فتح مكتب استشارات هندسية

[QATAR A A]

بسم الله الرحمن الرحيم

السلام عليكم و رحمة الله و بركاته

,

اخواني عندي استفسار بخصوص فتح مكتب هندسي هل فعلا ما يصير اكون موظف وفاتح مكتب في نفس الوقت؟

هل القانون يشمل جميع انواع المكاتب؟ انا ناوي افتح مكتب لتصميم المنازل تصميم خارجي و داخلي (تصميم خرائط فقط و ليس بناء)

شكرا

[معماري قطري]

تبي نصيحتي ما يجيب همه

لي ربع فاتحين بعضهم من زمان أيام العز .. واحد يدير مكتبه انجليزي ياخذ 20000 وكانت معاشاتنا وقتها يالله يالله توصل 13000 .. استوت عليه ديون حول مليونين وتورط وايد .. اللي اكلمك عنهم مهندسين وبعضهم بماجستير وخبرة في الشغل وبعضهم كانوا مدرائي

مصمم على المغامرة سجله باسم حد من عيالك والا اخوانك ولازم تشوف مهندس خبرة يديره .. شوف هندي والا فلبيني عربي ابعد عنه الا لو بيدخل معاك شريك وبيحط مبلغ مثلك وبتسوون نظام محاسبي وتوقيعك وتوقيعه ضروري على كل المعاملات المالية

[QATAR A A]

جزاك الله خير يا خوي

[ابو عبدالله.]

انا ما انصح يحط حد مخول بالتوقيع

فقط توقيع طلبات الاستشاره او اوراق رسميه لتسيير العمل

اما تخويل توقيع شيكات او امور بنكيه فلا انصح و بقوه

ما افهم كثير بامور مكاتب الهندسه

لكن اي فكره لازم صاحب الحلال يتابعها عشان ما تمرر امور بدون علمه او شغل يترحل لمكاتب ثانيه و الموظف ياخذ عموله و مكتبي يخسر شغل

هذا بحدود معرفتي ما اقدر افيد اكثر. و بالتوفيق

[معماري قطري]

أكيد لو أي واحد غير مختص بيفتح لازم يخلي الادارة المالية عنده لو هو مب مهندس والادارة الهندسية للمهندس المسؤول والمدير الاداري والفني .. بعضهم يعينون المحاسب عنده خبرة في التقييم وحساب الكميات حتى يقيم تكلفة المشروع وشكثر بيكون فيه شغل هندسي .. هذي الخبرات هي اللي تفرق

أخيراً توجه الدولة ككل قضى على المنافسة والبيئة التنافسية بين المكاتب وكذلك بين المقاولين ومعذورين في هذا الشيء لعدة أسباب منها المكاتب الداخلية ضعيفة وبعضها ضعيفة جداً والوقت قصير والدولة تحتاج تنفذ مشاريع كبيرة تتطلب عطاءات مباشرة واستشارات قوية عالمية ومتواصلة .. بعد اللي يصير مكتب جون بن جونسون الدولي بو عيون خضر يقدم أوراقه لأي جهة حكومية على انه هو اللي محد قده وسيفيات مهندسين فطاحل خبرات 40 سنة لبعضهم ودكتوراء في تخصصهم .. بس وقت الصج اللي يديرون الشغل أما مكاتب بالباطن محلية أو مهندسين فروخ توهم طالعين من البيضة

بعدين طلعوا ببدعة تصميم وتنفيذ للمقاول .. يعطونه مخططات أولية واتفاق بشروط وهو يعين استشاري ويدير عملية التصميم وعملية التنفيذ .. ربعنا يقولون المقاول ياخذون عليه ضمانات قوية لكن شفت على أرض الواقع أخطاء وشغل صيانة مستمر وشغل تغيير استخدام بالكامل والسبب هذي الطريقة

شفت مساحات وقوف سيارات كبيرة كلها غرقانة ماي من المطر وهذا شيء بديهي اشوفه واعرف إنه اصلاحه سهل بس المبنى له سنتين أو ثلاث محد صلحه معناها بعض الجهات تحابي وتتستر على هؤلاء المقاولين والضمان كلام للاستهلاك بس .. لو اشتغل المبنى بكامل طاقته شبيصير؟ كانوا يمكن 10 سيارات واقفة والموقف يكفي لحول 200 سيارة وبصعوبة حصلت موقف مطرلس أقدر انزل بدون ما تبتل عصاقيلي

[معماري قطري]

يمكن المقاولات أهون بس مفتاحها الإدارة الجيدة وراس المال الكافي ومجهود خرافي يتغلب على العراقيل الموجودة خصوصاً الحكومية .. والكلام طويل والخسارة تكون كبيرة في العمل الاستشاري الهندسي وفي المقاولات لو ما عندنا محاسب خبرة بخلفية هندسية Quantity surveyor

[شموخ دائم]

,

,


مرحبا


شكرا على الموضوع


متطلبات فتح ( مكتب هندسي ) ان الشخص القطري صاحب المكتب يشترط ان يكون حاصل على شهاده هندسه

مثل مكتب المحاماه يشترط ان يكون القطري صاحب الترخيص حامل شهاده حقوق

لذلك اذا كنت حاصل على شهاده في الهندسه تقدر تأخذ ترخيص حتى لو كنت موظف في الحكومه
هذا ما يمنع


بالنسبه لمكتب الهندسي


من المشاريع المحببه الى نفسي

مكتب هندسي
مقاولات
ديكور وتصميم داخلي

انا كنت بشتري مكتب جاهز شغال وفيه مهندسين ومصنف وفيه مشاريع ومكتب صار له 15 سنه شغال وله زبائنه
لما جلست احسب المشروع حسبه تجاريه وكشفنا كامل الورق على الطاوله

المصروفات الشهريه
والايرادات الشهريه

لقيت ان المسئله صعبه وما تستاهل والمشروع يادوب يغطي تكاليفه

وحسبت لو انا بكون شاطر وبطور فيه وبجيب شغل زياده بعلاقاتي واجتهادي
ما بقدر اجيب اكثر من 10% دخل إضافي مهما كنت نشط ولي تسويقي الخاص فيني

لان السوق فيه منافسه والمكاتب تعاني حقيقه والزبون يدور على السعر الرخيص اليوم
واكثر الشغل بالسوق هو الشغل التجاري


فيلات للايجار
شقق عمارات صغيره
أسواق
مجمعات
محلات
و كل الملاك يدور ارخص سعر بالسوق ويدور على كل المكاتب ومعاهم حق فالاخير هذا شغل استثمار ويبي يقلل مصاريفه

قليل من يبحث عن الجوده
والاشراف الصوري على الورق ووبمقابل مبلغ زهيد

شليت الفكره من راسي مع العلم اني قضيت اكثر من 6 شهور اتابع الموضوع واجتماعات وحسابات
ودخلت بكل تفاصيل المكتب
وصاحب المكتب جزاه الله خير فتح لي كامل اسرارهم
وحسابات البنك وأسماء عملاهم اخر 3 سنوات

للأسف ( الخلاصه ) المكتب مو جايب همه وصاحب المكتب معاه حق يعرضه للبيع
والغيت الفكره لان النتائج غير مشجعه للاسف

النصيحه ادرس الموضوع زين ولا تعتمد على شطارتك
اعتمد على ( معطيات السوق )

الإيرادات
المصروفات


طيب اذا انا ماعندي شهاده هندسه ؟؟؟ ماهو الحل والمخرج

في حلول طبعا والدنيا فيها سعه ومخارج لكل شي

1
( تشارك شخص معاه شهاده هندسيه )
2
تسجل الترخيص باسم شخص قريب منك اخ اخت زوج زوجه ولد عمي ولد خال يكون عنده شهاده
3
تشتري مكتب موجود وقائم ويدخل اسمك شريك 90% وتترك 10% لصاحب المكتب السابق
لانه عنده الترخيص والشهاده
وتكتب ورقه بينكم انه باع ال 10% لك وتحتفظ بورقه البيع من بينكم
4
تفتح مكتب تصميم ( حدائق ) وتشتغل بالخرائط الهندسيه ويكون معاك مهندس من الهند او مصر
ويكون جيد وسمح ويعرف يتعامل مع الناس
وتختم الخرائط من مكتب هندسي عنده ترخيص وتدفع له مقابل الختم على كل خريطه
يعني يأخذ 3000 ريال على الخريطه وانت تأخذ على الزبون 10 الاف ريال
يبقى لك 7000 تقريبا ... الخ


مابي ادخل بالطرق المتلويه ولكن هذا موجود بالسوق وحاصل وواقع اليوم بسوق دول الخليج
اكثر من 50% من المكاتب يعمل الطرق ال 4 الي ذكرتها



نصيحتي الاخيره اذا ماكنت مهندس وعندك شغف الهندسه وتعطيه وقتك
من العصر الى 9 بالليل لاتدخل
الشغف وحب الشغله هو أساس النجاح وما تنجح اذا حد من اخوانا العرب يديره
للأسف بيكون مكتب تقليدي جدا وعادي وما يجيب همه
وبيكون فيه عيوب التاخير والشغل الي مشي حالك
والسوق متشبع من هذا النوع من المكاتب
,




,

,

[alme3mary]

,

,


مرحبا


شكرا على الموضوع


متطلبات فتح ( مكتب هندسي ) ان الشخص القطري صاحب المكتب يشترط ان يكون حاصل على شهاده هندسه

مثل مكتب المحاماه يشترط ان يكون القطري صاحب الترخيص حامل شهاده حقوق

لذلك اذا كنت حاصل على شهاده في الهندسه تقدر تأخذ ترخيص حتى لو كنت موظف في الحكومه
هذا ما يمنع


بالنسبه لمكتب الهندسي


من المشاريع المحببه الى نفسي

مكتب هندسي
مقاولات
ديكور وتصميم داخلي

انا كنت بشتري مكتب جاهز شغال وفيه مهندسين ومصنف وفيه مشاريع ومكتب صار له 15 سنه شغال وله زبائنه
لما جلست احسب المشروع حسبه تجاريه وكشفنا كامل الورق على الطاوله

المصروفات الشهريه
والايرادات الشهريه

لقيت ان المسئله صعبه وما تستاهل والمشروع يادوب يغطي تكاليفه

وحسبت لو انا بكون شاطر وبطور فيه وبجيب شغل زياده بعلاقاتي واجتهادي
ما بقدر اجيب اكثر من 10% دخل إضافي مهما كنت نشط ولي تسويقي الخاص فيني

لان السوق فيه منافسه والمكاتب تعاني حقيقه والزبون يدور على السعر الرخيص اليوم
واكثر الشغل بالسوق هو الشغل التجاري


فيلات للايجار
شقق عمارات صغيره
أسواق
مجمعات
محلات
و كل الملاك يدور ارخص سعر بالسوق ويدور على كل المكاتب ومعاهم حق فالاخير هذا شغل استثمار ويبي يقلل مصاريفه

قليل من يبحث عن الجوده
والاشراف الصوري على الورق ووبمقابل مبلغ زهيد

شليت الفكره من راسي مع العلم اني قضيت اكثر من 6 شهور اتابع الموضوع واجتماعات وحسابات
ودخلت بكل تفاصيل المكتب
وصاحب المكتب جزاه الله خير فتح لي كامل اسرارهم
وحسابات البنك وأسماء عملاهم اخر 3 سنوات

للأسف ( الخلاصه ) المكتب مو جايب همه وصاحب المكتب معاه حق يعرضه للبيع
والغيت الفكره لان النتائج غير مشجعه للاسف

النصيحه ادرس الموضوع زين ولا تعتمد على شطارتك
اعتمد على ( معطيات السوق )

الإيرادات
المصروفات


طيب اذا انا ماعندي شهاده هندسه ؟؟؟ ماهو الحل والمخرج

في حلول طبعا والدنيا فيها سعه ومخارج لكل شي

1
( تشارك شخص معاه شهاده هندسيه )
2
تسجل الترخيص باسم شخص قريب منك اخ اخت زوج زوجه ولد عمي ولد خال يكون عنده شهاده
3
تشتري مكتب موجود وقائم ويدخل اسمك شريك 90% وتترك 10% لصاحب المكتب السابق
لانه عنده الترخيص والشهاده
وتكتب ورقه بينكم انه باع ال 10% لك وتحتفظ بورقه البيع من بينكم
4
تفتح مكتب تصميم ( حدائق ) وتشتغل بالخرائط الهندسيه ويكون معاك مهندس من الهند او مصر
ويكون جيد وسمح ويعرف يتعامل مع الناس
وتختم الخرائط من مكتب هندسي عنده ترخيص وتدفع له مقابل الختم على كل خريطه
يعني يأخذ 3000 ريال على الخريطه وانت تأخذ على الزبون 10 الاف ريال
يبقى لك 7000 تقريبا ... الخ


مابي ادخل بالطرق المتلويه ولكن هذا موجود بالسوق وحاصل وواقع اليوم بسوق دول الخليج
اكثر من 50% من المكاتب يعمل الطرق ال 4 الي ذكرتها



نصيحتي الاخيره اذا ماكنت مهندس وعندك شغف الهندسه وتعطيه وقتك
من العصر الى 9 بالليل لاتدخل
الشغف وحب الشغله هو أساس النجاح وما تنجح اذا حد من اخوانا العرب يديره
للأسف بيكون مكتب تقليدي جدا وعادي وما يجيب همه
وبيكون فيه عيوب التاخير والشغل الي مشي حالك
والسوق متشبع من هذا النوع من المكاتب
,




,

,

كل عام والجميع بخير.. كلامك كله صحيح اخوي شموخ
بس ان صاحب الترخيص يكون مهندس او له علاقة بالتخصص الهندسي فالمعلومة تحتاج مراجعة. الصحيح ان المكتب لازم يعين مدير مسؤول معتمد يكون مهندس مرخص بالفئة الاولى لدى لجنة تصنيف المهندسين والمكاتب الاستشارية.
اما صاخب الترخيص فلا يشترط ان يكون مهندس.

[معماري قطري]

كل عام والجميع بخير.. كلامك كله صحيح اخوي شموخ
بس ان صاحب الترخيص يكون مهندس او له علاقة بالتخصص الهندسي فالمعلومة تحتاج مراجعة. الصحيح ان المكتب لازم يعين مدير مسؤول معتمد يكون مهندس مرخص بالفئة الاولى لدى لجنة تصنيف المهندسين والمكاتب الاستشارية.
اما صاخب الترخيص فلا يشترط ان يكون مهندس.

