كراج السيارة ( الطبيله )

[شموخ دائم]

,


,




كراج السياره


لديك سقف فوق رأسك وتريد واحد انيق فوق سيارتك

البيت الجميل الذي صرفت عليه فوق المليون ريال
ولديك سياره او سيارتين او 3 سيارات
يفوق سعرهم النصف مليون او مليون ريال

الا يستحق ذلك كراج مناسب لهذه المبالغ التي دفعتها للبيت والسيارات
اعتقد من الخطاء ان نشوه البيت بكراج لا يليق بسعر البيت والسيارات
فلا نظلم بيوتنا ولا سياراتنا الجميله
بشي بشع امام المنزل

الموضوع ليس ظل فقط وانما اكبر من ذلك

السقف الاسمنتي البناء

https://pbs.twimg.com/media/DLq3Q8zXkAAwpWj.jpg

وهو نفس السقف الخرساني المستخدم للملاحق والفيلا
ولافضل يتم بنائه مع بناء البيت فيدخل في حسبه البيت مع المقاول وهو الارخص لك والاسهل
وهو افضلهم بلاشك ويكون تم اعداده مع مخطط الفيلا ويصلح للاراضي الكبيره فهناك متسع في الأرض
او التي تحتوي على بسمنت
لانه ياخذ مساحه من الارض ويجب ان يكون من ضمن حدود الارض
مميزاته عمره من عمر البيت
ووجميل متناسق مع ديكور المنزل ومتناغم معه
ليس فيه تشويه للمكان ويحمي السياره ومحكم الاغلاق



الكويك سبان


https://www7.0zz0.com/2020/06/21/16/670909829.jpg

كراج الكويك سبان عملي جدا وسعره في المتناول وهو الاكثر انتشار في قطر وفي عموم الخليج
يكاد يصل 70% من بيوت قطر تستخدم الكويك سبان
عازل ممتاز للحراره وعازل للماء والمطر


https://www6.0zz0.com/2020/06/21/16/199950996.jpg


الارتفاع بالعاده يكون 2 ونص متر ارتفاع الاعمده

سماكت الشيت بالعاده 05 ماده الكويك سبان المقوسه
بعض الشركات يكتب 06 ولكني اشك بالرقم
سعر المتر بالعاده يكون 200 ريال متوسط السعر بالشركات
عرض الكراج يفضل يكون 5 متر ونص بالعرض حتى يضلل السياره بالكامل
ممكن ينعمل 5 متر عرض اذا مافي وسع بين الحيط والشارع

لوكان عندنا 3 سيارات كراج 3 سيارات 11 الف تقريبا وممكن تلاقي 10 الاف
الطول 10 متر والعرض 5 ونص يطلع 55 متر

55 متر نضربها بالسعر 200 ريال يطلع السعر كامل التقريبي

خل نقول يكلف الكويك سبحان ل 3 سيارات 10 الاف ريال

نعمل حساب فتح باب السياره ما يضرب بالسياره الي جنبه الواقفه اذا المساحه صغيره
ما ننسى الارتفاع وسماكه الحديد البيم المستخدم
وعمق الحفره بالارض وعرضها
كل هذا يدخل بالسعر



كراج القماش


https://sites.google.com/site/mazallatryiadmamlka/_/rsrc/1467132016533/mazallat/3.jpg

جماليا هو اجمل من الكويك سبان ولكن للاسف ما يعيش اكثر من 5 سنوات او 6 سنوات
من تجربتي معاه في اكثر من مشروع
يوجد نوعين من القماش
قماش فيه مسامات والماي يطوف منه ويبلل السياره وينزل مع الغبار ويوسخ السياره
غير عملي نهائيا هو عباره عن ظل وعاده نشوفه في ( المجمعات وامام الميره والمدارس ) والأماكن المفتوحه
لانه ارخص ثمن واجمل .

