يمكن التزوير في برنامج احتراز

[قطري2022]

قد يعمل المصاب على استعارة هاتف شخص غير مصاب ليستكمل اموره خارج منزله ، فالحل المثالي هو وجوب ابراز البطاقة الشخصية مع ادراج الاسم باللغة الانجليزية في برنامج احتراز ليستطيع غير العربي قراءته .

[qatari911]

وحياتك ولا استعارة ولا شي
يطلعون والوضع عادي
جاني تنبيه مره عند الاشارة ان بالقرب مني شخص مصاب
ومره عند باب الجمعية ومره عند باب البنك
وتصرفي حطيت رجلي بعد ما علمت السكيورتي

[وليف الشوق]

انا عن نفسي بلغت عن حالتين كورونا واجري اللازم من المختصين وبالنسبة لاادراج البطاقة الشخصيه فهذا غير مجدي وله عواقب وخيمه من الناحية الهاكرز

[][ الوحيد ][]

مايحتاج استعاره هاتف شخص اخر ..

اصور الشاشه و الباركود اخضر .. و اراويه الصوره عند الباب وانا داخل ..

[sara jsm]

بعد اللي يسوي شغل يهالوا المفروض يتتبعونه عن طريق البلوتوث ..
ويحولونه النيابه افضل .. غرامة وسجن ..

سبحان الله بعض الناس فيهم جهل على غباء وخاصة اللي قاعد يقص على نفسه مسود الويه ..

[معماري قطري]

السؤال هل لو اكتشفت لا قدر الله إنك مصاب بالكورونا بتعلم

عني انا أكيد بعلم الكل وبخاف حد يعتدي مني

[][ الوحيد ][]

بعد اللي يسوي شغل يهالوا المفروض يتتبعونه عن طريق البلوتوث ..
ويحولونه النيابه افضل .. غرامة وسجن ..

سبحان الله بعض الناس فيهم جهل على غباء وخاصة اللي قاعد يقص على نفسه مسود الويه ..


بعضهم مافتكروا في الاسامي اللي نشروها فالاخبار .. ماتوقع برنامج بيخلهم يفتكرون للاسف ..
في كميه جهل عند البعض بشكل كبير ..

خصوصاً البعض من اللي يسوي فحص و مايبلغ حد على اساس المرض عيب !

يعني واحد مسوي فحص و ماطلعت النتيجه الا بعد يومين .. ماقال حق اللي حوله انه سوى فحص .. تم ساااكت ليين طلعت النتيجه .. زين يمكن فيك كورونا ! المفروض تبلغ اللي حولك اول ماتفحص عشان ينتبهون .. لكن البعض مفكر ان الفحص و الكورونا عيب

[sara jsm]

هذولا المتخلفين مستحيل يكون فيهم عقل ..
تبي تمرض امرض الله يفكنا منك بس تمرض اللي حولك ليش يالمجرم ..
لا بركة فيك وفي تصرفاتك الهمجية ..

[طلعة الروح]

قد يعمل المصاب على استعارة هاتف شخص غير مصاب ليستكمل اموره خارج منزله ، فالحل المثالي هو وجوب ابراز البطاقة الشخصية مع ادراج الاسم باللغة الانجليزية في برنامج احتراز ليستطيع غير العربي قراءته .

من قال انهم يركزون ويطابقون مجرد تراويه شاشة الاحتراز لمدة ثانيه ويدخلك

[قلم صادق]

من قال انهم يركزون ويطابقون مجرد تراويه شاشة الاحتراز لمدة ثانيه ويدخلك
لا الحين بعد ما يشوفون .. رايح طوار مول السكيورتي لا سأل ولا شاف لي ولا اللي كانو قبلي ولا شي دخول عادي ... للأسف قل الأهتمام .. ونفس الشي الكمامات .. الناس استهتروا الله يستر

[Grnas]

امس موقفين واحد في الفريج ،
طلع من المحل ومب لابس كمام
عطوه مخالفة
صاروا يحطون الكمام على الحنج او تحتها ليضمنون ما يطبون عليهم

[مستر بن]

قد يعمل المصاب على استعارة هاتف شخص غير مصاب ليستكمل اموره خارج منزله ، فالحل المثالي هو وجوب ابراز البطاقة الشخصية مع ادراج الاسم باللغة الانجليزية في برنامج احتراز ليستطيع غير العربي قراءته .

.
.

اللي صاير هالايام . . اثنين مع بعض فاتحين احتراز واحد
الاول بالانجليزي والثاني بالعربي
والاسم واحد . . .