مطلوب سجل تجاري استيراد او شراكة

[خولة]

السلام عليكم
الاخوان الافاضل ..
تمر البلاد باذمة في بعض المجالات مما يتيح فرص استثمارية واسعة في كل المجالات
وفتح السوق
ودائما كمواطنين نرغب في الحصول على افضل السلع واجودها
ارغب في التواصل مع شخص جاد لفتح استيراد خضروات وفواكه صحية ومضمونة

[شموخ دائم]

,

,


مرحبا


فكره طيبه واهنيك واشجعك عليها

البلد محتاجه سلع كثيره وسوق قطر أيضا سوق صغير

وفيه تجار نشطاء جدا وحجزوا أماكن البيع وعملوا عقود

بالنسبه للسجل مافي سجل تحت اسم ( استيراد وتصدير )

انما يوجد رخصه التجاره في الخضروات والفاكهه

اهم شي يكون هناك شخص ( امين ) ويمتلك الخبره الكبيره في ( التسويق )

وسبق له العمل بنفس المجال

اسهل شي انك ( تستورد بضاعه ) الكل في دول العالم مستعد يبيعك دام تملك ( الفلوس )

وتجيبها الى الدوحه هذا الجزء السهل بالموضوع

خضروات فواكهه

ملابس

قطع غيار

شوكلت

رخام

بهارات

كل هذا سهل جدا استيراده

تفتح اعتماد بنكي lc في أي بنك وتخاطب التاجر في الهند او تركيا او استراليا او الصين وتعطيه رقم lc بعد الاتفاق على البضاعه ومواصفاتها

ويسحب الفلوس

وخلال 30 عن طريق البحر او خلال 10 أيام عن طريق الطيران توصل بضاعتك

عند وصول البضاعه في ميناء الدوحه تستلمها تدفع الرسوم وسيارات النقل وتطلع بضاعتك بكل سهوله ويسر

تحط شركه تخليص ويخلصون البضاعه

خاصه اذا البضاعه مطابقه للشروط ومعاها الفواتير والمنشاء وشهاده صحيه للاغذيه من شركه معروفه هناك معترف فيها


مابعد الاستيراد


هنا يبتدي عملك الحقيقي

هنا الشطاره الان البضاعه وصلت عندك كيف التخزين ( مبرد ) مجهز مخزنك

وكيف إيجاد المشتري وابكم السعر وكيف بتسوقها
وهل هناك مشتري جاهز !!! سبق الاتفاق معاه على السعر وعلى الكميه

لان بضاعتك ( لها صلاحيه محدده ) اذا ما انباعت بالسرعه المطلوبه راح تخسر

خاصه ان كل المجمعات وكل الأسواق وكل أماكن بيع الاغذيه فيها الخضروات وفيها الفاكهه من كل دول العالم

هل راح يكون البيع ( ارخص منهم ) ؟؟؟
هل راح تكون البضاعه ( جوده ) عاليه لتنافس الموجود

هل بيشترون منك او بيقولون لك ( عندنا مورد ) خاص فينا !!!!

هنا دور الشخص الشاطر والتاجر الي يقدر يسوق بضاعته وعنده الخلفيه والعملاء الي يتعامل معاهم
يكون قابل ( اصحاب المجمعات ) وأصحاب بيع التجزئه وعرض عليهم ( سامبل ) وجربوه وعجبهم
واتفقوا على كميات لمحلاتهم او لوضعها في الارفف عندهم بطريقه ايجار الرف او بطريقه اخذ عموله ونسبه من كل شي يبيعون

وفلوسك بتجيك بعد 60 يوم !!! وما بتقدر تجيب بضاعه ثانيه لان فلوسك بتتاخر تجيك بشيك مؤجل !!!!
هذا المتبع الان

الموضوع يحتاج تسويق وترتيب قبل ( الاستيراد ) وعندك الزبون المشتري


فكر مليون مره قبل تدخل هالمجال

واذا دخلت الله يوفق ان شاء الله


عندنا مثل يقول ( قيس قبل تغوص )

:)



بالتوفيق لكم

,

,


شموخ

[عسل فاطر]

كلام منطقي

[Mr Professor]

بالتوفيق :thumbup1: