تعديلات بالفيلا قبل التسليم

[ابراهيم 2012]

الاخوه معماري والي عندهم خبره بالتسليم يصير خزان الماي والسخانات الي توصل للفيلا يكون تحت بالحوش والغي الي فوق الفيلا

[ابراهيم 2012]

الفيلا علي شارعين والواجهه الاماميه علي شارع اصغر والخلفي كبير اتصلت ببلديه الريان وارسلت المندوب اليوم بغيت تصريح مظلات بالخلف مع باب قالوا ممنوع الحين ممكن احد عنده خبره يفيدنا

[ابراهيم 2012]

رغم انهم عطوني تصريح للمجلس خلف الفيلا ويفتح بالشارع الخلفي

[وليف الشوق]

رغم انهم عطوني تصريح للمجلس خلف الفيلا ويفتح بالشارع الخلفي

الله يهنيك ويجعله منزل عامر لكن شلون عطوك تصريح بعمل مجلس خارجي خلف الفيلا ؟ وبعد يفتح على الشارع الخلفي ؟
لكن سؤالي هل يوجد شارع خلف الفيلا ؟

[sara jsm]

صباح الخير اخوي ابراهيم ..

باوضح لك نقطه ( بلدية عن بلدية تفرق ) للاسف
انا سويت لي باب خلفي وخذت عليه موافقه البلدية قبل ( اتمام البناء )
:
خزان الماي ضروري يكون عندك 2 فوق وتحت ..
لاتعتمد على 1 فقط وممكن تصيرلك عليه مشكله وحدة وينقطع الماي عن الفيلا كلها ..
:
الله يوفقك ويجعله منزل مبارك .

[ابراهيم 2012]

ويهنيك يالغالي جعل عمرك طويل نعم انا وضحت فوق ان الفيلا علي شارعين والشارع الخلفي اكبر من الامامي مرتين وبنفس الشارع اكثر الساكنين فاتحيين ابواب ومسويين مظلات للسيارات لاكن البلديه امس يقولوا ممنوع مظلات خلف الفيلا اوتفتح باب ثاني بالخلف وتري الشارع الكبير فردي موب رئيسي

[ابراهيم 2012]

صباح الخير اخوي ابراهيم ..

باوضح لك نقطه ( بلدية عن بلدية تفرق ) للاسف
انا سويت لي باب خلفي وخذت عليه موافقه البلدية قبل ( اتمام البناء )
:
خزان الماي ضروري يكون عندك 2 فوق وتحت ..
لاتعتمد على 1 فقط وممكن تصيرلك عليه مشكله وحدة وينقطع الماي عن الفيلا كلها ..
:
الله يوفقك ويجعله منزل مبارك .

الله يبارك فيك ويصبحك بالخير فيه برشر جديد الحين تتحكم فيه حسب قوه الماي باي مكان تقدر تحطه وماتفرق اذا الخزان فوق او تحت المشكله ممنوع تحط خزان فوق البنت هاوس عند التسليم لازم يكون له غرفه مفتوحه من الجهتين داخل البنت هاوس القصد انه مع السخانات المركزيه ياخد غرفه كامله من مساحه البنت هاوس وهاي السبب ان بغيت يكون بالحوش

[شموخ دائم]

,

,


مرحبا


اخوي الكريم

بالنسبه للخزان الي فوق هو ضروري في حاله انقطعت الكهرباء لاي سبب من الأسباب
بيكون في ماي بالبيت على الأقل يومين جدام وينزل عادي بالجاذبيه وساعتها بيكون تصلح الخلل وانت ما عانيت من انقطاع الماي
افضل من يوقف الماي عليك وهذا لمصلحتك انه يكون فوق

خزان الماي الان لازم عليه غرفه
تخيل شكل البلد قطر وكل بيت فوقه ( توانكي الماي ) بصراحه هو تشويه لمنظر البلد
راح نكون مثل الدول الفقيره العشوائه اذا كل واحد يركب تانكي الماي بالطريقه الي تناسبه
الأفضل هو القانون يكون عليه غرفه
يحفظ التانكي من الغبار ومنظر جمالي للبلد



التوانكي فوق فيها تشويه واضح
الي يركب عليه كراتين والي يركب عليه اخشاب بليوت والي يلفه بطربال عن الشمس مو الكل يركب مبرد
وخاصه بيوت الايجار مشوهه البلد بصراحه
خل نكون واقعيين هو تشويه للبلد

وكذلك بيبات المنهولات الي نازله من فوق الى تحت للحمامات لابد تكون مخفيه او عليها ( جي ار سي )
هذا منظر جمالي اصبح ضروري


بالنسبه لكراج السيارات
90% من الكراجات الي تشوفها ببيوت الناس هي أصلا بدون ( تصريح )
اذا هي من النوع المعلق من جهه الاماميه بدون اعمده وما لمست ارض الحكومه الخارجيه
فما احد بيكلمك ولو تسئل البيوت الي جنبك بيقولون لك مارحنا البلديه

لو كان فيها تشديد كان شركات الكراجات والمظلات ما بيركب لك الا اذا عندك رخصه
لانه بيكون مخالفه كبيره على الشركه الي ركبت لك فالبلديه مو حاطه أي غرامه على الشركات
وهذا دليل ( غض النظر ) عن هالموضوع




للأسف البلديات مافي ( استاندر واضح ) او بريسيجر للكراجات فيقولون لك ممنوع وهذا اسهل شي
وكل بلديات قطر بيقولون لك ممنوع


عموما اخوي اذا عطوك رخصه للكراجات امام البيت او جنب البيت أي مكان تحصل موافقه اخذها
وانت سو الناحيه الي تبيها اذا مو معرقله السير

بس حاسب من ( زاويه البيت ) هذا شوي عليها تشديد لانها تحجب الرؤيه على السيارات


هذا الخلاصه من خلال مراجعاتي مع البلديات

,
,


شموخ

[sara jsm]

الاخوه معماري والي عندهم خبره بالتسليم يصير خزان الماي والسخانات الي توصل للفيلا يكون تحت بالحوش والغي الي فوق الفيلا

اخوي شنهي مشكلتك مع الخزان ؟ هل عشان الشكل ؟
المفروض في الخرايط عندك بيت الخزان سواء طابوق او حتى اسمنت بورد ..
ممكن تحط خزان صغير فوق والكبير تخليه تحت ( نفس اغلب البيوت ) وتغطيه لان في الوقت الحالي من شروط اتمام البناء ان الخزانات ماتكون مكشوفه عالسطح ( المنظر الجمالي مهم )

:


الفيلا علي شارعين والواجهه الاماميه علي شارع اصغر والخلفي كبير اتصلت ببلديه الريان وارسلت المندوب اليوم بغيت تصريح مظلات بالخلف مع باب قالوا ممنوع الحين ممكن احد عنده خبره يفيدنا

اخوي اغلب اللي مركبين المظلات يركبونها عقب مايسكنون ..
واذا تبي تكون في السليم ركب القواعد داخل البيت عند السور ..
واذا مستقبلا قالوا لك شي .. قولهم لين جيراني شلوا طبيلاتهم باشلها ..

:


رغم انهم عطوني تصريح للمجلس خلف الفيلا ويفتح بالشارع الخلفي

انت يعني تبي يكون لك بابين خلف البيت يفتح عالشارع !!؟ ..
يمكن لازم تعدل عالخرايط عشان يعطونك الموافقات ..


