احتاج اثقف نفسي قبل لا ابدا

[S.T.Y.L.E]

السلام عليكم وعساكم على القوة

أول شي ما شاء الله انتوا مب مقصرين بالمواضيع هني ، يعطيكم العافية.
أنا على وشك البداية في بناء بيت ، واحتاج اثقف نفسي بالامور الاساسية والخطوات اللازمة والمراحل ..إلخ

النت مليان مواضيع لكن كل مكان كلام غير ، برايكم شتنصحون اللي كلش ماعندهم خبره مثلي ؟

[Azizuk]

الله يسلمك

الشباب ماراح يقصرون معاك بس لازم تحدد انت حاليا في اي مرحله

مرحلة التخطيط للبنيان البيت

او

انك الخرائط جاهزه وراح تبداء بنيان

عشان الشباب يعطونك نصايح على مرحلة الشغل اللي انت فيه حاليا

يعني تبيهم يساعدونك في تخطط الارض والبنيان والا في التشطيب الفيلا وضح انت في اي مرحله وشنو نوع النصح اللي محتاجة

[sara jsm]

وعليكم السلام

اخوي في مواضيع مثبته في هالقسم ..
رغم انها قديمة بس فيها وااااااايد نقاط تفيدك من بداية مرحلة الخرايط ..
واذا محتار في شي مب مقصرين معاك الاخوان باذن الله ..

الله يوفقك

[المخفي]

عليك بمقاطع المهندس عبدالغني الجند ممتازة و يعطيك المفيد في المقطع

[سعود.]

صراحة جاتك 3 ردود ممتازه

مازيد عليهم

[ولد المنصور]

اخوي الغالي ...
كلمني وابشر بعطيك واااااايد نقاط مهمه وسهله ولا تكلف ...

[ولد المنصور]

https://youtu.be/ue0wTR2yG-E

[معماري قطري]

أهم شيء في البناء التصميم ولازم يكون فيه تعديل نهائي وتطوير من قبل مختص أما معماري أو مصمم داخلي .. يحط في الاعتبار توزيع الأثاث وبقية النقاط الناقصة اللي الشخص العادي ما يلم بها وبعض الإستشاريين ما يزعجون نفسهم بها

ثاني شيء مهم هو خياراتك انت يالمالك ووزنك لتكلفة البيت ومعرفة ميزانيتك ومصادرك خلال سنتين الى 3 سنين فترة البناء حسب تعقيد بيتك .. لو تبي حجر تحمل العقليات الحجرية اللي بتشتغل معاها وتوقع تأخير ومشاكل وممكن قضية ودفعات زيادة .. لو تبي تكييف دكت سبلت حاول تخليه من ضمن التصميم الأساسي ونصيحتي حاول تقلل منه وخله لغرف النوم المهمة ولو تبغي للمجلس مب غلط لكن كل البيت مبالغة

ونصيحة أخيرة شوف المواضيع الموجودة مثل مراجعة التصاميم المعمارية وموضوع العقود .. ولا تغفل الاستشاري الناصح

[MAZEN37]

أهم شيء في البناء التصميم ولازم يكون فيه تعديل نهائي وتطوير من قبل مختص أما معماري أو مصمم داخلي .. يحط في الاعتبار توزيع الأثاث وبقية النقاط الناقصة اللي الشخص العادي ما يلم بها وبعض الإستشاريين ما يزعجون نفسهم بها

ثاني شيء مهم هو خياراتك انت يالمالك ووزنك لتكلفة البيت ومعرفة ميزانيتك ومصادرك خلال سنتين الى 3 سنين فترة البناء حسب تعقيد بيتك .. لو تبي حجر تحمل العقليات الحجرية اللي بتشتغل معاها وتوقع تأخير ومشاكل وممكن قضية ودفعات زيادة .. لو تبي تكييف دكت سبلت حاول تخليه من ضمن التصميم الأساسي ونصيحتي حاول تقلل منه وخله لغرف النوم المهمة ولو تبغي للمجلس مب غلط لكن كل البيت مبالغة

ونصيحة أخيرة شوف المواضيع الموجودة مثل مراجعة التصاميم المعمارية وموضوع العقود .. ولا تغفل الاستشاري الناصح

ماشاءلله عليك يابوعبدالله ( معلم )
معلم استاذ ورئيس قسم

[سالم الزهران]

خطط البيت على المساحة اللي تكفيك ولا تبالغ

الناس صارت تحول البيوت لاماكن عمل لذلك المساحة في الحوش تفيدك كحديقة او زراعة صغيرة وتسلية ولا تنسى تجربة كورونا جعلتنا محبوسين واللي عنده حوش وحديقة حلوة صار محسود.

