استفسار : تركيب الفوم

[QaTaR_OnE]

السلام عليكم ورحمة الله وبركاته



استفسار

اللي جرب وركب الفوم .. هل ينصح فيه ؟؟

وماهي مميزاته وعيوبه ؟؟ ومدى عزله للحراره ؟؟

والاسعار لفيلا مساحتها تقريباً 800 متر ( بدون الملاحق والسور)

[محلل واقعي]

شخصيا مانصح فيه الا اذا كان واجهه خارجيه للمنزل فقط واما بالنسبه للعزل والجوده ماينفع بصراحه اذا كان بيت العمر ، على المدى البعيد تطلع عيوبه ،، شركتين في الدوحه لهم فيه بس الضمان الي عندهم يشجع للشخص انه يجرب ولكن هل الشركتين فعليا راح يكوننن موجودين خلال عشرين سنه !!!

[معماري قطري]

عليكم السلام ورحمة الله وبركاته

الفوم مناسب ويعطي عزل قوي فيه له حسابات من مختبرات مختصة ولو ما يعزل ما ركبوه في تقريباً كل العالم .. الميزة الثانية رخص سعره وسهولة التعامل معاه .. وفيه أنواع حتى ضد الحريق ولا تشتعل حتى بموقد حرارته عالية

ولد عمي ركب له مقاول عادي وتوه يجرب الفوم ويمدح في شغله وقال لي امر اشوفه ما قدرت انزل في عز الظهر .. بيته كبير 1700 متر مربع ولا سئلته كم كلفه .. المقاول أول مرة يركب الفوم وتواصل مع شركة تركبه وعلموه وباعوه بعض المواد وركب هو بروحه .. ما ادري اذا فيه دزاين معين بس انا اشوف الفوم عملي للعزل ونسوي عليه طبقة بلاستر سميكة وصبغ زين وعازل للرطوبة واختراق المياه لأن أي مطر متلوث بالأحماض اللي في الجو يخلي الفوم يتآكل ويفقد وجوده وكل خواصه

في أمريكا من زمان يستعملونه للمباني الكبيرة وشفته بعيوني مستعمل لمجمع سكني كنت ساكنه وبالصدفة الحائط مضروب ومنكسر ويبين الفوم وبعد حاطين الأبيض الخفيف والرخيص والقابل للاشتعال السريع .. المجمع عمره حول 30 سنة وعزله وايد زين كان

[معماري قطري]

للرجوع للحسابات حطيتها في موضوع العزل الحراري الموجود في هذي الصفحة وهذا المنتدى

[QaTaR_OnE]

شخصيا مانصح فيه الا اذا كان واجهه خارجيه للمنزل فقط واما بالنسبه للعزل والجوده ماينفع بصراحه اذا كان بيت العمر ، على المدى البعيد تطلع عيوبه ،، شركتين في الدوحه لهم فيه بس الضمان الي عندهم يشجع للشخص انه يجرب ولكن هل الشركتين فعليا راح يكوننن موجودين خلال عشرين سنه !!!

شاكر لك مرورك .. هل النصيحه عن تجربه ؟
نعم بيكون للبيت من الخارج .. وعن العزل سمعت انه يتفوق عن الحجر بسبع مرات .. وكثير من البيوت اشوفها من مدة وماتغير شي فيها

[QaTaR_OnE]

عليكم السلام ورحمة الله وبركاته

الفوم مناسب ويعطي عزل قوي فيه له حسابات من مختبرات مختصة ولو ما يعزل ما ركبوه في تقريباً كل العالم .. الميزة الثانية رخص سعره وسهولة التعامل معاه .. وفيه أنواع حتى ضد الحريق ولا تشتعل حتى بموقد حرارته عالية

ولد عمي ركب له مقاول عادي وتوه يجرب الفوم ويمدح في شغله وقال لي امر اشوفه ما قدرت انزل في عز الظهر .. بيته كبير 1700 متر مربع ولا سئلته كم كلفه .. المقاول أول مرة يركب الفوم وتواصل مع شركة تركبه وعلموه وباعوه بعض المواد وركب هو بروحه .. ما ادري اذا فيه دزاين معين بس انا اشوف الفوم عملي للعزل ونسوي عليه طبقة بلاستر سميكة وصبغ زين وعازل للرطوبة واختراق المياه لأن أي مطر متلوث بالأحماض اللي في الجو يخلي الفوم يتآكل ويفقد وجوده وكل خواصه

في أمريكا من زمان يستعملونه للمباني الكبيرة وشفته بعيوني مستعمل لمجمع سكني كنت ساكنه وبالصدفة الحائط مضروب ومنكسر ويبين الفوم وبعد حاطين الأبيض الخفيف والرخيص والقابل للاشتعال السريع .. المجمع عمره حول 30 سنة وعزله وايد زين كان

مرحبا بوعبدالله

بصراحه احترت بينه وبين الحجر (بطريقة اللصق)
شفت الحجر وزنه بيكون ثقيل على البيت .. والسعر تقريباً مقارب لبعض
ففكرت اتجه للفوم .. خصوصاً اني اشوف بيوت واجد هالفتره مركبينه
وادور شي يكون عازل قوي و يفكني من سالفة الصبغ كل فترة

[qatar 86]

https://instagram.com/decolite.gct?igshid=4grnjcuwzct7

تواصل معاهم وخلهم يشرحون لك بالتفصيل

للأمانة ماجربتهم ولا أعرف للفوم

[معماري قطري]

مرحبا بوعبدالله

بصراحه احترت بينه وبين الحجر (بطريقة اللصق)
شفت الحجر وزنه بيكون ثقيل على البيت .. والسعر تقريباً مقارب لبعض
ففكرت اتجه للفوم .. خصوصاً اني اشوف بيوت واجد هالفتره مركبينه
وادور شي يكون عازل قوي و يفكني من سالفة الصبغ كل فترة

الفوم يصبغون فوق البلاستر اللي عليه ولا يفكك من الصبغ أما عن عازل عزله وايد يفرق عن عزل الحجر تقريباً 10أضعاف أو 20 لو تبي تشوف المقارنة بالأرقام موجودة في موضوع العزل الحراري ما اذكرها بالضبط بس كلها اختبارات مختبرات خاصة بهالمواضيع

[QaTaR_OnE]

https://instagram.com/decolite.gct?igshid=4grnjcuwzct7

تواصل معاهم وخلهم يشرحون لك بالتفصيل

للأمانة ماجربتهم ولا أعرف للفوم


تواصلت من اسبوع مع هالشركة وخذت عرض سعر منهم

بس مثل مانت عارف اي شركة بتسوي دعاية لمنتاجتها

شاكر لك مرورك

[QaTaR_OnE]

الفوم يصبغون فوق البلاستر اللي عليه ولا يفكك من الصبغ أما عن عازل عزله وايد يفرق عن عزل الحجر تقريباً 10أضعاف أو 20 لو تبي تشوف المقارنة بالأرقام موجودة في موضوع العزل الحراري ما اذكرها بالضبط بس كلها اختبارات مختبرات خاصة بهالمواضيع

صحيح بوعبدالله هذا اللي نسمعه ان عزله قوي ووزنه خفيف

اتمنى اللي جرب وركبه او يعرف حد جربه يعطينا تجربته ورايه

انتظر الاخوان اللي لهم تجربه مع الفوم

[بـومحمد]

تواصل مع شركة هالكو هي اقوى واقدم شركة في قطر تجتمع معاهم وبعدين تشوف العينات والاختبارات كله قدام عينك يسون لك الديزاين الي تبيه على صوره قبل لا تشتغل تشوف الشكل النهائي لبيتك انصحك سو واجهه البيت الاماكن المخفيه ماله داعي يكفيها بلاستر

[معماري قطري]

تواصل مع شركة هالكو هي اقوى واقدم شركة في قطر تجتمع معاهم وبعدين تشوف العينات والاختبارات كله قدام عينك يسون لك الديزاين الي تبيه على صوره قبل لا تشتغل تشوف الشكل النهائي لبيتك انصحك سو واجهه البيت الاماكن المخفيه ماله داعي يكفيها بلاستر

إذا للشو Show بس نصيحتك في محلها بس الأهم الجانب العملي واللي هو تخفيف وطأة الحرارة والبرودة على البيت وهيكله بالكامل .. ولهالسبب ممكن نسوي دزاين خفيف ونوازنه على كل الحوائط ونهتم بتغطية كل الواجهات لأن الحرارة تكون أوقات فوق 50 في الظل .. أذكرها مسجلة من مختبر في لوسيل 57 .. وتنتقل للداخل بشدة لو ما فيه عوازل حرارية كفاية .. والبرودة أوقات عندنا توصل 9 درجات وصحيح هي قليلة بس مزعجة والعزل ينفعنا وينفع الهيكل من التأثيرات الحرارية هذي

[معماري قطري]

