مشكله في السقف

[Meshaal7]

مجلس خارجي 13 في 10 ،، الوالد الله يحفظه بانيه فمادري ايش نوع السقف صبيه ولا شينكو

عقب ماخلص بدا السقف في النص بالنزول وحط 4 عمدان جبس بورد

انا ابي اشيل العمدان ايش الحلول المتوفره

[Azizuk]

مجلس خارجي 13 في 10 ،، الوالد الله يحفظه بانيه فمادري ايش نوع السقف صبيه ولا شينكو

عقب ماخلص بدا السقف في النص بالنزول وحط 4 عمدان جبس بورد

انا ابي اشيل العمدان ايش الحلول المتوفره

ان شاءالله معماري بوعبدالله مهب مقصر معاك بيشرح لك الحلول المناسبة

[ashhal_q]

لازم المعاينة للموقع ... الشي الثاني اعمدة الجبس ماتشيل شي الا اذا كان بدخلها اعمدة حديد بس مغلفينها بجبس ... نزول من النص يعني في عيب في الاعمال ... وكذلك خطاء في حساب توزيع الاحمال

[معماري قطري]

ان شاءالله معماري بوعبدالله مهب مقصر معاك بيشرح لك الحلول المناسبة

مساء الخير صديقي اللدود

إذا شينكو حله سهل وممكن تدعيمه بعارضة حديد أما لو خرسانة يبي له شغل واحتمال ازالة واعادة بناء 13 في 10 مب مساحة صغيرة وأكيد كان يبي له دعامات وسطية من قبل والا شغل انشائي قوي ومختص

[معماري قطري]

لازم المعاينة للموقع ... الشي الثاني اعمدة الجبس ماتشيل شي الا اذا كان بدخلها اعمدة حديد بس مغلفينها بجبس ... نزول من النص يعني في عيب في الاعمال ... وكذلك خطاء في حساب توزيع الاحمال

كلامك صحيح .. الخوف شغل مقاول ما يحسب حساب العرض والطول الكبيرين واستوى تقوس وما بعد التقوس الا الكارثة والسقوط لو البنيان خرسانة

[Meshaal7]

والله ياخوي معماري طلع السقف شينكو سندويتش وفوقه خلطه اسمنت وكنكري

[Meshaal7]

العمدان الجبس بورد داخلها حديد

[معماري قطري]

والله ياخوي معماري طلع السقف شينكو سندويتش وفوقه خلطه اسمنت وكنكري

واضح إنه ما يتحمل والوضع خطر .. لو كان السمك للكنكري بسيط ووزنه خفيف بإذن الله تماسك وما بيطيح فجأة لكن المشكلة أكيد تقوس وبيجمع ماي المطر وبيخر بشكل قوي واحتمال وزن الماي يؤثر ويحصل سقوط مفاجيء .. غير عن مشكلة الكهرباء .. في هالحالة هدم السقف أقل شيء واعادة بناءه على حسابات هندسية وأساس صحيح بيكون هو الحل المناسب

عندك سلابات الهولوكور ممكن تغطي 10 متر بدون عمدان وسطية .. حاول تشوف قطر ردي مكس أو فيه شركة تسوي خرسانات جاهزة نسيت اسمها قطر الدولية أو الخليج الدولية شريكهم قمبر دويداغ سو بحث في النت أكيد بتحصل معلومات عنهم .. ميزة الأسقف الجاهزة تجي بكرين وتتركب بسرعة

[معماري قطري]

الحديد بعد ينفع بس يكون بحسابات هندسية مناسبة وبعزل مناسب وممكن السندويش بانل مع شبكة حديد مايلة سلوبات قوية أو بسيطة تعطي شكل معماري زين وتكون قوية وتصرف المياه

[Azizuk]

واضح إنه ما يتحمل والوضع خطر .. لو كان السمك للكنكري بسيط ووزنه خفيف بإذن الله تماسك وما بيطيح فجأة لكن المشكلة أكيد تقوس وبيجمع ماي المطر وبيخر بشكل قوي واحتمال وزن الماي يؤثر ويحصل سقوط مفاجيء .. غير عن مشكلة الكهرباء .. في هالحالة هدم السقف أقل شيء واعادة بناءه على حسابات هندسية وأساس صحيح بيكون هو الحل المناسب

