افتتاح مطع وسجل تجاري

[كلاسيك قطر]

السلام عليكم ورحمه الله وبركاته
اسعد الله صباحكم بكل خير
اخواني شنو الطريقة في افتتاح مطعم
وسجل تجاري جديد

[ابو عبدالله.]

السجل سهل لكن رخصه البلديه تحتاج موقع للمطعم و بعدها دفاع مدني و الجوازات للعماله و شهاده صحه لهم

اتصل بالنافذه الواحده و بتعرف الشروط

السجل بنفس اليوم تخلصه اما الباقي يحتاج وقت و مصاريف

بعض الانشطه تحتاج شهاده حسن سير و سلوك ايضا

[كلاسيك قطر]

لاهنت

[acac cac]

كنت افكر بنفس سؤالك

[ابو عبدالله.]

حاضرين اخوي

[شموخ دائم]

,

,


مرحبا


والله يا جماعه السوق وضعه صعب و( خطر ) والكثير يعاني ويفكر يسكر مشروعه وخاصه الكوفيهات
اعرف كثير من أصحاب الكوفيهات والمطاعم يكلمني يبي مخرج من عواقب الشيكات المرتجعه الي تجمعت عليه
ومن سوء الوضع الان

ومو قادر يدفع الإيجارات والرواتب ويدفع من راتبه وما يكفي ومو قادر يدفع اقصاد بنك التنميه
الي فتحوا مشاريع عن طريقه لان السلفه تحت اسم ( بنك قطر الوطني )


الي عنده خطه او مشروع او فكره او تجاره معينه

( يأجل ) الفكره ويتمهل على الأقل ( سنه كامله )

بيلاقي فرص كثيره
مطاعم وكوفيهات بتنعرض للبيع بأسعار مناسبه
والمعدات والافران بيلاقيها بسعر رخيص وأيضا طباخين لنقل الكفاله
بيكون متاح كثير بالسوق الفتره القادمه

ما نحبط احد ولكن ( تمهل ) الوضع كارثي على كثير ناس

وبيكون هناك فرص خلال سنه من الان

الانتظار اليوم ( غنيمه )

,

,

,

’

[ابو عبدالله.]

اتفق ان كثير يعانون من اصحاب الكوفيهات و شفت كذا اعلان بموقع اجنبي عارضين ادوات مطابخ للبيع الظاهر ان البعض بدأ بالبيع فعلا

الي سمعته ان اول شهر سبعه بيبدأون يفتحون بعض النشاطات التجاريه و تتقيم التجربه و المعطيات

للامانه بعض الكوفيهات عليها ضغط و شغل مثل بعض كوفيهات اللؤلؤه و حتى طلبات توصيل شفتهم ياخذون طلبات غير المواتر زحمه تنتظر

ارجع و اتفق مع اخونا ان هناك فرص لاصطياد عماله و معدات مطاعم و امور اخرى تجاريه وحتى مواقع محلات