:

ان شاءالله باقي الاخوان يفيدونك اكثر

[ابراهيم 2012]

,

,


مرحبا


اخوي الكريم

بالنسبه للخزان الي فوق هو ضروري في حاله انقطعت الكهرباء لاي سبب من الأسباب
بيكون في ماي بالبيت على الأقل يومين جدام وينزل عادي بالجاذبيه وساعتها بيكون تصلح الخلل وانت ما عانيت من انقطاع الماي
افضل من يوقف الماي عليك وهذا لمصلحتك انه يكون فوق

خزان الماي الان لازم عليه غرفه
تخيل شكل البلد قطر وكل بيت فوقه ( توانكي الماي ) بصراحه هو تشويه لمنظر البلد
راح نكون مثل الدول الفقيره العشوائه اذا كل واحد يركب تانكي الماي بالطريقه الي تناسبه
الأفضل هو القانون يكون عليه غرفه
يحفظ التانكي من الغبار ومنظر جمالي للبلد



التوانكي فوق فيها تشويه واضح
الي يركب عليه كراتين والي يركب عليه اخشاب بليوت والي يلفه بطربال عن الشمس مو الكل يركب مبرد
وخاصه بيوت الايجار مشوهه البلد بصراحه
خل نكون واقعيين هو تشويه للبلد

وكذلك بيبات المنهولات الي نازله من فوق الى تحت للحمامات لابد تكون مخفيه او عليها ( جي ار سي )
هذا منظر جمالي اصبح ضروري


بالنسبه لكراج السيارات
90% من الكراجات الي تشوفها ببيوت الناس هي أصلا بدون ( تصريح )
اذا هي من النوع المعلق من جهه الاماميه بدون اعمده وما لمست ارض الحكومه الخارجيه
فما احد بيكلمك ولو تسئل البيوت الي جنبك بيقولون لك مارحنا البلديه

لو كان فيها تشديد كان شركات الكراجات والمظلات ما بيركب لك الا اذا عندك رخصه
لانه بيكون مخالفه كبيره على الشركه الي ركبت لك فالبلديه مو حاطه أي غرامه على الشركات
وهذا دليل ( غض النظر ) عن هالموضوع




للأسف البلديات مافي ( استاندر واضح ) او بريسيجر للكراجات فيقولون لك ممنوع وهذا اسهل شي
وكل بلديات قطر بيقولون لك ممنوع


عموما اخوي اذا عطوك رخصه للكراجات امام البيت او جنب البيت أي مكان تحصل موافقه اخذها
وانت سو الناحيه الي تبيها اذا مو معرقله السير

بس حاسب من ( زاويه البيت ) هذا شوي عليها تشديد لانها تحجب الرؤيه على السيارات


هذا الخلاصه من خلال مراجعاتي مع البلديات

,
,


شموخ
مشكور كفيت ووفيت

[ابراهيم 2012]

اخوي شنهي مشكلتك مع الخزان ؟ هل عشان الشكل ؟
المفروض في الخرايط عندك بيت الخزان سواء طابوق او حتى اسمنت بورد ..
ممكن تحط خزان صغير فوق والكبير تخليه تحت ( نفس اغلب البيوت ) وتغطيه لان في الوقت الحالي من شروط اتمام البناء ان الخزانات ماتكون مكشوفه عالسطح ( المنظر الجمالي مهم )

:



اخوي اغلب اللي مركبين المظلات يركبونها عقب مايسكنون ..
واذا تبي تكون في السليم ركب القواعد داخل البيت عند السور ..
واذا مستقبلا قالوا لك شي .. قولهم لين جيراني شلوا طبيلاتهم باشلها ..

:



انت يعني تبي يكون لك بابين خلف البيت يفتح عالشارع !!؟ ..
يمكن لازم تعدل عالخرايط عشان يعطونك الموافقات ..


:

ان شاءالله باقي الاخوان يفيدونك اكثر

صحيح بسبب الشكل لان لو بتحط خزان الماي فوق الغرفه الي فيها الخزان لازم تكون مفتوحه ارتفاع الطابوق يكون قريب من متر فقط وباقي الغرفه مكشوف ومن الجنب بتشوه منظر البنت هاوس لاني بسوي حجر من. جميع الجهات للتوضيح اكثر من شارع تشوف البنت هاوس فيه. غرفه مفتوحه ارتفاع الطابوق فقط ممكن متر او متر ونصف وباقي الغرفه مفتوح

[sara jsm]

,

التوانكي فوق فيها تشويه واضح
الي يركب عليه كراتين والي يركب عليه اخشاب بليوت والي يلفه بطربال عن الشمس مو الكل يركب مبرد
وخاصه بيوت الايجار مشوهه البلد بصراحه
خل نكون واقعيين هو تشويه للبلد

وكذلك بيبات المنهولات الي نازله من فوق الى تحت للحمامات لابد تكون مخفيه او عليها ( جي ار سي )
هذا منظر جمالي اصبح ضروري
شموخ

اخوي شموخ خلاص القانون الجديد ممنوع هالشوائب تكون ظاهرة :pic:
وعشان اتمام البناء لازم تكون مغطيهم ..

[sara jsm]

صحيح بسبب الشكل لان لو بتحط خزان الماي فوق الغرفه الي فيها الخزان لازم تكون مفتوحه ارتفاع الطابوق يكون قريب من متر فقط وباقي الغرفه مكشوف ومن الجنب بتشوه منظر البنت هاوس لاني بسوي حجر من. جميع الجهات للتوضيح اكثر من شارع تشوف البنت هاوس فيه. غرفه مفتوحه ارتفاع الطابوق فقط ممكن متر او متر ونصف وباقي الغرفه مفتوح

اخوي شالموجود عندك عالخرايط ؟..
بيت الخزان عبارة عن وشو ؟ بيت طابوق مصكر من 3 اتجاهات ؟
لانك ممكن (( عقب اتمام البناء )) تصكر الجهه الرابعه مع ضرورة وجود تهويه للغرفه ..

[ابراهيم 2012]

اخوي شالموجود عندك عالخرايط ؟..
بيت الخزان عبارة عن وشو ؟ بيت طابوق مصكر من 3 اتجاهات ؟
لانك ممكن (( عقب اتمام البناء )) تصكر الجهه الرابعه مع ضرورة وجود تهويه للغرفه ..
من اتجاهين واثنينهم يبينون من الشارع واضحين كان غرفه بثقف وجدران بارتفاع ست طابوقات هاي الي شفته بالموقع وانصدمت من المنظر وصج ماشفت ولا فيلا بهاي المنظر مادري هاي توه جديد او سكروها بعد اتمام البناء واكيد حولوا مكان الخزان نفس ماهسوي

[sara jsm]

معليه يااخوي هاي كله يتعدل ..
انت التزم بالخرايط وعقب مايخلص المفتش وتاخذ اتمام البناء هني تقدر تعدل ..
واحد من الاخوان هني صكر عالخزانات كله بالمنيوم اظن مش متاكدة !!
لكنه عمل غرفه وفيها باب للعمال وبعد ممكن تصكره ببراغي عشان تقدر تفتحة كامل اذا ( صار ماصار ) وبغيت تبدل الخزان ..

باطرش رابط موضوعك حق واحد من الاخوان وان شاءالله يشارك ويفيدك
وهو تبع بلدية الريان ايضاً

[ابراهيم 2012]

معليه يااخوي هاي كله يتعدل ..
انت التزم بالخرايط وعقب مايخلص المفتش وتاخذ اتمام البناء هني تقدر تعدل ..
واحد من الاخوان هني صكر عالخزانات كله بالمنيوم اظن مش متاكدة !!
لكنه عمل غرفه وفيها باب للعمال وبعد ممكن تصكره ببراغي عشان تقدر تفتحة كامل اذا ( صار ماصار ) وبغيت تبدل الخزان ..

باطرش رابط موضوعك حق واحد من الاخوان وان شاءالله يشارك ويفيدك
وهو تبع بلدية الريان ايضاً
مشكوره اخت ساره وهذا الي بيصير بعد التسليم ان شاءالله

[معماري قطري]

الاخوه معماري والي عندهم خبره بالتسليم يصير خزان الماي والسخانات الي توصل للفيلا يكون تحت بالحوش والغي الي فوق الفيلا

بالمبارك قرب سكن البيت والله يوفقك فيه

انا مخطط للخزانات تحت في بيسمنت خدمي ويمكن يسوون لي تعقيد بس الحلول موجودة لو عذرهم الكهرب باركب احتياط خلايا شمسية .. مصر على فكرة إن الخزانات تحت وباركب 2 كبار وتمديدات المياه كلها تحت وخلال دكتات تكون على جدران داخلية وبعيدة عن حرارة الشمس .. بعدين الكهرباء قليل تبند عندنا ولو بندت بنضطر نجيب ماي بطريقة بدائية

بالنسبة لك صعب تخطط هذا الوضع ألحين أكيد مددت وخلصت ومثل ما قالوا أغلب الإخوان .. حتى وزن التانكي ولا شيء ويتحمله السقف

[معماري قطري]

معليه يااخوي هاي كله يتعدل ..
انت التزم بالخرايط وعقب مايخلص المفتش وتاخذ اتمام البناء هني تقدر تعدل ..
واحد من الاخوان هني صكر عالخزانات كله بالمنيوم اظن مش متاكدة !!
لكنه عمل غرفه وفيها باب للعمال وبعد ممكن تصكره ببراغي عشان تقدر تفتحة كامل اذا ( صار ماصار ) وبغيت تبدل الخزان ..

باطرش رابط موضوعك حق واحد من الاخوان وان شاءالله يشارك ويفيدك
وهو تبع بلدية الريان ايضاً

كلام صحيح يا مهندسة

ممكن بدال الألمنيوم تركب طابوق 10 سم لتخفيف الوزن أو طابوق سيبوريكس 10 سم بعد يعطيك وزن نص وزن الطابوقة العادية وحتى أقل يوصل للثلث .. وظلل من فوق بسندويش بانل بس سوه مخفي ما يبين في الواجهات وسو له تصريف لمياه المطر وعزل من فوق .. الفتحة للتانكي وللدخول تقدر تخليها مفتوحة ما تبين من فوق الوارش يغطيها

[معماري قطري]

اخوي شموخ خلاص القانون الجديد ممنوع هالشوائب تكون ظاهرة :pic:
وعشان اتمام البناء لازم تكون مغطيهم ..

زين ينطلب من المشوهين تعديل الوضع

[ابراهيم 2012]

بالمبارك قرب سكن البيت والله يوفقك فيه

انا مخطط للخزانات تحت في بيسمنت خدمي ويمكن يسوون لي تعقيد بس الحلول موجودة لو عذرهم الكهرب باركب احتياط خلايا شمسية .. مصر على فكرة إن الخزانات تحت وباركب 2 كبار وتمديدات المياه كلها تحت وخلال دكتات تكون على جدران داخلية وبعيدة عن حرارة الشمس .. بعدين الكهرباء قليل تبند عندنا ولو بندت بنضطر نجيب ماي بطريقة بدائية

بالنسبة لك صعب تخطط هذا الوضع ألحين أكيد مددت وخلصت ومثل ما قالوا أغلب الإخوان .. حتى وزن التانكي ولا شيء ويتحمله السقف

الله يبارك فيك انا مسوي التمديدات ثلاث جهات للاحتياط بالحوش والبنت هاوس وفوق البنت هاوس هاي اتفاقي مع مقاول السباكه لكن الي انا ابغيه التانك يكون بحدود ثلاث الاف لتر وجنبه السخانات فبه مكان بزاويه عندي وممكن اسكر عليهم بمظله صغيره ومايخرب المنظر عندي لانه جنب طبيله السباره الداخليه وجنب الصور مختفي شوي ولو لاقدر الله الكهرباء قطعت باسوء الظروف ماكينه كهرباء العنه نستعملها وممكن اكلم الكهربائي بالتاسيس الحين يسوي وصله خاصه بالدينمو مع الماكينه احتياط استعملها وقت الطواريء ونفس ماقال الاخ شموخ صدق بكلامه انا برمضان 2019 بعض جدران الشجر الي قدام البيت دشت بماسورة مياه كهرماء وثلاث ايام لان حفروا حصلوا الخط عندي بالكامل مسكر من اعشاب من الشجر غيروا الخط كامل من الحين نسوي احتياط لكل شي يكون افضل

[معماري قطري]

صحيح بسبب الشكل لان لو بتحط خزان الماي فوق الغرفه الي فيها الخزان لازم تكون مفتوحه ارتفاع الطابوق يكون قريب من متر فقط وباقي الغرفه مكشوف ومن الجنب بتشوه منظر البنت هاوس لاني بسوي حجر من. جميع الجهات للتوضيح اكثر من شارع تشوف البنت هاوس فيه. غرفه مفتوحه ارتفاع الطابوق فقط ممكن متر او متر ونصف وباقي الغرفه مفتوح

ما فهمت الوضع .. ليش تحط التانكي فوق؟ ليكون مسوي لك غرفة صغيرة

انا التانكي حاطه في طرف الغرفة والغرفة مقاسها حول 4 وشوي يمكن حتى 4 ونص وأكثر في عرض مترين وارتفاع مناسب تقريباً مترين وعشرين سم والتانكي دائري 800 قالون على ما اذكر .. باقي الغرفة تمديدات ومضخات وصخانات ومن جهة باب صغير ألمنيوم ومن جهة ثانية الحائط مفتوح بعرض يكفي للتانكي .. الشمس كانت تدخل من الفتحة غطيتها بمارين بلايوود يظلل على المدخل والمكيف اللي ركبته بعدين للتانكي .. ولو ما فيه حل ومضطر تحطه فوق الغرفة حطه ولا تهتم للمنظر العام من زين منظر فرجاننا

[ابراهيم 2012]

كلام صحيح يا مهندسة

ممكن بدال الألمنيوم تركب طابوق 10 سم لتخفيف الوزن أو طابوق سيبوريكس 10 سم بعد يعطيك وزن نص وزن الطابوقة العادية وحتى أقل يوصل للثلث .. وظلل من فوق بسندويش بانل بس سوه مخفي ما يبين في الواجهات وسو له تصريف لمياه المطر وعزل من فوق .. الفتحة للتانكي وللدخول تقدر تخليها مفتوحة ما تبين من فوق الوارش يغطيها

انا بصور لكم المنظر وانزله هني انا متاكد ماحد بيعجبه المنظر لان لو بهاي المنظر عندي احطه فوق البنت هاوس افضل

[معماري قطري]

الله يبارك فيك انا مسوي التمديدات ثلاث جهات للاحتياط بالحوش والبنت هاوس وفوق البنت هاوس هاي اتفاقي مع مقاول السباكه لكن الي انا ابغيه التانك يكون بحدود ثلاث الاف لتر وجنبه السخانات فبه مكان بزاويه عندي وممكن اسكر عليهم بمظله صغيره ومايخرب المنظر عندي لانه جنب طبيله السباره الداخليه وجنب الصور مختفي شوي ولو لاقدر الله الكهرباء قطعت باسوء الظروف ماكينه كهرباء العنه نستعملها وممكن اكلم الكهربائي بالتاسيس الحين يسوي وصله خاصه بالدينمو مع الماكينه احتياط استعملها وقت الطواريء ونفس ماقال الاخ شموخ صدق بكلامه انا برمضان 2019 بعض جدران الشجر الي قدام البيت دشت بماسورة مياه كهرماء وثلاث ايام لان حفروا حصلوا الخط عندي بالكامل مسكر من اعشاب من الشجر غيروا الخط كامل من الحين نسوي احتياط لكل شي يكون افضل

حل مناسب مكينة الكهرباء بعد ناقش البلدية فيه وحاول تسويه اتوقع بيوافقون

وللبرشر ركب مضخة اسكالا 2 من غراندفوس وكيلها عبيدان مكانهم شارع السوق المركزي السابق قرب سوبرماركت ريجنسي

[معماري قطري]

أما المظلات اسكن قبل وسوها برخصة أفضل هم مزاجيين يوم يناحسون ويوم يوافقون وحاول تشوف موظف غير بتحصل حد يتفهم ويساعدك .. قول تابعة للمجلس

[ابراهيم 2012]

اخ معماري غرفه التانك من ضمن مساحه البنت هاوس كانها غرفه داخليه مادري هاي اجباري او الاستشاري عندي مغلط لاكن يوم راجعت البلديه اغير المكان بالحوش قالوا موب مشكله عندنا لاكن لازم تنسق مع كهرماء لان هاي مسؤليتهم فيه اكثر من حل لو البلديه تغير هاي الفكره ان مثلا تلزم شركات انها تسوي تانك افقي بارتفاع من نصف متر الي اقل من متر ومسطح مترين مثلا ويكون فوق البنت هاوس واظن هني ماهيبين فوق لانه هيكون مختفي بالوراش او مثلا يكون مكانه بالبنت هاوس بالمنطقه المفتوحه الخارجيه وبشرط مايكون اعلي من صور البنت هاوس الامامي واخر شي يكون بالحوش لان لو تلاحظ الكل حاطه فوق البنت هاوس ماحد ملتزم وانا ماحب المخالفات وهاي كان او شرط لي مع الفرمن ممنوع اي مخالفه ولو سنتم واتحفظ علي مبلغ من اخر دفعه لان اسلم البيت عشان اي مخالفه هو يتحملها

[sara jsm]

هذا الحل الاول تحط خزاناتك والمبرد وباقي المكاين في غرفه هالشكل ..