وهذا اللي اعرفه المدير الفني المسؤول لازم مهندس ولا اعتقد شرط يكون فئة أولى لكن لإدارة مكتب فئة اولى ضروري يكون المهندس بخبرة لا تقل عن 10 سنين .. وهذا حتى يحصله المالك لازم يدفع راتب يناسب خبرته

[alme3mary]

وهذا اللي اعرفه المدير الفني المسؤول لازم مهندس ولا اعتقد شرط يكون فئة أولى لكن لإدارة مكتب فئة اولى ضروري يكون المهندس بخبرة لا تقل عن 10 سنين .. وهذا حتى يحصله المالك لازم يدفع راتب يناسب خبرته

هلا وغلا . لازم يكون المدير المسؤول فئة أولى لأي مكتب استشاري حتى لو المكتب فئة ثالثة

[شموخ دائم]

,

,


مرحبا


alme3mary

شكرا لك على التوضيح وتجديد معلوماتي

بارك الله فيك

مهندس فئه درجه أولى هذا الراتب يبتدي من 20 الف للأسف ناهيك عن السكن والسياره
كثير على مكتب توه في بدايته او جديد
لكن وجود المهندس ضروري جدا خاصه صاحب الخبره

اعتقد والعلم عن الله

تصميم الديكور الداخلي فيه دخل افضل من المكتب الهندسي
ويحتاج فنيين و تنفيذين برواتب اقل

بشكل عام احنا نمر بفتره حرجه على العالم كله وما ننصح احد في الدخول في مشاريع جديده
لانه ليس الوقت المناسب للدخول في أي مشروع الان فحركه الانشاءات في اقل مستوياتها
من بناء وخرائط وتصميم منخفضه جدا والمكاتب القائمه الان تعاني جدا
من خطر الإفلاس و الاغلاق


اذا فتح المطار للسفر راح تشهد البلد وكل دول الخليج خروج الكثير من المستثمرين وتقليل الموظفين
واستقالات باعداد كبيره وتقليل عماله
( لتخفيض المصروفات )
الان يندفع لهم رواتب بدون عمل
وما يقدر صاحب المشروع يسرحهم بسبب اغلاق المطارات

راح يتبعه

تاثر على السكن وحركه الإيجارات والمحلات راح يكون الكثير منها فاضي
من شقق ومحلات

لان المستخدمين بيكونون غادروا دول الخليج



,


,

[شقران2]

الله كريم

[معماري قطري]

,

,


مرحبا


alme3mary

شكرا لك على التوضيح وتجديد معلوماتي

بارك الله فيك

مهندس فئه درجه أولى هذا الراتب يبتدي من 20 الف للأسف ناهيك عن السكن والسياره
كثير على مكتب توه في بدايته او جديد
لكن وجود المهندس ضروري جدا خاصه صاحب الخبره

اعتقد والعلم عن الله

تصميم الديكور الداخلي فيه دخل افضل من المكتب الهندسي
ويحتاج فنيين و تنفيذين برواتب اقل

بشكل عام احنا نمر بفتره حرجه على العالم كله وما ننصح احد في الدخول في مشاريع جديده
لانه ليس الوقت المناسب للدخول في أي مشروع الان فحركه الانشاءات في اقل مستوياتها
من بناء وخرائط وتصميم منخفضه جدا والمكاتب القائمه الان تعاني جدا
من خطر الإفلاس و الاغلاق


اذا فتح المطار للسفر راح تشهد البلد وكل دول الخليج خروج الكثير من المستثمرين وتقليل الموظفين
واستقالات باعداد كبيره وتقليل عماله
( لتخفيض المصروفات )
الان يندفع لهم رواتب بدون عمل
وما يقدر صاحب المشروع يسرحهم بسبب اغلاق المطارات

راح يتبعه

تاثر على السكن وحركه الإيجارات والمحلات راح يكون الكثير منها فاضي
من شقق ومحلات

لان المستخدمين بيكونون غادروا دول الخليج



,


,

نصيحتك في محلها وكثير مكاتب اشتكوا لي بأن حالهم واقف

[معماري قطري]

حتى اللي فتحوا مطاعم بعضهم تورط وسكر .. أمس قرصني بطني قلت ادور مطعم حولي في العزيزية رحت زنجبيل طاري على همبرغرهم بالرمان قالوا لي بنفتح آخر الشهر ومطعم جنبه مغلق وشالين اللافتة

أشوف مشاريع البلعة وايد أحسن من شغل الاستشارات

[alme3mary]

اعتقد اللي يفكر يفتح مكتب استشاري في الوقت الراهن يكون واحد من اثنين
إما ان عنده مشاريع خاصة به بحجم كبير والأفضل انه ينهي مشاريعه عن طريق مكتب خاص به لتقليل النفقات. ونوع المشاريع اللي اقصدها فيلات او عمارات صغيرة ولكن بعدد كبير. لان لو مشروعات تخصصية كبرى لازم مكتب استشاري قوي متخصص.
النوع الثاني ان يكون له علاقات قوية وضامن يجيب مشروعات تغطي نفقاته ويطلع له مربح مثل عقود اشراف طويلة المدى او غيره.

في الوقت الراهن وزي ماتفضل اخواني شموخ والمعماري وذكروا الوضع غير مشجع بالمرة لمكتب استشاري. السوق مشبع بالمكاتب الاستشارية غير ان اسعار تقديم الخدمات نازلة بالارض وكل مكتب يحاول يجيب مصاريفه او جزء منها بدون ربح. غير ان عدد الناس اللي تشتغل لحسابها تصميم وتختم فقط عند مكاتب كبير وتأثيرهم السلبي قوي جدا ويتسبب في خسائر كبيرة للمكاتب.
اخيرا اجراءات فتح مكتب طويله جدا ومتطلباتها كثيرة. الفترةهذه كثير مكاتب طايحة وممكن تكون معروضة للبيع. اعتقد شراء رخصة مكتب استشاري اوفر كثير للجهد والوقت والمال وبالامكان تغيير اسم المكتب باجراءات بسيطة.

[QATAR A A]

جزاكم الله خير على المرور الطيب , انا فالحقيقة حاب افتح مكتب على قد حالي و طبعا بعد ما هالازمة تروح ان شاء الله,

بس لو بغيت افتح مكتب كم مهندس احتاج (مكتب فئة ثالثة)؟ مع العلم انا مهندس بعد

[alme3mary]

جزاكم الله خير على المرور الطيب , انا فالحقيقة حاب افتح مكتب على قد حالي و طبعا بعد ما هالازمة تروح ان شاء الله,

بس لو بغيت افتح مكتب كم مهندس احتاج (مكتب فئة ثالثة)؟ مع العلم انا مهندس بعد

حسب تخصص المكتب.
على سبيل المثال مكتب معماري وانشائي فئة ثالثة تحتاج اثنين مهندسين واحد فئة اولى وواحد فئة ثانية والفئة الاولى يكون مدير مسؤول
ويكون واحد منهم تخصص معماري والاخر تخصص هندسة مدنية

[alme3mary]

http://www.mme.gov.qa/cui/view.dox?id=1199&siteID=1


هنا بتحصل كل التفاصيل

[ابو عبدالله.]

صباح الخير

عندي وجهه نظر مادري اذا صح

انا لاحظت بفتره ماضيه ان المكاتب الاستشاريه الكل يتخوف منها و لما حبيت اسوي مخططي سألت ومحد فادني الا بمكتب واحد فقط

سمعه قويه و 22 شخص متعاملين معاه

بعدها خلصت المخطط و استشاره التنفيذ صاحب المكتب تعطل برخصه مكتبه وما قدر يقدم استشارات التنفيذ للفيلا فأوصاني بمكتب صديق له ايضا درجه اولى

الفكره اني مع شده اهتمامي بمن سيقدم الاستشاره او التصميم خلتني ادور كثير واغلب المعارف و الاصدقاء ما قالوا هذا زين و هذا مقبول. كلهم قالوا نفس الشي و الله يعينك

فقط مكتب واحد اشادوا فيه و مش بسيط و اصدقائي دفعوا للمخطط 16 الف و انا الوحيد الي فاوضته لين 12 الف ومع وعد ما اخبر الاصدقاء انه نزل لي

استشاره البناء ب 2500 و نزل لي 1700 شهري و انتهت رخصته و اخذوقت لتجديدها فحولني لمكتب ثاني و رص عليه بالمعرفه و صار شهريا 1500

الحين اسألوا اي شخص وين مكتب استشاري زين محد بيفيدك بكم مكتب بيقولون كلهم نفس الشي الا من رحم ربي مثل ما انا حصلت مكتب واحد فقط و بالتوصيه بعد

المكاتب بزنس بالنهايه و في كل بزنس تلقون شخص قطري نابغ ماخذ سمعه بمجاله و شغل نظيف فليش ما يبرز لنا كم قطري بمكاتب استشاريه غير الي لازم نتعامل معاهم و اغلبيتهم عرب بنفس النمط و التعامل

من الي شفته ان اغلب المخططات كوبي بيست ومع الوقت تزيد المخططات مع الوقت و تكثر الخيارات للتصاميم

يعني مش اختراعات معقده

العمليه تحتاج وضع لمسه شخصيه من صاحب المكتب و قدراته لاخراج مكتب و تعامل افضل من الموجود حاليا

اذا المكتب اليسوى لي استشارات البناء و الزيارات كان المهندس يزور 40 فيلا فأعتقد ان البزنس مش تعبان بالقدر الي تتوقعونه

عط الزبائن تعامل نظيف و مريح بتلقى كل هالقطر عندك مش بس الفلل حتى العمارات و غيرها

سو لك موقع الكتروني و نزل صور الفله للعميل كلن بحساب دخول لموقعك و يشوف استمراريه العمل و التقارير مش بالواتس اب يادوب تقدر تقرأ الورقه

حتى لو بتضيف قسم كوساطه عقاريه اذا تقدم استشاره لعقار تجاري يبي يبيعه بعد اتمام البناء و بموقعك الالكتروني ترى ما عندنا مواقع التكرونيه جامده للوساطه العقاريه. كلها مواقع انجليزيه لتأجير فلل التقسيم :). و سوق الوساطه تعرفون مشاكله و جاري تنظيم قوانين الوساطه لتطويره ففرصه ممتازه

من معرفتي بالشباب و تجار الفلل التجاريه و الراقيه كلهم يبون مكتب مريح يتابع وهم مرتاحين

يمكن تسمعون ان سوق العقار متضعضع لكن في ناس وايد ربحانه و تبني و تبيع و ماشيه اوكي

فللهم ما توقف و يعرفون المشتري ايش يبي و اتكلم عن فلل صغيره و فلل ب 14 مليون تنباع و اراضي بالعشرات تقسم و تنباع بعشرات الملايين وهذا جدام عيني يصير و اعرفهم شخصيا

بالنهايه لو ليلقون مكتب استشاري مخططات و بناء و تصميم داخلي بيجونه

[ابو عبدالله.]

تصدقون يا جماعه ان اعرف واحد قطري يستلم منك المخطط و الرخصه و يجيب لك مقاول و شركات و عنده خصم من المحلات و يخلص فلتك و يعطيك المفتاح

من بدأ من سنتين لين الحين سمعت عن 7 فلل مخلصهم لمعارفه و الفيلا اذا من احد قرايبه يخلصها ب 25 الف خلال اقل من سنه و يجيب لهم مستأجر بعد اذا الفيلا للايجار هذا لا مكتب ولا مصاريف. الشركات صارت تعطيه خصومات للجمله للبلاط و الاطقم الخ

حتى اتصل لي عشان شركه المسابح الي تعاقدت معاها و جبت سعر زين عشان ياخذ نفس الخصم لفلتين بيبنيهم لاحد قرايبه

الفلتين جنب بعض و بياخذ خمسين الف و بيخلصهم بعشر شهور ان شاء الله

معقوله محد يقدر يفتح مكتب استشاري يقدم بعض هالخدمات وحتى يتعاون مع المحلات الكبيره و يجيب خصومات لزبائن المكتب و يسلم الفلل تشطيب

عطني مكتب راعيه قطري عنده قدرات في تصريف الامور و المتابعه و دفعني شوي زياده و ريحني

[معماري قطري]

تصدقون يا جماعه ان اعرف واحد قطري يستلم منك المخطط و الرخصه و يجيب لك مقاول و شركات و عنده خصم من المحلات و يخلص فلتك و يعطيك المفتاح

من بدأ من سنتين لين الحين سمعت عن 7 فلل مخلصهم لمعارفه و الفيلا اذا من احد قرايبه يخلصها ب 25 الف خلال اقل من سنه و يجيب لهم مستأجر بعد اذا الفيلا للايجار هذا لا مكتب ولا مصاريف. الشركات صارت تعطيه خصومات للجمله للبلاط و الاطقم الخ

حتى اتصل لي عشان شركه المسابح الي تعاقدت معاها و جبت سعر زين عشان ياخذ نفس الخصم لفلتين بيبنيهم لاحد قرايبه

الفلتين جنب بعض و بياخذ خمسين الف و بيخلصهم بعشر شهور ان شاء الله

معقوله محد يقدر يفتح مكتب استشاري يقدم بعض هالخدمات وحتى يتعاون مع المحلات الكبيره و يجيب خصومات لزبائن المكتب و يسلم الفلل تشطيب

عطني مكتب راعيه قطري عنده قدرات في تصريف الامور و المتابعه و دفعني شوي زياده و ريحني

باعطيك مكتبين .. أولهم مكتب الجيدة معروف وقوي العربي للشؤون الهندسية وثانيهم حسب معرفتي به مكتب عمار بس الأخير استوى ما يقبل شغل خاص واعتقد الأول بسبب عدم مصداقية العملاء .. المكتبين شغلهم عالي المستوى ومب رخيصين .. الأول تجيه مشاريع كبرى وماشي شغله وأعتقد عنده كتيبة مهندسين لهذي المشاريع

مكتب ام زد أنذ بارتنرز يديره زميل لي لبناني بس له فترة طويلة في قطر والرجال أمين وطيب رحت له مع صديق لي يبي يبني بيت قال لنا إحنا ندفع 8 ملايين رواتب لموظفينا وذكر لي عددهم ونسيته ولازم ناخذ مشاريع كبيرة المشاريع الصغيرة تضييع وقت

مكتب أخير غالبية الموجودين فيه هنود وعدد موظفيه كانوا 1700 ولا ادري لو قلصوهم وأتوقع هالشيء .. رحت له مع عميل وحاولنا ننزل سعره قال حدي 45000 للتصميم والاشراف ما اذكر بس كان غالي ومفصل عقده بالزيارات ومحددات الإشراف .. وتوكل على الله ووقع معاهم .. التصميم المعماري عندهم مب لين هناك وتعبت معاهم في تفاصيل بسيطة ومهندسهم متنح وعلة لكن في باقي التخصصات والاشراف هم الأفضل بس يشتكون من قلة المشاريع الكبرى ومضطرين للعيش على المشاريع الصغيرة الخاصة

[معماري قطري]

لو بتجيب مهندسين مختصين في تخصصات الهندسة مثل عمارة وإنشاء وكهرباء وميكانيك التصميم المعماري أغلبه في قطر كوبي أند بيست ومشاريع منفذه ولهم العذر فيها .. هذي تعتبر منطلق تعدل عليه حسب رغبة العميل بس بهالطريقة تحولوا المهندسين الى أداة تنفيذية وبطريقة اربط الحمار مكان ما يقول لك صاحبه ( مثل ايطالي سامحوني عليه ) استوى ما فيه ابداع وما فيه تجديد وللتخطيط وللدولة وللمجتمع ككل دخل كبير في ذلك

التصميم المعماري ياخذ حسب بعض الزبائن شهور لين ينتهي وتخليصه من التخطيط ياخذ فترة كذلك هذا اذا ما رجعوه بملاحظات قوية وانذار للمكتب .. أرعبوا المكاتب بالعين الحمراء والمفروض يكون تعاملهم لطيف ومتفهمين

زين خلصنا الموافقة المبدئية .. يجيك العميل اللي عاصر سعرك ل 15000 ومضيع وقت مهندس يشتغل معاه لفترة شهرين راتبه أعلى من هذي ال 15000 وتكاليف المكتب شيء ثاني .. وعارف المكتب بيسوي عدة مخططات بس كلها تحتاج تفرغ ووقت وموظفين ومن هشكل نشوف مكاتب فيها مئات المهندسين .. نكمل مع العميل x اللي يجينا بعد الموافقة يقول ارفعوا لي البيت متر لكل دور .. متخيل متر رقم ما يعرف شيعني في زيادة عدد العتبات للدرج والاستشاريين بعضهم يزيدون ويزيدون الارتفاع في كل عتبة يوصلونها لين 17 سم وحتى بعضهم أكثر .. غير عن الاستشاري عنده رسومات لبقية التخصصات ستاندرد على ارتفاع معين وهذا يبغي شكل غير .. استوى فجأة هو المهندس .. بهالطريقة يتأخر التصميم وتستوي عراقيل كلها تتسبب في خسارة وتعب اضافي والكلام عن الاستشاري اللي عنده شوية ذمة والتزام

نكون هشكل أعدنا الرخصة المبدئية وممكن خلصنا الموافقة وممكن لا وممكن زعلوا الأسياد في التخطيط بسبب كثرة المراجعة وحمروا عيونهم أكثر على المكتب وممكن حتى أنذروه بعدم تجديد الترخيص مثل ما تعبوا مكاتب كثيرة منها مكتب بو عبدالله .. بعدها تبدأ رحلة التفاصيل الهندسية .. وبعض العملاء يفاجيء المكتب بطلب تغيير جذري أو اضافة وهذا يرجعنا لموافقات ثانية وبعضهم يمشي على هذا الشيء وبعض الاستشاريين يسكتون أي عميل بحنعملها لك بعدين .. شيصير؟ يتفاجأ المالك بشغل غير على ارض الواقع ومشاكل ما كان حاسب حسابها والمهندس يقول له هذا طلبك وبعضهم أذكياء يسوون محاضر اجتماعات

نجي للاشراف .. بعض المكاتب تاخذ منك مبلغ يعتبر أتاوة أو ضريبة بدون ما يسوون شيء نهائياً .. تشوف وجهه مرة وبعدها خلاص .. طلبت من استشاري مصري يضمن العقد تقرير اسبوعي مصور للموقع ومعاه شرح فيديو للمهندس بصوته يشرح ملاحظاته للمالك .. قال مستحيل وبعد ضغط عليه قال المقاول يصور لنا ويجي يقدم المراحل واحنا نوقع بس وكانت تكلفة اشرافه 8000 ريال على ست فلل تجارية صغيرة كلها نفس الشيء .. يبي يسوي اشراف عن بعد

[معماري قطري]

شيلزم الاستشاري بمتابعة التصميم بطريقة احترافية ومتابعة التنفيذ غير الجهات الرقابية من الدولة .. هذي مفقودة عندنا واللي بيشتكي يرفع قضية وقضاء وقصة يطلع في الغالب منها خسران وقت ومال وحرق أعصاب

الاستشاري من جانب آخر حتى عقد الاشراف يقدر يلغيه أي وقت ويقول للمالك انت تعبتني وشوف استشاري غيري والسبب معروف ما فيه قانون يربط الاستشاري بعقده والإستشاري مخطيء بتسعيره تسعير رخيص ومخطيء بعدم تحديد محددات الإشراف في العقد بوضوح

[ابو عبدالله.]