وفيه نوع من القماش ( ضد الماي ) افضل من القماش العادي
لكن يبقى ضعيف امام الهواء الشديد للأسف يتشقق مع الوقت
السعر لقيته 150 ريال في بعض الاماكن وبعض الاماكن 180 ريال للمتر
وفي بعض الاماكن يبيعونه 200 ريال كله يعتمد على
الكوالتي للقماش

كراج ل 3 سيارات يكلف 9000 ريال الى 10000 ريال

https://www.ahelalthal.info/files/946991563929720.jpg



Upc كراج


https://www6.0zz0.com/2020/06/22/14/822202716.jpg

مع قص ليزر على الجنب يعطيه جماليات اكثر ومتنوعه بالشكل

هذا الكراج من الانواع الجميله حقيقه ويعتبر مميز للبيوت الفخمه والفيلات الكبيره

هذا الكراج من الانواع الجميله حقيقه ويعتبر مميز للبيوت الفخمه والفيلات الكبيره والمشاريع
المهمه يعني نقدر نقول عنه 5 نجوم
سعر المتر يتراوح من 400 ريال الى 500 ريال
يعني يكلف ( ضعف ) سعر الكويك سبان


https://www9.0zz0.com/2020/06/22/14/380399034.jpg

هذا موجود امام مول الحزم اذا لاحظتوه وهو ماده شد upc وحديد مشغول باشكال مختلفه

للامانه ما شفت سعره ولا ركبته في مشروع فما اقدر أقول شي عن الجوده او السعر الان

https://www6.0zz0.com/2020/06/22/14/633404631.jpg

البولي كربونايت كثير يستخدم للمسابح ولبعض الأماكن الي تحتاج اضاءه
جميل جدا وعملي وأيضا ما اعرف أسعاره هاليومين زمان ما اشتغلت فيه

الي ركب بالفتره الاخيره ياريت يفيدنا


الخلاصه

حاولت اجمع الأنواع في موضوع واحد للفائده

الأسعار الي ذكرتها أسعار شهر 6 لسنه 2020 لو حد شاف الموضوع بعد فتره
راح تختلف الأسعار اكيد
وممكن احد يكون اشطر مني وعنده أسعار افضل وارخص

بعد ياريت يفيدنا

الموضوع متاح للجميع ومن عنده تجربه او خبره معينه يحب يضيفها مرحب فيه





,

,


شموخ دائم

[معماري قطري]

شغل متعوب عليه

تسلم الأنامل الذهبية

انا افضل المزج لين السقف الحديدي العادي والواجهة الخرسانية والأعمدة الخرسانية .. يعني يبين مثل الأول بس سقفه شينكو عادي ويكون مخفي بالواجهة

[معماري قطري]

الصورة الأخيرة تذكرني ببيت واحد من الربع في معيذر وهو مالك للشركة اللي تسوي الشغل ذيه .. بلاستيك مع حديد مقوس .. إسمها يبدأ بالدوحة .... شرايك إخوي شموخ ذاكرتي ناجحة والا نص ونص

[شموخ دائم]

,

,


مرحبا


اخوي معماري


عطنا من خبرتك بالسقف البولي كربونايت الشبيه بالزجاج يسمح بمرور الضوء



,

,

[معماري قطري]

مركبه في المسبح جزئي بلون أزرق فاتح وصراحة مسكت خادم ألحين حول 9 سنين

[sara jsm]

شموخ دائم .. انت دايما مبدع باختيارك للمواضيع ..
حبيت الطرح .. خذت فكرة عن الاشكال والاسعار ..
الله يعطيك الف عافيه يااخوي ..
وانا افضل الكويك سبان لانه يعيش وايد .. وتهويته ممتازة مقارنه للي سقفه اسمنتي ومسكر كامل ..

[sara jsm]

مركبه في المسبح جزئي بلون أزرق فاتح وصراحة مسكت خادم ألحين حول 9 سنين

ماشاءالله .. اكتب ماشاءالله لا تتحسف :looking:

[سالم الزهران]

تسلم يا اوستاز شموخ.. دايماََ تجيب من الآخر
انا اخترت upc

[سعود.]