البناء اليوم تطور فابتعد عن التقليد ولا تبالغ في الابتكار ايضاً

استثمر في عزل الاساسات بدل الصرف على قواعد واعمدة مبالغ فيها يمكن ما يحتاجها البيت وتعيق التصميم لاحقاً.

فيه بيوت كثيرة تصميمها حلو واثاثها اجمل (بعضها قصور ملكية) لكن بنيانها فيه مشاكل معمارية والله يشهد اتكلم من تجربة.

فربما تبني بيت وااو لكنه معمارياً فيه مشاكل .. فالبنيان السليم ياخذ وقت طويل والسرعة نتيجتها الاخطاء.

بناء صحيح على مساحة معقوله و تصميم ياخذ وقته و يندرس صح و تلتزم فيه وتجاهل اقتراحات بعض المتنطعين.

اعتقد سر نجاح البناء الفوري هو التفاهم مع المصمم او المقاول اللي يتقن هذا العمل، اما النجاح على المدى البعيد فهو يعتمد على هيكل البيت واساساته جيدة العزل والنجاح في الصبيات والبناء.


وفقك الله واعانك

[معماري قطري]

ماشاءلله عليك يابوعبدالله ( معلم )
معلم استاذ ورئيس قسم

حياك الله إخوي مازن انت من المتابعين القدامى لهذي المواضيع وانا أكيد استويت مقصر في الفترة الأخيرة وقل نشاطي كثير

[معماري قطري]

خطط البيت على المساحة اللي تكفيك ولا تبالغ

إخوي سالم إحنا تحكمنا عادات وتقاليد في الحياة ونحب عيالنا يكونون معانا وعيالنا في الغالب خلال 15 سنة من سكن بيت جديد يحتاجون يتزوجون .. اللي بنى بيت على قده صعب يبني دور فوق وتعقيدات التخطيط والموافقات وزيادة الحمل الكهربائي هذي كلها تخلي الواحد يفتر ويضعف وممكن يأجل زواج ولده أو يخليه يكتفي بغرفة صغيرة

انا دوم نصيحتي للجميع يبنون بنتهاوس مناسب كشقة كاملة لأحد العيال أو لإثنين لو أمكن .. بناء غرف ملابس كافية وتعتبر خاصة بباب ينقفل عن الخدم بدال الكبتات المفتوحة وهذي ما تكلف جدران وباب وتشطيبها يكون بسيط جداً وتساهم في تقليل سعر المتر المربع للبيت .. شفايدتي من غرفة 6 في 4 مثلاً وعندي إمكانية أعيد توزيعها أخلي 4 في 4 للنوم وجدام ممر مناسب وكاونتر أدراج أو كبت مدمج معاه مكان للتلفزيون لو محتاج له .. وآخذ طرف الغرفة 2 متر في 4 أسوي غرفة ملابس بباب صافي عرضها 1.8 أو 1.9 في حالة باسوي جدار 10 سم .. وممكن اسويه بارتشن اسمنت بورد أو خشب أو جبس ممكن حتى ينزل ل 5 سم أو 7 سم
ويزيد عندي العرض الصافي .. كبتات مفتوحة ما تاخذ مساحة كبيرة تحتاج قواطع بعرض 35 سم وتكون الملابس معلقة نصها بارز لسهولة الفرز والاختيار

الناس صارت تحول البيوت لاماكن عمل لذلك المساحة في الحوش تفيدك كحديقة او زراعة صغيرة وتسلية ولا تنسى تجربة كورونا جعلتنا محبوسين واللي عنده حوش وحديقة حلوة صار محسود.