صحيح بوعبدالله هذا اللي نسمعه ان عزله قوي ووزنه خفيف

اتمنى اللي جرب وركبه او يعرف حد جربه يعطينا تجربته ورايه

انتظر الاخوان اللي لهم تجربه مع الفوم

انا أعرف ناس جربوه ومن زمان وولد عمي ركبه في مجلس من حول 10 سنين وزود يمكن 15 ما اذكر .. تبغي تشوف المجلس حياك أي وقت يعجبك تقدر تدخل وتصور حتى وهو يرحب وحطيت صور في السابق لمجلسه وضربت بيدي على الحوائط الخارجية وسمعت شلون الصوت غير وكأن داخل فاضي .. مسوينه شركة هالكو ومسوين منه ديكورات داخلية بدل الجبس نقوش كبيرة .. كلف وايد بس تصميم متميز .. المجلس أول ما تدخل فريج الغانم الجديد ( عمره 55 سنة ويسمونه جديد ) تمشي شوي لين يجيك تقاطع تقدر تلف يسار بس بيكون هو يمينك أول ما تلف يسار وهو طابقين مجلس ومكتب فوق

[معماري قطري]

تبغي تشوف بيوت تنبني بنفس الطريقة الوجبة فيها كثير ويبنونها مقاولين غير هالكو خذوا الطريقة وتعلموها ويبنون منهم شركة نيو تاون بتشوف لافتتها هناك

[بـومحمد]

بس هالكو هم وكيل الماده اسمه على ما عتقد درفت من امريكا نصيحه لا تروح حق غيرهم لانه حاليا في شركات تركيه طالعه بس مب نفس مستوى هالكو لانه الشغل كله في طبقات العازل والحمايه اما الفوم فهو فوم عادي نفس فوم الثلاجات وسحاحير الخضره وهو ارخص شي في الشغل كله وللعلم ماتحتاج تسوي الطوفه بلاستر ولا تصبغ بوتمين وممكن تزور البيوت الي اشتغلوا معاهم

[معماري قطري]

بس هالكو هم وكيل الماده اسمه على ما عتقد درفت من امريكا نصيحه لا تروح حق غيرهم لانه حاليا في شركات تركيه طالعه بس مب نفس مستوى هالكو لانه الشغل كله في طبقات العازل والحمايه اما الفوم فهو فوم عادي نفس فوم الثلاجات وسحاحير الخضره وهو ارخص شي في الشغل كله وللعلم ماتحتاج تسوي الطوفه بلاستر ولا تصبغ بوتمين وممكن تزور البيوت الي اشتغلوا معاهم

يا اخوي الفوم ما فيه له وكيل وأنواعه وايد سو بحث بسيط عنه بتعرف حتى طريقة تصنيعه .. المواد المضافة هي اللي تسوي الفرق وهي اللي تعطي الفوم عدم القابلية للإشتعال وهذي أهم ميزة ولا تحتاج فحص معقد ولاعة واحرق وشوف .. الشيء المهم الثاني وهو طبقات التغطية والحماية عن الخارج وعوامل الجو وأهمها الأشعة فوق البنفسجية تنهي الفوم .. الشيء الثاني اللي يخلي الفوم يتلاشى المطر أول ما ينزل ويختلط بعوالق الجو من أحماض حتى لو كانت قليلة تأثيرها كبير وتجربة بسيطة برش رذاذ ليمون أو تيزاب ( هيدروكلوريك أسيد ) أو رشه بمواد التنظيف العادية نشوف تأثيراتها عليه وبنعرف النتيجة في ثواني

[بـومحمد]

يا اخوي الفوم ما فيه له وكيل وأنواعه وايد سو بحث بسيط عنه بتعرف حتى طريقة تصنيعه .. المواد المضافة هي اللي تسوي الفرق وهي اللي تعطي الفوم عدم القابلية للإشتعال وهذي أهم ميزة ولا تحتاج فحص معقد ولاعة واحرق وشوف .. الشيء المهم الثاني وهو طبقات التغطية والحماية عن الخارج وعوامل الجو وأهمها الأشعة فوق البنفسجية تنهي الفوم .. الشيء الثاني اللي يخلي الفوم يتلاشى المطر أول ما ينزل ويختلط بعوالق الجو من أحماض حتى لو كانت قليلة تأثيرها كبير وتجربة بسيطة برش رذاذ ليمون أو تيزاب ( هيدروكلوريك أسيد ) أو رشه بمواد التنظيف العادية نشوف تأثيراتها عليه وبنعرف النتيجة في ثواني
هذا الي قلته انه الفوم ارخص شي في الشغل هم وكيل مادة درفت او درفتي والعوازل والضمانات شركة هالكو هم افضل

[Azizuk]

يا اخوي الفوم ما فيه له وكيل وأنواعه وايد سو بحث بسيط عنه بتعرف حتى طريقة تصنيعه .. المواد المضافة هي اللي تسوي الفرق وهي اللي تعطي الفوم عدم القابلية للإشتعال وهذي أهم ميزة ولا تحتاج فحص معقد ولاعة واحرق وشوف .. الشيء المهم الثاني وهو طبقات التغطية والحماية عن الخارج وعوامل الجو وأهمها الأشعة فوق البنفسجية تنهي الفوم .. الشيء الثاني اللي يخلي الفوم يتلاشى المطر أول ما ينزل ويختلط بعوالق الجو من أحماض حتى لو كانت قليلة تأثيرها كبير وتجربة بسيطة برش رذاذ ليمون أو تيزاب ( هيدروكلوريك أسيد ) أو رشه بمواد التنظيف العادية نشوف تأثيراتها عليه وبنعرف النتيجة في ثواني