‏https://e.top4top.io/p_1614h6mnq1.jpeg (https://top4top.io/)

:

الحل الثاني تاخذلك خزانات هالشكل فيهم جماليه للمكان ..

‏https://f.top4top.io/p_16146cxly2.jpeg (https://top4top.io/)

وفي النهايه الراي رايك ..

[sara jsm]

أما المظلات اسكن قبل وسوها برخصة أفضل هم مزاجيين يوم يناحسون ويوم يوافقون وحاول تشوف موظف غير بتحصل حد يتفهم ويساعدك .. قول تابعة للمجلس


من متى فيها رخص !!؟

[Azizuk]

هذا الحل الاول تحط خزاناتك والمبرد وباقي المكاين في غرفه هالشكل ..

‏https://e.top4top.io/p_1614h6mnq1.jpeg (https://top4top.io/)

:

الحل الثاني تاخذلك خزانات هالشكل فيهم جماليه للمكان ..

‏https://f.top4top.io/p_16146cxly2.jpeg (https://top4top.io/)

وفي النهايه الراي رايك ..



خوش فكرة ماقصرتي اخت ساره


غرفة للسخان وخزان الماي

والخزان الجداري حلوه فكرته

بس سؤال الخزان الجداري هذا من وين نحصل عليه

من اي شركة عند المفتاح والا وين بالضبط

[معماري قطري]

من متى فيها رخص !!؟


من زمان هي والكباين ولها شروط يجي موظف يعاين ويقول اذا المكان يصلح ووشي الحدود اللي ما يتعداها وهذا تسهيل على الناس

[معماري قطري]

خوش فكرة ماقصرتي اخت ساره


غرفة للسخان وخزان الماي

والخزان الجداري حلوه فكرته

بس سؤال الخزان الجداري هذا من وين نحصل عليه

من اي شركة عند المفتاح والا وين بالضبط

أي درام ألحين بو سعود حلو ما ادري ليش صايرين حساسين

[Azizuk]

أي درام ألحين بو سعود حلو ما ادري ليش صايرين حساسين


الحين محد يعرف درام وتانكي

الحين خزان :pardon: وحركات ودلع

اخبر الوالد يجيب لحام ايراني يلحم التانكي اذا صدى وخر

اشوف التانكي مرقع كأنه ماركة ببربري الحين مربعات كاروهات :whistling:

وبيبات الماي يحطون في الوصلات خيوط من خيش ريحة الغريس مادري مادة شحميه خايسه :nea: عشان مايخر الماي ويسرب من الوصلات

الغريب ان اللي ماسكين شغل السباكة ( البيب فيتر ) والحديد والحام كلهم ايرانيين في السابق

[sara jsm]

خوش فكرة ماقصرتي اخت ساره
غرفة للسخان وخزان الماي
والخزان الجداري حلوه فكرته
بس سؤال الخزان الجداري هذا من وين نحصل عليه
من اي شركة عند المفتاح والا وين بالضبط

دور في النت واتعب شوي وبتحصله ..
تبون كل شي جاهز مجهز ..
1/1 :happy:

[Azizuk]

دور في النت واتعب شوي وبتحصله ..
تبون كل شي جاهز مجهز ..
1/1 :happy:

دورت في النت يقلون ان طلبيه من الخارج


انا قلت يمكن تعرفين رقمهم

اتمنى ان تجار ومصانع الخزانات يوفرون لنا مثل هالمنتجات محليا

مره سالت ليش مايتصنع عندنا خزانات حسب احتياجات الزبائن قالو لي ان قالب التصنيع يكلف 200 الف ريال

[ابراهيم 2012]

هذا الحل الاول تحط خزاناتك والمبرد وباقي المكاين في غرفه هالشكل ..

‏https://e.top4top.io/p_1614h6mnq1.jpeg (https://top4top.io/)

:

الحل الثاني تاخذلك خزانات هالشكل فيهم جماليه للمكان ..

‏https://f.top4top.io/p_16146cxly2.jpeg (https://top4top.io/)

وفي النهايه الراي رايك ..

هاي الاماكن حسب شروط البلديه ممنوع لاكن ممكن تصير بعد التسليم ان شاءالله

[Azizuk]

هاي الاماكن حسب شروط البلديه ممنوع لاكن ممكن تصير بعد التسليم ان شاءالله

انت مسموح لك في البنتاهاوس تبني بمساحة 70% من مساحة السطح

وغرفة الخزان مع السخان داخله من ضمن المساحة شوف كم مساحة البنيان عندك بالسطح

[sara jsm]

صح كلام اخوي عزيز ..
هالاشياء مسموحة مش ممنوعه ولا فيها مخالفه ..

[ابراهيم 2012]

انت مسموح لك في البنتاهاوس تبني بمساحة 70% من مساحة السطح

وغرفة الخزان مع السخان داخله من ضمن المساحة شوف كم مساحة البنيان عندك بالسطح
صحيح كلامك وكل اختلافي بالمكان داخل البنت هاوس هو المنظر الخارجي ان شاءالله الصباح بروح الموقع واصور من الشارع

[معماري قطري]

الحين محد يعرف درام وتانكي

الحين خزان :pardon: وحركات ودلع

اخبر الوالد يجيب لحام ايراني يلحم التانكي اذا صدى وخر

اشوف التانكي مرقع كأنه ماركة ببربري الحين مربعات كاروهات :whistling:

وبيبات الماي يحطون في الوصلات خيوط من خيش ريحة الغريس مادري مادة شحميه خايسه :nea: عشان مايخر الماي ويسرب من الوصلات

الغريب ان اللي ماسكين شغل السباكة ( البيب فيتر ) والحديد والحام كلهم ايرانيين في السابق

المادة الشمعية مع الخيش ذي عازل حراري حق بيتي مركبين نفسها بتوصيف الاستشاري وبعد تعطي حماية للبايبات

[ابراهيم 2012]

103197103195. هاي الغرفه الجهه الثانيه بيكون طابوق نفس الارتفاع

[سعود.]

اساسا كذا غلط . حلك انك تستفيد من هذه الغرفه باي شي . وتحط الخزان في مكان اخر
وشوف رد الاخوان يمكن في رائ افضل

[شموخ دائم]

,

,


مرحبا


ياريتك حطيت الصوره من البدايه كان وفرت علينا شرح ووقت

:)

واضح ان الشكل مضايقك والحين مضايقني بعد
:)

الله يبارك لك فيه ان شا الله وتشطبه على خير

نص الحيط العلوي بيكون ( للتهويه ) لوسكرت كامل طابوق بيستوي المكان ( حااااار جدا )

خياراتك كثيره
دائما بالخريطه يكون في أمور ما ينتبه لها المالك الا اذا طلع البيت وبينت واضحه
فنعدل الأمور الي مو مرتاحين لها

1- تعكس الغرف الاماميه تخليها للتانك والخلفيه غرفه عاديه ( نبدل ) ام نص حيطه تسويها غرفه وتسكرها
بيكون صار عندك ( جنب واحد باين ) وترفعه بد إتمام البناء ويكون مفتوح على داخل السطح ومو باين من الخارج

اذا ما تخرب الشكل الهندسي للبنت هاوس الداخلي والمخطط مالك
وتاخذ موافقه على التعديل لو قابلت رئيس قسم الرخص عادي يمشيها انا جربت قبل ومشت أمور مشابهه

2- تسكرها جي ار سي ناحيتين مخرم وياخذ نفس صبغ البيت اذا يناسب ديكور البيت والديزاين افضل للتهويه