ممتاز واخر 3 صور عالمية .
اما الطبيلة ( القماش ) هذي كارثة دوم اشوفها بشوراع مشققه .
الي واجهة بيته شمال او شرق هذا بيرتاح من الشمس اما الغرب والجنوب الله يعينه .

[معماري قطري]

ماشاءالله .. اكتب ماشاءالله لا تتحسف :looking:

متسبب عليه ابي اشيله اسوي البرجة كشف

[معماري قطري]

ممتاز واخر 3 صور عالمية .
اما الطبيلة ( القماش ) هذي كارثة دوم اشوفها بشوراع مشققه .
الي واجهة بيته شمال او شرق هذا بيرتاح من الشمس اما الغرب والجنوب الله يعينه .

تدري شالحل معاها .. تركيب شبك حديد شبك بلاستر ورشه بمونة اسمنتية تاخذ شكلها وتيبس تستوي اسمنتية بس بشكل خفيف مب ثقيل

[QaTaR_OnE]

ممتاز واخر 3 صور عالمية .
اما الطبيلة ( القماش ) هذي كارثة دوم اشوفها بشوراع مشققه .
الي واجهة بيته شمال او شرق هذا بيرتاح من الشمس اما الغرب والجنوب الله يعينه .

واكبر كارثه ايام المطر .. ينزل كل الغبار على السيارات

[شموخ دائم]

,


,


مرحبا


اخوي معماري

يا هندسه

:)

على قوله اخوانا المصريين

منور دائما بتعليقاتك وخبرتك وملاحظاتك المفيده

عجبني ( المزج ) مثل ما تفضلت بيكون اجمل بالشكل وعملي واقل تكلفه بكثير


ما نستغني عنك وعن توجيهاتك


عشان ما يقول مصورين بيتي
:)
البيت بالفعل هو والشغل لشركه دوحه ...


:)






,

,

[شموخ دائم]

,


,


مرحبا





sara



المشاغبه

:)

مرور طيب دائما والحمدالله حاولت اضيف الأسعار للفائده

كان ودي اكتب ( أسماء الشركات ) ولكن دوم في تحفظ على الأسماء


حتى ما تكون دعايه

الكويك سبان توني قبل كم يوم متفق مع احد الشركات

لبيتي

بالفعل عمليه جدا وسهله وتوفر المساحات امام البيت


,

,

[معماري قطري]

,


,


مرحبا


اخوي معماري

يا هندسه

:)

على قوله اخوانا المصريين

منور دائما بتعليقاتك وخبرتك وملاحظاتك المفيده

عجبني ( المزج ) مثل ما تفضلت بيكون اجمل بالشكل وعملي واقل تكلفه بكثير


ما نستغني عنك وعن توجيهاتك


عشان ما يقول مصورين بيتي
:)
البيت بالفعل هو والشغل لشركه دوحه ...


:)






,

,

الحمد لله ذاكرتي في المباني اللي أشوفها زينة مع إني نساي

ووالله الشغل الزين من شركاتنا عادي نبرزه مثل ما نبرز الشغل السيء ونحذر منه .. مثال على الشغل السيء القماشية مهما زانت ورخصت سوءها في مادتها الضعيفة واللي تهتري واللي تجمع الغبار وتنزله وقت المطر صلصال على السيارات

[معماري قطري]

,


,


مرحبا





sara



المشاغبه

:)

مرور طيب دائما والحمدالله حاولت اضيف الأسعار للفائده

كان ودي اكتب ( أسماء الشركات ) ولكن دوم في تحفظ على الأسماء


حتى ما تكون دعايه

الكويك سبان توني قبل كم يوم متفق مع احد الشركات

لبيتي

بالفعل عمليه جدا وسهله وتوفر المساحات امام البيت


,

,

عادي بالعكس الكل يدخل حتى يشوف الشغل والشركة .. إن شاء الله باصور الطبيلتين اللي عندي وصورتهم قبل وحطيتهم كم مرة بس باصورهم لهذا الموضوع