عندك سلابات الهولوكور ممكن تغطي 10 متر بدون عمدان وسطية .. حاول تشوف قطر ردي مكس أو فيه شركة تسوي خرسانات جاهزة نسيت اسمها قطر الدولية أو الخليج الدولية شريكهم قمبر دويداغ سو بحث في النت أكيد بتحصل معلومات عنهم .. ميزة الأسقف الجاهزة تجي بكرين وتتركب بسرعة


واحد من الربع بنى له مجلس من الخرسانة الجاهزة والصراحة ماتصلح الا للمشاريع التجارية

وانا نصحته قال له المقاول شنو تبي نصب لك خرسانة والا تبي شي سريع نجيب لك الخرسانة الجاهزه وانا قلت له ماعليك من كلام المقاول خلك على الخرسانة صب ماسمع كلامي

والحين كل مانزل مطر خر عليه المجلس من جهة وكم مره جاب شركة العازل ويتماطلون معاه يقلون انت مركب خرسانه جاهزه وفيها وصلات بين كل جزاء

وهذا هو متضايق ومتحسف لان مجلسه كبير ومخسر عليه اثاث

هذي الامور تصلح لدول الثانيه

لان الألواح الخراسانية الجاهزه يجي فيها تقوس شوي وتتركب جنب بعض وحتى لو تحط عازل حراري ومائي ممكن تسرب الماي يجي من جهة ويحصل له منفذ من حدى الوصلات وينقط والعازل يكون تركيبة ممتاز بس المشكله في الوصلات بين الألواح

[معماري قطري]

واحد من الربع بنى له مجلس من الخرسانة الجاهزة والصراحة ماتصلح الا للمشاريع التجارية

وانا نصحته قال له المقاول شنو تبي نصب لك خرسانة والا تبي شي سريع نجيب لك الخرسانة الجاهزه وانا قلت له ماعليك من كلام المقاول خلك على الخرسانة صب ماسمع كلامي

والحين كل مانزل مطر خر عليه المجلس من جهة وكم مره جاب شركة العازل ويتماطلون معاه يقلون انت مركب خرسانه جاهزه وفيها وصلات بين كل جزاء

وهذا هو متضايق ومتحسف لان مجلسه كبير ومخسر عليه اثاث

هذي الامور تصلح لدول الثانيه

لان الألواح الخراسانية الجاهزه يجي فيها تقوس شوي وتتركب جنب بعض وحتى لو تحط عازل حراري ومائي ممكن تسرب الماي يجي من جهة ويحصل له منفذ من حدى الوصلات وينقط والعازل يكون تركيبة ممتاز بس المشكله في الوصلات بين الألواح

الستي سنتر في أغلب بنيانه سلابات جاهزة وبعد تالية الشد المسماة بوست تنشند وطاح جزء كبير صوب كارفور أثناء البناء بسبب عدم ربط الكيابل المشدودة واللي تعطي قوة وثبات للعنصر الإنشائي .. الغلط هو المشكلة مب النظام الإنشائي .. كان وقتها فيه وفيات وخسائر كبيرة بس بعد انتهاء العمل بطريقة صحيحة للآن المبنى يخدم وبيبقى لعمر طويل .. هو أكيد اجراء له قواعد وشروط هندسية وأعذار المقاولين الثانيين تمشي في قطر لأن ما فيه جهات تاخذ حق المشتكي بسرعة .. ويفترض أقلها المقاول اللي سوى له هذي الشغلة هو المسؤول عنها مسؤولية تامة

الخرسانات الجاهزة أنواع كثيرة يمكن أكثرها انتشار الهولوكور ومنها سماكات مختلفة تناسب أي مشروع

[ashhal_q]

في حالة وجود مساحات كبيرة يجب استخدام الجملون في السقف

او سلابات الهولي كور