Gxr ولا at4؟

[xAbdulaziz]

السلام عليكم
بغيت استشيركم اذا أخذ جمس سييرا at4 غمارتين ولا gxr 8 سلندر، الصراحة انا سقت الموترين و الكروزر كان اريح لكن من ناحية التكنلوجيا السييرا كان أحسن و الصراحة انا الحين محتار بين الأثنين و حاب اجوف نصايحكم و ردودكم
و شكراً

[سعود.]

الياباني وبس

[عبدالعزيز 9]

Gxr بدون كلام واذا حاب مواصفات اعلى وفخامه عليك ب vxr

[Rider]

جي اكس ار الامريكي عمره الافتراضي 5 سنيين بعدين اذا دخل الكراج مره خلاص انسى خرابه يكثر

[سعود.]

جي اكس ار الامريكي عمره الافتراضي 5 سنيين بعدين اذا دخل الكراج مره خلاص انسى خرابه يكثر


انا اشوف 5 سنوات كثيره 3 ممكن وعن تجربه حشمه بعد

[.قطر.]

وعليكم السلام
على حسب استخدامك اذا تبي موتر عائلي وبيكم ف نفس الوقت خذ الـat4
اما اذا بس عائلي الجكسار اشوفه افضل

[الوسيط العقاري]

تويوتا

[شموخ دائم]

,

,


مرحبا


مافي مقارنه


gx

ونت مغمض

خل نظرتك لبكره

ولا تغرك المواصفات

بكره واحد بيجيب لك سعر وواحد بيروح برخص


,

,

[الكاسر007]

انا كان عندي جمس سييرا للامانه للخطوط ماتمله واذا نزلت من خط طويل كنك ما سقت الموتر مافي تعب ولا الم ظهر بس عيبه اذا ضربت مطبة انت واغراضك بالتندة
الحين عندي جي اكس ار بصراحة راحة ومكيف ممتاز والاهم اغراضك تشيلها ماتخيس كنت اجيب اغراض من الحسا توصل كلها وصخة السبب البدي مكشوف
الجمس اذا انت تبي تحمل اغراض راعي بحر نعم خذه انا استفدت منه وقت البنيان الجمس الحين مالي عازه فيه شريته ب100000 بعته ب18 الف من 2011 الى 2019 للامانه كرفته بس مكينة خبطت القير بدا يخورها عيبه بعد 5 سنين تنتهي صلاحيته للاسف مثل ماقالو الاخوان
وعموما اذا عندك رغبه بشي سوه ولاتفتكر رغبتك والحاجة سواقه .

[QATAR 77]

كم سعره gxr الحين

[ابو عبدالله.]

الجمس موتر ثاني فقط
للعائله ما يشيل العيال و الخدم و صفته بالمواقف و البيسمت تمللك و الشموخ ما منها مفر
غياره مكلف مقارنه بالتويوتا

تطلع اعطال ما تطلع بالياباني
تسريب زيت الفرامل و المضخه درام ويل خلفي دوم تحاسب منه و تورنا كذا مره لانه درام مش دسك تقدر تشوفه اذا قربت السفايف تخلص

عداد الزيت دوم يتعطل اذا عمر الموتر اكثر من خمس سنين مع اني اغيره بالوكاله

سواقته حلوه لكن يناقز بالمطبات لازم كلش بشويش

ينفعك اذا للبحر او الرحلات و التحميل و بعد يكون موتر ثاني مش يومي

الكروزر حق كل شي يومي. موتر ثاني. بروحك ولا مع العائله. حتى للتحميل ينفع للاغراض و بتسحب تيدر اذا كلش مضطر تحمل اغراض كبيره

شوري لك بالكروزر و يحافض على سعر مقبول بعدين بعكس الجمس

بالتوفيق

[اللوز]

اخذ تاهو ابرك لك
بعدين كمعلومة gxr الموديل الحالي يعني gx 6 سلندر

[ANONYMOUS]

مايصير تقارن تفاحه ب موزه، يعني ممكن كان السوال بيكون منطقي لو سالت جمس ولا فورد، كروزر ولا نيسان ولا يوكن

عموما..

انت ادرى بظروفك واحتياجك