مساء الخير

معلومات زينه عن هالمكاتب

لكن تعليقي كان عن المكاتب المتوسطه و اقل

الي ذكرتهم ميجا بروجكتس و بالمليارات شغلهم

نبي نتكلم عن مكاتب استشاريه لتصاميم الفلل و العمارات و المحلات الخ

هذولا قله نادره تنعرف بالاسم مثل ما ذكرت سابقا

قله نادره اسمائهم تدور بين العملاء و الغالبيه ما يعرف اي مكتب و ينصح به لاصحابه

ما سمعت عن قطري عنده مكتب و اسمه يصدح بالسوق لفلل الاسكان مثلا او عند اصحاب الفلل التجاريه

لكن سمعت عن قطري بشركه نوافذ يو بي في سي. و سمعت عن قطري بكذا شغله غير المقاولات و امورها

بس الاستشاره هي الي ما سمعت عن قطري ينذكر بالاسم

سوق الاستشارات لفئه الفلل و ما حولها مكتض بناس وايد و مشاكل توصلان الاستشاري يزود الحديد و المرسانه و امور اخرى و يجهز نفسه عشان المقاول اليب يستلم المشروع بيجيه و يطلب تقليل بعض المواد و الاستشاري بيساعده نظير مبلغ و بيقنع العميل ان ممكن نساعد المقاول بتقليل بعض الكميات

تخيل ان هالحركه تصير و كانت بتصير معاي لولا ان المواد و تقليلها غير مجديه للمقاول نظير المبلغ الي بيدفعه للاستشاري كرسوم اعاده تصميم و تعديل

انا كعميل لما اشوف ان استشاري درجه اولى ممكن يسوي جذي او اياستشاري. نفسيا ما ابي اشتغل معاه مره ثانيه و لا بأنصح به للاصدقاء

لو في قطري مهندس و شغله نظيف وما يسوي هالحركات. اعتقد ان مكتبه بيطلع بالاسم و الامانه

ولو يربط هالتعامل بأسعار مقبوله مش مخطط فيلا ب 20 الف و استشاره شهريه اكثر من الفين بالشهر بيمشي شغله زي اللوز

الشغل وايد و متوزع على مكاتب و اشخاص بعدد كبير و كلهم نفس الشي تقريبا

لكن حط مكتب بهالمواصفات بتتجمع عنده عقارات بشكل ممتاز

من كم شهر وقفت الاستشاري لان التشطيب تأخر شوي لكن لما كان شغال معاي كان يدور على 40 فيلا لمتابعه الاشراف و انا اقل واحد ادفع 1500 شهريا

غير بيع و تصميم المخططات هذا دخل ثاني بعد

غير ال 500 ريال اذا حد سجله كأستشاري عشان دفعات التنميه فقط

لو اني لقيت مكتب راعيه قطري و متابع و يقدم خدمات اضافيه للتشطيب و يجيب لي شركات مقاوله او تركيب و يتعاون مع محلات البلاط و هالامور كان ما بطلع من مكتبه بعيش معاه بالمكتب لين اخلص بيتي ههههه

اذا احنا مب تجار و نتواصل و نجيب خصومات 35% من شركات البلاط و الجبس و غيره. تخيل مكتب استشاري يورد شغل لهلمحلات كم بيعطونه خصم

و حتى ياخذ نسبه من مبيعاتهم اذا اعطوا العميل نسبه تخفيض ممتازه و شرى

[ابو عبدالله.]

على فكره. اغلب هالقطر ما يبون المكاتب الكبيره لانها مكلفه جدا مقابل المكاتب العاديه يمكن الراهيين يروحون لهم لكن الناس العاديه تبي شي مقبول بالسعر مش لازم رخيص. مقبول على الاقل

[معماري قطري]

خلال شرحي موضح شيصير في المكاتب الصغيرة .. ربعي وايد فتحوا وسكروا وثرى غالبيتهم مخضرمين اللي 30 سنة خبرة واللي دقيق واللي ماجستير وحتى دكتوراة في تخصصه .. بعضهم استووا يصرفون على عميان

[معماري قطري]

سهل افتح مكتب بدون ذمة أوقع واختم وبس واسوي اللي يبيه مني العميل واخذ 15000 من هذا ومن ذاك وأورطهم .. لكن صعب اخالف مبادئي اللي تربيت عليها ولو بافتح بابذل مجهود ولازم الطاقم اللي معاي يتعب واتعب معاه وطول ما هالمكاتب النص كم موجودة ما فيه سوق للنظيف .. خلنا على البورصة فلوسنا فيها ورزق نظيف

[معماري قطري]

مساء الخير

معلومات زينه عن هالمكاتب

لكن تعليقي كان عن المكاتب المتوسطه و اقل

الي ذكرتهم ميجا بروجكتس و بالمليارات شغلهم

نبي نتكلم عن مكاتب استشاريه لتصاميم الفلل و العمارات و المحلات الخ

هذولا قله نادره تنعرف بالاسم مثل ما ذكرت سابقا

قله نادره اسمائهم تدور بين العملاء و الغالبيه ما يعرف اي مكتب و ينصح به لاصحابه

ما سمعت عن قطري عنده مكتب و اسمه يصدح بالسوق لفلل الاسكان مثلا او عند اصحاب الفلل التجاريه

لكن سمعت عن قطري بشركه نوافذ يو بي في سي. و سمعت عن قطري بكذا شغله غير المقاولات و امورها

بس الاستشاره هي الي ما سمعت عن قطري ينذكر بالاسم

سوق الاستشارات لفئه الفلل و ما حولها مكتض بناس وايد و مشاكل توصلان الاستشاري يزود الحديد و المرسانه و امور اخرى و يجهز نفسه عشان المقاول اليب يستلم المشروع بيجيه و يطلب تقليل بعض المواد و الاستشاري بيساعده نظير مبلغ و بيقنع العميل ان ممكن نساعد المقاول بتقليل بعض الكميات

تخيل ان هالحركه تصير و كانت بتصير معاي لولا ان المواد و تقليلها غير مجديه للمقاول نظير المبلغ الي بيدفعه للاستشاري كرسوم اعاده تصميم و تعديل

انا كعميل لما اشوف ان استشاري درجه اولى ممكن يسوي جذي او اياستشاري. نفسيا ما ابي اشتغل معاه مره ثانيه و لا بأنصح به للاصدقاء

لو في قطري مهندس و شغله نظيف وما يسوي هالحركات. اعتقد ان مكتبه بيطلع بالاسم و الامانه

ولو يربط هالتعامل بأسعار مقبوله مش مخطط فيلا ب 20 الف و استشاره شهريه اكثر من الفين بالشهر بيمشي شغله زي اللوز

الشغل وايد و متوزع على مكاتب و اشخاص بعدد كبير و كلهم نفس الشي تقريبا

لكن حط مكتب بهالمواصفات بتتجمع عنده عقارات بشكل ممتاز

من كم شهر وقفت الاستشاري لان التشطيب تأخر شوي لكن لما كان شغال معاي كان يدور على 40 فيلا لمتابعه الاشراف و انا اقل واحد ادفع 1500 شهريا

غير بيع و تصميم المخططات هذا دخل ثاني بعد

غير ال 500 ريال اذا حد سجله كأستشاري عشان دفعات التنميه فقط

لو اني لقيت مكتب راعيه قطري و متابع و يقدم خدمات اضافيه للتشطيب و يجيب لي شركات مقاوله او تركيب و يتعاون مع محلات البلاط و هالامور كان ما بطلع من مكتبه بعيش معاه بالمكتب لين اخلص بيتي ههههه

اذا احنا مب تجار و نتواصل و نجيب خصومات 35% من شركات البلاط و الجبس و غيره. تخيل مكتب استشاري يورد شغل لهلمحلات كم بيعطونه خصم

و حتى ياخذ نسبه من مبيعاتهم اذا اعطوا العميل نسبه تخفيض ممتازه و شرى

هذا دليل القطري نظيف ما يبي يوصخ يده ولا يوجع راسه

وكلامك عن التصنيف انا مصنف فئة اولى يعني يحق لي ادير مكتب استشاري فئة اولى من حول 15 سنة مب من الحين .. حتى التصنيف فيه لعبة ولعبة كبيرة مواصفات المكتب ومحتوياته الفرق بسيط بين ثانية وثالثة واولى .. المهم الأُولى خبرة 10 سنين وأعتقد بدون التفات للتخصص الهندسي .. أعرف مهندس ميكانيكي قطري ويدير مكتب معماري لو تبيه بادليك عليه ولي تجربة معاه عن طريق اخوي وسحبنا منه الشغل بعد ما خسرنا 35000 بدون فايدة .. التخصص يفرق .. وازيدك من الشعر بيت بعد دكتور مهندس أكيد بيعرف نفسه لو قرا كتابتي

العيب يا اخوي في لجنة ترخيص المهندسين والمكاتب الاستشارية والا ما فيه أسهل من عمل اشراف عام على التصاميم واخطائها ومحاسبة من يشتغل في غير تخصصه وحتى سجنه كما يحصل في دول كثيرة .. وتسجيل عقود التصميم والاشراف ومتابعة المكاتب وأدائهم على ارض الواقع يسمونه اشراف عام .. يعني مبنى ينبني ممكن يمرون عليه ويدققون الخرايط اللي خذوا منها نسخة وقت تسجيل العقد ويشوفون وشي التجاوزات .. صدقني كثير مكاتب التصميم فيه طن حديد والتنفيذ نص طن .. لعب في الكميات وفي حلال الناس عينك عينك

[معماري قطري]

لو عملوا الاشراف العام وتسجيل العقود كثير مكاتب بتسكر لأنها عايشة على الدجل والسرقة ولازم بينصلح الحال وبتستوي البلاد نظيفة والبنيان بدون مشاكل .. أما مثل وضع الحين كل يدلوا بدلوه ولا هو بمتخصص ولا فاهم شالطبخة مثل بعض كبار المسؤولين وبدعة تصميم وبناء ويخلون كل شيء للمقاول شفنا شكثر مباني صار فيها تحقيق ومشاكل وخرت وقت المطر غير عن صعوبات الاستعمال .. قدموا العربة على الحصان وكله عذرهم مستعجلين

[ابو عبدالله.]

صباح الورد

اتفق معاك ان المشاكل وايد لكن هل فعلا القطري ما يقدر يكون سمعه بهالمجال مثل باقي المجالات

و يجمع زبائن يثقون بمكتبه

مع اني مقتنع بكلامك لكن ما اصدق ان مكتب بيشتغل نظيف و يقدم خدمات اضافيه ما بينشهر و تصير عليه زحمه

اعتقد ان السالفه محتاجه لقدرات معينه

اذا الاطباء انشهروا مع ان سوق العيادات متروس حده و المهنه مش بسيطه لكن القطري تميز و انشهر

حتى بعمليات التجميل انشهروا بالاسهم ههههه


مادري. ما ابي اخوض اكثر لانك ادرى مني بواقع الحال

انا افكر في بزنس العقارات و الصيانه و اداره البناء لكن يبي لي وقت افضى له

عندي كم شغله ماخذه وقتي و كورونا للحين راقده على التجاره

[ALJokar]

انا يمكن اختصر عليك الوقت واختصر عليك الفكرة الي فهمتها من الشباب والي انا وقعت فيه وكثير من بناء بيت سكني له او تجاري او عماره او مجمع.
الحين المكتب الهندسي القطري الي بيتعب فيه من وقته ومن وجهده ومن فلوسه بالبحث عن مهندسين خلنا نقول ممتازين ماراح يرضا ياخذ عى الخريطة خلنا نقول مابين 30 الف الى 100 الف وطالع يمكن. ليش هالحسبة مصاريف مهندسين تعبو ف الخريطة وقعدو يصممون من الزيرو اتوقع الى ان وصلو لفكرة في بالك تبغيها يالعميل واحسب عليها جهد المهندسين كلهم من كهربائي ومكينك ومعماري وانشائي تيم كامل يشتغل في خريطتك والوقت الي ياخذونه يمكن شهر اقل شي وراتب المهندس فيهم مابين 15 الى 40 الف وطالع وغيرها تبي تقارن هذا بمهندس بمكتب
عادي جدا ومهندسينهم نسخ لصق مايتعب ابدا في الفكرة ولا يفكر في مقترح ولايتعب نفسه وراح يلعوزك ويخربطك وتحصل في خريطة نقص بالتاكيد ويمكن يكلفك في البناء وهذا حصل معي انا بالذات كثر علي خرسانات كثيرة تقول عمارة مش فيلا وخريطة بكبرها ماتاخذ منه 10 دقائق من وقته ويقولك تعالي بعد اسبوع وراتبه يمكن مايجي 10 الاف او اقل يمكن وخريطة بكبرها مابين 15 الى 8000 الاف.

الموضوع يطول في الحسبة نروح ونرجع ع الطلب هنا عندنا في قطر للاسف وقلتها قبل كذا ماعندنا ثقافة بنيان ومحنا مواكبين العالم في التطور الانشائي في بناء الفيلا السكنية نشوف من الي حولنا بناء وجاز لنا بيته او نعرفه نروح مانتعب حالنا ناخذ نفس الخريطة وندفع عليها بعد يسوي لنا نفسها ولانتعب المهندس والحبيب هذا ياخذ عليك فلوس ع شي هو ماقام فيه ولاتعب يعني ضرب عليك وهو قاعد يضحك.
بيوتنا اتشابه في كل شي نفس افكارنا ليش ادفع ع خريطة مثلا عند مكتب a بمبلغ 40 او اكثر او اقل وانا ممكن اسوي نفسها عند مكتب c بمبلغ مثلا 10 الاف اكيد الكل راح يدور الارخص.
الموضوع كله سرقة افكار مهندسين يتعبون على الخرائط ويضيع جهدهم ويضيع مستقبلهم وحلالهم يتسكر بسبب الثقافة السايدة عندنا ولاحد وقفها من الحكومة من وزارة البلدية كحفظ حقوق افكار او تجبر المكاتب ان مافي خريطة تشبة خريطة اخرى خصوصا من مكتب واحد باسم مهندس واحد الا برضا الاطراف او يمنع منع بات.
او تضع خرائط كنماذج للكل اكثر من نموذج والكل يتقيد فيه ويعدل عليه ضروري هذا افضل شي.

اسمحولي طولت في الموضوع لاني انا هنا متضرر من نسخ الخرائط ومتضرر من مكاتب ودك انها تسكر لانها تساعد في سرقة الافكار.

