطقه الصناعيه التزم الجميع بالتعليمات خاصه ان شركتي كانت من ضمن المنطقه المغلقه وبعد السماح بالتحرك ( المشروط )
يفيد المسئولين جدا بحركه العمال والموظفين الي مطلوب منهم البقاء في مكان معين
وكذلك يفيد ان الشخص مصاب او تحت الملاحظه يسمح له بالدخول او لا
هو مفيد جدا الشخص يحس عليه مسئوليه بالحركه

فهو مفيد لقطاعات كبيره بالدوله
ولكن ليس للجميع


مشكلته يشفط البطاريه شفط
:)
ولاحظت بطء الشحن أيضا

,

,

[al saad]

انا نزلتة وطلب الدخول على الصور؟؟؟؟

[ALJokar]

اما بخصوص التطبيق و البطارية يشفطه شفاط مايتم يوم كامل الا ناقصة واصله بالأحمر.
ياليت ينزل تحديث التطبيق ويحل موضوع استهلاك البطارية لان بديت اتوجس وافكر احذفه وهو مهم جدا ومفيد.

[مرتبش]

بالامكان اغلاق البلوتوث وخدمات الموقع وقت عدم استخدام التطبيق والبطارية ماتتأثر .. في البيت والشغل يتسكرون.. ووقت الطلعة تشغلهم

[Rider]

بالامكان اغلاق البلوتوث وخدمات الموقع وقت عدم استخدام التطبيق والبطارية ماتتأثر .. في البيت والشغل يتسكرون.. ووقت الطلعة تشغلهم

بالعكس ياخوي اذا سكرتهم يشتغلون بروحهم وجرب وشوف عطهم شوي وشوف

[مرتبش]

بالعكس ياخوي اذا سكرتهم يشتغلون بروحهم وجرب وشوف عطهم شوي وشوف

من تجربتي مايشتغلون بروحهم والتطبيق لما تحاول تفتحه وهم مسكرين يطلب منك تشغيلهم اول
هذا لتطبيق الايفون

[Rider]

من تجربتي مايشتغلون بروحهم والتطبيق لما تحاول تفتحه وهم مسكرين يطلب منك تشغيلهم اول
هذا لتطبيق الايفون

للاسف السامسوج يشتغلون

[الزجاجي]

صحيح مهما تطفي البلوتوث يشتغل بروحه في الاندرويد
صار عليه تحديث قبل كم يوم وصارت البطارية تم معاي ولا قبل اشحنه مرتين باليوم

[مرتبش]

عجيب.. ليش هالتناقض ليش كل نظام مختلف وين مطور التطبيق عنه

[@north_star@]

تطبيق مهم وعملي بس سؤالي ايش بالنسبة لفئة العمال وبعض فئات المجتمع هل جميعهم عندهم باقات انترنت ويقدرون على شراء باقات ورصيد عشان يتم النت شغال على طول ؟

[nooora]

تطبيق مهم وعملي بس سؤالي ايش بالنسبة لفئة العمال وبعض فئات المجتمع هل جميعهم عندهم باقات انترنت ويقدرون على شراء باقات ورصيد عشان يتم النت شغال على طول ؟
اي والشيبان الي يستعملون نوكيا قديم كيف يستعملون هالبرنامج ؟ هل حنا في الصين ؟

[Rider]

انا بالنسبة لي النت وانا طالع ماشغله وخاصه اذا انا بالسيارة مابغي اشغل نفسي بعدين شلون بيعرفون انك مشغله ولا لاااا وبعدين لي بيطلع وخاصه لي فالحجر المنزلي بيطلع وبيخلي الجوال فالبيت ممكن عند جوال ثاني يعني لو طبقوا نظام الاساور افضل اي واحد مشتبهين فيه يلبس الاسواره وبيعرفون تحركات واذا حاول يفسخها بعد بيعرفون اما الجوال صعب ممكن طفيه تخليه وتطلع

[مرتبش]

تطبيق مهم وعملي بس سؤالي ايش بالنسبة لفئة العمال وبعض فئات المجتمع هل جميعهم عندهم باقات انترنت ويقدرون على شراء باقات ورصيد عشان يتم النت شغال على طول ؟