الكي سبان أو الكويك سبان وهم ماركتين لنفس النوع تقريباً مستعمل في قطر من سنوات طويلة جداً من قبل الانجليز في معسكر طارق بن زياد بالضبط والدحيليات .. المباني بعضهم بالكامل قوس كي سبان وأعتقد قواطع داخلية وبعضهم طابوق في الجنب وسقف مقوس .. عمرهم يمكن 50 سنة وأكثر بس ما زالت تخدم .. اللي عندنا النوع الحديث ومنه مقاسات سُمك مختلفة بعضها رقيق جداً تسوي صوت مع الهواء لذلك العينة مهمة مع العقد ومهم ملصوق عليها ستكر وموقع مع رقم العقد

الأنواع المدمجة ممكن تسوي خشب على خرسانة وطابوق وممكن تسوي جزء بلاستيك أو حتى درايش زجاج أو قلاس بلوكس .. الأمريكان يتفنون في طبيلاتهم ويسوونها متصلة بالبيت .. انا اللي مسويها للبيت حديد أو معدنية لأنها خليط معادن ومعاها شريحتين كبار بولي كاربونيت من طبقتين وفراغ بينهم .. كل قطعة 5.8متر في 2 متر وكلفتني وقتها القطعة 800 ريال بعد باصورها باذن الله مرة ثانية وصورتها في السابق وحطيتها في موضوع حوض السباحة

لي صديق يقول قلت باسوي خشب وباصب فوقه خرسانة وسواها كما يذكر لي وصارت من أفضل ما يمكن لستور ومظلات وتكلفتها بسيطة هو سواها بمجهود ذاتي مع الظاهر حد يشتغل عنده

[شموخ دائم]

,


,


مرحبا


سالم الزهران

منور اخوي العزيز

اختيار طيب 5 star

:)

حقيقه هي اجملهم

تواصل طيب يسعدني


,

.

[eXpert*]

عجبتني الخرسانية ،، هل ممكن استغلال سطحها لجلسة او حديقة يفتح باب من الدور الاول ؟

[معماري قطري]

عجبتني الخرسانية ،، هل ممكن استغلال سطحها لجلسة او حديقة يفتح باب من الدور الاول ؟

لو بتسويها خرسانية سوها بارتفاع صافي 2.4 متر وقول سمك الخرسانة فوق بيكون 15 سم وسور سقفها ممكن فيه شوية ديكور أو بروزات بارتفاع 20 سم .. كلها ما بتجي أرفع من السور لكن لو تحب تسويها مثل الصورة اللي في البداية مرتفعة حاول بأقصى ارتفاع يعطونك لها وتعامل كملحق ممكن يعطونك 4 متر .. أكيد ارتفاع جسر الباب تخليه 2.4 مناسب جداً وداخل مرتفعة أكثر

انا صممت بوابة قبل كبيرة بارتفاع 10 أو 12 متر وكانت سقفها خرسانة ونازلة عقد غيرت الواجهة بأقواس اسلامية وشغل شوي أكثر والسقف كي سبان منحني من الجنبين ومخفي .. البوابة لمبنى حكومي يدخلونه الكثيرون بس اتوقع كثيرين ما يدرون بالسقف اللي فوقهم وصراحة طلعت روعة كانت سكتشات سريعة ومشى الموضوع مع الجهة المستخدمة

نرجع لموضوع الزراعة .. أكيد ممكنة بس تكون حديقة تركب فوقها بتكون مكشوف ممكن يعتني بها مزارع ويسقيها ويرتب الشجر أو الشجيرات لأن لازم تعتمد الاصيصات وممكن بنظام ري اوتوماتيك .. الهدف منها بيكون شكل