3- بعد إتمام البناء ( تكملها ) وهذا اسهل الحلول وتعمل احساب التهويه

4- تسوي فكرتك بعد اتمام البناء تنزل التوانكي تحت وتستغلها غرفه عاديه ( انا ما افضل هذا الحل )
وتعمل حساب اذا طفى الكهرب شنو البديل لك



ان شاء الله عند الأعضاء الخبره يكون في ( فتوى افضل من الفتوى الي عندي )

:)

معماري كبير المفتين بالمنتدى

:)

,

’

[ابراهيم 2012]

اساسا كذا غلط . حلك انك تستفيد من هذه الغرفه باي شي . وتحط الخزان في مكان اخر
وشوف رد الاخوان يمكن في رائ افضل
طبعا غير المنظر الخارجي بتخرب علي شكل الحجر من الجهتين ان شاءالله بسكرها واسوي خزان الماي والسخانات تحت بالحوش

[ابراهيم 2012]

,

,


مرحبا


ياريتك حطيت الصوره من البدايه كان وفرت علينا شرح ووقت

:)

الله يبارك لك فيه ان شا الله وتشطبه على خير

نص الحيط العلوي بيكون ( للتهويه ) لوسكرت كامل طابوق بيستوي المكان ( حااااار جدا )

خياراتك كثيره
دائما بالخريطه يكون في أمور ما ينتبه لها المالك الا اذا طلع البيت وبينت واضحه
فنعدل الأمور الي مو مرتاحين لها

1- تعكس الغرف الاماميه تخليها للتانك والخلفيه غرفه عاديه ( نبدل ) ام نص حيطه تسويها غرفه وتسكرها
اذا ما تخرب الشكل الهندسي للبنت هاوس الداخلي والمخطط مالك
وتاخذ موافقه على التعديل لو قابلت رئيس قسم الرخص عادي يمشيها انا جربت قبل ومشت أمور مشابهه
الموظفين ما بيدهم شي

( لاتدخل على المسئول بطريقه المتضايق ) ادخل عليه بطريقتي
:)
قوله انا طمعان تشوف لي مخرج لهذا الموضوع بخبرتك وسمعت عنك كثير ومتاكد ما بخلص قهوتي
الا انك حاط حل يرضيني ويرضي القوانين الي اقدرها

2- تسكرها جي ار سي مخرم وياخذ نفس صبغ البيت اذا يناسب ديكور البيت والديزاين افضل للتهويه

3- بعد إتمام البناء ( تكملها ) وهذا اسهل الحلول وتعمل احساب التهويه


ان شاء الله يكون في ( فتوى افضل من الفتوى الي عندي )

:)

,

’
كلمت الاستشاري غير مكان الخزان. وان شاءالله بروح احاول معهم والله يوفقني ان شاءالله

[سعود.]

سوها كذا

https://a.top4top.io/p_1615de3p30.jpeg (https://top4top.io/)

[ابراهيم 2012]

سوها كذا

https://a.top4top.io/p_1615de3p30.jpeg (https://top4top.io/)

بارك الله فيك هاي الي بسويها بالحوش ان شاءالله لاكن الخزان بيكون اكبر

[سعود.]

بارك الله فيك هاي الي بسويها بالحوش ان شاءالله لاكن الخزان بيكون اكبر

ليش بالحوش ؟؟؟ الحوش حط فيه خزان واحد كبير سعه 1000 جالون الباقي فوق كل العالم كذا تسوي ونفس ماقالو لك الاخوان .

[معماري قطري]

,

,


مرحبا


ياريتك حطيت الصوره من البدايه كان وفرت علينا شرح ووقت

:)

واضح ان الشكل مضايقك والحين مضايقني بعد
:)

الله يبارك لك فيه ان شا الله وتشطبه على خير

نص الحيط العلوي بيكون ( للتهويه ) لوسكرت كامل طابوق بيستوي المكان ( حااااار جدا )

خياراتك كثيره
دائما بالخريطه يكون في أمور ما ينتبه لها المالك الا اذا طلع البيت وبينت واضحه
فنعدل الأمور الي مو مرتاحين لها

1- تعكس الغرف الاماميه تخليها للتانك والخلفيه غرفه عاديه ( نبدل ) ام نص حيطه تسويها غرفه وتسكرها
بيكون صار عندك ( جنب واحد باين ) وترفعه بد إتمام البناء ويكون مفتوح على داخل السطح ومو باين من الخارج

اذا ما تخرب الشكل الهندسي للبنت هاوس الداخلي والمخطط مالك
وتاخذ موافقه على التعديل لو قابلت رئيس قسم الرخص عادي يمشيها انا جربت قبل ومشت أمور مشابهه

2- تسكرها جي ار سي ناحيتين مخرم وياخذ نفس صبغ البيت اذا يناسب ديكور البيت والديزاين افضل للتهويه

3- بعد إتمام البناء ( تكملها ) وهذا اسهل الحلول وتعمل احساب التهويه

4- تسوي فكرتك بعد اتمام البناء تنزل التوانكي تحت وتستغلها غرفه عاديه ( انا ما افضل هذا الحل )
وتعمل حساب اذا طفى الكهرب شنو البديل لك



ان شاء الله عند الأعضاء الخبره يكون في ( فتوى افضل من الفتوى الي عندي )

:)

معماري كبير المفتين بالمنتدى

:)

,

’

ما اقدر افتي بعد شرحك ما خليت ثغرة

اشوف حل تغيير المكان أسهل الحلول جهة داخل السطح .. انا حسبت تسليم ابتدائي يعني انتهى البنيان هذا سهل يغير فيه حسب المناسب بس بموافقة التخطيط أفضل وأوقات ما يهتمون وقت المعاينة لأُمور صغيرة مثل هذي وضرورية

[ابراهيم 2012]

ليش بالحوش ؟؟؟ الحوش حط فيه خزان واحد كبير سعه 1000 جالون الباقي فوق كل العالم كذا تسوي ونفس ماقالو لك الاخوان .
بعد التسليم يصبر اسوي نفسها فوق لاكن قبل التسليم ممنوع لازم تكون من مساحه سبعين بالميه داخل البنت هاوس لو شفت اول مشاركه لي تكلمت عن شروط التسليم نفس ماقال الاخ شموخ فيه شروط تسوي نفس المطلوب او تجيب موافقه لاكن بعد التسليم اقدر اغير واسويه باي مكان بالبسمنت بالحوش فوق البسمنت لان بغيت اسوي مره واحده وافتك بدل ماعدل مره ثانيه بعد التسليم

[معماري قطري]

واضح الاستشاري المصمم مخبص والا هذي الزاوية مهم تكون غرفة خصوصاً على قوانين ألحين وأسهل يكون التانكي قريب وسط البيت لسهولة التمديدات .. والإستشاري المشرف ضعيف ولا يبي يتعب شوي على الشغلة

لو عندك فايل للمخطط الأخير بس والا حتى صورة باشوف لك أنسب مكان

[معماري قطري]

إحتمال كبير ما استهلكت ال 70% ولو استهلكتها يتساهلون في غرفة التانكي لو كلش صعب صعب سو له قاعدة وسوه فوق وخله بدون غرفة بعدين سو له غرفة تبي بطابوق وخرسانة تبي أي مادة ما عندك مشكلة وبيكون صاد بس خله يكون على جسور وأعمدة مب نص سقف صالة مثلاً بيأثر على الخرسانات ويمكن يستوي تقوس

[ابراهيم 2012]

الاستشاري مكتبنا لانه نسيبي ماعنده مشكله باي تعديل قوانين التسليم هي المشكله ممنوع يكون التانك بواجهه البيت ممنوع يكون مسكر مواصفات غير الي يبغونها انا اخر شي اتفقت مع الاستشاري تكون الغرفه كبيره وبعد التسليم احولها غرفه نوم والتانك يكون في مساحه الثلاثين بالميه الي في البنت هاوس واسوي لها غرفه نفس الي الاخ سعود ارسلها هاي افضل حل خلنا نسلم الاول بدون مخالفات وبعدها نعدل المكان ان شاءالله المساحه كامله اظن استعملتها لان كل الغرف فيها درسنج. روم وحمام الله يعزك وعددهم ثمان مساحه البناء عندي كبيره مع البسمنت 1345 متر استغليت كل متر بالارض لاني شاريها لان استفدت من الارض يوم توزيع كان اسرع من هاي الايام سنه. 1995 والحمدالله خلصت قرض الاسكان وصار البيت ملكيه حره وان شاءالله تاجره بعد مانقل بالبيت الجديد