اي مثل فوم باص دكتور حمود شب الباص في ثواني واحترق

[معماري قطري]

اي مثل فوم باص دكتور حمود شب الباص في ثواني واحترق

واحد من الأهل قلت له وسوى تجربة عملية شب قطعة ولا مسكت النار فيها

[معماري قطري]

هذا الي قلته انه الفوم ارخص شي في الشغل هم وكيل مادة درفت او درفتي والعوازل والضمانات شركة هالكو هم افضل

الدراي فت Dry Fit يقصدون به التركيب الجاف وفيه براغي خاصة عملوها شركة سمت نفسها بدمج هذي الكلمتين .. والبراغي بلاستيك ولها راس عريض حتى يمسك اللوح .. لو تشوف موضوع اليوتيوب عارض فيه كم نموذج لآلية التركيب وكلها متقاربة .. حتى اللصق بلاصق قوي وهذا يعتبر تركيب رطب ممكن وسهل بعد

وكلامك صحيح المختصين الأوائل هالكو بس ألحين في السوق وايد غيرهم انا سمعت عن اثنين غيرهم

[Azizuk]

هذا معلومات فيديو بسيط عن طريقة تركيب ومايستخدم في الفوم

https://a.top4top.io/m_1646dbog70.mov

ماعرف اي شركة اللي قامة بتنفيذ العمل هذا شركة راحة المقاول لاكن الفوم ماعرف

[معماري قطري]

شغل نظيف يا بو سعود وهذا اللي قصدته بالدراي فت طريقة تركيب ومواد متشابهة تباع للكل مب وكيل وبراءة اختراع واحتكار وامتياز .. وما يغني عن الصبغ وما يكون مستحيل التعديل لو تضرر من الخارج بضربة ويمكن أكثر مواقع تكون ضعيفة الزوايا هذي تحتاج قطع ستيل لحمايتها أو بلاستيك ومهم تنعرف تفاصيلها قبل التركيب

[Azizuk]

شغل نظيف يا بو سعود وهذا اللي قصدته بالدراي فت طريقة تركيب ومواد متشابهة تباع للكل مب وكيل وبراءة اختراع واحتكار وامتياز .. وما يغني عن الصبغ وما يكون مستحيل التعديل لو تضرر من الخارج بضربة ويمكن أكثر مواقع تكون ضعيفة الزوايا هذي تحتاج قطع ستيل لحمايتها أو بلاستيك ومهم تنعرف تفاصيلها قبل التركيب

والله الشغله جدا بسيطه والمواد رخيصه لاكن التجار طماعين بزياده عن الازم

في مبالغه في الاسعار للاسف

مثل ماقلت احتكار

سعر الفلين جدا رخيص وتشكيل الفوم على حسب الديكور عمليه سهله جدا ومهب معقده

[معماري قطري]

والله الشغله جدا بسيطه والمواد رخيصه لاكن التجار طماعين بزياده عن الازم

في مبالغه في الاسعار للاسف

مثل ماقلت احتكار

سعر الفلين جدا رخيص وتشكيل الفوم على حسب الديكور عمليه سهله جدا ومهب معقده

شركات كثيرة قامت تسويها وقص وتشكيل الفوم بالسلك الصاخن أسهل شيء وأسرع شيء

[بـومحمد]

هذا الفيدو شغل شركة هالكو بس مقاول البنيان شركة راحه الموادالمستخدمه عندهم مواد امريكيه الصنع وهم وكيله الشركات الثانيه تستخدم مواد ثانيه انا موقع عقد معاهم وجتمعت معاهم اكثر من مره والفوم الابيض هذا رخيص ياخذونه من مصنع في الصناعيه فلين عادي مافي اي اضافات التركيب اول متر ونص من تحت يركبون شبك ومواد مقويه غير عن الامتار العلويه ماتحتاج للحمايه من الضربات

[بـومحمد]

بوعبدالله المشكله مب في الفوم ولا القص المشكله في العوازل وطبقات الحمايه والمواد المستخدمه والخبره
يعني ممكن تركب حق بيتك عازل من شركه ماصار لها سنتين في السوق او تركب من عند المسند او تدمر

[سعود.]