[eXpert*]

اشكرك اخوي معماري

[معماري قطري]

اشكرك اخوي معماري

العفو يا اخوي

أمس بديت اقرا موضوع مراجعة المخططات من أوله ولفتت نظري أول مشاركة كانت لك .. وذكريات خمس سنين وقتها اتابع علاج الوالدة الله يحفظها في ألمانيا

أعتقد هذا يدخل في موضوع المظلات وممكن نتخيل هالسقف للسيارات .. فوق البولي كاربونيت الأزرق يعطي زرقة حلوة للنور ومن الجوانب المحبب العادي .. الجو كان حلو وتوني من شوي مصور غطست رجلي تكرمون وكان الماي بارد .. أكيد غلطت بعدم تبليط الحوائط لفوق وعدم عزل أبيام الحديد بمادة عازلة أو تغليفهم بألمنيوم أو يو بي في سي

https://i.imgur.com/17WBRG4.jpg

بس ماشي الحال وله حول 9 سنين

https://i.imgur.com/pwQoQmT.jpg

ما توقعت السقف الأزرق يدوم كان من طبقتين بلاستيك خفيف وفيه فراغات في الوسط وصراحة تحته ما نحس بالشمس حتى العيال يبوني اشيله بالكامل

هذا السقف ساندويش بانل عادي بسمك 7 سم قوي وعازل جيد صناعة قطر ستيل .. اللي يشوف العارضة الحديد مركبة جهة اليسار ببرغي في الحايط بدون تكسير وجهة اليمين على أعلى السور

https://i.imgur.com/6ZQndQ6.jpg

https://i.imgur.com/kGArhJ8.jpg

كلفني كله بحدود ال 35000 والاختيار الألماني عطوني عرض سعر لزجاج وحديد مغلف بألمنيوم ب 300000 بس للجزء العلوي قال لو باحسب الجوانب يطلع أغلى

هذي الطبيلة حطيت صور للشغل في مراحله .. مركبه ببراغي بدون حفر وعلى عمودين فقط وبعرض يزيد شوي عن 10 متر معلقة على جسر حديد .. سويتها ب 6000 وسويت التلبيس والتشكيل اللي عليها في مرحلة ثانية ب 4000 وسويتها نازلة حافتها على ارتفاع 2 متر بس حتى تظلل أكثر مع ضمان ارتفاع مناسب لدخول السيارات

https://i.imgur.com/BUGcaB2.jpg

هذا الحديد من داخل له سنين آخر حلاوة

https://i.imgur.com/AEhgubr.jpg

حتى البراغي أخفيناهم بالبلاستر اللي مركب على شبك حديد وداخله مجوف .. بس طبقة رقيقة بلاستر

هذا من جدام من داخل .. يبين الحديد اللي مغلف حتى تفصيله يبين من داخل وفيه فتحة بسيطة لنزول ماي المطر بين الواجهة وباقي السقف

https://i.imgur.com/qQnmIS7.jpg

[معماري قطري]

هذي طبيلة ثانية سويتها عن طريق الدوحة ك سبان مقوسة بارتفاع للقوس حول 1.1 متر على ما اذكر ومثبتة من حائط لحائط بالبراغي بدون أي عمود

https://i.imgur.com/GKAs4Kx.jpg

طولها 12 وعرضها 8 ونص أو الطول 12ونص والعرض 8 وكلفتني 8500 وبالأعمدة كانت بتكلف 12000 وهشكل وايد أحلى

اللي في الأطراف قناة لمرور الماي ونزوله عن طريق بيب في الزراعة

https://i.imgur.com/cju2Z3d.jpg

وهذي براغي التثبيت 4 وبعمر 16 سنة ألحين

العمود اللي على اليسار ركبناه بعدين لتثبيت الساتر الحديد ما له علاقة بالطبيلة .. وسوينا عمود في الطرف الثاني وبقى الساتر معلق بدون عمود لمسافة 12 متر .. انا اشترطت ما يخرقون حديد الطبيلة

https://i.imgur.com/J44aDmk.jpg

عاد غلطت ما صورت الواجهة من الشمس الظاهر صلختني وشلت تفكيري

https://i.imgur.com/hFbOyrE.jpg

[Azizuk]