[khaldoon]

http://www.qatarshares.com/vb/showthread.php?506480-تبي-مكتب-تصميم-و-اشراف؟-ادخل-شوف-تجارب-الاعضاء-متجدد

موضوع قديم بس مفيد

[QATAR A A]

انا الي مستغرب منه الشروط التعجيزية .

يعني انا كشاب توني متخرج ليش اواجه كل هالتعقيدات! اسافر و اتغرب و اتخرج بامتياز و مشاريعي و تصاميمي تفوز بجوائز بس ارجع الدوحة ما اقدر اكمل ابداعي؟

[QATAR A A]

انا يمكن اختصر عليك الوقت واختصر عليك الفكرة الي فهمتها من الشباب والي انا وقعت فيه وكثير من بناء بيت سكني له او تجاري او عماره او مجمع.
الحين المكتب الهندسي القطري الي بيتعب فيه من وقته ومن وجهده ومن فلوسه بالبحث عن مهندسين خلنا نقول ممتازين ماراح يرضا ياخذ عى الخريطة خلنا نقول مابين 30 الف الى 100 الف وطالع يمكن. ليش هالحسبة مصاريف مهندسين تعبو ف الخريطة وقعدو يصممون من الزيرو اتوقع الى ان وصلو لفكرة في بالك تبغيها يالعميل واحسب عليها جهد المهندسين كلهم من كهربائي ومكينك ومعماري وانشائي تيم كامل يشتغل في خريطتك والوقت الي ياخذونه يمكن شهر اقل شي وراتب المهندس فيهم مابين 15 الى 40 الف وطالع وغيرها تبي تقارن هذا بمهندس بمكتب
عادي جدا ومهندسينهم نسخ لصق مايتعب ابدا في الفكرة ولا يفكر في مقترح ولايتعب نفسه وراح يلعوزك ويخربطك وتحصل في خريطة نقص بالتاكيد ويمكن يكلفك في البناء وهذا حصل معي انا بالذات كثر علي خرسانات كثيرة تقول عمارة مش فيلا وخريطة بكبرها ماتاخذ منه 10 دقائق من وقته ويقولك تعالي بعد اسبوع وراتبه يمكن مايجي 10 الاف او اقل يمكن وخريطة بكبرها مابين 15 الى 8000 الاف.

الموضوع يطول في الحسبة نروح ونرجع ع الطلب هنا عندنا في قطر للاسف وقلتها قبل كذا ماعندنا ثقافة بنيان ومحنا مواكبين العالم في التطور الانشائي في بناء الفيلا السكنية نشوف من الي حولنا بناء وجاز لنا بيته او نعرفه نروح مانتعب حالنا ناخذ نفس الخريطة وندفع عليها بعد يسوي لنا نفسها ولانتعب المهندس والحبيب هذا ياخذ عليك فلوس ع شي هو ماقام فيه ولاتعب يعني ضرب عليك وهو قاعد يضحك.
بيوتنا اتشابه في كل شي نفس افكارنا ليش ادفع ع خريطة مثلا عند مكتب a بمبلغ 40 او اكثر او اقل وانا ممكن اسوي نفسها عند مكتب c بمبلغ مثلا 10 الاف اكيد الكل راح يدور الارخص.
الموضوع كله سرقة افكار مهندسين يتعبون على الخرائط ويضيع جهدهم ويضيع مستقبلهم وحلالهم يتسكر بسبب الثقافة السايدة عندنا ولاحد وقفها من الحكومة من وزارة البلدية كحفظ حقوق افكار او تجبر المكاتب ان مافي خريطة تشبة خريطة اخرى خصوصا من مكتب واحد باسم مهندس واحد الا برضا الاطراف او يمنع منع بات.
او تضع خرائط كنماذج للكل اكثر من نموذج والكل يتقيد فيه ويعدل عليه ضروري هذا افضل شي.

اسمحولي طولت في الموضوع لاني انا هنا متضرر من نسخ الخرائط ومتضرر من مكاتب ودك انها تسكر لانها تساعد في سرقة الافكار.

بالضبط اكثر شي يقهرني هو سرقة تعب و افكار بعض

[شموخ دائم]

,

,


مرحبا


شكرا على النقاش الطيب بالموضوع


تسمحون لي بعد اذنكم اتفرع شوي بالموضع

الحين انا امشي بالسياره اشوف واجهات الفلل بالشارع اكثر الفيلات 6 او 7 او 8 نماذج
اقدر اعرف ( صاحب المشروع ) اقدر اعرف ان هذي الفيلات حق الفلان الفلاني وهو مؤجرها

والشارع الي بعده اشوف 2 فيلا متلاصق اقدر اعرف ان المالك فلان الفلاني وهو بايعها

كل هذا من خلال الشكل للفيلا الملاك صار لهم 20 سنه يسوون نفس الاشكال ونفس اللون ونفس الأبواب الخارجيه حتى نفس السور ونفس الاقواس ونفس الشباك
:)

واقدر اعرف من خلال الشكل انها من ( المكتب الفلاني ) واعرف سعر الخريطه 8 الاف ريال اوالى 10 الاف ريال

واعرف تكلفه البناء 800 الف الى 900 الف والمواصفات فيها أي كلام والمواد المستخدمه كلها شغل

مش حالك والي بيسكن فيها بيتعذب فيها بيغير كل البيبات الماء وفي الشتاء العازل بينزل ماي وبيرجع يسوي العوازل
وبيمدد تمديدات جديده للكاميرات والانترنت كل شي فيها على النظام القديم
وبيمرر الوايرات من فوق السطح تدلدل من الجنب

يا جماعه ال wc يشترونه من دبي ب 250 ريال ( متخيلين ) والله شي الواحد ينصدم منه ومقبض الباب
ب 50 ريال يخترب قبل تسكن
وبلاط الحوش والصاله بينزل بعد سنه او سنتين بالكثير والصبغ كله بيتقشر قبل ما تسكن فيه

واعرف ان الاستشاري اخذ 3 الاف ريال رسوم اشراف وما مر على المشروع ابد والملك عاجبه لانه مسوي نفسه ذكي
( يوفر )

كانه يقول انا اربح ومن بعدي الطوفان

:)


والاستشاري خذ 3 الاف ريال عشان يخلص رخصه البناء من البلديه اون الاين

وانعرضت الفيلا للبيع 3 او 4 مليون في خار جالدوحه

لا شكل لا جوده لا ذوق لا راحه تشتري شي عله على قلبك


نبي الذوق والجوده تتحسن من خلال المكاتب ومن خلال اشتراطات الدوله والرقابه


الخرائط في الكويت


من شاف الخرائط في الكويت والديكورات الجميله والابداع في الخرائط والشكل العام
كل فيلا تقول الزود عندي


متى بتتغير العقليات بقطر ( انا اقصد ) عقليات تجار العقارات الي يبني ويبيع او للايجار
لازم الذوق العام يتغير والجماليات تتغير

ترى أجيال جديده طلعت والفيلات بقطر ما زالت هي نفسها من 20 سنه

نبي شوي ابداع الله يرحم والديكم

نقدر نطلع فيلا جميله وصغيره وشكلها حديث ونفس التكلفه ترى

:)

هنا يجي دور المكتب الاستشاري يوفر خرائط مبدعه وتكلفه معقوله مثل احتياج المالك وراس المال عنده

,

[khaldoon]

كلامك صحيح..... من زمان البناء للفلل تحسهم من كاتالوج او ما تحسهم هم فعلا من كاتالوج

سنة 98 كان مطلوب مني اسوي ديكور لفيلا و انا مش عارف اسويه من المخططات و لا قادر افهمه..... بس عرفت انه فيه فيلا جاهزة و مسكونة بالناس هي نفس تصميم الفيلا اللي ابنيها .... قعدت كم يوم اروح اتفرج عليها و ادرس التصميم و كأني اراقب الناس اللي بالبيت او اراقب الفيلا و فعلا نفذت الديكور مثل الفيلا لانه وقتها ما سمعت عن شي اسمه shop drawings هههههههه

[khaldoon]

في فعلا كم تصميم لن يتغيروا مثل البارابيت المدرج او اللي فيه قوس او القرميد اللي يخص الثلوج .... كلهم كوبي اند بيست.....ما في ابداع

[ALJokar]

دور الوزارة ضعيف عندنا ومازلت اصر ع ذالك لو يشوفون الوزارات الخليجية شنو تسوي وتاخذ وتغرم المكاتب المقاولات والمكاتب الهندسية.
الوازرة عندنا والمفتشين حاطين جهدهم ع المالك والي يبني محرمين ومحللين ع مزاجهم من غير قانون يستند عليه تمشي عليه كل البلديات.
من الاشغال الي مفروض تسويها الوازرة والمفتشين تسوى له قسم رقابة كواليتي الي هي الجودة هل تسوى الفيلا الي تنبني بالميلغ الماخوذ من المالك هذا المبلغ اي او لا هنا توقف التاجر وتغرمة وتحاسبه لكن هنا بالعكس تشجع التاجر وتشجع الجشع.
فيلا تنبني ب 4 مليون مثلا وهي ماتسوى 3 او ظ¢ ونص مليون مثلا والسبب المواد المستخدمها المقاول بحضرة جناب الاستشاري الي مفروض يوقف في صف المالك.
هنا بعض الاستشاريين يقول للمقاول ياتخليني اكل معك الكيكة او اعلم المالك واغلب المقاولين يشترون ذمم الاستشاريين.

[ابو عبدالله.]

جزاكم الله خير على المعلومات

انا من ناحيتي ما ابي هالنوع من الاستشاريين ولا المقاولين

و سلاحي هو الاستشاري لو زين و سمعته معروفه بيمسك المقاول وما يقدر يلعب بأي شيء

وهذا قصدي ببدايه التعليقات. نبي قطري نتطمن له و ينعرف بالسوق عشان نتعاقد معاه و نرتاح حتى ما تمر ع العقار اذا مشغول وما تمر الا نادرا

لولا ان الله وفق و الي بنى لي احد اقاربي و مقاوله حاشمني كان تعبت كثير لاني ما امر الموقع بحكم عملي و انشغالي و الاستشاري منجنسيه و المقاول من جنسيه ثانيه ومش على قلب واحد ههههه

كلن يفضح الثاني اذا صار خطا بسيط لكن غالب عليهم الامانه بحكم قرابه راعي الشركه لي

الي لاحظته ان اسعار البناء تفاوتت بين 100 و 300 الف من عدد من المقاولين للعظم و بلاستر

مع ان بعضهم كان بالتوصيه ان شغله زين و سعره مقبول لكن انصدمت بفارق السعر بينهم

الفارق دفع لي قيمه العازل و الكهرباء و الماء و المسبح يعني مقاول عطاني مليون و 250 الف للعظم
و غيره عطاني 965 الف

مع الكهرباء و الماء و العازل صارت مليون و 165 الف تقريبا و بقت مئه الف زدها كم الف و تعاقدت مع المسبح

هذا مع اضافات مثل رفع البناء 14 متر و الحوش نص متر عن الشارع و حفر للمسبح بنفس السعر

هالمعلومات كتبتها للفائده للقراء

السالفه ان فقط اذا تعرف المقاول او الاستشاري و يبي يخدمك بيتعاون معاك و بيربح

لكن اذا مب هامه بيرفع سعره و ممكن يشتغل بجوده اقل

يمكن الله وفقني ببعض الامور لكن ناس كثيره تعبت بالبناء بسبب قله المصداقيه و انعدام خيارات وجود قطريين بسمعه جيده ينوثق فيهم

[ابو عبدالله.]

معماري ياخي افتح مكتب و بجيب لك زباين :)

و اذا عندك كاش بجيب لك ناس عندهم اراضي انت تبني وتبيع و كلن ياخذ ربحه

بعد كورونا طبعا

[لطيف الروح]

If you pay peanuts, you get monkeys

[khaldoon]

from FIDIC 2017
Procurement Procedure



Consultant Selection

The method of selection should not force consultancy fees down to the point where consultants cannot afford to allocate properly qualified staff for sufficient periods of time.

The most important criteria on which to judge a prospective consultant’s suitability to carry out services for a particular project are:

-professional competence and reputation
-managerial ability
-availability of suitable experienced staff -impartiality
-fairness of fee structure
-professional integrity
-quality assurance system.

A small increase in the cost of consulting services can lead to large savings in the overall construction costs. The method that best serves the client’s interests is known as ‘qualitybased selection’. That is, the client chooses the consultant on the basis of professional competence, managerial ability, availability of resources, professional independence, fairness of fee structure, professional integrity, and quality assurance systems.

[khaldoon]

If you pay peanuts, you get monkeys

بالزبط....... يا ليت قومي يعلمون

[معماري قطري]

,

,


مرحبا


شكرا على النقاش الطيب بالموضوع


تسمحون لي بعد اذنكم اتفرع شوي بالموضع

الحين انا امشي بالسياره اشوف واجهات الفلل بالشارع اكثر الفيلات 6 او 7 او 8 نماذج
اقدر اعرف ( صاحب المشروع ) اقدر اعرف ان هذي الفيلات حق الفلان الفلاني وهو مؤجرها

والشارع الي بعده اشوف 2 فيلا متلاصق اقدر اعرف ان المالك فلان الفلاني وهو بايعها

كل هذا من خلال الشكل للفيلا الملاك صار لهم 20 سنه يسوون نفس الاشكال ونفس اللون ونفس الأبواب الخارجيه حتى نفس السور ونفس الاقواس ونفس الشباك
:)

واقدر اعرف من خلال الشكل انها من ( المكتب الفلاني ) واعرف سعر الخريطه 8 الاف ريال اوالى 10 الاف ريال

واعرف تكلفه البناء 800 الف الى 900 الف والمواصفات فيها أي كلام والمواد المستخدمه كلها شغل

مش حالك والي بيسكن فيها بيتعذب فيها بيغير كل البيبات الماء وفي الشتاء العازل بينزل ماي وبيرجع يسوي العوازل
وبيمدد تمديدات جديده للكاميرات والانترنت كل شي فيها على النظام القديم
وبيمرر الوايرات من فوق السطح تدلدل من الجنب

يا جماعه ال wc يشترونه من دبي ب 250 ريال ( متخيلين ) والله شي الواحد ينصدم منه ومقبض الباب
ب 50 ريال يخترب قبل تسكن
وبلاط الحوش والصاله بينزل بعد سنه او سنتين بالكثير والصبغ كله بيتقشر قبل ما تسكن فيه

واعرف ان الاستشاري اخذ 3 الاف ريال رسوم اشراف وما مر على المشروع ابد والملك عاجبه لانه مسوي نفسه ذكي
( يوفر )

كانه يقول انا اربح ومن بعدي الطوفان

:)


والاستشاري خذ 3 الاف ريال عشان يخلص رخصه البناء من البلديه اون الاين

وانعرضت الفيلا للبيع 3 او 4 مليون في خار جالدوحه

لا شكل لا جوده لا ذوق لا راحه تشتري شي عله على قلبك


نبي الذوق والجوده تتحسن من خلال المكاتب ومن خلال اشتراطات الدوله والرقابه


الخرائط في الكويت


من شاف الخرائط في الكويت والديكورات الجميله والابداع في الخرائط والشكل العام
كل فيلا تقول الزود عندي


متى بتتغير العقليات بقطر ( انا اقصد ) عقليات تجار العقارات الي يبني ويبيع او للايجار
لازم الذوق العام يتغير والجماليات تتغير

ترى أجيال جديده طلعت والفيلات بقطر ما زالت هي نفسها من 20 سنه

نبي شوي ابداع الله يرحم والديكم

نقدر نطلع فيلا جميله وصغيره وشكلها حديث ونفس التكلفه ترى

:)

هنا يجي دور المكتب الاستشاري يوفر خرائط مبدعه وتكلفه معقوله مثل احتياج المالك وراس المال عنده

,





تغيرت نوعاً ما يوم المكتب الهندسي الخاص تدخل وأشرف على بناء بعض الفلل والمباني وغالبيتها صراحة فيها ملاحظات بسيطة جداً لكن عمل هندسي راقي

مثال مجلس العزاء في مقبرة مسيمير .. وقاعات الأفراح وكثير مباني غيرهم وقصور لكبار الشخصيات .. نبقى احنا على مكتب تعيسان وهذي مكاتب تخرب الذوق العام وتخرب غالبية مباني البلاد وضروري عمل كونترول بتسجيل العقود ومتابعة تنفيذها صحيح وتدقيق المخططات بواسطة مهندسين مختصين حتى الانشائية ومكافحة الحريق

[معماري قطري]

from FIDIC 2017
Procurement Procedure



Consultant Selection

The method of selection should not force consultancy fees down to the point where consultants cannot afford to allocate properly qualified staff for sufficient periods of time.

