موضوع للفائدة والمقارنه للي حاب يشتري خلاطات دورات المياه

[QaTaR_OnE]

السلام عليكم

حبيت انصح وأوضح للي حاب يشتري خلاطات دورات المياه

للفرق الكبير والواضح من الشراء المحلي والطلب من الخارج ..

أمس مريت على كذا محل للبحث عن خلاطات قروهي وأقارن الاسعار من الشراء المحلي والطلب من الخارج

صورت على سبيل المثال هذا الموديل (سعره في السوق المحلي 4750 ريال)

https://g.top4top.io/p_1637jkpz41.jpg (https://top4top.io/)

https://f.top4top.io/p_16374chtt1.jpg (https://top4top.io/)

وبرقم الموديل بحثت عنه في موقع أمازون البريطاني والألماني

في البريطاني ( السعر 3023 ريال تقريباً)
https://j.top4top.io/p_1637w4s1l4.jpg (https://top4top.io/)

وفي الالماني ( السعر 2695 ريال تقريباً)
https://i.top4top.io/p_1637hbabh3.jpg (https://top4top.io/)



والاسعار مع الشحن الى البيت و التوصيل ياخذ اقل من اسبوع عن تجربة سابقة .. مثل ماتلاحظون الفرق الكبير

طبعاً قبل الشراء المحلي انصح بمقارنة السعر المحلي وسعر الطلب من الخارج

[sara jsm]

وعليكم السلام

معروف يااخوي ان الاغراض عندنا بشكل عام اغلى من كل مكان ..
قبل كنا نقدر ناخذ ونجهز بيوتنا من دول الحصار .. الحين مافي الا هني ..
واذا بتطلب من برع بعد فكرة ممتازة لكن ان طلع فيه عيب او خلل سالفه لين ترجعه وتبدله ..

[Azizuk]

والله شرينا من السوق المحلي وتبهدلنا مع التاجر المحلي

للاسف مافي حماية مستهلك

واذا تتصل لحماية المستهلك يرفع ضغطك اللي يرد عليك تتحسف انك اتصلت

وخاصه الجنسية اللي ترد عليك

اشتري من برا ولا انقهر من المحلي

الا انصح الشخص اللي يعرف يشتري عن طريق النت يشتري من برا وخاصه اذا من الدول الغربية يحترمون الزبائن

مره شريت حاجه من محل بلندن ومالقيت الون المطلوب الا في باريس قالو لي سبوع وبيوصل وانا بسافر قالو خلاص يوصلك لين البيت مع ارجاع الضريبة وفعلا سبوع بالضبط الا الحاجة وصلت لين باب البيت

الشاطر اللي يقدر يوفر في المشتريات يتوكل على الله

[معماري قطري]

فرق كبير وأكيد يصير في بعض البضائع

مرة جربت سئلت عن جكوزي مدمج مع شاور من ماركة جكوزي كان في قطر ب 35000 وفي دبي ب 42000 ويقولون آخر سعر دخلت المواقع اللي تبيعه طلعت فيه نوعيات ثانية وغالية وايد قلت خلني على المحلي أفضل

أكيد بعض القطع بتوفر فيها بس ممكن ببديل معين توفر أكثر وحلو الواحد يشتري من برا أو يطلب من برا بس يطلب شيء مضمون ومعروف ومعروف إن سعره مبالغ فيه هنا

[Azizuk]

فرق كبير وأكيد يصير في بعض البضائع

مرة جربت سئلت عن جكوزي مدمج مع شاور من ماركة جكوزي كان في قطر ب 35000 وفي دبي ب 42000 ويقولون آخر سعر دخلت المواقع اللي تبيعه طلعت فيه نوعيات ثانية وغالية وايد قلت خلني على المحلي أفضل

أكيد بعض القطع بتوفر فيها بس ممكن ببديل معين توفر أكثر وحلو الواحد يشتري من برا أو يطلب من برا بس يطلب شيء مضمون ومعروف ومعروف إن سعره مبالغ فيه هنا


معماري انا شريت هانزقروهي من برا وفرت فوق 35 الف ريال

شور عندنا ب 8 الاف ريال طلع على ب 5 الاف ونص برا

خلاط ب 600 ريال عندنا ب 950 ريال

غير باقي الاكسسوارات

اذا بتاخذ لحمام واحد مايسوى

بس اذا بيت كامل لا والله تسوى انك تاخذ من برا

[معماري قطري]

معماري انا شريت هانزقروهي من برا وفرت فوق 35 الف ريال

شور عندنا ب 8 الاف ريال طلع على ب 5 الاف ونص برا

خلاط ب 600 ريال عندنا ب 950 ريال

غير باقي الاكسسوارات

اذا بتاخذ لحمام واحد مايسوى

بس اذا بيت كامل لا والله تسوى انك تاخذ من برا

صحيح الخلاطات ومقابض الأبواب خذتها من برا

[QaTaR_OnE]

وعليكم السلام

معروف يااخوي ان الاغراض عندنا بشكل عام اغلى من كل مكان ..
قبل كنا نقدر ناخذ ونجهز بيوتنا من دول الحصار .. الحين مافي الا هني ..
واذا بتطلب من برع بعد فكرة ممتازة لكن ان طلع فيه عيب او خلل سالفه لين ترجعه وتبدله ..

موقع امازون من المواقع الموثوقه .. ولي تقريباً 10 سنوات اطلب منهم

واذا كان في خلل في القطعه او النوع مش مطابق .. يا إنهم يرسلون قطعه بديله .. او يرجعون المبلغ

واذا مثلاً الشخص طلب للبيت كامل خلاطات بيطلع له فرق مبلغ كبير

حسبه بسيطه : خلنا نقول مثل القطعه اللي حطيتها فوق لو كانت 10 قطع بيطلع المبلغ 47500 ريال

واذا من موقع امازون الالماني بيطلع المبلغ 26950 ريال

حتى لو إفترضنا إن قطعتين مثلاً فيهم عطل بعد فيه فرق

[QaTaR_OnE]

والله شرينا من السوق المحلي وتبهدلنا مع التاجر المحلي

للاسف مافي حماية مستهلك

واذا تتصل لحماية المستهلك يرفع ضغطك اللي يرد عليك تتحسف انك اتصلت

وخاصه الجنسية اللي ترد عليك

اشتري من برا ولا انقهر من المحلي

الا انصح الشخص اللي يعرف يشتري عن طريق النت يشتري من برا وخاصه اذا من الدول الغربية يحترمون الزبائن

مره شريت حاجه من محل بلندن ومالقيت الون المطلوب الا في باريس قالو لي سبوع وبيوصل وانا بسافر قالو خلاص يوصلك لين البيت مع ارجاع الضريبة وفعلا سبوع بالضبط الا الحاجة وصلت لين باب البيت

الشاطر اللي يقدر يوفر في المشتريات يتوكل على الله

صحيح الموقع يعطيك ضمان خمس سنوات مثل الشراء المحلي

والشراء الخارجي سهل .. فقط بطاقة إئتمانية و العنوان المحلي

واللي متخوف يتوكل على الله و يجرب يطلب شي بسيط لين مايتعلم الطريقة

[QaTaR_OnE]

فرق كبير وأكيد يصير في بعض البضائع

مرة جربت سئلت عن جكوزي مدمج مع شاور من ماركة جكوزي كان في قطر ب 35000 وفي دبي ب 42000 ويقولون آخر سعر دخلت المواقع اللي تبيعه طلعت فيه نوعيات ثانية وغالية وايد قلت خلني على المحلي أفضل

أكيد بعض القطع بتوفر فيها بس ممكن ببديل معين توفر أكثر وحلو الواحد يشتري من برا أو يطلب من برا بس يطلب شيء مضمون ومعروف ومعروف إن سعره مبالغ فيه هنا

صادق بوعبدالله

انا ذكرت ان قبل ماياخذ القطعه يقارن بين السعر المحلي وسعر الطلب من الخارج

مرات الفرق يطلع قريب من الضعف

يعني تاخذ قطعتين من الخارج بسعر قطعه من السوق المحلي

[معماري قطري]

صادق بوعبدالله

انا ذكرت ان قبل ماياخذ القطعه يقارن بين السعر المحلي وسعر الطلب من الخارج

مرات الفرق يطلع قريب من الضعف

يعني تاخذ قطعتين من الخارج بسعر قطعه من السوق المحلي

في الغالب وأوقات تحصل سعر مناسب محلي وممكن عرض خاص وممكن ما تسوى تطلب وتنتظر والقطعة عندك بفرقية سعر 5 أو 10% .. مغاسل منقشة الأمريكية نسيت اسمها دخلت موقع يبيعها وكانت تصاميم حلوة لكن غالية وكلهم يدعون انها نقش يدوي .. عند شبيب وعلي العطية حصلت قريبة منها وعطوني خصم زين طلعت أرخص ونفس الماركة ويمكن نقشتها أحسن والأحسن إنك تشوفها جدامك

عندك بعض القطع تحصلها في الموقع شكل وفي الطبيعة شكل وجودة تحس بها وتشوفها وصناعة موثوقة حتى قروهي فيه منه الألماني والتايلندي والصيني ووالله أعلم وين بعد .. خذت ألماني قديم شغال في بيتي في كل الحمامات من أفضل ما يكون للحين وخذت داميكسا البلجيكي شكل فوق الممتاز لكن اخترب رحت ابي قروهي من تدمر قال لي هذا ألماني ونوع صج غلطان ما خذته كان بسعر نسيته بس غالي والتايلندي بسعر أظن 500 ريال خذت التايلندي وصراحة غلطت خفيف وشكله فرق بعد الداميكسا

عاد الداميكسا كان ينقط ويحتاج تغيير مكينة داخلية تكلف 25 ريال ولا كنت أعرف وحطيت طريقة تبديلها السهلة في موضوعات اليوتيوب .. كان مذهب وشله البنقالي المطوع وفي عيونه أحس بأنه يحس إنه مغتنم غنيمة وقلت شسوي به وهو خربان حلال عليه وخذه وراح ومتأكد إنه يعرف شلون يصلحه ويرجع يبيعه

[معماري قطري]

معماري انا شريت هانزقروهي من برا وفرت فوق 35 الف ريال

شور عندنا ب 8 الاف ريال طلع على ب 5 الاف ونص برا

خلاط ب 600 ريال عندنا ب 950 ريال

غير باقي الاكسسوارات

اذا بتاخذ لحمام واحد مايسوى

بس اذا بيت كامل لا والله تسوى انك تاخذ من برا

واحد من الربع حب يتاجر وتعرف على تركي قال له باورد لك كونتينر كامل وعطاه لستة قطع بصورها ومواصفاتها .. وبغاني اشاركه لكن شفت القطع كلها ستوكات قديمة فيها ربلات والله أعلم صالحة أو منتهية وبعض الموديلات اللي فرار وعلى شكل + مقبضه النوع القديم 1900 وخشبة .. قليل كلش اللي يسوى .. وسعر القطع فوق 3 ملايين يقول خل نشتريها ونوزع على المشاريع .. قلت له من بيشتري منك هالموديلات جرب تسوقها قبل؟

صج اللي بيشتري حق بيته وبيعاين وبيتعب شوي بيوفر أو ممكن بيحصل شيء يسوى بس طول ما السوق متوفرة فيه البضاعة الشراء المحلي أسهل الا تكون قطع معروفة وما لها بديل وبالضبط نفس الشيء أكيد بتوفر فيها

[Azizuk]

واحد من الربع حب يتاجر وتعرف على تركي قال له باورد لك كونتينر كامل وعطاه لستة قطع بصورها ومواصفاتها .. وبغاني اشاركه لكن شفت القطع كلها ستوكات قديمة فيها ربلات والله أعلم صالحة أو منتهية وبعض الموديلات اللي فرار وعلى شكل + مقبضه النوع القديم 1900 وخشبة .. قليل كلش اللي يسوى .. وسعر القطع فوق 3 ملايين يقول خل نشتريها ونوزع على المشاريع .. قلت له من بيشتري منك هالموديلات جرب تسوقها قبل؟

صج اللي بيشتري حق بيته وبيعاين وبيتعب شوي بيوفر أو ممكن بيحصل شيء يسوى بس طول ما السوق متوفرة فيه البضاعة الشراء المحلي أسهل الا تكون قطع معروفة وما لها بديل وبالضبط نفس الشيء أكيد بتوفر فيها



اذا تمر محل العامودي عنده موديلات غروهي القديمة اللي تجي الوان اخضر واسود وحمر وردي وازرق واشكلها قديمة جدا ومازال يبيعها اقول حق احمد المصري مسؤولهم خلاص سوو عليها تصفيه يقول لا في ناس مركبه عندنا واذا شي خترب عندهم يشتري من عندنا

وسعر الخلاط على ألفين ريال مهب رخيص

وحاطهم داخل كبنت من زجاج يحافظ على الارث الالماني الاصلي انتيك


وكيل قروهي في قطر هم

العامودي

msk

والعاصمة

وتدمر
هانزقروهي عند المتحدة وبورسلنوسا فقط

ماركة هنزا عند سيار طريق سلوى فيترا

وماركة كلوديا وتوتو عند نابينا

وايديل ستناندرد عند كافود

وكهولر بطريق المطار بمعرض البورش سابقا وجنبه مفروشات ايفيل بس عنده خلاطات ومغاسل عجيبه

واغلى ماركة خلاطات وادوات صحية ماركة فاليري أند بوخ عند العامودي

ومن اغلى اغلى الخلاطات شفتها ماركة فرنسية ممكن توصل الخلاطات ب 50 الف ريال عند شبيب وعلي العطيه


طبعا معظم اهل قطر عارفه هالماركات وتم ذكرها في اكثر من موضوع بالمنتدى

ومازال السوق تتوفر فيه الماركات العالمية لم يتم ذكرها مثل لونفون السويسرية وماركات ايطالية ودول اخرى السوق غرقان مركات والاسعار غالية عندهم

بس ثق تمام ان الاسعار راح تنزل في الايام الجايه غصبن عن انف التجار

الاسواق العالمية في انهيار

[QaTaR_OnE]

واحد من الربع حب يتاجر وتعرف على تركي قال له باورد لك كونتينر كامل وعطاه لستة قطع بصورها ومواصفاتها .. وبغاني اشاركه لكن شفت القطع كلها ستوكات قديمة فيها ربلات والله أعلم صالحة أو منتهية وبعض الموديلات اللي فرار وعلى شكل + مقبضه النوع القديم 1900 وخشبة .. قليل كلش اللي يسوى .. وسعر القطع فوق 3 ملايين يقول خل نشتريها ونوزع على المشاريع .. قلت له من بيشتري منك هالموديلات جرب تسوقها قبل؟

صج اللي بيشتري حق بيته وبيعاين وبيتعب شوي بيوفر أو ممكن بيحصل شيء يسوى بس طول ما السوق متوفرة فيه البضاعة الشراء المحلي أسهل الا تكون قطع معروفة وما لها بديل وبالضبط نفس الشيء أكيد بتوفر فيها

السوق المحلي .. في كثير من الاحيان ما تلقى القطع اللي تبيها أو تكون شحيحه ومبالغ في سعرها

وبعض الموديلات ما تتوافر محلياً

مثل قطع الرداد اللي يتركب وانتو بكرامه في الصرف الصحي (تسمح بمرور الماء وتمنع دخول الحشرات والصراصير الى البيت)

بعض المحلات مايعرفونها ولا تلقاها في السوق المحلي

https://f.top4top.io/p_1638m8ztw1.jpg (https://top4top.io/)
https://g.top4top.io/p_1638jyrve2.jpg (https://top4top.io/)
https://h.top4top.io/p_1638ekemj3.jpg (https://top4top.io/)

بسهوله تلقاها بالطلب من الخارج وبسعر جيد

وبعض قطع الكهرباء والسكوتات
مثل شركة BG Electrical بعض الموديلات ماتلقاها محلياً وأسعارها جداً مناسبه للي بيطلب من الخارج

https://i.top4top.io/p_16385c3da4.jpg (https://top4top.io/)

وغير وغير .. طبعاً القصد من الموضوع هو للفائدة و البحث عن بدائل سهله وبنفس الجوده وبسعر ممتاز

[معماري قطري]

إذا تعرف شتشري أكيد تطلب من برا أفضل أقنعتوني