والله الشغله جدا بسيطه والمواد رخيصه لاكن التجار طماعين بزياده عن الازم

في مبالغه في الاسعار للاسف

مثل ماقلت احتكار

سعر الفلين جدا رخيص وتشكيل الفوم على حسب الديكور عمليه سهله جدا ومهب معقده


صدقت ابا سعود

اسعار ضعف التكلفة يمكن الف مره

[معماري قطري]

بوعبدالله المشكله مب في الفوم ولا القص المشكله في العوازل وطبقات الحمايه والمواد المستخدمه والخبره
يعني ممكن تركب حق بيتك عازل من شركه ماصار لها سنتين في السوق او تركب من عند المسند او تدمر

كلامك صحيح بالنسبة للعوازل المائية من المسند أو تدمر أول شيء لهم عمر في السوق ولهم معرفة وضماناتهم دوم محترفين فيها وفي اتمامها صح وبعدين السعر معروف يعني المبتديء واللي بيعلك ممكن ينزل 10% تحت سعرهم ما تسوى

أما الفوم تلبيس للجدران هذا يختلف والمواد كلها متوفرة ولو اللي بدوا فيه وايد غاليين وهو الواقع روح لمقاولك والا غير ممكن يسويه لك أرخص .. في الأُردن بشوفة عيوني شفت المصريين البسطاء يحطون ألواح الفوم قبل تركيب الحجر واستوى العزل الحراري شرط من شروط البناء عندهم والحجر ما يفيد في العزل فايدته تقريباً أقل من 10% من اللي نحصلها من الفوم حول 6% أو 7 نسيت بالضبط ولو ابي اطلع المعلومة لازم الجأ للجداول

ما اتكلم عن ديكورات وتقسيمات وكورنيشات مع إنهم ممكن يشترونها جاهزة ومن شركات مختصة وبرخيص ويبيعونها بغالي جداً جداً

[معماري قطري]

هذا الفيدو شغل شركة هالكو بس مقاول البنيان شركة راحه الموادالمستخدمه عندهم مواد امريكيه الصنع وهم وكيله الشركات الثانيه تستخدم مواد ثانيه انا موقع عقد معاهم وجتمعت معاهم اكثر من مره والفوم الابيض هذا رخيص ياخذونه من مصنع في الصناعيه فلين عادي مافي اي اضافات التركيب اول متر ونص من تحت يركبون شبك ومواد مقويه غير عن الامتار العلويه ماتحتاج للحمايه من الضربات

ولد عمي خذ فوم ثاني عندهم أغلى شوي وما تمسك فيه النار وجرب وشرى المواد ويركبها له مقاوله اللي هو شركة بعد لواحد ثاني من عيال عمي وعلى كلامه وفر وايد الابيض خذ قطعة وجرب سرعة اشتعالها بكبريت أو ولاعة وشوف شيصير

[QaTaR_OnE]

السلام عليكم

اليوم اتفقت مع شركة اسمها DECOLITE

مدة الضمان 20 سنة

هم اللي اشتغلوا في مول VENDOM لوسيل

https://l.top4top.io/p_1653akh171.jpg (https://top4top.io/)

وان شاء الله بيبدأ الشغل بعد 45 يوم

هذي عينة من الفوم مع الطبقات

https://j.top4top.io/p_16538e5nk1.jpg (https://top4top.io/)

وان شاء الله اضيف صور للمراحل

[معماري قطري]

ما تقصر يا قطر ون نبي تفاصيل أكثر عن سمك كل طبقة .. تبين لي الأُولى مثل السائلة وبدون حبيبات على الشبك وبعدها شوي أخشن وبعدها رملية مع الصبغة مخلوطة .. شغل زين والله يوفقك ولا تنسانا بالتفاصيل وانا محتاج أرقام التواصل لو ممكن

[QaTaR_OnE]

ما تقصر يا قطر ون نبي تفاصيل أكثر عن سمك كل طبقة .. تبين لي الأُولى مثل السائلة وبدون حبيبات على الشبك وبعدها شوي أخشن وبعدها رملية مع الصبغة مخلوطة .. شغل زين والله يوفقك ولا تنسانا بالتفاصيل وانا محتاج أرقام التواصل لو ممكن

ان شاء الله بوعبدالله برسل لك الرقم على الخاص

وعندي صورة للمواصفات والمقايس طرشها لي اللي ماسك المشروع

برسلها لك .. لاني ماعرفت فيها شي

ويعطيك العافيه

[محلل واقعي]

اخوي قطر ون الشركه الاولى الي ذكرتها اشتغلت على المول جزء بسيط منه والباقي شركه هالكو والشركتين بينهم منافسه بصراحه بس الاولى ارخص من حيث السعر

ومن العيوب الجدران تتشلخ بطريقه نفس شبكه العنكبوت مب خطوط ومعالجتها بطريقه خاصه ومافي ضمان على لكراكس