موضوع ممتاز ومميز من الاخ شموخ دائم

انا حاليا واصل مرحلة المظلات بس محتار بين الشركات

بين القايد

او الذهبية

او فري لاين

او كويك سبان

كل شركة تتميز بشغلها

الاشكالية في رفع العامود اول شي يحتاج حفر لتثبيت العامود والقاعدة 80 سنتيميتر تحت الارض لصب وتثبيت العامود مع الخرسانة

الشي الثاني اطول مسافة لتثبيت العامود من جهة واحده طول المظلة 6 متر كحد اقصى امتداد بدون تثبيت من الجهة الثانيه وانا عندي 9 متر

افكر التثبيت يكون من الطرف الثاني براغي بحائط البيت يعني جهة تتثبت بعامود بالارض والاخرى بحائط البيت تتثبت

لاني مابي عامود يعيق الحركة داخل الحوش بعد 6 متر

اقصى امتداد للمظلة اي شكل من الاشكال هو 6 متر بعامود من جهة وحده

مثل ماهو معمول عند الاخ معماري

مثبت المظلة من الطرفين من حائط سور البيت مثبت بحائط البيت بدون اعمده بالارض

[معماري قطري]

موضوع ممتاز ومميز من الاخ شموخ دائم

انا حاليا واصل مرحلة المظلات بس محتار بين الشركات

بين القايد

او الذهبية

او فري لاين

او كويك سبان

كل شركة تتميز بشغلها

الاشكالية في رفع العامود اول شي يحتاج حفر لتثبيت العامود والقاعدة 80 سنتيميتر تحت الارض لصب وتثبيت العامود مع الخرسانة

الشي الثاني اطول مسافة لتثبيت العامود من جهة واحده طول المظلة 6 متر كحد اقصى امتداد بدون تثبيت من الجهة الثانيه وانا عندي 9 متر

افكر التثبيت يكون من الطرف الثاني براغي بحائط البيت يعني جهة تتثبت بعامود بالارض والاخرى بحائط البيت تتثبت

لاني مابي عامود يعيق الحركة داخل الحوش بعد 6 متر

اقصى امتداد للمظلة اي شكل من الاشكال هو 6 متر بعامود من جهة وحده

مثل ماهو معمول عند الاخ معماري

مثبت المظلة من الطرفين من حائط سور البيت مثبت بحائط البيت بدون اعمده بالارض

انا في الحالتين سووا لي سالفة وأصريت بدون عمود والثانية التركيب على بليتة حديد وببراغي في البلاط .. وقالوا لي على مسؤوليتك قلت قابل .. بو سعود ركبنا في الشغل مظلة ليمكن 40 سيارة من كل جهة 20 وسويناها بأعمدة حديد وبليتة صغيرة تحت 20 في 20 سم تثبت العمود في القار .. تعرف القار شلون ناعم ولا يثبت فيه البرغي وهذي مغامرة سواها مهندس قطري أحد اللي أداروا أشغال .. كل المهندسين الأجانب علقوا إن الهواء لو جاء قوي بيطيرها وجاء هواء قوي والمظلة ما حولها بنيان قريب ولا تحركت ولها سنين موجودة

باعطيك رقم يمني اللي ركب لي خله يركب لك مطوع ومحترم وشغله رخيص وقول له يشبك لك من جهة لجهة 9 متر ولا شيء عرض 9 متر توقف لك ثلاث سيارات

[معماري قطري]

بتقليل الأعمدة توفر والبراغي تكون قوية وستانلس ستيل اللي خاصة بالخرسانة هذي يجيك الواحد بمبلغ دسم أظن 25 ريال بس يفرق عن أعمدة الحديد ولحامها وشغلها

[شموخ دائم]

,


,


مرحبا

expert

Qatar one

سعود



تواجد عطر كالعاده


.