اظن مايحتاج انترنت.. لوكيشن وبلوتوث فقط...عموما اوريدو بعثت رسائل ان استخدام تطبيق احتراز بدون رسوم

[مرتبش]

انا بالنسبة لي النت وانا طالع ماشغله وخاصه اذا انا بالسيارة مابغي اشغل نفسي بعدين شلون بيعرفون انك مشغله ولا لاااا وبعدين لي بيطلع وخاصه لي فالحجر المنزلي بيطلع وبيخلي الجوال فالبيت ممكن عند جوال ثاني يعني لو طبقوا نظام الاساور افضل اي واحد مشتبهين فيه يلبس الاسواره وبيعرفون تحركات واذا حاول يفسخها بعد بيعرفون اما الجوال صعب ممكن طفيه تخليه وتطلع

مادري اذا كان هدف التطبيق مراقبة موقع المشتبه باصابتهم.. اعتقد هدفه توعوي ومساعدة الدولة والامن في التحكم بالدخول لبعض الاماكن كالمستشفيات والوزارات واماكن التسوق

[@north_star@]

يعطيهم العافية اوريدو اليوم جانا مسج انه استخدام البرنامج مجاني

[مضارب مستثمر]

عندي سؤال مهم,,,,اذا كان شخص ما نزل البرنامج على موبايله ودخل احد الجمعيات الكبيره
ماخذ جميع الاحتياطات الصحيه اللازمه من قفازات و كمامات وتعقيم وتباعد.
هل ممكن اكتشاف هذا الشخص اليا ؟؟

,,,,

[@north_star@]

عندي بعد تساؤل هل لانه بلوتوث الايفون مايستقبل ولا يرسل الا لموبايلات ايفون او منتجات ابل الموثوقة فقط وما يستقبل من نظام الاندرويد فشلون بيكشف انه حوله اشخاص يحملون اجهزة اندرويد ومصابين ؟

[sara jsm]

انزين واللي ماينزله يتخالف ؟
واللي ماعنده تلفون حديث يتعاقب ؟
:
انا دخلت اللولو من فترة وطفي جوالي لانه هالبرنامج يستهلك البطاريه بشكل مب طبيعي ..
جذي لا استفدت من البرنامج ولا التلفون .. :)

[Rider]

الله المستعان بس التخبط فالقرارات مايوصل حق شي

[مرتبش]

غير هذا اذا زوجتك وبناتك الجوال باسمك ماتقدر تدخل على التطبيق يعني هم قالوا نزلوا التطبيق من غير مافكروا بالامور هاذي ولي يبغي يحتال سهل طفئ الجوال خله فمكان وطلع قرارات غير مدرسه نفس الكمامه صارت الزامي والدكتور الخال قال من قبل مانصحك بلبس الكمامه الا لشخص المصاب او لي يعملون في المستشفيات يوم قالوا له ليش غيرت رايك قال شفنا دول التزموا بكمامات قلة الحالات وانت بتقعد تشوف الناس وهم ثقافتهم غير مافيه شي من عندكم تتميزيون فيه غير كلمة الذروه

عادي تسجل مب لازم الجوال باسمك.. بالنسبة للدكتور الخال ماخالف اجراءات الصحة العالمية واللي ماكانت تنصح بالكمامة.. عموما المرض مستجد من اسمه والكل قاعد يتعلم سواء اطباء او ممارسين صحيين او عموم الشعب

[Rider]

عادي تسجل مب لازم الجوال باسمك.. بالنسبة للدكتور الخال ماخالف اجراءات الصحة العالمية واللي ماكانت تنصح بالكمامة.. عموما المرض مستجد من اسمه والكل قاعد يتعلم سواء اطباء او ممارسين صحيين او عموم الشعب

يتعلم ياخوي على حساب الشعوب لابد كل دوله يكون لها قرارها الخاص ماعليه تسمع منظمة الصحة مع اني ماظن عندهم شي لكن ليش عيل عندنا مستشفيات ودكاتره المفروض عارفين كل شي من الاخر ياخوي خلنا نقر وعترف انه منظمومة الصحه فاشل في الدول العربيه والخليج بالله من يتعالج عندنا شوف كم عدد لي يتعالجوا فالخارج اذا نصبر على الوضع هذا صدقني مب طالعين من كورونا ولو بعد سنين