الحديقة مهمة وتعتبر حشو جمالي .. أي منطقة فاضية عندك ازرعها بدون تأثير على الممرات المباني ابتعد عنها شوي وحط عوازل وحمايات .. أشوف الأمريكان فنانين بموضوع الكراج المغلق للسيارة وهذا متصل بالبيت وفي الغالب قريب منه دورة مياه صغيرة .. عملية للواحد وقت يجي محتاج لها بسرعة وقربها غرفة الغسيل للملابس يقطون ثيابهم وهم رايحين عملهم .. بعضهم يكبرون هذا الموقف المسقوف والمحمي من الخارج ويكون عندهم معاه ستور صغير مفتوح لعدة السيارات وسطح عمل للصيانة الخفيفة

البناء اليوم تطور فابتعد عن التقليد ولا تبالغ في الابتكار ايضاً

:nice:

استثمر في عزل الاساسات بدل الصرف على قواعد واعمدة مبالغ فيها يمكن ما يحتاجها البيت وتعيق التصميم لاحقاً.

يستثمر في جميع الاساسيات ومنها التصميم لأنه إبو الأساسيات وجزء من الاساسيات موضوع العزل والحماية وتصدق رول نايلون سميك يمكن يكلفك 30 ريال يعزل بيتك كله عزل اضافي للقواعد وحماية .. هذا المقاول وعماله يمنون عليك به ويجيبون رقيق كلش ينثقب وينشق بسهولة ( قشر بصل ) ليش؟ لسهولة التعامل معاه

فيه بيوت كثيرة تصميمها حلو واثاثها اجمل (بعضها قصور ملكية) لكن بنيانها فيه مشاكل معمارية والله يشهد اتكلم من تجربة.

فربما تبني بيت وااو لكنه معمارياً فيه مشاكل .. فالبنيان السليم ياخذ وقت طويل والسرعة نتيجتها الاخطاء.

بناء صحيح على مساحة معقوله و تصميم ياخذ وقته و يندرس صح و تلتزم فيه وتجاهل اقتراحات بعض المتنطعين.

اعتقد سر نجاح البناء الفوري هو التفاهم مع المصمم او المقاول اللي يتقن هذا العمل، اما النجاح على المدى البعيد فهو يعتمد على هيكل البيت واساساته جيدة العزل والنجاح في الصبيات والبناء.


وفقك الله واعانك

معليش نقاطك وايد وما قصرت ولازم اضيف عليها والنقاش ممتع وممكن أكون غلطان في بعض الأُمور حتى لو نسبياً

[سعود.]

حياك الله إخوي مازن انت من المتابعين القدامى لهذي المواضيع وانا أكيد استويت مقصر في الفترة الأخيرة وقل نشاطي كثير


انت مقصر !!!!!!

بالعكس انت الاساس لهذا القسم والمرجع للكل
الله يعطيك العافيه

[سالم الزهران]

معليش نقاطك وايد وما قصرت ولازم اضيف عليها والنقاش ممتع وممكن أكون غلطان في بعض الأُمور حتى لو نسبياً

الله يكرمك يبو عبدالله.. انت شيخ الكار والله يزيدك علم وصبر على خدمة الناس ويجعله في موازين حسناتك

[معماري قطري]

انت مقصر !!!!!!

بالعكس انت الاساس لهذا القسم والمرجع للكل
الله يعطيك العافيه

وين قبل يا اخوي اشتغل على كم موضوع وتحديث كل يوم

الله يعافيك ويعافي الجميع أكيد كلنا نشيل بعض ولو احتجت معلومة ما تقصرون معاي

[معماري قطري]

الله يكرمك يبو عبدالله.. انت شيخ الكار والله يزيدك علم وصبر على خدمة الناس ويجعله في موازين حسناتك

آمين واياكم أجمعين

تدري يا اخوي انت ذكرت نقاط مهمة .. البيت الأمريكي مثال فيه أُسس طيبة والكل يتبعها حسب طريقة العيش والحياة عندهم .. بيوتنا كذلك لكن قبل التكييف غير وألحين غير لازم تتطور وتتغير .. عندنا ضروري واجهة البيت يكون فيها المجلس العائلي أو خل نقول المجلس الرسمي ونسوي مثل الفصل بين المجلس وباقي البيت وهذا يعتبر عامل مزعج أحياناً ويخلي بيتنا مقسوم لكن دوم للمجلس حاجته