وتركيب المسامير في الحائط له مسامير خاصه عشان المسمار يتعدى طبقه الفلين

في اللتزام بعد مده مع الشركات هاذي بحيث انك مراح تتعامل مع غيرهم

سستم هالكو افضل من حيث التشققات واسئل استشاري في الموضوع يسوي لك اختبار

من ناحيتي الشخصيه انصح فيه للمجمعات او الديكور الخارجي فقط بديل للجي ار سي والحجر الطبيعي

اما منزل كامل ف مانصحك يالشيخ


تقبل مروري

[معماري قطري]

ان شاء الله بوعبدالله برسل لك الرقم على الخاص

وعندي صورة للمواصفات والمقايس طرشها لي اللي ماسك المشروع

برسلها لك .. لاني ماعرفت فيها شي

ويعطيك العافيه

ما قصرت شفتها ورديت عليك واسمح لي ارد هنا لفائدة الجميع

المواصفات كانت مسجلة لعينة غالب معلوماتها NP = Not Presented وهذي في رأيي ضرورية ولازم تنذكر .. ولو تجاوزناها وحدة تشرب الماء حول 2% من الحجم للعينة ووحدة قوة الضغط عند 10% من انكسار العينة أو نزول سمكها .. العزل الحراري مهم ومذكور 0.038 واط لكل متر كالفن

أهم فحص الكثافة مب مذكور ومعدل الاشتعال والمقاومة لأي مطر حمضي .. المطر الحمضي أول أوقات المطر ينزل المطر وتتعلق به شوائب من الدخان وعوادم السيارات وبقية السموم وعندنا وايد منها في قطر ومستويات تلوث عليا .. هذا لو تسرب للفوم ينهيه ولتجربته نقدر نجرب على قطعة صغيرة رذار عصير ليمون أو ماء مخلوط معاه ماء بطارية ونشوف شيصير

اللي كنت مهتم به هو مواصفات العينة اللي بتكون مركبة وطبقات الحماية عليها

في هالحالة انا اخاف وأوثق أكثر في سطح صلب مثل السيبوريكس بسمك 10 سم وفوقه برايمر زين عازل للمياه وفوقه طبقات صبغ حماية وعزل مثل جوتاشيلد .. وثاني شيء باخليه مغلف بنايلون سميك حتى لو اخترقه مسمار بتبقى أكثر مساحته غير معرضة للرطوبة .. أو باستخدم طابوق للتغطية والديكورات الثانية ممكن استخدم فوم غير مثل الكورنيشات وغيره لو صادها خلل وضعها أبسط من الفوم التغليف اللي ابيه للعزل الحراري

[بوجاسم_قطر]

السلام عليكم

هل يصير نركب الفوم حق الكرانيش والديكور حوالين الدرايش والباقي يكون حجر؟!

[معماري قطري]

السلام عليكم

هل يصير نركب الفوم حق الكرانيش والديكور حوالين الدرايش والباقي يكون حجر؟!

عليكم السلام ورحمة الله وبركاته

مقاول الحجر يشتغل في الغالب بالحجر وممكن شوية جي ار سي للنقوشات لكن لو فيه مقاول بينفذ بحجر وفوم ممكن ليش لا ما فيه شيء يمنع هندسياً

[ALJokar]

من فترة قبل العيد في عين خالد او منطقة ام سنيم شفت بيت مركب فوم
او حجر من بعيد مريت وشفته جاز لي صراحه يشبه المباني القديمة في اوروبا من ناحية لون والنقش جاي ممتاز فيه تحس انه فوم.
لونه الحجر نفس الطين فاتح المهم حصلت رقم الشركة وكلمتها فصدمني قالي هذا حجر صناعي
والصدمة الثانية السعر تعدى مليون ونص قيمة الحجر الصناعي الي مركبه صاحب البيت ع كلام الشركة المنفذة الا الان انا مش مصدق مع ان البيت مش كبير مايتعدى 1200.
الحجر هذا ع كلام موظف الشركة يقول عيبه كبر حجم القطع وتركيبة مكيانيك والحجر صناعه محليه للعلم بمواد خاصه لهم.

[بوجاسم_قطر]

مرحبا اخوي بوعبدالله

هو فعلا صح كلامك هندسيا مايمنع، بس انا ابي شركة متخصصة فوم وشركة متخصصة حجر. صعب تلاقي متخصصين في الاثنين. كلمت شركة ديكوراتي قالي ماسويناها من قبل بس عادي مافي شي يمنع. اول شي يركبون الفوم على الكرانيش عقب يجي مقاول الحجر يركب الحجر.
حتى احس فيها توفير في التكلفة من الحجر، وتقدر عقب تغير الكرانيش لانه الفوم سهل يتبدل عكس الحجر.