.

[شموخ دائم]

,

,



معماري


يا سلام عليك

هذي الكرم الي يشرح الصدر ما شاء الله توضيح وبالصور

وبالتفصيل والأمور الفنيه الي نحتاجها وتضيف لنا الكثير

دوم نلاقي عندك حلول مبتكره وفيها ( ارتجال ) بالافكار

مشكلتنا بالسوق ان ( العماله ) مدرب ومبرمج انه يسوي الي متعود عليه
ولو طلبت منه شي جديد ( ما يعرف ) ويخاف ينفذ
ما عندنا العماله الماهره الي يفهم الفكره ويشوف ( افضل الطرق لتنفيذها )


تسلم على المشاركه الغزيره


نبي لنا بركه ( نتنقع فيها ) في هالحر مثل البط

:)


,

,

[Q0T0R]

موضوع اكثر من رائع وشامل الخامات والاسعار والتكاليف

الله يجزاك خير

[معماري قطري]

,

,



معماري


يا سلام عليك

هذي الكرم الي يشرح الصدر ما شاء الله توضيح وبالصور

وبالتفصيل والأمور الفنيه الي نحتاجها وتضيف لنا الكثير

دوم نلاقي عندك حلول مبتكره وفيها ( ارتجال ) بالافكار

مشكلتنا بالسوق ان ( العماله ) مدرب ومبرمج انه يسوي الي متعود عليه
ولو طلبت منه شي جديد ( ما يعرف ) ويخاف ينفذ
ما عندنا العماله الماهره الي يفهم الفكره ويشوف ( افضل الطرق لتنفيذها )


تسلم على المشاركه الغزيره


نبي لنا بركه ( نتنقع فيها ) في هالحر مثل البط

:)


,

,


الله يسلمك اخوي شموخ

مثل حوض السباحة دفعت 10% للسقف اللي مصور وصحيح يمشي الحال ويحتاج ترتيب وصيانة .. ومثل الطبيلة المقوسة كانت بتكلفني 12000 بدون أعمدة أحلى وكلفتني 8500

والطبيلة الثانية قال مال الكي سبان بيركبها بأعمدة حديد وكان صج ضروري وبيحفر لأساسات وسعرها لي غالية والله ما اذكر بس فوق سويتها على دفعتين أول الحديد وبعدين التشكيل بالاسمنت وكلفتني اجمالي 10000 .. هذي الإضافات في البيت تعملها ارتجالي وبعمالة رخيصة وبحلول بديلة أفضل وفي النهاية بتخدمك

[معماري قطري]

أثناء البحث عن شخص يسوي التشكيل بالاسمنت على الطبيلة وهو سهل جداً نويت اسويه على الطابوق اللي لتحديد مكان الزراعة مع شلال من البلكونة للدوار اللي تطل عليه البلكونة .. جاني خبير هندسة مصري من الخبراء الكبار وقلت له شابي وتم يفكر ويتمتم بصوت عالي خفت يحضر جن وقال لي خلاص حسبت وبيكلفك 25000 بعدين سئلت وواحد أرسل لي اندونيسي مختص جاء وقاس وتعب شوي وخذ وقت وقال باركب لك مضخة غراندفوس 3 حصان وباسوي لك تشكيل شجر وحجر هنا كذا وهنا كذا وتم يشرح لي بفن وبتفاصيل كفاية .. قال الشلال بيكلف 6000 والطبيلة 4000 قلت خلاص بابدأ معاك بالطبيلة سوها والشلال بعدين ةفكرت فيها قلت الشلال مغامرة وألحين أفكر اسوي البلكونة للزراعة الداخلية باسكرها بزجاج

[معماري قطري]

