اجراءات فرز الاراضي

[راشد محمد]

السلام عليكم والرحمه
انا كنت بستفسر عن فرز الاراضي شلون يتم ؟ وهل تغير القانون واصبح الحد الادني لفرز الارض هو 1200 متر مربع والواجهة 40 والا يختلف حسب الكثافه السكانيه للمنطقه r1/r2 وغيره
ياليت اللي عنده احد يساعدني في التخطيط يدلني ..ولكم جزيل الشكر

[شموخ دائم]

,

,


مرحبا


اخوي الكريم


الفرز على حسب المنطقه في مناطق ( ممنوع الفرز ) الي يسمونها مناطق ( نموذجيه )

والمناطق المسموح يكون عرض الواجهه 15 متر
يعني لو عندك ارض 30*30 مساحتها 900 متر تقدر تقسمها ارضين

كل ارض

15*15 مساحه الوحده 450 متر

القانون الجديد الحين تقدر تخلي الواجهه 13 متر بدل 15 متر

اعتقد جدا مناسب للفلات الصغيره

تقدم على الفرز في التخطيط العمراني البرج المقابل ( ستي سنتر )
اعتقد الطابق السابع او التاسع مو متاكد من الطابق تقدر تسئل الامن تحت

في مشكله بتواجهك

اذا وافقوا على الفرز

يحولون المعامله على اشغال ( هناك ممكن يرفض الطلب )

انا صارت معاي

تم رفض الفرز من اشغال على أساس مافي خدمات الا لارض وحده
خاصه اذا كانت على شارعين

:)

عاد انت وشطارتك معاهم

انا طلبوا مني الأرض الثانيه يكون توصيل الخدمات ( على حسابي )
يعني الحفار للمجاري ممكن يكلف 600 الف لا تنصدم
مثل ما انا انصدمت
:)

وسع صدرك معاهم

قولهم مابي مجاري الدوله للأرض الثانيه


خذ الموافقه

وبعدين يصير خير بتوصل الخدمات للشارع الثاني

بس لا توقع أي ورقه او تعهد

:)

,

,

[راشد محمد]

جزاك الله خير ..بس جاري اللي جنبي وجاري الخلفي فرزوا وبنوا ؟
صراحه مشكله سالفه المجارى ؟



[/size][/quote]

[Azizuk]

طيب يقدر الواحد يسوي له فلتين وبعدين يفصلهم

على ان يبني فلتين على ارض وحده واذا خلص يفصلها بحائط فاصل

وين المشكله اذا افرز ارض

وموضوع الصرف الصحي غريب انا مره طلبو مني ان اشبك المجاري على حسابي لان الشركة المنفذة قفلت المشروع وان انا في سبب التأخير

وبعد مناقشات مع السيد غيث الكواري ياالله ياالله تمت الموافقة وحوسه مع الاستشاري المنفذ وبين الشركة المنفذة واعادة تخطيط واخر شي الشركة المنفذة قفلت المشروع

واخر شي راجعت الله يذكره بالخير الهاجري في اشغال اللي مقابل السوق المركزي وحولها على شركة محليه صغيرة نفذو لي وافقو يسونها بناء من طابوق مب شينبر خرساني زي باقي جيراني

كانو بيدفعوني 15 الف قيمة التوصيل

[راشد محمد]

الفرق ان ان الفرز راح يكون له عداد كهربا منفصل ومجاري منفصله وسند ملكيه منفصل وتقدر تبيعها في المستقبل ..لان احتياجي ارض صغيره ..
بكره باذن الله اراجع التخطيط واشوف الاجراءات بس عاده تطول لانها تمر كذا جهه ومنها المساحه واشعال وكهرباء

[راشد محمد]

https://portal.www.gov.qa/wps/portal/services/inviduallandingpages/urban%20planning%20services/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNz9fVyNDT yDHT2d_HzdDA1CjPWDE4v0C7IdFQGvAGDh/
في رابط حكومي موجوده المتطلبات بس ما تعرف تحدد المناطق اللي ينطبق عليها الشرط الفرز

[الكواري 1972]

المفروض لا يسمح فرز الارض اقل من 700 متر اقل شي

يعني 700 وفوق

الفرز ساعد في ارتفاع الاسعار وطمع بعض التجار الله يسامحهم ويهديهم

والبيت اصبح مثل السجن الغرف صغيره وعليك تختار بمجلس خارجي او غرفة السايق او مواقف للسيارات او حوش

حتى الحوش صغير يالله تحط نطاطيه لليهال

وجهة نظر
وتحياتي للجميع

[راشد محمد]

حياك الله اخوى واحترم وجهه نظرك ..
اخوى اتفق معاك ان اسعار الاراضي الصغيره مرتفعة جدا ..لكن انا حاجي مثلا 500متر على حسب افراد اسرتي وامكانياتي في البناء ما احتاج اكثر ..قبل كانت 1200* تنفرز اراضي والدليل تلاقي اراضي ب 100 و 200 و 350 متر ومعروضه حاليا هالمساحات للبيع في مكاتب الوسطا ..
الاغلب يفرز الارض عشان يبني وحده والثانيه يستثمر فيها ..والاهم يكون لكل فيلا سند وعداد كهربا تحسبا لو صارت الكهربا برسوم او يبي ياجر العقار ويكون ومدخل منفصل لكل فيلا ..