بس ألي لاحظته الفوم اي حد يقدر يشتغل فيه بس الفينيشنك الزين والجودة تحصلها في الشركات المتخصصة.

عليكم السلام ورحمة الله وبركاته

مقاول الحجر يشتغل في الغالب بالحجر وممكن شوية جي ار سي للنقوشات لكن لو فيه مقاول بينفذ بحجر وفوم ممكن ليش لا ما فيه شيء يمنع هندسياً

[بوجاسم_قطر]

من فترة قبل العيد في عين خالد او منطقة ام سنيم شفت بيت مركب فوم
او حجر من بعيد مريت وشفته جاز لي صراحه يشبه المباني القديمة في اوروبا من ناحية لون والنقش جاي ممتاز فيه تحس انه فوم.
لونه الحجر نفس الطين فاتح المهم حصلت رقم الشركة وكلمتها فصدمني قالي هذا حجر صناعي
والصدمة الثانية السعر تعدى مليون ونص قيمة الحجر الصناعي الي مركبه صاحب البيت ع كلام الشركة المنفذة الا الان انا مش مصدق مع ان البيت مش كبير مايتعدى 1200.
الحجر هذا ع كلام موظف الشركة يقول عيبه كبر حجم القطع وتركيبة مكيانيك والحجر صناعه محليه للعلم بمواد خاصه لهم.

واحد من الربع مركب حجر صناعي ابيض شزينه ماشاءالله وشكله فخم من بعيد، انا حسبته طبيعي الصراحة.
وسعر تقريبا نص تكلفة الحجر الطبيعي. بس يقولون انه الحجر الصناعي يخترب مع الوقت بس معقوله مع تطور البنيان ماحصلوا مواد تخلي الحجر الصناعي يعمر ولا يتغير لونه. ولا ذي كلام تجار الحجر الطبيعي عشان مايطيح سوقهم!!!
شوف البورسلان شلون تطور وصار قريب من الرخام ماتقدر تميز بينهم!! معقوله في الحجر الصناعي مافي جذي؟!

حتى احس الحجر الطبيعي مع الوقت لونه يتغير وتطلع فيه بقع.

[ALJokar]

انا الي ابي اوصل له من كلامي وابي احد يعقب على الس بقوله
هل يوصل قيمة الحجر الصناعي المبلغ هذا اكثر من مليون ونص
مع اني انا ماني عندي خبره بالحجر لكن الي اعرف اغلب الي ركبوا حجر طبيعي
انه كان غالي الي ركب فيهم مايوصل القيمة الى 900 الف لو فرضنا البيت كامل حجر من برى ومن داخل حجر.

[معماري قطري]

انا الي ابي اوصل له من كلامي وابي احد يعقب على الس بقوله
هل يوصل قيمة الحجر الصناعي المبلغ هذا اكثر من مليون ونص
مع اني انا ماني عندي خبره بالحجر لكن الي اعرف اغلب الي ركبوا حجر طبيعي
انه كان غالي الي ركب فيهم مايوصل القيمة الى 900 الف لو فرضنا البيت كامل حجر من برى ومن داخل حجر.

وايد وايد وأكيد اللي مسويه له قال له تؤبرني ومشت أُموره

مرة كنت ادور قطع صحية حصلت بانيو كبير دائري دخل مزاجي وسئلت عن سعره وهذا في 2004 قال لي المدير وأظنه المالك وهو لبناني شيبة هذا ب 75000 ريال قلت شفيه وشيميزه قال فيه موذر بيرل وهو طوق صبغة صدفية بس وقال هذا غالي وشغل يدوي وانا ما اجيب الا قطع مميزة .. يمكن غيري يشتريه .. ما ابالغ رحت عند شبيب وعلي العطية خذت 4 جكوزيات وشاور ستيم وكلها أرخص من البانيو ذيه .. لا وشفت بلاط فالنتينو فيه نقشة صدفية المتر ب 200 ريال وخذته وانا مغمض وحطيت الموذر بيرل اللي يقول عنها ( تؤبرني ) برخيص .. وبعد ما ابالغ بلاط المتر الواحد فيه هذي الصبغة الصدفية قد الحوض ذاك

[معماري قطري]

واحد من الربع مركب حجر صناعي ابيض شزينه ماشاءالله وشكله فخم من بعيد، انا حسبته طبيعي الصراحة.
وسعر تقريبا نص تكلفة الحجر الطبيعي. بس يقولون انه الحجر الصناعي يخترب مع الوقت بس معقوله مع تطور البنيان ماحصلوا مواد تخلي الحجر الصناعي يعمر ولا يتغير لونه. ولا ذي كلام تجار الحجر الطبيعي عشان مايطيح سوقهم!!!
شوف البورسلان شلون تطور وصار قريب من الرخام ماتقدر تميز بينهم!! معقوله في الحجر الصناعي مافي جذي؟!