صدقوني ما كانت عندي ثقة بالبراغي 100% ممكن 70% وخوفوني اللي ركبوا وحملوني المسؤولية وقبلت .. بعد ما خلصوا قالوا لا تهتم البراغي قوية وتمسك .. عاد افكر براغي البرغي قطره حول 6 ملم يمسك هالوزن الكبير وشيصير لو صدأ أو تفكك الطابوق حوله أو الخرسانة؟ شيصير لو يجي هواء قوي يخلخل الطبيلة وتطيح على السيارات؟ يمكن شوية وسواس بس من امر واشوف البراغي شلون ثابتين مكانهم مثل ما صورت وأصلاً البراغي ستانلس ستيل ما تصدي أتطمن والحمد لله شغل ارتجالي وصل لنتيجة مرضية

[doha_vip]

السلام عليكم

بوعبدالله

شوف هذا الفيديو .. متأكد انه بيعجبك .. واتمنى من الشباب الاستفاده منه .. شغل احترافي ماشاء الله

https://www.youtube.com/watch?v=QoVWafjkigM

[معماري قطري]

السلام عليكم

بوعبدالله

شوف هذا الفيديو .. متأكد انه بيعجبك .. واتمنى من الشباب الاستفاده منه .. شغل احترافي ماشاء الله

https://www.youtube.com/watch?v=QoVWafjkigM

عليكم السلام ورحمة الله وبركاته

سوى خطأ بتثبيت براغي بخرم العازل المائي للسقف ولو البيت جديد تماتيك ينلغي الضمان .. الخطأ الثاني استعمال القماش وممكن مناسب هنا بس بيكون كذلك مناسب وبيدوم لو استعمل خليط المعادن ( الشينكو ) لأن المظلة تنفتح وتتسكر .. الخطأ الثالث السيارة تبين أكبر من المظلة تحت

الدريل القديم واستعماله لتحريك الحديد حركة حلوة

[doha_vip]

عليكم السلام ورحمة الله وبركاته

سوى خطأ بتثبيت براغي بخرم العازل المائي للسقف ولو البيت جديد تماتيك ينلغي الضمان .. الخطأ الثاني استعمال القماش وممكن مناسب هنا بس بيكون كذلك مناسب وبيدوم لو استعمل خليط المعادن ( الشينكو ) لأن المظلة تنفتح وتتسكر .. الخطأ الثالث السيارة تبين أكبر من المظلة تحت

الدريل القديم واستعماله لتحريك الحديد حركة حلوة

ما شاء الله عليك بوعبدالله ملاحظات في محلها

لكن الحلو في الموضوع انه العمل شخصي .. والدقه في المقاسات رهيبه .. واستخدام الادوات

يعجبني اللي يشتغل بنفسه

[معماري قطري]

ما شاء الله عليك بوعبدالله ملاحظات في محلها

لكن الحلو في الموضوع انه العمل شخصي .. والدقه في المقاسات رهيبه .. واستخدام الادوات

يعجبني اللي يشتغل بنفسه

شيء أكيد وكان بيكون أحلى لو سواه حديد ويغطي الفتحة كلها .. حديد اقصد شينكو ولو سوى حل ما يخرم العازل مثل يركب حديد بالعرض يثبته في سور السقف ويثبت فيه الحديد الحامل للمظلة بدون ما يثقب السقف

هذا مثال ثاني على المظلات المعقدة وكنا في السابق نشوفها في المباني المصممة تصميم متكامل اذكر منها على سبيل المثال بنك قطر الوطني أول ما بنوه على الكورنيش


https://www.youtube.com/watch?time_continue=19&v=Mh4ak1yb1Ys&feature=emb_logo

[معماري قطري]

هذي الأخيرة اللي في الفيديو ممكن اسوي تصميم مقارب بالحديد أرخص بوايد وقطاعات أنحف وتتم تغطية الحديد بخشب صناعي أو باسمنت على شبك بتشكيلة معينة حتى الخشبية تمشي