The most important criteria on which to judge a prospective consultant’s suitability to carry out services for a particular project are:

-professional competence and reputation
-managerial ability
-availability of suitable experienced staff -impartiality
-fairness of fee structure
-professional integrity
-quality assurance system.

A small increase in the cost of consulting services can lead to large savings in the overall construction costs. The method that best serves the client’s interests is known as ‘qualitybased selection’. That is, the client chooses the consultant on the basis of professional competence, managerial ability, availability of resources, professional independence, fairness of fee structure, professional integrity, and quality assurance systems.

وهذا اللي انادي به من زمان اشتر خبرة ومصداقية وجودة لتشتري استشاري رخيص

[معماري قطري]

بس اخوي خلدون فيديك يلمعون صورة المكاتب الدولية المعروفة والقوية وما يضمنون حق الحكومات العميلة اللي توقع معاهم عقد على السمعة والسيفيات المرفقة وفي الصج يعينون مهندسين حديثين وقليلي خبرة

ما صار في المطار من قبل بارسونز مثال اتمنى خذوا الدرس منه وما يكررونه

[معماري قطري]

معماري ياخي افتح مكتب و بجيب لك زباين :)

و اذا عندك كاش بجيب لك ناس عندهم اراضي انت تبني وتبيع و كلن ياخذ ربحه

بعد كورونا طبعا

تعديت الخمسين خلاص شلي بوجع الراس

مثل كورونا بعد الخمسين % بيستوي له انحدار Declination وانا في هذي المرحلة

[معماري قطري]

انا الي مستغرب منه الشروط التعجيزية .

يعني انا كشاب توني متخرج ليش اواجه كل هالتعقيدات! اسافر و اتغرب و اتخرج بامتياز و مشاريعي و تصاميمي تفوز بجوائز بس ارجع الدوحة ما اقدر اكمل ابداعي؟

لا تستغرب الشروط في صالحك وفي الصالح العام

اتمنى تفتح وتفتح صح ويكون مكتبك قوي ويشتغل بأمانة .. مثل مكتب ابراهيم الجيدة العربي للشؤون الهندسية .. وتواصل معاه ومر عليه وشوف مب مقصر معاك وهو ناصح أمين ومن كبار المصممين القطريين .. أعرف واحد تدرب عنده .. جرب ما بتخسر شيء

[khaldoon]

بس اخوي خلدون فيديك يلمعون صورة المكاتب الدولية المعروفة والقوية وما يضمنون حق الحكومات العميلة اللي توقع معاهم عقد على السمعة والسيفيات المرفقة وفي الصج يعينون مهندسين حديثين وقليلي خبرة

ما صار في المطار من قبل بارسونز مثال اتمنى خذوا الدرس منه وما يكررونه

يلمعون صورة المكاتب الدولية المعروفة و القوية اللي ماشيين على قانون فيديك..... بس فيديك يقول انه القانون اللي يسري في العقد هو قانون البلد التي يقام فيها المشروع الا لو اتفق المالك و المقاول على قانون اخر لا يمت للبلد بصلة و هذه فيها خطوره و ما يضمون الحقوق وقتها لانها اختلفت عن فيديك.... مثل تشتري سيارة و تغير ماكينتها فما تفدر تلوم الشركة المصنعة لها وقتها .....

أيضا كل بنود فيديك يتم اكمال النواقص اللي فيها من خلال قانون البلد اللي ينفذ فيها المشروع يعني مثل qcs في المواصفات

اما بارسونز فراوتبهم ضعيفة و بالتالي ما راح يجيبون ناس اكفاء و راح يسترخصون بالواتب و بالتالي هم يمشون على قانون فيديك ظاهريا بس لا يمثلونها ......تماما مثل المسلم اللي لا يمثل الإسلام بس محسوب على الإسلام هههههه.....اما بخصوص المطار فأكيد هناك أمور و خفايا لا اعلم عنها شيء و ما الذي حدث فلا اقدر ان افتي فيها

[ابو عبدالله.]

If you pay peanuts, you get monkeys

صباح الخير

مبدأ صحيح لكن في بالي سؤال

محد يقدر يحط قدراته في هالمهنه و يطلع لنا نمط جديد من اداره مكتب هندسي و بمصروفات موفره و خدمات اضافيه

كل شيء ممكن ينحط فيه ابداع و تطوير و قدرات شخصيه

الي احبه ان اشوف حد يحط لمسته على هالموضوع

من انا صغير و انا اشوف الامور بطرق خارجه عن النمط السائد او خلنا نقول اشوف من زوايا مختلفه عن من حولي

هي نعمه او نقمه بحسب كيف نتعامل معاها

كلما اشتغلت بوظيفه اغير منها كثير. حطوني على معدات السلامه في جهه عملي كنسلت عقود الصيانه و الغيت تخزين قطع الغيار طبعا بعد صعوبه اقناع المسؤولين

لكن وفرنا كثير و طورنا بتخصيص التوفير لشراء اجهزه متطوره جدا و سويت تريد ان للاجهزه الابسوليت لشراء احدث اجهزه و تصدرنا بقطر احدث جهاز لكشف الغازات السامه

انتقلت لجهه اجنبيه و مسكوني امور منها النفايات الخطره و الصناعيه و خلال اشهر تخلصنا من نفايات تخزنت عبر عشر سنوات و التكلفه كانت فوق نص مليون و عدلت طرق التخلص و انخفضت الى ستين الف

طبعا الجهه الاجنبيه تعرف كيف تكافئك و تعطيك مهام بحسب قدراتك فعطوني كامل مسؤوليات البيئه و مهام اخرى ما بذكرها عشان البعض بيعرف من انا هههه

خلال سنوات عملي بهالجهه عملت اكبر خطه تخلص في تاريخ الجهه و صدرنا معلومات و طرق التدوير و التخلص لجهات و شركات اخرى

2019 شحنتين اعدنا تدويرها وكل شحنه بتوفير 360 الف ريال

طرق ما كانت متوفره سابقا او محد فكر في استغلال عمليات التشغيل لتدوير كيماويات و نفايات صناعيه لدرجه ان 90% و اكثر كان يعاد تدويرها و نطلع منها ربح بدل صرف مئات الالاف و توصل ملايين كتكلفه تخلص خلال فتره عملي عندهم كم سنه يعني

الفكره هي كيف ننظر للامور و نستغل افضل الطرق و الموارد للوصول للافضل

انا ضد القبول بنمط سير مع البقيه احب اغير من الاساس و اتمنى اشوف مهندس بمكتب يغير النمط السائد.

انا مش مهندس معماري او مدني لكن متأكد ان بيطلع لنا اشخاص يغيرون سوق مكاتب الهندسه بأنماط جديده

كمثال. لو اقنع مهندس وزاره القتصاد بمنح رخص استشاريه من ضمن رخص العمل من المنزل بيلغي مصاريف المكتب و امور كثيره
هو يصمم و يتابع مشاريع فلل مثلا. خلنا نقول ان معماري متقاعد و يحب يشتغل بهالطريقه

نعطيكم مثال ثاني

تدرون ان في موظفين في الهند ممكن يشتغل لك من بيته سواء مهندس او غيره و يساعدك بعمل خرائط بتكلفه اقل من ربع اسعار مكاتبنا

هذه انا شفتها و واحد قال لي اذا مشغول و تبي تسوي اي بحث او دراسه عندنا ناس بالهند بمئات الريالات يسوي لك بحث او دراسه او اي شي تبيه

هذه احدى الطرق لتطوير عمل مكتب هندسي بالدوحه. اوظف مهندسين وهم بالهند لكن ما سمعت ان مهندس قطري سواها

كيف شخص ما عنده ثانويه قدر يبني 7 فلل لمعارفه و ياخذ قيمه اتعابه و كل الي سواه انه جمع ارقام تواصل مقاولين و محلات و شركات و ربط بينهم و سوى فلل بعض المهندسين ما يقدرون يسوونها

وكله شغل نظيف. مخططات سليمه و م رخص بلديه و عقود مع شركات مواد بناء. حتى انظمه الانتركم و الكاميرات و المسابح

هذا مب مهندس و اشتغل احسن من بعض المهندسين و كله شغل نظيف و استشاري و اسعار افضل من غيره

السعي يحتاج قدرات و هدف واضح و اجتهاد لرفع الحياه المعيشيه و تغيير نمط سائد للتميز عن الغير

[ابو عبدالله.]

لو انا مهندس مدني كنت بدخل بمجال المكاتب و بقلب النمط السائد و بسوي امور مش موجوده و بتميز ان شاء الله

لكن للاسف مش مجالي

انا اشجع اي مهندس ان يفكر جديا بشيء جديد بسوقنا

و مؤمن جدا ان كل انسان ممكن يغير اي شيء و يطوره و يبدع فيه

يا جماعه حتى مخططات من الكويت صارت تجينا للدوحه من كثر ما عندهم فن و ابداع ما في حد عندنا يقدر يبدع مثلهم. ما اصدق

الوضع الحالي عندنا مشجع جدا ان حد يطلع و يتميز

معماري بقول لك شي

انا في قطاع النفط و الغاز و من خبره لخبره و متغيره مع السنين لكن ما وقفت خبرتي بأبداع في شيء معين و بس

تذكر من زمان ذكرت لك عن شغل الحداده

انا مش حداد ولا لي شغل بالحداده. مجرد هوايه ان اشتغل بيدي سواء بموتر او تصليح بالبيت الخ
لكن لما لقيت وقت و متابعه للاعلانات لقيت كميه حديد ضخمه برخص التراب فشريتها و جبت حداد بنغالي يساعد الراعي عندي و يشتغل لي بالحديد

الفكره كانت عامل اضافي للعزبه يساعد و بعد يسوي لي شغل بالحديد الي لقيته

هو مال درابزين و هالسوالف لكن جلسته و راويته فيديوهات للتيادر و الكرفانات و امور اخرى

وصلت معاي بفتره ان اتصالات تجيني تطلب مواصفات لتيادر و كرفان مخزن و امور كثيره

وصلت ان اشتري قطع غيار من محلات المرين و صاروا يعطوني خصم بالكميه

كل هذا وانا مش حداد ولا دارس المهنه و خلصت اربع او خمس تيادر و كبينه مخزن و نزلت الحداد ببيت احد اقاربي اربع شهور يشتغل لهم بأحواض زراعه و ستندات و امور كثيره حتى شلال سوى لهم

خلال سنه وشوي سوى كل هذا و خلص لي اعزكم الله تغيير كامل لزرائب الحلال كانت بتكلفني فوق الثلاثين الف لولا ان عندي الحديد و الحداد بتكلفه قليله جدا

ليش وصلت هالمواصيل. لان سوق الحداده عندنا معفوس و كلن يبالغ بالتكلفه و الثقه قليله.

سوق الحداده مغمور بوافدين و اسيويين كره الناس في التعامل معاهم و مع اسعارهم و فقط المضطر يتعامل معاهم

انا لقيتها فرصه ادخل هالمجال كهوايه و مدخول اضافي ممكن توسعه مستقبلا او لما اتقاعد. منها اتعلم اكثر و اطور خدماتي اكثر

وصلت ان مدرسه تواصلوا معاي يبون نقل البيوت المحميه بالمدرسه لمكان اخر و عمل شلفات للتخزين لكن ما عندي سجل حاليا

لو تسولف مع واحد عنده محل حداده بيقول لك السوق ميت وانا مخليه يديره الاسيوي و يعطيني الف الفين بالشهر و المنافسه صعبه. الخ

عرفت وجهه نظري عن السائرين بالنمط المعتاد و عن الي يبي يغير الواقع و يتميز

انا عندي ثقه انك و صاحب الموضوع ممكن تطلعون عن النمط و تغيرون للافضل لو تفتحون مكاتب

ولو عندي وقت كنت بشارككم بأن اقدم خدمات اضافيه لعملائكم. سواء خصومات من محلات و شركات او توفير عروض اسعار لاي شي يبيه العميل مسبح حجر عوازل حتى مقاولات و مكيفات

عندي قدره على الاقناع و التفاوض و لله الحمد وكل الي يشتغلون ببيتي حاليا بأسعار ارخص من البنغال و جوده افضل من كثير من الشركات

و اجيب خصم من كافود و العاصمه نفس المقاولين الكبار وكل الي يتعامون معاي يعرفون اني اذا اخذت منهم. كثير من الزبائن بيجونهم من وراي

اصبر علي اذا ما فتحت مكتب وساطه عقارات و صيانه ههههه ان شاء الله

[معماري قطري]

كلامك اخوي بو عبدالله ملهم ومحفز وصحيح أكيد والله يوفقك

هوايتك في الحدادة دخلت عليك شغلة نافعة .. تذكرني بأحد عيال عمي مثل وضعك .. هو كان في البترول وتقاعد وألحين مستمتع بهذي الشغلات فتح ورشة حدادة .. وفتح عزبة ثابتة في البر .. وفتح عزبة مطايا في الكرعانة والله رزقه بأرض هناك طورها واستوى مشغول طول وقته .. آخر شيء تولع بتركيا وخذ شقة أو بيت وألحين عياله وأقرباءه تبعوه على نفس الطريق .. استوى يستثمر مع الأتراك في شغلات كثيرة ومستمتع .. يروح تركيا يبقى شهرين هناك ويرجع .. يقول مستثمر مبالغ بسيطة تغطي تكاليف اقامته

كلامك صحيح بخصوص تغيير الواقع وأكيد أهل قطر يقدرون والله يوفق كل مجتهد

[khaldoon]

بس اخوي خلدون فيديك يلمعون صورة المكاتب الدولية المعروفة والقوية وما يضمنون حق الحكومات العميلة اللي توقع معاهم عقد على السمعة والسيفيات المرفقة وفي الصج يعينون مهندسين حديثين وقليلي خبرة

ما صار في المطار من قبل بارسونز مثال اتمنى خذوا الدرس منه وما يكررونه



يلمعون صورة المكاتب الدولية المعروفة و القوية اللي ماشيين على قانون فيديك..... بس فيديك يقول انه القانون اللي يسري في العقد هو قانون البلد التي يقام فيها المشروع الا لو اتفق المالك و المقاول على قانون اخر لا يمت للبلد بصلة و هذه فيها خطوره و ما يضمون الحقوق وقتها لانها اختلفت عن فيديك.... مثل تشتري سيارة و تغير ماكينتها فما تفدر تلوم الشركة المصنعة لها وقتها .....

أيضا كل بنود فيديك يتم اكمال النواقص اللي فيها من خلال قانون البلد اللي ينفذ فيها المشروع يعني مثل qcs في المواصفات

اما بارسونز فراوتبهم ضعيفة و بالتالي ما راح يجيبون ناس اكفاء و راح يسترخصون بالواتب و بالتالي هم يمشون على قانون فيديك ظاهريا بس لا يمثلونها ......تماما مثل المسلم اللي لا يمثل الإسلام بس محسوب على الإسلام هههههه.....اما بخصوص المطار فأكيد هناك أمور و خفايا لا اعلم عنها شيء و ما الذي حدث فلا اقدر ان افتي فيها


بالإضافة الى ردي السابق هذه الحدود التي يقول فيديك انه لا يجوز تجاوزها حتى نعتبر انفسنا مازلنا نتبع فيديك......و الا ما عدنا ماشيين فيديك مثل ما قولت سابقا لو اخترقنا هذه الشروط في الأسفل


FIDIC Contract Recognition


These FIDIC golden principles are described and explained in the publication FIDIC’s Golden Principles (http://http://fidic.org/bookshop †), and are necessary to ensure that modifications to the General Conditions: - are limited to those necessary for the particular features of the Site and the project, and necessary to comply with the applicable law; - do not change the essential fair and balanced character of a FIDIC contract; and - the Contract remains recognisable as a FIDIC contract. It is very important that Employers (and all drafters of the Special Provisions) to review specific terminology in the General Conditions for compliance and consistency with the legal applicable jurisdiction.

