سوال عن تسجيل سياره في المرور -- من امريكا الى قطر

[qtri2013]

كيف بيكون اجرءات عشان اسجل السياره لما توصل الدوحه ؟؟

موديل السياره dodge ram 2005


بيكون مع السياره كل الاوراق --وعقد السياره موجود



سوالي الحين هل بينسمح لي اني اسجلها ؟؟ وهل فيه اي مشاكل ؟ حبيت اعرف عشان اكون عندي العلم من الحين


ابي اعرف الاجرائات كلها لما يوصل الموتر الى تسجيله في المرور

[style]

عمر السياره 15 سنه،،اللي اعرفه مايصير لازم استثناء من وزاره الاقتصاد والتجاره،، واعتقد لازم فحص فني ،،يمكن الاخوه الاعضاء يفيدونك،،هذا اللي اعرفه،لان صارت معاي،،بالتوفيق ومبروك الموتر مقدما

[ya3coub]

الاجرائات تاخذ الاوراق او المفروض عندك نسخ منها من المينا و تروح الاقتصاد و النجارة فلوسيل تطلع استثناء.

و ايضا ورقه عدم ممانعه و السماح بالافراج عن السيارة فالمينا، و توقع تعهد لانه استثناء و انك ما تجيب سيارة ما اتذكر محتويات التعهد.

بعدها تمر المينا من جديد لين يطلعونلك السيارة و تشحنها البيت او اذا ما تحتاج اي شي عبها بترول و الى مبنى اللوحات يركبون عليها لوح تحت التجربة اليرتقالية و من هناك على الفحص الفني تنفحص.

من المينا للبيت او لمبنى المرور لازم سطحه لانه مننوع تمشي باللوح الامريكية كون ما عليها تامين على لوح امريكا او بعضهم بدون لوح فامريكا يشيلون اللوح و اتكون معاك اذا موترك الشخصي كان عندك فامريكا.

من المرور اللوحات الى الفحص و ترجع لهم تقدر تسوق الموتر بس اذا راعي السطحه تعرفه عن نفسي من المينا للوحات للفحص للوحات من جديد "في حالة نجاح الموتر" و عقبها للبيت كله يقوم فيها راعي السطحه.

و الف مبروك عليك الموتر، في حالة الرسوب عندك شهر لتصليح العيوب و ترجع تفحص و اللوحه البرتقالية تلمينها شهر و تدفع عليها غير التامين شهريا 100 ريال.

هاي تجربتنا مع جمس اخوي و صارت سالفه الكرونا و الى الان فالصناعية محد فاضي له يراجع لين افتحو كلشي بنشوف موضوع الفحص من جديد.

[qtri2013]

ماقصرت اخوي . انا كنت حاب اعرف لاني اول مره اطلب سياره من برع


فيه واحد في امريكا هو راح يخلص لي اجرأت الشحن وعقد


وكان حاب اعرف اشلون بسجل الموتر لما يوصل الدوحه



والسياره الحمدلله نظيفه ولا عليها اي شي من ناحيه الفحص وممشه قليل بعد


انا بس كنت خايف تصير لي مشكله من ناحيه تسجيل السياره . ومشكور مره ثانيه



ادا حد عنده اضافه او شي يشفيه ضيفه على كلام اخونا يتفضل .....

[جعران]

السماح لدخول السيارات
الخصوصية 5 سنوات
وسيارات النقل الخاص
7 سنوات
——
في طريقتين انهاء المعاملة
1- دخولها بلوحات تصدير
من بلد المنشاء
2-او دخولها بلوحات البلد المركبة عليها
3- عند وصولها قطر
تعرض على الجمارك
مع جميع اوراقها مثل
برائت الذمة من مرور بلدها الاصلي
والجمارك هواء اللى يوجهك
لكمال الاجراءات في قطر
او لعودتها للبلاد التى
أتت منها

[qtri2013]

الموتر 2005

هل بينسمح في الجمارك ولا ؟

[وليف الشوق]

حسب علمي ان المسموح فيه السيارات الكلاسيكيه القديمه مسموح فيها اما السيارات القديمه مثل هالموديل الا تصريح من وزارة التجارة

[qtri2013]

هل اقدر اطلع استثناء للسياره ؟ في وزاره التجاره

[style]

هل اقدر اطلع استثناء للسياره ؟ في وزاره التجاره
ليش قاعد تسال وايد فالمنتدى كنها وزاره الاقتصاد ،. الشباب ردو عليك لازم استثناء ،بالعربي شيل عمرك وروح لهم
كل شي موجود عندهم حتى فورمه الطلب عندهم،،معلومه لك لاتشحن السياره قبل لاتاخذ موافقه بالاستثناء من وزاره الاقتصاد والتجاره،،الموافقه تاخذ من 3 الى 4 ايام هذا قبل ازمه كورونا ،،الان ماعرف ايش الاجراءات

شكرا

[اللوز]

السؤال هل بتضمن ان بيجيبون لك السيارة
بمعنى هل الشخص اللي بيجيب لك السيارة مضمون ؟

[qtri2013]

السؤال هل بتضمن ان بيجيبون لك السيارة
بمعنى هل الشخص اللي بيجيب لك السيارة مضمون ؟


اي مضمون