حتى احس الحجر الطبيعي مع الوقت لونه يتغير وتطلع فيه بقع.

الصناعي إخوي حسب مصنعيته ومواصفاته بعضه ما يتغير كلش وقوي أقوى من الطبيعي يصنعونه بضغط عالي وحرارة والصبغة في الغالب تكون من ضمن الخلطة وتقدر تعرف لو خذت عينة وكسرتها

ومعاك الحجر الطبيعي يتغير لونه خصوصاً لو بيج ومب من بيئة قطر

[معماري قطري]

مرحبا اخوي بوعبدالله

هو فعلا صح كلامك هندسيا مايمنع، بس انا ابي شركة متخصصة فوم وشركة متخصصة حجر. صعب تلاقي متخصصين في الاثنين. كلمت شركة ديكوراتي قالي ماسويناها من قبل بس عادي مافي شي يمنع. اول شي يركبون الفوم على الكرانيش عقب يجي مقاول الحجر يركب الحجر.
حتى احس فيها توفير في التكلفة من الحجر، وتقدر عقب تغير الكرانيش لانه الفوم سهل يتبدل عكس الحجر.

بس ألي لاحظته الفوم اي حد يقدر يشتغل فيه بس الفينيشنك الزين والجودة تحصلها في الشركات المتخصصة.

المشكلة هذي الشركات تبي همجة وشغل كامل ولو قدرت توفق بين شركتين زين قلة اللي يتعاون مع غيره وهو يوفر لك اللي تبغي

[سعود.]

انا الي ابي اوصل له من كلامي وابي احد يعقب على الس بقوله
هل يوصل قيمة الحجر الصناعي المبلغ هذا اكثر من مليون ونص
مع اني انا ماني عندي خبره بالحجر لكن الي اعرف اغلب الي ركبوا حجر طبيعي
انه كان غالي الي ركب فيهم مايوصل القيمة الى 900 الف لو فرضنا البيت كامل حجر من برى ومن داخل حجر.

صايدين الناس

الحجر الصناعي عبارة عن اسمنت ويحطون معه كنكري لتقوية في قوالب

[سعود.]

وايد وايد وأكيد اللي مسويه له قال له تؤبرني ومشت أُموره

مرة كنت ادور قطع صحية حصلت بانيو كبير دائري دخل مزاجي وسئلت عن سعره وهذا في 2004 قال لي المدير وأظنه المالك وهو لبناني شيبة هذا ب 75000 ريال قلت شفيه وشيميزه قال فيه موذر بيرل وهو طوق صبغة صدفية بس وقال هذا غالي وشغل يدوي وانا ما اجيب الا قطع مميزة .. يمكن غيري يشتريه .. ما ابالغ رحت عند شبيب وعلي العطية خذت 4 جكوزيات وشاور ستيم وكلها أرخص من البانيو ذيه .. لا وشفت بلاط فالنتينو فيه نقشة صدفية المتر ب 200 ريال وخذته وانا مغمض وحطيت الموذر بيرل اللي يقول عنها ( تؤبرني ) برخيص .. وبعد ما ابالغ بلاط المتر الواحد فيه هذي الصبغة الصدفية قد الحوض ذاك

محل في طريق سلوى عنده بانيو سعره اكثر من 200 الف .
يقولك شنو لأنو مقصوص من جبل باليونان omen

[معماري قطري]

محل في طريق سلوى عنده بانيو سعره اكثر من 200 الف .
يقولك شنو لأنو مقصوص من جبل باليونان omen

الله باشتريه بيكون احساسي اني اتسبح في اليونان وبيرفع قيمة بيتي لو بغيت ابيع .. لتستغرب هذا تفكير البعض والا لين جات حرمة تنشد التميز وضغطت على ريلها .. دوم يا اخوي فيه بدائل وحتى طرق بديلة

فيه بيت قديم حجر مقابل السنتر طلع حق الشيخ غانم بن علي الله يحفظه .. هذا معمول بحجر قديم وبقطع صغيرة وأظن التركيب بمونة .. ما ادري الحجر طبيعي والا صناعي بس البيت له بين 40 - 50 سنة ومن أول بيوت المنطقة على الزاوية في تقاطع جبر بن أحمد .. غانم بن علي يملك غالب العقارات في هذي المنطقة شرق شارع سحيم بن حمد يعني زاويتين له وكان أولى تسمية التقاطع بإسمه لكن سموه بإسم الوالد جبر بن أحمد رحمة الله الظاهر في التسميات يبدون المتوفي على الحي وهذا شيء زين .. مع إن بيته كان جنوب غرب التقاطع هذا واللي سمي بتقاطع رمادا قبل