[ابو عبدالله.]

كلامك اخوي بو عبدالله ملهم ومحفز وصحيح أكيد والله يوفقك

هوايتك في الحدادة دخلت عليك شغلة نافعة .. تذكرني بأحد عيال عمي مثل وضعك .. هو كان في البترول وتقاعد وألحين مستمتع بهذي الشغلات فتح ورشة حدادة .. وفتح عزبة ثابتة في البر .. وفتح عزبة مطايا في الكرعانة والله رزقه بأرض هناك طورها واستوى مشغول طول وقته .. آخر شيء تولع بتركيا وخذ شقة أو بيت وألحين عياله وأقرباءه تبعوه على نفس الطريق .. استوى يستثمر مع الأتراك في شغلات كثيرة ومستمتع .. يروح تركيا يبقى شهرين هناك ويرجع .. يقول مستثمر مبالغ بسيطة تغطي تكاليف اقامته

كلامك صحيح بخصوص تغيير الواقع وأكيد أهل قطر يقدرون والله يوفق كل مجتهد

مساء الخير

كتبت تعليقي السابق من ايمان مطلق بقوه التغيير عند كل انسان و اشكرك عن ذكر قريبك و كيف حول وقته لشيء مفيد و ممتع و مربح

هي قدرات عند كل واحد و تختلف من شخص و شخص بحسب عقليته و شغفه و عزيمته و اجتهاده

استمعت لما اسولف مع حد و اشوف كيف غير امور خارج العاده

و الي يغير يكون عنده اسباب. اما ماديه او معنويه او شغف يعني حب للشيء و استمتاع بالعمل به

ادوات التغيير متوفره منها شيء موجود و يطور ومنها مفقود ينولد او يتكون بسبب الحاجه له تجاره او هوايه او عمل وظيفي الخ

البحث عن موارد

عزبه او عامل او بضاعه او كاش بحسب التوجه

البيئه المتوفره. سوق مكاتب الهندسه او سوق وساطه العقار او المقاولات الخ

اخيرا. القدرات. ايش اقدر اضيف او ابدع او اوفر افضل من غيري

اذا مكتب. ايش ينقص السوق من خدمات و ثقه

اذا عزبه ايش ممكن اسوي فيها اكثر من تربيه الحلال

اذا مكتب عقار ايش اضيف فيه للتميز و جلب ثقه العملاء. مثل استشارات لرفع قيمه العقار او اضافات ترفع قيمته

يا اخي اشوف ناس فعلا مبدعه. على قله صفقات الفلل اشوفهم يضبطون فلل تجاريه تنباع قبل لاينتهي اتمام البناء

و فاتحين مكاتب عقاريه و شغاله اوكي و الاغرب ان اسمعهم يتكلمون عن اراضي و بناء و بيع ولا كأن في ركود هالايام

عندهم قدرات معينه في تضبيط الفلل لضمان بيعها و بسعر زين والله

يلقون عقارات متميزه و بسعر زين بعد

من يومين يقول لي واحد اذا بعت ارضك بام صلال على ترى في ارض بام صلال محد اكبر و بنفس السعر و خلف السفير يعني موقع افضل من ارضي الحاليه

لكن اشوف تعليقات بالمنتدى عن ازمه عقار و ركود و احتمال انهيار طيب ليش غيرهم يشوف فرص و يبيع بسعر زين و يبني

اختلاف قدرات و نظره للامور

انا اعطي البعض عشره من عشره بطريقه نظرتهم للامور و استعمال قدراتهم في بيئه يكون الغالبيه فيها بنظره مختلفه و نمطيه

[معماري قطري]

صحيح اخوي التضبيط والترتيب والاهتمام بالجودة هو المهم

عندي إخو يحب السيارات وقرر ينتقي المستعمل والجيد ويعدل عليه ويبيعه .. السيارة ما تطول عنده والزين فيه يعطي تفاصيلها كاملة وعادي يقول لك كم طالعة عليه وكم يبي فيها .. يعني عنده أمانة .. يشتري من المطار ومن الشركات اللي استعمالها نظيف وخفيف ويتعب شوي على التضبيط بتواير جداد وتلميع تشوف السيارة ما تصدق إن لها عمر 10 سنين أو 12 سنة وانها ماشية 150000 .. شفت عنده جمس هيفي ديوتي مركب عليه تواير بالون ومرفعه يقول يوقفوني في الطريق .. وشاغل نفسه بشيء مفيد

آسف يمكن نظرتي سوداوية بخصوص المكاتب من اللي شفته وعرفته من كثير من ربعي .. وأخاف على أي واحد غيري مثل ما اخاف على نفسي من وجع الراس والهم والخساير .. أذكر ألحين واحد من ربعي من كبار المهندسين ويشتغل خبير في شركة مساهمة كبرى فتح مكتب وبدأ بس اضطر يقلص العدد ويخليه تابع لتنفيذ شغله الخاص .. كان في التخطيط في السابق وعنده علاقات ومعرفة وقوة كل هذي ما شفعت له .. والأهم رجال طيب وخلوق للغاية .. من فترة مريت مكتبه كان فيه بس مهندس واحد هو الرسام والسكرتير وحتى يخلص المعاملات .. فلبيني واحد بس .. لذلك قلت تجربتي مع المكاتب

[معماري قطري]

بالإضافة الى ردي السابق هذه الحدود التي يقول فيديك انه لا يجوز تجاوزها حتى نعتبر انفسنا مازلنا نتبع فيديك......و الا ما عدنا ماشيين فيديك مثل ما قولت سابقا لو اخترقنا هذه الشروط في الأسفل


FIDIC Contract Recognition


These FIDIC golden principles are described and explained in the publication FIDIC’s Golden Principles (http://http://fidic.org/bookshop †), and are necessary to ensure that modifications to the General Conditions: - are limited to those necessary for the particular features of the Site and the project, and necessary to comply with the applicable law; - do not change the essential fair and balanced character of a FIDIC contract; and - the Contract remains recognisable as a FIDIC contract. It is very important that Employers (and all drafters of the Special Provisions) to review specific terminology in the General Conditions for compliance and consistency with the legal applicable jurisdiction.

انا اتذكر معاناتنا قبل مع الاستشاريين الدوليين وأتوقع الحال كما هو لم يتغير

يجي المكتب اكس بسمعته الطيبة تحت كفالة فلان وفيه عدة مكاتب دولية في قطر وبعضها يجي لمشروع معين ويخلص ويسكر بس وكالته عند شخص معين .. المكتب على الورق سوبر وقوي وفيه طاقم فطاحل لكن في الواقع وبعد توقيع العقد ما كنا نشوف الا اللي تقول يختبرنا ويختبر صبرنا .. شغل ركيك وأخطاء حتى في لغة الكتابة وفي الغرافيكس

تعال لكميات الخرسانات المستعملة ما ابالغ لو اقول لك لمظلة مسوين قواعد 5 في 6 في عمق 2 ونص متر .. المظلة صحيح كبيرة ومسوينها بسبيس فريم وتعليلهم لكمية الخرسانة حتى تكون وزن مضاد حتى ما يطير السقف بقوة الهواء .. كلام خواجات فرنسيين وآخرتها اشتكوا علينا وجاء منع من التدقيق في مخططاتهم .. كان وكيلهم وزير سابق الله يذكره بالخير والسالفة من حول 20 سنة يمكن تغيرت الإجراءات الحين .. بس اللي سمعته عن المطار يصب في هذا الاتجاه والمطار يعتبر حديث مب من عشرين سنة

استشاري المطار الدولي معين استشاريين محليين أعرف واحد منهم وكان يعطيه مبلغ كبير .. المحلي يقول اللي يعطينا اياه ما نحلم نحصله بعقد مباشر مع الحكومة بس لأن هذا عالمي يعطونه مبلغ كبير .. وصارت مشاكل كثيرة تصميمية في المطار ومشاكل موازنة وتأخر المشروع مرات عديدة وأكيد السبب الاستشاري السمعة ما عين مهندسين خبرات وكان واجب القائمين على مثل هذي العقود يلزمون الاستشاري الدولي بعدد معين من المهندسين أصحاب الخبرة يكونون متواجدين في قطر لمتابعة المشروع

[ابو عبدالله.]

صحيح اخوي التضبيط والترتيب والاهتمام بالجودة هو المهم

عندي إخو يحب السيارات وقرر ينتقي المستعمل والجيد ويعدل عليه ويبيعه .. السيارة ما تطول عنده والزين فيه يعطي تفاصيلها كاملة وعادي يقول لك كم طالعة عليه وكم يبي فيها .. يعني عنده أمانة .. يشتري من المطار ومن الشركات اللي استعمالها نظيف وخفيف ويتعب شوي على التضبيط بتواير جداد وتلميع تشوف السيارة ما تصدق إن لها عمر 10 سنين أو 12 سنة وانها ماشية 150000 .. شفت عنده جمس هيفي ديوتي مركب عليه تواير بالون ومرفعه يقول يوقفوني في الطريق .. وشاغل نفسه بشيء مفيد

آسف يمكن نظرتي سوداوية بخصوص المكاتب من اللي شفته وعرفته من كثير من ربعي .. وأخاف على أي واحد غيري مثل ما اخاف على نفسي من وجع الراس والهم والخساير .. أذكر ألحين واحد من ربعي من كبار المهندسين ويشتغل خبير في شركة مساهمة كبرى فتح مكتب وبدأ بس اضطر يقلص العدد ويخليه تابع لتنفيذ شغله الخاص .. كان في التخطيط في السابق وعنده علاقات ومعرفة وقوة كل هذي ما شفعت له .. والأهم رجال طيب وخلوق للغاية .. من فترة مريت مكتبه كان فيه بس مهندس واحد هو الرسام والسكرتير وحتى يخلص المعاملات .. فلبيني واحد بس .. لذلك قلت تجربتي مع المكاتب

ما شاء الله طلعت تفاصيل و امور داخله في القدرات و تطوير الامور للافضل

صباح الخير اولا

اخوك هذا يعجبني لاني اسوي مثله هههه

سالفه المواتر احبها بس ما اضبط وايد اخذ و اسوي الضروري و ابيع

لان المواتر انقيها من اجانب انجليز و غيرهم و تجيك اصلا نظيفه وماشيه شوي
منها جيب شيروكي شاريه ب 22500 و صرفت الف عليه و بعته ب 40 الف و كروزر 1992 من زمان شريته ب 15 الف و بعته ب 26 الف. بس نظفته من داخل بشره ريال عن الغبار. كان ورده و فل ابشن ايامها

حتى البيك اب ثلاثه طن شريته ب 48 الف و بعته ب 62 الف

هوايه و كم موتر بالسنه مش وايد لكن نظاف
اخرها كروزر 2003 شاريه العام شهر 12 بعشره الاف لكن صرفت عليه مضبوط و خليته بالبيت موتر طوارئ كل شي وكاله فيه حتى المسجل

الحين انتظر bmw الكبيره 2014 ماشيه ستين او سبعين فل ابشن حول عشرين الف اذا ضبطت و باعني راعيها ان شاء الله

ضربت الزر الصح معاي ههههه جبت طاري المواتر

انا متأكد انك مطلع تماما على مشاكل المكاتب و من تعليقاتنا المستمره بكذا موضوع اعرف طريقه تفكيرك نوعا ما

سليمه و عميقه بالتفاصيل و احس انك مشبع بالتجارب بقوه

ما اعتقد انك سلبي ابدا لكن يغلب على تعليقاتك ببعض الامور. جربوا وما ضبطت معاهم و باني نتائج على تجارب ناس ما نعرف كيف تصرفوا بالامور عشان يوصلون للنتائج السلبيه او الخساره او عدم الربح حتى

انا متأكد ان لو انت او انا كنا مكان احد الي ذكرت تجاربهم كنا بنعطي نتائج مختلفه. يمكن اسوء او افضل او تختلف قليلا

يمكن احدهم ما عنده نباهه لاداره الموظفين او يهمل نقطه كانت فجوه تسببت بضعف الاداء مثلا

يمكن منشغل عن المكتب لفترات تسببت بضعف الاداء

وايد اسباب ممكن حلها بطرق علميه حتى

في برنامج ورقي او سوفت وير يسمونه روت كوز انالسست

تحليل الجذور و المسببات وفي كذا طريقه تحلل اسباب الضعف بأي شغله مهما كانت

تخليك تطلع الاسباب وما ورائها كسبب رئيسي و تركز عليه و تعدله

نعم تعلمته بشغلي السابق و ما في سبب ما يكشفه البرنامج و نطلع كل المسببات لاي شغله و جذورها و طرق حلها ودائما تكون الحلول بسيطه و قابله للتنفيذ

انت بمعلوماتك تقدر تطلع كل المسببات لعدم نجاح مكتب هندسي لانك خبره و مطلع فأنت من اول المطلوبين في جلسه ايجاد مسببات سوء قدره مكاتب الهندسه

عمليه تسيير الدراسه لايجاد جذور المشكله تتطلب مسؤول فاهم هالطرق في ايجاد الجذور و فريق من خبراء المهنه وخلال يوم الى يومين ممكن تطلعون قرارات لجهات معنيه تغير قوانين مكاتب الاستشاره بقطر

او نتائج لمكتب واحد لتطويره عشان يربح و يتميز و ترتفع ارباحه لاقصى درجه ممكن نتوقعها

وخلاص كافي كلامي عن طرق علميه :)

[معماري قطري]

ربعي اللي فتحوا كلهم مهندسين وكثير منهم مجتهدين وفاهمين وخريجين جامعات قوية وفي مناصبهم وشغلهم دقيقين .. وهذا اللي يخوف وعلى فترات طويلة تمتد ل 30 سنة .. إثنين من كبارهم واحد مدير كبير حالياً مر بأزمة مالية قوية كادت أن تفلسه بسبب بعض العرب من البلاد اللي الكل خابرها اللي قلبوا على رئيس منتخب ما ابي اقول شسمها .. وهذا أكيد نتيجة للقوانين اللي تحط كل المسؤولية على الكفيل .. واحد ثاني كان يقدم دكتوراء وما توفق ودقيق وعملي لأبعد الحدود طلب تقاعد سريع وطلع فتح عدة شركات من ضمنها تزويد بالأثاث المكتبي للوزارات والشركات واعتقد مكتب استشاري مب متأكد المهم سوى مجموعة وتوسع .. بعد تعرض لسرقة كبيرة من نفس عيال البلاد الطيبة اللي ما قلت اسمها .. إضطر يرجع شغله السابق بعقد جديد مقطوع .. وثلاثة اشتركوا في مكتب وكلهم جيدين وتعاونوا عليه فترة ولا مشى وفي النهاية واحد استلمه منهم تعب فيه وايد وبعدين سلمه لمهندس يعطيه ايجار ثابت على الرخصة 15000 ريال بس هذا فيه مخاطرة .. ألحين تقاعد وسئلته هل فتحت مكتب أو لك نية قال لا انا مرتاح بدون وجع راس

اللي توفق لفترة معينة والله أعلم به ألحين شمسوي دكتور مهندس بس كان يداوم ليل نهار في المكتب وتعبت صحته وسوى كم عملية قلب .. مهندس آخر اتجه للذوق الرفيع وفتح محل ملابس نسائية وأزياء وهذا توفق لأبعد الحدود وفتح كم مشروع بعده
بس كلهم بعيدين عن تخصصه

[معماري قطري]

المكتب الهندسي يعتبر من المشاريع صغيرة - متوسطة الحجم .. بين الاثنين ولو بيفتحه مهندس يديره عن بعد وأهم شيء يمسك الادارة المالية ويخلي الفنية لمهندس مسؤول بس لازم يتابع متابعة حثيثة بيتوفق إن شاء الله

دخول هذا المجال يبغي له راسمال مناسب يبدأ من مليون لأول سنة وحسب قوة المكتب وطاقمه ممكن يوصل لأرقام كثير أعلى .. التأسيس سهل بس استمرار العمل والسيولة اللي بتدخل على المكتب هذي شوي صعبة .. المستفيدين أكيد الأجانب اللي يبغون المخاطرة كلها على القطري وهم يبون رواتب وشغل مريح وسكن وسيارات وضمان صحي وبلاوي كثيرة على صاحب العمل الالتزام بها .. بعدين يبغي علاقات ومشاريع كبيرة حتى يمشي صح مشاريع بيوت وفلل هذي سوقها ضعيف ومزعج

[لطيف الروح]

السؤال من هو المستفيد من الوضع الحالي

[ابو عبدالله.]