[Azizuk]

انا تحسفت ان ماحطيت تانكي الماي فوق سطح البنتاهاوس وسويت له غرفة ديكوريه او مظله جميله والا شكل هرمي وفوقه قرميد

اول شي توزيع تمديدات شبكة الماي تنزل على جميع البيت افضل واحسن واسرع

وخاصه لو تخترب عندك دينمة الضغط الماي راح ينزل لك بالجاذبيه وماتحتاج دينمة ضغط

حتى توزيع الشبكة اسهل والماي الحار راح يوصل للحمامات بسرعة ودينمه تدوير الماي الحار ماراح تتعب وتخترب كل احين

انا احتديت اركب منظم مضخة تدوير الماي الحار بقوة 2 حصان لسرعة الوصول الماي الحار بسرعة واضطريت اني اركب شبكة فيها منظم على عدد 2 مضخات يشتغلون بالتناوب وهذا مكلف

غير ان مضخة الماي بعد احتديت اني اركب منظم تحكم لعدد 2 مضخات ضغط الماي قوة 2 حصان

لو ان شبكة التوزيع نازله من فوق سطح البنتاهاوس كان الوضع افضل الشبكة راح تتوزع بالتساوي ومارح يكون في ضغط على الشبكة

حاليا التانكي على جنب السطح وتنزل البيبات من فوق لين تحت وتتوزع تحت الارض يعني لو يصير عندي تهريب ماراح اكتشفه بسرعة هذا غير ان لازم تكسر في بلاط الحوش

لاني مابي بيبات في سطح الحوش لان في قعدة فوق

لو الشبكة نازله من فوق لين تحت مرورا بالدكتات اسهل لصيانة

وحتى لو مررت البيبات على جدار السطح راح تزيد فيها الاكواع وراح يضعف ضغط الماي

كل مازادت الاكواع يقل برشير الماي

وخاصه اذا فتحت اكثر من حمام مع استخدام مطبخ راح يضعف ضغط الماي

مب من شروط اتمام البناء نظام السخان المركزي يكون موجود والا من شروط كهرماء

الشروط انك توفر عدد مفاتيح سوكتات الكهرباء وتكون 32 a وكل سخان له مفتاح منفصل

يعني عدد 6 سوكتات تقريبا اقل او اكثر على حسب نظام السخان عندك

تحسب عدد كل سخان سوكت ومبرد الماي سوكت مضخة الماي سوكت عادي ممكن 13a ومضخة تدوير الماي سوكت وتحط سوكت احتياط

[ابراهيم 2012]

اقدر اسوي فوق البنت هاوس بعد التسليم وانا مسوي تمديدات جاهزه والافضل بعد لقوه الماي والسرعه السباك يسوي لكل حمام وصله خاصه بروحه نفس ماسويت من ضمن العقد معه ان من الخزان يطلع خط خاص بكل حمام والمطبخ ممنوع اثنين ياخدون من خط واحد

[معماري قطري]

انا تحسفت ان ماحطيت تانكي الماي فوق سطح البنتاهاوس وسويت له غرفة ديكوريه او مظله جميله والا شكل هرمي وفوقه قرميد

اول شي توزيع تمديدات شبكة الماي تنزل على جميع البيت افضل واحسن واسرع

وخاصه لو تخترب عندك دينمة الضغط الماي راح ينزل لك بالجاذبيه وماتحتاج دينمة ضغط

حتى توزيع الشبكة اسهل والماي الحار راح يوصل للحمامات بسرعة ودينمه تدوير الماي الحار ماراح تتعب وتخترب كل احين

انا احتديت اركب منظم مضخة تدوير الماي الحار بقوة 2 حصان لسرعة الوصول الماي الحار بسرعة واضطريت اني اركب شبكة فيها منظم على عدد 2 مضخات يشتغلون بالتناوب وهذا مكلف

غير ان مضخة الماي بعد احتديت اني اركب منظم تحكم لعدد 2 مضخات ضغط الماي قوة 2 حصان

لو ان شبكة التوزيع نازله من فوق سطح البنتاهاوس كان الوضع افضل الشبكة راح تتوزع بالتساوي ومارح يكون في ضغط على الشبكة

حاليا التانكي على جنب السطح وتنزل البيبات من فوق لين تحت وتتوزع تحت الارض يعني لو يصير عندي تهريب ماراح اكتشفه بسرعة هذا غير ان لازم تكسر في بلاط الحوش

لاني مابي بيبات في سطح الحوش لان في قعدة فوق

لو الشبكة نازله من فوق لين تحت مرورا بالدكتات اسهل لصيانة

وحتى لو مررت البيبات على جدار السطح راح تزيد فيها الاكواع وراح يضعف ضغط الماي

كل مازادت الاكواع يقل برشير الماي

وخاصه اذا فتحت اكثر من حمام مع استخدام مطبخ راح يضعف ضغط الماي

مب من شروط اتمام البناء نظام السخان المركزي يكون موجود والا من شروط كهرماء

الشروط انك توفر عدد مفاتيح سوكتات الكهرباء وتكون 32 a وكل سخان له مفتاح منفصل

يعني عدد 6 سوكتات تقريبا اقل او اكثر على حسب نظام السخان عندك

تحسب عدد كل سخان سوكت ومبرد الماي سوكت مضخة الماي سوكت عادي ممكن 13a ومضخة تدوير الماي سوكت وتحط سوكت احتياط

يبغي لك مضخة اسكالا 2 من غراندفوس يا بو سعود هذي قريبة من بيتك عند عبيدان يقولون صوب ريجنسي سوبرماركت .. هو وكيلها المفروض عنده .. شوف عنها في موضوع اليوتيوب أو سو بحث بتشوف مواصفاتها

لو كنت بتمدد تحت الأرض والا فوق الجبس تحت السقف كان المفروض تمدد في قنوات بيبات أكبر مثل بيبات الصرف لو تحصل 3 إنش تكفي .. تقدر بعدين لو سرب البايب تشوف التسريب من نقطة دخول بايب الماي وتبدله تسحبه وتركب غيره والتكسير بيكون محدود جداً

انا افكر في مشكلة صاحب البيت .. ألحين بيدخل في متاهات بسبب عدم وضوح الخطة .. والرخصة والتسليم لمشرف التخطيط يكون على دفعتين ابتدائي ونهائي وبدال ما نسوي الشغل مرتين ونخسر نحاول قد ما نقدر نسويه مرة وحدة ومرة وحدة صح

[معماري قطري]

اقدر اسوي فوق البنت هاوس بعد التسليم وانا مسوي تمديدات جاهزه والافضل بعد لقوه الماي والسرعه السباك يسوي لكل حمام وصله خاصه بروحه نفس ماسويت من ضمن العقد معه ان من الخزان يطلع خط خاص بكل حمام والمطبخ ممنوع اثنين ياخدون من خط واحد

يا اخوي مهتم للشكل وتقول فوق البينتهاوس مر على البيوت اللي مسوين وشوف شلون الشكل تعبان .. بعدين ما تضمن فرض قوانين البلدية بالقوة وازالة التعديات .. سمعت إنهم بيستخدمون الدرون لتصوير التعديات ومخالفات البناء

[معماري قطري]

بعد كل النقاش اللي صار مؤكد إن التانكي مكانه أفضل .. ترفع الجدار وتخلي فتحة تهؤئة أو تركب طابوق بفتحات فيه أنواع فيها نقوش حلوة أو جي ار سي وممكن تقسم الغرفة لأنها تبين لي كبيرة لقسمين قسم خارجي للتانكي والمضخات وقسم داخلي يعتبر ستور خل فيه الدي بي الخاص بالمضخات والصخانات والبرشر والفلتر وتكييف الماي

مؤكد إنهم مخططين للتمديدات وتوكل على الله بيتك حلو والله يهنيك وتخلصه على خير

[معماري قطري]