قوانين التخطيط في تغير مستمر لتواكب هالامور واكيد في خطه لتلك الاليه .

[معماري قطري]

المفروض لا يسمح فرز الارض اقل من 700 متر اقل شي

يعني 700 وفوق

الفرز ساعد في ارتفاع الاسعار وطمع بعض التجار الله يسامحهم ويهديهم

والبيت اصبح مثل السجن الغرف صغيره وعليك تختار بمجلس خارجي او غرفة السايق او مواقف للسيارات او حوش

حتى الحوش صغير يالله تحط نطاطيه لليهال

وجهة نظر
وتحياتي للجميع

قوانين التخطيط تغيرت وللصالح العام بس ما ادري ليش القوانين فيها لف ودوران وقصة طويلة ومتعبة للملاك

انا رايي يتحرك صاحب الموضوع لذوي الشأن البلدية أو التخطيط ويحل موضوعه معاهم لأنهم بروحهم كل يوم لهم راي

[معماري قطري]

حياك الله اخوى واحترم وجهه نظرك ..
اخوى اتفق معاك ان اسعار الاراضي الصغيره مرتفعة جدا ..لكن انا حاجي مثلا 500متر على حسب افراد اسرتي وامكانياتي في البناء ما احتاج اكثر ..قبل كانت 1200* تنفرز اراضي والدليل تلاقي اراضي ب 100 و 200 و 350 متر ومعروضه حاليا هالمساحات للبيع في مكاتب الوسطا ..
الاغلب يفرز الارض عشان يبني وحده والثانيه يستثمر فيها ..والاهم يكون لكل فيلا سند وعداد كهربا تحسبا لو صارت الكهربا برسوم او يبي ياجر العقار ويكون ومدخل منفصل لكل فيلا ..

قوانين التخطيط في تغير مستمر لتواكب هالامور واكيد في خطه لتلك الاليه .

جاري كان ولد عمي باع أرضه لشخصية كبرى من زمان وأرضه 1380 متر مربع ومحاذية طرف بيتي ب 40 متر طولي سوى فيها ثلاث بيوت .. مفصولين وعلى ذاك الوقت ما يزيد عن 10 سنين ويمكن 12 سنة بيت حضانة ولا تنطبق عليه قوانين الحضانة وبيت سكن عمال شركة من شركاته فيه تكدس عمال خرافي وبيت سكن عاملات صالون .. الثلاث استوت لي مشاكل معاهم وشكاوي وصلت للشرطة وتصوير جنائي وقصة وثاني يوم طالعين والقضية فركش .. لا وبين بيته وسور بيتي حول 80 سم أقل من متر بس زين ما فيه درايش بس فيه بلكونات تطل على بيتي من الجنب إضطريت اركب حديد فاصل يفصل البيوت الثلاث كلها بارتفاع 8 أمتار من الأرض وافتكيت

[معماري قطري]

الفرز ما له علاقة بغلاء ورخص الأراضي تحدد وتسهل حتى يحلون مشكلة الطلب على الأراضي وتوفيرها بالاضافة للبنتهاوس ال 70% هذا يستوي شقة كاملة يقيم فيها أحد الأبناء ممكن طول عمره

[الخور]

ماستر للاستشارات الهندسيه
اقل فرز للاراضي 600 متر
ويستثنى 10% 540 متر

[ابراهيم 2012]

ماستر للاستشارات الهندسيه
اقل فرز للاراضي 600 متر
ويستثنى 10% 540 متر

لو علي هاي الحسبه عندي ارض 1040متر وواجهه 34متر معناه ماتنفرز

[راشد محمد]

ماستر للاستشارات الهندسيه
اقل فرز للاراضي 600 متر
ويستثنى 10% 540 متر
هلا اخوى ..جزاك الله خير عالرد ..فعلا رحت التخطيط وقالوا لي نفس كلامك

[راشد محمد]

لو علي هاي الحسبه عندي ارض 1040متر وواجهه 34متر معناه ماتنفرز
اتوقع تنفرز ..اسال في التخطيط

[ابراهيم 2012]

اتوقع تنفرز ..اسال في التخطيط

ان شاءالله امر عليهم واشوفهم