اللي عنده مساحة خارجية يقدر يسوي مجلس خارجي شيء زين ويستوي عنده مكان استرخاء واجتماع للرجال في خصوصية وبعيدين عن بقية البيت وتبقى للمجلس الداخلي خصوصيته أو حتى ممكن للي يبي يسوي صالة عائلية تحت في مقدمة البيت وفيه مدخل جانبي يقدر يدخل منه ويروح فوق لو عند هله حريم .. بهالحالة يكون استغل مقدمة البيت للضيوف ولأهل البيت لو ما فيه ضيوف .. الانتقال الرأسي أحسن شيء درج ومصعد مدمجين في بعض حتى يكون اقتصادي وعملي أو على الأقل قريبين من بعض حتى ما يضيع مساحة محور حركة وانتقال

أوقات يجيك المالك بينتقم من وضع معين .. أعرف شخص بيته صغير والله فتح عليه واستوى من أصحاب الملايين .. قال بيبني وصمم غرفته بس كانت 8 في 12 .. أسئله شبتسوي فيها قال ابيها مفتوحة قلت وايد كبيرة وما بتريحك قال باقسمها بعدين ومبين ما عنده خطة .. شخص ثاني مصور صورة وقايل للاستشاري ابي الواجهة نفسها والاستشاري شغله يرضيه .. مسوي حتى درايش دورات المياه للأرض وتورط في توزيع القطع داخل .. في النهاية بيتك بتسكنه ما بتبرزه للناس يشوفونه تبي راحتك وبنفس الوقت تبي شراحة والنور الطبيعي هو رمز الشراحة .. ضروري تسوي دريشة بكامل الارتفاع تطل على حديقة حتى لو صغيرة خلفية بس ما اسوي هالدريشة فوق تكشف البيت للناس .. بنفس الوقت ضروري اركز على درايش كفاية ونور طبيعي وفي رايي الأهم المناور السقفية لبعض الأماكن أو كل الأماكن عدا غرف النوم والمخازن .. حتى المطبخ لو قدرنا نسوي له منور سقفي بيطلع حلو

انفتاح المساحات على بعض شيء ضروري ويعطي شراحة وبنفس الوقت يسبب اختلاط الأصوات وشوية ازعاج لو هذي الأماكن قرب غرف النوم .. يعني لازم نوزنها

البعض يصر يعمل غرفة النوم جنبها غرفة جلوس خاصة به ويسويها كبيرة وبينه وبين صالة البيت فوق جدار لو يكسره يكون يبين حق عياله وبقية الأهل .. مب ضد هذي الخلوة بس لو محتدين نسويها صغيرة وممكن يكون خيارنا مكتب مدمجة معاه جلسة صغيرة وحتى المكتب يكون ملموم وفيه مكان لتخزين فواتيرنا وملفاتنا المهمة

بعضنا يبالغ في ممر عادي وياخذ من مساحة مجلس أو غرفة ويحطها في الممر والطامة الكبرى بعض الاستشاريين يصممون ممر ما له داعي من الأساس وياخذ حيز ومرت علي أمثلة لهذي الاختيارات

بعض الأشخاص يتعب ويندوش ولا يركز ولا يهتم لموضوع بيته ولا يتابع مع استشاري أو مثل حالتي ناس يقتنعون بالتعديلات اللي اقترحها بعدين يغيرون وتستوي لخبطة تأثر على أشياء ثانية ولا حتى يرجعون لي أو يمكن للاستشاري اللي صمم لهم

في الأخير الاستشاريين بشر وبعضهم للأسف عندنا مب مهندسين كلش وبعضهم مهندس كهربة يسوي شغل معماري وبعضهم رسام شاب .. صج خطير في برامج الكمبيوتر بس 1 أو 2 من 10 في التصميم ويسمونه الباش مهندز وتحصله شاب يعني لا خبرته في الرسم ومتابعة استشاريين ومهندسين ومعماريين كبار نفعته ولا تخصصه .. وهذي المكاتب تبين من ندخلها ونشوف الطاقم اللي فيها ولازم نسال عن المعماري ومساعدينه مثل مهندس الانشاء اللي يكون مدني ومهندس الكهرباء ومهندس الميكانيك .. أعمارهم وخبرتهم وبعدين نتابع مع المكتب ونسأل عن التفاصيل المالية