لا تنسى مهم غرفة المضخات نرفع أرضيتها بخرسانة حول 10 سم عن السقف لتقويتها ومهم نسوي لها عزل زين لو تسرب ماي وكذلك عزل فوق سقفها

[ابراهيم 2012]

الله يبارك فيك اخ معماري ويزيدك من فضله انا نفس ماقلت جهزت ثلاث اماكن بالتمديدات وان شاءالله الي يوافقون عليه بنسويه لان ماحب المخالفات

[sara jsm]

اقدر اسوي فوق البنت هاوس بعد التسليم وانا مسوي تمديدات جاهزه والافضل بعد لقوه الماي والسرعه السباك يسوي لكل حمام وصله خاصه بروحه نفس ماسويت من ضمن العقد معه ان من الخزان يطلع خط خاص بكل حمام والمطبخ ممنوع اثنين ياخدون من خط واحد

تبي تحط فوق البنت هاوس الدرامات !!؟
والله امرك غريب شبيطلع شكل بيتك !! نفس بيت وادي الامان :funny:
سبحان الله الناس اذواق .. بس مب عشان المكتب مكتبكم يعني انتو صح .،
وعلى فكرة ممكن في اي وقت البلديه تجيك وتشوف هالشكل الغريب وتقولك يالله شيل ودي مناك :tooth::tooth:

[Azizuk]

تبي تحط فوق البنت هاوس الدرامات !!؟
والله امرك غريب شبيطلع شكل بيتك !! نفس بيت وادي الامان :funny:
سبحان الله الناس اذواق .. بس مب عشان المكتب مكتبكم يعني انتو صح .،
وعلى فكرة ممكن في اي وقت البلديه تجيك وتشوف هالشكل الغريب وتقولك يالله شيل ودي مناك :tooth::tooth:

على فكرة اخت ساره معظم المجمعات السكنية حاطين الخزانات فوق البنتاهاوس وخاصه المجمعات اللي تجي البيوت متلاصقة وبعض المشاريع الاخرى

بعضها عليها غطاء والبعض والا شي عليها مكشوفه الخزانات

في النهاية انا وصلت مرحلة ماعاد يهمني الشكل الجمالي كثر مايهمني ان يكون لي عملي في الصيانة وشبكة توزيع الماي تكون مناسبة وماتكون ضعيفة بسبب كثرة الاكواع وطول المسافة

بنشطح شوي في موضوع هذا هالبرج

هذا برج بنك الصين في هونغ كونغ


https://a.top4top.io/p_1615efcmx0.jpeg (https://top4top.io/)

https://b.top4top.io/p_1615yzuj31.jpeg (https://top4top.io/)

ويعتبر اشهر برج في هونغ كونغ من الصعوبات اللي واجهتهم هو عمليه توزيع شبكة الماي في ذاك الوقت

والطريقة المناسبة انهم يضخون الماي من الاسفل بمضخات ضخمة وترتفع الى اعلى المبنى وتنزل وتتوزع بالجاذبيه هذي انسب طريقة لان المبنى معقد شوي في الشكل الهندسي

وعملية توزيع ضغط الماي النازل يتحكمون فيها بمقاسات الانابيب

واكيد اخوي معماري عنده فكره عن هالبرج وعن هذا النوع من توزيع شبكة المياة

[معماري قطري]

والله ما عندي فكرة بس عن الأبراج عارف فيه أدوار معينة للمعدات والتكييف وأشياء غير كثيرة .. الوضع يختلف عن البيت .. البيوت ألحين تعتمد المضخات والبرشر .. البرشر أنواع منها المتطورة اللي تشتغل حسب الحاجة وتضغط ضغط متغير حسب الحاجة من 0 وقت كل شيء مغلق وتريح البايبات الى 3 بار واعتقد أكثر لو فيه كم خط شغال ومستخدم

هذي تضخ من الارض لحد ارتفاع أعلى دور .. اللي تابع تصميمي لبيتي فيه شرح للبيسمنت الخدمي والمياه مصر اخليها من تحت البيت لإبعاد البايبات عن حرارة الشمس ولحفظ كل شيء بعيد عن الشمس

[معماري قطري]

آذكر مجمع على طريق الوعب معمول ومصمم الخزان فوقه .. خزان صغير والارتفاع مدروس من أساس التصميم ومحاط ببناء ما تحس انه خزان

لو صاحب الموضوع بيسوي مثله وعنده ارتفاع يسمح بيكون الوضع معقول لكن أكيد هو وصل أقصى ارتفاع وهم شديدين ألحين في هذي المواضيع والله شفت بيوت واقفة بسبب رفض التخطيط الترخيص لهم ويبون ازالة التعدي

[معماري قطري]

جميل البرج يا بو سعود مصور برجك تحرنا عارف

[ALJokar]

انا اشوف تروح ع اقتراح شموخ ��

تحول الغرفة هذي المكشوفة الي تطل ع شارع الخلفي وتستفيد منها اما الغرفة الامامية كسرها من الجانبين وتصير مكان تجمع التوانكي والخزانات والمبرد والسخانات.

[ALJokar]

103205

[ALJokar]

اما بخصوص انك بترفعها فوق البنت هاوس ماتصلح ابدا مشوة المنظر العام بتصير كنها في مصر :taunt::taunt::taunt::taunt::taunt::taunt::taunt:: taunt:::

[sara jsm]

103205

احسنت :)

[معماري قطري]

103205

شغل مهندسين

بس ليش يكسر الغرفة يخليها بطابوقها ويستخدمها مثل ما هي .. يحتاج فتحة من جدام لإدخال التانكي وإرتفاع التانكي في الغالب أقل من مترين يقدر يسوي جسر على ارتفاع مترين والفتحة يسويها بمقاس التانكي بس بزيادة بسيطة .. التانكي والمضخات ما تحتاج تهوئة قوية ولو افترضنا احنا نبغي نهوي نركب باب ينفتح وقت الصيانة .. المنيوم عادي ورخيص

[ابراهيم 2012]

ان شاءالله ناخد بنصايحكم ومشكورين علي المساعده

[ashhal_q]

انا شخصيا مريت بتجربة فاشلة بخصوص الخزان والسخان والمبرد
حيث ان المقاول حطهم على سطح الملحق
وكانت النتيجة الماي الحار لا يصل حار ولا البارد بارد لطول المسافة
والمشكلة الكبرى تعطلت وحده من المضخات وقف الماي في البيت
وبعد عملية تعديل النظام شبه مستحيله البيت حجر من بره والدكتات مغلقة بالحجر

النتيجة ... لا انصح بوضع الخزان على الملحق لتغذية الفيلا

الأفضل ...
وضع الخزان ونظام التبريد والتسخين على السطح مع وجود مظلة حسب شروط البلدية

وانا شخصيا افضل ترتب غرفة على السطح وبعد ما تركب الخزان والسخان والمبرد تسكر عليها بباب المنيوم وحط مكيف صغير
بهذا الشكل تحافظ على المنظومة من الغبار والحرارة والرطوبة وتعطيك كفائه عالية

والشي الأخير انصح باستخدام البيبات الي لا تسمح بالحرارة تنقل من الداخل الى الخارج ومن الخارج الى الداخل
بالإضافة عملية التغليف والعزل للبيبات
بالإضافة انه اغلب المقاولين ما يهتمون بمكان البيبات ... لازم تتثبت بشكل جيد وتكون معلقة على اسوار السطح وما تكون مقطوطه على الأرض
الشمس طول السنه حارة وهذا يساعد على خراب البيبات

ودمتم سالمين ...