مساء الورد

ضحكتني بالي اتجه للزوق الرفيع ههههه

فرحت لما حطيت جذور المشكله وهي ان ناس لعبت بالمهندس القطري اكثر من مره

هذه وحده من المشاكل الي لو تنحل كان ربح و انشهر و تميز

طبعا تعليقك الي بطل عيوني عن الجنسيه. ايش بقى ما قلته هههههه

المال السايب يعلم السرقه

ومب اي حد يفتح بزنس اذا ما عرف كيف يضبط الامور وهي قدرات شخصيه ايضا

ذكرتني بسالفه. يالله بنسولف

كنت بأمريكا و رجعت قبل سنه الفين اخوي قال لي تابع بيتين الايجار للوالد الله يرحمه لان تعبونا المستاجرين وما يدفعون

قلت له بشرط محد منكم يتدخل دام بمسكهم بيت بام اغويليه ما دفعوا ست شهور ان ما يعطونهم معاشاتهم و هالسوالف. باكستانيين فوق العشره

رحت مع رفيجي و دخلا بنص الحوش وقلت له اي شي اقوله قول جدامهم تمام

طلعوا لي و مشوا علي حركه. او احنا نتذكرك لما تجي مع بابا وانت صغير

قلت لهم برع شيلوا شناطكم. هذا رفيجي بيهدم البيت و بيبني عماره و بيعطيني عشره الاف شهريا

اعتفسوا و طلعوا ايجار شهرين و قالوا نبي صيانه للبيت. يستعبطون عشان انزل من الايجار ايامها الف و مئتين

قلت لهمادفعوا كل الي عليكم و بعدها نتكلم. لين سددوا خلال ست شهور ايجارين شهريا. بعدها قلت لهم مثل ما نطرتكم ست شهور انطروا ع الصيانه ست شهور ثانيه و رفعت الايجار لين الفين و مئتين وبعد كان اقل من سعر السوق لكن قلت ما يخالف

و بيت بالدفنه نفس الشي. عربي ساكن بالف و خمسميه و قالت البيت تشليح تارسه قطع غيار. و يعطي اخوي قبل 17 الف ويقول سامحني بالاف الناقصه. يعني يدفع 1400 شهريا رحت له طلع لي بعكاز و انه مريض بعد فتره شافه ولد عمي بدون عكاز و صاحي وما فيه الا العافيه

رجعت له وقلت له اطلع ولا ادفع الفين و مئتين و دفع

اخيرا هدمنا البيت و بنيناه بمنحه الدوله و أجرته ب 24 الف حاليا. نوزعها للورثه

اخوي مع انه شديد و يحسن التصرف ما عنده القدره ان يشوف امور انا كنت اشوفها من المستاجرين وكانوا عايشين شبه مجاني بعقارات انحرم الورثه من مدخولها لسنوات

مش معناها اني افضل من اخوي لكن قدرات تفرق بين شخص و شخص

مع ان اخوي شاطر بالبزنس و ماشي شغله الحمد لله

[ابو عبدالله.]

بذكر نقطه مهمه وهي ان احنا ناخذ الامور على علاتها كروتين او لان غيرها سواها و سمعنا عن تجاربهم

انا ما كنت افهم اي شيء عن امور البيئه. ابدا. ميح

و تعرفت على مختصين فطاحل بجهات اخرى اول ما مسكت بعض الامور البيئيه

للحين في امور هم اقدر مني فيها لكن في امور انا اقدر. ليش

انا انظر للامور بعين تختلف عن بعضهم

بعضهم مغموس بالعمل و حروب اعصاب و تركيز على امور معينه وانا مخي فاضي من حروب الاعصاب. تصدق. ما اعطي حد فرصه يتناحس معاي. اوفر هالوقت و حرق الاعصاب و احطه بالعمل

لدرجه اني ادخلت امور جديده بصناعتنا منها تدوير النفايات الخطره و التعامل مع الاشعاع و تجديد تواريخ كيماويات عبر الموردين بعد التحليل
و الي ما ينفع يتجدد ياخذه المورد مجانا. عشان ما نحتاج نتكلف قيمه حرق الكيماويات بالمحرقه المعترف بها

تدري محد فكر فيها من قبل لا بقطاعنا ولا بقطاعات اخرى

تذكر كم قلت لك وفرنا على جهه العمل و بالدولار و لسنوات اكثر من عشر سنوات

ما تتخيل كيف اعاده التدوير جلس مديري يطالعني و يقول كيف هذا. مع انه مدير و عنده دكتوراه و شهاده محاماه امريكيه و يخطب بالكنسيه بعد

شغل جامد وصل الى فصل مواد عن مواد اخرى و تتجزء و كل ماده تروح لشغله نستخدمها فيه

و الاشعاع لو بذكر ايش سويت فيه حتى الي بالوزاره بيقولون هذا فلان الي سواها محد غيره بتاريخ قطر عمل هالشغله

مع هذا. وين المدراء بالشركات الثانيه و رؤساء الاقسام و خبراء بالدكتوراه و الماستر محد فكر في هالامور مع انها من صميم عملهم

لو نجلس معاهم كلن بيقولون لا ما يصير و الي حاولوا فشلوا و تعقيدات اداريه و اداره العمليات ما بتوافق. الخ

شرايك ان بعضهم يتواصل معاي يسال عن امور كيف اسويها و يطبقونهاعندهم

شرايك اني فتحت قضيه دمج الهلال الاحمر في خطط كوارث التسربات النفطيه لرفع عدد المتطوعين في التنظيف و الجاهزيه وهذا شيء عالمي و مطلوب

كم صار لقطاع النفط للحين محد فكر فيها

اعتقد ان مكاتب الهندسه بنفس النمط. تحتاج مجددين لهم بارض و وقت يجلسون و يرتبون امورهم لتطوير المكاتب و سد الثغرات وعمل خدمات اضافيه توسع شغلهم

و عجبتني كلمتك ان يدير المكتب عن بعد و يمسك الامور الماليه

يعني بعض الحلول متوفره وكانت تحتاج ذكر فقط

اقول لك تقدر تفتح مكتب و تمشيه مضبوط ما صدقت هههه

وما عندي شي اسمه عوار راس اعرف شي اسمه الي تحتي يعرف كيف اشتغل و اذا بيلعب مب احسن له

اكافئ المجتهد و ادوس المستهتر. هذا حلال العيال هههه

[ابو عبدالله.]

السؤال من هو المستفيد من الوضع الحالي

المستفيد هو من وجد فجوه يستغلها وما همه صاحب الحلال. يلعب و يصدر شغل لمكاتب منافسه عشان بخشيش او وعود بعمل عندهم بعد فتره

صاحب الحلال لازم يكون عنده كاريزما يجذب الموظفين و يعرفون حدوده و بوارقه

يعرفون ان قلبه طيب لكن للي يستاهل مش اذا باق بيسامحه وكل شي ممكن توثيقه عشان ينصاد المتلاعب بسهوله

[معماري قطري]

مساء الورد

ضحكتني بالي اتجه للزوق الرفيع ههههه

فرحت لما حطيت جذور المشكله وهي ان ناس لعبت بالمهندس القطري اكثر من مره

هذه وحده من المشاكل الي لو تنحل كان ربح و انشهر و تميز

طبعا تعليقك الي بطل عيوني عن الجنسيه. ايش بقى ما قلته هههههه

المال السايب يعلم السرقه

ومب اي حد يفتح بزنس اذا ما عرف كيف يضبط الامور وهي قدرات شخصيه ايضا

ذكرتني بسالفه. يالله بنسولف

كنت بأمريكا و رجعت قبل سنه الفين اخوي قال لي تابع بيتين الايجار للوالد الله يرحمه لان تعبونا المستاجرين وما يدفعون

قلت له بشرط محد منكم يتدخل دام بمسكهم بيت بام اغويليه ما دفعوا ست شهور ان ما يعطونهم معاشاتهم و هالسوالف. باكستانيين فوق العشره

رحت مع رفيجي و دخلا بنص الحوش وقلت له اي شي اقوله قول جدامهم تمام

طلعوا لي و مشوا علي حركه. او احنا نتذكرك لما تجي مع بابا وانت صغير

قلت لهم برع شيلوا شناطكم. هذا رفيجي بيهدم البيت و بيبني عماره و بيعطيني عشره الاف شهريا

اعتفسوا و طلعوا ايجار شهرين و قالوا نبي صيانه للبيت. يستعبطون عشان انزل من الايجار ايامها الف و مئتين

قلت لهمادفعوا كل الي عليكم و بعدها نتكلم. لين سددوا خلال ست شهور ايجارين شهريا. بعدها قلت لهم مثل ما نطرتكم ست شهور انطروا ع الصيانه ست شهور ثانيه و رفعت الايجار لين الفين و مئتين وبعد كان اقل من سعر السوق لكن قلت ما يخالف

و بيت بالدفنه نفس الشي. عربي ساكن بالف و خمسميه و قالت البيت تشليح تارسه قطع غيار. و يعطي اخوي قبل 17 الف ويقول سامحني بالاف الناقصه. يعني يدفع 1400 شهريا رحت له طلع لي بعكاز و انه مريض بعد فتره شافه ولد عمي بدون عكاز و صاحي وما فيه الا العافيه

رجعت له وقلت له اطلع ولا ادفع الفين و مئتين و دفع

اخيرا هدمنا البيت و بنيناه بمنحه الدوله و أجرته ب 24 الف حاليا. نوزعها للورثه

اخوي مع انه شديد و يحسن التصرف ما عنده القدره ان يشوف امور انا كنت اشوفها من المستاجرين وكانوا عايشين شبه مجاني بعقارات انحرم الورثه من مدخولها لسنوات

مش معناها اني افضل من اخوي لكن قدرات تفرق بين شخص و شخص

مع ان اخوي شاطر بالبزنس و ماشي شغله الحمد لله

عيل جيراننا في ام غويلينة عندنا عقارين هناك واحد يمكن عمره 50 سنة والثاني شباب يمكن 8 سنين

[معماري قطري]

المستفيد هو من وجد فجوه يستغلها وما همه صاحب الحلال. يلعب و يصدر شغل لمكاتب منافسه عشان بخشيش او وعود بعمل عندهم بعد فتره

صاحب الحلال لازم يكون عنده كاريزما يجذب الموظفين و يعرفون حدوده و بوارقه

يعرفون ان قلبه طيب لكن للي يستاهل مش اذا باق بيسامحه وكل شي ممكن توثيقه عشان ينصاد المتلاعب بسهوله

معانا رسام معماري شاطر في الدوام الحكومي الصبح .. قال بيشتغل في الليل في مكتب واحد من الربع .. يقول دخلت عليه الا قاعد يفح وهو متين وايد ومجمع حوله ناس غرب يقول شيكت كمبيوتره طلع يشتغل شغل خاص غير .. وعنده عقود بإسم المكتب .. يقول عصبت عليه وطردته وهددته باجراء قانوني لو سمعت عن شغل ياخذه باسم المكتب

[معماري قطري]

السؤال من هو المستفيد من الوضع الحالي

الهنود يشتغلون بذمة وضمير وكذلك الفلبينيين وقليل منهم تحصله معماري شاطر والمعماري هو قائد فريق العمل الهندسي شاء من شاء وأبى من أبى بس في قطر أي مهندس يخلونه يقود وما تهمهم الخبرة لذلك تحصل المشاريع بعضها غش

[معماري قطري]

المصريين واللبنانيين بعضهم شاطرين معمارياً بل بعضهم فنانين لكن تعال في باقي الشغلات تحصلها أي كلام كهربة وانشائي وميكانيك

[ابو عبدالله.]

عيل جيراننا في ام غويلينة عندنا عقارين هناك واحد يمكن عمره 50 سنة والثاني شباب يمكن 8 سنين

عيل انت من الحرس القديم للدوحه هههه

وايد ناس كانت ساكنه هناك. و مدينه خليفه كانت تعتبر بعيده

[ابو عبدالله.]

معانا رسام معماري شاطر في الدوام الحكومي الصبح .. قال بيشتغل في الليل في مكتب واحد من الربع .. يقول دخلت عليه الا قاعد يفح وهو متين وايد ومجمع حوله ناس غرب يقول شيكت كمبيوتره طلع يشتغل شغل خاص غير .. وعنده عقود بإسم المكتب .. يقول عصبت عليه وطردته وهددته باجراء قانوني لو سمعت عن شغل ياخذه باسم المكتب

لو انا كان بهدلته و مسكت عليه زله. و بستمر اخليه يشتغل

عندي حكمه ان امسك الغلطه و اربطه بها الا اذا كررها فهذا يبي زواله

اي حد بتجيبه بشغل شوف من حوله و اعرف من يعرف مثله ومن ينفعك بشغله ثانيه مثل ما هم يتفرعون و يمصون دمنا احنا لازم نعرف كيف نستفيد منهم و نطلع من وراهم امور. مثل مهندسين ثانيين او اي شي نافع. عشان اذا انصاد بغلط تطلعه و تجيب الاحسن منه ومن معلوماته هو وحتى الناس الي يسويلهم شغل من وراك

مادري كيف لكن الله معطيني هالقدره ان اشوف الشخص و اعرف بواطنه او اصيد غلطاته بسهوله يعني ينكشف جدامي بسرعه

و الي ينصاد يحاسب معاي جدا و يصير افضل من قبل او خلال ايام من احس انه يتعمد يسوي نفسه مسكين و اشك بتصرفاته اذلفه

[ابو عبدالله.]

الهنود يشتغلون بذمة وضمير وكذلك الفلبينيين وقليل منهم تحصله معماري شاطر والمعماري هو قائد فريق العمل الهندسي شاء من شاء وأبى من أبى بس في قطر أي مهندس يخلونه يقود وما تهمهم الخبرة لذلك تحصل المشاريع بعضها غش

الهنود يعرفون لكن ما عندهم بصيره و تصرف. يمشي الامور العاديه نعم لكن يخورها اذا مر عليه شي ما عرفه فلازم تشيك عليه من فتره لفتره
و الفلبينيين بعد اوكي

العرب للاسف هم الي يظنون انهم فهلويه و يبي يسمسر على حساب مكتبك او شغلك. دوم يحسبون انهم اذكى. و للاسف بعض اصحاب الحلال يعطونهم هالفرص

[ابو عبدالله.]

ياخوي تفرعنا على حساب موضوع الرجال عن فتح مكتب ههههه

الحين بنرجع للموضوع نبي نفرحه

انت ذكرت عقبات فتح مكتب وهذا جيد جدا

فأذا صاحب الموضوع تجاوز هالعقبات بيكون فتح مكتب شيء ممكن

صح

انا اايد فتح مكتب لكن بخدمات مضافه ترفع مدخول المكتب

و خدمات انا افكر فيها جديا من فتره

يدخل مع الاستشاره موضوع الوساطه العقاريه و تعاون مع شركات المواد و المسابح و كل الي يحتاجه العميل و بيكون له خصومات و نسب من جلب عملاء لهالشركات

و بضيف

اذا عنده رأس مال او ادخار يقدر يشارك بعض ملاك الاراضي في تطوير الارض و بيعها كفيلا و له نصيبه من الربح

دهنا في مكبتنا. هو الاستشاري ما بيكلفه شي بالشراكه بالمخطط و الرخص و المتابعه و ايضا جلب المواد و المقاولين لانه مكتب اساسا وله سعر افضل من الافراد العاديين

مقاولي ببيت الاسكان عرض علي تطوير ارض بام صلال علي و كلن بنصيبهمن الربح

لكن ما مشت علي لان بيحاسب البناء مع الربح و بعدها بحسب علي ربحه من البيع و حسابيا بياخذ اكثر مني بالنهايه فما وافقت و بتفاوض معاه مستقبلا يمكن

[ابو عبدالله.]