[معماري قطري]

انا شخصيا مريت بتجربة فاشلة بخصوص الخزان والسخان والمبرد
حيث ان المقاول حطهم على سطح الملحق
وكانت النتيجة الماي الحار لا يصل حار ولا البارد بارد لطول المسافة
والمشكلة الكبرى تعطلت وحده من المضخات وقف الماي في البيت
وبعد عملية تعديل النظام شبه مستحيله البيت حجر من بره والدكتات مغلقة بالحجر

النتيجة ... لا انصح بوضع الخزان على الملحق لتغذية الفيلا

الأفضل ...
وضع الخزان ونظام التبريد والتسخين على السطح مع وجود مظلة حسب شروط البلدية

وانا شخصيا افضل ترتب غرفة على السطح وبعد ما تركب الخزان والسخان والمبرد تسكر عليها بباب المنيوم وحط مكيف صغير
بهذا الشكل تحافظ على المنظومة من الغبار والحرارة والرطوبة وتعطيك كفائه عالية

والشي الأخير انصح باستخدام البيبات الي لا تسمح بالحرارة تنقل من الداخل الى الخارج ومن الخارج الى الداخل
بالإضافة عملية التغليف والعزل للبيبات
بالإضافة انه اغلب المقاولين ما يهتمون بمكان البيبات ... لازم تتثبت بشكل جيد وتكون معلقة على اسوار السطح وما تكون مقطوطه على الأرض
الشمس طول السنه حارة وهذا يساعد على خراب البيبات

ودمتم سالمين ...

لي صديق مركب حجر وسوى الدكتات عبارة عن فتحات داخلية مب بارزة على الجدار وكان يسئل وايد ويسئل عدة اختصاصين واستشاريين .. يسوي بحث ويتعب والله وفقه في اختيارات جيدة .. سوى بايبات الصرف توصيل مباشر بس سوى منهولات شكل داخلها الغطاء البلاستيك اللي ممكن يسلك منه أو الرداد .. تغطية الدكتات سواها بالمنيوم ببراغي وكان شكلها مقبول وجاته مشكلة تسريب من البداية أول ما سكن وحلها بسهولة

نصيحتي لحد يعتمد على نفسه واختياراته لازم تكون مبنية على سهولة الصيانة وشيء ما يخرب شيء ثاني لازم يكون مدروس من كافة الجوانب

[Azizuk]

لي صديق مركب حجر وسوى الدكتات عبارة عن فتحات داخلية مب بارزة على الجدار وكان يسئل وايد ويسئل عدة اختصاصين واستشاريين .. يسوي بحث ويتعب والله وفقه في اختيارات جيدة .. سوى بايبات الصرف توصيل مباشر بس سوى منهولات شكل داخلها الغطاء البلاستيك اللي ممكن يسلك منه أو الرداد .. تغطية الدكتات سواها بالمنيوم ببراغي وكان شكلها مقبول وجاته مشكلة تسريب من البداية أول ما سكن وحلها بسهولة

نصيحتي لحد يعتمد على نفسه واختياراته لازم تكون مبنية على سهولة الصيانة وشيء ما يخرب شيء ثاني لازم يكون مدروس من كافة الجوانب



انا حاليا يابوعبدالله حاط السخان والخزان في سطح البيت ومغطى بغرفة من شركة كويك سبان على شكل كوخ بالإضافة اني مجهز فتحات فوق البنتاهاوس احتياط يااني انزل البيبات واعيد توزيع شبكة الماي انها تنزل راسي وتتوزع على كل حمام من فوق الى تحت

لان حاليا الماي ينزل تحت بعدين يرتفع لكل حمام والله يستر من ضعف دوران الماي

اذا صار ماصار حطيت تانكي فوق البنتاهاوس ونزلنا الشبكة من فوق لين تحت

نحط مظلة ديكوريه فوق البنتاهاوس لان اصلان الخزان عندي جاي على شكل مربع ومنخفض مايبين تقريبا ارتفاع متر وشوي من بعيد مايبين وايد

خلنا نسكن بالاول ونجرب ونعطيكم النتائج

[سعود.]

انا حاليا يابوعبدالله حاط السخان والخزان في سطح البيت ومغطى بغرفة من شركة كويك سبان على شكل كوخ بالإضافة اني مجهز فتحات فوق البنتاهاوس احتياط يااني انزل البيبات واعيد توزيع شبكة الماي انها تنزل راسي وتتوزع على كل حمام من فوق الى تحت

لان حاليا الماي ينزل تحت بعدين يرتفع لكل حمام والله يستر من ضعف دوران الماي

اذا صار ماصار حطيت تانكي فوق البنتاهاوس ونزلنا الشبكة من فوق لين تحت

نحط مظلة ديكوريه فوق البنتاهاوس لان اصلان الخزان عندي جاي على شكل مربع ومنخفض مايبين تقريبا ارتفاع متر وشوي من بعيد مايبين وايد

خلنا نسكن بالاول ونجرب ونعطيكم النتائج

باذن الله يابوسعود نسمع خبر نزلة البيت

موفق خير

[Azizuk]

باذن الله يابوسعود نسمع خبر نزلة البيت

موفق خير

الله يجزاك خير ياخوي سعود ويبارك لك

عااااد لازم تمرني يوم اول ماتشتغل الكهرباء عندي بالبيت تعال مرني مانبي نجيبك بالحر نتشرف بك وباقي الاعضاء

ان شاءالله نعزم باقي الاعضاء على عزيمة البيت ونتعرف عليهم اكثر نتشرف ابهم

[ابراهيم 2012]

الله يجعله بيت مبارك ومبررروك مقدماااا

[معماري قطري]

انا حاليا يابوعبدالله حاط السخان والخزان في سطح البيت ومغطى بغرفة من شركة كويك سبان على شكل كوخ بالإضافة اني مجهز فتحات فوق البنتاهاوس احتياط يااني انزل البيبات واعيد توزيع شبكة الماي انها تنزل راسي وتتوزع على كل حمام من فوق الى تحت

لان حاليا الماي ينزل تحت بعدين يرتفع لكل حمام والله يستر من ضعف دوران الماي

اذا صار ماصار حطيت تانكي فوق البنتاهاوس ونزلنا الشبكة من فوق لين تحت

نحط مظلة ديكوريه فوق البنتاهاوس لان اصلان الخزان عندي جاي على شكل مربع ومنخفض مايبين تقريبا ارتفاع متر وشوي من بعيد مايبين وايد

خلنا نسكن بالاول ونجرب ونعطيكم النتائج

يا اخوي ركب مضخة اسكالا 2 من غراندفوس وبتفتك والا فيه ما يعادلها عند تدمر إطلبها اللي تعطيك ضغط متغير حسب الحاجة ولو سكرت الماي ينزل الضغط حتى ما تخرب البايبات وخل غرفة التانكي فوق السطح سطح الأول قصدي .. انا شفت تصميم بيتي ناوي احط التانكي في بيسمنت خدمي واعتمد على المضخة تضغط وتوصل الماي لكل حمام ومطبخ .. وبالصدفة وانا اتكلم في الموضوع عرفت إن واحد مسوي هشكل ومرتاح .. الأمريكان الميكانيكل روم يخلونها في بيسمنت حتى لو جزئي صغير أو اللي يسمونه كرول سبيس ( جزء نازل يزحفون تحته من قلة ارتفاعه )

[معماري قطري]

الله يجزاك خير ياخوي سعود ويبارك لك

عااااد لازم تمرني يوم اول ماتشتغل الكهرباء عندي بالبيت تعال مرني مانبي نجيبك بالحر نتشرف بك وباقي الاعضاء

ان شاءالله نعزم باقي الاعضاء على عزيمة البيت ونتعرف عليهم اكثر نتشرف ابهم

والله مقصرين معاك يا بوسعود وانت جار عزيز واخو قبل كل شيء

متى تفتح السينما بس نروح فلم يفتح النفس

[Azizuk]

والله مقصرين معاك يا بوسعود وانت جار عزيز واخو قبل كل شيء

متى تفتح السينما بس نروح فلم يفتح النفس

عزيز وغالي يابوعبدالله حاضرين بس عااااد هالمره نبي فلم اكشن قوي

[معماري قطري]

عزيز وغالي يابوعبدالله حاضرين بس عااااد هالمره نبي فلم اكشن قوي

خلاص صار

[سعود.]

الله يجزاك خير ياخوي سعود ويبارك لك

عااااد لازم تمرني يوم اول ماتشتغل الكهرباء عندي بالبيت تعال مرني مانبي نجيبك بالحر نتشرف بك وباقي الاعضاء

ان شاءالله نعزم باقي الاعضاء على عزيمة البيت ونتعرف عليهم اكثر نتشرف ابهم


الله يجزاك خير