حد منكم يعرف استشاري بموقع الكتروني يعرض خدمات و معروف بالدوحه

انا ما اعرف و هذا نقص بالمكاتب ولازم يتوفر

على الاقل يعرض مشاريعه الي سواها و تسجيل للعملاء و يتواصلون و يعرض عينات من مخططات او جزء منها لجذب العميل

و يقدر اي عميل يتابع مشروعه من هالموقع بدل صور واتس اب و تقرير يادوب يقرأ

نماذج عقود و نصائح للبناء و امور كثيره المهندس ادرى مني فبها

خدمات تقسيم و فرز الاراضي و متابعه معاملاتها بالوزارات

خدمات متابعه و تقديم تحويل العقارات لتجاريه و رخص دفاع مدني للعمارات و الصالونات مثلا

تعرفون كم وقت و تعب فيها و عملاء يبون الراحه و بيدفعون

رخص للمباني و المخازن شي لتخزين مصادر مشعه و شي لكيماويات و شي لاغذيه الخ

كل هالخدمات اون لاين لكن كثير ما يعرفون كيف يقدمونها و يتابعونها و انا اعرف تصدقون هههه

خلال فترات طويله مسكت كل هالرخص ومنها رخص انظمه المراقبه الامنيه حتى و اعرف الشروط و الاستثناءات وحتى رخص العيادات و الممارسين الصحيين

و العيادات و المستشفيات يمرون بطلبات ووشروط ما يعرفون كيف يخلصونها و تستمر بعضها لسنوات لانائها

كل هذا و تعتبر مباني و تقع تحت صلاحيه مكتب استشاري لو حب يقدم هالخدمات او برخص تحت سجله التجاري

اي متطلب لتعديل مبنى لهذه الرخص يقدر يستلمها و ياخذ مبالغ حلوه جدا

اذكر ان رخصه مخزن كيماويات احتاجوا اكثر من ست شهور لتجديدها و السبب عدم معرفه رفع لسته المواد كامله و تصنيفها
و رخصه مخزن مصادر مشعه يمكن سنه

و رخصه عياده و رخصه مخزن نفايات

اللسته تطول

مع ان هالامور انا افكر بفتح بزنس من وراها لكن كتبتها كمعلومات لو حد يبي يسويها

ان الله سهل لي بسوي وساطه عقاريه و صيانه و تخليص رخص على مستوى الشركات
و السالفه ما تحتاج اكثر من شخصين وانا معاهم كمسؤول مباشر

[معماري قطري]

عيل انت من الحرس القديم للدوحه هههه

وايد ناس كانت ساكنه هناك. و مدينه خليفه كانت تعتبر بعيده

لا عمرنا ما سكنا كنا في الغانم القديم بس جدي الله يغفر له كانت له أملاك .. انتقلنا من القديم للي يسمونه الجديد من فوق 55 سنة عمري وقتها كان شهور وكنا آخر المنتقلين قبلنا ناس بنوا وسكنوا .. على بدايات ال 1960 كان وقتها البنيان بأساسات حصى كبار وفوقه طابوق وفوق دنجل وخشب عراض شوي للغرف الواسعة

[معماري قطري]

حد منكم يعرف استشاري بموقع الكتروني يعرض خدمات و معروف بالدوحه

انا ما اعرف و هذا نقص بالمكاتب ولازم يتوفر

على الاقل يعرض مشاريعه الي سواها و تسجيل للعملاء و يتواصلون و يعرض عينات من مخططات او جزء منها لجذب العميل

و يقدر اي عميل يتابع مشروعه من هالموقع بدل صور واتس اب و تقرير يادوب يقرأ

نماذج عقود و نصائح للبناء و امور كثيره المهندس ادرى مني فبها

خدمات تقسيم و فرز الاراضي و متابعه معاملاتها بالوزارات

خدمات متابعه و تقديم تحويل العقارات لتجاريه و رخص دفاع مدني للعمارات و الصالونات مثلا

تعرفون كم وقت و تعب فيها و عملاء يبون الراحه و بيدفعون

رخص للمباني و المخازن شي لتخزين مصادر مشعه و شي لكيماويات و شي لاغذيه الخ

كل هالخدمات اون لاين لكن كثير ما يعرفون كيف يقدمونها و يتابعونها و انا اعرف تصدقون هههه

خلال فترات طويله مسكت كل هالرخص ومنها رخص انظمه المراقبه الامنيه حتى و اعرف الشروط و الاستثناءات وحتى رخص العيادات و الممارسين الصحيين

و العيادات و المستشفيات يمرون بطلبات ووشروط ما يعرفون كيف يخلصونها و تستمر بعضها لسنوات لانائها

كل هذا و تعتبر مباني و تقع تحت صلاحيه مكتب استشاري لو حب يقدم هالخدمات او برخص تحت سجله التجاري

اي متطلب لتعديل مبنى لهذه الرخص يقدر يستلمها و ياخذ مبالغ حلوه جدا

اذكر ان رخصه مخزن كيماويات احتاجوا اكثر من ست شهور لتجديدها و السبب عدم معرفه رفع لسته المواد كامله و تصنيفها
و رخصه مخزن مصادر مشعه يمكن سنه

و رخصه عياده و رخصه مخزن نفايات

اللسته تطول

مع ان هالامور انا افكر بفتح بزنس من وراها لكن كتبتها كمعلومات لو حد يبي يسويها

ان الله سهل لي بسوي وساطه عقاريه و صيانه و تخليص رخص على مستوى الشركات
و السالفه ما تحتاج اكثر من شخصين وانا معاهم كمسؤول مباشر

كثير مكاتب تسوي هالأشياء بس موقع وعرض إنسى يخافون حتى ما يعطونك الا سكتش مبهم

[ابو عبدالله.]

الرخص يسوونها مكاتب الطباعه اكثر من الاستشاريين هههه

اتكلم عن الصحه و المخازن

الدفاع المدني نعم بعضهم يسوونها بس حق العماير و نظام الاطفاء و بعد يتعطلون وايد بسبب المندوبين

[معماري قطري]

بعضهم عندهم التصميم كامل بس يعطيك فلور بلان ما فيه حتى تفاصيل من توافق وتتفق يبدأ يطلع لك شوي شوي .. بالنسبة للانشائي وايد ما يحسبون ولا يتعبون نفسهم تصميم جاهز للأساس وللعمود وللجسور والصبيات وكله مبالغات .. أعرف واحد مختص انشائي وكنت أول حياتي العملية معاه انشائي وبديت في حسابات حديد وتصميم انشائي وكنت اروح مواقع آخذ فكرة بس ما طول فنش وتورطت اضطريت اركز على المعماري .. انا من القلائل اللي عندهم التخصصين مدني ومعماري بكالوريوس فنون وبكالوريوس علوم .. السترآكشر لو تركته فترة تنساه وتحتاج وقت ومراجع حتى ترجع له وقليل قطريين يواصلون فيه أما العمارة غير وحبيتها أكثر ويمكن انا أكثر تكنكل وعملي عن الجماليات والتعقيد

هذا رفيجي الانشائي كان يحط كميات حديد وسمك خرسانات وأحجام أساسات وعدد أعمدة أقل بحدود النص .. يعني لو الخرسانات بتكلفك 700 ألف هذا يوفر لك 350000 .. وقتها كانت البلدية مشتطة تدقق حتى الخرايط الانشائية وكانوا يحققون تحقيق طويل مع المهندس اللي يصمم تصميم اقتصادي كله متخرعين إن المبنى بيطيح وهذا صمم بيت مديرنا أو خل نقول أعاد تصميمه ودراسة الكميات وسوى شيء كفاية بدون مبالغات .. وبيته قايم من التسعينات للحين بدون مشاكل وشلوخ

[معماري قطري]

ياخوي تفرعنا على حساب موضوع الرجال عن فتح مكتب ههههه

الحين بنرجع للموضوع نبي نفرحه

انت ذكرت عقبات فتح مكتب وهذا جيد جدا

فأذا صاحب الموضوع تجاوز هالعقبات بيكون فتح مكتب شيء ممكن

صح

انا اايد فتح مكتب لكن بخدمات مضافه ترفع مدخول المكتب

و خدمات انا افكر فيها جديا من فتره

يدخل مع الاستشاره موضوع الوساطه العقاريه و تعاون مع شركات المواد و المسابح و كل الي يحتاجه العميل و بيكون له خصومات و نسب من جلب عملاء لهالشركات

و بضيف

اذا عنده رأس مال او ادخار يقدر يشارك بعض ملاك الاراضي في تطوير الارض و بيعها كفيلا و له نصيبه من الربح

دهنا في مكبتنا. هو الاستشاري ما بيكلفه شي بالشراكه بالمخطط و الرخص و المتابعه و ايضا جلب المواد و المقاولين لانه مكتب اساسا وله سعر افضل من الافراد العاديين

مقاولي ببيت الاسكان عرض علي تطوير ارض بام صلال علي و كلن بنصيبهمن الربح

لكن ما مشت علي لان بيحاسب البناء مع الربح و بعدها بحسب علي ربحه من البيع و حسابيا بياخذ اكثر مني بالنهايه فما وافقت و بتفاوض معاه مستقبلا يمكن

كنت مشرف على بناية للوالدة الله يحفظها وبنيناها 1998 وتمت دور كامل ما تأجر فترة طويلة وخططت مع واحد نفتح فيه مكتب استشاري ومعاه عقارات وبديت دراسات مبسطة وهو كله يعقد الأُمور بعدين قلت له تعال انت وايد معقد صعب استمر معاك وتخليت عن الفكرة كنت شبه مأجلها بس الحين اعتبره تخلي نهائي

[ابو عبدالله.]

مساء الخير

اغبطك على راحه البال

انا احب استخدم الامكانيات المتاحه سواء خبره او اي شيء اخر

انت شجعتني بحديثنا عن المكاتب

تصدق استشرت كذا صديق ومنهم اصحاب مكاتب وساطه و الكل مؤيد اني افتح مكتب وساطه

وفوق هذا طلعوا لي مكتب برويس ب 1500 عشان اطلع رخصه البلديه تصدق

واحد بجهه حكوميه علمني بالمتطلبات و بيساعدني برخصه الوساطه

واحد جزاه الله خير قال لي امسك مجمع سكني وهات لي مستأجرين. و فلتين بالخيسه كبار

هذا امس بالليل و فتحت ايميل و حساب انستغرام بأسم السجل الي عندي وهو كان برخصه العاب و بحوله لوساطه

صديق عطاني رقم مكتب من ربعه و بيتعاون معاي ببعض الامور منها تثمين و مشاركه بالوساطه

هذا الصديق عنده شركه و ابوه عنده وكاله اجهزه معروفه بالدوحه و فاهم التجاره بالوراثه و فعلا الي يفهم تستفيد منه و علمني امور ما كنت حاطها ببالي

ناقصنا واحد مندوب شاطر و بعلمه على رخص للمباني للصحه و الدفاع المدني و المخازن الخطره كخدمه لتطوير المباني و تسهيلات عملها

شرايك اسميه ابو عبدالله انتربرايس ههههه

والله شجعتونا

اذا بننصح اخونا صاحب الموضوع فأقول له ادرس فكره مكتب استشاري صح و ان ارتحت توكل على الله

[معماري قطري]

الله يوفقك بو عبدالله الوساطة أفضل اشوفها ورزق مضمون

أحد كبار المكاتب في قطر كان فاتح في الجسرة مكان سوق واقف وكان مؤجر شقة كاملة للمخططات الورقية يحفظون نسخة لشغلهم في جو ما فيه نور طبيعي وظلام أغلب الوقت .. نقل لقرب جسر راس بو عبود وألحين نقل لعمارة الجبر خذ مكان كبير من عدة أدوار محل ديوان المحاسبة قبل .. هذيلا متعسرين ألحين وهم في السوق من فوق 45 سنة وقلصوا موظفينهم بشكل كبير كانوا واصلين 1700 مهندس وموظف .. بعد ما توفى كبيرهم المعماري اللي ماسك المكتب وكان معماري خبرة صمم مسجد الأصمخ وأدخل فيه رموز بوذية ترمز لخرطوم الفيل ومشت على الأوقاف .. انا من شفته عرفت السالفة

صمم نادي الريان السابق اللي هدموه .. واشتغل في تصاميم كثيرة .. إشتغل معاي في تصميم فندق أو بمعنى أصح نادي فندقي وصراحة عدل لي وايد وكنا ماشين شوط كبير في التصميم حولناه لمكتبهم لعدم وجود مهندسين كفاية عندنا بس روح التصميم خذها مثل ما هي .. علق شوي على بيتي الحالي بس كان راسي يابس ابي التصميم مثل ما هو .. من فترة بسيطة عرفت إن مؤسس المكتب مهندس في الأساس قطري ومن كبار رجال الأعمال

[معماري قطري]

عن الاسم سمه اسم يرمز لنشاطه أفضل

[ابو عبدالله.]

الله يوفقك بو عبدالله الوساطة أفضل اشوفها ورزق مضمون

أحد كبار المكاتب في قطر كان فاتح في الجسرة مكان سوق واقف وكان مؤجر شقة كاملة للمخططات الورقية يحفظون نسخة لشغلهم في جو ما فيه نور طبيعي وظلام أغلب الوقت .. نقل لقرب جسر راس بو عبود وألحين نقل لعمارة الجبر خذ مكان كبير من عدة أدوار محل ديوان المحاسبة قبل .. هذيلا متعسرين ألحين وهم في السوق من فوق 45 سنة وقلصوا موظفينهم بشكل كبير كانوا واصلين 1700 مهندس وموظف .. بعد ما توفى كبيرهم المعماري اللي ماسك المكتب وكان معماري خبرة صمم مسجد الأصمخ وأدخل فيه رموز بوذية ترمز لخرطوم الفيل ومشت على الأوقاف .. انا من شفته عرفت السالفة

صمم نادي الريان السابق اللي هدموه .. واشتغل في تصاميم كثيرة .. إشتغل معاي في تصميم فندق أو بمعنى أصح نادي فندقي وصراحة عدل لي وايد وكنا ماشين شوط كبير في التصميم حولناه لمكتبهم لعدم وجود مهندسين كفاية عندنا بس روح التصميم خذها مثل ما هي .. علق شوي على بيتي الحالي بس كان راسي يابس ابي التصميم مثل ما هو .. من فترة بسيطة عرفت إن مؤسس المكتب مهندس في الأساس قطري ومن كبار رجال الأعمال

صباح الخير

بهالوقت صرنا واعين ان البزنس مثل الانسان يولد صغير و تراعيه بكل قلبك
و يكبر و يصير قوي لين يشيخ و يموت بيوم ما

كثير من الشركات افلست و السبب التغير التكنولوجي و اخرها بري مارك لندن افلس لصالح منتجات النت و امزون و غيرها

التغيير وارد و تقلب الحال حاصل لا محاله

الي اتمناه ان اذا بفتح بزنس ما يولد لين يموت بدون ما اطلع منه شيء مستدام مثل ان ارباحه تكون لي استثمار عقاري او بزنس ثاني جديد او اي شيء اقدر اقول. ان كل تعبي ما راح هدر

[ابو عبدالله.]

عن الاسم سمه اسم يرمز لنشاطه أفضل

هههه اكيد. كنت اتغشمر عن انتربرايز

شوف الموضوع الثاني حطيت لك الشركهالكويتيه الي تبيع عقارات بألمانيا

[معماري قطري]

هههه اكيد. كنت اتغشمر عن انتربرايز

شوف الموضوع الثاني حطيت لك الشركهالكويتيه الي تبيع عقارات بألمانيا

ما تقصر يا معود